Author: News Desk

ബത്തേരി: വയനാട് ബത്തേരിയിൽ ഇറങ്ങിയ കാട്ടാനയെ ഉൾക്കാടിലേക്ക് തുരത്താനുള്ള ശ്രമം തുടരുകയാണ്. കാട്ടാനയെ വെടിവയ്ക്കാൻ ടാസ്ക് ഫോഴ്സ് അനുമതി തേടി. ജനവാസ കേന്ദ്രത്തിന് സമീപമുള്ള കുപ്പാടി വനമേഖലയിലാണ് കാട്ടാന ഇപ്പോഴും തുടരുന്നത്. ഇന്നലെ കുങ്കി ആനകളുടെ സഹായത്തോടെ കാട്ടാനയെ തുരത്താൻ വനംവകുപ്പ് ശ്രമിച്ചെങ്കിലും ഫലമുണ്ടായില്ല. നഗരസഭ ഓഫീസിനും വ്യാപാര സ്ഥാപനങ്ങൾക്കും ഇടയിലുള്ള ദേശീയപാതയിൽ ഒരു മണിക്കൂറോളം ഓടിയ കാട്ടാന കെ.എസ്.ആർ.ടി.സി ബസിന് പിന്നാലെ ആക്രോശിച്ച് പരിഭ്രാന്തി സൃഷ്ടിക്കുകയും സ്വകാര്യ വ്യക്തിയുടെ സ്ഥലത്തെ മതിൽ തകർക്കുകയും ചെയ്തു. പിന്നീട് പിൻവാങ്ങിയെങ്കിലും കാട്ടിലേക്ക് ഇതുവരെ കയറിയിട്ടില്ല. അതേസമയം ബഫർ സോൺ വിഷയത്തിൽ നടപടി ആവശ്യപ്പെട്ട് കോൺഗ്രസ് പ്രവർത്തകർ മുത്തങ്ങ വന്യജീവി സങ്കേതം ഉപരോധിക്കുകയാണ്. പ്രതിഷേധക്കാർ വിനോദസഞ്ചാരികളെ അകത്തേക്ക് കടത്തിവിടുന്നില്ല. ഇതോടെ കാനന സവാരിക്കെത്തിയ വിനോദ സഞ്ചാരികൾ മടങ്ങി.

ന്യൂഡൽഹി: ഡല്‍ഹിയില്‍ കൊടുംതണുപ്പ് തുടരുകയാണ്. പലയിടത്തും വിസിബിലിറ്റി റേഞ്ച് ഏതാനും മീറ്ററുകളായി ചുരുങ്ങി. രാവിലെ മുതൽ വിമാനത്താവള പരിസരത്ത് കനത്ത മൂടൽമഞ്ഞ് ഉണ്ട്. ഭൂരിഭാഗം പ്രദേശങ്ങളിലും താപനില 6.5 ഡിഗ്രി സെൽഷ്യസിൽ താഴെയാണ്. ഡൽഹി അന്താരാഷ്ട്ര വിമാനത്താവളത്തിൽ റൺവേയിലെ വിസിബിലിറ്റി പരിധി 175 മീറ്ററാണ്. സീസണിലെ ഏറ്റവും കുറഞ്ഞ കാഴ്ചാ പരിധിയാണിത്. ഇതേതുടർന്ന് വിമാന സർവീസുകൾ വൈകാൻ സാധ്യതയുണ്ടെന്ന് യാത്രക്കാർക്ക് മുന്നറിയിപ്പ് നൽകിയിരുന്നു. കാഴ്ച പരിധി കുറവായതിനാൽ നിരവധി വിമാനങ്ങൾ ഇന്നലെ വൈകി.

