Author: News Desk

കാത്തിരിപ്പിന് വിരാമമിട്ട് മഹീന്ദ്രയുടെ 2-വീൽ-ഡ്രൈവ് ഥാർ ഉടൻ കുറഞ്ഞ വിലയിൽ വിപണിയിൽ അവതരിപ്പിക്കും. ആദ്യ പ്രദർശനത്തിനു മുമ്പ് തന്നെ വാഹനത്തിന്‍റെ 2-വീൽഡ്രൈവ് പതിപ്പിന്‍റെ വിശദാംശങ്ങൾ സോഷ്യൽ മീഡിയയിൽ വന്നിരുന്നു. പുതിയ നിറങ്ങൾ ഉൾപ്പെടെ ആകർഷകമായ നിരവധി സവിശേഷതകളുള്ള ഒരു പാക്കേജാണ് ഥാർ 2 വീൽഡ്രൈവ് എന്നാണ് വാഹന പ്രേമികളുടെ വിശ്വാസം.  എവറസ്റ്റ് വൈറ്റ്, ബ്ലേസിംഗ് ബ്രോൺസ് എന്നീ പുതിയ നിറങ്ങൾ ഉൾപ്പെടുത്തിയതായും സൂചനയുണ്ട്. നിലവിൽ വിപണിയിലുള്ള വാഹനത്തിന്‍റെ അതേ സവിശേഷതകളും ട്രിമ്മുകളും 2-വീൽഡ്രൈവിന് ലഭിക്കുന്നു. ഡീസൽ മാനുവൽ, പെട്രോൾ ഓട്ടോമാറ്റിക് എഞ്ചിൻ ഓപ്ഷനുകൾ വാഹനത്തിന് ലഭിക്കുമെന്ന് പ്രതീക്ഷിക്കുന്നു. വിലയുടെ കാര്യത്തിലും വളരെ ആകർഷകമായ പാക്കേജായിരിക്കും ഥാർ എന്നാണ് വിലയിരുത്തൽ. അങ്ങനെയെങ്കിൽ, രാജ്യത്തെ ഏറ്റവും താങ്ങാനാവുന്ന ‘റഫ്റോഡർ’ വാഹനമായി ഥാർ മാറും. വാഹനത്തിന് ഓപ്പൺ ടോപ്പ് ലഭിക്കില്ലെന്നാണ് സൂചനകൾ.  ഇത് ഒരു ഫുൾടൈം ഹാർഡ്-ടോപ്പ് മോഡൽ ആയിരിക്കും. 18 ഇഞ്ച് അലോയ് വീലുകൾ, ഇഎസ്പി, മോൾഡ്ഡ് ഫൂട്ട്സ്റ്റെപ്, ക്രൂയിസ് കൺട്രോൾ തുടങ്ങിയ ഫീച്ചറുകൾ ഉണ്ടാകും.…

വാഷിങ്ടൺ: ട്വിറ്ററിൽ രണ്ടു വർഷമായി നിലനിൽക്കുന്ന രാഷ്ട്രീയ പരസ്യങ്ങൾക്കുള്ള വിലക്ക് നീക്കാൻ ഒരുങ്ങി എലോൺ മസ്ക്. ട്വിറ്റർ സേഫ്റ്റി ഡിവിഷനാണ് വിവരം പുറത്തുവിട്ടത്. വരും ആഴ്ചകളിൽ രാഷ്ട്രീയ പരസ്യങ്ങൾക്കുള്ള അനുമതി ട്വിറ്റർ പുനഃസ്ഥാപിക്കുമെന്ന് പ്രതീക്ഷിക്കുന്നു. 2019ൽ വ്യാപകമായ വിമർശനത്തെ തുടർന്ന് രാഷ്ട്രീയ പരസ്യങ്ങൾക്ക് നിയന്ത്രണം ഏർപ്പെടുത്തിയിരുന്നു. തിരഞ്ഞെടുപ്പ് സമയത്ത് വ്യാജ വിവരങ്ങൾ പ്രചരിപ്പിക്കാനുള്ള സാധ്യത കണക്കിലെടുത്തായിരുന്നു ട്വിറ്ററിന്‍റെ നീക്കം. നേരത്തെ, സമാനമായ രീതിയിൽ രാഷ്ട്രീയ പരസ്യങ്ങൾക്കും ഫേസ്ബുക്ക് നിയന്ത്രണങ്ങൾ ഏർപ്പെടുത്തിയിരുന്നു. നിലവിൽ കടുത്ത സാമ്പത്തിക പ്രതിസന്ധി നേരിടുന്നതിനെ തുടർന്നാണ് ട്വിറ്ററിൻ്റെ തീരുമാനം. മസ്ക് ട്വിറ്റർ ഏറ്റെടുത്തതിന് ശേഷം ബ്ലൂടിക്കിനും പണം ഈടാക്കാൻ തീരുമാനിച്ചു.

