Author: News Desk

ജയ്പുര്‍: മുൻ റിസർവ് ബാങ്ക് ഗവർണർ രഘുറാം രാജൻ രാഹുൽ ഗാന്ധിയുടെ ഭാരത് ജോഡോ യാത്രയിൽ പങ്കെടുത്തു. ബുധനാഴ്ച രാവിലെ രാജസ്ഥാനിലെ സവായ് മധോപൂരിൽ നിന്നാണ് അദ്ദേഹം യാത്രയിൽ പങ്കെടുത്തത്. രാഹുലുമായി സംസാരിച്ചുകൊണ്ട് രഘുറാം രാജൻ നടന്നുനീങ്ങുന്ന വീഡിയോ സോഷ്യൽ മീഡിയയിൽ പ്രചരിക്കുന്നുണ്ട്. നോട്ട് നിരോധനവും ജി.എസ്.ടിയും രാജ്യത്തിന്‍റെ സമ്പദ് വ്യവസ്ഥയെ പിന്നോട്ടടിച്ചുവെന്ന് രഘുറാം രാജൻ നേരത്തെ പറഞ്ഞിരുന്നു. നോട്ട് നിരോധനത്തെ താൻ അനുകൂലിക്കുന്നില്ലെന്ന് അദ്ദേഹം തന്‍റെ പുസ്തകത്തിൽ വെളിപ്പെടുത്തിയിരുന്നു. സെപ്റ്റംബർ ഏഴിന് കന്യാകുമാരിയിൽ നിന്ന് ആരംഭിച്ച ഭാരത് ജോഡോ യാത്ര വിവിധ സംസ്ഥാനങ്ങൾ കടന്നാണ് രാജസ്ഥാനിലെത്തിയത്. 2023 ഫെബ്രുവരിയിൽ ജമ്മു കശ്മീരിൽ യാത്ര സമാപിക്കും. സിനിമാ താരങ്ങളും ആക്ടിവിസ്റ്റുകളും മുൻ ഉദ്യോഗസ്ഥരും ഉൾപ്പെടെ നിരവധി പ്രമുഖർ ഇതിനകം തന്നെ യാത്രയിൽ അണിചേർന്നിട്ടുണ്ട്.

ടെഹ്റാന്‍: സ്ത്രീസ്വാതന്ത്ര്യ പ്രക്ഷോഭത്തില്‍ പങ്കെടുത്തതിന് ഇറാനിയൻ ഫുട്ബോൾ താരം അമിര്‍ നാസർ അസദാനിയെ സർക്കാർ വധശിക്ഷയ്ക്ക് വിധിച്ചെന്ന് റിപ്പോർട്ട്. കൊലക്കുറ്റമാണ് ചുമത്തിയിരിക്കുന്നത്. ഫിഫ്പ്രോ (ഫെഡറേഷന്‍ ഇന്റര്‍നാഷണല്‍ അസോസിയേഷന്‍ ഫുട്ബോളേഴ്സ് പ്രൊഫഷണല്‍സ്) അസദാനിയുമായി ബന്ധപ്പെട്ട വാർത്തകളിൽ ആശങ്ക പ്രകടിപ്പിച്ചു. കടുത്ത ശിക്ഷയിൽ നിന്ന് സർക്കാർ പിൻമാറണമെന്നും ഫിഫ്പ്രോ ആവശ്യപ്പെട്ടു. പ്രതിഷേധത്തിന് ഐക്യദാർഢ്യം പ്രഖ്യാപിച്ച് ലോകകപ്പിലെ ആദ്യ മത്സരത്തിൽ ഇറാൻ താരങ്ങൾ ദേശീയഗാനം ആലപിച്ചിരുന്നില്ല. പ്രതിഷേധത്തിനിടെ സുരക്ഷാ സേനാംഗങ്ങളെ കൊലപ്പെടുത്തിയെന്നാരോപിച്ച് ഇതുവരെ രണ്ട് പേരെ ഭരണകൂടം തൂക്കിലേറ്റിയിട്ടുണ്ട്.

