- കാലാവധി കഴിഞ്ഞ ഭക്ഷ്യവസ്തുക്കള് വിറ്റു; കമ്പനിക്ക് 1,03,000 ദിനാര് പിഴ, നാലു ജീവനക്കാര്ക്ക് തടവ്
- വടകരയില് ലോണ് ആപ്പില്നിന്ന് വായ്പയെടുത്ത യുവാവിനെ കാണാതായി
- ഇളവുകള് നീട്ടി അമേരിക്ക: ഇന്ത്യ ഉള്പ്പെടെയുള്ള രാജ്യങ്ങള്ക്ക് മേയ് 16 വരെ റഷ്യയില് നിന്ന് എണ്ണ വാങ്ങാം
- ബഹ്റൈനില് വിദേശികള്ക്കായി രണ്ടു ഡ്രൈവിംഗ് നിയമഭേദഗതികള് പരിഗണനയില്
- ലെബനനും ഇസ്രായേലും തമ്മിലുള്ള വെടിനിര്ത്തല് പ്രഖ്യാപനത്തെ ബഹ്റൈന് സ്വാഗതം ചെയ്തു
- ബി.കെ.എസ്.എഫും ബി.എം.ബി.എഫും ചേര്ന്ന് നാട്ടിലേക്കയച്ചവര്ക്ക് കൊച്ചി വിമാനത്താവളത്തില് സ്വീകരണം നല്കി
- നിയമവിരുദ്ധ ഹജ്ജ് തീര്ത്ഥാടകര്ക്ക് ഒരു ലക്ഷം റിയാല് പിഴ ചുമത്തും
- ഗുദൈബിയയില് 4,700 ദിനാര് കവര്ച്ച: മൂന്നു പേര് അറസ്റ്റില്
Author: news editor
മനാമ: ബഹ്റൈന് നാഷണല് ആര്ക്കൈവ് സെന്ററിന്റെ പുതിയ തലവനായി അഹമ്മദ് മുഹമ്മദ് അബ്ദുല് കരീം അല് മനായിയെ നിയമിച്ചുകൊണ്ട് രാജാവ് ഹമദ് ബിന് ഈസ അല് ഖലീഫ ഉത്തരവ് 2025 (55) പുറപ്പെടുവിച്ചു.പ്രധാനമന്ത്രിയുടെ ശുപാര്ശയുടെയും മന്ത്രിസഭയുടെ അംഗീകാരത്തിന്റെയും അടിസ്ഥാനത്തിലാണ് നിയമനം. ഉത്തരവ് പുറപ്പെടുവിച്ച തിയതി മുതല് പ്രാബല്യത്തില് വന്നു. ഉത്തരവ് നടപ്പാക്കാനും ഗസറ്റില് പ്രസിദ്ധീകരിക്കാനുമുള്ള ചുമതല പ്രധാനമന്ത്രിക്കാണ്.
