Author: News Desk

നിരവധി പരാജയങ്ങൾക്ക് ശേഷം ബോളിവുഡിന്‍റെ തിരിച്ച് വരവിന് വഴിയൊരുക്കിയ ചിത്രമാണ് ‘ദൃശ്യം 2’. അജയ് ദേവ്ഗൺ നായകനായ ചിത്രം റിലീസ് ചെയ്ത ദിവസം മുതൽ മികച്ച ബോക്സ് ഓഫീസ് കളക്ഷൻ നേടിയിരുന്നു. ഇപ്പോൾ, ചിത്രം അതിന്‍റെ മൂന്നാമത്തെ ആഴ്ചയിലേക്ക് കടക്കുമ്പോൾ, 200 കോടി ക്ലബിലേക്ക് കടക്കുകയാണ്. ഇന്ത്യയിൽ റിലീസ് ചെയ്ത് 16-ാം ദിവസം 176.38 കോടി രൂപയാണ് ദൃശ്യം 2 കളക്ട് ചെയ്തത്. വെള്ളിയാഴ്ച 4.45 കോടിയും ശനിയാഴ്ച 8.45 കോടിയുമാണ് ചിത്രം നേടിയത്. ട്രേഡ് അനലിസ്റ്റുകളുടെ അഭിപ്രായത്തിൽ, ചിത്രം സമീപകാലത്തെ ബോളിവുഡിലെ ഏറ്റവും വലിയ ഹിറ്റുകളിലൊന്നായിരിക്കും. മലയാളത്തിലെ സൂപ്പർ ഹിറ്റ് ചിത്രം ദൃശ്യം 2വിന്‍റെ ഹിന്ദി റീമേക്ക് നവംബർ 18നാണ് റിലീസ് ചെയ്തത്. അജയ് ദേവ്‍ഗണ്‍, ശ്രിയ ശരൺ, തബു, ഇഷിത ദത്ത, മൃണാള്‍ യാദവ്, രജത് കപൂര്‍, അക്ഷയ് ഖന്ന എന്നിവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്. സുധീർ കെ ചൗധരിയാണ് ചിത്രത്തിന്‍റെ ഛായാഗ്രഹണം നിർവഹിച്ചിരിക്കുന്നത്. ഭുഷൻ കുമാര്‍,…

തിരുവനന്തപുരം: തിരുവനന്തപുരം കോർപ്പറേഷനിലെ കത്ത് വിവാദം സർക്കാർ ചർച്ച ചെയ്യും. ഇതിനായി രാഷ്ട്രീയ പാർട്ടികളുടെ യോഗം വിളിച്ചു. നാളെ വൈകിട്ട് നാലിന് സെക്രട്ടേറിയറ്റ് അനക്സിലാണ് യോഗം ചേരുന്നത്. തദ്ദേശ സ്വയംഭരണ വകുപ്പ് മന്ത്രി എം ബി രാജേഷാണ് യോഗം വിളിച്ചത്. പ്രധാന രാഷ്ട്രീയ പാർട്ടികളുടെ ജില്ലാ പ്രസിഡന്‍റുമാർക്ക് മന്ത്രി കത്തയച്ചു. സിപിഎം തിരുവനന്തപുരം ജില്ലാ സെക്രട്ടറി ആനാവൂർ നാഗപ്പന്, കോർപ്പറേഷനിലെ 295 താൽക്കാലിക തസ്തികകളിലേക്ക് പാർട്ടി പ്രവർത്തകരെ നിയമിക്കാൻ ലിസ്റ്റ് ആവശ്യപ്പെട്ട് മേയർ ആര്യ രാജേന്ദ്രനും എസ്എടി ആശുപത്രിയിൽ താൽക്കാലിക ജീവനക്കാരെ നിയമിക്കാൻ പാർട്ടി ലിസ്റ്റ് ആവശ്യപ്പെട്ട് ഡി.ആർ.അനിലും അയച്ച കത്തുകളാണ് പുറത്ത് വന്നത്.

