Trending
- ഇന്ററാക്ടീവ് ഫിനാൻഷ്യൽ ലൈഫ് സ്‌കിൽസ് വർക്ക്‌ഷോപ്പ് സംഘടിപ്പിച്ചു
- കോഴിക്കോട് സാമൂതിരി ഗുരുവായൂരപ്പൻ കോളേജ് പൂർവ വിദ്യാർത്ഥികളുടെ “ഓണം വൈബ്‌സ് 2025 “
- വെടിനിർത്തന് ശേഷവും ആക്രമണം; ഇസ്രായേൽ ആക്രമണത്തിൽ ഗാസയിൽ ഇന്ന് മരിച്ചത് 9 പലസ്തീനികൾ
- കടകളില്‍ മോഷണം: ബഹ്‌റൈനില്‍ ഏഷ്യന്‍ യുവാവ് പിടിയില്‍
- റഫ ആകാശത്ത് ഹെലിക്‌സ് നെബുല ദൃശ്യമായി
- വൻബജറ്റ് ചിത്രം പേട്രിയറ്റിന്റെ ഷൂട്ടിങ് ഇനി യുകെയിൽ; കുടുംബസമേതം യു.കെയിലെത്തിയ മമ്മൂട്ടിക്ക് സ്വീകരണമൊരുക്കി അഡ്വ. സുഭാഷ് മാനുവൽ
- പലസ്തീനികളുടെ അവകാശങ്ങള്‍ക്ക് പിന്തുണ; സമാധാന ഉച്ചകോടിയില്‍ പങ്കെടുത്ത് ഹമദ് രാജാവ് ഈജിപ്ത് വിട്ടു
- പള്ളുരുത്തി സെന്റ് റീത്താസ് സ്കൂളിലെ ശിരോവസ്ത്ര വിലക്ക്:വിദ്യാർത്ഥിനിയുടെ അവകാശങ്ങൾ സംരക്ഷിക്കാൻ സർക്കാർ ഇടപെട്ടുവെന്ന് മന്ത്രി വി ശിവൻകുട്ടി
Author: news editor
മനാമ: ബഹ്‌റൈനിലെ ബാര്‍ബാര്‍ പ്രദേശത്തെ ഒരു കടയില്‍നിന്ന് സ്വര്‍ണാഭരണങ്ങള്‍ മോഷ്ടിച്ച 32കാരിയെ നോര്‍ത്തേണ്‍ ഗവര്‍ണറേറ്റ് പോലീസ് അറസ്റ്റ് ചെയ്തതായി ആഭ്യന്തര മന്ത്രാലയം അറിയിച്ചു.മോഷ്ടിച്ച ആഭരണങ്ങള്‍ക്ക് ഏതാണ്ട് 7,000 ദിനാര്‍ വിലവരും. കേസ് പബ്ലിക് പ്രോസിക്യൂഷന് കൈമാറാനുള്ള നടപടികള്‍ സ്വീകരിച്ചുവരികയാണെന്ന് അധികൃതര്‍ അറിയിച്ചു.
മനാമ: ബഹ്റൈന് ഇന്റലക്ച്വല്‍ പ്രോപ്പര്‍ട്ടി സൊസൈറ്റി സംഘടിപ്പിച്ച രണ്ടാമത്തെ ഗള്‍ഫ് ബൗദ്ധിക സ്വത്തവകാശ സമ്മേളനത്തില്‍ ബിസിനസ് ഉടമകള്‍, നിക്ഷേപകര്‍, നൂതനാശയക്കാര്‍, അഭിഭാഷകര്‍ എന്നിവരടക്കം നിരവധി പ്രമുഖര്‍ പങ്കെടുത്തു.ഡിജിറ്റല്‍ പരിവര്‍ത്തനത്തിന്റെ വെല്ലുവിളികളും അവസരങ്ങളും സമ്മേളനം ചര്‍ച്ച ചെയ്തു. നൂതനാശയ സംവിധാനത്തെ നേരിട്ട് പിന്തുണയ്ക്കുകയും സുസ്ഥിര നിക്ഷേപ അന്തരീക്ഷം വര്‍ദ്ധിപ്പിക്കുകയും ചെയ്യുന്ന ഏറ്റവും പുതിയ നിയമ രീതികളും നിയമനിര്‍മ്മാണങ്ങളും ചര്‍ച്ചാവിഷയങ്ങളായി.ബൗദ്ധിക സ്വത്തവകാശത്തിലെ പ്രധാന വിഷയങ്ങള്‍ ചര്‍ച്ച ചെയ്യുന്ന മൂന്ന് പ്രധാന സെഷനുകള്‍ സമ്മേളനത്തിലുണ്ടായിരുന്നു.