ഏറ്റുമാനൂർ: സർക്കാർ സ്ഥാപനങ്ങളിൽ ബയോമെട്രിക് പഞ്ചിംഗ് സംവിധാനം നിലവിൽ വന്നതോടെ കോട്ടയം-എറണാകുളം റൂട്ടിൽ ട്രെയിൻ യാത്രക്കായി വൻ തിരക്കാണ് അനുഭവപ്പെടുന്നത്. വേണാടിൽ യാത്ര ചെയ്താൽ സമയ ബന്ധിതമായി എത്തുമെന്ന് ഉറപ്പില്ലാത്തതിനാൽ എല്ലാ ജീവനക്കാരും പാലരുവി എക്സ്പ്രസിലേക്ക് മാറിയതോടെയാണ് തിരക്ക് വർദ്ധിച്ചത്. രാവിലെ 6.25ന് കോട്ടയത്ത് നിന്ന് പുറപ്പെടുന്ന ട്രെയിൻ നമ്പർ 06444 കൊല്ലം-എറണാകുളം മെമു, 7.05ന് കോട്ടയത്തെത്തുന്ന ട്രെയിൻ നമ്പർ 16791 തിരുനെൽവേലി-പാലക്കാട് പാലരുവി എന്നിവയെ മാത്രമാണ് ഇപ്പോൾ യാത്രക്കാർ ആശ്രയിക്കുന്നത്. എന്നാൽ പാലരുവിയും വേണാടും തമ്മിൽ ഒന്നര മണിക്കൂർ ഇടവേളയുണ്ട്. ഇതോടെ പാലരുവിക്കും വേണാടിനും ഇടയിൽ കോട്ടയത്ത് നിന്ന് എറണാകുളത്തേക്ക് മെമു സർവീസ് ആരംഭിക്കണമെന്ന യാത്രക്കാരുടെ ആവശ്യം ശക്തമാകുകയാണ്. ഇരട്ടപ്പാതയുമായി ബന്ധപ്പെട്ട് വേണാടിന്‍റെ സമയക്രമം പുനഃക്രമീകരിച്ചതും ഇവിടെ നിന്നുള്ള യാത്രക്കാരെ ബാധിച്ചിട്ടുണ്ട്.

തൃശ്ശൂർ: വേതന വർദ്ധനവ് ആവശ്യപ്പെട്ട് സംസ്ഥാനത്തെ സ്വകാര്യ ആശുപത്രികളിലെ നഴ്സിംഗ് ജീവനക്കാർ വീണ്ടും സമരത്തിലേക്ക്. ദിവസവേതനം 1,500 രൂപയാക്കണമെന്ന് ആവശ്യമുന്നയിച്ച് തൃശൂർ ജില്ലയിലെ സ്വകാര്യ നഴ്സിംഗ് ജീവനക്കാർ നാളെ സൂചനാ പണിമുടക്ക് നടത്തും. ആവശ്യങ്ങൾ അംഗീകരിച്ചില്ലെങ്കിൽ സംസ്ഥാന വ്യാപകമായി പണിമുടക്ക് നടത്താനും നഴ്സിംഗ് ജീവനക്കാരുടെ സംഘടനയായ യുഎൻഎയുടെ തീരുമാനം. കൊച്ചി ലേബർ കമ്മീഷണറുടെ ഓഫീസിലും തൃശൂർ ലേബർ കമ്മീഷണറുടെ ഓഫീസിലും രണ്ട് തവണയാണ് വേതന വർദ്ധനവ് സംബന്ധിച്ച് ചർച്ച നടന്നത്. എന്നാൽ കൊച്ചിയിൽ നടന്ന ചർച്ചകൾ തകരുകയും തൃശൂരിലെ ആശുപത്രി മാനേജ്മെന്‍റ് പ്രതിനിധികൾ എത്താതിരിക്കുകയും ചെയ്തതോടെയാണ് യുഎൻഎ പ്രത്യക്ഷ സമരത്തിന് തയാറാവുന്നത്.  സംസ്ഥാന തൊഴിൽ വകുപ്പിന്‍റെ ചട്ടങ്ങൾ വെല്ലുവിളിച്ചാണ് സ്വകാര്യ ആശുപത്രികൾ പ്രവർത്തിക്കുന്നതെന്നും വേതന വർദ്ധനവിന്‍റെ 50 ശതമാനം അനുവദിക്കുന്ന ആശുപത്രികളെ പണിമുടക്കിൽ നിന്ന് ഒഴിവാക്കുന്ന കാര്യം പരിഗണിക്കുമെന്നും യുഎൻഎ അറിയിച്ചു.

