Author: News Desk

ന്യൂഡൽഹി: രാജ്യത്തെ തിരഞ്ഞെടുപ്പ് സമ്പ്രദായത്തിൽ സുപ്രധാനമായ നീക്കവുമായി കേന്ദ്ര തിരഞ്ഞെടുപ്പ് കമ്മീഷൻ. വോട്ടർ രാജ്യത്ത് എവിടെ താമസിച്ചാലും സ്വന്തം മണ്ഡലത്തിൽ വോട്ടുചെയ്യാൻ അവസരമൊരുക്കുന്ന രീതിയിൽ വോട്ടിംഗ് യന്ത്രങ്ങളിൽ പുതിയ സംവിധാനം ഏർപ്പെടുത്താൻ തിരഞ്ഞെടുപ്പ് കമ്മീഷൻ പദ്ധതിയിടുന്നു. 72 മണ്ഡലങ്ങളിലെ സ്ഥാനാർത്ഥി പട്ടിക ഒറ്റ മെഷീനിൽ ഉൾപ്പെടുത്താനാണ് നീക്കം. ജനുവരി 16ന് ഈ നിർദ്ദേശം രാഷ്ട്രീയ പാർട്ടികൾക്ക് മുന്നിൽ അവതരിപ്പിക്കും. നിലവിൽ വോട്ടർപട്ടികയിൽ പേർ രജിസ്റ്റർ ചെയ്ത ശേഷം തൊഴിൽ, പഠന ആവശ്യങ്ങൾക്കായി സ്ഥലം മാറി താമസിച്ചാൽ, വോട്ടു രേഖപ്പെടുത്താന്‍ വോട്ടർ പട്ടികയിലെ പേര് പുതിയ സ്ഥലത്തേക്ക് മാറ്റി ചേർക്കണം. അല്ലാത്ത പക്ഷം അതേ മണ്ഡലത്തിൽ നേരിട്ട് വന്ന് വോട്ട് ചെയ്യണം. എന്നാൽ ഇനി, നിങ്ങൾ എവിടെ താമസിച്ചാലും, നിങ്ങൾക്ക് നിങ്ങളുടെ സ്വന്തം മണ്ഡലത്തിൽ വോട്ട് ചെയ്യാം. നിലവിൽ ഒരു വോട്ടിങ് യന്ത്രത്തിൽ ആ മണ്ഡലത്തിലെ സ്ഥാനാർഥി പട്ടിക മാത്രമേ ഉൾപ്പെടുത്താനാകൂ. പകരം 72 മണ്ഡലങ്ങളിലെ സ്ഥാനാർത്ഥി പട്ടിക ഒറ്റ യന്ത്രത്തിൽ ഉൾപ്പെടുത്തുന്ന…

തിരുവനന്തപുരം: കേരള സ്പേസ് പാര്‍ക്കിനെ കെ-സ്പേസ് എന്ന പേരിൽ സൊസൈറ്റിയായി രജിസ്റ്റർ ചെയ്യാൻ മന്ത്രിസഭായോഗം തീരുമാനിച്ചു. 1955 ലെ ട്രാവൻകൂർ-കൊച്ചിൻ ലിറ്റററി, സയന്‍റിഫിക്, ചാരിറ്റബിൾ സൊസൈറ്റീസ് രജിസ്ട്രേഷൻ ആക്ട് പ്രകാരമാണ് രജിസ്റ്റർ ചെയ്യുക. നിർദ്ദിഷ്ട സൊസൈറ്റിയുടെ ധാരണാപത്രം, നിയമങ്ങൾ , ചട്ടങ്ങൾ എന്നിവ സംബന്ധിച്ച കരട് രേഖയ്ക്ക് അംഗീകാരം നൽകി. കരാർ അടിസ്ഥാനത്തിൽ നിർദ്ദിഷ്ട ശമ്പള സ്കെയിലിൽ 10 തസ്തികകൾ സൃഷ്ടിക്കും. ഐടി പാർക്കുകൾ / കേരള സ്റ്റാർട്ടപ്പ് മിഷൻ / കേരള സ്റ്റേറ്റ് ഐടി ഇന്‍ഫ്രാസ്ട്രക്ചര്‍ എന്നിവിടങ്ങളില്‍ അധികമുള്ളതോ ദീർഘകാലത്തേക്ക് ആവശ്യമില്ലാത്തതോ ആയ യോഗ്യതയുള്ള ജീവനക്കാരെ കണ്ടെത്തി സ്പേസ് പാർക്കിൽ കരാർ അടിസ്ഥാനത്തിൽ നിയമനത്തിന് പരിഗണിക്കും. ടെക്നോപാർക്കിന്‍റെ ഭൂമിയിൽ 18.56 ഏക്കർ ഭൂമി നിർദ്ദിഷ്ട സ്പേസ് പാർക്ക് സൊസൈറ്റിക്ക് കൈമാറും. കേരള സ്പേസ് പാർക്ക് സൊസൈറ്റിക്ക് സീഡ് കാപ്പിറ്റലായി രണ്ടു കോടി രൂപ അനുവദിക്കും.

