Author: News Desk

ന്യൂഡല്‍ഹി: പൊതുമേഖലാ ഇൻഷുറൻസ് കമ്പനികൾക്ക് സർക്കാർ 5,000 കോടി രൂപ അനുവദിക്കും. ജീവനക്കാരുടെ ശമ്പള പരിഷ്കരണത്തിനും അഞ്ച് വർഷത്തെ കുടിശ്ശിക അനുവദിക്കുന്നതിനുമായി 8,000 കോടി രൂപയുടെ അധിക ചെലവ് പ്രതീക്ഷിക്കുന്ന സമയത്താണ് ഇത്. നാഷണൽ ഇൻഷുറൻസിന് 3,700 കോടി രൂപ, ഓറിയന്‍റൽ ഇൻഷുറൻസിന് 1,200 കോടി രൂപ, യുണൈറ്റഡ് ഇൻഷുറൻസിന് 100 കോടി രൂപ എന്നിങ്ങനെയാകും തുക അനുവദിക്കുക. പൊതുമേഖലാ ഇൻഷുറൻസ് കമ്പനികളുടെ മൂലധന നിക്ഷേപം വർദ്ധിപ്പിക്കുന്നത് കൂടി കണക്കിലെടുത്താണ് സർക്കാർ പണം നൽകുന്നത്. ബാധ്യതകളെക്കാൾ ആസ്തികൾ ആവശ്യമാണെന്ന ഇൻഷുറൻസ് റെഗുലേറ്ററി ആൻഡ് ഡെവലപ്മെന്‍റ് അതോറിറ്റി ഓഫ് ഇന്ത്യയുടെ (ഐആർഡിഎഐ) മാനദണ്ഡം പരിഗണിച്ചാണ് തീരുമാനം.

അബുദാബി: യു.എ.ഇ ഫെഡറൽ നിയമപ്രകാരം മന്ത്രവാദവും ആഭിചാരവും നടത്തുന്നത് ക്രിമിനൽ കുറ്റമാണെന്ന് ആവർത്തിച്ച് പബ്ലിക് പ്രോസിക്യൂഷൻ. സോഷ്യൽ മീഡിയയിൽ പങ്കുവച്ച ബോധവൽക്കരണ പോസ്റ്റിലാണ് യുഎഇ പബ്ലിക് പ്രോസിക്യൂഷൻ ഇക്കാര്യം ഓർമിപ്പിച്ചത്. മന്ത്രവാദത്തിലും ആഭിചാരത്തിലും ഏർപ്പെടുകയോ പ്രേരിപ്പിക്കുകയോ സഹായിക്കുകയോ ചെയ്യരുതെന്ന് പബ്ലിക് പ്രോസിക്യൂഷൻ പൊതുജനങ്ങൾക്ക് മുന്നറിയിപ്പ് നൽകി. 2021 ലെ 31-ാം നമ്പർ ഫെഡറൽ നിയമത്തിലെ ആർട്ടിക്കിൾ 366 പ്രകാരം തടവും 50,000 ദിർഹം പിഴയുമാണ് ഇത്തരം കുറ്റകൃത്യങ്ങൾക്കുള്ള ശിക്ഷ.  