തിരുവനന്തപുരം: സുരക്ഷിതമായ ഭക്ഷണം ലഭിക്കുന്ന ഹോട്ടലുകൾക്ക് റേറ്റിംഗ് നൽകുന്ന ഹൈജീൻ ആപ്ലിക്കേഷൻ ഉടൻ സജീവമാകും. ഹോട്ടലുകളുടെ ഗുണനിലവാരവും ശുചിത്വവും റേറ്റ് ചെയ്യുന്ന ആപ്പ് ഈ മാസം 15നകം പുറത്തിറക്കുമെന്ന് ഭക്ഷ്യസുരക്ഷാ കമ്മീഷണർ വി ആർ വിനോദ് പറഞ്ഞു. ഭക്ഷ്യവിഷബാധ ആവർത്തിക്കാൻ കാരണം പരിശോധനകളുടെ അഭാവമല്ലെന്നും എല്ലാവരുടെയും സഹകരണത്തോടെ സുരക്ഷ ഉറപ്പാക്കാനാണു ഉദ്ദേശിക്കുന്നതെന്നും അദ്ദേഹം പറഞ്ഞു. ശുചിത്വം, സൗകര്യങ്ങൾ, ഭക്ഷണ വില എന്നിവയുടെ അടിസ്ഥാനത്തിൽ ഹോട്ടലുകൾക്ക് റേറ്റിംഗ് നൽകുന്നതാണ് ഹൈജീൻ ആപ്ലിക്കേഷൻ. ഈ ആപ്ലിക്കേഷനിലൂടെ, ഹോട്ടലുകളുടെ റേറ്റിംഗ് നോക്കി പൊതുജനങ്ങൾക്ക് ആക്സസ് ചെയ്യാൻ കഴിയും. ദേശീയ ഭക്ഷ്യസുരക്ഷാ അതോറിറ്റി അംഗീകരിച്ച ഏജൻസികളാണ് ഓഡിറ്റിങ്ങിലൂടെ റേറ്റിംഗ് നൽകുക. എല്ലാ ഹോട്ടലുകളെയും ആപ്പിൻ്റെ കീഴിൽ കൊണ്ടുവന്ന് ആപ്പ് സജീവമാക്കുന്നതോടെ പ്രശ്നപരിഹാരമാവുമെന്നാണ് പ്രതീക്ഷ.

കോട്ടയം: ഭക്ഷ്യവിഷബാധയേറ്റ് നഴ്‌സ് രശ്മി രാജ് മരണപ്പെട്ട സംഭവത്തിലെ ‘മലപ്പുറം കുഴിമന്തി’ എന്ന ഹോട്ടലിന് വീണ്ടും അനുമതി നൽകിയതിനെ തുടർന്ന് മുനിസിപ്പൽ ഹെൽത്ത് സൂപ്പർവൈസർക്ക് സസ്പെൻഷൻ. അന്വേഷണ വിധേയമായി നഗരസഭാ ഹെൽത്ത് സൂപ്പർവൈസർ എം.ആർ.സാനുവിനെ സസ്പെൻഡ് ചെയ്യാനുള്ള തീരുമാനം എടുത്തതായി കോട്ടയം ചെയർപേഴ്സൺ ബിൻസി സെബാസ്റ്റ്യൻ അറിയിച്ചു.

