Author: News Desk

ലോകത്തെ വിറപ്പിച്ച് ലക്ഷക്കണക്കിന് ആളുകളുടെ ജീവനെടുത്ത രാക്ഷസൻ തിരയ്ക്ക് 18 വയസ്. 2004 ഡിസംബർ 26 നാണ് ആർത്തലച്ചെത്തിയ സുനാമി കരയിൽ പതിച്ചത്. ഏകദേശം മൂന്ന് ലക്ഷത്തോളം പേർക്ക് ജീവൻ നഷ്ടപ്പെടുകയും നിരവധി പേർ അനാഥരാവുകയും ചെയ്തു. 14 രാജ്യങ്ങളെയാണ് സുനാമി ബാധിച്ചത്. ഏറ്റവും കൂടുതൽ ദുരിതം വിതച്ചത് ഇന്തോനേഷ്യയിലാണ്. ഇന്തോനേഷ്യയിൽ മാത്രം 1.5 ലക്ഷത്തിലധികം പേരെ ദുരന്തം ബാധിച്ചു. അവരിൽ പലർക്കും വീടുകൾ നഷ്ടപ്പെടുകയും അനാഥരായിത്തീരുകയും ചെയ്തു. ശ്രീലങ്ക, ഇന്ത്യ, തായ്ലൻഡ് എന്നീ രാജ്യങ്ങളെയും ദുരന്തം വളരെയധികം ബാധിച്ചു. ശ്രീലങ്കയിൽ 35,322 പേരും ഇന്ത്യയിൽ 12,405 പേരും ദുരന്തത്തിന് ഇരയായി. തായ്ലൻഡിൽ 8,000 ത്തിലധികം പേർ ദുരന്തത്തിൽ മരിച്ചതായാണ് റിപ്പോർട്ട്.

തിരുവനന്തപുരം: ഇടത് മുന്നണി കൺവീനർ ഇ.പി ജയരാജനെതിരെ സ്വന്തം പാർട്ടിയിൽ നിന്ന് ഉയർന്ന ആരോപണങ്ങൾ അതീവ ഗൗരവമുള്ളതാണെന്ന് കോൺഗ്രസ് നേതാവ് രമേശ് ചെന്നിത്തല. മന്ത്രിയായിരിക്കെ ജയരാജൻ തന്‍റെ പദവി ദുരുപയോഗം ചെയ്തുവെന്ന് ഈ ആരോപണത്തിൽ നിന്ന് വ്യക്തമാണ്. മുതിർന്ന പാർട്ടി നേതാവുന്നയിച്ച ആരോപണമായതിനാൽ വിഷയം അതീവ ഗൗരവമാണ്. പാർട്ടി നേതാക്കൾക്കെതിരെ ഗുരുതര ആരോപണങ്ങൾ ഉന്നയിക്കുമ്പോൾ പാർട്ടി അന്വേഷിക്കുമെന്ന സ്ഥിരം പല്ലവി അംഗീകരിക്കില്ല. ഇക്കാര്യത്തിൽ മുഖ്യമന്ത്രി വ്യക്തത വരുത്തണം. ആരോപണം ഉയർന്ന് രണ്ട് ദിവസമായിട്ടും പാർട്ടി സെക്രട്ടറി ഒരക്ഷരം മിണ്ടിയിട്ടില്ല. എപ്പോഴും മാധ്യമങ്ങളെ കാണുന്ന ഗോവിന്ദന്‍റെ നിശബ്ദത ദുരൂഹത വർദ്ധിപ്പിക്കുന്നു. സി.പി.എം പാർട്ടി ഇന്ന് തകർന്ന അവസ്ഥയിലാണ്. അഴിമതിയും കെടുകാര്യസ്ഥതയും അതിന്‍റെ പാരമ്യത്തിലെത്തി. സ്വർണ്ണക്കടത്ത് കേസിൽ മുഖ്യമന്ത്രിയും അദ്ദേഹത്തിന്‍റെ ഓഫീസും സംശയത്തിന്‍റെ നിഴലിലായതോടെ അഴിമതിക്കെതിരായ നടപടി വെറുമൊരു ജലരേഖയായി മാറിയെന്നും ചെന്നിത്തല വിശദികരിച്ചു.