കാസർകോട്: സംസ്ഥാനത്ത് ഭക്ഷ്യവിഷബാധയേറ്റ് മറ്റൊരു മരണം കൂടി. കാസർകോട് കുഴിമന്തി കഴിച്ച പെൺകുട്ടി മരിച്ചു. തലക്ലായിലെ അഞ്ജുശ്രീ പാർവതിയാണ് മരിച്ചത്. ഓൺലൈനിൽ വാങ്ങിയ കുഴിമന്തി കഴിച്ച ശേഷമാണ് ദേഹാസ്വാസ്ഥ്യമുണ്ടായത്. ഗുരുതരാവസ്ഥയിൽ മംഗളൂരുവിലെ സ്വകാര്യ ആശുപത്രിയിലായിരുന്നു അന്ത്യം. ബന്ധുക്കൾ മേൽപ്പറമ്പ് പൊലീസിൽ പരാതി നൽകി. കഴിഞ്ഞ ആറ് ദിവസത്തിനിടെ രണ്ട് പേരാണ് ഭക്ഷ്യവിഷബാധയേറ്റ് മരിച്ചത്.

തിരുവനന്തപുരം: ഷാരൂഖ് ഖാൻ, മമ്മൂട്ടി, ആസിഫ് അലി, മിയ ഖലീഫ എന്നിവർ തിരുവനന്തപുരത്തെ നേമത്ത് മുസ്ലിം ലീഗ് അംഗങ്ങളുടെ പട്ടികയിൽ. നേമം നിയോജക മണ്ഡലത്തിലെ കളിപ്പാന്‍കുളം വാർഡിലാണ് മുസ്ലിം ലീഗ് അംഗത്വ പട്ടികയിൽ പിശകുണ്ടായത്. ഡിസംബർ 31നാണ് മുസ്ലിം ലീഗ് അംഗത്വ വിതരണം അവസാനിച്ചത്. വീടുകൾ സന്ദർശിച്ച് പാർട്ടി അംഗത്വം വിതരണം ചെയ്യാനാണ് ലീഗ് നേതൃത്വം നിർദേശം നൽകിയിരിക്കുന്നത്. ഇത്തരത്തില്‍ അംഗത്വം എടുക്കുന്നവരുടെ പേര്, ആധാർ നമ്പറുകൾ, തിരിച്ചറിയൽ കാർഡ് നമ്പറുകൾ, ഫോൺ നമ്പറുകൾ എന്നിവ നിർദ്ദിഷ്ട ഓൺലൈൻ പോർട്ടലിൽ അപ്ലോഡ് ചെയ്യാനും നിർദ്ദേശം നൽകിയിട്ടുണ്ട്. ഇതിനായി ഓരോ വാർഡിനും സൈറ്റ് വിലാസവും പാസ് വേഡും നൽകി. അംഗത്വ വിതരണത്തിനുശേഷം കോഴിക്കോട്ടെ ഐ.ടി കോ-ഓർഡിനേറ്റർമാരാണ് പരിശോധിച്ചത്.  ഓൺലൈനിൽ അപ്ലോഡ് ചെയ്ത വിവരങ്ങൾ പരിശോധിച്ചപ്പോഴാണ് ഷാരൂഖ് ഖാൻ, മമ്മൂട്ടി, ആസിഫ് അലി, മിയ ഖലീഫ എന്നിവർ ലീഗിൽ ചേർന്നതായി കണ്ടെത്തിയത്. പാർട്ടി അംഗങ്ങളാണ് അംഗത്വം വിതരണം ചെയ്തതെന്ന് ലീഗ് പറയുന്നു. എന്നിരുന്നാലും, കാര്യമായ…

