കണ്ണൂര്: കണ്ണൂര് റെയില്വേ സ്റ്റേഷനില് നിര്ത്തിയിട്ട ട്രെയിനിന്റെ ബോഗി കത്തിനശിച്ചു. മൂന്നാം പ്ലാറ്റ് ഫോമിനു സമീപം ഏട്ടാമത്തെ യാര്ഡില് ഹാള്ട്ട് ചെയ്തിരുന്ന ആലപ്പുഴ കണ്ണൂര് എക്സിക്യൂട്ടീവ് എക്സ്പ്രസ് ട്രെയിനിന്റെ ബോഗിയാണ് കത്തിയത്. രാത്രി ഒന്നരയോടെയാണ് സംഭവം. ആര്ക്കും പരുക്കില്ല. തീയിട്ടതെന്നു സംശയിക്കുന്നതായി റെയില്വേ അധികൃതര് പറയുന്നു. രാത്രി പതിനൊന്നോടെ എത്തിയ ട്രെയിന് നിര്ത്തിയിട്ടതാണ്. ഒരു ബോഗി പൂര്ണമായും കത്തിനശിച്ചു. പുറമേനിന്നു തീയിട്ടതാകാമെന്നാണ് പ്രാഥമിക നിഗമനം. ഏറ്റവും പിറകിലെ മൂന്നാമത്തെ ബോഗിയാണ് കത്തിയത്.മൂന്ന് യൂണിറ്റ് അഗ്നിശമന സേനാ സംഘം ഏറെ നേരം പ്രയത്നിച്ചാണ് നിയന്ത്രണ വിധേയമാക്കിയത്. സമീപ ബോഗികള്ക്ക് കേടുപാട് ഉണ്ടായിട്ടില്ല. തീ ഉയരുന്നത് റയില്വേ ‘ ജീവനക്കാരാണ് ആദ്യം കണ്ടത്. അഗ്നിശമന സേനയുടെ വാഹനത്തിന് ഇവിടേക്ക് എത്താന് തടസമായത് പ്രതിസന്ധിക്ക് ഇടയാക്കി. കോഴിക്കോട് എലത്തൂരില് തീവയ്പുണ്ടായ അതേ ട്രെയിനിലാണ് തീപിടിത്തമുണ്ടായത്. ഇന്ന് ഉച്ചയ്ക്ക് ഇന്റര്സിറ്റി എക്സ്പ്രസായി സര്വീസ് നടത്തേണ്ടതാണ്.
Trending
- ലോക്സഭാ തിരഞ്ഞെടുപ്പ്: ദൃശ്യ ശ്രവ്യ പരസ്യങ്ങൾക്ക് അംഗീകാരം വാങ്ങണം
- രാജ്യത്ത് ആദ്യമായി ബയോമെഡിക്കല് മാലിന്യ സംസ്കരണത്തിന് നൂതന സാങ്കേതികവിദ്യ അവതരിപ്പിച്ച് സിഎസ്ഐആര്-നിസ്റ്റ് കോണ്ക്ലേവ്
- പയ്യോളിയിൽ രണ്ടു പെൺമക്കളെ കൊലപ്പെടുത്തി പിതാവ് ജീവനൊടുക്കി
- കോട്ടയം സി എം എസ് കോളേജിൽ കോളേജ് ഡേയ്ക്കിടെ സംഘര്ഷം; പോലീസ് ലാത്തിവീശി
- ഇൻഡിഗോ വിമാനം എയർഇന്ത്യാ എക്സ്പ്രസിൽ ഉരസി, ചിറക് പൊട്ടിവീണു
- 61 വര്ഷം പീഡനക്കേസില് കഠിനതടവിന് ശിക്ഷിക്കപ്പെട്ടയാള്ക്ക് സമാനകേസില് 81 വര്ഷം കൂടി കഠിനതടവ്
- എഎപിക്ക് പഞ്ചാബിൽ തിരിച്ചടി; എംപി സുശീൽ കുമാറും എംഎൽഎ ശീതൾ അംഗുരലും ബിജെപിയിൽ
- ഒരു വർഷത്തിനിടെ 20ൽ പരം ഡോക്ടർമാർ ആത്മഹത്യ ചെയ്തതായി ഐഎംഎ