തിരുവനന്തപുരം: വിഴിഞ്ഞം തുറമുഖ മേഖലയിൽ കേന്ദ്രസേന സുരക്ഷ ഒരുക്കേണ്ട ആവശ്യമില്ലെന്ന് തുറമുഖ വകുപ്പ് മന്ത്രി അഹമ്മദ് ദേവർകോവിൽ. ക്രമസമാധാനപാലനത്തിന് കേരള പൊലീസ് പര്യാപ്തമാണ്. കേരളം കേന്ദ്രസേനയെ ആവശ്യപ്പെട്ടിട്ടില്ലെന്നും നിർമ്മാണ കമ്പനിയാണ് ആവശ്യപ്പെട്ടതെന്നും മന്ത്രി പറഞ്ഞു. പദ്ധതി പ്രദേശത്ത് കേന്ദ്രസേനയെ ആവശ്യപ്പെടുന്നതിൽ തെറ്റില്ല. പദ്ധതി നിർത്തിവയ്ക്കണമെന്ന് ആവശ്യപ്പെടുന്നത് വിഡ്ഢിത്തമാണെന്നും മന്ത്രി ആരോപിച്ചു. വിഴിഞ്ഞം തുറമുഖ മേഖലയിൽ സുരക്ഷയൊരുക്കാൻ കേന്ദ്ര സേനയോട് ആവശ്യപ്പെട്ടത് സംസ്ഥാന സർക്കാരല്ല, അദാനി ഗ്രൂപ്പാണെന്ന് മന്ത്രി ആന്‍റണി രാജുവും കഴിഞ്ഞ ദിവസം പറഞ്ഞിരുന്നു. വിഴിഞ്ഞം തുറമുഖ മേഖലയിൽ സുരക്ഷ ഒരുക്കാൻ കേന്ദ്രസേനയെ വിന്യസിക്കുന്നതിൽ എതിർപ്പില്ലെന്ന് സംസ്ഥാന സർക്കാർ ഹൈക്കോടതിയെ അറിയിച്ചിരുന്നു. കേന്ദ്ര സേനയുടെ സഹായം തേടാൻ സർക്കാർ എന്തുകൊണ്ട് വിമുഖത കാണിക്കുന്നു എന്ന അദാനി ഗ്രൂപ്പിന്‍റെ ചോദ്യത്തിന് മറുപടിയായാണ് സർക്കാർ നിലപാട് അറിയിച്ചത്. വിഷയത്തിൽ കോടതി കേന്ദ്ര സർക്കാരിന്റെ നിലപാട് തേടി. കേന്ദ്ര സേനയെ നിയോഗിക്കുന്ന കാര്യത്തിൽ കേന്ദ്ര, സംസ്ഥാന സർക്കാരുകൾ ചർച്ച ചെയ്ത് തീരുമാനം അറിയിക്കാൻ ജസ്റ്റിസ് അനു…

ന്യൂഡല്‍ഹി: വ്യോമയാന സുരക്ഷാ റാങ്കിംഗിൽ ഇന്ത്യ സ്ഥാനം മെച്ചപ്പെടുത്തി. ഇന്‍റർനാഷണൽ സിവിൽ ഏവിയേഷൻ ഓർഗനൈസേഷൻ നടത്തിയ സമഗ്ര സുരക്ഷാ ഓഡിറ്റിൽ ഇന്ത്യ 48-ാം സ്ഥാനത്താണ് നിലയുറപ്പിച്ചത്. ഇതോടെ ചൈനയെയും ഡെൻമാർക്കിനെയും ഇന്ത്യ മറികടന്നു. ഇന്ത്യയുടെ ചരിത്രത്തിലെ ഏറ്റവും ഉയർന്ന സ്കോറാണിത്. അവസാനം ഓഡിറ്റ് നടന്ന 2018ല്‍ 69.95 ശതമാനമായിരുന്ന സ്‌കോര്‍ നാല് വര്‍ഷം കഴിയുമ്പോള്‍ 85.49 ശതമാനമായി ഉയര്‍ന്നു. 