മനാമ: 2025 ഒക്ടോബര് 22 മുതല് 31 വരെ ബഹ്റൈനില് രാജാവ് ഹമദ് ബിന് ഈസ അല് ഖലീഫയുടെ രക്ഷാകര്തൃത്വത്തില് നടക്കുന്ന മൂന്നാമത് ഏഷ്യന് യൂത്ത് ഗെയിംസിന്റെ ഭാഗ്യചിഹ്നമായ ‘ഷഹാബ്’ പ്രകാശനം ചെയ്തു.ഗെയിംസിന് ആതിഥേയത്വം വഹിക്കുന്നതിനുള്ള അന്തിമ ഒരുക്കങ്ങള് പ്രഖ്യാപിക്കാന് ഗെയിംസിന്റെ എക്സിക്യൂട്ടീവ് കമ്മിറ്റി റിറ്റ്സ് കാള്ട്ടണ് ഹോട്ടലില് സുപ്രീം കൗണ്സില് ഫോര് യൂത്ത് ആന്റ് സ്പോര്ട്സ് ഫസ്റ്റ് ഡെപ്യൂട്ടി ചെയര്മാനും ജനറല് സ്പോര്ട്സ് അതോറിറ്റി പ്രസിഡന്റും ബഹ്റൈന് ഒളിമ്പിക് കമ്മിറ്റി പ്രസിഡന്റുമായ ഷെയ്ഖ് ഖാലിദ് ബിന് ഹമദ് അല് ഖലീഫയുടെ നേതൃത്വത്തില് നടത്തിയ പത്രസമ്മേളനത്തിലാണ് ഭാഗ്യചിഹ്നം പ്രകാശനം ചെയ്തത്.ഏഷ്യന് യൂത്ത് ഗെയിംസ് ബഹ്റൈനില് ആദ്യമായാണ് നടക്കുന്നത്. 45 ദേശീയ ഒളിമ്പിക് കമ്മിറ്റികളെ പ്രതിനിധീകരിച്ച് 6,000 പുരുഷ, വനിതാ അത്ലറ്റുകള് 24 കായിക ഇനങ്ങളിലായി മത്സരിക്കുമെന്ന് അദ്ദേഹം പറഞ്ഞു.ഗെയിംസിന്റെ ഔദ്യോഗിക ഭാഗ്യചിഹ്നമായ ‘ഷഹാബി’നെക്കുറിച്ച് എക്സിക്യൂട്ടീവ് കമ്മിറ്റി ചെയര്മാന് യൂസഫ് ദുഐജ് വിശദീകരിച്ചു. ഈ അറേബ്യന് ജീവി ബഹ്റൈന് യുവത്വത്തിന്റെ ചൈതന്യം, ശക്തി,…
മനാമ: ബഹ്റൈനില് 500 സ്മാര്ട്ട് ട്രാഫിക് ക്യാമറകള് സ്ഥാപിക്കാന് ആഭ്യന്തര മന്ത്രാലയം ബിയോണ് കമ്പനിയുമായി കരാര് ഒപ്പുവെച്ചു.കരാര് പ്രകാരം ട്രാഫിക് നിയമലംഘനങ്ങള് കണ്ടെത്താനും സംയോജിത നിരീക്ഷണ സംവിധാനമുണ്ടാക്കാനും ശേഷിയുള്ള 500 ക്യാമറകള് രാജ്യത്തിന്റെ വിവിധ ഭാഗങ്ങളിലായി സജ്ജീകരിക്കും. ജനറല് ഡയരക്ടറേറ്റ് ഓഫ് ട്രാഫിക്കിന്റെ നിയന്ത്രണത്തിലായിരിക്കും ക്യാമറകള്.ആഭ്യന്തര മന്ത്രാലയത്തിലെ ദേശീയത, പാസ്പോര്ട്ട്, താമസകാര്യ അണ്ടര് സെക്രട്ടറി ഷെയ്ഖ് ഹിഷാം ബിന് അബ്ദുറഹ്്മാന് അല് ഖലീഫയും ബിയോണ് കമ്പനി ചെയര്മാന് ഷെയ്ഖ് അബ്ദുല്ല ബിന് ഖലീഫ അല് ഖലീഫയുമാണ് കരാറില് ഒപ്പുവെച്ചത്. ആഭ്യന്തര മന്ത്രി ജനറല് ഷെയ്ഖ് റാഷിദ് ബിന് അബ്ദുല്ല അല് ഖലീഫയുടെ അദ്ധ്യക്ഷതയില് ചേര്ന്ന ട്രാഫിക് കൗണ്സില് യോഗത്തിലാണ് ഒപ്പുവെക്കല് നടന്നത്.ട്രാഫിക് നിയമലംഘനങ്ങള്ക്ക് കര്ശന ശിക്ഷകള് ഏര്പ്പെടുത്തിക്കൊണ്ടുള്ള പുതിയ നിയമഭേദഗതി നടപ്പാക്കുന്നത് യോഗം അവലോകനം ചെയ്തു.