തിരുവനന്തപുരം: എൻഡോസൾഫാൻ ദുരിതബാധിതരുടെ പ്രശ്നങ്ങൾ പരിഹരിക്കണമെന്നാവശ്യപ്പെട്ട് സമരം ചെയ്യുന്ന സാമൂഹിക പ്രവർത്തക ദയാബായിക്ക് പൂർണ്ണ പിന്തുണയുമായി പ്രതിപക്ഷ നേതാവ് വി.ഡി സതീശൻ. ദയാബായിയുടേത് ന്യായമായ പോരാട്ടമാണ്. ഈ സമരത്തെ സർക്കാരിന് എങ്ങനെ കാണാതിരിക്കാനാകും? പരിഹാരമുണ്ടായില്ലെങ്കിൽ യു.ഡി.എഫ് പ്രഖ്യാപിച്ച സമരവുമായി മുന്നോട്ട് പോകുമെന്നും അദ്ദേഹം പറഞ്ഞു. തിരുവനന്തപുരം ജനറൽ ആശുപത്രിയിൽ ദയാബായിയെ കാണാൻ എത്തിയതായിരുന്നു സതീശൻ. സമരത്തിന് പൂർണ പിന്തുണ നൽകാൻ യു.ഡി.എഫ് തീരുമാനിച്ചതായി സതീശൻ മാധ്യമങ്ങളോട് പറഞ്ഞു. ദേശീയതലത്തിൽ അറിയപ്പെടുന്ന 82-കാരിയായ ദയാബായി വെയിലും മഴയും കൊണ്ട് സെക്രട്ടേറിയറ്റിന് മുന്നിൽ പ്രതിഷേധിക്കുന്നത് സർക്കാരിന് എങ്ങനെയാണ് കാണാതിരിക്കാൻ കഴിയുന്നത്? എൻഡോസൾഫാൻ ദുരിതബാധിതരോടും ദയാബായിയോടുമുള്ള ക്രൂരമായ അവഗണനയാണിത്. ദയാബായി ഉന്നയിച്ച ന്യായമായ ആവശ്യങ്ങൾ അംഗീകരിക്കാൻ സർക്കാരിന് ഒരു തടസ്സവുമില്ല. നിർഭാഗ്യവശാൽ, മന്ത്രിമാർ ദയാബായിയുമായി നടത്തിയ ചർച്ചകൾക്ക് വിപരീതമായാണ് രേഖാമൂലമുള്ള മറുപടി പുറത്തുവന്നത്. ഈ വിഷയത്തിൽ മന്ത്രിമാരുടെ ഭാഗത്ത് നിന്ന് വലിയ വീഴ്ചയുണ്ടായി. എൻഡോസൾഫാൻ പ്രശ്നം അറിയാവുന്നവരല്ല കത്ത് തയ്യാറാക്കിയത്. ഇക്കാര്യം മുഖ്യമന്ത്രിയുടെ ശ്രദ്ധയിൽപ്പെടുത്തുമെന്നും സതീശൻ…

തിരുവനന്തപുരം: കേരള സർവകലാശാലയിലെ 15 സെനറ്റ് അംഗങ്ങളെ പിൻവലിച്ച ഗവർണറുടെ നടപടി നിയമവിരുദ്ധമാണെന്ന് കേരള വി.സി. തീരുമാനം റദ്ദാക്കണമെന്ന് ആവശ്യപ്പെട്ട് വിസി ഗവർണർക്ക് കത്തയച്ചു. കേരള സർവകലാശാലയിലെ സി.പി.എം സെനറ്റ് അംഗങ്ങൾ ഗവർണർക്കെതിരെ കോടതിയെ സമീപിക്കാൻ തീരുമാനിച്ചു. സി.പി.എമ്മിലെ രണ്ട് അംഗങ്ങൾ ഉൾപ്പെടെ 15 നോമിനികളെ ഗവർണർ കഴിഞ്ഞ ദിവസം പിൻവലിച്ചിരുന്നു. ചാൻസലറുടെ താൽപ്പര്യം നഷ്ടപ്പെട്ടുവെന്ന് ചൂണ്ടിക്കാട്ടിയാണ് നടപടി. എന്നാൽ അംഗങ്ങളോട് വിശദീകരണം ചോദിക്കാതെയുള്ള നടപടി ചട്ടവിരുദ്ധമാണെന്നാണ് സി.പി.എം നിലപാട്. പുറത്താക്കപ്പെട്ട അംഗങ്ങൾ ഹൈക്കോടതിയെ സമീപിക്കാൻ നിയമോപദേശം തേടി. വി.സിയുടെ നിയമനത്തിനായി സെനറ്റ് പ്രതിനിധിയെ തീരുമാനിക്കാൻ ചേർന്ന യോഗം ക്വാറം പൂർത്തിയാതെ പിരിയുകയായിരുന്നു. ചാൻസലർക്ക് താൽപ്പര്യം നഷ്ടപ്പെട്ടാൽ അംഗങ്ങളെ പിൻവലിക്കാമെന്ന് ചട്ടത്തിൽ വ്യവസ്ഥയുണ്ട്. വി.സി നിർണ്ണയ സമിതിയിലേക്ക് സെനറ്റ് നോമിനിയെ നാമനിർദ്ദേശം ചെയ്യാനുള്ള ഗവർണറുടെ അന്ത്യശാസനം കേരള സർവകലാശാല നിരന്തരം തള്ളുകയാണ്. ചൊവ്വാഴ്ച ചേർന്ന സെനറ്റ് യോഗം ക്വാറം പൂർത്തിയാക്കാതെ പിരിയുകയായിരുന്നു. ഇടത് അംഗങ്ങൾക്കൊപ്പം ചാൻസലറുടെ നോമിനികളായ 15 പേരും വിട്ടുനിന്നിരുന്നു.…

