Author: News Desk

മനാമ: ബഹ്‌റൈനിൽ കോവിഡ് ബാധിച്ച് ഒരാൾ കൂടി മരണപ്പെട്ടു. ഇതോടെ ബഹറിനിലെ ആകെ മരണം 66 ആയി. 91 വയസ്സുള്ള സ്വദേശിപൗരനാണ് ഇന്ന് മരണപ്പെട്ടത്. ആരോഗ്യ മന്ത്രാലയം അവരുടെ കുടുംബത്തിന് ആദരാഞ്ജലികൾ അറിയിച്ചു.

മനാമ: കമ്മ്യൂണിസ്റ്റ് പാർട്ടിയുടെ അനുഭവ സംഘടനയായ ബഹ്‌റൈൻ പ്രതിഭയുടെ ചാർട്ടേർഡ് വിമാനം ഇന്ന് ഉച്ചയ്ക്ക് 12. 30ന് ബഹ്‌റൈനിൽ നിന്നും കോഴിക്കോട്ടേക്ക് യാത്ര തിരിക്കും. 172 യാത്രക്കാരാണ് ഈ വിമാനത്തിൽ പോകുന്നത്. ഇതിൽ 20 ശതമാനം സൗജന്യ യാത്രക്കാരാണ് എന്നും പ്രതിഭ ഭാരവാഹികൾ അറിയിച്ചു.

റിയാദ് : ഇന്ത്യൻ ഓവർസീസ് ഫോറം റിയാദ് പ്രൊവിൻസ് ജനറൽ സെക്രട്ടറിയും, സൗദിയിലെ അറിയപ്പെടുന്ന ജീവകാരുണ്യപ്രവർത്തകനുമായ കോട്ടയം ഏറ്റുമാനൂർ സ്വദേശി പ്രസാദ് അത്തംപള്ളി റിയാദിൽ അന്തരിച്ചു. കൊറോണ വൈറസ് ബാധ സ്ഥിരീകരിച്ചതിനെ തുടർന്ന് കഴിഞ്ഞ ഒരു മാസമായി കിംഗ് സൽമാൻ ആശുപത്രിയിലും, പിന്നീട് ശുമൈസി കിംഗ് സൗദ്‌ മെഡിക്കൽ സിറ്റിയിലും ചികിത്സയിൽആയിരുന്നു. അസുഖം മൂർച്ഛിച്ചതിനെ തുടർന്ന് രണ്ടാഴ്ചക്കു മുൻപ്‌ റിയാദ് കിംഗ് ഖാലിദ് ഹോസ്പിറ്റലിലെ അത്യാഹിത വിഭാഗത്തിലേക്ക് മാറ്റുകയായിരുന്നു. തുടർന്ന് വെന്റിലേറ്ററിൽ പ്രവേശിപ്പിച്ച പ്രസാദ് അത്തംപള്ളിയുടെ ആരോഗ്യസ്ഥിതി പൂർണ്ണമായും മോശമാകുകയും മരണത്തിനു കീഴടങ്ങുകയും ആയിരുന്നു. ഗോപിയാണ് പിതാവ്. ഭ്യാര്യ സുമ പ്രസാദ് സൗദിയിൽ നേഴ്സ് ആയി ജോലി ചെയ്യുന്നു. അഭിജിത്, അവിനാഷ്‌, അജയ് ദേവ പ്രസാദ് എന്നിവർ മക്കളാണ്.

ഇസ്ലാമാബാദ് : പാകിസ്താന്റെ ക്രിക്കറ്റ് താരങ്ങളായ ഹൈദർ അലി, ഹാരിസ് റൌഫ്, ശതബ് ഖാൻ എന്നിവർക്ക്കോവിഡ് സ്ഥിരീകരിച്ചതായി പാക് ക്രിക്കറ്റ് ബോർഡ് അറിയിച്ചു. ഇംഗ്ലണ്ട് പര്യടനത്തിനായി പുറപ്പെടുന്നതിന് മുൻപ് റാവൽപിണ്ടിയിൽ നടത്തിയ കൊറോണ പരിശോധനയിലാണ് താരങ്ങൾക്ക് രോഗബാധയുണ്ടെന്ന് സ്ഥിരീകരിക്കുന്നത്.

