Author: News Desk

തിരുവനന്തപുരം: സംസ്ഥാനത്ത് ബസ് യാത്രാക്കൂലി വര്‍ധിപ്പിച്ചു. അഞ്ച് കിലോമീറ്ററിന് മിനിമം ചാര്‍ജ് എട്ട് രൂപയെന്നത് ഇനി മുതൽ 2.5 കിലോമീറ്ററിന് എട്ട് രൂപ എന്ന നിരക്കിലായിരിക്കും ചാര്‍ജ് ഈടാക്കുക. ഇനി മുതൽ അഞ്ച് കിലോമീറ്ററിന് 11 രൂപയായിരിക്കും നിരക്ക്. മി​നി​മം ചാ​ർ​ജ് ദൂ​ര​പ​രി​ധി ക​ഴി​ഞ്ഞു​ള്ള ഓ​രോ കി​ലോ​മീ​റ്റ​റി​നും 90 പൈ​സ ന​ൽ​കേ​ണ്ടി​വ​രും. കേരള മന്ത്രിസഭായോഗമാണ് ബസ് യാത്രാക്കൂലി വര്‍ധിപ്പിച്ച നടപടിയ്ക്ക് അംഗീകാരം നല്‍കിയത്.

സൗദി: ​ബൂഫിയയിൽ മാസ്​ക്​ ധരിക്കാതെ പുറത്തിറങ്ങിയ എറണാകുളം സ്വദേശി ക്ക്​ എട്ടുമണിക്കുർ തടവും 2500 റിയാൽ പിഴയും. ജോലിയുടെ ഭാഗമായി ദമ്മാമിൽനിന്ന് റിയാദിലെ ഉലയായിൽ ഒരിടത്ത്​ വണ്ടി നിർത്തി ബൂഫിയയിൽ നിന്ന്​ ചായയും സാൻറ്​വിച്ചും വാങ്ങാൻ ശ്രമിക്കുകയായിരുന്നു. അതുവരെ ധരിച്ചിരുന്ന മാസ്​ക്​ കാറിൽ ഊരി വെച്ചു.​ ​രേഖകളടങ്ങുന്ന പഴ്​സും വണ്ടിയിൽ സൂക്ഷിച്ചാണ്​ ഇദ്ദേഹം ബൂഫിയയിൽ​ എത്തിയത്​. അൽപസമയത്തിനുള്ളിൽ പൊലീസിന്റെ സ്​പെഷൽ സ്​ക്വാഡ്​ എത്തുകയും മാസ്​ക്​ ധരിക്കാത്തതി​​ന്റെ പേരിൽ ഇയാളെ പിടികൂടുകയുമായിരുന്നു.

വാഷിംഗ്ടണ്‍: കോറോണയുടെ വൃത്തികെട്ട മുഖം ലോകമെമ്പാടും വ്യാപിക്കുന്നത് കാണുമ്പോൾ, അമേരിക്കയ്‌ക്ക് സംഭവിച്ച വലിയ നാശനഷ്ടം സംഭവിച്ചതായും,അതുകൊണ്ടു തന്നെ ചൈനയോട് കൂടുതൽ ദേഷ്യപ്പെടുന്നുവെന്നും, ആളുകൾക്ക് ഇത് കാണാൻ കഴിയും, എനിക്ക് അത് അനുഭവിക്കാൻ കഴിയും ട്രംപ് ട്വീറ്റ് ചെയ്തു. അതേസമയം കൊറോണ വൈറസ് വ്യാപനത്തിന് ശേഷം അമേരിക്കയും ചൈനയും തമ്മിലുള്ള വ്യാപാരബന്ധത്തിലും വിള്ളല്‍ വീണിട്ടുണ്ട്. കഴിഞ്ഞ ദിവസം രണ്ട് ചൈനീസ് കമ്പനികള്‍ ദേശീയ സുരക്ഷയ്ക്ക് ഭീഷണിയാണെന്ന കാണിച്ച് അമേരിക്ക് വിലക്കേര്‍പ്പെടുത്തിയിരുന്നു. വൈറസ് വ്യാപനം തടയുന്നതില്‍ അമേരിക്ക പൂര്‍ണ്ണമായി വിജയിച്ചിട്ടില്ല. പ്രതിരോധ പ്രവര്‍ത്തനങ്ങളില്‍ ജനങ്ങളും ആരോഗ്യപ്രവര്‍ത്തകരും ഒന്നിച്ചു നില്‍ക്കണം. വൈറസിനെതിരെ പോരാടുന്നതില്‍ പരാജയപ്പെട്ടാല്‍ പ്രതിദിനം ഒരു ലക്ഷത്തിലധികം രോഗികള്‍ ഉണ്ടാകുമെന്നും അദ്ദേഹം മുന്നറിയിപ്പ് നല്‍കി.