ഐ ലീഗ് ക്ലബ്ബായ ഗോകുലം കേരളയും പരിശീലകൻ റിച്ചാർഡ് ടോവയും വേർപിരിഞ്ഞു. ഐ ലീഗിൽ ഗോകുലത്തിന്‍റെ പ്രകടനം പ്രതീക്ഷയ്ക്ക് ഒത്ത് ഉയരാത്ത സാഹചര്യത്തിലാണ് ഈ നീക്കം. ഇൻസ്റ്റാഗ്രാമിലൂടെ ടോവ തന്നെയാണ് ഇക്കാര്യം വ്യക്തമാക്കിയത്. ഈ സീസണിലാണ് കാമറൂണിൽ നിന്നുള്ള പരിശീലകനായ ടോവ ഗോകുലത്തിന്‍റെ ഭാഗമായത്. ഹാട്രിക് കിരീടം ലക്ഷ്യമിട്ടിറങ്ങിയ ഗോകുലം ഒമ്പത് മത്സരങ്ങളിൽ നിന്ന് നാല് ജയവുമായി 15 പോയിന്‍റോടെ നിലവിൽ നാലാം സ്ഥാനത്താണ്. ഒന്നാം റാങ്കുകാരായ ശ്രീനിധി ഡെക്കാനേക്കാൾ നാല് പോയിന്‍റ് പിന്നിലാണ് അവർ. ഒമ്പത് മത്സരങ്ങളിൽ നിന്ന് ഏഴ് ഗോളുകൾ മാത്രമാണ് ഗോകുലത്തിന് നേടാനായത്. ഈ സാഹചര്യത്തിലാണ് പരിശീലകനെ മാറ്റാൻ തീരുമാനിച്ചത്. കഴിഞ്ഞ രണ്ട് സീസണിലും ഗോകുലം ഐ ലീഗ് ജേതാക്കളായിരുന്നു. ഇറ്റാലിയൻ പരിശീലകൻ വിൻസെൻസോ ആൽബർട്ടോ അന്നെസെയുടെ കീഴിലായിരുന്നു ഗോകുലത്തിന്‍റെ മുന്നേറ്റം. ഇത്തവണ അന്നെസെ ക്ലബ് വിട്ടതോടെയാണ് ടോവ മുഖ്യ പരിശീലകനായത്. ഇത്തവണ ഐ ലീഗ് കിരീടം നേടുന്നവർക്ക് ഐഎസ്എൽ സ്ഥാനക്കയറ്റം ലഭിക്കുമെന്നതിനാൽ ഈ സീസൺ ഗോകുലത്തിന്…

ന്യൂഡല്‍ഹി: ഐ.സി.ഐ.സി.ഐ ബാങ്ക് വായ്പാ തട്ടിപ്പ് കേസിൽ വീഡിയോകോൺ ഗ്രൂപ്പ് ചെയർമാൻ വേണുഗോപാൽ ദൂതിനെ സി.ബി.ഐ അറസ്റ്റ് ചെയ്തു. ഐ.സി.ഐ.സി.ഐ ബാങ്ക് മുൻ സിഇഒ ചന്ദ കൊച്ചാറും ഭർത്താവ് ദീപക് കൊച്ചാറും അറസ്റ്റിലായതിന് പിന്നാലെയാണിത്. ചന്ദ കൊച്ചാറും ഭർത്താവും ബാങ്കിന്‍റെ തലപ്പത്തായിരുന്നപ്പോൾ വീഡിയോകോൺ ഗ്രൂപ്പിന് ക്രമരഹിതമായി 3,000 കോടി രൂപയുടെ വായ്പ നടത്തിയെന്നാരോപിച്ചാണ് ഇവരെ അറസ്റ്റ് ചെയ്തത്. 2018 ഒക്ടോബറിൽ ഐ.സി.ഐ.സി.ഐ ബാങ്ക് സിഇഒയും മാനേജിംഗ് ഡയറക്ടറുമായ ചന്ദ കൊച്ചാർ വായ്പാ ക്രമക്കേട് ആരോപണത്തെ തുടർന്ന് പദവിയിൽ നിന്ന് പുറത്തായിരുന്നു. 2009 ലും 2011 ലും ഐ.സി.ഐ.സി.ഐ ബാങ്കിലെ തന്‍റെ പദവി ദുരുപയോഗം ചെയ്യുകയും വീഡിയോകോൺ ഗ്രൂപ്പ് പ്രമോട്ടർ വേണുഗോപാൽ ദൂതിന് വായ്പ അനുവദിക്കുകയും ചെയ്തുവെന്നാണ് കൊച്ചാറിനെതിരായ ആരോപണം.

