Author: News Desk

ന്യൂഡല്‍ഹി: നോട്ട് നിരോധനത്തിന്‍റെ പേരിൽ പ്രധാനമന്ത്രി നരേന്ദ്ര മോദിയെ വേട്ടയാടിയവർക്കുള്ള കനത്ത പ്രഹരമാണ് സുപ്രീം കോടതി വിധിയെന്ന് കേന്ദ്രമന്ത്രി വി മുരളീധരൻ. പുതുവർഷത്തിൽ ഇച്ഛാശക്തിയും നിശ്ചയദാർഢ്യവുമുള്ള രാഷ്ട്രത്തലവന്‍റെ തൊപ്പിയിലെ പൊന്‍തൂവലാണ് ഇതെന്നും അദ്ദേഹം ഫേസ്ബുക്ക് പോസ്റ്റിൽ പറഞ്ഞു. സുപ്രധാനമായ ഒരു തീരുമാനത്തിലൂടെ രാജ്യത്തിന്‍റെ ഉന്നമനമാണ് നരേന്ദ്ര മോദി സർക്കാർ ലക്ഷ്യമിട്ടതെന്ന് കോടതി പറഞ്ഞിരുന്നു. സമ്പദ് വ്യവസ്ഥയെ ശുദ്ധീകരിക്കുകയും സുതാര്യമാക്കുകയും ചെയ്ത വിപ്ലവകരമായ നിലപാടാണിതെന്ന് ഇക്കാര്യം പരിശോധിച്ച കോടതിക്ക് ബോധ്യപ്പെട്ടെന്നും മുരളീധരൻ പറഞ്ഞു. നിരോധനം കള്ളപ്പണം, തീവ്രവാദം, കള്ളനോട്ട് എന്നിവയ്ക്കെതിരായ പോരാട്ടമാണെന്ന് സുപ്രീം കോടതി അടിവരയിടുന്നു. റിസർവ് ബാങ്കുമായി മതിയായ കൂടിയാലോചനകൾ നടത്തിയെന്ന വിലയിരുത്തലിലൂടെ സാങ്കേതികത്വത്തിലൂന്നിയുള്ള മറുവാദങ്ങളെയും കോടതി തള്ളിയെന്നും മുരളീധരൻ പറഞ്ഞു.

വിജയുടെ വരാനിരിക്കുന്ന ചിത്രമായ വാരിശ് റിലീസിനായി ആകാംക്ഷയോടെ കാത്തിരിക്കുകയാണ് തെന്നിന്ത്യൻ സിനിമാപ്രേമികൾ.  ബീസ്റ്റിന് ശേഷം വിജയ് നായകനായി എത്തുന്ന ചിത്രം സംവിധാനം ചെയ്യുന്നത് വംശി പൈഡിപ്പള്ളിയാണ്. സിനിമയുമായി ബന്ധപ്പെട്ട പ്രമോഷണൽ മെറ്റീരിയലുകൾക്കും അപ്ഡേറ്റുകൾക്കും വലിയ പ്രേക്ഷകരുണ്ട്. ഏതാനും ദിവസം മുമ്പാണ് ചിത്രത്തിൻ്റെ ഓഡിയോ ലോഞ്ച് നടന്നത്. ചടങ്ങിൽ നിന്നുള്ള വീഡിയോകളും ഫോട്ടോകളും സോഷ്യൽ മീഡിയയിൽ വളരെയധികം ശ്രദ്ധ നേടിയിരുന്നു. ഈ അവസരത്തിൽ രക്തദാന ക്യാമ്പുകൾ ആരംഭിക്കാൻ തീരുമാനിച്ചത് എന്തുകൊണ്ടാണെന്ന വിജയ്യുടെ വാക്കുകൾ ശ്രദ്ധ നേടുകയാണ്. സമ്പന്നരും ദരിദ്രരും തമ്മിലുള്ള വ്യത്യാസം,ജാതി – മതം വ്യത്യാസം ഒന്നും ഇല്ലാത്തത് നമ്മുടെ രക്തത്തിന് മാത്രമാണെന്ന് വിജയ് പറയുന്നു. രക്തം ദാനം ചെയ്യാൻ വരുന്നവരോട് ജാതി, മതം, ജാതകം എന്നിവ ചോദിക്കില്ലലോ. നമ്മൾ മനുഷ്യരാണ് ഇതെല്ലാം ഉയർത്തിക്കാട്ടി ജീവിച്ച് പഴകിയതെന്നും വിജയ് പറഞ്ഞു. “നമ്മുടെ രക്തത്തിന് മാത്രമാണ്, ധനികനും ദരിദ്രനും എന്ന വ്യത്യാസം, ആണും പെണ്ണും എന്ന വ്യത്യാസം, ഉയർന്ന ജാതിക്കാരും താഴ്ന്ന ജാതിക്കാരും എന്ന…

തിരുവനന്തപുരം: തിങ്കളാഴ്ച രാവിലെ പുറപ്പെടേണ്ടിയിരുന്ന തിരുവനന്തപുരത്തു നിന്നും മസ്കറ്റിലേക്കുള്ള വിമാനം മണിക്കൂറുകളോളം വൈകി. നേരിട്ട് ടിക്കറ്റ് ബുക്ക് ചെയ്ത യാത്രക്കാരെ മണിക്കൂറുകളോളം വിമാനത്താവളത്തിൽ ഇരുത്തിയ ശേഷം മംഗലാപുരം വഴി കൊണ്ടുപോകുമെന്ന് അറിയിക്കുകയായിരുന്നു. എയർലൈൻ അധികൃതരുടെ നിരുത്തരവാദിത്വപരമായ സമീപനത്തിനെതിരെ യാത്രക്കാർ പ്രതിഷേധിച്ചെങ്കിലും ഫലമുണ്ടായില്ല. രാവിലെ 7.25ന് തിരുവനന്തപുരത്ത് നിന്ന് നേരിട്ട് മസ്കറ്റിലേക്ക് പുറപ്പെടേണ്ടിയിരുന്ന ഐഎക്സ് 549 വിമാനത്തിലെ യാത്രക്കാരാണ് വിമാനത്താവളത്തിൽ കാത്തുനിൽക്കുന്നത്. വിമാനത്തിന്‍റെ ഷെഡ്യൂൾ ചെയ്ത സമയത്തിന് മൂന്ന് മണിക്കൂർ മുമ്പ് യാത്രക്കാർ എത്തിയെങ്കിലും വിമാനം വൈകുമെന്ന് അറിയിച്ച് ആളുകളെ ടെർമിനലിൽ പ്രവേശിക്കാൻ സുരക്ഷാ ഉദ്യോഗസ്ഥർ വിസമ്മതിച്ചു. ഇതോടെ യാത്രക്കാർ ബഹളമുണ്ടാക്കിയതിനു ശേഷമാണ് യാത്രക്കാരെ അകത്തേക്ക് കടത്തിവിട്ടത്. മൂന്നര മണിക്കൂർ വൈകി രാവിലെ 11 മണിക്ക് വിമാനം പുറപ്പെടുമെന്ന് പിന്നീട് അറിയിക്കുകയായിരുന്നു. മറ്റ് അറിയിപ്പുകളൊന്നും ലഭിച്ചിട്ടില്ല. ഒമ്പത് മണിക്കാണ് ചെക്ക്-ഇൻ ആരംഭിച്ചത്. എന്നാൽ, രണ്ട് ബോർഡിംഗ് പാസുകൾ നൽകിയപ്പോൾ യാത്രക്കാർ കാരണത്തെക്കുറിച്ച് അന്വേഷിക്കുകയും യാത്ര മംഗലാപുരം വഴിയാണെന്നും കണക്ഷൻ വിമാനമാണെന്നും പറഞ്ഞു. യാത്രക്കാർ…