മനാമ: ബഹ്റൈനില് കുടുംബ ബിസിനസുകളുടെ ഉല്പ്പന്നങ്ങള് വിപണനം നടത്തി അവരെ സഹായിക്കാന് സാമൂഹ്യ വികസന മന്ത്രാലയം ‘ബഹ്റൈനി ഹാന്ഡ്സ് സ്റ്റോര്’ ആരംഭിച്ചു.സനാബിസിലെ മുബാറക്ക് ബിന് ജാസിം കാനോ കോംപ്രിഹെന്സീവ് സോഷ്യല് സെന്ററിലാണ് ഈ സ്റ്റോര് പ്രവര്ത്തിക്കുന്നത്.കുടുംബ ബിസിനസുകള്ക്ക് സുസ്ഥിരമായ മാര്ക്കറ്റിംഗ് സൗകര്യങ്ങള് ഒരുക്കാനുള്ള മന്ത്രാലയത്തിന്റെ പദ്ധതിയുടെ ഭാഗമായാണ് ഇതെന്ന് സാമൂഹ്യ വികസന മന്ത്രാലയത്തിലെ കമ്മ്യൂണിറ്റി ഡെവലപ്മെന്റ് അസിസ്റ്റന്റ് അണ്ടര് സെക്രട്ടറി ഇനാസ് മുഹമ്മദ് അല് മജീദ് അറിയിച്ചു. കുടുംബ ബിസിനസുകളുടെ ഉല്പാദന, വിപണന പ്രക്രിയകള് ശക്തിപ്പെടുത്തുകയാണ് ഇതിന്റെ ലക്ഷ്യമെന്നും അവര് പറഞ്ഞു.
മനാമ: ബഹ്റൈനില് സൈബര് തട്ടിപ്പുമായി ബന്ധപ്പെട്ട കള്ളപ്പണം വെളുപ്പിച്ച കുറ്റത്തിന് മൂന്നു വിദേശികള്ക്ക് ഫസ്റ്റ് ഹൈ ക്രിമിനല് കോടതി 5 മുതല് 9 വര്ഷം വരെ തടവുശിക്ഷ വിധിച്ചു.കുറ്റക്കാരായ ഓരോരുത്തര്ക്കും ഒരു ലക്ഷം ദിനാര് വീതം പിഴയും വിധിച്ചു. കൂടാതെ ഒന്നാം പ്രതിയില്നിന്ന് 83,710.939 ദിനാറും രണ്ടാമത്തെയും മൂന്നാമത്തെയും പ്രതികളില്നിന്ന് 4,44,290.800 ദിനാറും വേറെ പിഴയായി ഈടാക്കും. ശിക്ഷ പൂര്ത്തിയായാല് മൂന്നു പേരെയും നാടുകടത്തും.കേസിലുള്പ്പെട്ട കോര്പ്പറേറ്റ് സ്ഥാപനത്തിന് ഒരുലക്ഷം ദിനാര് പിഴ ചുമത്തി. കൂടാതെ 4,44,290.800 ദിനാര് ഈടാക്കുകയോ തത്തുല്യമായ തുകയുടെ സ്വത്തുവകകള് കണ്ടുകെട്ടുകയോ ചെയ്യും.പ്രതികള് പറഞ്ഞതനുസരിച്ച് ലൈസന്സില്ലാത്ത ഒരു കമ്പനിയില് വലിയ ഡിജിറ്റല് തുകകള് നിക്ഷേപിച്ച് വഞ്ചിക്കപ്പെട്ട ചിലരില്നിന്ന് പരാതി ലഭിച്ചതിനെ തുടര്ന്നാണ് കേസെടുത്തത്. തുടര്ന്ന് പബ്ലിക് പ്രോസിക്യൂഷന് ഓഫ് ഫിനാന്സ് ആന്റ് മണി ലോണ്ടറിംഗ് ക്രൈംസ് നടത്തിയ അന്വേഷണത്തില് ഇരകള് വഞ്ചിച്ചക്കപ്പെട്ടതായി കണ്ടെത്തി.