തിരുവനന്തപുരം: തൃക്കാക്കരയിലെ ഉപതിരഞ്ഞെടുപ്പിലെ തോൽവിക്ക് കാരണം നേതാക്കളുടെ വീഴ്ചയാണെന്ന് അന്വേഷണ കമ്മീഷൻ റിപ്പോർട്ട്. കേന്ദ്രകമ്മിറ്റി അംഗം എ.കെ.ബാലൻ, സംസ്ഥാന സെക്രട്ടേറിയറ്റ് അംഗം ടി.പി.രാമകൃഷ്ണൻ എന്നിവരടങ്ങിയ പാർട്ടി കമ്മീഷനാണ് ഈ കണ്ടെത്തൽ നടത്തിയത്. ഇന്ന് ചേരുന്ന എറണാകുളം ജില്ലാ സെക്രട്ടേറിയറ്റും ജില്ലാ കമ്മിറ്റിയും റിപ്പോർട്ട് ചർച്ച ചെയ്യും. തൃക്കാക്കരയിൽ പാർട്ടിക്ക് തെറ്റുപറ്റിയെന്ന് സംസ്ഥാന കമ്മിറ്റിയിൽ വിമർശനം ഉയർന്നിരുന്നു. തോൽവി, വോട്ട് ചോർച്ച, സ്ഥാനാർത്ഥി നിർണയം, ജില്ലയിൽ പാർട്ടി ഒറ്റക്കെട്ടായി തിരഞ്ഞെടുപ്പിനെ നേരിട്ടോ തുടങ്ങിയ ഘടകങ്ങൾ പരിശോധിച്ചാണ് റിപ്പോർട്ട് തയ്യാറാക്കിയത്. ശക്തമായ പോരാട്ടം കാഴ്ചവെക്കാൻ കഴിയുമെന്നായിരുന്നു സി.പി.എമ്മിന്‍റെ അവകാശവാദം. രണ്ടാം പിണറായി വിജയൻ സർക്കാർ നേരിട്ട ആദ്യ ഉപതിരഞ്ഞെടുപ്പായിരുന്നു തൃക്കാക്കര. പി.ടി തോമസ് എം.എൽ.എയുടെ നിര്യാണത്തെ തുടർന്ന് നടന്ന ഉപതിരഞ്ഞെടുപ്പിൽ ഉമാ തോമസ് യു.ഡി.എഫിനായി മണ്ഡലം നിലനിർത്തി. ജോ ജോസഫിനെ സ്വതന്ത്ര സ്ഥാനാർത്ഥിയായി ഇടതുപക്ഷം മത്സരിപ്പിച്ചെങ്കിലും വിജയത്തിലെത്താനായില്ല.