തിരുവനന്തപുരം: ഷാരോൺ വധക്കേസിൽ കേരള പൊലീസ് കുറ്റപത്രം തയ്യാറാക്കി. നെയ്യാറ്റിൻകര കോടതിയിൽ തന്നെ കുറ്റപത്രം സമർപ്പിക്കും. ഹൈക്കോടതി നിർദേശ പ്രകാരമാണ് കേരളത്തിൽ വിചാരണ നടത്താൻ തീരുമാനിച്ചത്. കേസിലെ ഒന്നാം പ്രതിയാണ് ഗ്രീഷ്മ. ഗ്രീഷ്നയുടെ അമ്മ ബിന്ദു രണ്ടാം പ്രതിയും അമ്മാവൻ നിർമൽ കുമാർ മൂന്നാം പ്രതിയുമാണ്. 10 മാസം നീണ്ട ആസൂത്രണത്തിനൊടുവിലാണ് ഗ്രീഷ്മ ഷാരോണിനെ കൊലപ്പെടുത്തിയതെന്ന് പൊലീസ് കുറ്റപത്രത്തിൽ പറയുന്നു. ഈ മാസം 25ന് മുമ്പ് കുറ്റപത്രം സമർപ്പിക്കുമെന്നാണ് പൊലീസ് പറയുന്നത്. ഗ്രീഷ്മയെ അറസ്റ്റ് ചെയ്ത് 90 ദിവസത്തിനു മുമ്പ് കുറ്റപത്രം സമർപ്പിക്കും. കേസിൽ സ്പെഷ്യൽ പബ്ലിക് പ്രോസിക്യൂട്ടറായി അഡ്വക്കേറ്റ് വിനീത് കുമാറിനെ നിയമിച്ചു. നാഗർകോവിലിലെ ഒരു സൈനികനുമായി വിവാഹനിശ്ചയം കഴിഞ്ഞിട്ടും പ്രണയ ബന്ധത്തിൽ നിന്ന് പിൻമാറാതെ വന്നതോടെയാണ്, ഗ്രീഷ്മ ഷാരോണിനെ കൊല്ലാൻ ശ്രമിച്ചത്. നെയ്യൂർ ക്രിസ്ത്യൻ കോളേജിലാണ് ആദ്യ വധശ്രമം നടന്നത്. കടയിൽ നിന്ന് വാങ്ങിയ ഒരു കുപ്പി മാമ്പഴ ജ്യൂസിൽ, 50 ഡോളോ ഗുളികകൾ പൊടിച്ചെടുത്ത് കലർത്തി ഷാരോണിന്…

ഷാജി കൈലാസ് സംവിധാനം ചെയ്യുന്ന ‘ഹണ്ട്’ എന്ന ചിത്രത്തിന്‍റെ ഫസ്റ്റ് ലുക്ക് പോസ്റ്റർ പുറത്തിറങ്ങി. നടൻ പൃഥ്വിരാജിന്‍റെ ഫേസ്ബുക്ക് പേജിലൂടെയാണ് പോസ്റ്റർ പുറത്തുവിട്ടത്. വളരെ രസകരമായ രീതിയിലാണ് പോസ്റ്റർ തയ്യാറാക്കിയിരിക്കുന്നത്. പോസ്റ്ററിൽ, പ്രധാന കഥാപാത്രത്തെ അവതരിപ്പിക്കുന്ന ഭാവനയുടെ വ്യത്യസ്തമായ രൂപം കാണാൻ കഴിയും. ഹൊറർ ത്രില്ലറിന്‍റെ ചിത്രീകരണം പാലക്കാട് പുരോഗമിക്കുകയാണ്. നിഖിൽ ആനന്ദാണ് തിരക്കഥ ഒരുക്കിയിരിക്കുന്നത്. ജാക്സൺ ഛായാഗ്രഹണവും കൈലാസ് മേനോൻ സംഗീതവും നിർവഹിക്കുന്നു. ബോബനാണ് കലാസംവിധാനം. ജയലക്ഷ്മി ഫിലിംസിന്‍റെ ബാനറിൽ കെ രാധാകൃഷ്ണനാണ് ഹണ്ട് നിർമ്മിക്കുന്നത്.