2018ല്‍ 102-ാം സ്ഥാനമായിരുന്നത് 54 സ്ഥാനങ്ങള്‍ മെച്ചപ്പെടുത്തിയാണ് ഇന്ത്യ പുതിയ നേട്ടം കൈവരിച്ചിരിക്കുന്നത്. ഇന്ത്യക്ക് തൊട്ടുപിന്നിലാണ് ചൈന(49)യുടെ റാങ്കിങ്. ഓഡിറ്റ് സംബന്ധിച്ച് ഔദ്യോഗിക പ്രഖ്യാപനം വരാനിരിക്കുന്നതേയുള്ളുവെന്ന് ഡി.ജി.സി.ഐ. ഡയറക്ടര്‍ ജനറല്‍ അരുണ്‍ കുമാര്‍ അറിയിച്ചു. നിയമനിർമ്മാണം, ഘടന, വ്യക്തിഗത ലൈസൻസിംഗ്, ഓപ്പറേറ്റിംഗ് സമ്പ്രദായങ്ങൾ, ആകാശയാത്രയുടെ യോഗ്യത, വിമാനത്താവളങ്ങൾ തുടങ്ങിയ മേഖലകളിലാണ് ഓഡിറ്റ് നടത്തിയത്. ഡൽഹി വിമാനത്താവളം, ഇന്ദിരാഗാന്ധി അന്താരാഷ്ട്ര വിമാനത്താവളത്തിലെ ട്രാഫിക് കണ്‍ട്രോള്‍, എയർപോർട്ട് അതോറിറ്റി ഓഫ് ഇന്ത്യയുടെ സിഎൻഎസ് എന്നിവിടങ്ങളിൽ സന്ദർശിച്ച ശേഷമാണ് ഐക്യരാഷ്ട്രസംഘടനയുടെ സംഘം ഓഡിറ്റ് റിപ്പോർട്ട് തയ്യാറാക്കിയത്.…

ലണ്ടന്‍: ‘പരിസ്ഥിതി ഓസ്‌കര്‍’ എന്നറിയപ്പെടുന്ന ‘എര്‍ത്ത് ഷോട്ട്’ പുരസ്‌കാരം തെലങ്കാനയിലെ സ്റ്റാര്‍ട്ടപ്പ് കമ്പനിയായ ഖെയ്തിക്ക്. ചെറുകിട കർഷകരുടെ പ്രശ്നങ്ങൾക്ക് സുസ്ഥിരമായ പരിഹാരം ഉറപ്പാക്കുന്നതാണ് ഖെയ്തിയുടെ പ്രവർത്തനങ്ങൾ. ബ്രിട്ടണിലെ വില്യം രാജകുമാരനാണ് എർത്ത് ഷോട്ട് അവാർഡ് ഏർപ്പെടുത്തിയത്. 10 ലക്ഷം പൗണ്ട് (ഏകദേശം 10 കോടി രൂപ) ആണ് സമ്മാനത്തുക. വെള്ളിയാഴ്ച വൈകുന്നേരം ബോസ്റ്റണിൽ നടന്ന ചടങ്ങിൽ അഞ്ച് വിഭാഗങ്ങളിലായാണ് പുരസ്കാരങ്ങൾ സമ്മാനിച്ചത്. പരിസ്ഥിതി സംരക്ഷണവും പുനരുജ്ജീവനവും എന്ന വിഭാഗത്തിലാണ് ഖെയ്തിക്ക് പുരസ്കാരം