കാനഡ: കാനഡയിലെ ബ്രിട്ടീഷ് കൊളംബിയയിൽ ക്രിസ്മസ് രാത്രിയിൽ ഇന്‍റർസിറ്റി ബസ് അപകടത്തിൽപ്പെട്ട് നാല് പേർ മരിച്ചു. 52 പേരെ ആശുപത്രിയിൽ പ്രവേശിപ്പിച്ചു. ഇതിൽ രണ്ട് പേരുടെ നില ഗുരുതരമാണ്. പ്രാഥമിക റിപ്പോർട്ടുകൾ പ്രകാരം റോഡിൽ മഞ്ഞുമൂടിയതാണ് അപകട കാരണം. പ്രവിശ്യാ തലസ്ഥാനമായ വിക്ടോറിയയിൽ നിന്ന് 360 കിലോമീറ്റർ അകലെയുള്ള പ്രദേശത്ത് താപനില -3.9 സെൽഷ്യസായി കുറഞ്ഞെന്നും റിപ്പോർട്ടുകളുണ്ട്. മെറിറ്റിന് കിഴക്കുള്ള ഹൈവേ 97 സിയിൽ ഒരു ബസ് തകർന്നുവീണതായി റോയൽ കനേഡിയൻ മൗണ്ടഡ് പൊലീസിന്‍റെ പ്രസ്താവനയിൽ സ്ഥിരീകരിച്ചു. കാനഡയിൽ മാത്രമല്ല, അമേരിക്കൻ വൻകരയിലുടനീളം തണുപ്പ് കഠിനമാണെന്ന് റിപ്പോർട്ടുകളുണ്ട്. അതിശൈത്യം കാരണം റോഡുകൾ മഞ്ഞുമൂടിയ നിലയിലാണ്. ഇത് റോഡപകടങ്ങൾ വർദ്ധിക്കാൻ കാരണമാകുന്നു.

ന്യൂഡൽഹി: അതിശൈത്യത്തിൽ വിറച്ച് ഉത്തരേന്ത്യ. കശ്മീരിൽ രാത്രിയിലെ കുറഞ്ഞ താപനില മൈനസ് ആറ് ഡിഗ്രി സെൽഷ്യസിലെത്തി. ഡൽഹിയിലെ ചില സ്ഥലങ്ങളിൽ താപനില 3 ഡിഗ്രി സെൽഷ്യസ് വരെ താഴ്ന്നു. കടുത്ത ശൈത്യം തുടരുന്നതിനാൽ ബീഹാറിലെ സ്കൂളുകൾക്ക് അവധി പ്രഖ്യാപിച്ചു. പട്നയിൽ എട്ടാം ക്ലാസ് വരെയുള്ള വിദ്യാർത്ഥികൾക്ക് ഡിസംബർ 26 മുതൽ 31 വരെയാണ് അവധി പ്രഖ്യാപിച്ചത്. എല്ലാ സർക്കാർ, സ്വകാര്യ സ്കൂളുകളും അടച്ചിടാൻ നിർദ്ദേശം നൽകിയിട്ടുണ്ട്. ശീതതരംഗം കുട്ടികളുടെ ആരോഗ്യത്തെ പ്രതികൂലമായി ബാധിക്കുമെന്നതിനാലാണ് സ്കൂളുകൾക്ക് അവധി പ്രഖ്യാപിച്ചതെന്ന് പട്ന ജില്ലാ മജിസ്ട്രേറ്റ് അറിയിച്ചു. ഹിമാചൽ പ്രദേശ്, ഡൽഹി, ബീഹാർ, ബംഗാൾ, സിക്കിം, ഒഡീഷ, അസം, ത്രിപുര എന്നിവിടങ്ങളിൽ അടുത്ത നാല് ദിവസത്തേക്ക് കനത്ത മൂടൽമഞ്ഞിന് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ചണ്ഡീഗഢ്, ഡൽഹി ഉൾപ്പെടെയുള്ള പല സംസ്ഥാനങ്ങളിലും രണ്ട് മുതൽ അഞ്ച് ഡിഗ്രി സെൽഷ്യസ് വരെ താപനില റിപ്പോർട്ട് ചെയ്തിട്ടുണ്ട്. ഈ സംസ്ഥാനങ്ങളിലെല്ലാം ശൈത്യകാല തരംഗത്തിന് സാധ്യതയുണ്ടെന്ന് കാലാവസ്ഥാ വകുപ്പ്…