ന്യൂക്ലിയർ ഫ്യൂഷൻ അല്ലെങ്കിൽ അണുസംയോജനം വഴി ദീർഘ സമയത്തേക്ക് ഊർജ്ജം ഉത്പാദിപ്പിക്കാനുള്ള ശാസ്ത്രജ്ഞരുടെ പരീക്ഷണങ്ങളിൽ വഴിത്തിരിവ്. ഫോസിൽ ഇന്ധനങ്ങൾക്ക് പകരം ക്ലീൻ എനർജി അഥവാ ശുദ്ധോർജത്തിന്റെ ഒരു പ്രധാന ഉറവിടമായി ന്യൂക്ലിയർ ഫ്യൂഷൻ ഉപയോഗിക്കാമെന്ന് യുഎസ് ഭൗതികശാസ്ത്രജ്ഞർ തെളിയിച്ചു. കാലിഫോർണിയയിലെ ലോറൻസ് ലിവർമോർ നാഷണൽ ലബോറട്ടറിയിലാണ് (എൽഎൽഎൻഎൽ) പരീക്ഷണം നടന്നത്. ന്യൂക്ലിയർ ഫ്യൂഷൻ വഴി പ്രതീക്ഷിച്ചതിലും കൂടുതൽ ഊർജ്ജം ഉത്പാദിപ്പിക്കാൻ കഴിയുമെന്നാണ് കണ്ടെത്തൽ. എന്നിരുന്നാലും, ആണവ നിലയങ്ങളിലൂടെ വ്യാവസായിക വൈദ്യുതി ഉൽപാദനത്തിലെത്താൻ ഏറെ സമയമെടുക്കും. ഈ പരീക്ഷണം ചരിത്രത്താളുകളിൽ രേഖപ്പെടുത്തപ്പെടുമെന്ന്‌ വൈറ്റ് ഹൗസ് ശാസ്ത്ര ഉപദേഷ്ടാവ് ആരതി പ്രഭാകർ പറഞ്ഞു. ഒന്നിലധികം ഭാരം കുറഞ്ഞ അണുകേന്ദ്രങ്ങൾ സംയോജിച്ച് ഭാരമേറിയ അണുകേന്ദ്രങ്ങളുണ്ടാകുന്ന പ്രക്രിയയാണ് ന്യൂക്ലിയർ ഫ്യൂഷൻ. ഈ പ്രക്രിയയിൽ, കൂടുതൽ ഊർജ്ജം സാധാരണയായി ഉത്പാദിപ്പിക്കപ്പെടുകയോ സ്വീകരിക്കപ്പെടുകയോ ചെയ്യുന്നു. ഈ പ്രക്രിയയാണ് സൂര്യന്‍റെയും മറ്റ് നക്ഷത്രങ്ങളുടെയും ഊർജ്ജ സ്രോതസ്സ്. റേഡിയോ ആക്ടീവ് അണുകേന്ദ്രങ്ങൾ വിഘടിച്ച് ചെറു അണുകേന്ദ്രങ്ങളുണ്ടാകുമ്പോൾ വലിയ തോതിൽ ഊർജം പുറത്തുവിടുന്ന അണുവിഘടനത്തിന്‌…

ഗൂഡല്ലൂര്‍: പുള്ളിപ്പുലി സ്‌കൂട്ടറിനു നേരെ ചാടി നിയന്ത്രണം വിട്ട് മറിഞ്ഞ് വിദ്യാർത്ഥിനിക്ക് പരിക്കേറ്റ സംഭവത്തിൽ വിദ്യാർത്ഥിനിക്കെതിരെ വനംവകുപ്പ് കേസെടുത്തു. കമ്മാത്തി സ്വദേശിനി സുശീല (18)യ്ക്കെതിരെയാണ് വനംവകുപ്പ് ഉദ്യോഗസ്ഥർ കേസെടുത്തത്. ഗൂഡല്ലൂര്‍ ഗവ. ആര്‍ട്സ് ആന്‍ഡ് സയന്‍സ് കോളേജിലെ ബി.ബി.എസ് വിദ്യാർത്ഥിനിയായ പെൺകുട്ടി നവംബർ 30ന് രാത്രി 8.30 ഓടെ സ്കൂട്ടറിൽ വീട്ടിലേക്ക് മടങ്ങുമ്പോഴായിരുന്നു സംഭവം. മൈസൂരു ഹൈവേയിൽ പുത്തൂർ വയൽ റോഡിൽ സെമറിറ്റന്‍ ആശുപത്രിക്ക് സമീപമാണ് പുള്ളിപ്പുലിയുടെ ആക്രമണം നടന്നത്. സുശീലയ്‌ക്ക് നെറ്റിയിലും മുറിവേറ്റിട്ടുണ്ട്.

