Trending
- നിയമം ലംഘിച്ച് ഡ്രൈവിംഗ്: നിരവധി പേര് പിടിയിലായി
- ചികിത്സ കിട്ടാതെ കുഞ്ഞിന്റെ മരണം: പ്രവാസി ദമ്പതികള്ക്ക് മൂന്നു വര്ഷം തടവ്
- ബഹ്റൈനില് കടബാധ്യതയുള്ളവര്ക്ക് മൂന്നു വര്ഷം വരെ യാത്രാവിലക്ക്: നിയമഭേദഗതിക്ക് പാര്ലമെന്റിന്റെ അംഗീകാരം
- ബഹ്റൈന് ഉപഗ്രഹം അല് മുന്തര് പകര്ത്തിയ രാജ്യത്തിന്റെ ആദ്യ ചിത്രം ഉപപ്രധാനമന്ത്രിക്ക് സമ്മാനിച്ചു
- ശബരിമല യുവതി പ്രവേശനം: എന്എസ്എസ് സുപ്രീംകോടതിയില് ഉന്നയിച്ച വാദങ്ങളെ തള്ളി തിരുവിതാംകൂര് ദേവസ്വം ബോര്ഡ്
- 180 ലധികം പ്രായപൂര്ത്തിയാകാത്ത പെണ്കുട്ടികളെ പീഡിപ്പിച്ച്, 350 ഓളം അശ്ലീല വിഡിയോകള് പകർത്തിയ 19കാരന് പിടിയില്
- ബഹ്റൈനിലെ സര്ക്കാര് സ്കൂളുകളിലെ ഐ.ബി. പ്രോഗ്രാമിനെക്കുറിച്ച് വെബ്പേജ് ആരംഭിച്ചു
- ബഹ്റൈന് തൊഴില് മന്ത്രാലയത്തിന്റെ ഇലക്ട്രോണിക് സംവിധാനത്തിലെ തകരാറ് പരിഹരിച്ചു
Author: news editor
പാലക്കാട്: മകന്റെ സുഹൃത്തായ 14കാരനെ വീട്ടമ്മ തട്ടിക്കൊണ്ടുപോയതായി പരാതി.പാലക്കാട് ആലത്തൂരിലെ കുതിരപ്പാറ സ്വദേശിനിയാണ് മകന്റെ കൂട്ടുകാരനോടൊപ്പം നാടുവിട്ടത്. പരീക്ഷയ്ക്കു സ്കൂളില് പോയ കുട്ടി ഏറെ വൈകിയിട്ടും വീട്ടിലെത്താതിരുന്നതിനെ തുടര്ന്ന് മാതാപിതാക്കള് ആലത്തൂര് പോലീസ് സ്റ്റേഷനില് പരാതി നല്കുകയായിരുന്നു.പോലീസിന്റെ അന്വേഷണത്തില് കുട്ടി യുവതിക്കൊപ്പമുണ്ടെന്ന വിവരം ലഭിച്ചു. തുടര്ന്ന് പാലക്കാട്ടുനിന്ന് എറണാകുളത്തേക്കുള്ള യാത്രയ്ക്കിടെ ഇരുവരെയും പോലീസ് കസ്റ്റഡിയിലെടുക്കുകയായിരുന്നു. പാലക്കാട്ടെത്തിച്ച കുട്ടിയെ മാതാപിതാക്കള്ക്കൊപ്പം വിട്ടു. എങ്ങോട്ടെങ്കിലും പോകാമെന്നു കുട്ടി യുവതിയോടു പറഞ്ഞെന്ന് പോലീസ് പറയുന്നു.കുട്ടിയെ തട്ടിക്കൊണ്ടുപോയതിന് യുവതിക്കെതിരെ കേസെടുത്തിട്ടുണ്ട്. പോക്സോ നിയമപ്രകാരം യുവതിക്കെതിരെ ലൈംഗികാതിക്രമത്തിന് കേസെടുക്കുമെന്നും പോലീസ് അറിയിച്ചു.