മനാമ: ബഹ്‌റൈനിൽ കോവിഡ് ബാധിച്ച് ഒരാൾ കൂടി മരണപ്പെട്ടു. ഇതോടെ ബഹറിനിലെ ആകെ മരണം 65 ആയി. 87 വയസ്സുള്ള സ്വദേശിപൗരനാണ് ഇന്ന് മരണപ്പെട്ടത്. ആരോഗ്യ മന്ത്രാലയം അവരുടെ കുടുംബത്തിന് ആദരാഞ്ജലികൾ അറിയിച്ചു.

മനാമ: ബഹ്‌റൈനിലെ സാധാരണക്കാരുടെ കൂട്ടായ്മയുടെ പ്രസിഡന്റും സാമൂഹിക പ്രവർത്തനങ്ങളിൽ മുൻ നിരയിലുള്ളതുമായ മലയാളിയുടെ നിലയിൽ നേരിയ പുരോഗതിയുള്ളതായി സുഹൃത്തുക്കൾ അറിയിച്ചു.കോറോണയ്ക്ക് പുറമെ വിവിധ അസുഖങ്ങൾ മുൻപ് ഉണ്ടായിരുന്നതിനാലും, കടുത്ത ശ്വാസകോശ സംബന്ധമായ പ്രശ്നങ്ങൾ ഉള്ളതിനാലും ഗുരുതരാവസ്ഥയിൽ തുടരുകയായിരുന്നു. ഈ കൊറോണ കാലത്തും നിരവധി പേർക്കാണ് ഇദ്ദേഹത്തിന്റെ നേതൃത്വത്തിൽ ഭക്ഷ്യ കിറ്റുകൾ വിതരണം ചെയ്തത്. എല്ലാവരും തനിക്കായി പ്രാർത്‌ഥിക്കണമെന്ന് ആശുപതിയിൽ നിന്നും സുഹൃത്തുക്കളോട് അദ്ദേഹം ആവശ്യപ്പെട്ടിരുന്നു. സാധാരണക്കാരനായ ഇയാൾ സ്വന്തം ശമ്പളത്തിൻറെ നല്ലൊരു ഭാഗം ചാരിറ്റി പ്രവർത്തനങ്ങൾക്കായി മാറ്റി വച്ചിരുന്നു. ഇദ്ദേഹം മരണപ്പെട്ടതായി നിരവധി തവണ അഭ്യുഹങ്ങൾ ഉണ്ടായിരുന്നു.

