Author: News Desk

ബ്രിസ്‌ബേൻ: ഓസ്ട്രേലിയൻ ശാസ്ത്രജ്ഞർ വിപ്ലവകരമായ ഒരു പുതിയ ദൗത്യത്തിന് തുടക്കമിട്ടു. 2025 ഓടെ ചന്ദ്രനിൽ സസ്യങ്ങൾ വളർത്താനാണ് ശാസ്ത്രജ്ഞർ പദ്ധതിയിടുന്നത്. ഭാവിയിൽ ഒരു കോളനിക്ക് വഴിയൊരുക്കാൻ ഇത് സഹായിക്കുമെന്ന് അവർ പറഞ്ഞു. സ്വകാര്യ ഇസ്രായേലി ചാന്ദ്ര ദൗത്യമായ ബെറെഷീറ്റ് 2 ബഹിരാകാശ പേടകം വഴി വിത്തുകൾ ചന്ദ്രനിൽ എത്തിക്കുമെന്ന് ക്വീൻസ്‌ലാന്റ് യൂണിവേഴ്‌സിറ്റി ഓഫ് ടെക്‌നോളജിയിലെ ജീവശാസ്ത്രജ്ഞനായ ബ്രെറ്റ് വില്യംസ് പറഞ്ഞു. ലാൻഡ് ചെയ്ത ശേഷം അവ സീൽ ചെയ്ത ചേമ്പറിനുള്ളിൽ നനയ്ക്കുകയും മുളയ്ക്കലിന്‍റെയും വളർച്ചയുടെയും ലക്ഷണങ്ങൾ നിരീക്ഷിക്കുകയും ചെയ്യും. വിഷമകരമായ സാഹചര്യങ്ങളെ അവ എത്ര നന്നായി നേരിടുന്നുവെന്നും അവ എത്ര വേഗത്തിൽ മുളയ്ക്കുന്നുവെന്നും അടിസ്ഥാനമാക്കിയാണ് സസ്യങ്ങളുടെ തിരഞ്ഞെടുപ്പ്, അദ്ദേഹം പറഞ്ഞു. ഓസ്ട്രേലിയൻ റിസറക്ഷൻ ഗ്രാസ് ആണ് ചന്ദ്രനിൽ നടാൻ ഏറ്റവും സാധ്യതയുള്ളത്. കാരണം ഏത് വിഷമകരമായ സാഹചര്യത്തിലും സ്വയം അതിജീവിക്കാനുള്ള കഴിവ് ഈ സസ്യത്തിനുണ്ട്. മാസങ്ങളോളം വെള്ളം കിട്ടിയില്ലെങ്കിലും അവ അതിജീവിക്കും. ഭക്ഷണം, മരുന്ന്, ഓക്സിജൻ ഉൽപാദനം എന്നിവയ്ക്കായി സസ്യങ്ങൾ വളർത്തുന്നതിനുള്ള…

യുഎഇ: യു.എ.ഇ.യിൽ 60 ദിവസത്തെ വിസിറ്റിംഗ് വിസ വിതരണം പുനരാരംഭിച്ചതായി ട്രാവൽ ഏജന്‍റുമാർ സ്ഥിരീകരിച്ചു. ഫെഡറൽ അതോറിറ്റി ഫോർ ഐഡന്‍റിറ്റി, സിറ്റിസൺഷിപ്പ്, കസ്റ്റംസ്, പോർട്ട് സെക്യൂരിറ്റിയുടെ വിജ്ഞാപനം അനുസരിച്ച് ഒക്ടോബർ 3 മുതൽ പ്രാബല്യത്തിൽ വന്ന അഡ്വാൻസ്ഡ് വിസ സിസ്റ്റം എന്നറിയപ്പെടുന്ന വിപുലമായ പരിഷ്കാരങ്ങളുടെ ഭാഗമാണിത്. 90 ദിവസത്തെ ടൂറിസ്റ്റ് വിസ താൽക്കാലികമായി നിർത്തിവച്ചതിനെ തുടർന്നാണ് 60 ദിവസത്തെ വിസ വീണ്ടും നൽകി തുടങ്ങിയത്. എന്നാൽ 60 ദിവസത്തെ വിസ നീട്ടാൻ കഴിയില്ല. ആവശ്യമെങ്കിൽ 30 ദിവസത്തെ വിസ നീട്ടാൻ കഴിയും.