പുനലൂർ : വാടകവീട്ടിൽ കഴിഞ്ഞിരുന്ന പ്രിയ സുഹൃത്തിന് വീട് വച്ചു നൽകി സഹപാഠികൾ. പുനലൂർ ശ്രീനാരായണ കോളേജിലെ പൂർവ്വവിദ്യാർത്ഥികൾ ചേർന്ന് നിർമ്മിച്ച വീടിന്റെ താക്കോൽദാന ചടങ്ങും, പാലുകാച്ചലും കഴിഞ്ഞ ദിവസം നടന്നു. 1978-81 കാലഘട്ടത്തിലെ വിവിധ ഗ്രൂപ്പുകളിൽ പഠിച്ചിരുന്ന വിദ്യാർത്ഥികളുടെ കൂട്ടായ്മയായ ‘ഹിൽടോപ്പ്’ മുൻകൈ എടുത്താണ് ആവണീശ്വരം സ്വദേശി അജയന് വീട് നിർമ്മിച്ചത്. കൂട്ടുകാർ ചേർന്ന് തീർത്ഥം എന്ന് പേരും നൽകി. 11.5 ലക്ഷം രൂപ ചിലവഴിച്ച് 710 ചതുരശ്ര അടിയിൽ എല്ലാവിധ സൗകര്യങ്ങളോടും കൂടിയാണ് കൂട്ടുകാർ അജയന് സമ്മാനിച്ചത്. ഭാര്യയും, രണ്ട് മക്കളും അടങ്ങുന്നതാണ് അജയന്റെ കുടുംബം. വിദേശത്ത് ജോലി ചെയ്യുന്ന സുഹൃത്തുക്കളും പദ്ധതിയുടെ ഭാഗമായി.

കോട്ടയം: പാലായ്ക്കടുത്ത് മാനത്തൂരിൽ ശബരിമല തീർത്ഥാടകരുമായി പോയ ബസ് അപകടത്തിൽപ്പെട്ടു. 14 പേർക്ക് പരിക്കേറ്റു. അഞ്ച് പേർക്ക് ഗുരുതരമായി പരിക്കേറ്റു. പരിക്കേറ്റവരെ കോട്ടയം മെഡിക്കൽ കോളേജിൽ പ്രവേശിപ്പിച്ചു. തമിഴ്നാട്ടിലെ വെല്ലൂർ സ്വദേശികളായ തീർത്ഥാടകരാണ് അപകടത്തിൽപ്പെട്ടത്. ബസ് റോഡിന് സമീപത്തെ മതിലിൽ ഇടിച്ചാണ് അപകടമുണ്ടായത്. ബസിന്റെ ജനൽ ചില്ല് തകർന്ന് പുറത്തേക്ക് തെറിച്ചുവീണവർക്ക് ഗുരുതരമായി പരിക്കേറ്റു. ഡ്രൈവർ ഉറങ്ങിപ്പോയെന്നാണ് പ്രാഥമിക നിഗമനം. രാത്രി ഒരു മണിയോടെയായിരുന്നു അപകടം.

