Author: News Desk

മോദി സർക്കാർ ലഹരിക്കെതിരെ മറ്റൊരു ശക്തമായ നടപടി സ്വീകരിച്ചതായി കേന്ദ്ര ആഭ്യന്തരമന്ത്രി അമിത് ഷാ. ‘ഓപ്പറേഷൻ ട്രൈഡന്റ്’ എന്ന പേരിൽ ഒക്ടോബർ 23-ന് അസം, മിസോറം, മണിപ്പൂർ സംസ്ഥാനങ്ങളിലെ 38 കേന്ദ്രങ്ങളിൽ വിവിധ ഏജൻസികൾ ഒരേസമയം റെയ്ഡ് നടത്തിയെന്നും അന്താരാഷ്ട്ര ലഹരിക്കടത്ത് ശൃംഖലയെ തകർത്തുവെന്നും അദ്ദേഹം അറിയിച്ചു. റെയ്ഡിൽ 100 കോടി രൂപയുടെ ഹവാല ഇടപാടുകൾ കണ്ടെത്തി. 1,424 ബാങ്ക് അക്കൗണ്ടുകൾ മരവിപ്പിക്കുകയും 17.82 കോടി രൂപയുടെ സ്വത്തുക്കൾ കണ്ടുകെട്ടുകയും ചെയ്തു. 500 ഡിറ്റണേറ്ററുകളും 12 ലക്ഷം രൂപയും പിടിച്ചെടുത്തു. കേസുമായി ബന്ധപ്പെട്ട് 18 പേരെ അറസ്റ്റ് ചെയ്തതായും അമിത് ഷാ പറഞ്ഞു. ഇന്ത്യ, മ്യാൻമർ, ബംഗ്ലാദേശ് എന്നിവിടങ്ങളിലെ അതിർത്തികൾ കടന്നുള്ള ‘ഡെത്ത് ട്രയാംഗിൾ കോറിഡോർ’ വഴിയാണ് ശൃംഖല ലഹരിവസ്തുക്കൾ കടത്തിയിരുന്നതെന്ന് അദ്ദേഹം വ്യക്തമാക്കി. 2029 ഡിസംബർ 31-നകം രാജ്യത്തെ ലഹരിശൃംഖലകൾ തുടച്ചുനീക്കാനുള്ള ഇന്ത്യയുടെ ദൃഢനിശ്ചയമാണ് നടപടിയിലൂടെ വ്യക്തമാകുന്നതെന്നും ലഹരിമാഫിയയ്‌ക്കെതിരെ ശക്തമായ നടപടി തുടരുമെന്നും അമിത് ഷാ പറഞ്ഞു. ഓപ്പറേഷനിൽ പങ്കെടുത്ത…

ഇറ്റാനഗർ: അരുണാചൽ പ്രദേശിൽ നിർദിഷ്ട 11,200 മെഗാവാട്ട് സിയാങ് അപ്പർ മൾട്ടിപർപ്പസ് വൈദ്യുത പദ്ധതിക്കെതിരായ പ്രതിഷേധം അക്രമാസക്തമായി. ഈസ്റ്റ് സിയാങ് ജില്ലയിലെ പാസിഘട്ടിൽ ബിജെപി സംസ്ഥാന അധ്യക്ഷന്റെയും രണ്ട് എംഎൽഎമാരുടെയും വീടുകൾ തകർത്തു കൊള്ളയടിച്ചു. ദേശീയ ജലവൈദ്യുത കോർപ്പറേഷന്റെ (എൻഎച്ച്പിസി) ഓഫീസിനും പൊലീസ് സ്റ്റേഷനും പ്രതിഷേധക്കാർ തീയിട്ടു. വെള്ളിയാഴ്ച രാത്രി ആരംഭിച്ച