മനാമ: ബഹ്റൈനിലെ സാറില് ഒരു വീട്ടിലുണ്ടായ തീപിടിത്തത്തില് പത്തു വയസ്സുകാരി മരിച്ചു.പുക ശ്വസിച്ചാണ് കുട്ടി മരിച്ചത്. തീപിടിത്ത വിവരമറിഞ്ഞ ഉടന് സിവില് ഡിഫന്സ് സംഘങ്ങള് സ്ഥലത്തെത്തി തീയണച്ചെങ്കിലും കുട്ടിയുടെ ജീവന് രക്ഷിക്കാനായില്ല. തീപിടിത്തത്തിന്റെ കാരണം കണ്ടെത്താന് അന്വേഷണമാരംഭിച്ചതായി അധികൃതര് അറിയിച്ചു.
മനാമ: ബഹ്റൈനില് യുവജന മന്ത്രാലയത്തിന്റെ ആഭിമുഖ്യത്തില് സംഘടിപ്പിച്ച ഈ വര്ഷത്തെ യൂത്ത് സിറ്റി 2030 സീസണില് 230ലധികം പരിശീലന പരിപാടികള് ഉള്പ്പെട്ടിരുന്നുവെന്നും 4,400ലധികം യുവ പങ്കാളികളെ ഉള്പ്പെടുത്തിയതായും ഏകദേശം 6,400 പ്രത്യേക പരിശീലന അവസരങ്ങള് നല്കിയതായും യുവജനകാര്യ മന്ത്രി റാവാന് ബിന്ത് നജീബ് തൗഫീഖി അറിയിച്ചു.402 യുവ പ്രതിഭകളെ വളര്ത്തിയെടുക്കാന് പരിപാടി സഹായിച്ചു. യുവജന വിപണിയില് 84ലധികം പദ്ധതികള്ക്ക് പിന്തുണ നല്കി. ‘യംഗ് ട്രേഡേഴ്സ്’ പ്രോഗ്രാമിന് കീഴില് 140 സംരംഭങ്ങള് നടത്തി. പ്രാദേശിക, അന്തര്ദേശീയ സംഘടനകളുമായി 145 ലധികം പങ്കാളിത്തങ്ങള് സ്ഥാപിച്ചു. പരിപാടി 5,000ത്തിലധികം സന്ദര്ശകരെ ആകര്ഷിച്ചു. 248 സന്നദ്ധപ്രവര്ത്തകര് സജീവമായി ഉണ്ടായിരുന്നു.തംകീന്, അല് സയാനി ഇന്വെസ്റ്റ്മെന്റ്സ്, ബാങ്ക് ഓഫ് ബഹ്റൈന് ആന്റ് കുവൈത്ത് (ബി.ബി.കെ), ബാപ്കോ എനര്ജീസ്, ടെലികമ്മ്യൂണിക്കേഷന്സ് റെഗുലേറ്ററി അതോറിറ്റി (ടി.ആര്.എ) എന്നിവര് പങ്കാളികളായതായും അവര് പറഞ്ഞു.
മനാമ: ബഹ്റൈനില് യുവജനകാര്യ മന്ത്രാലയത്തിന്റെ ആഭിമുഖ്യത്തില് സംഘടിപ്പിച്ച യൂത്ത് സിറ്റി 2030ന്റെ ഭാഗമായി നടന്ന ന്യൂണ് ചലഞ്ച് വിജയകരമായി സമാപിച്ചു.വിവിധയിനം കലാസൃഷ്ടികളുടെ രൂപകല്പ്പന മത്സരത്തില് ബഹ്റൈനി കലാകാരന് അബ്ദുല് അസീസ് അല് ശൈഖ് ഒന്നാം സ്ഥാനം നേടി. അദ്ദേഹം രൂപകല്പ്പന ചെയ്ത വാച്ചിന്റെ മോഡലിനെ അടിസ്ഥാനമാക്കി വാച്ച് നിര്മ്മിച്ച് വിപണിയിലിറക്കുമെന്ന് സംഘാടകര് പ്രഖ്യാപിച്ചു.യൂത്ത് സിറ്റി 2030 എന്ന വിഷയത്തെയും ബഹ്റൈന്റെ സംസ്കാരത്തെയും നന്നായി പ്രതിഫലിപ്പിക്കല്, ആശയത്തിന്റെ സര്ഗാത്മകതയും ആഴവും, ഫിനിഷിംഗിന്റെ ഗുണനിലവാരവും വര്ണ്ണവിന്യാസവും അനുപാതങ്ങളുടെ കൃത്യതയും, പ്രേക്ഷകരുടെ വിലയിരുത്തല് എന്നിവയെ അടിസ്ഥാനമാക്കിയാണ് ജഡ്ജിംഗ് പാനല് സൃഷ്ടികളെ വിലയിരുത്തിയത്.