കു​വൈ​ത്ത് സി​റ്റി: കുവൈറ്റിൽ സർക്കാർ സ്കൂളുകളിൽ ജോലി ചെയ്യുന്ന വിദേശ അധ്യാപകരെ അടുത്ത സാമ്പത്തിക വർഷം പിരിച്ചുവിടുമെന്ന് വിദ്യാഭ്യാസ മന്ത്രി ഹമദ് അൽ അദ്വാനി. രാജ്യത്തെ വിദ്യാഭ്യാസ മേഖലയിൽ സ്വദേശിവൽക്കരണം നടപ്പാക്കാനുള്ള സർക്കാരിന്റെ ശ്രമങ്ങളുടെ ഭാഗമായാണ് ഈ നീക്കം. വാർത്താ ഏജൻസിയായ മജ്ലിസ് ആണ് വാർത്ത ട്വീറ്റ് ചെയ്തത്. പൊതുമേഖലയിലെ സമ്പൂർണ സ്വദേശിവൽക്കരണം പൂർത്തിയാകുന്നതോടെ ആയിരക്കണക്കിന് വിദേശികൾക്ക് ജോലി നഷ്ടപ്പെടും. മലയാളികൾ ഉൾപ്പെടെയുള്ളവർക്ക് ഇത് തിരിച്ചടിയായേക്കും. അടുത്തിടെ ഇംഗ്ലീഷ് ഭാ​ഷാ ബി​രു​ധ​ദാ​രി​ക​ളാ​യ സ്വ​ദേ​ശി യുവതികൾ അധ്യാപകരായി ജോലി ആവശ്യപ്പെട്ട് വിദ്യാഭ്യാസ മന്ത്രാലയത്തിന് മുന്നിൽ ധർണ നടത്തിയിരുന്നു. ഈ ഘടകങ്ങളെല്ലാം കണക്കിലെടുത്താണ് മന്ത്രാലയം പുതിയ നീക്കം നടത്തുന്നത്. രാജ്യത്തെ വിദ്യാഭ്യാസ സ്ഥാപനങ്ങളിൽ വിദേശ അധ്യാപകരുടെ കു​ത്തൊ​ഴു​ക്കാ​ണെ​ന്നും സ്വ​ദേ​ശി അ​ധ്യാ​പ​ക​രു​ടെ മ​തി​യാ​യ പ്രാ​തി​നി​ധ്യം ഉ​റ​പ്പു​വ​രു​ത്ത​ണ​മെ​ന്നും ആ​വ​ശ്യ​പ്പെ​ട്ട് പാ​ര്‍ല​മെ​ന്റ് അം​ഗ​ങ്ങ​ളും രം​ഗ​ത്തെത്തിയിരുന്നു.

കൊച്ചി: ക്ഷേത്രങ്ങളിൽ പോകുന്നവരെയും തിലകം ധരിക്കുന്നവരെയും മൃദുഹിന്ദുത്വത്തിന്‍റെ പേരിൽ അകറ്റിനിർത്തരുതെന്ന എ.കെ ആന്‍റണിയുടെ പ്രസ്താവനയ്ക്കെതിരെ ബി.ജെ.പി സംസ്ഥാന അദ്ധ്യക്ഷൻ കെ.സുരേന്ദ്രൻ. എ കെ ആന്‍റണിയുടെ പ്രസ്താവന തിരഞ്ഞെടുപ്പ് മുന്നിൽ കണ്ടുള്ള കാപട്യമാണ്. ഭൂരിപക്ഷ സമുദായത്തെ ദ്രോഹിച്ച പാർട്ടിയാണ് കോൺഗ്രസ്. രാമക്ഷേത്ര നിർമ്മാണത്തിനെതിരെയാണ് കോൺഗ്രസ് നിലപാട് സ്വീകരിച്ചത്. രാമസേതു ഇല്ലെന്ന് സുപ്രീം കോടതിയിൽ സത്യവാങ്മൂലം നൽകി. മാറാട് തോമസ് ജോസഫ് കമ്മീഷന്‍റെ കണ്ടെത്തലുകളെ തള്ളിപ്പറഞ്ഞത് ആന്‍റണിയായിരുന്നു. പോപ്പുലർ ഫ്രണ്ടിന് അനുകൂലമായ നിലപാടാണ് അദ്ദേഹം സ്വീകരിച്ചത്. ന്യൂനപക്ഷ വർഗീയതയെ ഉള്ളിൽ താലോലിക്കുന്ന വ്യക്തിയാണ് ആന്‍റണിയെന്നും സുരേന്ദ്രൻ പറഞ്ഞു. സി.പി.എമ്മും യു.ഡി.എഫും തമ്മിൽ വ്യത്യാസമില്ല. ഷുക്കൂർ കേസിൽ കുഞ്ഞാലിക്കുട്ടിക്കെതിരായ ആരോപണം ഗൗരവമുള്ളതാണ്. അവർ ഒരു പരസ്പര സഹകരണ സംഘമായി പ്രവർത്തിക്കുന്നു. ലീഗ് എൽ.ഡി.എഫിലേക്ക് പോകും. യു.ഡി.എഫിലുള്ളപ്പോഴും ലീഗ് സി.പി.എമ്മിലാണെന്നും അദ്ദേഹം പറഞ്ഞു.