മൊറോക്കൻ തലസ്ഥാനമായ റബാത്തിൽ നിന്ന് ഫ്രഞ്ച് തലസ്ഥാനമായ പാരീസിലേക്ക് യാത്ര ചെയ്യണമെങ്കിൽ ജിബ്രാൾട്ടർ കടലിടുക്ക് കടക്കണം. സ്പെയിൻ വഴി പോർച്ചുഗലിനു ചാരെയാണ് യാത്ര. മൊറോക്കോയുടെ പോരാളികൾ ലോകകപ്പിലും ഇതേ പാതയിലൂടെയാണ് സഞ്ചരിച്ചത്. ഷൂട്ടൗട്ടിലേക്ക് നീണ്ട പ്രീക്വാർട്ടറിൽ അവർ സ്പെയിനിനെ തോൽപ്പിച്ചു. ക്വാർട്ടറിൽ പോർച്ചുഗലിനെയും. അടുത്തിടെ അന്തരിച്ച പ്രശസ്ത ചരിത്രകാരനായ ഡൊമിനിക് ലാപിയുടെ പുസ്തകത്തിന്‍റെ തലക്കെട്ട് ഇന്ന് സെമി ഫൈനലിൽ ഫ്രാൻസിനെ തോൽപ്പിച്ചാൽ മൊറോക്കൻ വിജയവുമായി നന്നായി പൊരുത്തപ്പെടും- ഈസ് പാരിസ് ബേണിങ്! പക്ഷേ, ആവേശത്തിന്‍റെ തീകൊണ്ട് മാത്രം ഫ്രഞ്ചുകാരെ ശമിപ്പിക്കാനാവില്ല. അതിന് ഫുട്ബോൾ തന്ത്രങ്ങൾ കൂടി ആവശ്യമാണ്. ഈ ലോകകപ്പിൽ ഏറ്റവും ആസൂത്രിതമായി കളിക്കുന്ന ടീമാണ് അവർ. ഇംഗ്ലണ്ടിനെതിരായ ക്വാർട്ടർ ഫൈനലിൽ മാത്രമാണ് ഫ്രാൻസിന്‍റെ ഒന്നാം നിര ഒന്നു ഫോം ഔട്ടായത്. എന്നിരുന്നാലും അവരുടെ മികവും പൂർണ്ണതയും അവർ വിജയിച്ചു എന്നതിലുണ്ട്. ഇന്ന് രാത്രി 12:30ന് അൽ ബെയ്റ്റ് സ്റ്റേഡിയത്തിൽ അവസാന വിയർപ്പ് വരെ പൊരുതുന്ന മൊറോക്കോയെ തോൽപ്പിച്ചാൽ ലോകകിരീടം നിലനിർത്തുക…

തിരുവനന്തപുരം: സംസ്ഥാനത്തെ കാടതിർത്തി ഗ്രാമങ്ങളിൽ മാത്രം ഉണ്ടായിരുന്ന വന്യജീവി ആക്രമണങ്ങൾ ഇപ്പോൾ തിരക്കേറിയ നഗരങ്ങൾക്ക് നടുവിൽ പോലും സാധാരണമായി മാറുകയാണ്. അടുത്തിടെ കേരളത്തിൽ പലയിടത്തും ഇത്തരം സംഭവങ്ങൾ റിപ്പോർട്ട് ചെയ്യപ്പെട്ടിട്ടുണ്ട്. കഴിഞ്ഞ 13 വർഷത്തിനിടെ 1,423 പേരാണ് സംസ്ഥാനത്ത് വന്യമൃഗങ്ങളുടെ ആക്രമണത്തിൽ കൊല്ലപ്പെട്ടത്. തിരക്കേറിയ റോഡ് മുറിച്ചുകടന്ന് ജോസ് ജ്വല്ലറിയിലേക്ക് ഇടിച്ചുകയറിയത് സ്വർണം വാങ്ങാനെത്തിയവരല്ലായിരുന്നു. അതൊരു കാട്ടുപന്നിയായിരുന്നു. അന്ന് ജ്വല്ലറി ജീവനക്കാരനായ ജോയി തലനാരിഴയ്ക്ക് രക്ഷപ്പെട്ടു. എന്താണ് സംഭവിക്കുന്നതെന്ന് മനസ്സിലാക്കുന്നതിനുമുമ്പ് കാട്ടുപന്നി തിരികെ ഓടി. കാട് കാണാത്ത ആലപ്പുഴയിലും ആക്രമണമുണ്ടായി. മകനോടൊപ്പം ബൈക്കിൽ പോകുന്നതിനിടെ ഷിബുവിനെയും പശുവിനെ പുല്ല് തീറ്റിക്കാൻ കൊണ്ടുപോയ സുശീലയെയും കുത്തിവീഴ്ത്തിയതും ഒരു കാട്ടുപന്നിയാണ്. ആറ് മാസം മുമ്പാണ് ചേളന്നൂർ സ്വദേശി സിദ്ദീഖ് ബൈപ്പാസിൽ കാട്ടുപന്നി വാഹനത്തിൽ ഇടിച്ചുണ്ടായ അപകടത്തിൽ മരിച്ചത്. പരിക്കേറ്റ സനാഫ് ഇപ്പോഴും ചികിത്സയിലാണ്.  പട്ടാപ്പകൽ ആന കുത്തി മറിച്ച പച്ചക്കറിക്കടയുണ്ട് അട്ടപ്പാടി ടൗണിൽ. ഇതെല്ലാം നാം എല്ലാ ദിവസവും പത്രങ്ങളിൽ വായിക്കുന്ന വാർത്തയായി മാറിയിരിക്കുന്നു.…