തിരുവനന്തപുരം: കേരള സർക്കാരിന്റെ ആയുർവേദ മരുന്ന് നിർമ്മാണ കമ്പനിയായ ഔഷധി കൂടുതൽ സ്ഥലങ്ങളിൽ ചികിത്സാ കേന്ദ്രങ്ങൾ സ്ഥാപിക്കുന്നു. തിരുവനന്തപുരം, പത്തനംതിട്ട, കോട്ടയം, വയനാട്, കോഴിക്കോട് ജില്ലകളിൽ പുതിയ കേന്ദ്രങ്ങൾ തുടങ്ങാനുള്ള ചർച്ചകൾ പുരോഗമിക്കുകയാണ്. തിരുവനന്തപുരത്തെ സന്ദീപാനന്ദഗിരിയുടെ ആശ്രമത്തിൽ ചികിത്സാ കേന്ദ്രം ആരംഭിക്കാൻ ഔഷധി താൽപ്പര്യം പ്രകടിപ്പിച്ചിട്ടുണ്ട്. എന്നാൽ, ഇക്കാര്യത്തിൽ കൂടുതൽ ചർച്ചകളൊന്നും നടന്നിട്ടില്ല. 82 വർഷമായി കമ്പനി പ്രവർത്തിക്കുന്നുണ്ടെങ്കിലും തൃശൂരിന് പുറത്ത് പ്രവർത്തനം വ്യാപിപ്പിക്കാൻ ഔഷധിക്ക് കഴിഞ്ഞിട്ടില്ല. തൃശൂരിലെ ചികിത്സാ കേന്ദ്രത്തിൽ വൻ തിരക്ക് അനുഭവപ്പെടുന്നതിനാലാണ് കൂടുതൽ കേന്ദ്രങ്ങൾ ആരംഭിക്കാൻ നടപടി ആരംഭിച്ചത്. മുൻ ചെയർമാന്‍റെ കാലത്ത് കൂടുതൽ കേന്ദ്രങ്ങൾ തുടങ്ങുന്നതിനുള്ള ആലോചന ആരംഭിച്ചിരുന്നു. സന്ദീപാനന്ദഗിരിയുടെ ആശ്രമത്തിൽ ചികിത്സാ കേന്ദ്രം സ്ഥാപിക്കാൻ ഭരണസമിതിക്ക് മുമ്പാകെ മുൻ ചെയർമാൻ നിർദ്ദേശം വെച്ചിരുന്നു. കേന്ദ്ര ആയുഷ് മന്ത്രാലയത്തിൽ നിന്ന് ഫണ്ട് അനുവദിച്ചതോടെയാണ് മുടങ്ങിക്കിടന്ന ചർച്ചകൾ ഇപ്പോൾ പുനരാരംഭിച്ചത്. ഭൂമി വാടകയ്ക്കോ വിലയ്ക്കോ ഏറ്റെടുക്കാനാണ് നിർദ്ദേശം. അടിസ്ഥാന സൗകര്യങ്ങളുള്ള കെട്ടിടങ്ങളാണ് ചികിത്സാ കേന്ദ്രങ്ങൾക്കായി പരിഗണിക്കുന്നത്. ഇതിന്‍റെ…

ന്യൂഡൽഹി: ഭീകരതയ്ക്കെതിരെ എല്ലാവരും ഒന്നിക്കണമെന്ന് പ്രധാനമന്ത്രി നരേന്ദ്ര മോദി. ന്യൂഡൽഹിയിൽ നടക്കുന്ന ഇന്‍റർപോൾ പൊതുസഭ യോഗത്തിൽ സംസാരിക്കുകയായിരുന്നു പ്രധാനമന്ത്രി. ഓൺലൈൻ സംവിധാനങ്ങൾ ഉപയോഗിച്ച് ഭീകരവാദം പടരുന്നു. അഴിമതി ഒരു വലിയ വെല്ലുവിളിയായി മാറിയിരിക്കുന്നുവെന്നും അദ്ദേഹം പറഞ്ഞു. അഴിമതിയിലൂടെ സമ്പാദിക്കുന്ന പണമാണ് പ്രധാനമായും തീവ്രവാദ പ്രവർത്തനങ്ങൾക്ക് ഉപയോഗിക്കുന്നത്. ലഹരിക്കടത്തും വ്യാപാരവും ഭാവിതലമുറയെപ്പോലും ബാധിക്കുന്നു. കുറ്റകൃത്യങ്ങൾ, ഭീകരവാദം, അഴിമതി എന്നിവയ്ക്കെതിരെ നമുക്ക് ഒരുമിച്ച് കൈകോർക്കാമെന്നും അദ്ദേഹം പറഞ്ഞു.