ന്യൂഡൽഹി:ചാർട്ടേഡ് വിമാനങ്ങൾക്ക് പുതിയ നിബന്ധന ഏർപ്പെടുത്തി കേന്ദ്ര സർക്കാർ. ഇനി സംസ്ഥാന സർക്കാരുകളുടെ മുൻ‌കൂർ അനുമതി വേണം. ചാർട്ടേഡ് വിമാനം ഓപ്പറേറ്റ് ചെയ്യുന്നവര്‍ക്ക് അനുമതി നൽകേണ്ടത് സംസ്ഥാന സര്‍ക്കാരാണെന്നാണ് കേന്ദ്രത്തിന്റെ ഉത്തരവില്‍ പറയുന്നത്. ഇതുവരെ സംഘടനകള്‍ക്കും വ്യക്തികള്‍ക്കും ചാര്‍ട്ടേഡ് വിമാന അനുമതിക്കായി കോണ്‍സുലേറ്റിനെയോ എംബസിയെയോ സമീപിച്ചാല്‍ മതിയായിരുന്നു. എന്നിട്ട് കേന്ദ്ര വിദേശകാര്യ മന്ത്രാലയത്തിന്‍റെ അനുമതി വാങ്ങുന്ന രീതിയാണ് നിലവിലുള്ളത്. യാത്രക്കാരുടെ വിശദാംശങ്ങള്‍ സമര്‍പ്പിച്ചാല്‍ മൂന്ന് ദിവസത്തിനുള്ളില്‍ അനുമതി ലഭിക്കുമായിരുന്നു. പുതിയ ഉത്തരവ് പ്രകാരം സംസ്ഥാന സര്‍ക്കാരിനെയാണ് ചാര്‍ട്ടേഡ് വിമാന അനുമതിക്കായി ആദ്യം സമീപിക്കേണ്ടത്. ക്വാറന്‍റൈന്‍ ഉള്‍പ്പെടെയുള്ള സൌകര്യങ്ങള്‍ പരിഗണിച്ച് സംസ്ഥാനങ്ങള്‍ക്ക് തീരുമാനിക്കാമെന്നാണ് ഉത്തരവ്.സംസ്ഥാന സർക്കാറിന്‍റെ മുൻകൂർ അനുമതി ലഭിച്ചു വേണം ഇനി അപേക്ഷകൾ തുടർ നടപടിക്കായി കേന്ദ്ര വിദേശകാര്യ മന്ത്രാലയത്തിന് കൈമാറാൻ. സംസ്ഥാനത്തിന്‍റെ അനുമതി ലഭിച്ച ചാർട്ടേഡ് വിമാനത്തിന് ബന്ധപ്പെട്ട രാജ്യങ്ങളുടെ ക്ലിയറൻസ് കിട്ടാൻ എംബസികളെയും കോൺസുലേറ്റുകളെയും സമീപിക്കാം. ഇതോടെ ചാർട്ടേഡ് വിമാനങ്ങളുടെ അപേക്ഷ സ്വീകരിക്കുന്നത് രണ്ട് ദിവസത്തിനുള്ളിൽ ഗൾഫിലെ നയതന്ത്ര…

മനാമ:  ആലപ്പുഴ ജില്ലാ കോൺഗ്രസ് കമ്മറ്റിയുടെ വീടണയാൻ നാടിന്റെ കൈത്താങ്ങ് , കാരുണ്യ ഫ്ലയിറ്റ് ടിക്കറ്റ് വിതരണ പദ്ധതിയിൽ ഇരുപത്തിനാലാമത്  ടിക്കറ്റ് രോഗബാധിതനായി ബഹ്റൈനിൽ നിന്ന് നാട്ടിലേക്ക് മടങ്ങുന്ന ആലപ്പുഴ   ബുധനൂർ സ്വദേശി  അശോകന് ഒഐസിസി ഗ്ലോബൽ സെക്രട്ടറി കെ സി ഫിലിപ്പ് കൈമാറി.  ബഹ്റൈൻ OICC പ്രസിഡന്റ് ബിനു കുന്നന്താനം ,ആലപ്പുഴ ജില്ലാ പ്രസിഡന്റ് ശങ്കരപിള്ള ,ജന.സെക്രട്ടറി മോഹൻകുമാർ , ഓഫീസ് സെക്രട്ടറി ഷാജി തങ്കച്ചൻ ,യൂത്ത് വിംഗ് വൈസ് പ്രസിഡൻറ് സുനിൽ ചെറിയാൻ ,സൽമാൻ ഫാരീസ് എന്നിവർ പങ്കെടുത്തു. ജൂൺ 25 ന് എയർ ഇന്ത്യ വിമാനത്തിൽ അശോകൻ നാട്ടിലേക്ക് മടങ്ങുന്നു.

സൗദി: കോവിഡ്​ ബാധിച്ച്​ കോതമംഗലം കീരൻപാറ തെക്കേകുടി കുടുംബാംഗം ബിജി ജോസ്​ അൽഅഹ്​സയിലെ കിങ്​ ഫഹദ്​ ആശുപത്രിയിൽ വച്ച് മരിച്ചു. ന്യുമോണിയയും ശ്വാസ തടസം മൂർഛിച്ചതും മരണ കാരണമായി. കുടുംബം സൗദിയിൽ ഉണ്ട്.

മസ്‌ക്കറ്റ് : കോവിഡ് ബാധിച്ചു ഒമാനിൽ ഒരു മലയാളി കൂടി മരിച്ചു തൃശൂർ വലപ്പാട്ട് സ്വദേശി ചെറിയ പുരയിൽ ആദിബ് അഹമ്മദ് (60) ആണ് മരിച്ചത്