അക്രമത്തിൽ കല്ലേറേറ്റ് 40-ലധികം പൊലീസ് ഉദ്യോഗസ്ഥർക്കും കേന്ദ്രസേനാംഗങ്ങൾക്കും പരിക്കേറ്റു. തലയ്ക്ക് ഗുരുതരമായി പരിക്കേറ്റ ഡിവൈഎസ്പിയെ ദിബ്രുഗഢിലെ ആശുപത്രിയിലേക്ക് മാറ്റി. പരിക്കേറ്റ ഉദ്യോഗസ്ഥരെ പ്രവേശിപ്പിച്ച ആശുപത്രിക്ക് നേരെയും കല്ലേറുണ്ടായി. ടിയർ ഗ്യാസ് ഷെൽ പതിച്ച് ഒരു പ്രതിഷേധക്കാരനും പരിക്കേറ്റിട്ടുണ്ട്. സ്ഥിതിഗതികൾ വഷളായതിനെ തുടർന്ന് പാസിഘട്ട്, മേബോ, റുക്സിൻ മേഖലകളിൽ ജില്ലാ ഭരണകൂടം നിരോധനാജ്ഞ ഏർപ്പെടുത്തി. ‘ആദി ബാനെ കെബാങ് യുണൈറ്റഡ്’ ഉൾപ്പെടെയുള്ള സംഘടനകൾ പ്രഖ്യാപിച്ച 12 മണിക്കൂർ ബന്ദ് അവസാനിച്ചതിനു പിന്നാലെയാണ് ഒരു സംഘം യുവാക്കൾ പാസിഘട്ട്–ബോലെങ് ദേശീയപാത ഉപരോധിച്ച് അനിശ്ചിതകാല ധർണ തുടങ്ങിയത്. രാത്രിയോടെ പ്രതിഷേധം അക്രമത്തിലേക്ക് വഴിമാറുകയായിരുന്നു.…

മനാമ: പ്രമുഖ വ്യവസായിയും ചലച്ചിത്ര നിർമാതാവും സാമൂഹിക പ്രവർത്തകനുമായ ഗോകുലം ഗോപാലന് ഓറ ആർട്സ് സെന്ററിൽ സ്വീകരണം നൽകി. കഠിനാധ്വാനവും ദീർഘവീക്ഷണവും കൊണ്ട് ഇന്ത്യയിലെ പ്രമുഖ ബിസിനസ് സംരംഭങ്ങൾ കെട്ടിപ്പടുത്ത വ്യക്തിയാണ് ഗോകുലം ഗോപാലൻ. ഓറ ആർട്സ് ചെയർമാൻ മനോജ് മയ്യന്നൂരിന്റെ നേതൃത്വത്തിൽ ഡയറക്ടർമാരായ വൈഷ്ണവ് ദത്ത്, വൈഭവ് ദത്ത്, സ്മിത മയ്യന്നൂർ, ഇർഫാൻ അമീർ, അലീന, സൂരജ് പട്ടേൽ, പുനീത് കുമാർ എം., അനഘ, ശ്രീയഷ്ന, അർജുൻ ഭാസ്കർ, ഷിബിൻ, മുഹമ്മദ് സയ്ദ്, സ്മിതേഷ് പി. എന്നിവർ ചേർന്ന് അദ്ദേഹത്തെ സ്വീകരിച്ചു. ഈ.വി. രാജീവൻ, ജേക്കബ് തേക്കുതോട്, ആർ. പവിത്രൻ, എൻ.പി. അഷ്റഫ്, എം.സി. പവിത്രൻ, ശശിധരൻ, ചന്ദ്രബോസ്, കൃഷ്ണകുമാർ, അജിത്കുമാർ കണ്ണൂർ, എം.എം. ബാബു എന്നിവർ ആശംസകൾ നേർന്നു.

മനാമ : ഓണം മലയാളിയുടെ ഒരു ആഘോഷം മാത്രമല്ല, അത് സംസ്ക്കാരത്തിന്റെയും, സാഹോദര്യത്തിന്റെയും സമത്വ ബോധത്തിന്റെയും, മാനവീകതയുടെയും മഹത്തായ അടയാളമാണ് എന്ന് കൊടിക്കുന്നിൽ സുരേഷ് എം പി അഭിപ്രായപെട്ടു. ബഹ്‌റൈൻ ഒഐസിസി യുടെ ആഭിമുഖ്യത്തിൽ അധാരി ഗാർഡനിൽ വച്ച് നടത്തിയ ഓണാഘോഷം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. മഹാബലിയുടെ ഓർമ്മകളിലൂടെ നാം ആഘോഷിക്കുന്ന ഓണം, മനുഷ്യർക്കിടയിൽ വേർതിരിവുകൾ ഇല്ലത്ത, എല്ലാവർക്കും തുല്യ നീതിയും, സന്തോഷവും ലഭിക്കുന്ന ഒരു സമൂഹത്തെ കുറിച്ചുള്ള സ്വപ്നമാണ് മുന്നോട്ട് നയിക്കുന്നത്. ജാതിയുടെയും, മതത്തിന്റെയും, സമ്പത്തിന്റെയും, അധികാരത്തിന്റെയും പേരിൽ മനുഷ്യർ വേർതിരിക്കപ്പെടാത്ത ഒരു ലോകമാണ് ഓണം നമുക്ക് നൽകുന്ന സന്ദേശം. ഇന്ന് ലോകം പല തരത്തിൽ ഉള്ള സംഘർഷങ്ങളും, അസഹിഷ്ണുതയും, സാമൂഹിക വിഭജനങ്ങളും നേരിടുമ്പോൾ ഓണത്തിന്റെ ഈ സന്ദേശത്തിന് കൂടുതൽ പ്രസക്തിയുണ്ട് എന്നും കൊടിക്കുന്നിൽ സുരേഷ് എം പി അഭിപ്രായപെട്ടു. കേരളത്തിന്റെ വളർച്ചയുടെ ചരിത്രം എഴുതുമ്പോൾ പ്രവാസി മലയാളികളുടെ സംഭാവനകൾക്ക് ഒരിക്കലും മാറ്റിനിർത്താനാവാത്ത സ്ഥാനമുണ്ട്. സ്വന്തം കുടുംബത്തിന്റെ ഭാവിക്ക്…

തിരുവനന്തപുരം: കേരള പബ്ലിക് സർവീസ് കമ്മീഷൻ ചെയർമാൻ ഡോ. എം.ആർ. ബൈജുവിനെയും കമ്മീഷനിലെ മുഴുവൻ അംഗങ്ങളെയും സ്ഥാനത്തുനിന്ന് നീക്കണമെന്ന് ഗവർണർ രാജേന്ദ്ര ആർലേക്കർ രാഷ്ട്രപതി ദ്രൗപദി മുർമുവിനോട് ശുപാർശ ചെയ്തു. സ്ഥാനമൊഴിയുന്നതിന് ഒരാഴ്ച മുമ്പാണ് ഗവർണർ തന്റെ സവിശേഷ അധികാരം ഉപയോഗിച്ച് ശുപാർശ സമർപ്പിച്ചതെന്നാണ് റിപ്പോർട്ട്. പിഎസ്‌സി ചെയർമാനെതിരെ ഇത്തരമൊരു ശുപാർശ നൽകുന്നത് സംസ്ഥാന ചരിത്രത്തിൽ ആദ്യമായാണ്. പിഎസ്‌സി പരീക്ഷാക്രമക്കേടുകളുമായി ബന്ധപ്പെട്ട് ലഭിച്ച വിവിധ പരാതികളുടെ അടിസ്ഥാനത്തിലാണ് നടപടി. പരീക്ഷാക്രമക്കേടുകളിൽ ഗുരുതരമായ കണ്ടെത്തലുകളുണ്ടെന്ന് രാഷ്ട്രപതിക്ക് നൽകിയ റിപ്പോർട്ടിൽ ഗവർണർ ചൂണ്ടിക്കാട്ടിയിട്ടുണ്ട്. പരാതികളുടെ അടിസ്ഥാനത്തിൽ പിഎസ്‌സി സെക്രട്ടറിയെ ലോക്‌ഭവനിലേക്ക് വിളിച്ചുവരുത്തി ഗവർണർ നേരത്തേ വിശദീകരണം തേടിയിരുന്നു. ആസൂത്രണ ബോർഡ് പരീക്ഷയിലേതുൾപ്പെടെയുള്ള ക്രമക്കേടുകളുമായി ബന്ധപ്പെട്ട് സർക്കാർ ക്രൈംബ്രാഞ്ച് അന്വേഷണം പ്രഖ്യാപിച്ചു. എന്നാൽ ചോദ്യം ചെയ്യലിന് ഹാജരാകണമെന്ന ക്രൈംബ്രാഞ്ചിന്റെ നിർദേശം പിഎസ്‌സി ചെയർമാനും അംഗങ്ങളും നിരസിച്ചതായും റിപ്പോർട്ടിൽ പറയുന്നു.

