Author: News Desk

ദെഹ്‌റാദൂണ്‍: വിചിത്രമായ ഭൗമശാസ്ത്ര പ്രതിഭാസം മൂലം നിരവധി വീടുകൾ തകർന്ന് അപകടാവസ്ഥയിലായ ജോശിമഠില്‍ 600 കുടുംബങ്ങളെ സുരക്ഷിത സ്ഥാനങ്ങളിലേക്ക് മാറ്റാൻ നിർദ്ദേശം നൽകി. ഉത്തരാഖണ്ഡ് മുഖ്യമന്ത്രി പുഷ്കർ സിംഗ് ധാമിയാണ് കുടുംബങ്ങളെ മാറ്റാൻ ഉത്തരവിട്ടത്. ധാമി ശനിയാഴ്ച സ്ഥലം സന്ദർശിക്കും. മണ്ണിടിഞ്ഞു താഴ്ന്നത് പരിശോധിക്കാൻ കേന്ദ്രം വിദഗ്ധ സംഘത്തെ നിയോഗിച്ചിരുന്നു. മനുഷ്യവാസ കേന്ദ്രങ്ങൾ, കെട്ടിടങ്ങൾ, ഹൈവേകൾ, നദിയുമായി ബന്ധപ്പെട്ട സ്ഥലങ്ങൾ എന്നിവ സംഘം പരിശോധിക്കും. അടിയന്തരമായി സ്വീകരിക്കേണ്ട നടപടികളിലും ദീർഘകാലാടിസ്ഥാനത്തിൽ സ്വീകരിക്കേണ്ട പരിഹാരങ്ങളെക്കുറിച്ചും ഉടൻ തീരുമാനമെടുക്കുമെന്നും മുഖ്യമന്ത്രി പറഞ്ഞു. പ്രദേശത്ത് ആരോഗ്യ സൗകര്യങ്ങൾ ഉണ്ടായിരിക്കണമെന്നും ആവശ്യമെങ്കിൽ വ്യോമമാര്‍ഗമുള്ള രക്ഷാപ്രവർത്തനത്തിന് തയ്യാറാകണമെന്നും ധാമി നിർദ്ദേശിച്ചു.

ഡൽഹി: യൂണിഫൈഡ് പേയ്മെന്‍റ് ഇന്‍റർഫേസുമായി (യുപിഐ) ബന്ധിപ്പിച്ച് രൂപയുടെ വിദേശ വ്യാപാരത്തിന്‍റെ ചെലവ് കുറയ്ക്കാൻ റിസർവ് ബാങ്ക് ഓഫ് ഇന്ത്യ (ആർബിഐ) ശ്രമിക്കുന്നുവെന്ന് റിസർവ് ബാങ്ക് ഗവർണർ ശക്തികാന്ത ദാസ് പറഞ്ഞു. ഇത്തരം വ്യാപാരവുമായി ബന്ധപ്പെട്ട് സെൻട്രൽ ബാങ്ക് ദക്ഷിണേഷ്യൻ രാജ്യങ്ങളുമായി ചർച്ച നടത്തി വരികയാണ്. നിലവിൽ രണ്ട് രാജ്യങ്ങളിലെ ബാങ്കുകൾ വഴിയാണ് രൂപയുടെ വിദേശവ്യാപാരം നടക്കുന്നത്. ഇത് പിന്നീട് പണത്തെ പ്രാദേശിക വിനിമയ മൂല്യമാക്കി മാറ്റുന്നു. അവിടെ ഉപഭോക്താക്കൾ 10 ശതമാനം വരെ കമ്മീഷൻ നൽകണം. മാത്രമല്ല, ഈ പ്രക്രിയ ചെലവേറിയതും സമയമെടുക്കുന്നതുമാണ്. ഇന്ത്യയിലെ ഏറ്റവും വേഗത്തിൽ വളരുന്ന പേയ്മെന്‍റ് സിസ്റ്റങ്ങളിലൊന്നാണ് യുപിഐ. രൂപയിലുള്ള വിദേശ വ്യാപാരത്തെ യുപിഐയുമായി ബന്ധിപ്പിക്കുന്നതിലൂടെ ചെലവ് കുറയ്ക്കാനും തൽക്ഷണ പണ കൈമാറ്റം നടത്താനും കഴിയും. ഉക്രൈനിലെ യുദ്ധത്തെ തുടർന്നുണ്ടായ ഊർജ്ജ പ്രതിസന്ധിയും ധനനയം കർശനമാക്കിയതും സാമ്പത്തിക വിപണികളിലെ അസ്ഥിരതയ്ക്ക് കാരണമായി. ഇത് വില വർദ്ധിപ്പിക്കാൻ ദക്ഷിണേഷ്യൻ സമ്പദ് വ്യവസ്ഥസ്ഥയിൽ സമ്മർദ്ദം ചെലുത്തി. അതിനാൽ, വില…

