Author: News Desk

മനാമ: ഇടപ്പാളയം പ്രവാസി കൂട്ടായ്മ ബഹ്‌റൈൻ ചാപ്റ്റർ അംഗങ്ങൾക്കും കുടുംബങ്ങൾക്കുമായി സംഘടിപ്പിച്ച ‘മെമ്പേഴ്‌സ് ഗ്രാൻഡ് മീറ്റപ്പ് 2026’ വൈവിധ്യമാർന്ന പരിപാടികളോടെ സമാപിച്ചു. ചടങ്ങിൽ അസോസിയേഷൻ പ്രസിഡന്റ് വിനീഷ് അധ്യക്ഷത വഹിച്ചു. ജനറൽ സെക്രട്ടറി ഷീജി, ട്രഷറർ ശിവപ്രസാദ്, രക്ഷാധികാരികളായ എ.വി. ബാലകൃഷ്ണൻ, ഷാനവാസ് പുത്തൻവീട്ടിൽ തുടങ്ങിയവർ സംസാരിച്ചു. പ്രവാസജീവിതം അവസാനിപ്പിച്ച് നാട്ടിലേക്ക് മടങ്ങുന്ന സംഘടനയുടെ രക്ഷാധികാരി എ.വി. ബാലകൃഷ്ണനെ പൊന്നാട അണിയിച്ച് യാത്രയയപ്പ് നൽകി. ദീർഘകാല പ്രവാസത്തിന് വിരാമമിട്ട് മടങ്ങുന്ന എക്സിക്യൂട്ടീവ് കമ്മിറ്റി അംഗം മുരളീധരൻ മേലേപ്പാട്ടിന് പ്രത്യേക ഉപഹാരം സമ്മാനിക്കുമെന്നും ചടങ്ങിൽ പ്രഖ്യാപിച്ചു. ‘റിഥം ഇടപ്പാളയം’ മ്യൂസിക്കൽ ബാൻഡ് അവതരിപ്പിച്ച സംഗീതനിശയും കുട്ടികളുടെയും മുതിർന്നവരുടെയും വിവിധ കലാപരിപാടികളും മീറ്റപ്പിന് മാറ്റുകൂട്ടി. ‘ഇടപ്പാളയം വാക്കിങ് ചാലഞ്ച് 2026’, ‘ഇടപ്പാളയം വിഷുക്കണി ഫോട്ടോ മത്സരം’ എന്നിവയിലെ വിജയികൾക്കുള്ള ട്രോഫികളും ഉപഹാരങ്ങളും ചടങ്ങിൽ വിതരണം ചെയ്തു.

കൊച്ചി: സമൂഹമാധ്യമങ്ങളിലൂടെ അധിക്ഷേപിച്ചെന്ന നടി അൻസിബ ഹസന്റെ പരാതിയിൽ നടി ലക്ഷ്മിപ്രിയക്കെതിരെ നിലവിൽ എഫ്‌ഐആർ രജിസ്റ്റർ ചെയ്യേണ്ട സാഹചര്യമില്ലെന്ന് എറണാകുളം ജുഡീഷ്യൽ മജിസ്‌ട്രേറ്റ് കോടതി. പരാതിയിൽ കേസെടുക്കാവുന്ന കുറ്റകൃത്യം നിലനിൽക്കുന്നില്ലെന്നാണ് കോടതിയുടെ വിലയിരുത്തൽ. ഉത്തരവിനെതിരെ അൻസിബ ഹൈക്കോടതിയെ സമീപിക്കുമെന്നാണ് വിവരം. വ്യാജവിവരങ്ങളും അശ്ലീല പരാമർശങ്ങളും ഉൾപ്പെടുത്തിയ വീഡിയോ സമൂഹമാധ്യമങ്ങളിലൂടെ നിർമിച്ച് പ്രചരിപ്പിച്ചെന്നും സ്ത്രീത്വത്തെ അപമാനിച്ചെന്നും ആരോപിച്ച് അൻസിബ പാലാരിവട്ടം പൊലീസിൽ പരാതി നൽകിയിരുന്നു. എന്നാൽ നേരിട്ട് കേസെടുക്കാനാകില്ലെന്ന നിലപാടാണ് പൊലീസ് സ്വീകരിച്ചത്. പരാതിയിൽ പരാമർശിച്ച അഭിമുഖവുമായി ബന്ധപ്പെട്ട് മാനനഷ്ടക്കേസ് മാത്രമേ നിലനിൽക്കുകയുള്ളൂവെന്നും ഇത്തരം സാഹചര്യത്തിൽ പൊലീസിന് നേരിട്ട് കേസെടുക്കാനാകില്ലെന്നും