പത്തനംതിട്ട: ശബരിമലയിലേക്കുള്ള മിൽമ നെയ്യ് മറിച്ചുവിറ്റെന്ന കേസിൽ ട്രാൻസ്‌പോർട്ട് കരാറുകാരൻ എസ്.എസ്. ബിനുവിനെ അറസ്റ്റ് ചെയ്തു. കേസിലെ ആദ്യ അറസ്റ്റാണിത്. ഹൈക്കോടതി ഉത്തരവിനെ തുടർന്ന് രൂപീകരിച്ച പ്രത്യേക അന്വേഷണ സംഘമാണ് ബിനുവിനെ അറസ്റ്റ് ചെയ്തത്. സന്നിധാനത്തേക്ക് അയച്ച മിൽമ നെയ്യ് വഴിമധ്യേ മറിച്ചുവിറ്റ്, പകരം വിലകുറഞ്ഞ നെയ്യ് എത്തിച്ചെന്നാണ് അന്വേഷണ സംഘത്തിന്റെ കണ്ടെത്തൽ. തമിഴ്‌നാട്ടിലെ ശ്രീ വെങ്കിടേശ്വര ട്രേഡേഴ്‌സ്, ലിയോ ട്രേഡേഴ്‌സ് എന്നീ സ്ഥാപനങ്ങൾക്ക് മിൽമ നെയ്യ് വിറ്റതായും റിപ്പോർട്ടുണ്ട്. ഈ ക്രമക്കേടിൽ ദേവസ്വം ബോർഡിന് ഏകദേശം രണ്ടര കോടി രൂപയുടെ നഷ്ടമുണ്ടായെന്നാണ് പുതിയ റിപ്പോർട്ടുകൾ. 2025–26 മകരവിളക്ക് തീർഥാടനകാലത്തേക്കുള്ള നെയ്യ് വാങ്ങാൻ ബോർഡ് 2024-ൽ ടെൻഡർ നടപടികൾ ആരംഭിച്ചിരുന്നു. ആറ് സ്ഥാപനങ്ങൾ പങ്കെടുത്ത ടെൻഡർ പിന്നീട് റദ്ദാക്കി കരാർ മിൽമയ്ക്ക് നൽകി. ടെൻഡറിൽ പങ്കെടുത്ത സ്ഥാപനങ്ങളിലൊന്ന് ലിറ്ററിന് 369 രൂപ ക്വോട്ട് ചെയ്തപ്പോൾ മിൽമയിൽനിന്ന് നെയ്യ് വാങ്ങാൻ ലിറ്ററിന് 510 രൂപ ചെലവായി. 1.65 ലക്ഷം ലിറ്റർ നെയ്യ് വാങ്ങിയതിലൂടെ…

മനാമ : ബഹ്‌റൈനിലെ ഹരിപ്പാട് നിവാസികളുടെ കൂട്ടായ്മ “ഹരിഗീതപുരം ബഹ്‌റൈന്റെ” ഈ വർഷത്തെ ഓണാഘോഷം ൽമാനിയ കലവറ റെസ്റ്റോറന്റെ ഹാളിൽ ആഘോഷിച്ചു. ബഹ്റൈനിലെ പ്രവർത്തനങ്ങളുടെ ഒൻപതാം വർഷം പൂർത്തിയാക്കുന്ന വേളയിൽ സംഘടിപ്പിച്ച ഈ ആഘോഷം അംഗങ്ങളുടെയും, കുടുംബാംഗങ്ങളുടെയും സാന്നിധ്യത്താൽ ശ്രദ്ധേയമായി. വളരെ വർണാഭമായ അത്തപ്പൂക്കളവും, കുട്ടികളുടെ വിവിധ കലാപരിപാടികളും