കഴിഞ്ഞ വർഷത്തെ ചടങ്ങിൽ രാഹുൽ ഗാന്ധിക്ക് പ്രോട്ടോകോളിന് വിരുദ്ധമായി അവസാന നിരകളിലൊന്നിൽ ഇരിപ്പിടം നൽകിയെന്ന ആരോപണം വലിയ വിവാദമായിരുന്നു. ലോക്‌സഭാ പ്രതിപക്ഷ നേതാവിനോട് അനാദരവ് കാട്ടിയെന്നായിരുന്നു കോൺഗ്രസിന്റെ വിമർശനം. ഔദ്യോഗിക ചടങ്ങുകളിൽ പ്രതിപക്ഷ നേതാവിന് മുൻനിരയിലാണ് ഇരിപ്പിടം നൽകേണ്ടതെന്നും പാർട്ടി ചൂണ്ടിക്കാട്ടിയിരുന്നു.

ഒളിംപിക്‌സ് താരങ്ങളെ ചടങ്ങിൽ ഉൾപ്പെടുത്തുന്നതിനായാണ് ഇരിപ്പിട ക്രമീകരണങ്ങളിൽ മാറ്റം വരുത്തിയതെന്നായിരുന്നു പ്രതിരോധ മന്ത്രാലയം നൽകിയ വിശദീകരണം. ഒളിംപിക്‌സ് മെഡൽ ജേതാക്കളായ മനു ഭാക്കർ, സരബ്‌ജ്യോത് സിങ് തുടങ്ങിയവർക്ക് മുൻനിരയിൽ ഇരിപ്പിടം അനുവദിച്ചിരുന്നു.

ഇന്ത്യൻ ഹോക്കി ടീം ക്യാപ്റ്റൻ ഹർമൻപ്രീത് സിങ്, മലയാളി താരം പി.ആർ. ശ്രീജേഷ് എന്നിവർക്കും രാഹുൽ ഗാന്ധിക്ക് മുന്നിലായിരുന്നു ഇരിപ്പിടം നൽകിയിരുന്നത്. ഈ ക്രമീകരണം രാഷ്ട്രീയ വിവാദത്തിനും പ്രോട്ടോകോൾ സംബന്ധിച്ച ചർച്ചകൾക്കും വഴിവെച്ചിരുന്നു.

The post തുടർച്ചയായ രണ്ടാം വർഷവും ചെങ്കോട്ടയിലെ സ്വാതന്ത്ര്യദിനാഘോഷത്തിൽനിന്ന് വിട്ടുനിന്ന് രാഹുൽ ഗാന്ധിയും ഖാർഗെയും appeared first on Starvision News Malayalam.

ധീരരായ സ്വാതന്ത്ര്യസമര സേനാനികൾക്ക് ആദരമർപ്പിച്ചാണ് പ്രധാനമന്ത്രി രാജ്യത്തെ അഭിസംബോധന ചെയ്തുകൊണ്ടുള്ള പ്രസംഗം ആരംഭിച്ചത്. രാജ്യത്തെ ഓരോ മനസ്സിലും വന്ദേമാതരം മുഴങ്ങുകയാണെന്ന് അദ്ദേഹം പറഞ്ഞു.

പുതിയ പ്രതീക്ഷകളോടെയാണ് രാജ്യം മുന്നേറുന്നതെന്നും നിശ്ചയിച്ച ലക്ഷ്യങ്ങൾ പൂർത്തീകരിക്കാനുള്ള യാത്ര വിജയത്തിലെത്തുമെന്നും പ്രധാനമന്ത്രി വ്യക്തമാക്കി. രാജ്യത്തിന്റെ സ്വപ്നങ്ങൾ യാഥാർഥ്യമാകുമെന്നും വികസിത ഭാരതം 2047 എന്ന ലക്ഷ്യത്തിലേക്ക് ഇനിയും ഏറെ ദൂരം മുന്നേറാനുണ്ടെന്നും അദ്ദേഹം പറഞ്ഞു. ഐക്യത്തോടെയുള്ള പ്രവർത്തനത്തിലൂടെ വലിയ നേട്ടങ്ങൾ കൈവരിക്കാനാകുമെന്നും പ്രധാനമന്ത്രി കൂട്ടിച്ചേർത്തു.