അധികൃതർ അറിയിച്ചു. സ്വകാര്യ അന്യായം ഫയൽ ചെയ്യാൻ നിർദേശിച്ചതിനെ തുടർന്നാണ് അൻസിബ മജിസ്‌ട്രേറ്റ് കോടതിയെ സമീപിച്ചത്. തന്നെ ‘ജിഹാദി’യായി ചിത്രീകരിക്കാൻ ജനപ്രതിനിധികൾ ഉൾപ്പെടെയുള്ളവർ കൂട്ടുനിന്നുവെന്നും കുടുംബാംഗങ്ങളെപ്പോലും അപകീർത്തിപ്പെടുത്താൻ ശ്രമിച്ചുവെന്നും അൻസിബ സമൂഹമാധ്യമക്കുറിപ്പിലൂടെ ആരോപിച്ചിരുന്നു. സിനിമാരംഗത്തെ പ്രമുഖരും സഹപ്രവർത്തകരും തന്റെ സ്വഭാവഹത്യയിൽ പങ്കാളികളായെന്നും അവർ ആരോപിച്ചു. നേരത്തെ അൻസിബയുടെ പരാതിയിൽ ലക്ഷ്മിപ്രിയ തൃക്കാക്കര…

തിരുവനന്തപുരം: ഭക്ഷ്യ–സിവിൽ സപ്ലൈസ് വകുപ്പിന്റെയും സപ്ലൈകോയുടെയും ഓണക്കാല മുന്നൊരുക്കങ്ങൾ അന്തിമഘട്ടത്തിലാണെന്ന് ഭക്ഷ്യമന്ത്രി അനൂപ് ജേക്കബ് അറിയിച്ചു. ഓണക്കാലത്ത് 1,65,932 മെട്രിക് ടൺ അരിയും 24,506 മെട്രിക് ടൺ ഗോതമ്പും വിപണിയിലെത്തിക്കും. മുൻഗണനേതര വിഭാഗങ്ങൾക്കുള്ള പ്രത്യേക അരിവിതരണം അടുത്തമാസം ആരംഭിക്കും. നീല ഭക്ഷ്യമന്ത്രി അനൂപ് ജേക്കബ് ഉടമകൾക്ക് കിലോഗ്രാമിന് 10.90 രൂപ നിരക്കിൽ മൂന്ന് കിലോ അരിയും കിലോഗ്രാമിന് 8.70 രൂപ നിരക്കിൽ രണ്ട് കിലോ ഗോതമ്പും വിതരണം ചെയ്യും. 2026ലെ ഓണത്തോടനുബന്ധിച്ച് എ.എ.വൈ വിഭാഗത്തിലെ റേഷൻ കാർഡ് ഉടമകൾക്കും ക്ഷേമസ്ഥാപനങ്ങളിലെ അന്തേവാസികൾക്കും സൗജന്യ ഓണക്കിറ്റുകൾ നൽകുന്നതിനായി സർക്കാർ 53 കോടി രൂപ അനുവദിച്ചിട്ടുണ്ട്. മഞ്ഞ റേഷൻ കാർഡ് ഉടമകൾക്കുള്ള കിറ്റ് വിതരണം ഓഗസ്റ്റ് 10ന് ആരംഭിച്ച് ഉത്രാടദിനമായ ഓഗസ്റ്റ് 25നകം പൂർത്തിയാക്കും. 2026 ജൂണിലെ കണക്കനുസരിച്ച് ആകെ 6,09,305 കിറ്റുകളാണ് ആവശ്യമായി വരുന്നത്. തുണിസഞ്ചി ഉൾപ്പെടെ 16 ഇനം ഉൽപ്പന്നങ്ങളാണ് ഓരോ കിറ്റിലും ഉണ്ടായിരിക്കുക. ഒരു കിറ്റിന് ഏകദേശം 854 രൂപയാണ്…

മനാമ: ബഹ്‌റൈനിലെ കൊല്ലം പ്രവാസികളുടെ സാമൂഹിക–സാംസ്കാരിക സംഘടനയായ കൊല്ലം പ്രവാസി അസോസിയേഷന്റെ (കെ.പി.എ) 2026–2028 കാലയളവിലേക്കുള്ള പുതിയ ഭരണസമിതി ചുമതലയേറ്റു. മുൻ ഭരണസമിതിയെ ആദരിക്കലും ‘വിളക്കുമരം 2026’ സുവനീർ പ്രകാശനവും ഇതോടനുബന്ധിച്ച് നടന്നു. കെ.സി.