മനാമ: ബഹ്റൈനിലെ പൊതു വിദ്യാലയങ്ങളില് രക്ഷാകര്തൃ പ്രവേശന ദിനം കൊണ്ടുവരാന് കീരീടാവകാശിയും പ്രധാനമന്ത്രിയുമായ സല്മാന് ബിന് ഹമദ് അല് ഖലീഫ രാജകുമാരന് അനുമതി നല്കി.ഖുദൈബിയ കൊട്ടാരത്തില് നടന്ന പ്രതിവാര മന്ത്രിസഭാ യോഗത്തില് അധ്യക്ഷത വഹിച്ചുകൊണ്ടാണ് അദ്ദേഹം തീരുമാനം പ്രഖ്യാപിച്ചത്. പുതിയ അധ്യയന വര്ഷത്തെക്കുറിച്ച് രക്ഷിതാക്കള്ക്ക് അറിവ് നല്കുകയും വിദ്യാര്ത്ഥികള്ക്ക് എല്ലാ പിന്തുണയും നല്കുന്ന അന്തരീക്ഷം സൃഷ്ടിക്കുകയുമാണ് ഇതിന്റെ ലക്ഷ്യം.സുപ്രീം കൗണ്സില് ഫോര് വിമന് (എസ്.സി.ഡബ്ല്യു) 24ാം വാര്ഷികത്തോടനുബന്ധിച്ച്, കൗണ്സിലിന്റെ നേട്ടങ്ങളെയും പുരോഗതിയെയും വികസനത്തെയും മുന്നോട്ടു കൊണ്ടുപോകുന്നതില് ബഹ്റൈനി സ്ത്രീകള് വഹിക്കുന്ന പങ്കിനെയും മന്ത്രിസഭപ്രശംസിച്ചു.
മനാമ: ബഹ്റൈനില് പൊതു, സ്വകാര്യ മേഖലകളിലെ സ്കൂള് വാഹന ഡ്രൈവര്മാര്ക്കായി ജനറല് ഡയറക്ടറേറ്റ് ഓഫ് ട്രാഫിക് ബോധവല്ക്കരണ ക്ലാസുകള് ആരംഭിച്ചതായി ആഭ്യന്തര മന്ത്രാലയം അറിയിച്ചു.വരാനിരിക്കുന്ന അധ്യയന വര്ഷത്തിലേക്കുള്ള മുന്നൊരുക്കമാണിത്. വിദ്യാര്ത്ഥികള്ക്ക് യാത്രകളില് സുരക്ഷ ഉറപ്പാക്കുക എന്നതാണ് ലക്ഷ്യം.സുരക്ഷിതവും ശരിയായതുമായ ഡ്രൈവിംഗിനെക്കുറിച്ച് അവരെ ബോധവല്ക്കരിക്കും. വിദ്യാര്ത്ഥികളെ കൊണ്ടുപോകുമ്പോള് പാലിക്കേണ്ട ശരിയായ നടപടികളെക്കുറിച്ച് അവര്ക്ക് മാര്ഗനിര്ദ്ദേശം നല്കുമെന്നും മന്ത്രാലയം അറിയിച്ചു.