മുംബൈ: കളിക്കാരുടെ ഫിറ്റ്നസ് പരീക്ഷിക്കുന്ന യോ-യോ ടെസ്റ്റ് വീണ്ടും ഇന്ത്യൻ ക്രിക്കറ്റ് ടീമിനെ തിരഞ്ഞെടുക്കുന്നതിനുള്ള മാനദണ്ഡമാകുന്നു. വരാനിരിക്കുന്ന ഏകദിന ലോകകപ്പിലടക്കം ഇന്ത്യൻ ടീമിലേക്കുള്ള സെലക്ഷന് യോ-യോ ടെസ്റ്റ് നിർബന്ധമാക്കാൻ ബിസിസിഐയുടെ ഉന്നതതല യോഗം തീരുമാനിച്ചു. പരിക്കിൽ നിന്ന് മുക്തി നേടി ടീമിലേക്ക് മടങ്ങുന്ന കളിക്കാർക്ക് ഡെക്സ (ബോൺ സ്കാൻ ടെസ്റ്റ്) പരിശോധനയും നടത്തേണ്ടതുണ്ട്. ഇനി മുതൽ ആഭ്യന്തര ടൂർണമെന്‍റുകളിൽ പരിചയസമ്പന്നത തെളിയിച്ച യുവതാരങ്ങളെ മാത്രമേ ദേശീയ ടീമിലേക്ക് തിരഞ്ഞെടുക്കാൻ പരിഗണിക്കുകയുള്ളൂവെന്നും യോഗം തീരുമാനിച്ചു. യോ-യോ ഫിറ്റ്നസ് ടെസ്റ്റ് നേരത്തെ ഇന്ത്യൻ ടീം സെലക്ഷന്‍റെ ഭാഗമായിരുന്നുവെങ്കിലും പിന്നീട് ഒഴിവാക്കുകയായിരുന്നു. നിലവിൽ, പരിക്കേറ്റ കളിക്കാരുടെ ഫിറ്റ്നസ് തെളിയിക്കാൻ മാത്രമാണ് യോ-യോ ടെസ്റ്റ് നടത്തുന്നത്. ഫിറ്റ്നസ് അളക്കുന്നതിനുള്ള ശാസ്ത്രീയ രീതിയാണ് യോ-യോ ടെസ്റ്റ്. 20 മീറ്റർ മുന്നോട്ടും പിന്നോട്ടും ഓടുക, ഏതാനും സെക്കൻഡുകൾ മാത്രം വിശ്രമിക്കുക, തുടർന്ന് ഓട്ടം വീണ്ടും ആവർത്തിക്കുക എന്നതാണ് ടെസ്റ്റിന്‍റെ രീതി.

ഗോവ: മുംബൈ-നാഗ്പൂർ എക്സ്പ്രസ് ഹൈവേ അടുത്തിടെ ഇന്ത്യയിൽ തുറന്ന ഏറ്റവും മികച്ച റോഡുകളിലൊന്നാണ്. 120 മീറ്റർ വീതിയും 22.5 മീറ്റർ വീതിയുമുള്ള ഡിവൈഡർ, പൂന്തോട്ടങ്ങൾ, 50 ലധികം മേൽപ്പാലങ്ങൾ, 700 അണ്ടർപാസുകൾ എന്നിവയുണ്ട്. ഇത്രയും സൗകര്യങ്ങൾ ഉണ്ടായിട്ടും പല വിദേശ രാജ്യങ്ങളിലെയും റോഡുകളുമായി താരതമ്യപ്പെടുത്തുമ്പോൾ നമ്മുടെ രാജ്യത്തെ റോഡുകൾ ഇപ്പോഴും വളരെ പിന്നിലാണ്. ഇന്ത്യയിലെ റോഡുകൾ കൂടുതൽ മെച്ചപ്പെടുത്തുന്നതിനുള്ള നടപടികൾ കേന്ദ്ര സര്‍ക്കാര്‍ ഘട്ടം ഘട്ടമായി സ്വീകരിച്ചു വരികയാണ്. കേന്ദ്ര റോഡ് ഗതാഗത ഹൈവേ മന്ത്രി നിതിൻ ഗഡ്കരിയാണ് ഈ സാഹചര്യത്തിൽ സുപ്രധാന പ്രഖ്യാപനം നടത്തിയിരിക്കുന്നത്. 