കാസർകോട്: മൈസൂർ ബാബാ അറ്റോമിക് റിസർച്ച് സെന്‍ററിലെ ഉദ്യോഗസ്ഥരുമായി വിനോദയാത്രയ്ക്കായി പോയ ബസ് റാണിപുരം പനത്തടി ടൗണിൽ വെച്ച് അപകടത്തിൽപ്പെട്ടു. 49 യാത്രക്കാരാണ് ബസിലുണ്ടായിരുന്നത്. പരിക്കേറ്റ 20ലധികം പേരെ പൂടംകല്ല് താലൂക്ക് ആശുപത്രിയിൽ പ്രവേശിപ്പിച്ചു. ഒരാളെ അവിടെ നിന്ന് ജില്ലാ ആശുപത്രിയിലേക്ക് മാറ്റി. ആർക്കും ഗുരുതരമായി പരിക്കേറ്റിട്ടില്ലെന്ന് താലൂക്ക് ആശുപത്രി അധികൃതർ അറിയിച്ചു.

ഇ-കൊമേഴ്സ് ഭീമനായ ആലിബാബയുടെ സ്ഥാപകനും ചൈനയിലെ ശതകോടീശ്വരനുമായ ജാക്ക് മാ ആന്റ് ഗ്രൂപ്പിന്‍റെ നിയന്ത്രണം ഉപേക്ഷിക്കുന്നു. ശനിയാഴ്ച പുറത്തിറക്കിയ വിജ്ഞാപനമനുസരിച്ച്, ആന്റ് ഗ്രൂപ്പിനെ ഇനി 10 അംഗ സംഘമാണ് നിയന്ത്രിക്കുക. അപ്രതീക്ഷിതമായ തിരിച്ചടിയാണ് ലോകത്തിലെ ഏറ്റവും വലിയ ഫിൻടെക് പ്ലാറ്റ്ഫോമായ ആന്‍റ് ഗ്രൂപ്പിന്‍റെ തലപ്പത്ത് നിന്ന് പടിയിറങ്ങാൻ അദ്ദേഹത്തെ പ്രേരിപ്പിച്ചതെന്നാണ് റിപ്പോർട്ടുകൾ. മാർക്കറ്റിൽ ലിസ്റ്റുചെയ്യുന്നതിന്‍റെ തലേദിവസം റെഗുലേറ്റർമാരെ വിമർശിച്ച് ജാക്ക് മാ നടത്തിയ പ്രസംഗത്തിന് ശേഷം അദ്ദേഹം പൊതുവേദികളിൽ നിന്ന് അപ്രത്യക്ഷനായി. ചൈനീസ് റെഗുലേറ്റര്‍മാര്‍ സമയം നഷ്ടപ്പെടുത്തുന്നുവെന്നും നവീന ആശയങ്ങളെ നിരുത്സാഹപ്പെടുത്തുന്നുവെന്നുമായിരുന്നു വിമര്‍ശനം. വിമർശനത്തെ തുടർന്നാണ് ആലിബാബയ്ക്കെതിരെ സർക്കാർ അന്വേഷണത്തിന് ഉത്തരവിട്ടത്. ഷാങ്ഹായ്, ഹോങ്കോംഗ് എന്നിവിടങ്ങളിൽ ആന്റ് ഗ്രൂപ്പിന്‍റെ 37 ബില്യൺ ഡോളറിന്‍റെ ഐപിഒയും ചൈനീസ് സർക്കാർ തടഞ്ഞു. മാ-യോട് രാജ്യം വിടാൻ ആവശ്യപ്പെട്ടു. പിന്നീട് മാസങ്ങളോളം ആരും അയാളെ കണ്ടില്ല. ലോകമാധ്യമങ്ങളിൽ വാർത്തകൾ വന്നപ്പോൾ നിരീക്ഷണത്തിലാണെന്ന് മാത്രമാണ് ചൈനീസ് സർക്കാർ പറഞ്ഞത്.