പത്തനംതിട്ട: എൽ.ഡി.എഫ് കൺവീനർ ഇ.പി ജയരാജൻ അനധികൃതമായി സ്വത്ത് സമ്പാദിച്ചെന്ന ആരോപണം എൻഫോഴ്സ്മെന്‍റ് ഡയറക്ടറേറ്റിന് അന്വേഷിക്കേണ്ടി വരുമെന്ന് കേന്ദ്രമന്ത്രി വി.മുരളീധരൻ. സി.പി.എം നേതാക്കൾ ഭരണത്തിന്‍റെ തണലിൽ പണം സമ്പാദിക്കുകയും പ്രിയപ്പെട്ടവരുടെ പേരിൽ സ്വത്തുക്കൾ വാങ്ങുകയും ചെയ്യുന്നു. പാർട്ടിക്കുള്ളിലെ അന്വേഷണമല്ല ആവശ്യം, പുറത്ത് വന്നത് മഞ്ഞുമലയുടെ അറ്റം മാത്രമാണെന്നും മുരളീധരൻ പറഞ്ഞു. റിസോർട്ടിൽ പങ്കാളികളാണെന്ന് അവകാശപ്പെടുന്ന ഇ.പി ജയരാജന്‍റെ ഭാര്യയുടെയും മകന്‍റെയും വരുമാന മാർഗം എന്താണെന്ന് അറിയേണ്ടത് അത്യാവശ്യമാണ്. ഭരണത്തിന്‍റെ തണലിൽ സമ്പാദിച്ച പണം കുടുംബാംഗങ്ങളുടെയും പ്രിയപ്പെട്ടവരുടെയും പേരിൽ വിവിധ സ്ഥലങ്ങളിൽ നിക്ഷേപിക്കുന്നുവെന്നതിന്‍റെ വ്യക്തമായ സൂചനയാണിതെന്നും അദ്ദേഹം കൂട്ടിച്ചേർത്തു.

ദുബായ്: ദുബായിൽ ജോലി ചെയ്യുന്ന കഫേയിൽ മോഷണം നടത്തിയതിന് 4 ആഫ്രിക്കൻ പൗരന്മാർക്ക് മൂന്ന് മാസം തടവും 8,000 ദിർഹം പിഴയും വിധിച്ചു. ശിക്ഷ അനുഭവിച്ച ശേഷം ഇവരെ നാടുകടത്തും. ജോലി സ്ഥലത്തെ സേഫിൽ നിന്ന് 8,000 ദിർഹം മോഷണം പോയെന്ന് കഴിഞ്ഞ ജൂലൈയിൽ അൽ വാസലിലെ ഒരു കോഫി ഷോപ്പിന്‍റെ മാനേജർ പൊലീസിനെ അറിയിച്ചിരുന്നു. നാലു പ്രതികളിൽ മൂന്നുപേർ ഒരേ കഫേയിലാണ് ജോലി ചെയ്യുന്നതെന്ന് അന്വേഷണ സംഘം കണ്ടെത്തി. തുടർന്നാണ് ഇവരെ അറസ്റ്റ് ചെയ്തത്. ചോദ്യം ചെയ്യലിൽ ജോലിസ്ഥലത്ത് നിന്ന് പണം മോഷ്ടിച്ചതായി ഇവർ സമ്മതിച്ചു. കഫേയുടെ താക്കോലിന്‍റെ സ്ഥാനവും സേഫിന്‍റെ താക്കോലും താൻ മറ്റുള്ളവരോട് പറഞ്ഞിരുന്നതായി പ്രതികളിൽ ഒരാൾ സമ്മതിച്ചു.