എ ഹാളിൽ ‘കെ.പി.എ ഫെസ്റ്റ് 2026’ എന്ന പേരിൽ സംഘടിപ്പിച്ച ചടങ്ങിൽ ബഹ്‌റൈനിലെ സാമൂഹിക–സാംസ്കാരിക രംഗത്തെ പ്രമുഖരും കെ.പി.എ കുടുംബാംഗങ്ങളും പങ്കെടുത്തു. ജനറൽ സെക്രട്ടറി പ്രശാന്ത് പ്രബുദ്ധൻ സ്വാഗതം ആശംസിച്ച ചടങ്ങിൽ പ്രസിഡന്റ് അനോജ് മാസ്റ്റർ അധ്യക്ഷത വഹിച്ചു. ബഹ്‌റൈൻ കേരളീയ സമാജം പ്രസിഡന്റ് പി.വി. രാധാകൃഷ്ണ പിള്ള ഉദ്ഘാടനം നിർവഹിച്ചു. ഇന്ത്യൻ സ്കൂൾ ബഹ്‌റൈൻ മുൻ ചെയർമാനും കെ.പി.എ രക്ഷാധികാരിയുമായ പ്രിൻസ് നടരാജൻ മുഖ്യപ്രഭാഷണം നടത്തി. =================================================================== https://youtu.be/n4kO9b3RIMQ?si=4f1E0q-MI24R-so8 =================================================================== സംഘടനയുടെ കഴിഞ്ഞ രണ്ടുവർഷത്തെ പ്രവർത്തനങ്ങൾ ഉൾപ്പെടുത്തി തയ്യാറാക്കിയ ‘വിളക്കുമരം 2026’ സുവനീർ ചടങ്ങിൽ പ്രകാശനം ചെയ്തു. സുവനീർ എഡിറ്റർ സലീം തയ്യിലും എഡിറ്റോറിയൽ ബോർഡ് അംഗങ്ങളും ചേർന്ന് കെ.പി.എയുടെ മുതിർന്ന അംഗം റഹീം വാവാകുഞ്ഞിന്…

കാസർഗോഡ്: പ്രമാദമായ നിരവധി കേസുകളുടെ അന്വേഷണത്തിൽ നിർണായക പങ്കുവഹിച്ചിരുന്ന റിട്ട. എസ്.ഐ ധൻരാജിനെ തൂങ്ങിമരിച്ച നിലയിൽ കണ്ടെത്തി. കണ്ണൂർ സ്വദേശിയായ മുരളീധരന്റെ മകനായ ധൻരാജ് (65) കാസർഗോഡ് പാറക്കട്ടയിലെ വസതിയിലാണ് മരിച്ച നിലയിൽ കണ്ടെത്തിയത്. മൃതദേഹം ഇൻക്വസ്റ്റിന് ശേഷം പോസ്റ്റുമോർട്ടത്തിനായി കാസർഗോഡ് ജനറൽ ആശുപത്രി മോർച്ചറിയിലേക്ക് മാറ്റി. ജില്ലയിലെ വിവിധ പൊലീസ് സ്റ്റേഷനുകളിൽ സേവനമനുഷ്ഠിച്ച ധൻരാജ് മികച്ച കുറ്റാന്വേഷകനെന്ന നിലയിൽ ശ്രദ്ധ നേടിയിരുന്നു. കാസർഗോഡ് ക്രൈംബ്രാഞ്ച് യൂണിറ്റിൽ നിന്നാണ് അദ്ദേഹം വിരമിച്ചത്. വിരമിച്ചശേഷം ചെർക്കളയിലെ ഒരു സ്വകാര്യ ആശുപത്രിയിൽ സെക്യൂരിറ്റി ഓഫീസറായി ജോലി ചെയ്തുവരികയായിരുന്നു. ആരോഗ്യപ്രശ്നങ്ങളെ തുടർന്ന് രണ്ട് മാസം മുമ്പ് ജോലിയിൽ നിന്ന് വിട്ടുനിന്നതായി അറിയുന്നു. ആത്മഹത്യയിലേക്ക് നയിച്ച സാഹചര്യങ്ങൾ ഇതുവരെ വ്യക്തമായിട്ടില്ല. സംഭവത്തിൽ കാസർഗോഡ് ടൗൺ പൊലീസ് അന്വേഷണം ആരംഭിച്ചിട്ടുണ്ട്.