ആഘോഷത്തിന് മാറ്റുകൂട്ടി. ഹരിഗീതപുരം ബഹ്‌റൈന്റെ ഗായകരുടെ മനോഹരമായ ഗാനങ്ങളുടെ അവതരണവും മറ്റ് കലാപ്രതിഭകളുടെ പ്രകടനങ്ങളും ചടങ്ങിനെ സാംസ്കാരികമായി സമ്പന്നമാക്കി. കലയും സംസ്കാരവും ഒത്തുചേർന്ന വേദിയിൽ നിരവധി അംഗങ്ങൾ തങ്ങളുടെ കഴിവുകൾ അവതരിപ്പിച്ച് പ്രേക്ഷകരുടെ അഭിനന്ദനം ഏറ്റുവാങ്ങി. പരിപാടിയുടെ ഭാഗമായി, ബഹ്റൈനിൽ 54 വർഷത്തെ പ്രവാസജീവിതം പൂർത്തിയാക്കിയ ഹരിപ്പാട് സ്വദേശി എസ്. എം. പിള്ളയെ ആദരിച്ചു. ഹരിഗീതപുരം ബഹ്റൈൻ എക്സിക്യൂട്ടീവ് കമ്മിറ്റി അംഗങ്ങളുടെ സാന്നിധ്യത്തിൽ പ്രമുഖ മാധ്യമപ്രവർത്തകനും ഹരിപ്പാട് സ്വദേശിയും ആയ ശ്രീ. സോമൻ ബേബി അദ്ദേഹത്തിന് മെമന്റോ സമർപ്പിക്കുകയും തുടർന്ന് പൊന്നാട അണിയിച്ച് അനുമോദിക്കുകയും ചെയ്തു. ദീർഘകാല പ്രവാസജീവിതത്തിലൂടെ സമൂഹത്തിന് നൽകിയ…

കോഴിക്കോട്: 68-ാമത് സംസ്ഥാന സ്‌കൂൾ കായികമേളയ്ക്ക് നാളെ കോഴിക്കോട് തുടക്കമാകും. പ്രധാന വേദിയായ എൻഐടി ഗ്രൗണ്ടിൽ മുഖ്യമന്ത്രി വി.ഡി. സതീശൻ മേള ഉദ്ഘാടനം ചെയ്യും. ഇന്ത്യൻ ഒളിമ്പിക് അസോസിയേഷൻ അധ്യക്ഷ പി.ടി. ഉഷ ദീപശിഖ തെളിയിക്കും. ഒക്ടോബർ 25 മുതൽ 31 വരെ നടക്കുന്ന മേളയിൽ പങ്കെടുക്കാൻ കായികതാരങ്ങൾ ഇന്ന് മുതൽ എത്തിത്തുടങ്ങും. ഊട്ടുപുരയിലെ പാലുകാച്ചൽ ചടങ്ങ് ഇന്ന് വൈകിട്ട് മൂന്നിന് വിദ്യാഭ്യാസ മന്ത്രി എൻ. ഷംസുദ്ദീൻ നിർവഹിക്കും. “സേ നോ ടു ഡ്രഗ്സ്” എന്ന ലഹരിവിരുദ്ധ സന്ദേശമുയർത്തിയാണ് ഇത്തവണ കായികമേള സംഘടിപ്പിക്കുന്നത്. 