മനാമ: ബഹ്റൈന്റെ പരമാധികാര സ്വത്ത് ഫണ്ടായ മുംതലകത്ത് ഹോള്‍ഡിംഗ് കമ്പനിയുടെ ഉടമസ്ഥതയിലുള്ള മക്ലാരന് ടീം തുടര്‍ച്ചയായ രണ്ടാം വര്‍ഷവും ഫോര്‍മുല വണ്‍ കണ്‍സ്ട്രക്ടേഴ്സ് ചാമ്പ്യന്‍ഷിപ്പ് നേടി. ഇത് ടീമിന്റെ പത്താമത്തെ മൊത്തത്തിലുള്ള കിരീടമാണ്.മറീന ബേയില്‍ നടന്ന സിംഗപ്പൂര്‍ ഗ്രാന്‍ഡ് പ്രീയില്‍ ലാന്‍ഡോ നോറിസ് മൂന്നാം സ്ഥാനത്തും സഹതാരം ഓസ്‌കാര്‍ പിയാസ്ട്രി നാലാം സ്ഥാനത്തും ഫിനിഷ് ചെയ്തതോടെ ചരിത്ര വിജയം ഉറപ്പിച്ചു. ഇതോടെ ടീമിന്റെ ആകെ പോയിന്റുകള്‍ 650 ആയി ഉയര്‍ന്നു. സീസണ്‍ അവസാനിക്കുന്നതിനു മുമ്പ് ആറു മത്സരങ്ങളില്‍ കിരീടം നേടി. ഇത് ഏറ്റവും വേഗതയേറിയ ചാമ്പ്യന്‍ഷിപ്പ് വിജയത്തിനുള്ള റെക്കോര്‍ഡിന് തുല്യമായി.18 മത്സരങ്ങളിലായി 12 വിജയങ്ങളും ഏഴ് വണ്‍-ടൂ ഫിനിഷുകളും 28 പോഡിയങ്ങളും നേടിയ ഈ വിജയം മക്ലാരന്റെ സാങ്കേതികവും സംഘടനാപരവുമായ മികവിനെ പ്രതിഫലിപ്പിക്കുന്നു.