കഴിഞ്ഞ 12 വർഷമായി രാജ്യം ദൃഢനിശ്ചയത്തോടെ പ്രവർത്തിക്കുകയാണെന്ന് പ്രധാനമന്ത്രി പറഞ്ഞു. ദുർബലമായ സമ്പദ്‌വ്യവസ്ഥയിൽനിന്ന് ലോകശക്തിയായി ഇന്ത്യ വളർന്നു. സാങ്കേതികവിദ്യയിലും ഡിജിറ്റൽ മേഖലയിലും വിപ്ലവകരമായ മാറ്റങ്ങളുണ്ടായെന്നും ദാരിദ്ര്യനിർമാർജന പ്രവർത്തനങ്ങൾ മികച്ച ഫലം കാണുന്നുണ്ടെന്നും അദ്ദേഹം അവകാശപ്പെട്ടു.

കാലഹരണപ്പെട്ട നിയമങ്ങൾ ഒഴിവാക്കി നിയമവ്യവസ്ഥ കൂടുതൽ ശക്തവും സുതാര്യവുമാക്കി. അടിസ്ഥാനസൗകര്യങ്ങൾ എല്ലാവരിലേക്കും എത്തിക്കുകയെന്ന ലക്ഷ്യത്തിലും രാജ്യം മുന്നേറ്റം കൈവരിച്ചതായി പ്രധാനമന്ത്രി പറഞ്ഞു.

സ്വയംപര്യാപ്തത പൂർണമായ അർഥത്തിൽ യാഥാർഥ്യമാക്കേണ്ടതുണ്ടെന്ന് ചൂണ്ടിക്കാട്ടിയ പ്രധാനമന്ത്രി, അതിനായി രാജ്യത്തിന്റെ കാര്യക്ഷമത വർധിപ്പിക്കണമെന്ന് ആവശ്യപ്പെട്ടു. നിർണായക മേഖലകളിൽ മറ്റു രാജ്യങ്ങളെ ആശ്രയിക്കേണ്ടിവരാത്ത സാഹചര്യം സൃഷ്ടിക്കുകയാണ് ലക്ഷ്യമെന്നും അദ്ദേഹം വ്യക്തമാക്കി.

കഴിഞ്ഞ 12 വർഷത്തിനിടെ ഡിജിറ്റൽ ഇടപാടുകളിൽ വലിയ വർധനയുണ്ടായി. ഇന്റർനെറ്റ് ഉപയോക്താക്കളുടെ എണ്ണം നാലിരട്ടിയായെന്നും മൂന്ന് സെമികണ്ടക്ടർ പ്ലാന്റുകൾ യാഥാർഥ്യമാക്കിയെന്നും പ്രധാനമന്ത്രി പറഞ്ഞു. സെമികണ്ടക്ടർ, ആണവോർജ മേഖലകളിലും ഇന്ത്യ സ്വന്തം ശേഷി ശക്തിപ്പെടുത്തിയതായി അദ്ദേഹം ചൂണ്ടിക്കാട്ടി.

The post സ്വാതന്ത്ര്യദിനാഘോഷ നിറവിൽ രാജ്യം; ചെങ്കോട്ടയിൽ ദേശീയപതാക ഉയർത്തി പ്രധാനമന്ത്രി appeared first on Starvision News Malayalam.