മനാമ: സംഘര്ഷം വേഗത്തില് അവസാനിപ്പിക്കാനും റഷ്യയ്ക്കും ഉക്രെയ്നുമിടയില് ശാശ്വത സമാധാനം പ്രോത്സാഹിപ്പിക്കാനും ആവശ്യപ്പെടുന്ന ഐക്യരാഷ്ട്രസഭാ സുരക്ഷാ കൗണ്സില് പ്രമേയം 2774നെ ബഹ്റൈന് സ്വാഗതം ചെയ്തു.അമേരിക്ക നിര്ദേശിച്ചതും റഷ്യയുടെ പിന്തുണയോടെ നടപ്പിലാക്കിയതുമായ പ്രമേയം പാസാക്കുന്നതിലേക്ക് നയിച്ച നയതന്ത്ര ശ്രമങ്ങള്ക്ക് ബഹ്റൈന് നന്ദി പറയുന്നതായി വിദേശകാര്യ മന്ത്രാലയം പുറത്തിറക്കിയ പ്രസ്താവനയില് അറിയിച്ചു. സമാധാനപരമായ മാര്ഗങ്ങളിലൂടെ തര്ക്കങ്ങള് പരിഹരിക്കാനും അന്താരാഷ്ട്ര സുരക്ഷയ്ക്കും സ്ഥിരതയ്ക്കും സംഭാവന നല്കാനുമുള്ള സുപ്രധാന ചുവടുവെപ്പാണ് പ്രമേയമെന്ന് മന്ത്രാലയം പറഞ്ഞു.
മനാമ: പുണ്യമാസത്തില് തങ്ങളുടെ ജീവകാരുണ്യ പദ്ധതികള്ക്ക് സമൂഹ പിന്തുണ പ്രോത്സാഹിപ്പിക്കുന്നതിനായി ബഹ്റൈനിലെ റോയല് ഹ്യുമാനിറ്റേറിയന് ഫൗണ്ടേഷന് (ആര്.എച്ച്.എഫ്.) ‘ചേഞ്ചിംഗ് ദെയര് ലൈവ്സ്’ എന്ന വാര്ഷിക റമദാന് കാമ്പയിന് ആരംഭിച്ചു.മാനുഷിക സംരംഭങ്ങളില് സമൂഹത്തെ ഉള്പ്പെടുത്താനും സാമൂഹിക ഐക്യദാര്ഢ്യം പ്രോത്സാഹിപ്പിക്കാനുമുള്ള ഫൗണ്ടേഷന്റെ പ്രവര്ത്തനത്തിന്റെ ഭാഗമാണ് ഈ കാമ്പയിനെന്ന് ആര്.എച്ച്.എഫിലെ ചാരിറ്റബിള് റിസോഴ്സസ് ഡവലപ്മെന്റ് ഡയറക്ടര് മായ് അഹമ്മദ് അല് സായി പറഞ്ഞു.ഈ വര്ഷ, കുട്ടികള്ക്കുള്ള ഇന്സുലിന് പമ്പുകള്, തിമിര ശസ്ത്രക്രിയ എന്നിവയുള്പ്പെടെ ആരോഗ്യ സംരക്ഷണത്തിന് സംഭാവനകള് നല്കും. ആര്.എച്ച്.എഫ്. ഗുണഭോക്താക്കള്ക്കുള്ള സ്കോളര്ഷിപ്പുകളിലൂടെ വിദ്യാഭ്യാസം, സാമ്പത്തിക സ്വാതന്ത്ര്യം കൈവരിക്കുന്നതിന് ഉല്പ്പാദനക്ഷമതയുള്ള കുടുംബങ്ങളെ സഹായിച്ചുകൊണ്ട് സാമ്പത്തിക ശാക്തീകരണം എന്നിവ നടത്തും. കൂടാതെ നേതാജ് ഖൈര് അല് ബഹ്റൈനുമായി സഹകരിച്ച് 17 ആര്.എച്ച്.എഫ്. അമ്മമാരും കുട്ടികളും ചേര്ന്ന് 325 ദൈനംദിന ഇഫ്താര് ഭക്ഷണങ്ങള് തയ്യാറാക്കും.