ഒരു കാലത്ത്, മൊത്തം സ്ക്രീനിംഗ് ദിവസങ്ങളുടെ എണ്ണമാണ് സിനിമകളുടെ വിജയത്തിന്‍റെ അളവ് കോലായി കണക്കാക്കപ്പെട്ടിരുന്നത്. എന്നാൽ വൈഡ് റിലീസുകളും ഒ.ടി.ടി.യും വന്നതോടെ ഒരു സിനിമ എത്ര ദിവസം തിയേറ്ററുകളിൽ പ്രദർശിപ്പിച്ചു എന്ന ചോദ്യം അപ്രസക്തമായി. മറിച്ച്, ബോക്സ് ഓഫീസിൽ ഉണ്ടാക്കിയ നേട്ടം വിജയത്തിന്‍റെ അളവ് കോലായി. വർഷാവസാന ദിവസങ്ങളിൽ വിവിധ സംസ്ഥാനങ്ങളിലെ മുൻനിര തിയേറ്ററുകൾ പലതും ഈ വർഷം ഏറ്റവും കൂടുതൽ ലാഭമുണ്ടാക്കിയ ചിത്രങ്ങളുടെ പട്ടിക പുറത്തിറക്കുന്നുണ്ട്. തിരുവനന്തപുരത്തെ പ്രമുഖ മൾട്ടിപ്ലക്സുകളിലൊന്നായ ഏരീസ് പ്ലെക്സും സമാനമായ പട്ടിക പുറത്തിറക്കി. കഴിഞ്ഞ വർഷം ഏറ്റവും കൂടുതൽ ടിക്കറ്റുകൾ വിറ്റഴിച്ച 10 ചിത്രങ്ങളുടെ പട്ടികയാണ് ഏരീസ് പുറത്തുവിട്ടത്. സിനിമകൾക്കൊപ്പം, ഓരോ സിനിമയ്ക്കും എത്ര ടിക്കറ്റുകൾ വിറ്റുപോയി, അവർ സമ്പാദിച്ച കളക്ഷനുകളും ഏരീസ് ലിസ്റ്റിൽ ഉൾപ്പെടുന്നു. കെജിഎഫ് ചാപ്റ്റര്‍ 2, വിക്രം, പൊന്നിയിന്‍ സെല്‍വന്‍ 1, ആര്‍ആര്‍ആർ, ജയ ജയ ജയ ജയ ഹേ, കാന്താര, ഭീഷ്‍മ പര്‍വ്വം, തല്ലുമാല, ഹൃദയം, ജന ഗണ മന…

മോസ്കോ / കീവ്: യുക്രെയ്ൻ പ്രസിഡന്‍റ് വോളോഡിമിർ സെലെൻസ്കിയുടെ അമേരിക്കൻ സന്ദർശനത്തെ തുടർന്ന് യുക്രെയ്നെതിരായ സൈനിക നടപടികൾ എത്രയും വേഗം അവസാനിപ്പിക്കാൻ താൽപര്യം പ്രകടിപ്പിച്ച റഷ്യൻ പ്രസിഡന്‍റ് വ്ളാഡിമിർ പുടിൻ ചർച്ചയ്ക്ക് തയ്യാറാണെന്ന് ഒരിക്കൽ കൂടി വ്യക്തമാക്കി. അതേസമയം, റഷ്യയും യുക്രെയ്നും ക്രിസ്മസ് ദിനത്തിലും തലസ്ഥാനമായ കീവിൽ മിസൈൽ ആക്രമണം തുടർന്നു. സ്വീകാര്യമായ പരിഹാരങ്ങളെക്കുറിച്ച് ബന്ധപ്പെട്ട എല്ലാവരുമായും ചർച്ചയ്ക്ക് തയ്യാറാണ്. പക്ഷേ അത് യുക്രൈനെ ആശ്രയിച്ചിരിക്കുന്നു. തങ്ങൾ ചർച്ച ചെയ്യാൻ വിസമ്മതിക്കുന്നവരല്ലെന്നും അഭിമുഖത്തിൽ പുടിൻ ആവർത്തിച്ചു. കഴിഞ്ഞ ദിവസവും തങ്ങള്‍ ചര്‍ച്ചയ്ക്ക് തയ്യാറായെന്നും എന്നാല്‍ യുക്രെയ്ൻ തടസം നിന്നെന്നും പുടിന്‍ അവകാശപ്പെട്ടിരുന്നു. എന്നാൽ റഷ്യയ്ക്കാണ് ചർച്ച ആവശ്യമില്ലാത്തതെന്നും പുടിൻ യാഥാർത്ഥ്യത്തിലേക്ക് തിരിച്ച് വരണമെന്നും സെലെൻസ്കിയുടെ ഉപദേഷ്ടാവ് തിരിച്ചടിച്ചു. യുക്രെയ്നിലെ ഉന്നത സൈനിക കമാൻഡിന്‍റെ റിപ്പോർട്ട് പ്രകാരം ഖാർകിവ് മേഖലയിലെ കുപിയാൻസ്ക് ജില്ലയിൽ ഇന്നലെ മാത്രം പത്തിലധികം റോക്കറ്റ് ആക്രമണങ്ങൾ നടന്നിട്ടുണ്ട്. കുപിയാൻസ്ക്-ലൈമാൻ മേഖലയിലെ 25 നഗരങ്ങളിൽ റഷ്യ ഷെല്ലാക്രമണം തുടരുകയാണെന്നും യുക്രെയ്ൻ…