കൊല്‍ക്കത്ത: അന്താരാഷ്ട്ര വിമാനത്തിൽ ഇന്ത്യൻ യാത്രക്കാർ തമ്മിൽ വാക്കേറ്റവും കയ്യാങ്കളിയും. ബാങ്കോക്കിൽ നിന്ന് കൊൽക്കത്തയിലേക്കുള്ള തായ് സ്മൈൽ എയർവേയ്സ് വിമാനത്തിലാണ് സംഭവം. ഇതിന്‍റെ വീഡിയോ സോഷ്യൽ മീഡിയയിൽ വ്യാപകമായി പ്രചരിക്കുകയാണ്. ആദ്യം രണ്ട് യാത്രക്കാര്‍ തമ്മിൽ വാക്കുതര്‍ക്കത്തിലാണ് തുടങ്ങിയതെങ്കിലും പിന്നീട് കയ്യാങ്കളിയിലെത്തുകയായിരുന്നു. ഇതേതുടർന്ന് ഇവരിൽ ഒരാളുടെ സുഹൃത്തുക്കളും സംഘർഷത്തിൽ പങ്കു ചേർന്നു. എയർ ഹോസ്റ്റസും മറ്റ് യാത്രക്കാരും അവരെ തടയാൻ ശ്രമിച്ചെങ്കിലും കഴിഞ്ഞില്ല. തർക്കം മൂർച്ഛിക്കുമ്പോൾ, അവരിൽ ഒരാൾ മറ്റൊരാളോട് കൈ താഴ്ത്താൻ ആവശ്യപ്പെടുന്നു. വീഡിയോയിൽ, പിന്നാലെ മറ്റേയാളുടെ മുഖത്തടിക്കുകയും ഇടിക്കുകയും ചെയ്യുന്നതും കാണാം. എന്നാൽ യാത്രക്കാർ തമ്മിലുള്ള വാക്കേറ്റത്തിന്‍റെ കാരണം വ്യക്തമല്ല.

ഫ്രഞ്ച് സൂപ്പർ ക്ലബ് പി.എസ്.ജിയുമായുള്ള കരാർ പുതുക്കിയിരിക്കുകയാണ് മാർക്കോ വെരാറ്റി. ഇറ്റാലിയൻ മിഡ്ഫീൽഡർ ക്ലബുമായുള്ള കരാർ രണ്ട് വർഷത്തേക്ക് കൂടിയാണ് പുതുക്കിയത്. ഇതോടെ 2026 വരെ വെരാറ്റി പി.എസ്.ജിയുടെ ഭാഗമായി തുടരും. 30 കാരനായ വെരാറ്റി 2012ലാണ് പി.എസ്.ജിയിൽ ചേർന്നത്. പെസ്കാറയിൽ നിന്നായിരുന്നു വെരാറ്റിയുടെ ഫ്രഞ്ച് തലസ്ഥാനത്തേക്കുള്ള വരവ്. പിന്നീട് വെരാറ്റി പി.എസ്.ജി മിഡ്ഫീൽഡിൽ ശക്തമായ സാന്നിധ്യമായി മാറി. പി.എസ്.ജി ജേഴ്സിയിൽ വെരാറ്റിയുടെ 399-ാമത്തെ മത്സരമായിരുന്നു സ്ട്രാസ്ബർഗിനെതിരായ ഇന്നലത്തെ മത്സരം. പുതിയ കരാർ പൂർത്തിയാകുന്നതോടെ, പി.എസ്.ജിക്ക് വേണ്ടി ഏറ്റവും കൂടുതൽ മത്സരങ്ങൾ കളിച്ച ജീൻ-മാർക്ക് പിലോറെയുടെ റെക്കോർഡ് മറികടക്കാൻ വെറാട്ടിക്ക് അവസരം ലഭിക്കും. പി.എസ്.ജിക്കൊപ്പം എട്ട് ഫ്രഞ്ച് ലീഗ് കിരീടങ്ങൾ വെരാറ്റി നേടിയിട്ടുണ്ട്. പി.എസ്.ജിക്കൊപ്പം ആറ് വീതം ഫ്രഞ്ച് കപ്പും ലീഗ് കപ്പും വെരാറ്റി നേടി. 2019-20 സീസണിൽ പി.എസ്.ജി ചാമ്പ്യൻസ് ലീഗിന്‍റെ ഫൈനലിൽ എത്തിയപ്പോൾ വെരാറ്റിയുടെ പ്രകടനവും നിർണ്ണായകമായിരുന്നു.