ചെന്നൈ: ജെല്ലിക്കെട്ട് വിഷയത്തിൽ നടൻ കമൽ ഹാസൻ തന്‍റെ തമിഴ്‌വീര്യം പ്രകടിപ്പിച്ച് രംഗത്തെത്തിയിരിക്കുകയാണ്. പൊങ്കൽ ആഘോഷങ്ങളുടെ ഭാഗമായി തമിഴ്നാട്ടിലെ തെക്കൻ ജില്ലകളിൽ നടക്കുന്ന ജെല്ലിക്കെട്ട് ചെന്നൈയിൽ നടത്തുമെന്ന് കമൽ പ്രഖ്യാപിച്ചു. “ജെല്ലിക്കെട്ട് ചെന്നൈയിൽ നടത്തണമെന്നാണ് എന്‍റെ ആഗ്രഹം. ഞാൻ അതിനുള്ള തയ്യാറെടുപ്പിലാണ്. വേദി ഉടൻ പ്രഖ്യാപിക്കും,” വെള്ളിയാഴ്ച ചെന്നൈയിൽ മക്കൾ നീതിമയ്യം പാർട്ടി പ്രതിനിധികളുമായി നടത്തിയ കൂടിക്കാഴ്ചയ്ക്ക് ശേഷം കമൽ ഹാസൻ മാധ്യമപ്രവർത്തകരോട് പറഞ്ഞു. ജെല്ലിക്കെട്ടിനായി വലിയ പ്രക്ഷോഭം നടന്ന ചെന്നൈയിലെ മറീന ബീച്ചിൽ മത്സരം നടത്താനാണ് കമൽ ഹാസൻ ആഗ്രഹിക്കുന്നത്. അധികൃതരുടെ അനുമതി ലഭിച്ചാലുടൻ തയ്യാറെടുപ്പുകൾ ആരംഭിക്കും. തമിഴ്നാട്ടിലെ പരമ്പരാഗത കായിക വിനോദമായ ജെല്ലിക്കെട്ടിന്‍റെ സൗന്ദര്യവും മഹത്വവും നഗരത്തിലെ ജനങ്ങൾക്ക് കാണിച്ചുകൊടുക്കുകയാണ് തന്‍റെ ലക്ഷ്യമെന്നും കമൽ പറഞ്ഞു.

തിരുവനന്തപുരം: ഹാരി രാജകുമാരന്‍റെ ആത്മകഥയിലെ പരാമർശങ്ങൾക്കെതിരെ താലിബാൻ രംഗത്തെത്തി. ഹാരി കൊന്നവർ ചതുരംഗത്തിലെ കരുക്കൾ അല്ലെന്നും ബന്ധുക്കളും കുടുംബവുമുള്ള മനുഷ്യർ ആയിരുന്നുവെന്നും താലിബാൻ നേതാവ് അനസ് ഹഖാനി പറഞ്ഞു. ഹാരിയുടെ പുസ്തകം ബ്രിട്ടനിൽ വിവാദ കൊടുങ്കാറ്റ് ഉയർത്തിയിട്ടും രാജകുടുംബം നിശബ്ദത പാലിക്കുകയാണ്. ചാൾസ് രാജാവിന്‍റെയും ഡയാന രാജകുമാരിയുടെയും മകനായ ഹാരി 42-ാം വയസ്സിൽ ‘സ്പെയർ’ എന്ന തന്‍റെ പുസ്തകത്തിലൂടെ ബ്രിട്ടനിൽ വിവാദ കൊടുങ്കാറ്റ് സൃഷ്ടിച്ചു. വ്യോമസേനയിൽ പൈലറ്റായി സേവനമനുഷ്ഠിക്കുന്നതിനിടെ 25 താലിബാൻകാരെ വധിച്ചതായി ഹാരി അവകാശപ്പെടുന്നു. ഹാരിയുടെ സുരക്ഷയ്ക്ക് ഭീഷണിയാണ് ഈ പരാമർശമെന്ന് പ്രതിരോധ വിദഗ്ധർ പറഞ്ഞു. താലിബാൻ നേതാവ് അനസ് ഹഖാനി ഹാരിയുടെ പരാമർശത്തോട് രൂക്ഷമായി പ്രതികരിച്ചു. “ഹാരി, നിങ്ങൾ പച്ച മനുഷ്യരെയാണ് കൊന്നത്, ചെസ്സ് കളത്തിലെ കരുക്കളെയല്ല,” താലിബാൻ നേതാവ് ട്വീറ്റ് ചെയ്തു. ഹാരിയുടെ പ്രസ്താവന രാജ്യസുരക്ഷയ്ക്ക് ഭീഷണിയാണെന്ന് ചില മുൻ സൈനിക ഉദ്യോഗസ്ഥരും അഭിപ്രായപ്പെട്ടു.