മനാമ: മുഹറഖ് നഗരത്തിന്റെ ചരിത്രപരവും സാംസ്‌കാരികവുമായ സ്വത്വം പുനരുജ്ജീവിപ്പിക്കുന്നതിന്റെ ഭാഗമായി 16 പൈതൃക കെട്ടിടങ്ങളുടെ പുനരുദ്ധാരണം ബഹ്റൈന് അതോറിറ്റി ഫോര്‍ കള്‍ചര്‍ ആന്റ് ആന്റിക്വിറ്റീസ് (ബി.എ.സി.എ) പൂര്‍ത്തിയാക്കി.ബഹ്റൈന്റെ മുത്തുകള്‍ ശേഖരിക്കുന്ന കാലഘട്ടം മുതലുള്ള മികച്ചൊരു വാസ്തുവിദ്യാ പാരമ്പര്യം ഈ നഗരത്തിനുണ്ട്. 3.5 കിലോമീറ്റര്‍ വിസ്തൃതിയുള്ള പുരാതന വീടുകള്‍, പൊതു ഇടങ്ങള്‍, സാംസ്‌കാരിക കെട്ടിടങ്ങള്‍ എന്നിവയുള്‍പ്പെടെയുള്ള പ്രകൃതിദത്ത, വാസ്തുവിദ്യ, നഗര ഘടകങ്ങള്‍ എന്നിവ ഇവിടെയുണ്ട്.ഷെയ്ഖ് അബ്ദുല്ല അവന്യൂ, ബു മഹര്‍, തിജ്ജാര്‍ അവന്യൂകളുടെ വിപുലീകരണങ്ങള്‍ എന്നിവയുള്‍പ്പെടെ നാല് പ്രധാന തെരുവുകളിലുടനീളമുള്ള വികസന പ്രവര്‍ത്തനങ്ങള്‍ തുടരുകയാണ്. ഷെയ്ഖ് ഹമദ് അവന്യൂവിലെ വികസനത്തിന്റെ ആദ്യ ഘട്ടം 2025ന്റെ ആദ്യപാദത്തില്‍ പൂര്‍ത്തിയായി.നഗരത്തിന്റെ വികസന പദ്ധതിയുടെ ഭാഗമായി, പേളിംഗ് പാതയിലെ ചരിത്ര സ്ഥലങ്ങളില്‍ മുങ്ങല്‍ വിദഗ്ധര്‍, മുത്ത് വ്യാപാരികള്‍, കപ്പല്‍ ക്യാപ്റ്റന്‍മാര്‍ എന്നിവരുടെ കഥകള്‍ വിവരിക്കുന്ന പ്രദര്‍ശനങ്ങള്‍ സംഘടിപ്പിച്ചിട്ടുണ്ട്.
മനാമ: ബഹ്‌റൈനില്‍ ഭൂമി കൈമാറ്റ നടപടിക്രമങ്ങള്‍ പൂര്‍ത്തിയായിക്കഴിഞ്ഞാല്‍ യഥാര്‍ത്ഥ പട്ടയത്തിന് പകരമായി ഔദ്യോഗികമായി ഉപയോഗിക്കാന്‍ കഴിയുന്ന താല്‍ക്കാലിക ഉടമസ്ഥാവകാശ സര്‍ട്ടിഫിക്കറ്റ് സര്‍വേ ആന്റ് ലാന്‍ഡ് രജിസ്‌ട്രേഷന്‍ ബ്യൂറോ (എസ്.എല്‍.ആര്‍.ബി) നടപ്പാക്കി.നീതി, ഇസ്ലാമിക കാര്യ, വഖഫ് മന്ത്രാലയവുമായി സഹകരിച്ചാണ് ഇത് കൊണ്ടുവന്നത്. ഭൂമി കൈമാറ്റ ഇടപാടുകളിലെ വെല്ലുവിളികള്‍ പരിഹരിക്കാന്‍ വാണിജ്യ ബാങ്കുകളുടെയും റിയല്‍ എസ്റ്റേറ്റ് ഡെവലപ്പര്‍മാരുടെയും പ്രതിനിധികളുമായി അടുത്തകാലത്ത് നടത്തിയ കൂടിയാലോചനകളുടെ ഫലമാണ് പുതിയ സര്‍ട്ടിഫിക്കറ്റെന്ന് എസ്.എല്‍.ആര്‍.ബി. പ്രസിഡന്റ് ബാസിം ബിന്‍ യാക്കൂബ് അല്‍ ഹമര്‍ പറഞ്ഞു. യഥാര്‍ത്ഥ പട്ടയം നല്‍കുന്നതു വരെ സര്‍ട്ടിഫിക്കറ്റ് നിയമപരമായി അംഗീകൃത രേഖയായി ഉപയോഗിക്കാമെന്നും ഇത് നടപടിക്രമങ്ങള്‍ വേഗത്തിലാക്കാനും മേഖലയിലുടനീളം കാര്യക്ഷമത മെച്ചപ്പെടുത്താനും സഹായിക്കും.ഉടമസ്ഥാവകാശം തെളിയിക്കുന്നതില്‍ താല്‍ക്കാലിക സര്‍ട്ടിഫിക്കറ്റിന് നിയമപരമായ പ്രാധാന്യമുണ്ട്. അത് വസ്തു രജിസ്‌ട്രേഷന്‍ സംവിധാനത്തിന്റെ മൊത്തത്തിലുള്ള ഫലപ്രാപ്തി വര്‍ദ്ധിപ്പിക്കുകയും ബഹ്റൈനിന്റെ റിയല്‍ എസ്റ്റേറ്റ് വിപണിയിലുള്ള വിശ്വാസം ശക്തിപ്പെടുത്തുകയും ചെയ്യുമെന്നും അദ്ദേഹം പറഞ്ഞു.