2024 അവസാനത്തോടെ യുഎസിലുള്ളതിനേക്കാൾ മികച്ച റോഡുകൾ ഇന്ത്യയിലുണ്ടാകും. ഗോവയിലെ സുവാരി നദിയിലെ പാലത്തിന്‍റെ ആദ്യ ഘട്ട ഉദ്ഘാടനച്ചടങ്ങിലാണ് പ്രഖ്യാപനം. മോദി സർക്കാരിൻ്റെ കാലാവധി 2024 അവസാനത്തോടെ അവസാനിക്കും. യുഎസിനേക്കാൾ മികച്ച രീതിയിൽ ഇന്ത്യയിലെ റോഡ് മെച്ചപ്പെടുത്താനാണ് സർക്കാർ ശ്രമിക്കുന്നതെന്നും ഗഡ്കരി പറഞ്ഞു. 2,530 കോടി രൂപ ചെലവിലാണ് 13.2 കിലോമീറ്റർ ദൈർഘ്യമുള്ള സുവാരി പാലം…

കോട്ടയം: എൻ.എസ്.എസ് ആസ്ഥാനത്ത് നടന്ന മന്നം ജയന്തി സമ്മേളനത്തിൽ പങ്കെടുത്ത് ശശി തരൂർ. ഒരു നായർക്ക് മറ്റൊരു നായരെ കാണാൻ കഴിയില്ലെന്ന് മന്നം 80 വർഷങ്ങൾക്കു മുന്നേ പറഞ്ഞത് താനിപ്പോൾ രാഷ്ട്രീയത്തിൽ അനിഭവിക്കുന്നുവെന്ന് തരൂർ പറഞ്ഞു. മുൻപ് പെരുന്നയിൽ പോയിട്ടുണ്ടെങ്കിലും ഇതാദ്യമായാണ് മന്നം ജയന്തി സമ്മേളനത്തിൽ പങ്കെടുക്കുന്നതെന്നും അദ്ദേഹം പറഞ്ഞു. മുതിർന്ന കോൺഗ്രസ് നേതാക്കളെ ഇന്നത്തെ ചടങ്ങിലേക്ക് ക്ഷണിച്ചിട്ടില്ല. ഈ സാഹചര്യത്തിൽ തരൂരിൻ്റെ സന്ദർശനത്തിന് രാഷ്ട്രീയ പ്രാധാന്യമുണ്ടെന്ന് എൻഎസ്എസ് ജനറൽ സെക്രട്ടറി ജി സുകുമാരൻ നായർ പറഞ്ഞു. നേരത്തെ ഞാൻ തരൂരിനെ ‘ഡൽഹി നായർ’ എന്നാണ് വിളിച്ചിരുന്നത്.ആ തെറ്റ് തിരുത്താനാണ് ഇന്ന് തരൂരിനെ വിളിച്ചതെന്നും സുകുമാരനായർ പറഞ്ഞു. 10 വർഷത്തിന് ശേഷമാണ് മന്നം ജയന്തി സമ്മേളനത്തിലേക്ക് ഒരു കോൺഗ്രസ് നേതാവിനെ എൻഎസ്എസ് ക്ഷണിക്കുന്നത്. സാമുദായിക സംഘടനകളുടെ തിണ്ണ നിരങ്ങിയല്ല താന്‍ ജയിച്ചതെന്ന സതീശന്‍റെ പ്രസ്താവനയാണ് സുകുമാരൻ നായരെ പ്രകോപിപ്പിച്ചത്.