ആദ്യ വാരാന്ത്യത്തിൽ ഹിറ്റ് ചാർട്ടുകളിൽ ഇടം നേടുകയാണ് മമ്മൂട്ടിയുടെ ‘റോഷാക്ക്’. നിസാം ബഷീർ സംവിധാനം ചെയ്ത ഈ ചിത്രം മലയാളത്തിൽ ഇന്നേവരെ കണ്ടിട്ടില്ലാത്ത അവതരണ ശൈലിയുള്ള പ്രതികാര കഥയാണ്. പൊടുന്നനെയുള്ള റിലീസ് പ്രഖ്യാപനവും അവധിക്ക് ശേഷമുള്ള റിലീസും ചിത്രത്തിന്‍റെ പ്രീ-റിലീസ് ബുക്കിംഗിനെ പ്രതികൂലമായി ബാധിച്ചിരുന്നു. എന്നാൽ മികച്ച റിവ്യൂ വരാൻ തുടങ്ങിയതോടെ ചിത്രം സിനിമ പ്രേമികളുടെ ശ്രദ്ധയാകർഷിച്ചിരിക്കുകയാണ്. ട്രേഡ് അനലിസ്റ്റുകളുടെ അഭിപ്രായത്തിൽ, ആദ്യ ദിവസം ആഗോളതലത്തിൽ 5.5 കോടി രൂപയും രണ്ടാം ദിവസം 6 കോടിയിലധികം രൂപയും മൂന്നാം ദിവസം 7 കോടിയിലധികം രൂപയും ചിത്രം നേടി. ആദ്യ വാരാന്ത്യം കഴിയുമ്പോള്‍ ആഗോള കളക്ഷന്‍ 19-20 കോടി രൂപയാണ്. മികച്ച തിയറ്റര്‍ അനുഭവം സമ്മാനിക്കുന്നതും ആരാധകരെ സംതൃപ്തരാക്കുന്നതുമാണ് ചിത്രമെന്ന് നിരൂപകര്‍ പറയുന്നു. മികച്ച സൈക്കോളജിക്കല്‍ ത്രില്ലറുകളുടെ ഗണത്തില്‍ ചിത്രം വരുമെന്നാണ് അഭിപ്രായമുയരുന്നത്. ആറ് കോടി രൂപയിൽ താഴെ ചെലവിൽ മമ്മൂട്ടിയുടെ കമ്പനിയുടെ ബാനറിൽ നിർമ്മിച്ച ചിത്രം ഇതിനകം തന്നെ നിർമ്മാതാക്കൾക്ക് മികച്ച…

കീവ്: ഉക്രൈനെതിരെ റഷ്യ ആക്രമണം ശക്തമാക്കി. തലസ്ഥാനമായ കീവിൽ മിസൈൽ ആക്രമണം നടന്നു. തിങ്കളാഴ്ച രാവിലെ എട്ട് മണിയോടെയാണ് കീവ് മേഖലയിൽ തുടർച്ചയായ മിസൈൽ ആക്രമണം നടന്നത്. കീവിലെ മിസൈൽ ആക്രമണത്തിൽ നിരവധി വാഹനങ്ങൾക്ക് കേടുപാടുകൾ സംഭവിച്ചു. എന്നാൽ, ആളപായമൊന്നും റിപ്പോർട്ട് ചെയ്തിട്ടില്ല. തുടർച്ചയായ തിരിച്ചടികളെ തുടർന്നാണ് റഷ്യ ആക്രമണം ശക്തമാക്കിയതെന്നാണ് റിപ്പോർട്ടുകൾ. തിരിച്ചടികളെ തുടർന്ന് പ്രസിഡന്‍റ് പുടിൻ രാജ്യത്തിന്‍റെ സംയുക്ത സൈനിക മേധാവിയെ മാറ്റി പുതിയ സൈനിക മേധാവിയെ നിയമിച്ചിരുന്നു.