മനാമ: ബഹ്റൈന് യൂത്ത് അംബാസഡേഴ്‌സ് പ്രോഗ്രാമിന്റെ മൂന്നാം പതിപ്പിലെ വിജയികളെ യുവജനകാര്യ മന്ത്രി റാവാന്‍ ബിന്‍ത് നജീബ് തൗഫീഖി പ്രഖ്യാപിച്ചു.സമഗ്രമായ വിലയിരുത്തല്‍ പ്രക്രിയയ്ക്ക് ശേഷം അഹമ്മദ് അല്‍ അവാദി, സൗദ് ഷുറൈദ, അല്‍ഗല അല്‍ മഹ്‌സ എന്നിവരെയാണ് ബഹ്റൈന് യൂത്ത് അംബാസഡര്‍മാരായി തിരഞ്ഞെടുത്തത്. വ്യക്തവും കൃത്യവുമായ മാനദണ്ഡങ്ങളനുസരിച്ചാണ് തിരഞ്ഞെടുപ്പ് പ്രക്രിയ നടത്തിയതെന്ന് മന്ത്രി പറഞ്ഞു. സി.വികളുടെ അവലോകനം, അക്കാദമിക്- പ്രൊഫഷണല്‍ നേട്ടങ്ങള്‍, സാമൂഹിക- സന്നദ്ധപ്രവര്‍ത്തന മേഖലകളിലെ സംഭാവനകള്‍, നേതൃത്വ- ആശയവിനിമയ വൈദഗ്ധ്യം എന്നിവ ഇതിലുള്‍പ്പെടുന്നു.ബഹ്റൈന്റെ മികച്ച പ്രതിച്ഛായ ലോകത്തിനു മുന്നിലെത്തിക്കാന്‍ യുവാക്കളെ ശാക്തീകരിക്കാനുള്ളതാണ് യൂത്ത് അംബാസഡേഴ്‌സ് പ്രോഗ്രാം.