കോഴിക്കോട്: 61-ാമത് സംസ്ഥാന സ്കൂൾ കലോൽസവം ഇന്ന് കൊടിയിറങ്ങുമ്പോൾ, സ്വർണ്ണ കപ്പിന്‍റെ ഉടമ ആരായിരിക്കും? ആതിഥേയരായ കോഴിക്കോടാകുമോ അതോ അതിഥികൾ അത് കൊണ്ടുപോകുമോ? എല്ലാവരും ആവേശത്തിലാണ്. അഞ്ച് ദിവസം നീണ്ടുനിന്ന ഉത്സവത്തിന്റെ അവസാന ദിവസത്തെ ഫലങ്ങൾ അറിയാൻ എല്ലാവരും കാത്തിരിക്കുകയാണ്. കോഴിക്കോട് നിന്ന് എവിടെയും കപ്പ് പോകില്ലെന്ന് പറയുന്നവരുണ്ട്. പക്ഷേ, ഇത്തവണ അത് കണ്ണുരിലേക്കാണെന്ന് പറയുന്നവരുമുണ്ട്. ഏതായാലും പോയിന്‍റ് പട്ടികയിൽ കോഴിക്കോടാണ് ഒന്നാമത്. കണ്ണൂരാണ് രണ്ടാം സ്ഥാനത്ത്. ഇനി 11 ഇനങ്ങൾ കൂടി ശേഷിക്കെ കിരീടപ്പോരാട്ടം കടുപ്പമേറിയതാകുകയാണ്. കോഴിക്കോടിന് 891 പോയിന്‍റാണുള്ളത്. കണ്ണൂരിന് 883 പോയിന്റുണ്ട്. 872 പോയിന്‍റാണ് പാലക്കാടിനുള്ളത്. നാടോടിനൃത്തം, പരിചമുട്ട്, കേരളനടനം, വഞ്ചിപ്പാട്ട് എന്നിവ ഇന്ന് അരങ്ങിലെത്തും. ഇന്നലെ വരെ കണ്ണൂരിനായിരുന്നു ആധിപത്യം. കഴിഞ്ഞ തവണ 2 പോയിന്‍റിന്‍റെ വ്യത്യാസത്തിലാണ് കോഴിക്കോടിന് കപ്പ് നഷ്ടമായത്. കോഴിക്കോട് മിക്ക ഇനങ്ങളിലും പങ്കെടുത്തിട്ടുണ്ട്. തുടക്കം മുതൽ മുന്നേറ്റം തുടർന്ന കണ്ണൂരിന് നാലാം ദിനം കാലിടറി. നാടകം, തിരുവാതിര, സംഘനൃത്തം എന്നിവയുൾപ്പെടെയുള്ള മത്സരങ്ങളുടെ…

കുമരകവും ബേപ്പൂരും കേന്ദ്രസർക്കാരിന്റെ സ്വദേശ് ദർശൻ 2.0 ടൂറിസം പദ്ധതിയുടെ ഭാഗമാക്കി. സംസ്ഥാന ടൂറിസം വകുപ്പിന്‍റെ നിർദ്ദേശം പരിശോധിച്ച ശേഷമാണ് കേന്ദ്ര ടൂറിസം മന്ത്രാലയം പദ്ധതിയുടെ രണ്ടാം ഘട്ടത്തിൽ ഈ രണ്ട് സ്ഥലങ്ങളും ഉൾപ്പെടുത്തിയത്. കേരളത്തിലേക്ക് കൂടുതൽ വിനോദസഞ്ചാരികളെ ആകർഷിക്കുന്നതിനുള്ള പദ്ധതികൾ നടപ്പാക്കാൻ ഇത് സഹായിക്കുമെന്ന് സംസ്ഥാന ടൂറിസം മന്ത്രി പി.