വിജയവാഡ: സി.പി.ഐ ജനറൽ സെക്രട്ടറിയായി ഡി രാജ (72) തുടരും. ആന്ധ്രാപ്രദേശിലെ വിജയവാഡയിൽ നടന്ന 24-ാമത് പാർട്ടി കോൺഗ്രസ് രാജയുടെ പേര് ഐകകണ്ഠ്യേന അംഗീകരിക്കുകയായിരുന്നു. പാർട്ടി കോൺഗ്രസ് ഇന്ന് സമാപിക്കും. തമിഴ്നാട്ടിൽ നിന്നുള്ള ദളിത് നേതാവാണ് ഡി രാജ. 2019 ൽ സുധാകർ റെഡ്ഡിക്ക് ആരോഗ്യപ്രശ്നങ്ങൾ ഉണ്ടായതിനെ തുടർന്നാണ് സി.പി.ഐ ജനറൽ സെക്രട്ടറിയായി രാജ ചുമതലയേറ്റത്. അതേസമയം, കേരളത്തിൽ നിന്ന് 16 പേർ സി.പി.ഐയുടെ ദേശീയ കൗൺസിലിലേക്ക് തിരഞ്ഞെടുക്കപ്പെട്ടു.

ന്യൂഡൽഹി: മുൻ മന്ത്രിയും എം.എൽ.എയുമായ കെ.ടി ജലീലിന്‍റെ വിവാദ ‘ആസാദ് കശ്മീർ’ പരാമർശത്തിനെതിരായ പരാതി കേരള ഡിജിപിക്ക് കൈമാറിയെന്ന് ഡൽഹി പോലീസിന്‍റെ സൈബർ ക്രൈം വിഭാഗം. റോസ് അവന്യൂ കോടതിയിൽ ഈക്കാര്യം കാട്ടി റിപ്പോർട്ട് സമർപ്പിച്ചു. എഫ്.ഐ.ആർ രജിസ്റ്റർ ചെയ്യാനുള്ള കേരളത്തിലെ കോടതി ഉത്തരവ് ഹൈക്കോടതിയിൽ ചോദ്യം ചെയ്തിട്ടുണ്ടോയെന്ന് കോടതി ചോദിച്ചു. ഇല്ലെന്ന് ഹർജിക്കാരനായ ജി എസ് മണിയും ജലീലിന്റെ അഭിഭാഷകനും മറുപടി നൽകി. അടുത്ത മാസം ഒമ്പതിന് കേസ് വീണ്ടും പരിഗണിക്കും. ഡൽഹി റോസ് അവന്യൂ കോടതിയിലാണ് കെ ടി ജലീലിനെതിരെ ഹർജി ഫയല്‍ ചെയ്തിരുന്നത്. ജലീലിനെതിരെ അഡ്വക്കേറ്റ് ജി എസ് മണിയാണ് ഹർജി നൽകിയത്. ‘ഇന്ത്യ അധീന കശ്മീർ’, ‘ആസാദ് കശ്മീർ’ എന്നീ പരാമർശങ്ങളുള്ള ഫേസ്ബുക്ക് പോസ്റ്റാണ് വിവാദമായത്. പത്തനംതിട്ട കീഴ്വായ്പ്പൂർ പൊലീസും ജലീലിനെതിരെ കേസെടുത്തിരുന്നു. കലാപാഹ്വാന ലക്ഷ്യത്തോടെയാണ് ജലീൽ ഫേസ്ബുക്ക് പോസ്റ്റ് ഇട്ടതെന്ന് എഫ്ഐആറിൽ പറയുന്നു. ജലീലിനെതിരെ രണ്ട് വകുപ്പുകളാണ് ചുമത്തിയിരിക്കുന്നത്. സെക്ഷൻ 53 ബി പ്രകാരമാണ്…