മനാമ: ബഹ്‌റൈനിൽ കോവിഡ് ബാധിച്ച് ഒരാൾ കൂടി മരണപ്പെട്ടു. ഇതോടെ ബഹറിനിലെ മരണം 87 ആയി. 60 വയസ്സുള്ള വിദേശിയാണ് മരണപ്പെട്ടത്. ആരോഗ്യ മന്ത്രാലയം അവരുടെ കുടുംബത്തിന് ആദരാഞ്ജലികൾ അറിയിച്ചു.

ന്യൂഡൽഹി: രാജ്യത്തെ പാവപ്പെട്ട 80 കോടി പേർക്ക് വരുന്ന അഞ്ചു മാസത്തേയ്ക്ക് സൗജന്യമായി ഭക്ഷ്യധാന്യങ്ങൾ നൽകുമെന്ന് പ്രധാനമന്ത്രി നരേന്ദ്ര മോദി. പ്രധാനമന്ത്രി ഗരീബ് കല്യാൺ അന്ന യോജനയുടെ കാലാവധി നവംബർ അവസാനം വരെ ദീർഘിപ്പിക്കാൻ തീരുമാനിച്ചതായി പ്രധാനമന്ത്രി വ്യക്തമാക്കി. ഇത് പ്രകാരം അഞ്ച് കിലോ അരി, ഒരു കിലോ പരിപ്പ് എന്നിവ സൗജന്യമായി ലഭിക്കുന്ന പദ്ധതിയാണ് ദീർഘിപ്പിച്ചത്. 90,000 കോടിയാണ് ഇതിനായി സര്‍ക്കാരിന് ചിലവ് വരുന്നത്. ഗരീബ് കല്യാണ്‍ യോജനയുടെ കീഴില്‍ 1.75 ലക്ഷം കോടി രൂപയുടെ പാക്കേജ് ആണ് കേന്ദ്ര സര്‍ക്കാര്‍ പ്രഖ്യാപിച്ചത്. കഴിഞ്ഞ മൂന്ന് മാസത്തിനിടെ 31,0000 കോടി രൂപ 20 കോടി പാവപ്പെട്ടവരുടെ ബങ്ക് അക്കൗണ്ടുകളില്‍ നിക്ഷേപിച്ചു. ഇതിന് പുറമേ കര്‍ഷകര്‍ക്ക് സഹായമായി ഇതുവരെ 18,000 കോടി രൂപയും സര്‍ക്കാര്‍ നല്‍കി.

തിരുവനന്തപുരം: സംസ്ഥാനത്ത് ഇന്ന് 131 പേര്‍ക്ക് കോവിഡ്-19 സ്ഥിരീകരിച്ചു. മലപ്പുറം ജില്ലയില്‍ 32 പേര്‍ക്കും, കണ്ണൂര്‍ ജില്ലയില്‍ 26 പേര്‍ക്കും കോവിഡ് ബാധയുണ്ടായി. പാലക്കാട് ജില്ലയില്‍ 17 പേര്‍ക്കും, കൊല്ലം ജില്ലയില്‍ 12 പേര്‍ക്കും, എറണാകുളം ജില്ലയില്‍ 10 പേര്‍ക്കും, ആലപ്പുഴ ജില്ലയില്‍ 9 പേര്‍ക്കും, കാസര്‍ഗോഡ് ജില്ലയില്‍ 8 പേര്‍ക്കും, തിരുവനന്തപുരം ജില്ലയില്‍ 5 പേര്‍ക്കും (ഒരാള്‍ മരണമടഞ്ഞു), തൃശൂര്‍, കോഴിക്കോട് ജില്ലകളില്‍ 4 പേര്‍ക്ക് വീതവും, കോട്ടയം ജില്ലയില്‍ 3 പേര്‍ക്കും, പത്തനംതിട്ട ജില്ലയില്‍ ഒരാള്‍ക്കുമാണ് ഇന്ന് രോഗബാധ സ്ഥിരീകരിച്ചത്. ഇന്ന് രോഗം സ്ഥിരീകരിച്ചവരില്‍ 65 പേര്‍ വിദേശ രാജ്യങ്ങളില്‍ നിന്നും 46 പേര്‍ മറ്റ് സംസ്ഥാനങ്ങളില്‍ നിന്നും വന്നതാണ്. കൂടാതെ 9 സി.ഐ.എസ്.എഫുകാര്‍ക്കും രോഗം ബാധിച്ചു. 10 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. രോഗം സ്ഥിരീകരിച്ച് ചികിത്സയിലായിരുന്ന 75 പേരുടെ പരിശോധനാഫലം നെഗറ്റീവ് ആയി. ഇതോടെ 2,112 പേരാണ് രോഗം സ്ഥിരീകരിച്ച് ചികിത്സയിലുള്ളത്. 2,304 പേര്‍ ഇതുവരെ…