മനാമ: ബഹ്റൈന് രാജാവ് ഹമദ് ബിന് ഈസ അല് ഖലീഫയുടെ മാനുഷിക പ്രവര്ത്തനത്തിനും യുവജന കാര്യങ്ങള്ക്കും വേണ്ടിയുള്ള പ്രതിനിധി ശൈഖ് നാസര് ബിന് ഹമദ് അല് ഖലീഫയുടെ രക്ഷാകര്തൃത്വത്തില് വിദ്യാഭ്യാസ മന്ത്രാലയം നടത്തിയ സെക്കന്ഡറി സ്കൂളുകള്ക്കായുള്ള നാസര് ബിന് ഹമദ് ഫുട്ബോള് ടൂര്ണമെന്റിന്റെ ഫൈനല് മത്സരത്തില് അല് ഹിദായ അല് ഖലീഫിയ സെക്കന്ഡറി ബോയ്സ് സ്കൂള് ടീം വിജയിച്ചു.അല് ഹിദായ അല് ഖലീഫിയ സ്കൂള് ടീം 1-0ന് റിഫാ ഈസ്റ്റ് സെക്കന്ഡറി ബോയ്സ് സ്കൂളിനെയാണ് പരാജയപ്പെടുത്തിയത്. അല് ഹിദായ അല് ഖലീഫിയയ്ക്ക് ഒന്നാം സ്ഥാനത്തിനും റിഫാ ഈസ്റ്റ് രണ്ടാം സ്ഥാനത്തിനും നാസര് സയന്റിഫിക് ആന്റ് ടെക്നിക്കല് സെന്ററിന് മൂന്നാം സ്ഥാനത്തിനുമുള്ള ഷെയ്ഖ് ഖാലിദ് ബിന് ഹമദ് ടൂര്ണമെന്റ് ട്രോഫികള് സമ്മാനിച്ചു.എസ.്സി.വൈ.എസ് ഫസ്റ്റ് ഡെപ്യൂട്ടി ചെയര്മാനും ജനറല് സ്പോര്ട്സ് അതോറിറ്റി (ജി.എസ.്എ) ചെയര്മാനും ബഹ്റൈന് ഒളിമ്പിക് കമ്മിറ്റി (ബി.ഒ.സി) പ്രസിഡന്റുമായ ഷെയ്ഖ് ഖാലിദ് ബിന് ഹമദ് അല് ഖലീഫ, ജി.എസ്.എ. വൈസ് പ്രസിഡന്റ്…
മനാമ: കുവൈത്തിന്റെ ദേശീയ വിമോചന ദിനാഘോഷത്തില് പങ്കുചേര്ന്ന് ബഹ്റൈന്.ആഘോത്തോടനുബന്ധിച്ച് ബഹ്റൈനിലുടനീളമുള്ള പ്രധാന കേന്ദ്രങ്ങളും സര്ക്കാര്, സ്വകാര്യ കെട്ടിടങ്ങളും നീല പ്രകാശത്താല് അലങ്കരിച്ചു. ഇരു രാജ്യങ്ങളും തമ്മിലുള്ള ശക്തമായ ബന്ധങ്ങളെ പ്രതിഫലിപ്പിക്കാനാണ് ആഘോഷത്തില് ബഹ്റൈന് പങ്കുചേര്ന്നത്.
മനാമ: ബഹ്റൈന് പ്രതിരോധ സേനയുടെ (ബി.ഡി.എഫ്) 57ാം വാര്ഷികത്തോടനുബന്ധിച്ച് ബഹ്റൈന് റോയല് ഷീല്ഡ്സ് 55ാം വാര്ഷികം ആഘോഷിച്ചു. ചടങ്ങില് ചീഫ് ഓഫ് സ്റ്റാഫ് ലെഫ്റ്റനന്റ് ജനറല് തിയാബ് ബിന് സഖര് അല് നുഐമി പങ്കെടുത്തു.വിശുദ്ധ ഖുര്ആന് പാരായണത്തോടെയാണ് ചടങ്ങ് ആരംഭിച്ചത്. തുടര്ന്ന് റോയല് ഷീല്ഡ്സിന്റെ കമാന്ഡര് പ്രസംഗിച്ചു. ഈ യൂണിറ്റില് സേവനമനുഷ്ഠിക്കുന്നവരും വിരമിച്ചവരുമായ മുതിര്ന്ന ഉദ്യോഗസ്ഥരെ ചടങ്ങില് ആദരിച്ചു.