ലണ്ടന്‍: ആഴ്ചയിലെ ഏറ്റവും മോശം ദിവസമെന്ന ഗിന്നസ് റെക്കോർഡ് തിങ്കളാഴ്ചയ്ക്ക് ലഭിച്ചു. ട്വിറ്ററിലൂടെ ഗിന്നസ് ബുക്ക് ഓഫ് വേൾഡ് റെക്കോർഡ്സാണ് തിങ്കളാഴ്ചയെ ആഴ്ചയിലെ ഏറ്റവും മോശം ദിവസമായി പ്രഖ്യാപിച്ചത്. പ്രഖ്യാപനത്തിന് പിന്നാലെ രസകരമായ കമന്‍റുകളാണ് സോഷ്യൽ മീഡിയയിൽ നിറയുന്നത്. വാരാന്ത്യത്തിന് ശേഷമുള്ള ആദ്യ ദിവസമായതിനാൽ പലരും തിങ്കളാഴ്ചയെക്കുറിച്ച് തമാശയായും ഗൗരവത്തോടെയും പരാതിപ്പെടാറുണ്ടായിരുന്നു. ഗിന്നസ് ബുക്ക് ഓഫ് വേൾഡ് റെക്കോർഡ്സിന്‍റെ പ്രഖ്യാപനം ഇത് ശരിവെക്കുന്നതായി. തിങ്കളാഴ്ച എക്കാലത്തെയും മോശം ദിവസമാണെന്ന തിരിച്ചറിവിലേക്ക് നിങ്ങൾ എത്താൻ വളരെ വൈകിയെന്ന് ആംഗ്രി ബേർഡ് റെഡ് ട്വിറ്റർ ഹാൻഡിലിൽ അഭിപ്രായപ്പെട്ടു. മോശം ദിവസമായതിനാല്‍ തിങ്കളാഴ്ചയാണ് താന്‍ അവധിയെടുക്കുന്നതെന്ന മറ്റൊരു ട്വിറ്റര്‍ ഹാന്‍ഡില്‍ കമന്റിന് ഗിന്നസ് ബുക്ക് ‘സ്മാര്‍ട്ട്’ എന്ന് മറുപടി നല്‍കി. ആഴ്ചയുടെ അവസാനത്തിലോ തുടക്കത്തിലോ ചിലര്‍ക്ക് ഉണ്ടാവുന്ന നെഗറ്റീവ് ചിന്തകളെ സൂചിപ്പിക്കാന്‍ ‘മണ്ടേ ബ്ലൂസ്’ എന്ന വാക്ക് ഉപയോഗിക്കാറുണ്ട്.

ഹൈദരാബാദ്: കോൺഗ്രസുമായി രാഷ്ട്രീയ സഖ്യം വേണ്ടെന്ന് സിപിഐ പാർട്ടി കോൺഗ്രസിൽ തീരുമാനം. ദേശീയ തലത്തിൽ കോൺഗ്രസുമായി സഖ്യം വേണമെന്ന് സിപിഐ കേരള ഘടകം ആവശ്യപ്പെട്ടിരുന്നു. കോൺഗ്രസുമായുള്ള സഹകരണത്തിൽ സി.പി.എമ്മിനെപ്പോലെ ഒളിച്ചുകളി ഒഴിവാക്കണമെന്നും കേരള ഘടകം പറഞ്ഞു. കോൺഗ്രസുമായി രാഷ്ട്രീയ സഖ്യമില്ലെന്ന നിലപാട് എടുത്തിട്ടുണ്ടെങ്കിലും ധാരണയിലെത്താമെന്നും സംസ്ഥാനങ്ങളിൽ സഹകരിക്കാമെന്നുമുള്ള സി.പി.എം നിലപാടിനെയാണ് സി.പി.ഐ കേരള ഘടകം വിമർശിച്ചത്. എന്നാൽ സി.പി.ഐ പാർട്ടി കോൺഗ്രസ് ഈ നിലപാടിനെ അംഗീകരിച്ചില്ല. ദേശീയ, സംസ്ഥാന ഭാരവാഹികൾക്ക് 75 വയസ് പ്രായപരിധി എന്ന ഭേദഗതിക്ക് സി.പി.ഐ പാർട്ടി കോൺഗ്രസ് ഇന്നലെ അംഗീകാരം നൽകിയതോടെ കേരളത്തിൽ നിന്നുള്ള കെ.ഇ ഇസ്മായിൽ ഉൾപ്പെടെയുള്ള നേതാക്കൾ പുതിയ ദേശീയ കൗൺസിലിൽ നിന്ന് ഒഴിവായി. കേരളത്തിൽ നിന്നുള്ള ദേശീയ കൗൺസിലിലെ അംഗങ്ങളുടെ എണ്ണം 11 ൽ നിന്ന് 13 ആയി ഉയർന്നു. പന്ന്യൻ രവീന്ദ്രൻ, എൻ അനിരുദ്ധൻ, ടി വി ബാലൻ, സി എൻ ജയദേവൻ, എൻ രാജൻ എന്നിവരും ഒഴിവായി. കൺട്രോൾ കമ്മീഷൻ ചെയർമാൻ…