മുംബൈ: ബോളിവുഡ് താരം ആമിർ ഖാന്റെ ജീവനക്കാർക്ക് കോവിഡ് 19 സ്ഥിരീകരിച്ചു. തന്‍റെ സ്റ്റാഫ് അംഗങ്ങൾക്ക് കോവിഡ് സ്ഥീരീകരിച്ച കാര്യം സോഷ്യൽ മീഡിയ അക്കൗണ്ട് വഴി പുറത്തുവിട്ട പ്രസ്താവനയിലാണ് ആമിർ അറിയിച്ചത്. വളരെ പെട്ടെന്ന് തന്നെ അവരെ ക്വറന്‍റീന്‍ ചെയ്യുകയും ബിഎംസി അധികൃതർ ദ്രുതനടപടികൾ സ്വീകരിച്ച് ആരോഗ്യകേന്ദ്രങ്ങളിലേക്ക് മാറ്റുകയും ചെയ്തു. താനും കുടുംബവും കോവിഡ് പരിശോധന നടത്തിയെന്നും ഫലം നെഗറ്റീവ് ആയിരുന്നുവെന്നും താരം അറിയിച്ചു.

ചൈന: കോവിഡിന് പിന്നാലെ ചൈനയിൽ പുതിയ വൈറസ് റിപ്പോർട്ട് ചെയ്തു. പന്നികളിലാണ് പുതിയ വൈറസ് കണ്ടെത്തിയിരിക്കുന്നത്. ലോകാരോഗ്യ സംഘടനാ ഇത് സ്‌ഥിരീകരിച്ചിട്ടില്ല എങ്കിലും ഈ വൈറസ് മനുഷ്യരിലേക്ക് പകരുന്നതിന് സാധ്യത കൂടുതലാണെന്നു ചൈന മുന്നറിയിപ്പ് നൽകുന്നു. പന്നികളിൽ നിന്ന് മനുഷ്യരിലേക്കു പകരുന്ന വൈറസ് പിന്നീട് മനുഷ്യരിൽ നിന്ന് മനുഷ്യരിലേക്കു പെട്ടെന്ന് തന്നെ പകരുകയും മുൻകരുതൽ ഇല്ലെങ്കിൽ അത് ലോകമാകെ പടരുകയും ചെയ്യുമെന്നും ചൈന മുന്നറിയിപ്പ് നൽകുന്നു. ചൈനയിലെ സൈന്റിസ്റ്റുകളാണ് ഈ വിവരം ലോകത്തെ അറിയിച്ചിരിക്കുന്നത്. ജാഗ്രത പാലിക്കണമെന്ന് ആരോഗ്യ വിദഗ്ധരും മുന്നറിയിപ്പ് നൽകുന്നുണ്ട്.

തിരുവനന്തപുരം : സംസ്ഥാനത്തെ എസ്എസ്എൽസി ഫലം പ്രഖ്യാപിച്ചു. 98.82 ശതമാനമാണ് ഇത്തവണത്തെ വിജയം. 41906 പേർക്ക് എല്ലാറ്റിലും എ പ്ലസ് ലഭിച്ചു. വിജയ ശതമാനം ഏറ്റവും കൂടുതൽ പത്തനംതിട്ടയിലും കുറവ് വയനാട് ജില്ലയിലുമാണ്. നൂറു ശതമാനം വിജയം നേടിയത് 1837 സ്കൂളുകളാണ്. 637 സർക്കാർ സ്കൂളുകളുകളും 796 എയ്ഡഡ് സ്കൂളുകളും 404 അൺഎയ്ഡഡ് സ്കൂളുകളുമാണ് നൂറു ശതമാനം വിജയം നേടി. ജൂലൈ രണ്ട് മുതൽ പുനർ മൂല്യ നിർണ്ണയത്തിന് അപേക്ഷിക്കാം. സേ പരീക്ഷാ തിയതി പിന്നീട് പ്രഖ്യാപിക്കും.

മനാമ: ഇന്ന് ബഹറിനിൽ രണ്ടുപേരുടെ മരണം രേഖപ്പെടുത്തി. 34 വയസുള്ള സ്വദേശി വനിതയും 57 വയസുള്ള വിദേശിയുമാണ് മരണപ്പെട്ടത്. ഇതോടെ കോവിഡ് മൂലം ബഹറിനിൽ മരണപ്പെട്ടവരുടെ ആകെ എണ്ണം 86 ആയി ഉയർന്നു. മരിച്ചവരുടെ കുടുംബങ്ങൾക്ക് ബഹ്‌റൈൻ ആരോഗ്യ മന്ത്രാലയം അനുശോചനം അറിയിച്ചു.