ലഭിച്ചത്. കാലാവസ്ഥാ വ്യതിയാനത്തിന്‍റെ പ്രത്യാഘാതങ്ങൾ നേരിടുന്ന ചെറുകിട കർഷകർക്ക് കുറഞ്ഞ ചെലവിൽ വിളവ് വർധിപ്പിക്കാനും ഉപജീവനമാർഗം മെച്ചപ്പെടുത്താനുമുള്ള അവസരങ്ങൾ ഒരുക്കുകയാണ് ഖെയ്തിയുടെ ലക്ഷ്യം. ഭൂമി അഭിമുഖീകരിക്കുന്ന വെല്ലുവിളികളെ അതിജീവിക്കാനുള്ള ശ്രമങ്ങൾക്ക് നൽകുന്ന പുരസ്കാരത്തിലൂടെ ശോഭനമായ ഭാവിയുണ്ടാകുമെന്ന് അവാർഡ് ദാന ചടങ്ങിൽ വില്യം രാജകുമാരൻ പറഞ്ഞു. ഇന്ത്യയിലെ 100 ദശലക്ഷം വരുന്ന ചെറുകിട കർഷകരിൽ ഏറ്റവും ദരിദ്രരായ കർഷകരെ സഹായിക്കാനാണ് തങ്ങൾ ശ്രമിക്കുന്നതെന്ന് ഖെയ്തി സഹസ്ഥാപകനും സിഇഒയുമായ കൗഷിക് കപ്പഗണ്ഡുലു…

തിരുവനന്തപുരം: സംസ്ഥാന സ്കൂൾ കായികമേളയ്ക്കിടെ സ്റ്റേഡിയത്തിൽ മരക്കൊമ്പ് ഒടിഞ്ഞ് വീണ് ഒരു കുട്ടിക്ക് പരിക്കേറ്റു. ഞായറാഴ്ച രാവിലെ യൂണിവേഴ്സിറ്റി സ്റ്റേഡിയത്തിലായിരുന്നു അപകടം. ജാവലിൻ ത്രോ മത്സരത്തിനിടെ മത്സരാർത്ഥികളും അവരുടെ മാതാപിതാക്കളും ഇരുന്ന സ്ഥലത്തേക്ക് മരത്തിന്‍റെ ഒരു കൊമ്പ് ഒടിഞ്ഞ് വീഴുകയായിരുന്നു. പരിക്കേറ്റ കുട്ടിയെ ആശുപത്രിയിൽ പ്രവേശിപ്പിച്ചതായി വിദ്യാഭ്യാസ മന്ത്രി വി ശിവൻകുട്ടി പറഞ്ഞു. പരിക്ക് ഗുരുതരമല്ല. ഗാലറിയുടെ തൊട്ടുപിറകിലുള്ള മരക്കൊമ്പാണ് ഒടിഞ്ഞ് വീണത്. അപകടത്തെ തുടർന്ന് ഫയർഫോഴ്സ് പ്രദേശത്തെ മരച്ചില്ലകൾ മുറിച്ചുമാറ്റി. അപകടസമയത്ത് നിരവധി കുട്ടികളും അധ്യാപകരും ഗാലറിയിൽ ഉണ്ടായിരുന്നെങ്കിലും കുട്ടികൾ ഓടിമാറിയതിനാല്‍ വലിയ അപകടം ഒഴിവായി. കുട്ടിയുടെ തലയ്ക്ക് പരിക്കേറ്റതായി ദൃക്സാക്ഷികൾ പറഞ്ഞു. വിദ്യാഭ്യാസമന്ത്രി വി. ശിവന്‍കുട്ടി അപകടസ്ഥലം സന്ദർശിച്ചു.