എ മുഹമ്മദ് റിയാസ് പറഞ്ഞു. സ്വദേശ് ദർശൻ പദ്ധതി പ്രകാരം 19 സംസ്ഥാനങ്ങളിലെ 36 കേന്ദ്രങ്ങളെയാണ് ഉള്‍പ്പെടുത്തിയത്. ആഭ്യന്തര ടൂറിസം വികസിപ്പിക്കുന്നതിനായി 2015 ലാണ് കേന്ദ്ര സർക്കാർ ഈ പദ്ധതി ആരംഭിച്ചത്. ടൂറിസം മന്ത്രാലയത്തിന്‍റെ കണക്കനുസരിച്ച് ഇതുവരെ 76 പദ്ധതികൾക്ക് അംഗീകാരം നൽകിയിട്ടുണ്ട്. രണ്ടാം ഘട്ടത്തിൽ കേരളം, ആന്ധ്രാപ്രദേശ്, തമിഴ്നാട്, കർണാടക എന്നീ സംസ്ഥാനങ്ങളെ ദക്ഷിണേന്ത്യയിൽ നിന്ന് ഉൾപ്പെടുത്തിയിട്ടുണ്ട്. കർണാടകയിലെ ഹംപി, മൈസൂരു നഗരവും പദ്ധതിയുടെ ഭാഗമാണ്. കഴിഞ്ഞ വർഷത്തെ പൊതുബജറ്റിൽ 1,151 കോടി രൂപയാണ് പദ്ധതിക്കായി വകയിരുത്തിയത്.

തിരുവനന്തപുരം: സംസ്ഥാനത്തെ ഞെട്ടിച്ച് ദിവസങ്ങൾക്കുള്ളിൽ ഭക്ഷ്യവിഷബാധയേറ്റ് രണ്ട് പേർ മരിച്ച സംഭവത്തിൽ പ്രതികരണവുമായി ആരോഗ്യമന്ത്രി വീണാ ജോർജ്. മായം ചേർക്കുന്നത് ക്രിമിനൽ കുറ്റമാണ്. കാസർകോട് പെൺകുട്ടിയുടെ മരണത്തിന്‍റെ വിശദാംശങ്ങൾ തേടിയിട്ടുണ്ടെന്നും ഭക്ഷ്യസുരക്ഷാ കമ്മീഷണറുടെ റിപ്പോർട്ട് ലഭിച്ചാലുടൻ നടപടി സ്വീകരിക്കുമെന്നും മന്ത്രി പറഞ്ഞു. ഭക്ഷണത്തിൽ മായം ചേർക്കുന്നവർക്കെതിരെ കേസെടുക്കുമ്പോൾ ശക്തമായ വകുപ്പുകൾ ചുമത്തണം. ഭക്ഷണത്തിൽ മായം കലർത്തുന്ന സ്ഥാപനങ്ങൾ അടച്ചിട്ടുകഴിഞ്ഞാൽ തുറക്കാൻ കഴിയില്ല. സംസ്ഥാനത്തുടനീളം പരിശോധനാ അധികാരങ്ങളുള്ള പ്രത്യേക ടാസ്ക് ഫോഴ്സ് ഉടൻ രൂപീകരിക്കും. പ്രത്യേക ടാസ്ക് ഫോഴ്സ് രൂപീകരിച്ച് രണ്ടോ മൂന്നോ ദിവസത്തിനകം ഉത്തരവ് പുറപ്പെടുവിക്കും. ഉദ്യോഗസ്ഥർക്ക് ഭയമില്ലാതെ നടപടിയെടുക്കാൻ കഴിയുമെന്ന് സർക്കാർ ഉറപ്പാക്കും. ഉദ്യോഗസ്ഥർ നിയമങ്ങൾ ദുരുപയോഗം ചെയ്യരുതെന്നും മന്ത്രി പറഞ്ഞു. കാസർകോട് സ്വദേശിനിയായ അഞ്ജുശ്രീ പാർവ്വതി കുഴിമന്തി കഴിച്ച് മരിച്ച പശ്ചാത്തലത്തിലായിരുന്നു മന്ത്രിയുടെ പ്രതികരണം. നേരത്തെ കോട്ടയത്ത് രമ്യ എന്ന സ്ത്രീ ഭക്ഷ്യവിഷബാധയേറ്റ് മരിച്ചിരുന്നു. ഈ സാഹചര്യത്തിലാണ് ഭക്ഷ്യസുരക്ഷാ വകുപ്പ് ഹോട്ടലുകളിൽ പരിശോധന കർശനമാക്കിയത്.