തിരുവനന്തപുരം: ശ്രീനിവാസൻ വധക്കേസിലെ ഫയലുകൾ രണ്ട് ദിവസത്തിനകം എൻഐഎയ്ക്ക് കൈമാറാൻ സംസ്ഥാന പോലീസ് മേധാവിയുടെ നിർദേശം. കേസ് ഏറ്റെടുക്കാൻ ആഭ്യന്തര മന്ത്രാലയം നേരത്തെ എൻഐഎയ്ക്ക് നിർദേശം നൽകിയിരുന്നു. ഇത് സംബന്ധിച്ച നിർദേശങ്ങൾ അന്വേഷണ ഉദ്യോഗസ്ഥൻ ഡി.ജി.പിക്കു നൽകി. ശ്രീനിവാസൻ വധക്കേസിൽ ഇതുവരെ 42 പേരാണ് അറസ്റ്റിലായത്. രണ്ട് തവണ 44 പേർക്കെതിരെ പാലക്കാട് കോടതിയിൽ കുറ്റപത്രം സമർപ്പിച്ചു. പോപ്പുലർ ഫ്രണ്ടിനെ നിരോധിക്കാനുള്ള പ്രധാന കാരണങ്ങളിലൊന്ന് ശ്രീനിവാസന്‍റെ കൊലപാതകമാണെന്ന് കേന്ദ്രം ചൂണ്ടിക്കാണിച്ചിരുന്നു. 

തിരുവനന്തപുരം: മെഡിക്കൽ വിദ്യാഭ്യാസ വകുപ്പിൽ സ്ഥാനക്കയറ്റത്തിനുള്ള സർക്കാർ ഉത്തരവിൽ തിരിമറി നടത്തിയെന്നും വ്യാജ രേഖകൾ ചമച്ചെന്നും ആരോഗ്യവകുപ്പ് അഡീഷണൽ ചീഫ് സെക്രട്ടറിയുടെ കണ്ടെത്തൽ. വകുപ്പിൽ അസിസ്റ്റന്‍റ് പ്രൊഫസർമാരുടെ സ്ഥാനക്കയറ്റത്തിന് പിഎച്ച്ഡി ഉള്ളവർക്ക് മുൻഗണന നൽകണമെന്ന 1992 ലെ ഉത്തരവ് അട്ടിമറിക്കാനാണ് വ്യാജ ഉത്തരവ് ഉപയോഗിച്ചത്. പ്രമോഷൻ മരവിപ്പിച്ച വ്യാജ രേഖയിൽ അന്വേഷണവും നടപടിയും നടത്താൻ നിർദ്ദേശം നൽകിയ ശേഷവും തുടർനടപടി എന്തായിരിക്കുമെന്ന കാര്യത്തിൽ യാതൊരു അറിവും ഇല്ല. കഴിഞ്ഞ വർഷം ഏപ്രിലിൽ നാല് ട്യൂട്ടർ ടെക്നീഷ്യൻമാർക്ക് അസിസ്റ്റന്‍റ് പ്രൊഫസർമാരായി സ്ഥാനക്കയറ്റം ലഭിച്ചതോടെയാണ് മെഡിക്കൽ വിദ്യാഭ്യാസ വകുപ്പിലെ ഗുരുതരമായ ക്രമക്കേടുകൾ ആരംഭിച്ചത്. എം.എസ്.സിക്ക് പുറമെ, 3 വർഷത്തെ അധ്യാപന പരിചയവും പി.എച്ച്.ഡിയുമാണ് യോഗ്യതാ മാനദണ്ഡം. പി.എച്ച്.ഡി ഹോൾഡർമാർ ഉണ്ടായിരുന്നപ്പോൾ അവരെ അവഗണിക്കുകയും മറ്റുള്ളവർക്ക് സ്ഥാനക്കയറ്റം നൽകുകയും ചെയ്തതായി പരാതിയുണ്ടായിരുന്നു. സംഭവത്തിൽ മെഡിക്കൽ വിദ്യാഭ്യാസ വകുപ്പിന്‍റെ ഭാഗത്തുനിന്നുണ്ടായ ഗുരുതര വീഴ്ചകൾ അക്കമിട്ട് നിരത്തി ആരോഗ്യവകുപ്പ് അഡീഷണൽ ചീഫ് സെക്രട്ടറി കത്തയച്ചു. സർക്കാർ ഉത്തരവിൽ തെറ്റായി…