ബെംഗളൂരു: കെജിഎഫ് 2ലെ ഗാനങ്ങൾ അനുവാദമില്ലാതെ ഭാരത് ജോഡോ യാത്രയുടെ വീഡിയോയിൽ ഉപയോഗിച്ചതിന് കോൺഗ്രസ് നേതാവ് രാഹുൽ ഗാന്ധിക്ക് കർണാടക ഹൈക്കോടതി കോടതിയലക്ഷ്യ നോട്ടീസ് അയച്ചു. വീഡിയോ നീക്കം ചെയ്യാനുള്ള കോടതി ഉത്തരവ് പാലിച്ചില്ലെന്ന് കാണിച്ച് എംആർടി മ്യൂസിക്കാണ് പരാതി നൽകിയത്. എ.ഐ.സി.സി ജനറൽ സെക്രട്ടറി ജയറാം രമേശ്, പാർട്ടിയുടെ സോഷ്യൽ മീഡിയ വിഭാഗത്തിന്‍റെ ചുമതലയുള്ള സുപ്രിയ ശ്രീനാട്ടെ എന്നിവർക്കും നോട്ടീസ് അയച്ചിട്ടുണ്ട്. അനുമതിയില്ലാതെ പാട്ടുകൾ ഉപയോഗിച്ചതിനെതിരെ എംആർടി മ്യൂസിക് നൽകിയ പരാതിയിൽ ബെംഗളൂരു അഡീഷണൽ സിറ്റി സിവിൽ കോടതി കോൺഗ്രസിന്‍റെ ട്വിറ്റർ അക്കൗണ്ടിന് താൽക്കാലിക വിലക്ക് ഏർപ്പെടുത്തിയിരുന്നു. ഇതിനെതിരെ കോൺഗ്രസ് നൽകിയ ഹർജി പരിഗണിച്ച ഹൈക്കോടതി വീഡിയോകൾ നീക്കം ചെയ്യണമെന്ന വ്യവസ്ഥയിലാണ് വിലക്ക് നീക്കിയത്.

തിരുവനന്തപുരം: ലാൻഡ് ട്രൈബ്യൂണൽ നൽകുന്ന ക്രയ സർട്ടിഫിക്കറ്റ് വനഭൂമിയുടെ അവകാശത്തിന്‍റെ തെളിവാണെന്ന് അംഗീകരിക്കുന്നത് ഒഴിവാക്കാൻ നാളെ തുടങ്ങുന്ന നിയമസഭാ സമ്മേളനത്തിൽ ഭേദഗതി ബിൽ അവതരിപ്പിക്കാൻ സർക്കാർ. ഭേദഗതിയോടെ 6,500 ഹെക്ടർ വനഭൂമി സർക്കാർ ഉടമസ്ഥതയിൽ സംരക്ഷിക്കപ്പെടും. 1971ലെ കേരള സ്വകാര്യ വനങ്ങൾ (നിക്ഷിപ്തമാക്കലും പതിച്ച് കൊടുക്കലും) ഭേദഗതി ബിൽ റവന്യൂ വകുപ്പിന്‍റെ എതിർപ്പിനെ തുടർന്ന് ചില ഭേദഗതികളോടെയാണ് അവതരിപ്പിക്കുക. ക്രയ സർട്ടിഫിക്കറ്റ് ഉള്ള എല്ലാവർക്കും വനഭൂമിയുടെ ഉടമസ്ഥാവകാശം നൽകണമെന്നാണ് സി.പി.ഐയുടെ വാദം. മുഖ്യമന്ത്രിയുമായി നടത്തിയ ചർച്ചയുടെ അടിസ്ഥാനത്തിൽ ചെറിയ അളവിൽ ഭൂമിയുള്ളവർക്ക് ഉടമസ്ഥാവകാശം നൽകി ബിൽ അവതരിപ്പിക്കാൻ തീരുമാനിക്കുകയായിരുന്നു. നിയമവകുപ്പിന്‍റെ അഭിപ്രായത്തിന് ശേഷം അവകാശം അനുവദിക്കേണ്ട ഭൂമിയുടെ പരിധി തീരുമാനിക്കും. 1971ലെ കേരള സ്വകാര്യ വനങ്ങൾ (നിക്ഷിപ്തമാക്കലും പതിച്ച് കൊടുക്കലും) നിയമ പ്രകാരം സംസ്ഥാനത്തെ സ്വകാര്യ വനങ്ങൾ സർക്കാരിൽ നിക്ഷിപ്തമാക്കി അവയിൽ കർഷകർക്കും കർഷക തൊഴിലാളികൾക്കും കൃഷി ചെയ്യുന്നതിന് പതിച്ച് കൊടുക്കുന്നതിന് വ്യവസ്ഥ ചെയ്തിരുന്നു. കേരള ഭൂപരിഷ്കരണ നിയമപ്രകാരം ക്രയ സർട്ടിഫിക്കറ്റ്…