മലപ്പുറം: സി.പി.എം സംസ്ഥാനസെക്രട്ടറി എം.വി. ഗോവിന്ദന്റെ മുസ്ലിംലീഗിനെ പുകഴ്ത്തിയുള്ള പരാമർശത്തിന് പിന്നാലെ ലീഗ് ഇടതുമുന്നണിയിലേക്ക് പോകുന്നതിന് സമസ്തയിലും പിന്തുണ. തുടർച്ചയായി പ്രതിപക്ഷത്തിരിക്കുന്നതിനേക്കാൾ ലീഗ് മറ്റ് മതേതര ഗ്രൂപ്പുകളിലേക്ക് മാറുന്നതാണ് നല്ലതെന്ന് കരുതുന്ന ഒരു വിഭാഗം സമസ്തയിലുണ്ട്. അതുവഴി സമുദായത്തിന്‍റെ താൽപ്പര്യങ്ങൾ സംരക്ഷിക്കാനും ന്യായമായ അവകാശങ്ങൾ നേടാനും കഴിയുമെന്ന് അവർ കരുതുന്നു. മുസ്ലിംലീഗിനെക്കുറിച്ച് സി.പി.എം. പറഞ്ഞതില്‍ സന്തോഷമുണ്ടെന്ന സമസ്ത സംസ്ഥാന ജോയിന്റ് സെക്രട്ടറി ഉമര്‍ ഫൈസി മുക്കത്തിന്റെ വാക്കുകളില്‍ 2 പാര്‍ട്ടികളും ഒറ്റക്കെട്ടായി പ്രവര്‍ത്തിക്കണമെന്ന സൂചനയാണുള്ളത്. ഫാസിസം കേന്ദ്രത്തിൽ പിടിമുറുക്കുന്ന പശ്ചാത്തലത്തിൽ എല്ലാവരും ഒന്നിക്കണമെന്നാണ് സമസ്തയുടെ ആഗ്രഹമെന്നും അദ്ദേഹം പറഞ്ഞു. അതേസമയം, സി.പി.എമ്മിന് അനുകൂലമായ നിലപാട് സ്വീകരിക്കുന്ന ഉമർ ഫൈസിയുടേത് സമസ്തയുടെ പൊതു അഭിപ്രായമല്ല. സമസ്തയിലെ ഭൂരിഭാഗം നേതാക്കളും അണികളും ലീഗ് യു.ഡി.എഫിൽ തുടരണമെന്നാണ് ആഗ്രഹിക്കുന്നത്. എന്നാൽ, നിലവിലെ സാഹചര്യത്തിൽ ലീഗ് ഇടതുപക്ഷത്തേക്ക് മാറുന്നതാണ് ഉചിതമെന്ന് കരുതുന്നവരുണ്ട്. യു.ഡി.എഫിന്‍റെ തിരിച്ചുവരവ് എളുപ്പമാകില്ലെന്ന ആശങ്കയാണ് ഇതിന് പിന്നിലെ കാരണം.