മനാമ: വ്യാജ മരണ സര്‍ട്ടിഫിക്കറ്റ് ചമച്ച് അര മില്യണ്‍ ദിനാറിന്റെ ലൈഫ് ഇന്‍ഷുറന്‍സ് തട്ടിപ്പ് നടത്താന്‍ ശ്രമിച്ച കേസില്‍ രണ്ടു സഹോദരന്മാര്‍ക്കും അതിലൊരാളുടെ ഭാര്യയ്ക്കും ബഹ്‌റൈനിലെ ഫസ്റ്റ് ഹൈ ക്രിമിനല്‍ കോടതി തടവുശിക്ഷ വിധിച്ചു.ഒന്നാം പ്രതിയായ 44കാരന്‍, താന്‍ ഒരു ഏഷ്യന്‍ രാജ്യത്ത് മരിച്ചതായി കാണിച്ച് രണ്ടാം പ്രതിയായ 46കാരന്റെയും അയാളുടെ ഭാര്യയുടെയും സഹായത്തോടെ വ്യാജ സര്‍ട്ടിഫിക്കറ്റുണ്ടാക്കുകയായിരുന്നു. ഇത് ഇന്‍ഷുറന്‍സ് തുക ലഭിക്കാനായി സമര്‍പ്പിച്ചു. എന്നാല്‍ ഇയാള്‍ മരിച്ചു എന്ന് പറയുന്ന ദിവസത്തിന് ഏതാനും മാസങ്ങള്‍ക്കു മുമ്പാണ് ഇന്‍ഷുറന്‍സ് പോളിസി എടുത്തതെന്ന് പരിശോധനയില്‍ കണ്ടെത്തി. ഇത് സംശയത്തിനിടയാക്കി. തുടര്‍ന്നാണ് അന്വേഷണമാരംഭിച്ചത്.ഇവരുടെ ബന്ധുക്കള്‍ മരണാനന്തര പ്രാര്‍ത്ഥനകളൊന്നും നടത്തിയിട്ടില്ലെന്ന് വീടിനടുത്തുള്ള പള്ളിയിലെ ഇമാം അന്വേഷണോദ്യോഗസ്ഥര്‍ക്ക് മൊഴി നല്‍കി.തുടര്‍ന്നുള്ള അന്വേഷണത്തില്‍ മൃതദേഹം സംസ്‌കരിച്ചതിന് തെളിവ് കണ്ടെത്താനുമായില്ല. മരിച്ചതിനു സാക്ഷിയായി ഒപ്പിട്ട ഇയാളുടെ മകനെ ചോദ്യം ചെയ്തപ്പോള്‍, പിതാവിനെ എവിടെയാണ് അടക്കം ചെയ്തതെന്ന് വ്യക്തമായി പറയാനുമായില്ല. തുടര്‍ന്ന് രേഖയില്‍ കൃത്രിമത്വം നടന്നതായി കണ്ടെത്തിയതോടെ അന്വേഷണോദ്യോഗസ്ഥര്‍ പ്രതികളെ അറസ്റ്റ്…
മനാമ: യൂറോ മോട്ടോഴ്സിന്റെയും സയാനി ഇന്‍വെസ്റ്റ്മെന്റ് ഗ്രൂപ്പിന്റെയും സഹകരണത്തോടെ ബഹ്റൈന് സ്വത്വത്തെ അടിസ്ഥാനമാക്കിയുള്ള ഫെരാരി 296 ചലഞ്ച് ഡിസൈന്‍ മത്സരത്തില്‍ സൗദ് അബ്ദുല്‍ അസീസ് അഹമ്മദിനെ വിജയിയായി യുവജനകാര്യ മന്ത്രാലയം പ്രഖ്യാപിച്ചു. ഫെരാരി ഷോറൂമില്‍ മന്ത്രാലയത്തിലെയും പങ്കാളി സംഘടനകളിലെയും ഉദ്യോഗസ്ഥര്‍ പങ്കെടുത്ത ചടങ്ങിലായിരുന്നു പ്രഖ്യാപനം.