റാസ് അല് ഖൈമ: നവീകരണം, സ്ഥാപന മികവ്, ബിസിനസ് സര്ഗാത്മകത എന്നിവയ്ക്കുള്ള അന്താരാഷ്ട്ര അവാര്ഡായ മിഡില് ഈസ്റ്റ് ആന്റ് നോര്ത്ത് ആഫ്രിക്ക സ്റ്റീവി അവാര്ഡ് ബഹ്റൈന് ആഭ്യന്തര മന്ത്രാലയത്തിന് ലഭിച്ചു.ഈ നേട്ടത്തില് അഭിമാനം പ്രകടിപ്പിച്ച ആഭ്യന്തര മന്ത്രാലയത്തിന്റെ അണ്ടര്സെക്രട്ടറി ഷെയ്ഖ് നാസര് ബിന് അബ്ദുറഹ്മാന് അല് ഖലീഫ, ഈ അവാര്ഡ് രണ്ടാം തവണയും നേടിയത് നവീകരണം, സ്ഥാപന സുസ്ഥിരത, ആഗോള തലത്തിലെ മികച്ച രീതികള് എന്നിവയോടുള്ള മന്ത്രാലയത്തിന്റെ പ്രതിബദ്ധതയെ പ്രതിഫലിപ്പിക്കുന്നുവെന്ന് ചൂണ്ടിക്കാട്ടി.ഭരണം, സേവന കാര്യക്ഷമത, തന്ത്രപരമായ ആസൂത്രണം, ആധുനിക സാങ്കേതികവിദ്യയുടെ ഫലപ്രദമായ ഉപയോഗം എന്നിവയിലെ മന്ത്രാലയത്തിന്റെ വിജയത്തിനുള്ള അംഗീകാരമാണ് ഈ അവാര്ഡെന്ന് അദ്ദേഹം പറഞ്ഞു.യു.എ.ഇയില് നടന്ന മിഡില് ഈസ്റ്റ് ആന്റ് നോര്ത്ത് ആഫ്രിക്ക സ്റ്റീവി അവാര്ഡ് ദാന ചടങ്ങിലാണ് അവാര്ഡ് സമ്മാനിച്ചത്. വിശിഷ്ട ഉദ്യോഗസ്ഥരും പ്രമുഖ വ്യക്തികളും പങ്കെടുത്തു.
മനാമ: ഫെബ്രുവരി 23 മുതല് 26 വരെ നടക്കുന്ന ഖത്തര് വെബ് ഉച്ചകോടി 2025ല് പങ്കെടുക്കുന്ന 16 ബഹ്റൈനി സ്റ്റാര്ട്ടപ്പുകള്ക്ക് ലേബര് ഫണ്ട് (തംകീന്) പിന്തുണ പ്രഖ്യാപിച്ചു.ലോകമെമ്പാടുമുള്ള ആയിരക്കണക്കിന് സംരംഭകര്, നിക്ഷേപകര്, സാങ്കേതിക വിദഗ്ദ്ധര് എന്നിവര് ഒത്തുചേര്ന്ന് സാങ്കേതികവിദ്യയിലെയും നവീകരണത്തിലെയും ഏറ്റവും പുതിയ സംഭവവികാസങ്ങളെക്കുറിച്ച് ചര്ച്ച ചെയ്യുന്ന പരിപാടിയാണ് ബെബ് ഉച്ചകോടി.സ്വകാര്യ മേഖലയിലെ ബഹ്റൈനികളുടെ സ്ഥാനവും മത്സരശേഷിയും വര്ദ്ധിപ്പിക്കുക, സ്വകാര്യ മേഖലയിലെ കരിയര് വികസനത്തിന് അനുയോജ്യമായ കഴിവുകള് നല്കി ബഹ്റൈനികളെ സജ്ജരാക്കുക, സംരംഭ വളര്ച്ചയ്ക്കും ഡിജിറ്റൈസേഷനും സുസ്ഥിരതയ്ക്കും മുന്ഗണന നല്കുക, തൊഴില് വിപണിയെയും സ്വകാര്യ മേഖലയെയും ചുറ്റിപ്പറ്റിയുള്ള ആവാസവ്യവസ്ഥയുടെ വികസനത്തെ പിന്തുണയ്ക്കുക എന്നിവയില് ശ്രദ്ധ കേന്ദ്രീകരിക്കുന്ന തംകീന്റെ 2025ലെ തന്ത്രപരമായ മുന്ഗണനകളുടെ ഭാഗമായാണ് ഈ പിന്തുണ.