ജസ്റ്റിസുമാരായ ദീപാങ്കർ ദത്ത, ഷീൽ നാഗു എന്നിവരടങ്ങിയ ബെഞ്ചാണ് വിധി പ്രസ്താവിച്ചത്. മജിസ്‌ട്രേറ്റ് കോടതി പുറപ്പെടുവിച്ച സമൻസും കേസുമായി ബന്ധപ്പെട്ട തുടർനടപടികളും റദ്ദാക്കി. വിചാരണ നേരിടണമെന്ന കീഴ്‌ക്കോടതി ഉത്തരവിനെതിരെ രാഹുൽ ഗാന്ധി നൽകിയ അപ്പീലിലാണ് സുപ്രീംകോടതിയുടെ തീരുമാനം.

2022 നവംബർ 17ന് ഭാരത് ജോഡോ യാത്രയ്ക്കിടെ മഹാരാഷ്ട്രയിൽ നടത്തിയ വാർത്താസമ്മേളനത്തിലായിരുന്നു സവർക്കർക്കെതിരായ രാഹുൽ ഗാന്ധിയുടെ പരാമർശം. സവർക്കർ ബ്രിട്ടീഷുകാരുടെ ദാസനായിരുന്നുവെന്നും അവരിൽനിന്ന് പെൻഷൻ സ്വീകരിച്ചിരുന്നുവെന്നുമായിരുന്നു രാഹുലിന്റെ ആരോപണം. ഇതിനെതിരെ ഒരു അഭിഭാഷകൻ ലഖ്‌നൗ കോടതിയിൽ പരാതി നൽകുകയായിരുന്നു.

കേസിൽ രാഹുൽ ഗാന്ധി നേരിട്ട് ഹാജരാകണമെന്ന് നിർദേശിച്ച് 2024 നവംബറിൽ ലഖ്‌നൗ സെഷൻസ് കോടതി ഉത്തരവിട്ടിരുന്നു. ഈ ഉത്തരവിനെതിരായ ഹർജി അലഹബാദ് ഹൈക്കോടതി തള്ളിയതോടെയാണ് രാഹുൽ സുപ്രീംകോടതിയെ സമീപിച്ചത്.

The post സവർക്കർ വിരുദ്ധ പരാമർശം: രാഹുൽ ഗാന്ധിക്കെതിരായ കേസ് സുപ്രീംകോടതി റദ്ദാക്കി appeared first on Starvision News Malayalam.

രാജ്യത്തെ പ്രമുഖ വ്യക്തികളുടെ സാന്നിധ്യത്തിൽ നടന്ന ചടങ്ങിനെ പ്രധാനമന്ത്രി അഭിസംബോധന ചെയ്തു. ഇന്ത്യയുടെ 14-ാമത് രാഷ്ട്രപതിയായിരുന്ന രാംനാഥ് കോവിന്ദിന്റെ ജീവിതവും പൊതുസേവനരംഗത്തെ സംഭാവനകളും അടയാളപ്പെടുത്തുന്ന സുപ്രധാന അവസരമായിരുന്നു ആത്മകഥയുടെ പ്രകാശനം.

രാംനാഥ് കോവിന്ദിന്റെ ബാല്യകാലം മുതൽ രാജ്യത്തിന്റെ പരമോന്നത ഭരണഘടനാപദവിയിലെത്തിയതുവരെയുള്ള ജീവിതയാത്രയാണ് പുസ്തകം വിവരിക്കുന്നത്. അദ്ദേഹം നേരിട്ട പ്രതിസന്ധികൾ, കൈവരിച്ച നേട്ടങ്ങൾ, പൊതുജീവിതത്തിലെ അനുഭവങ്ങൾ എന്നിവ ആത്മകഥയിൽ വ്യക്തിപരമായി അവതരിപ്പിക്കുന്നു.

കോവിന്ദിന്റെ ജീവിതവീക്ഷണവും മൂല്യങ്ങളും പൊതുസേവനത്തെ രൂപപ്പെടുത്തിയ സാഹചര്യങ്ങളും പുസ്തകത്തിൽ വിശദീകരിക്കുന്നുണ്ട്. ഡൽഹിയിൽ നടന്ന പ്രൗഢഗംഭീരമായ ചടങ്ങിൽ ബഹ്‌റൈനിൽനിന്നുള്ള പ്രതിനിധിസാന്നിധ്യമായാണ് ബാബുരാജൻ പങ്കെടുത്തത്.