ന്യൂഡൽഹി: പ്രതിപക്ഷ പ്രതിഷേധത്തെ തുടർന്ന് ലോക്‌സഭയും രാജ്യസഭയും ഉച്ചയ്ക്ക് 12 വരെ നിർത്തിവെച്ചു. പാർലമെന്റ് മാർച്ചിനിടെ വിദ്യാർഥികൾക്കുനേരെയുണ്ടായ പൊലീസ് നടപടിയിൽ കേന്ദ്ര ആഭ്യന്തരമന്ത്രി അമിത് ഷാ പ്രസ്താവന നടത്തണമെന്ന് ആവശ്യപ്പെട്ടാണ് കോൺഗ്രസ് ഉൾപ്പെടെയുള്ള പ്രതിപക്ഷ പാർട്ടികൾ പ്രതിഷേധിച്ചത്. ലോക്‌സഭയിൽ കെ.സി. വേണുഗോപാൽ എംപിയുടെ നേതൃത്വത്തിലായിരുന്നു പ്രതിഷേധം. പ്രതിപക്ഷ അംഗങ്ങൾ മുദ്രാവാക്യം വിളിച്ചതോടെ സഭാ നടപടികൾ തടസ്സപ്പെട്ടു. സഭയിൽ അംഗങ്ങൾ മര്യാദ പാലിക്കണമെന്നും ഓരോ എംപിക്കും ഉത്തരവാദിത്വമുണ്ടെന്നും സ്പീക്കർ ഓം ബിർല പറഞ്ഞു. പ്രതിഷേധം തുടർന്നതോടെയാണ് സഭ ഉച്ചയ്ക്ക് 12 വരെ നിർത്തിവെച്ചത്. രാജ്യസഭയിലും ഇതേ വിഷയത്തിൽ പ്രതിപക്ഷം പ്രതിഷേധിച്ചു. ബഹളം ശക്തമായതിനെ തുടർന്ന് രാജ്യസഭാ നടപടികളും ഉച്ചയ്ക്ക് 12 വരെ നിർത്തിവെച്ചു.

കൊച്ചി: ഗുരുവായൂർ ദേവസ്വത്തിലെ ഓഡിറ്റിൽ ഗുരുതര പോരായ്മകൾ കണ്ടെത്തിയതായി ഹൈക്കോടതി. ദേവസ്വത്തിലെ സാമ്പത്തിക ഇടപാടുകളിൽ കൂടുതൽ സുതാര്യത ഉറപ്പാക്കണമെന്നും ഓൺലൈൻ വഴിപാടുകളും ഡിജിറ്റൽ ഇടപാടുകളും ഉൾപ്പെടെയുള്ള മേഖലകളിൽ കൃത്യമായ ഓഡിറ്റ് സംവിധാനം നടപ്പാക്കണമെന്നും കോടതി നിർദേശിച്ചു. സംസ്ഥാന ഓഡിറ്റ് വിഭാഗത്തിലെ ഡെപ്യൂട്ടി ഡയറക്ടർ നാളെ നേരിട്ട് ഹൈക്കോടതിയിൽ ഹാജരായി ഇതുവരെയുള്ള കണ്ടെത്തലുകളും പരിഹാര നടപടികളും വിശദീകരിക്കണമെന്ന് കോടതി നിർദേശിച്ചിട്ടുണ്ട്. ദേവസ്വം ആവശ്യമായ രേഖകൾ കൈമാറാത്തതിനാൽ ഓഡിറ്റ് നടപടികൾ തടസ്സപ്പെട്ടതായി സംസ്ഥാന ഓഡിറ്റ് വിഭാഗം കോടതിയെ അറിയിച്ചു. കൂടാതെ, കഴിഞ്ഞ 43 വർഷമായി ക്ഷേത്രത്തിലെ വിലപിടിപ്പുള്ള വസ്തുക്കളുടെ വാർഷിക പരിശോധന നടന്നിട്ടില്ലെന്നും, ചട്ടപ്രകാരമുള്ള കൺകറന്റ് ഓഡിറ്റ് കാര്യക്ഷമമായി നടപ്പാക്കിയിട്ടില്ലെന്നും റിപ്പോർട്ടിൽ വ്യക്തമാക്കുന്നു. പ്രധാന വഴിപാട് രസീതികൾ ഉൾപ്പെടെയുള്ള ഇടപാടുകൾ ഡിജിറ്റൽ സംവിധാനത്തിലേക്ക് മാറ്റിയിട്ടുണ്ടെങ്കിലും, അവ പരിശോധിക്കാൻ ആവശ്യമായ ലോഗിൻ വിവരങ്ങൾ ഓഡിറ്റ് വിഭാഗത്തിന് ലഭ്യമാക്കുന്നില്ലെന്നും റിപ്പോർട്ടിൽ പറയുന്നു. ക്ഷേത്രത്തിലെ സ്വർണം, വെങ്കല പാത്രങ്ങൾ, കുങ്കുമപ്പൂവ് തുടങ്ങിയ വിലപിടിപ്പുള്ള വസ്തുക്കളുടെയും വഴിപാടായി ലഭിക്കുന്ന സാധനങ്ങളുടെയും…

മനാമ: 2026ലെ ഫോർമുല വൺ ഗൾഫ് എയർ ബഹ്‌റൈൻ ഗ്രാൻഡ് പ്രീ മലേഷ്യയിലെ സെപാങ് ഇന്റർനാഷണൽ സർക്യൂട്ടിൽ നടക്കും. ഒക്ടോബർ 2 മുതൽ 4 വരെയാണ് മത്സരം സംഘടിപ്പിക്കുന്നതെന്ന് ഫോർമുല വണ്ണും അന്താരാഷ്ട്ര ഓട്ടോമൊബൈൽ ഫെഡറേഷനും (FIA) സ്ഥിരീകരിച്ചു. അസർബൈജാൻ, സിംഗപ്പൂർ ഗ്രാൻഡ് പ്രീ മത്സരങ്ങൾക്കിടയിലായിരിക്കും ബഹ്‌റൈൻ ഗ്രാൻഡ് പ്രീ നടക്കുക. അന്തിമ കരാറുകളും വേൾഡ് മോട്ടോർ സ്പോർട്ട് കൗൺസിലിന്റെ ഔദ്യോഗിക അംഗീകാരവും ലഭിക്കുന്നതോടെ മത്സരം ‘ഫോർമുല വൺ ഗൾഫ് എയർ ബഹ്‌റൈൻ ഗ്രാൻഡ് പ്രീ ഇൻ മലേഷ്യ’ എന്ന പേരിൽ നടത്തും. മറ്റ് മത്സരങ്ങളുടെ സമയക്രമത്തിൽ മാറ്റമുണ്ടാകില്ല. ഫോർമുല വൺ, FIA, ബഹ്‌റൈൻ സർക്കാർ, മലേഷ്യൻ സർക്കാർ എന്നിവ തമ്മിലുണ്ടാക്കിയ ധാരണയുടെ അടിസ്ഥാനത്തിലാണ് മത്സരം സെപാങിലേക്ക് മാറ്റുന്നത്. നടക്കാതെ പോകുമായിരുന്ന ബഹ്‌റൈൻ ഗ്രാൻഡ് പ്രീ നിലനിർത്തുന്നതിനാണ് ഈ പ്രത്യേക ക്രമീകരണമെന്ന് അധികൃതർ അറിയിച്ചു. 2004ൽ മിഡിൽ ഈസ്റ്റിലെ ആദ്യ ഫോർമുല വൺ ഗ്രാൻഡ് പ്രീ സംഘടിപ്പിച്ച ബഹ്‌റൈന്റെ കായികമേഖലയോടുള്ള ദീർഘകാല…

മനാമ: സമൂഹത്തിലെ പാർശ്വവൽക്കരിക്കപ്പെട്ടവർക്കും സാമ്പത്തികമായി പിന്നാക്കം നിൽക്കുന്ന കുടുംബങ്ങൾക്കും ആശ്വാസമേകുന്ന വിവിധ ജീവകാരുണ്യ പ്രവർത്തനങ്ങളുമായി മുന്നേറുകയാണ് സി.എം.