സുല്ത്താന് ബത്തേരി: ഓണ്ലൈന് ട്രേഡിംഗിലൂടെ ലാഭമുണ്ടാക്കാമെന്ന് വിശ്വസിപ്പിച്ച് 75 ലക്ഷം രൂപ തട്ടിയെടുത്ത കേസില് യുവാവ് ബെംഗളൂരു വിമാനത്താവളത്തില് പിടിയിലായി.കോഴിക്കോട് പെരുമണ്ണ തെന്നാര പോട്ട വീട്ടില് സി.കെ. നിജാസി(25)നെയാണ് സുല്ത്താന് ബത്തേരി പോലീസ് കസ്റ്റഡിയിലെടുത്തത്. കേസില് പ്രതിയായതിനെ തുടര്ന്ന് വിദേശത്തേക്കു മുങ്ങിയ ഇയാള്ക്കെതിരെ പോലീസ് ലുക്കൗട്ട് നോട്ടീസ് പുറപ്പെടുവിച്ചിരുന്നു. അബുദാബിയില്നിന്ന് തിരിച്ചു നാട്ടിലേക്കു വരുംവഴിയാണ് നിജാസ് പിടിയിലായത്. കേസില് ഒരാളെ കൂടി പിടികിട്ടാനുണ്ട്.2022 ഏപ്രില് മുതല് ഡിസംബര് വരെയുള്ള കാലയളവിലാണ് ചീരാല് സ്വദേശിയായ യുവാവില്നിന്നും സുഹൃത്തുക്കളില്നിന്നും ഓണ്ലൈന് ട്രേഡ് ചെയ്ത് 5 ശതമാനം മുതല് 10 ശതമാനം വരെ ലാഭമുണ്ടാക്കിക്കൊടുക്കാമെന്ന് പറഞ്ഞ് ഗൂഗിള് പേ വഴിയും അക്കൗണ്ട് വഴിയും 75 ലക്ഷം രൂപയോളം പ്രതികള് തട്ടിയെടുത്തത്. ലാഭമോ പണമോ തിരികെ നല്കാത്തതിനെ തുടര്ന്ന് ചീരാല് സ്വദേശി 2024 നവംബറിലാണ് സ്റ്റേഷനില് പരാതി നല്കിയത്. കേസ് റജിസ്റ്റര് ചെയ്തതറിഞ്ഞ് രണ്ടു പ്രതികളും ഒളിവില് പോവുകയായിരുന്നു. കോടതിയില് ഹാജരാക്കിയ നിജാസിനെ റിമാന്ഡ് ചെയ്തു.
മനാമ: ബഹ്റൈന് ബോക്സിംഗ് ഫെഡറേഷന്റെ 2025- 2028 കാലയളവിലേക്കുള്ള ഡയറക്ടര് ബോര്ഡിനെ നിയമിച്ചുകൊണ്ട് സുപ്രീം കൗണ്സില് ഫോര് യൂത്ത് ആന്റ് സ്പോര്ട്സ് (എസ്.സി.വൈ.എസ്) ഫസ്റ്റ് ഡെപ്യൂട്ടി ചെയര്മാനും ജനറല് സ്പോര്ട്സ് അതോറിറ്റി (ജി.എസ്.എ) ചെയര്മാനും ബഹ്റൈന് ഒളിമ്പിക് കമ്മിറ്റി (ബി.ഒ.സി) പ്രസിഡന്റുമായ ഷെയ്ഖ് ഖാലിദ് ബിന് ഹമദ് അല് ഖലീഫ ഉത്തരവ് 2025 (14) പുറപ്പെടുവിച്ചു.റാഷിദ് ഇസ ഫ്ലീഫെല് ആണ് ഡയറക്ടര് ബോര്ഡ് പ്രസിഡന്റ്. സമീര് ഇസ്ഹാഖ് യാക്കൂബ്, യാസര് അലി മുഹമ്മദ് അല് ഖഷര്, സല്മാന് നാസര് സല്മാന് സാലിം, ബദര് രാജി അബ്ദുറഹ്മാന് കാത്്മാത്തോ എന്നിവരാണ് അംഗങ്ങള്.