ന്യൂഡൽഹി: സർവകലാശാലകളിൽ ഒഴിവുള്ള അധ്യാപക തസ്തികകൾ യുദ്ധകാലാടിസ്ഥാനത്തിൽ നികത്തണമെന്ന് സർവകലാശാല ഗ്രാന്‍റ്സ് കമ്മീഷൻ ചെയർമാൻ എം ജഗദീഷ് കുമാർ. കേന്ദ്ര സർവകലാശാലകളിൽ 18,956 സ്ഥിരം അധ്യാപക തസ്തികകളാണുള്ളത്. ഇതിൽ 6180 എണ്ണം ഒഴിഞ്ഞുകിടക്കുകയാണ്. പല സ്ഥലങ്ങളിലും താൽക്കാലിക അധ്യാപകരെ ഉപയോഗിച്ചാണ് അധ്യാപനം നടത്തുന്നത്. എന്നാൽ ഇത് ഒഴിവാക്കുകയും കേന്ദ്ര, സംസ്ഥാന സർവകലാശാലകൾ സ്ഥിരം അധ്യാപക തസ്തികകളിലേക്കുള്ള നിയമനം വേഗത്തിലാക്കണമെന്നും ജഗദീഷ് കുമാർ പറഞ്ഞു.

തിരുവനന്തപുരം: സൈനികരുടെ ക്ഷേമത്തിനായി കൂടുതൽ കാര്യങ്ങൾ ചെയ്യാൻ സർക്കാർ തയ്യാറാണെന്ന് മുഖ്യമന്ത്രി പിണറായി വിജയൻ. കേരളത്തിലെ 122 ടെറിട്ടോറിയൽ ആർമിയുടെ ആസ്ഥാനമായ കോഴിക്കോട് വെസ്റ്റ് ഹിൽ സെന്‍റർ സന്ദർശിക്കുകയായിരുന്നു മുഖ്യമന്ത്രി. വീരമൃത്യു വരിച്ച സൈനികരായ നായിക് ബി.കെ അനിൽ കുമാർ, ഹവിൽ ദാർ വിജയൻ എം എന്നിവരുടെ സ്മൃതി മണ്ഡപത്തിൽ മുഖ്യമന്ത്രി പുഷ്പചക്രം അർപ്പിക്കുകയും ഇവരുടെ ഭാര്യമാരെ മുഖ്യമന്ത്രി ആദരിക്കുകയും ചെയ്തു. രാജ്യത്തിന് വേണ്ടി ജീവൻ ബലിയർപ്പിച്ചവരുടെ ഭാര്യമാരെ കാണുന്നത് വളരെ വൈകാരികമായ അനുഭവമാണെന്ന് മുഖ്യമന്ത്രി പറഞ്ഞു. 122 ടെറിട്ടോറിയൽ ആർമി കമാൻഡിംഗ് ഓഫീസർ കേണൽ നവീൻ ബഞ്ചിത്ത് ബറ്റാലിയന്‍റെ പ്രവർത്തനങ്ങൾ മുഖ്യമന്ത്രിയെ ധരിപ്പിച്ചു. കണ്ണൂരിൽ നിന്നുള്ള ടി.എ. ബറ്റാലിയൻ അടുത്തിടെ കോഴിക്കോട് വെസ്റ്റ് ഹില്ലിലേക്ക് മാറ്റിയിരുന്നു. ഇതാദ്യമായാണ് മുഖ്യമന്ത്രി പിണറായി വിജയൻ കേന്ദ്രം സന്ദർശിക്കുന്നത്. അപകടത്തിൽ പെടുകയോ മരിക്കുകയോ ചെയ്തവർക്ക് വേണ്ടി ചെയ്യാൻ കഴിയുന്നതെല്ലാം ഭരണകൂടം ചെയ്യുന്നുണ്ട്. കൂടുതൽ കാര്യങ്ങൾ ചെയ്യേണ്ടതുണ്ടെങ്കിൽ തുറന്ന മനസ്സോടെ നടപടിയെടുക്കാൻ സർക്കാർ പ്രതിജ്ഞാബദ്ധമാണെന്നും മുഖ്യമന്ത്രി…