എൻ (ചന്ദ്രമ്മ–മാധവൻ നായർ) ട്രസ്റ്റ്. ട്രസ്റ്റ് ചെയർമാനും ബഹ്‌റൈനിലെ പ്രമുഖ വ്യവസായിയുമായ പമ്പാവാസൻ നായരുടെ നേതൃത്വത്തിൽ നടപ്പാക്കുന്ന ‘എ ഹോം ഓഫ് യുവർ ഓൺ’ പദ്ധതി കേരളത്തിലെ നിരവധി ഭവനരഹിത കുടുംബങ്ങൾക്കാണ് പുതിയ ജീവിതം സമ്മാനിക്കുന്നത്. അഞ്ചുവർഷത്തിനുള്ളിൽ അർഹരായ 50 കുടുംബങ്ങൾക്ക് വീടുകൾ നിർമിച്ചുനൽകുകയെന്ന ലക്ഷ്യത്തോടെ 2024 ഓഗസ്റ്റ് 25നാണ് പദ്ധതിക്ക് തുടക്കമിട്ടത്. എന്നാൽ പദ്ധതി ആരംഭിച്ച് ചുരുങ്ങിയ സമയത്തിനുള്ളിൽതന്നെ 48 വീടുകളുടെ നിർമാണം പൂർത്തിയാക്കി നിശ്ചയിച്ച ലക്ഷ്യത്തിനരികിലെത്താൻ ട്രസ്റ്റിന് കഴിഞ്ഞു. സി.എം.എൻ ട്രസ്റ്റ് നിർമിച്ച 13 വീടുകളുടെ താക്കോൽദാന ചടങ്ങ് കഴിഞ്ഞ ദിവസം ഒറ്റപ്പാലത്ത് നടന്നു. മുഖ്യമന്ത്രി വി.ഡി. സതീശൻ ചടങ്ങ് ഉദ്ഘാടനം ചെയ്ത് ഗുണഭോക്താക്കൾക്ക് വീടുകളുടെ താക്കോൽ കൈമാറി. പുതിയതായി നിർമിക്കുന്ന പത്ത് വീടുകളുടെ ധാരണാപത്രങ്ങളും ചടങ്ങിൽ വിതരണം ചെയ്തു. സമൂഹത്തിലെ ദുർബലരുടെ സങ്കടം സ്വന്തം സങ്കടമായി കാണാൻ പൊതുപ്രവർത്തകർക്ക് കഴിയണമെന്നും…

മനാമ: ഇന്ത്യൻ കമ്മ്യൂണിറ്റി റിലീഫ് ഫണ്ട് (ICRF ബഹ്‌റൈൻ) സംഘടിപ്പിക്കുന്ന വാർഷിക വേനൽക്കാല ബോധവൽക്കരണ പദ്ധതിയായ ‘തേർസ്റ്റ് ക്വെഞ്ചേഴ്സ് 2026’ന്റെ ആറാം ആഴ്ചയിലെ പരിപാടി ജൂലൈ 25ന് മുഹറഖിലെ തൊഴിലിടത്തിൽ നടന്നു. കടുത്ത വേനലിൽ തൊഴിലാളികൾക്ക് സുരക്ഷിതമായ തൊഴിൽ സാഹചര്യം ഉറപ്പാക്കാനുള്ള തൊഴിൽ മന്ത്രാലയത്തിന്റെ പ്രവർത്തനങ്ങൾക്ക് പിന്തുണ നൽകുന്നതിന്റെ ഭാഗമായാണ് പരിപാടി സംഘടിപ്പിച്ചത്. ദാർ അൽ ഖലീജ് കോൺട്രാക്റ്റിംഗ് കമ്പനിയുടെ കീഴിലുള്ള തൊഴിലിടത്തിലെ ഏകദേശം 220 തൊഴിലാളികൾക്ക് വെള്ളം, ജ്യൂസ്, ലാബൻ, ഓറഞ്ച്, ആപ്പിൾ, വാഴപ്പഴം എന്നിവ വിതരണം ചെയ്തു. തൊഴിൽ മന്ത്രാലയം, ലേബർ മാർക്കറ്റ് റെഗുലേറ്ററി അതോറിറ്റി (LMRA), ഇന്റർനാഷണൽ ഓർഗനൈസേഷൻ ഫോർ മൈഗ്രേഷൻ (IOM) എന്നിവയുടെ പിന്തുണയോടെയാണ് ഈ വർഷത്തെ പദ്ധതി നടപ്പാക്കുന്നത്. ICRF വൈസ് ചെയർമാൻ പങ്കജ് നല്ലൂർ, ജനറൽ സെക്രട്ടറി അനീഷ് ശ്രീധരൻ, ഉപദേശകരായ ഡോ. ബാബു രാമചന്ദ്രൻ, അരുൾദാസ് തോമസ്, പദ്ധതി കോർഡിനേറ്റർമാരായ ചെമ്പൻ ജലാൽ, രുചി ചക്രവർത്തി, മറ്റു ഭാരവാഹികൾ എന്നിവരും പരിപാടിയിൽ…