തിരുവനന്തപുരം: കെ.എസ്.ആർ.ടി.സി ബസുകളിൽ ഫോൺപേ വഴി ടിക്കറ്റ് തുക കൈമാറുന്ന പദ്ധതിയുടെ പ്രഖ്യാപനം മാറ്റിവെച്ചു. ഇന്നലെ മന്ത്രി ആന്റണി രാജു പദ്ധതി ഉദ്ഘാടനം ചെയ്ത് ബസിനുള്ളില്‍ ഒട്ടിച്ചിരിക്കുന്ന ക്യൂ ആര്‍ കോഡ് സ്‌കാന്‍ ചെയ്ത് ടിക്കറ്റ് തുക നല്‍കാനാകുമെന്നായിരുന്നു അറിയിച്ചിരുന്നത്. എന്നാൽ, വിശദാംശങ്ങൾ കണ്ടക്ടര്‍മാര്‍ക്ക് വിശദീകരിച്ചു നല്‍ക്കാത്തതിനാലാണ് പ്രഖ്യാപനം മാറ്റിയത്. നിലവിൽ എല്ലാ കെ.എസ്.ആർ.ടി.സി കൗണ്ടറുകളിലും ഈ സൗകര്യം ഏർപ്പെടുത്തും. ടിക്കറ്റ് തുക ഫോൺപേ വഴി കെ.എസ്.ആർ.ടി.സി അക്കൗണ്ടിലേക്ക് ക്രെഡിറ്റ് ചെയ്യും. കണ്ടക്ടർമാർ ഇത് ഉറപ്പു വരുത്തിയ ശേഷം മാത്രമേ ടിക്കറ്റുകൾ നൽകൂ. എന്നിരുന്നാലും, പണം അക്കൗണ്ടിൽ എത്തിയോ എന്ന് എങ്ങനെ അറിയുമെന്ന് ഇപ്പോഴും വ്യക്തമല്ല. പദ്ധതി നടപ്പാക്കാൻ ചുമതലപ്പെടുത്തിയ ഏജൻസി ഇക്കാര്യം പരിശോധിച്ച് വരികയാണ്. ഇക്കാര്യത്തിൽ വ്യക്തത വരുത്തിയ ശേഷമേ ബസുകളിൽ പദ്ധതി നടപ്പാക്കൂ. നിലവിൽ എല്ലാ ബസുകളിലും ഫോണ്‍പേ സംവിധാനം കൊണ്ടു വരണോയെന്നും ദീർഘദൂര ബസുകളിൽ മാത്രം ഫോൺ പേ സംവിധാനം ഏർപ്പെടുത്തണമോ എന്ന കാര്യത്തിലും തീരുമാനമെടുക്കേണ്ടതുണ്ട്. അതിനാൽ…

കോട്ടയം: യുകെയിൽ ഭർത്താവ് കൊലപ്പെടുത്തിയ മലയാളി നഴ്സായ അഞ്ജുവിന്‍റെയും മക്കളുടെയും മൃതദേഹം നാട്ടിലെത്തിക്കാനുള്ള മുഴുവൻ ചെലവും കേന്ദ്രസർക്കാർ വഹിക്കുമെന്ന് വിദേശകാര്യ സഹമന്ത്രി വി മുരളീധരൻ. അഞ്ജുവിന്‍റെ കോട്ടയത്തെ വീട്ടിലെത്തി മാതാപിതാക്കളെ കണ്ട ശേഷമാണ് വി മുരളീധരൻ ഇക്കാര്യം പറഞ്ഞത്. ഇത് സംബന്ധിച്ച് മാതാപിതാക്കൾക്ക് മന്ത്രി