ഡൽഹി: സമാജ് വാദി പാർട്ടി നേതാവും ഉത്തർപ്രദേശ് മുൻ മുഖ്യമന്ത്രിയുമായ മുലായം സിംഗ് യാദവിന്‍റെ സംസ്കാര ചടങ്ങുകൾ ജൻമനാടായ സായ്ഫായിൽ നടക്കും. ശവസംസ്കാരം നാളെ വൈകിട്ട് 3 മണിക്ക് പൂർണ്ണ ഔദ്യോഗിക ബഹുമതികളോടെ നടക്കും. മൃതദേഹം സായ് ഫായിലേക്ക് കൊണ്ടുപോകും. കേന്ദ്ര ആഭ്യന്തര മന്ത്രി അമിത് ഷാ ആശുപത്രി സന്ദർശിച്ച് ആദരാഞ്ജലികൾ അർപ്പിച്ചു. ഗുരുഗ്രാം മേദാന്ത ആശുപത്രിയിലെ തീവ്രപരിചരണ വിഭാഗത്തിൽ ചികിത്സയിലിരിക്കെയാണ് മുലായം സിംഗ് യാദവ് രാവിലെ മരിച്ചത്. തുടർച്ചയായി മൂന്ന് തവണ യു.പി മുഖ്യമന്ത്രിയും 1996ൽ പ്രതിരോധ മന്ത്രിയുമായിരുന്നു. ഏഴ് തവണ ലോക്‌സഭയിലേക്കും തിരഞ്ഞെടുക്കപ്പെട്ടിട്ടുണ്ട്. രാജ്യത്തെ ഏറ്റവും പ്രമുഖ സോഷ്യലിസ്റ്റ് നേതാക്കളിൽ ഒരാളായിരുന്നു അദ്ദേഹം. ഹിന്ദി ഹൃദയഭൂമിയിലെ നേതാജി എന്നാണ് അദ്ദേഹം അറിയപ്പെട്ടിരുന്നത്. ഒരു സാധാരണ കർഷക കുടുംബത്തിൽ നിന്നാണ് അദ്ദേഹം ദേശീയ രാഷ്ട്രീയത്തിലേക്ക് വന്നത്. മുലായം സിംഗ് യാദവിന്‍റെ നിര്യാണത്തിൽ രാഷ്ട്രപതി ഉൾപ്പെടെ നിരവധി പ്രമുഖർ അനുശോചനം രേഖപ്പെടുത്തി.

കോഴിക്കോട്: വിജിലൻസ് പിടിച്ചെടുത്ത പണം തിരികെ നൽകണമെന്ന് ആവശ്യപ്പെട്ട് മുസ്ലിം ലീഗ് നേതാവും മുൻ എം.എൽ.എയുമായ കെ.എം ഷാജി നൽകിയ ഹർജിയിൽ എതിർ സത്യവാങ്മൂലം നൽകാൻ വിജിലൻസ്. പിടിച്ചെടുത്ത 47 ലക്ഷം രൂപയ്ക്ക് കൃത്യമായ രേഖ ഹാജരാക്കാൻ ഷാജിക്ക് കഴിഞ്ഞിട്ടില്ലെന്നാണ് വിജിലൻസിന്‍റെ വാദം. കണ്ണൂരിലെ വീട്ടിൽ നിന്ന് പിടിച്ചെടുത്ത 47 ലക്ഷം രൂപ തിരികെ ആവശ്യപ്പെട്ട് ഷാജി കോഴിക്കോട് വിജിലൻസ് കോടതിയെ സമീപിച്ചിരുന്നു. പിടിച്ചെടുത്ത പണം തിരഞ്ഞെടുപ്പ് ഫണ്ടാണെന്നാണ് ഷാജിയുടെ വാദം. അതേസമയം, പണം തിരികെ നൽകുന്നത് അനധികൃത സ്വത്ത് സമ്പാദന കേസിനെ ബാധിക്കുമെന്നാണ് വിജിലൻസിന്‍റെ നിലപാട്. അഴീക്കോട് സ്കൂളിൽ പ്ലസ് ടു അനുവദിക്കാൻ ഷാജി 25 ലക്ഷം രൂപ കൈക്കൂലി വാങ്ങിയെന്ന കേസാണ് വിജിലൻസ് അന്വേഷിക്കുന്നത്. അഴീക്കോട് എം.എൽ.എയായിരിക്കെ 2016ൽ അഴീക്കോട് സ്കൂളിൽ പ്ലസ് ടു കോഴ്സുകൾ അനുവദിക്കാൻ കെ.എം ഷാജി 25 ലക്ഷം രൂപ കൈക്കൂലി വാങ്ങിയെന്ന് മുൻ മുസ്ലിം ലീഗ് നേതാവ് ആരോപിച്ചിരുന്നു. സ്കൂളിലെ ഒരു അധ്യാപകനിൽ…