ചെന്നൈ: വെട്രിമാരൻ സംവിധാനം ചെയ്യുന്ന പുതിയ സിനിമയുടെ ചിത്രീകരണത്തിനിടെയുണ്ടായ അപകടത്തിൽ ഒരാൾ മരിച്ചു. ചെന്നൈയ്ക്കടുത്ത് കേളമ്പാക്കത്ത് നടന്ന സംഭവത്തിൽ സംഘട്ടന സംഘാംഗമായ സുരേഷ് (49) ആണ് മരിച്ചത്. ക്രെയിനിന്‍റെ ഇരുമ്പ് വടം പൊട്ടിയതിനെ തുടർന്ന് 30 അടി ഉയരത്തിൽ നിന്ന് അദ്ദേഹം വീഴുകയായിരുന്നു. കഴുത്ത് ഒടിഞ്ഞ സുരേഷിനെ ആശുപത്രിയിലേക്ക് കൊണ്ടുപോകും വഴിയാണ് മരണം സംഭവിച്ചത്. ട്രെയിൻ അപകട രംഗം ചിത്രീകരിക്കുന്നതിനിടെയാണ് അപകടമുണ്ടായത്.

രജനീകാന്തിന്‍റെ ‘ബാബ’ വീണ്ടും തിയേറ്ററുകളിലെത്തുമെന്ന വാർത്ത ഈയിടെയാണ് പുറത്ത് വന്നത്. സുരേഷ് കൃഷ്ണ സംവിധാനം ചെയ്ത് 2002ൽ പുറത്തിറങ്ങിയ ചിത്രം ഡിജിറ്റൽ റീമാസ്റ്ററിംഗിന് ശേഷം തിയേറ്ററുകളിലെത്തും. രജനീകാന്തിന്‍റെ ജന്മദിനത്തോടനുബന്ധിച്ചാണ് ചിത്രം റിലീസ് ചെയ്യുന്നത്. ഈ അവസരത്തിൽ, ചിത്രത്തിന്‍റെ റീമാസ്റ്ററിംഗ് ട്രെയിലർ പുറത്തിറക്കിയിരിക്കുകയാണ് നിർമ്മാതാക്കൾ.  രണ്ട് മിനിറ്റ് ദൈർഘ്യമുള്ള ട്രെയിലറിന് മികച്ച പ്രതികരണമാണ് ലഭിക്കുന്നത്. മണിക്കൂറുകൾക്കുള്ളിൽ ഒരു ദശലക്ഷത്തിലധികം ആളുകൾ ട്രെയിലർ കണ്ടു. ബിഗ് സ്ക്രീനിൽ താരത്തിന്‍റെ മാസ് പ്രകടനം വീണ്ടും കാണാൻ കഴിയുന്നതിന്റെ ആവേശത്തിലാണ് ആരാധകർ.  ‘പടയപ്പ’യുടെ വൻ വിജയത്തിന് ശേഷമിറങ്ങിയ രജനീകാന്തിന്‍റെ സിനിമയായിരുന്നു ‘ബാബ’. ലോട്ടസ് ഇന്‍റർനാഷണലിന്‍റെ ബാനറിൽ രജനീകാന്ത് തന്നെയാണ് ചിത്രം നിർമ്മിച്ചത്. പടയപ്പയുടെ വിജയത്തിന് ശേഷമുള്ള രണ്ടാമത്തെ ചിത്രമെന്ന നിലയിൽ വൻ തുക മുടക്കിയാണ് വിതരണക്കാർ ചിത്രം നിർമ്മിച്ചത്. എന്നിരുന്നാലും, പ്രീ-റിലീസ് പബ്ലിസിറ്റി അനുസരിച്ച്, ചിത്രത്തിന് ബോക്സ് ഓഫീസിൽ വിജയം നേടാൻ കഴിഞ്ഞില്ല.