ന്യൂഡല്‍ഹി: വിമാനത്തിലെ ബിസിനസ് ക്ലാസിൽ യാത്ര ചെയ്യുന്നതിനിടെ മദ്യലഹരിയിൽ സഹയാത്രികയുടെ മേൽ മൂത്രം ഒഴിച്ച കേസിൽ ശങ്കർ മിശ്ര അറസ്റ്റിൽ. ബംഗളൂരുവിൽ നിന്നാണ് ഇയാളെ ഡൽഹി പോലീസ് അറസ്റ്റ് ചെയ്തത്. മിശ്ര ബെംഗളൂരുവിലുണ്ടെന്ന വിവരം ലഭിച്ചതിനെ തുടർന്ന് ഡൽഹി പൊലീസ് ഒരു സംഘത്തെ കർണാടകയിലേക്ക് അയച്ചിരുന്നു. ഫോൺ സ്വിച്ച് ഓഫായിരുന്നെങ്കിലും സോഷ്യൽ മീഡിയയിലൂടെ ഇയാൾ സുഹൃത്തുക്കളുമായി സമ്പർക്കം പുലർത്തിയിരുന്നു. ഇത് നിരീക്ഷിച്ചതില്‍ നിന്ന് ലഭിച്ച വിവരങ്ങളുടെ അടിസ്ഥാനത്തിലാണ് പ്രതിയെ പൊലീസ് അറസ്റ്റ് ചെയ്തത്. ഒരിടത്ത് ക്രെഡിറ്റ് കാർഡ് ഉപയോഗിച്ചതായും പൊലീസ് കണ്ടെത്തി. ന്യൂയോർക്കിൽ നിന്ന് ഡൽഹിയിലേക്കുള്ള എയർ ഇന്ത്യ വിമാനത്തിലെ സഹയാത്രികയുടെ മേൽ ഇയാൾ മൂത്രം ഒഴിക്കുകയായിരുന്നു. നവംബർ 26ന് നടന്ന സംഭവത്തെക്കുറിച്ച് കഴിഞ്ഞ ദിവസം കമ്പനിക്ക് കത്തയച്ചതോടെയാണ് വിവരം പുറത്തറിയുന്നത്.