മുംബൈ: മലേഗാവ് സ്ഫോടനക്കേസിലെ മുഖ്യപ്രതി കേണൽ പ്രസാദ് ശ്രീകാന്ത് പുരോഹിത്, തന്നെ കുറ്റവിമുക്തനാക്കണമെന്നാവശ്യപ്പെട്ട് സമർപ്പിച്ച ഹർജി ബോംബെ ഹൈക്കോടതി തള്ളി. ബോംബ് സ്ഫോടനം നടത്തുന്നത് ഔദ്യോഗിക കൃത്യമല്ലെന്ന് ചൂണ്ടിക്കാട്ടിയാണ് കോടതി ഹർജി തള്ളിയത്. ജസ്റ്റിസുമാരായ എ എസ് ഗഡ്കരി, പ്രകാശ് നായിക് എന്നിവരടങ്ങിയ ഡിവിഷൻ ബെഞ്ചാണ് ഹർജി പരിഗണിച്ചത്. തന്നെ പ്രോസിക്യൂട്ട് ചെയ്യാൻ സിആർപിസി സെക്ഷൻ 197 (2) പ്രകാരം ഇന്ത്യൻ സൈന്യത്തിൽ നിന്ന് അനുമതി ലഭിച്ചില്ലെന്ന് ആരോപിച്ച് പുരോഹിത് അപ്പീൽ നൽകിയിരുന്നു. അതേസമയം സ്ഫോടനം തന്‍റെ ചുമതലയുടെ ഭാഗമല്ലാത്തതിനാൽ സൈന്യത്തിന്‍റെ അനുമതി ആവശ്യമില്ലെന്നാണ് എൻഐഎയുടെ വാദം. 2008ൽ മലേഗാവ് സ്ഫോടനത്തിൽ ആറു പേർ കൊല്ലപ്പെടുകയും 101 പേർക്ക് പരിക്കേൽക്കുകയും ചെയ്തിരുന്നു. 2008ലാണ് കേണൽ പുരോഹിതിനെ യുഎപിഎ ചുമത്തി അറസ്റ്റ് ചെയ്തത്. ബിജെപി എംപി പ്രജ്ഞാ സിങ് ഠാക്കൂറും മറ്റ് ആറ് പേരും കേസിലെ പ്രതികളാണ്.

മസ്‌കത്ത്: 2023 ലെ വാർഷിക ബജറ്റിന് ഒമാൻ ഭരണാധികാരി സുൽത്താൻ ഹൈതം ബിൻ താരിഖിൻ്റെ അംഗീകാരം. 11.350 ബില്യൺ ഒമാൻ റിയാൽ ആയിരിക്കും സർക്കാരിൻ്റെ ആകെ ചെലവ്. ബജറ്റ് കമ്മി 130 കോടി റിയാലായിരിക്കും. എണ്ണയുടെ ശരാശരി വില ബാരലിന് 94 ഡോളറെന്നാണ് കണക്കാക്കിയത്. ഇതിലൂടെ 14.234 ബില്യൺ റിയാൽ വരുമാനം ലഭിക്കും. 13.88 ബില്യൺ റിയാലാണ് ചെലവ്. മിച്ചം 1.146 ബില്യൺ റിയാലും. ബജറ്റ് പ്രകാരം മൊത്തം വരുമാനം 11.650 ബില്യൺ റിയാൽ ആയിരിക്കും. പ്രതിദിനം ശരാശരി 1.175 ദശലക്ഷം ബാരൽ എണ്ണ ഉൽപാദനം ഉണ്ടാകും. 2023 ൽ 4.5 ബില്യൺ റിയാൽ നിക്ഷേപിക്കും. ഇതിൽ 110 കോടി രൂപ ബജറ്റിൽ നിന്നും 190 കോടി രൂപ ഒമാൻ ഇൻവെസ്റ്റ്മെന്‍റ് അതോറിറ്റിക്കും 150 കോടി രൂപ എനർജി ഡെവലപ്മെന്‍റ് ഒമാനും (ഇ.ഡി.ഒ) ലഭിക്കും. പ്രകൃതി വാതകത്തിന്‍റെ വിൽപ്പന, ആസ്തികൾ, ഒഴുക്ക്, കയറ്റുമതി, പ്രകൃതി വാതക ഇറക്കുമതി എന്നിവയുടെ ഉത്തരവാദിത്തം പരിഗണനയിലുള്ള…