ബഹ്റൈനി യുവാക്കളെ ശാക്തീകരിക്കാനും ദേശീയ സ്വത്വത്തെ പ്രതിനിധീകരിക്കുന്ന നൂതന മേഖലകളില്‍ അവരുടെ സര്‍ഗ്ഗാത്മകത പ്രദര്‍ശിപ്പിക്കാനുള്ള അവസരങ്ങള്‍ നല്‍കാനുമുള്ള മന്ത്രാലയത്തിന്റെ പ്രതിബദ്ധതയാണ് ഈ സംരംഭം പ്രതിഫലിപ്പിക്കുന്നതെന്ന് യുവജനകാര്യ മന്ത്രാലയത്തിലെ ഇവന്റ്സ് ആന്റ് പ്രോഗ്രാംസ് ഡയറക്ടര്‍ അബ്ദുള്‍കരീം അല്‍ മീര്‍ പറഞ്ഞു. ഡിസൈനിലും നവീകരണത്തിലും കഴിവുകള്‍ കണ്ടെത്തുന്നതിന് പുതിയ അവസരങ്ങള്‍ സൃഷ്ടിച്ച മന്ത്രാലയവും സയാനി ഇന്‍വെസ്റ്റ്മെന്റ് ഗ്രൂപ്പും തമ്മിലുള്ള പങ്കാളിത്തത്തെ അദ്ദേഹം അഭിനന്ദിച്ചു.ബഹ്റൈനി യുവാക്കളെ പിന്തുണയ്ക്കാനും സൃഷ്ടിപരമായ വ്യവസായങ്ങളില്‍ അവരുടെ സാന്നിധ്യം ശക്തിപ്പെടുത്തുന്ന അര്‍ത്ഥവത്തായ പദ്ധതികളില്‍ അവരെ ഉള്‍പ്പെടുത്താനുമുള്ള ഗ്രൂപ്പിന്റെ സമര്‍പ്പണമാണ് മത്സരം പ്രകടമാക്കുന്നതെന്ന് സയാനി ഇന്‍വെസ്റ്റ്മെന്റ് ഗ്രൂപ്പിലെ കോര്‍പ്പറേറ്റ് കമ്മ്യൂണിക്കേഷന്‍സ് ആന്റ് സസ്‌റ്റൈനബിലിറ്റി ഡയറക്ടര്‍ റീം സായിദ് അല്‍…
മനാമ: ബഹ്‌റൈനിലെ കാപ്പിറ്റല്‍ ഗവര്‍ണറേറ്റിലെ ബ്ലോക്ക് 388ലുണ്ടായിരുന്ന അനധികൃത പാര്‍ക്കിംഗ് സ്ഥലങ്ങള്‍ അധികൃതര്‍ ഒഴിപ്പിച്ചു.പൊതുജനങ്ങളുടെ പ്രവേശനത്തിന് ബുദ്ധിമുട്ടുണ്ടാക്കുന്നതും ഗതാഗതം തടസ്സപ്പെടുത്തുന്നതുമായ പാര്‍ക്കിംഗ് ഇടങ്ങളാണ് ഒഴിപ്പിച്ചത്. ഇവിടങ്ങളില്‍ വ്യക്തികളും ബിസിനസ് സ്ഥാപനങ്ങളുമൊക്കെ സ്ഥാപിച്ച അനധികൃത അടയാളങ്ങളും വേലികളും അധികൃതര്‍ പൊളിച്ചുനീക്കി.ഇനിയും ഇത്തരം നിയമലംഘനങ്ങളുണ്ടായാല്‍ കര്‍ശന നടപടി സ്വീകരിക്കുമെന്ന് അധികൃതര്‍ അറിയിച്ചു.
മനാമ: ബഹ്‌റൈനിലെ ശൂറ, പ്രതിനിധി കൗണ്‍സിലുകള്‍ വിളിച്ചുകൂട്ടാന്‍ രാജാവ് ഹമദ് ബിന്‍ ഈസ അല്‍ ഖലീഫ ഉത്തരവ് 2025 (30) പുറപ്പെടുവിച്ചു.ആറാം പാര്‍ലമെന്റ് ടേമിന്റെ നാലാം സമ്മേളനം ഉദ്ഘാടനം ചെയ്യാന്‍ ഒക്ടോബര്‍ 12ന് ഉച്ചകഴിഞ്ഞ് ശൂറ, പ്രതിനിധി കൗണ്‍സിലുകളുടെ സംയുക്ത സമ്മേളനം വിളിക്കണമെന്ന് ഉത്തരവില്‍ പറയുന്നു.ഉത്തരവ് ഔദ്യോഗിക ഗസറ്റില്‍ പ്രസിദ്ധീകരിക്കും.