The post മുൻ രാഷ്ട്രപതി രാംനാഥ് കോവിന്ദിന്റെ ആത്മകഥ നരേന്ദ്ര മോദി പ്രകാശനം ചെയ്തു; പ്രത്യേക ക്ഷണിതാവായി ബഹ്‌റൈൻ വ്യവസായി ബാബുരാജൻ appeared first on Starvision News Malayalam.

നീറ്റ് പരീക്ഷാക്രമക്കേടുമായി ബന്ധപ്പെട്ട വിഷയങ്ങളിൽ രണ്ടുദിവസത്തെ ചർച്ച നടത്തുമെന്ന് അമിത് ഷാ നേരത്തെ അറിയിച്ചിരുന്നെങ്കിലും അവസാനദിവസം മാത്രമാണ് സഭയിലെത്തിയത്. അദ്ദേഹം എത്തിയശേഷവും വിഷയത്തിൽ ചർച്ചയോ വിശദീകരണമോ ഉണ്ടായില്ല. സഭയ്ക്കുള്ളിൽ ഭരണ–പ്രതിപക്ഷ അംഗങ്ങൾ തമ്മിൽ രൂക്ഷമായ വാക്കേറ്റമുണ്ടായി. പാർലമെന്റിന് പുറത്ത് മകർ ദ്വാറിന് മുന്നിലും പ്രതിപക്ഷം പ്രതിഷേധിച്ചു.

ജൂലൈ 20ന് ആരംഭിച്ച സമ്മേളനത്തിലുടനീളം പ്രതിപക്ഷ പ്രതിഷേധങ്ങളെ തുടർന്ന് ഇരുസഭകളുടെയും നടപടികൾ പലതവണ തടസ്സപ്പെട്ടു. നീറ്റ് ചോദ്യപേപ്പർ ചോർച്ച, അയോധ്യയിലെ സംഭാവനയുമായി ബന്ധപ്പെട്ട ആരോപണങ്ങൾ, വിദ്യാർഥി പ്രതിഷേധങ്ങൾക്കെതിരായ പൊലീസ് നടപടി തുടങ്ങിയ വിഷയങ്ങളാണ് പ്രതിപക്ഷം പ്രധാനമായും ഉന്നയിച്ചത്. ഈ വിഷയങ്ങളിൽ ചർച്ച നടത്തുന്നതിൽനിന്ന് സർക്കാർ ഒഴിഞ്ഞുമാറുകയാണെന്നും പ്രധാനമന്ത്രിയും ആഭ്യന്തരമന്ത്രിയും സഭയെ അഭിമുഖീകരിക്കുന്നില്ലെന്നും പ്രതിപക്ഷം ആരോപിച്ചു.

The post പ്രതിപക്ഷ പ്രതിഷേധങ്ങൾക്കിടെ പാർലമെന്റിന്റെ വർഷകാല സമ്മേളനത്തിന് സമാപനം appeared first on Starvision News Malayalam.

ഓഗസ്റ്റ് 10ന് ഡൽഹിയിൽനിന്ന് ഹൈദരാബാദിലേക്ക് പോകാനെത്തിയ യാത്രക്കാരന്റെ ബാഗ് സ്കാൻ ചെയ്തപ്പോൾ ഉദ്യോഗസ്ഥർക്ക് സംശയം തോന്നുകയായിരുന്നു. തുടർന്ന് ബാഗ് തുറന്ന് പരിശോധിച്ചപ്പോഴാണ് ഒളിപ്പിച്ച നിലയിൽ തലയോട്ടി കണ്ടെത്തിയത്. ഇതോടെ യാത്രക്കാരനെ വിമാനത്തിൽ കയറാൻ അനുവദിച്ചില്ല.