കോഴിക്കോട്: മുഖ്യമന്ത്രിയുടെ വിദേശയാത്ര സുതാര്യമല്ലെന്ന് പ്രതിപക്ഷ നേതാവ് വി ഡി സതീശൻ. യാത്രയുടെ പുരോഗതി ജനങ്ങളെ അറിയിക്കണം. യാത്രയുടെ ഭാഗമായി നാടിന് ഉപകാരപ്രദമായ ഒന്നും ചെയ്തിട്ടില്ല. യാത്ര രഹസ്യമാക്കിയതിൽ ദുരൂഹതയുണ്ടെന്നും കുടുംബസമേതം നടത്തിയ യാത്രകൾ ജനങ്ങൾക്കിടയിൽ അവമതിപ്പ് സൃഷ്ടിക്കുമെന്നും വി.ഡി സതീശൻ പറഞ്ഞു. സ്വർണക്കടത്ത് കേസുമായി ബന്ധപ്പെട്ട് സ്വപ്ന ഉന്നയിച്ച ആരോപണങ്ങൾ കേന്ദ്ര ഏജൻസികൾ അന്വേഷിക്കുന്നില്ലെന്ന് വി ഡി സതീശൻ പറഞ്ഞു. 164 മൊഴിയിൽ ഗുരുതരമായ കാര്യങ്ങൾ ഉണ്ടായിരുന്നിട്ടും അന്വേഷണം നടന്നില്ല. സ്വർണക്കടത്ത് കേസിൽ കേന്ദ്രവും സംസ്ഥാനവും ഒത്തുകളിച്ചെന്ന് വി.ഡി സതീശൻ ആരോപിച്ചു. സ്വപ്നയുടെ പുസ്തകത്തിൽ പറയുന്ന കാര്യങ്ങളെ കുറിച്ച് പിന്നീട് പ്രതികരിക്കാമെന്നും അദ്ദേഹം പറഞ്ഞു. ശസ്ത്രക്രിയയ്ക്ക് ശേഷം കത്രിക രോഗിയുടെ വയറ്റിൽ കുടുങ്ങിയത് ഗുരുതരമായ വീഴ്ചയാണെന്ന് വി ഡി സതീശൻ പറഞ്ഞു. വിശദമായ അന്വേഷണം നടത്തി കുറ്റവാളികളെ നിയമത്തിന് മുന്നിൽ കൊണ്ടുവരണമെന്നും അദ്ദേഹം ആവശ്യപ്പെട്ടു.