ഇടുക്കി: മുല്ലപ്പെരിയാർ അണക്കെട്ടിലെ ജലനിരപ്പ് 141 അടിയിലെത്തി. ഇതോടെ തമിഴ്നാട് രണ്ടാമത്തെ ജാഗ്രതാ നിർദേശം പുറപ്പെടുവിച്ചു. ഡിസംബർ മൂന്നിന് ജലനിരപ്പ് 140 അടിയിലെത്തിയിരുന്നു. മഴയും തമിഴ്നാട് കൊണ്ടുപോകുന്ന വെള്ളത്തിന്‍റെ അളവ് കുറഞ്ഞതുമാണ് ജലനിരപ്പ് ഉയരാൻ കാരണം. നിലവിൽ സെക്കൻഡിൽ 511 ഘനയടി വെള്ളം മാത്രമാണ് തമിഴ്നാട് കൊണ്ടുപോകുന്നത്. മുല്ലപ്പെരിയാറിൽ പരമാവധി 142 അടി വെള്ളം സംഭരിക്കാൻ കഴിയും. ജലനിരപ്പ് ഉയർന്നതിനാൽ തമിഴ്നാട്ടിലേക്ക് കൂടുതൽ വെള്ളം കൊണ്ടുപോകണമെന്നാണ് സംസ്ഥാനത്തിന്‍റെ ആവശ്യം.

ന്യൂഡല്‍ഹി: വരാനിരിക്കുന്ന ജനസംഖ്യാകണക്കെടുപ്പിൽ ജാതി സെൻസസ് ഉണ്ടാകാൻ സാധ്യതയില്ല. പട്ടികജാതി പട്ടികവർഗ വിഭാഗങ്ങളുടേതല്ലാതെ ജാതി അടിസ്ഥാനമാക്കി സെൻസസ് നടത്തുന്നത് പതിവില്ലെന്ന് കേന്ദ്ര സർക്കാർ പാർലമെന്‍റിനെ അറിയിച്ചു. സെൻസസുമായി ബന്ധപ്പെട്ട് തമിഴ്നാട്ടിൽ നിന്നുള്ള എ ഗണേശമൂർത്തിയുടെ ചോദ്യത്തിന് മറുപടി പറയുകയായിരുന്നു ആഭ്യന്തര മന്ത്രാലയം. ബീഹാർ, മഹാരാഷ്ട്ര, ഒഡീഷ സംസ്ഥാനങ്ങളും ചില സംഘടനകളും അടുത്ത സെൻസസിൽ ജാതി വിവരങ്ങൾ ശേഖരിക്കാൻ ആവശ്യപ്പെട്ടിട്ടുണ്ടെന്നും കേന്ദ്രം അറിയിച്ചു. മറ്റ് വിവരങ്ങൾക്ക് പുറമേ, പട്ടികജാതി, പട്ടികവർഗ വിഭാഗങ്ങളുടെ ഡാറ്റയാണ് സെൻസസിൽ ശേഖരിക്കുന്നത്. ഇതല്ലാതെ, സ്വാതന്ത്ര്യാനന്തരം ജാതിയുടെ അടിസ്ഥാനത്തിൽ കേന്ദ്ര സർക്കാരുകൾ ജനസംഖ്യാ സെൻസസ് നടത്തിയിട്ടില്ലെന്നും കേന്ദ്രം പറഞ്ഞു.

തിരുവനന്തപുരം: സിപിഎം സംസ്ഥാന സെക്രട്ടേറിയറ്റ് യോഗം ഇന്ന് ചേരും. നിയമസഭാ സമ്മേളനം കഴിഞ്ഞതോടെ സജി ചെറിയാന്‍റെ മന്ത്രിസഭയിലേക്കുള്ള തിരിച്ചുവരവ് ചർച്ചയായേക്കും. സജി ചെറിയാനെ മന്ത്രിസ്ഥാനത്തേക്ക് തിരികെ കൊണ്ടുവരുന്നത് സംബന്ധിച്ച് ഉടൻ തീരുമാനമെടുക്കുമെന്ന് സംസ്ഥാന സെക്രട്ടറി എം.വി ഗോവിന്ദൻ പറഞ്ഞിരുന്നു. കേസുകളിൽ നിന്ന് മുക്തനായ സജി ചെറിയാന് മന്ത്രിസ്ഥാനത്തേക്ക് മടങ്ങി വരുന്നതിന് തടസങ്ങളൊന്നുമില്ല. തൃശൂരിൽ കിസാൻസഭ അഖിലേന്ത്യാ സമ്മേളനം നടക്കുന്നതിനാലാണ് വെളളിയാഴ്ചത്തെ സെക്രട്ടേറിയേറ്റ് യോഗം ഇന്നത്തേക്ക് മാറ്റിയത്