ന്യൂഡൽഹി: സിനിമാ തിയേറ്ററുകളിലെന്നപോലെ ഒ.ടി.ടി പ്ലാറ്റ്‌ഫോമുകളിലും പുകയില വിരുദ്ധ മുന്നറിയിപ്പ് നിർബന്ധമാക്കാൻ കേന്ദ്ര സർക്കാർ തീരുമാനം. ഇതിനായി ആരോഗ്യമന്ത്രാലയം ഐ.ടി മന്ത്രാലയത്തിന്‍റെ അഭിപ്രായം തേടി. ആമസോൺ, നെറ്റ്ഫ്ലിക്സ്, ഹോട്ട്സ്റ്റാർ ഉൾപ്പെടെയുള്ള പ്രധാന ഒടിടി പ്ലാറ്റ്‌ഫോമുകളിൽ നിന്നും വിവരങ്ങൾ ആരാഞ്ഞു. ‘ലഹരി ആരോഗ്യത്തിന് ഹാനികരമാണ്’ എന്ന തലക്കെട്ടും സിനിമ ആരംഭിക്കുന്നതിന് മുമ്പ് മുപ്പത് സെക്കൻഡിൽ കുറയാത്ത പരസ്യങ്ങളും ലഹരിയുമായി ബന്ധപ്പെട്ട സിനിമാ ഭാഗങ്ങളിൽ തിയേറ്ററുകളിൽ ഉൾപ്പെടുത്തുന്നുണ്ട്.

ന്യൂഡല്‍ഹി: ഡോക്ടർമാരുടെ അനാസ്ഥ ഉൾപ്പെടെ ദേശീയ മെഡിക്കൽ കമ്മീഷനിൽ പൊതുജനങ്ങൾക്ക് നേരിട്ട് പരാതിപ്പെടാൻ സാധിക്കുന്ന രീതിയിൽ എൻഎംസി നിയമം ഭേദഗതി ചെയ്യും. ജോലിസ്ഥലത്തെ മോശം പെരുമാറ്റം, ചികിത്സാ പിഴവ് തുടങ്ങിയ ഡോക്ടർമാരുടെ പേരിലുള്ള പരാതികളിൽ രോഗിക്ക് നേരിട്ടോ ബന്ധുക്കൾ മുഖേനയോ ദേശീയ മെഡിക്കൽ കമ്മീഷനിൽ അപ്പീൽ നൽകാമെന്ന വ്യവസ്ഥ കൂടി ഉൾക്കൊള്ളിച്ചാണ് എൻഎംസി, 2019 ലെ നിയമം ഭേദഗതി ചെയ്യുക. ഇതിനുള്ള കരട് മാർഗനിർദേശം ആരോഗ്യ മന്ത്രാലയം പുറത്തിറക്കി. 30 ദിവസത്തിനകം sunilk.gupta35@nic.in അല്ലെങ്കിൽ അണ്ടർ സെക്രട്ടറി, മെഡിക്കൽ എജ്യുക്കേഷൻ പോളിസി സെക്ഷൻ, ആരോഗ്യ മന്ത്രാലയം, നിർമാൺ ഭവൻ എന്ന വിലാസത്തിലോ അഭിപ്രായം രേഖപ്പെടുത്താം. നാഷണൽ മെഡിക്കൽ കൗൺസിൽ നിലവിലുണ്ടായിരുന്നപ്പോൾ ഡോക്ടർമാരെക്കുറിച്ചുള്ള പരാതികൾ പൊതുജനങ്ങൾക്ക് നേരിട്ട് അറിയിക്കാമായിരുന്നു. സംസ്ഥാന കൗൺസിൽ നിരസിക്കുന്ന പരാതികളിൽ 60 ദിവസത്തിനുള്ളിൽ ദേശീയ കൗൺസിലിൽ അപ്പീൽ നൽകാം. സംസ്ഥാനത്ത് പരാതി കേൾക്കാൻ ആറു മാസത്തിലേറെ സമയമെടുത്താൽ കൗൺസിലിൽ ഉന്നയിക്കാനും അവസരം നൽകിയിരുന്നു.