ചെന്നൈ: മദ്യം വാങ്ങുന്നതിന് ലൈസൻസ് നിർബന്ധമാക്കാൻ മദ്രാസ് ഹൈക്കോടതിയുടെ മധുര ബെഞ്ച് തമിഴ്നാട് സർക്കാരിന് നിർദ്ദേശം നൽകി. ഇക്കാര്യത്തിൽ സംസ്ഥാന സർക്കാരിനും പൊലീസ് മേധാവിക്കും നിർദ്ദേശം നൽകുന്ന കാര്യം പരിഗണിക്കണമെന്ന് കോടതി കേന്ദ്ര സർക്കാരിനോട് ആവശ്യപ്പെട്ടു. മദ്യാസക്തി വർദ്ധിക്കുകയും പ്രായപൂർത്തിയാകാത്ത പല വിദ്യാർത്ഥികളും മദ്യത്തിന് അടിമകളാകുകയും ചെയ്യുന്നത് ചൂണ്ടിക്കാട്ടിയാണ് മദ്യവിൽപ്പനയ്ക്ക് കർശന നിയന്ത്രണം ഏർപ്പെടുത്തണമെന്ന ആവശ്യം ഉയർന്നത്. 21 വയസ്സ് തികയാത്തവർക്ക് മദ്യം വിൽക്കുന്നില്ലെന്ന് ഉറപ്പാക്കാൻ ലൈസൻസ് നൽകണം. ലൈസൻസുള്ളവർക്ക് മാത്രമേ മദ്യം വാങ്ങാനും ഉപയോഗിക്കാനും കഴിയൂ എന്നും ഉറപ്പാക്കണം. സംസ്ഥാന സർക്കാരിന്റെ നിയന്ത്രണത്തിലുള്ള ടാസ്മാക് മദ്യവിൽപ്പന ശാലകളുടെ വിൽപ്പന സമയം ഉച്ചയ്ക്ക് 2 മുതൽ രാത്രി 8 വരെയാക്കണമെന്നും കോടതി നിർദ്ദേശിച്ചു. ബാറുകൾ, പബ്ബുകൾ, സർക്കാർ ഉടമസ്ഥതയിലുള്ള ടാസ്മാക് മദ്യവിൽപ്പന ശാലകൾ എന്നിവയുടെ പ്രവർത്തന സമയം കുറയ്ക്കണമെന്നും പ്രായപൂർത്തിയാകാത്തവർക്ക് മദ്യം വിൽക്കുന്നില്ലെന്ന് ഉറപ്പാക്കണമെന്നും ആവശ്യപ്പെട്ടുള്ള രണ്ട് ഹർജികൾ പരിഗണിക്കുകയായിരുന്നു കോടതി. ജസ്റ്റിസ് മഹാദേവൻ, ജസ്റ്റിസ് സത്യനാരായണ പ്രസാദ് എന്നിവരടങ്ങിയ ബെഞ്ചാണ്…

തിരുവനന്തപുരം: കാര്യവട്ടം ഗ്രീൻഫീൽഡ് സ്റ്റേഡിയത്തിൽ നടക്കുന്ന ഇന്ത്യ-ശ്രീലങ്ക ഏകദിന മത്സരത്തിനുള്ള ടിക്കറ്റ് വിൽപ്പന ഇന്ന് ആരംഭിക്കും. മത്സരത്തിനായി ഇരുടീമുകളും 13ന് തിരുവനന്തപുരത്ത് എത്തും. ഏകദിന പരമ്പരയിലെ അവസാന മത്സരം തിരുവനന്തപുരത്ത് നടക്കും. ജനുവരി 15ന് ഉച്ചയ്ക്ക് 1.30നാണ് മത്സരം ആരംഭിക്കുക. 2018 നവംബർ ഒന്നിനാണ് ആദ്യ ഏകദിനം സ്റ്റേഡിയത്തിൽ നടന്നത്. അന്ന് വെസ്റ്റ് ഇൻഡീസിനെതിരായ മത്സരത്തിൽ ഇന്ത്യ വിജയിച്ചു. കഴിഞ്ഞ വർഷം സെപ്റ്റംബറിൽ ദക്ഷിണാഫ്രിക്കയെ ഇവിടെ നടന്ന ടി20യിൽ ഇന്ത്യ തോൽപ്പിച്ചിരുന്നു. ശനിയാഴ്ച വൈകീട്ട് അഞ്ചിന് തിരുവനന്തപുരം ഹയാത്ത് റീജന്‍സിയില്‍ നടക്കുന്ന ചടങ്ങില്‍ മന്ത്രി ജി.ആര്‍. അനില്‍ ടിക്കറ്റ് വില്‍പ്പന ഉദ്ഘാടനം ചെയ്യും. ഫസ്റ്റ് ക്ലാസ് മത്സരത്തിൽ 5000 റൺസ് തികയ്ക്കുന്ന കേരളത്തിലെ ആദ്യ താരമായ രോഹൻ പ്രേമിനെ ചടങ്ങിൽ ആദരിക്കും. കെ.സി.എ. പ്രസിഡന്‍റ് ജയേഷ് ജോർജ്, സെക്രട്ടറി വിനോദ് എസ്.കുമാർ തുടങ്ങിയവർ പങ്കെടുക്കും.