25-ന് വൈകിട്ട് നടക്കുന്ന ഉദ്ഘാടനച്ചടങ്ങിൽ 4,000 കായികതാരങ്ങൾ അണിനിരക്കുന്ന മാർച്ച് പാസ്റ്റും 3,000 കുട്ടികൾ പങ്കെടുക്കുന്ന സാംസ്‌കാരിക പരിപാടിയും ഉണ്ടാകും. വിദ്യാഭ്യാസ മന്ത്രി അധ്യക്ഷനാകുന്ന ചടങ്ങിൽ മുഖ്യമന്ത്രി ഔപചാരികമായി മേള ഉദ്ഘാടനം ചെയ്യും. ആദ്യദിനം ഉദ്ഘാടനച്ചടങ്ങുകൾ മാത്രമാണ് നടക്കുക. മത്സരങ്ങൾ 26 മുതൽ 31 വരെയാണ്. പത്ത് വേദികളിലായാണ് മത്സരങ്ങൾ ക്രമീകരിച്ചിരിക്കുന്നത്. ആവേശകരമായ അത്‌ലറ്റിക്‌സ് മത്സരങ്ങൾ ഒക്ടോബർ…

കൊച്ചി: ലൈംഗികാതിക്രമത്തെ തുടർന്ന് ഗർഭിണിയായ 16കാരിയുടെ 27 ആഴ്ച പ്രായമുള്ള ഗർഭം അലസിപ്പിക്കാൻ കേരള ഹൈക്കോടതി അനുമതി നൽകി. ജസ്റ്റിസ് ഹരിശങ്കർ വി. മേനോന്റേതാണ് ഉത്തരവ്. പെൺകുട്ടിയുടെ പ്രായവും സാമൂഹിക സാഹചര്യങ്ങളും പരിഗണിച്ചാണ് ഗർഭച്ഛിദ്രം നടത്താൻ കോടതി നിയോഗിച്ച വിദഗ്ധ മെഡിക്കൽ ബോർഡ് റിപ്പോർട്ട് നൽകിയിരുന്നു. പെൺകുട്ടിയുടെ അമ്മ സമർപ്പിച്ച ഹർജിയിലാണ് അടിയന്തര നടപടി സ്വീകരിക്കാൻ സംസ്ഥാന സർക്കാരിനോട് കോടതി നിർദേശിച്ചത്.

മനാമ: ബഹ്‌റൈൻ മലയാളി ബിസിനസ് ഫോറത്തിന്റെ 26-ാം വാർഷികാഘോഷങ്ങളുടെ ഭാഗമായി, ബി.എം.ബി.എഫ്. ഹെൽപ്പ് ആൻഡ് ഡ്രിങ്കിന്റെ 12-ാം സീസണിൽ സേവനമനുഷ്ഠിച്ച വളന്റിയർമാർക്കും സഹകരിച്ച സ്ഥാപനങ്ങൾക്കും സർട്ടിഫിക്കറ്റുകൾ വിതരണം ചെയ്യും. ഈ മാസം 30ന് വെള്ളിയാഴ്ച വൈകിട്ട് ഏഴിന് ഉമ്മുൽ ഹസ്സത്തിലെ കിംസ് ഹെൽത്ത് ഓഡിറ്റോറിയത്തിലാണ് ചടങ്ങ്. ബഹ്‌റൈനിലെ വിവിധ മേഖലകളിൽ പ്രവർത്തിക്കുന്ന പ്രമുഖരുടെ സാന്നിധ്യത്തിൽ വളന്റിയർമാരെയും സ്ഥാപനങ്ങളെയും ആദരിക്കുമെന്ന് ബി.എം.ബി.എഫ്. ഭാരവാഹികൾ അറിയിച്ചു. കിംസ് ഹെൽത്ത് ഹോസ്പിറ്റലിന്റെ സഹകരണത്തോടെയാണ് പരിപാടി സംഘടിപ്പിക്കുന്നതെന്നും ഭാരവാഹികൾ വാർത്താക്കുറിപ്പിൽ അറിയിച്ചു.