Author: News Desk

വിലക്കയറ്റവും പണപ്പെരുപ്പവും ചർച്ച ചെയ്യുന്നത് അൺപാർലമെന്ററിയാണോയെന്ന് കോൺഗ്രസ് നേതാവ് പ്രിയങ്ക ഗാന്ധി. പ്രധാനമന്ത്രി നരേന്ദ്ര മോദി വില വർദ്ധിപ്പിക്കുകയാണെന്നും എന്നാൽ പാർലമെന്‍ററി ചർച്ചകൾ ഒഴിവാക്കുകയാണെന്നും പ്രിയങ്ക ആരോപിച്ചു. പണപ്പെരുപ്പം ഇനിയും കൂടുമെന്നതിനാൽ അവശ്യ സാധനങ്ങൾക്ക് നികുതി കൂട്ടുന്നത് സർക്കാരിന്റെ ക്രൂരതയാണ്. കുടുംബങ്ങൾക്ക്, കടുത്ത പണപ്പെരുപ്പത്തിനിടയിൽ “സഞ്ജീവനി” ആവശ്യമായിരുന്നു എന്നും പ്രിയങ്ക ഗാന്ധി ട്വിറ്ററിൽ പങ്കുവച്ചു. അതേസമയം, മോദി സർക്കാരിനെതിരായ പ്രതിപക്ഷ ബഹളം പാർലമെൻ്റിൽ തുടരുകയാണ്. വിലക്കയറ്റത്തിനും ഇന്ധനവില വർധനവിനുമെതിരെ പ്രതിഷേധിച്ച് ബുധനാഴ്ച കോൺഗ്രസ് പാർലമെന്റ് ഹൗസിൽ പ്രതിഷേധിച്ചിരുന്നു

ഇന്ത്യയിൽ നിന്നുള്ള തേയില ഇറക്കുമതി റഷ്യ വർദ്ധിപ്പിച്ചു. പ്രീമിയം തേയില പോലും വലിയ തോതിൽ വാങ്ങാനുള്ള തയ്യാറെടുപ്പിലാണ് റഷ്യ. ഇന്ത്യയിൽ നിന്ന് ഏറ്റവും കൂടുതൽ തേയില കയറ്റുമതി ചെയ്യുന്ന രാജ്യങ്ങളിലൊന്നാണ് റഷ്യ.   കഴിഞ്ഞ രണ്ടാഴ്ചയ്ക്കിടെ റഷ്യ ഇന്ത്യയിൽ നിന്ന് തേയില വാങ്ങുന്നത് വർദ്ധിപ്പിച്ചതായാണ് റിപ്പോർട്ട്.  രാജ്യത്ത് നിന്ന് കയറ്റുമതി ചെയ്യുന്ന തേയിലയുടെ വിലയിൽ 50 ശതമാനം വർദ്ധനവുണ്ടായിട്ടും റഷ്യ തേയില വാങ്ങുന്നത് വർദ്ധിപ്പിക്കുകയാണുണ്ടായത്. റഷ്യ പ്രധാനമായും രണ്ട് തരം തേയിലയാണ് വാങ്ങുന്നത്. ഒന്ന് പരമ്പരാഗത രീതിയിൽ നിർമ്മിച്ച ലൂസ് ലീഫ് തേയിലയും മറ്റൊന്ന് സിടിസി തേയിലയും. പരമ്പരാഗത രീതിയിൽ ഉണ്ടാക്കുന്ന ചായയ്ക്ക് കൂടുതൽ നിറവും രുചിയും ഉണ്ടാകും. അതേസമയം, ചായയ്ക്ക് കൂടുതൽ ശക്തമായ കയ്പുള്ള രുചിയുണ്ടാകും. റഷ്യ ഏറ്റവും കൂടുതൽ ഇറക്കുമതി ചെയ്യുന്നത് ലൂസ് ലീഫ് തേയിലയാണ്. അതിനാൽ അതിന്‍റെ വില 50 ശതമാനത്തോളം ഉയർന്നു.

സംസ്ഥാനത്തെ തൊഴിലിടങ്ങൾ കൂടുതൽ സ്ത്രീസൗഹൃദമായി മാറുകയാണെന്ന് മന്ത്രി വി ശിവൻകുട്ടി പറഞ്ഞു. വനിതാ തൊഴിലാളികളുടെ അവകാശങ്ങളുടെ സംരക്ഷണത്തിനും സുരക്ഷയ്ക്കും വേണ്ടി നിരവധി പദ്ധതികളാണ് വകുപ്പ് നടപ്പാക്കുന്നത്. തൽഫലമായി, തൊഴിലിടങ്ങൾ കൂടുതൽ കൂടുതൽ സ്ത്രീ സൗഹൃദ ഇടങ്ങളായി മാറുന്നുവെന്നും അദ്ദേഹം പറഞ്ഞു. രണ്ടാം പിണറായി സർക്കാരിന്റെ ഒന്നാം വാർഷികത്തിലെ വകുപ്പിന്‍റെ പ്രവർത്തനങ്ങളെക്കുറിച്ചുള്ള പുസ്തകം നിയമസഭാ മീഡിയ റൂമിൽ പ്രകാശനം ചെയ്ത് സംസാരിക്കുകയായിരുന്നു മന്ത്രി. ജോലിസ്ഥലത്ത് സ്ത്രീകൾ നേരിടുന്ന അക്രമവും വിവേചനവും പോലുള്ള ഏത് പ്രശ്നങ്ങളും അധികൃതരുടെ ശ്രദ്ധയിൽപ്പെടുത്താൻ തുടങ്ങിയ സഹജ കോൾ സെന്‍റർ സംവിധാനമാണ് ഇവയിൽ ഏറ്റവും പുതിയത്. എല്ലാ തൊഴിൽ മേഖലകളിലും തൊഴിൽ വകുപ്പിന്‍റെ സജീവ പങ്കാളിത്തമുണ്ടെന്നും വികസന സൗഹൃദ തൊഴിൽ സംസ്കാരം എന്ന ആശയം തൊഴിലാളികളും തൊഴിലുടമകളും ഒരുപോലെ അംഗീകരിച്ചിട്ടുണ്ടെന്നും മന്ത്രി പറഞ്ഞു. തോട്ടം തൊഴിലാളികളുടെ പെൻഷൻ പ്രായം 58 ൽ നിന്നും 60 വയസായി വർധിപ്പിച്ചതും ചുമട് ഭാരം 75 കിലോയിൽ നിന്നും 55 ആക്കി കുറച്ചതും തൊഴിലാളിപക്ഷ…