ചോദ്യംചെയ്യലിൽ തലയോട്ടി കുരങ്ങിന്റേതാണെന്ന് യാത്രക്കാരൻ സമ്മതിച്ചതായി അധികൃതർ അറിയിച്ചു. ഇത് സംരക്ഷിത വന്യജീവി വിഭാഗത്തിൽപ്പെടുന്ന കുരങ്ങിന്റേതാകാമെന്ന സംശയത്തെ തുടർന്ന് ബന്ധപ്പെട്ട വകുപ്പുകളെ വിവരമറിയിച്ചു.

തുടർ നിയമനടപടികൾക്കായി യാത്രക്കാരനെ പൊലീസിന് കൈമാറി. വന്യജീവി വകുപ്പ് നൽകുന്ന നിർദേശങ്ങളുടെ അടിസ്ഥാനത്തിൽ തുടർനടപടികൾ സ്വീകരിക്കുമെന്ന് പൊലീസ് അറിയിച്ചു.

The post വിമാന യാത്രക്കാരൻ്റെ ഹാൻഡ് ബാഗിൽ തലയോട്ടി appeared first on Starvision News Malayalam.

രാഷ്ട്രപതി ഭവനിലെത്തി രാഷ്ട്രപതിയെ സന്ദർശിക്കാൻ കഴിഞ്ഞതിൽ അതിയായ സന്തോഷമുണ്ടെന്ന് കൂടിക്കാഴ്ചയ്ക്ക് ശേഷം എം.പി മാർ വ്യക്തമാക്കി. കേരളത്തിന്റെ പ്രധാന ആഘോഷദിനമായ കേരളപ്പിറവി ദിനത്തിൽ കൊല്ലത്ത് നടക്കുന്ന പരിപാടികളിൽ രാഷ്ട്രപതിയുടെ സാന്നിധ്യം ഏറെ ശ്രദ്ധേയമാകുമെന്നും ഇവർ പറഞ്ഞു.

നവംബർ ഒന്നിനാണ് 12-ാമത് പ്രസിഡന്റ്സ് ട്രോഫി വള്ളംകളിയും ദേശീയതല മാനേജ്മെന്റ് സമ്മിറ്റ് 2026ഉം കൊല്ലത്ത് നടക്കുന്നത്. ഇരു പരിപാടികളിലും രാഷ്ട്രപതി ദ്രൗപദി മുർമു പങ്കെടുക്കണമെന്ന അഭ്യർത്ഥനയോടെയാണ് ക്ഷണം നൽകിയത്.

The post രാഷ്ട്രപതി ദ്രൗപദി മുർമുവിനെ സന്ദർശിച്ച് ക്ഷണിച്ച്; പ്രസിഡന്റ്സ് ട്രോഫി വള്ളംകളിയിൽ പങ്കെടുക്കാൻ ക്ഷണം appeared first on Starvision News Malayalam.

പ്രഖ്യാപിച്ച ഷെഡ്യൂൾ പ്രകാരം കോഴിക്കോട്, കണ്ണൂർ, കൊച്ചി, മംഗളൂരു സെക്ടറുകളിലേക്കാണ് സർവീസുകൾ നടത്തുക. ഓഗസ്റ്റ് 14ന് ബഹ്‌റൈനിൽനിന്ന് കോഴിക്കോട്ടേക്ക് ഉച്ചയ്ക്ക് 12.25നും കൊച്ചിയിലേക്ക് രാവിലെ 10.25നും വിമാനങ്ങൾ പുറപ്പെടും.

