ന്യൂഡൽഹി: എം.പി മാരായ സുരേഷ് ഗോപി, പ്രേമചന്ദ്രൻ എന്നിവർ രാഷ്ട്രപതി ഭവനിലെത്തി രാഷ്ട്രപതി ദ്രൗപദി മുർമുവുമായി കൂടിക്കാഴ്ച നടത്തി. കൊല്ലത്ത് നവംബർ ഒന്നിന് കേരളപ്പിറവി ദിനത്തിൽ നടക്കുന്ന 12-ാമത് പ്രസിഡന്റ്സ് ട്രോഫി വള്ളംകളിയിലും ദേശീയതല മാനേജ്മെന്റ് സമ്മിറ്റ് 2026ലും പങ്കെടുക്കണമെന്ന് അഭ്യർത്ഥിച്ച് രാഷ്ട്രപതിയെ ക്ഷണിച്ചു.
രാഷ്ട്രപതി ഭവനിലെത്തി രാഷ്ട്രപതിയെ സന്ദർശിക്കാൻ കഴിഞ്ഞതിൽ അതിയായ സന്തോഷമുണ്ടെന്ന് കൂടിക്കാഴ്ചയ്ക്ക് ശേഷം എം.പി മാർ വ്യക്തമാക്കി. കേരളത്തിന്റെ പ്രധാന ആഘോഷദിനമായ കേരളപ്പിറവി ദിനത്തിൽ കൊല്ലത്ത് നടക്കുന്ന പരിപാടികളിൽ രാഷ്ട്രപതിയുടെ സാന്നിധ്യം ഏറെ ശ്രദ്ധേയമാകുമെന്നും ഇവർ പറഞ്ഞു.
നവംബർ ഒന്നിനാണ് 12-ാമത് പ്രസിഡന്റ്സ് ട്രോഫി വള്ളംകളിയും ദേശീയതല മാനേജ്മെന്റ് സമ്മിറ്റ് 2026ഉം കൊല്ലത്ത് നടക്കുന്നത്. ഇരു പരിപാടികളിലും രാഷ്ട്രപതി ദ്രൗപദി മുർമു പങ്കെടുക്കണമെന്ന അഭ്യർത്ഥനയോടെയാണ് ക്ഷണം നൽകിയത്.