ന്യൂഡല്‍ഹി: ഉത്തർപ്രദേശിലെ യോഗി സർക്കാരിൽ ഭിന്നത. മന്ത്രിമാർ രാജിവെക്കാൻ ഒരുങ്ങുകയാണെന്ന് റിപ്പോർട്ട് ഉണ്ട്. മുഖ്യമന്ത്രിയുടെ ഏകപക്ഷീയമായ നീക്കങ്ങളിൽ പ്രതിഷേധിച്ചാണ് മന്ത്രിമാരുടെ നീക്കം. ഒരു മന്ത്രി രാജിവയ്ക്കുമെന്ന് റിപ്പോർട്ടുകളുണ്ട്. മറ്റൊരു മന്ത്രി ഇന്ന് ദില്ലിയിലെത്തി കേന്ദ്ര ആഭ്യന്തര മന്ത്രി അമിത് ഷായെ കണ്ട് പരാതി നൽകും. രണ്ട് മന്ത്രിമാരും ഫോണുകൾ സ്വിച്ച് ഓഫ് ചെയ്തിരിക്കുകയാണ്. ഒരു മന്ത്രി തന്‍റെ ഔദ്യോഗിക വസതി ഒഴിഞ്ഞ് സ്വന്തം വീട്ടിലേക്ക് മാറി. രണ്ടാം യോഗി സർക്കാരിന്റെ പല നീക്കങ്ങളും വിമർശനങ്ങൾക്ക് ഇടയാക്കിയ സാഹചര്യത്തിലാണ് സംഭവം. കോൺഗ്രസിൽ നിന്ന് രാജിവെച്ച് ബിജെപിയിൽ ചേർന്ന ജിതിൻ പ്രസാദ കലാപക്കൊടി ഉയർത്തിയ മന്ത്രിമാരിൽ ഒരാളാണ്. ജലവിഭവ വകുപ്പ് മന്ത്രി ദിനേശ് ഖതിക് ആണ് മറ്റൊരാൾ . മുഖ്യമന്ത്രി ചർച്ച ചെയ്യാതെ തങ്ങളുടെ വകുപ്പിൽ ഇടപെട്ട് തീരുമാനങ്ങൾ എടുക്കുകയാണെന്നാണ് മന്ത്രിമാരുടെ പരാതി. ഉത്തർപ്രദേശ് നിയമസഭാ തിരഞ്ഞെടുപ്പിന് തൊട്ടുമുമ്പാണ് ജിതിൻ പ്രസാദ കോണ്‍ഗ്രസില്‍ നിന്ന് രാജിവെച്ച് ബിജെപിയിൽ ചേർന്നത്. രാഹുൽ ഗാന്ധിയുടെ അടുത്ത അനുയായിയായ…

ന്യൂഡല്‍ഹി: ഒളിമ്പ്യൻ പി.ടി ഉഷ രാജ്യസഭാംഗമായി സത്യപ്രതിജ്ഞ ചെയ്തു. ഹിന്ദിയിലായിരുന്നു സത്യപ്രതിജ്ഞ. എന്തുകൊണ്ടാണ് സത്യപ്രതിജ്ഞാ ചടങ്ങിന് ഹിന്ദി തിരഞ്ഞെടുത്തത് എന്ന ചോദ്യത്തിന് ഹിന്ദിയാണ് ഏറ്റവും കൂടുതൽ സംസാരിക്കുന്ന ഭാഷയെന്നായിരുന്നു ഉഷയുടെ മറുപടി. കായികരംഗത്തിന് വേണ്ടി ഒരുപാട് കാര്യങ്ങൾ ചെയ്യാൻ കഴിയുമെന്ന് സത്യപ്രതിജ്ഞാ ചടങ്ങിന് മുമ്പ് പി.ടി ഉഷ പറഞ്ഞു. വിവിധ മേഖലകളിൽ അറിയപ്പെടുന്ന പിടി ഉഷ ഉൾപ്പെടെ നാല് പേരെ കഴിഞ്ഞയാഴ്ച ദക്ഷിണേന്ത്യയിൽ നിന്ന് രാജ്യസഭയിലേക്ക് നാമനിർദ്ദേശം ചെയ്തിരുന്നു. സുരേഷ് ഗോപിക്ക് ശേഷം കേരളത്തിൽ നിന്ന് രാജ്യസഭയിലേക്ക് നാമനിർദ്ദേശം ചെയ്യപ്പെട്ട എംപിയാണ് പിടി ഉഷ.