ഓഗസ്റ്റ് 15ന് കോഴിക്കോട്, കണ്ണൂർ, മംഗളൂരു എന്നിവിടങ്ങളിലേക്കും ഓഗസ്റ്റ് 16ന് കോഴിക്കോട്, കൊച്ചി സെക്ടറുകളിലേക്കും സർവീസുകളുണ്ടാകും. ഓഗസ്റ്റ് 17ന് കോഴിക്കോട്, മംഗളൂരു റൂട്ടുകളിലും ഓഗസ്റ്റ് 18ന് കോഴിക്കോട്, കണ്ണൂർ റൂട്ടുകളിലും സർവീസ് നടത്തും. ഇതേ ദിവസങ്ങളിൽ ഇന്ത്യയിൽനിന്ന് ബഹ്‌റൈനിലേക്കുള്ള മടക്കസർവീസുകളും ഉണ്ടായിരിക്കുമെന്ന് കമ്പനി അറിയിച്ചു.

പ്രാദേശിക സംഘർഷത്തെത്തുടർന്ന് സുരക്ഷാ മുൻകരുതലിന്റെ ഭാഗമായി കഴിഞ്ഞ മാസം 22 മുതലാണ് എയർ ഇന്ത്യ എക്‌സ്പ്രസ് സർവീസുകൾ റദ്ദാക്കിയത്. ഓഗസ്റ്റ് 13 വരെയുള്ള സർവീസുകൾ നിലവിൽ റദ്ദാക്കിയ നിലയിൽ തുടരും.

സംഘർഷത്തിൽ നേരിയ ശമനമുണ്ടായിട്ടും സർവീസുകൾ പുനരാരംഭിക്കാത്തതിൽ യാത്രക്കാർ പ്രതിഷേധം അറിയിച്ചിരുന്നു. സമാന റൂട്ടുകളിൽ മറ്റു വിമാനക്കമ്പനികൾ സർവീസ് നടത്തിയപ്പോഴും എയർ ഇന്ത്യ എക്‌സ്പ്രസ് സർവീസ് നടത്താതിരുന്നതാണ് പ്രധാനമായും യാത്രക്കാരുടെ പ്രതിഷേധത്തിന് ഇടയാക്കിയത്. വിഷയത്തിൽ ഇടപെടണമെന്ന് ആവശ്യപ്പെട്ട് ഷാഫി പറമ്പിൽ എം.പി കേന്ദ്ര വ്യോമയാന മന്ത്രിക്ക് കത്തയച്ചിരുന്നു.

The post ബഹ്‌റൈൻ–കേരള സർവീസുകൾ പുനരാരംഭിക്കാൻ എയർ ഇന്ത്യ എക്‌സ്പ്രസ്; ഓഗസ്റ്റ് 14 മുതലുള്ള ഷെഡ്യൂൾ പ്രഖ്യാപിച്ചു appeared first on Starvision News Malayalam.

കേരളം, മഹാരാഷ്ട്ര, ഗുജറാത്ത്, പഞ്ചാബ് എന്നിവിടങ്ങളിൽനിന്നായി കേസുമായി ബന്ധപ്പെട്ട ഒമ്പതുപേരെയാണ് അറസ്റ്റ് ചെയ്തത്. വാട്‌സാപ്പ് നിക്ഷേപ ഗ്രൂപ്പുകളും വ്യാജ ട്രേഡിങ് ആപ്പുകളും ഉപയോഗിച്ച് നിക്ഷേപകരുടെ വിശ്വാസം നേടിയശേഷമാണ് സംഘം തട്ടിപ്പ് നടത്തിയതെന്ന് പൊലീസ് പറയുന്നു.

ട്രേഡിങ് ആപ്പുകളിൽ വ്യാജ ലാഭം രേഖപ്പെടുത്തി കൂടുതൽ പണം നിക്ഷേപിക്കാൻ ഇരകളെ പ്രേരിപ്പിക്കുകയായിരുന്നു സംഘത്തിന്റെ രീതി. പിന്നീട് നികുതി, ബ്രോക്കറേജ്, ഐപിഒ അലോട്ട്‌മെന്റ്, അക്കൗണ്ട് വെരിഫിക്കേഷൻ തുടങ്ങിയ പേരുകളിൽ അധിക തുക ആവശ്യപ്പെടുകയും ചെയ്തു.