ഉറപ്പ് നൽകി. യുകെ പോലീസ് അന്വേഷണം പൂർത്തിയായാലുടൻ മൃതദേഹങ്ങൾ ഇന്ത്യൻ അധികൃതർക്ക് കൈമാറുമെന്നും അതിനുശേഷം എത്രയും വേഗം മൃതദേഹങ്ങൾ നാട്ടിലെത്തിക്കുമെന്നും മന്ത്രി പറഞ്ഞു. യുകെയിൽ നഴ്സായി ജോലി ചെയ്യുന്ന അഞ്ജുവിനെയും രണ്ട് മക്കളെയും ഈ മാസം 15 നാണ് ഭർത്താവ് സാജു കൊലപ്പെടുത്തിയത്. മൂന്ന് മൃതദേഹങ്ങളും നാട്ടിലെത്തിക്കാൻ ഏകദേശം 30 ലക്ഷം രൂപ ചെലവ് വരും. ഇതിനായി അഞ്ജുവിന്‍റെ കുടുംബം അഭ്യുദയകാംക്ഷികളുടെ സഹായം തേടിയിരുന്നു. വൈക്കം മറവന്‍തുരുത്തിനടുത്ത് കുലശേഖരമംഗലം സ്വദേശി നഴ്സ് അഞ്ജു, ആറ് വയസുള്ള മകൻ ജീവ, 4 വയസുള്ള മകൾ ജാന്വി എന്നിവരാണ് മരിച്ചത്. യുകെയിലെ കെറ്ററിംഗിലെ ആശുപത്രിയിൽ നഴ്സായി ജോലി ചെയ്യുകയായിരുന്നു…

പത്തനംതിട്ട: പോപ്പുലർ ഫ്രണ്ടിന്റെ (പിഎഫ്ഐ) നേതാക്കളുടെയും പ്രവര്‍ത്തകരുടെയും വീടുകളിലെ എന്‍ഐഎ റെയ്ഡിനെപ്പറ്റിയുള്ള വിവരം പത്തനംതിട്ടയിൽ ചോര്‍ന്നെന്ന് സംശയം. പോപ്പുലർ ഫ്രണ്ടിന്‍റെ മുൻ മേഖലാ സെക്രട്ടറിയായിരുന്ന മുഹമ്മദ് റാഷിദ് റെയ്ഡിന് മുമ്പ് സ്ഥലംവിട്ടതാണ് സംശയത്തിനിടയാക്കിയത്. മുൻ സംസ്ഥാന സെക്രട്ടറി നിസാറിന്‍റെ വീട്ടില്‍ നിന്നു ബാഗും ഫോണുകളും പിടിച്ചെടുത്തു. കൊല്ലത്തെ മുൻ ജില്ലാ പ്രസിഡന്‍റിന്‍റെ വീട്ടിൽ നിന്ന് ഫോണുകൾ പിടിച്ചെടുത്തതായി എൻ.ഐ.എ വൃത്തങ്ങൾ അറിയിച്ചു. മലപ്പുറത്ത് മുൻ ദേശീയ പ്രസിഡന്‍റ് ഒഎംഎ സലാമിന്‍റെ സഹോദരന്‍റെ വീട്ടിലും റെയ്ഡ് നടന്നു. കേരളത്തിലെ പോപ്പുലർ ഫ്രണ്ട് പ്രവർത്തകരുടെ വീടുകളിലും സ്ഥാപനങ്ങളിലും എൻ.ഐ.എ റെയ്ഡ് പുരോഗമിക്കുകയാണ്.