ഷെൽ സ്ഥാപനങ്ങളുടെ പേരിൽ തുറന്ന കറന്റ് അക്കൗണ്ടുകളിലൂടെ തട്ടിപ്പിലൂടെ ലഭിച്ച പണം പല ഘട്ടങ്ങളിലായി മാറ്റിയതായി അന്വേഷണത്തിൽ കണ്ടെത്തി. സംഘത്തിന് ഖത്തർ ബന്ധമുണ്ടെന്നും ദുബായ് കേന്ദ്രീകരിച്ചാണ് പ്രവർത്തനങ്ങൾ ഏകോപിപ്പിച്ചതെന്നും പൊലീസ് അറിയിച്ചു.

അറസ്റ്റിലായവരിൽനിന്ന് എട്ട് മൊബൈൽ ഫോണുകൾ പിടിച്ചെടുത്തു. വാട്‌സാപ്പ് ചാറ്റുകൾ, ബാങ്കിങ് രേഖകൾ, കെവൈസി വിവരങ്ങൾ എന്നിവ ഉൾപ്പെടെയുള്ള ഡിജിറ്റൽ തെളിവുകളും അന്വേഷണസംഘം ശേഖരിച്ചിട്ടുണ്ട്. കേസിലെ വിദേശബന്ധങ്ങളും മറ്റ് പ്രതികളുടെ പങ്കും സംബന്ധിച്ച് കൂടുതൽ അന്വേഷണം തുടരുകയാണ്.

The post വ്യാജ ട്രേഡിങ് ആപ്പുകളിലൂടെ ₹15 കോടിയുടെ തട്ടിപ്പ്; മുഖ്യസൂത്രധാരൻ മലയാളിയെന്ന് പൊലീസ്, ഒമ്പതുപേർ അറസ്റ്റിൽ appeared first on Starvision News Malayalam.

കേസിൽ പ്രതിയായതിനെത്തുടർന്ന് യുഎഇയിലേക്ക് കടന്ന ആദർശിനെതിരെ ലുക്ക് ഔട്ട് നോട്ടീസ് പുറപ്പെടുവിച്ചിരുന്നു. ഓഗസ്റ്റ് 10ന് രാവിലെ ചെന്നൈ വിമാനത്താവളത്തിൽ വന്നിറങ്ങിയപ്പോഴാണ് ഇയാൾ പിടിയിലായത്.

വീണ വിജയനുമായി ബന്ധപ്പെട്ട കേസിൽ പ്രതിപക്ഷ നേതാവ് പിണറായി വിജയന്റെ വസതിയിൽ പരിശോധന നടത്തിയ ഇഡി ഉദ്യോഗസ്ഥരെയും അവരുടെ വാഹനത്തെയും ആക്രമിച്ചെന്നാണ് കേസ്. ആദർശും പാളയം സന്തോഷും ആക്രമണത്തിൽ പങ്കെടുക്കുന്നതിന്റെ ദൃശ്യങ്ങൾ അന്വേഷണ സംഘത്തിന് ലഭിച്ചിരുന്നു.

എന്നാൽ സംഭവത്തിനുശേഷം ഇരുവരും വിദേശത്തേക്ക് കടന്നതിനാൽ പിടികൂടാൻ കഴിഞ്ഞിരുന്നില്ല. ഇതിനിടെയാണ് ആദർശ് ചെന്നൈ വിമാനത്താവളത്തിൽ പിടിയിലായത്. കേസിലെ മറ്റൊരു പ്രതിയായ പാളയം സന്തോഷിനായുള്ള അന്വേഷണം തുടരുകയാണ്.

The post ഇഡി ഉദ്യോഗസ്ഥരെ ആക്രമിച്ച കേസ്: 27-ാം പ്രതിയായ എസ്എഫ്ഐ നേതാവ് ആദർശ് ചെന്നൈ വിമാനത്താവളത്തിൽ പിടിയിൽ appeared first on Starvision News Malayalam.