ദുബായ്: ലോകത്തെ ഏറ്റവും വലിയ ടെക് ഷോയായ ഗൾഫ് ഇൻഫർമേഷൻ ടെക്നോളജി എക്സിബിഷൻ (ജൈടെക്സ്) തിങ്കളാഴ്ച ദുബായ് വേൾഡ് ട്രേഡ് സെന്‍ററിൽ ആരംഭിക്കും. കേരളത്തിൽ നിന്നും ഇന്ത്യയിലെ വിവിധ സംസ്ഥാനങ്ങളിൽ നിന്നുമുള്ള ഇരുന്നൂറോളം കമ്പനികൾ ഉൾപ്പെടെ അയ്യായിരത്തോളം സ്ഥാപനങ്ങൾ പരിപാടിയിൽ പങ്കെടുക്കും. 20 ലക്ഷം ചതുരശ്ര മീറ്റർ വിസ്തൃതിയിൽ വ്യാപിച്ചുകിടക്കുന്ന 26 ഹാളുകളിലായാണ് പരിപാടി നടക്കുക. കഴിഞ്ഞ വർഷത്തേക്കാൾ 25 ശതമാനം കൂടുതലാണ് ഇത്തവണത്തെ ഏരിയ. ദുബായിലെ വിവിധ സർക്കാർ വകുപ്പുകൾ, സാങ്കേതിക വിദഗ്ധർ, ലോകത്തിന്‍റെ വിവിധ ഭാഗങ്ങളിൽ നിന്നുള്ള കമ്പനികൾ, സർക്കാർ സ്ഥാപനങ്ങൾ എന്നിവയെല്ലാം അണിനിരക്കും. 170 രാജ്യങ്ങളിൽ നിന്നുള്ള സന്ദർശകരെ പ്രതീക്ഷിക്കുന്ന ജൈടെക്സിൽ 90 ലധികം രാജ്യങ്ങളുടെ പവലിയനുണ്ടാകും. 42-ാമത് എഡിഷന്റെ പ്രമേയം ‘എന്‍റർ ദി നെക്സ്റ്റ്​ ഡിജിറ്റൽ യൂണിവേഴ്​സ്’​ എന്നതാണ്. ഏറ്റവും പുതിയ സാങ്കേതിക സംവിധാനമായ മെറ്റാവേഴ്സിന്‍റെ പുതിയ രൂപങ്ങൾ ഇവിടെ കാണാം. ബ്ലോക്ക് ചെയിൻ, ആർട്ടിഫിഷ്യൽ ഇന്‍റലിജൻസ്, ഓഗ്മെന്‍റഡ് റിയാലിറ്റി, റിമോട്ട് വർക്ക് ആപ്പ്, ഡിജിറ്റൽ…

മാരുതി സുസുക്കിയുടെ ആദ്യ പ്രീമിയം ക്രോസ്ഓവറായ എസ്-ക്രോസ് കമ്പനി നിർത്തലാക്കാൻ ഒരുങ്ങുന്നതായി അടുത്തിടെ റിപ്പോർട്ടുകൾ വന്നിരുന്നു. ഇപ്പോൾ ഈ റിപ്പോർട്ടുകൾ സ്ഥിരീകരിച്ചുകൊണ്ട്, മാരുതി സുസുക്കി എസ്-ക്രോസ് ക്രോസ്ഓവർ നിശബ്ദമായി നിർത്തിയതായാണ് സൂചന. കമ്പനിയുടെ ഔദ്യോഗിക നെക്സ വെബ്സൈറ്റിൽ നിന്ന് എസ്-ക്രോസ് നീക്കം ചെയ്തതായി റിപ്പോർട്ടുകൾ പറയുന്നു. ഇതോടെ മാരുതിയുടെ പ്രീമിയം വാഹന വിഭാഗമായ നെക്സയുടെ ശ്രേണിയിലെ കാറുകളുടെ എണ്ണം അഞ്ച് മോഡലുകളായി താഴ്ന്നു. ഇഗ്നിസ്, ബലേനോ, സിയാസ്, എക്സ്എൽ 6, അടുത്തിടെ പുറത്തിറക്കിയ ഗ്രാൻഡ് വിറ്റാര എന്നിവ ഇതിൽ ഉൾപ്പെടുന്നു. മാരുതി സുസുക്കി ഗ്രാൻഡ് വിറ്റാര എസ്-ക്രോസിന് പകരമായാണ് എത്തുന്നത്. 

തിരുവനന്തപുരം: എല്ലാ ടൂറിസ്റ്റ് ബസുകളും മൂന്ന് മാസത്തിനുള്ളിൽ വെള്ള നിറത്തിലേക്ക് മാറണം. ഫിറ്റ്നസ് കാലയളവ് അവസാനിക്കുന്നത് വരെ കാത്തിരിക്കാതെ ഏകീകൃത നിറം അടിക്കണം. ബസുകളിലെ നിയമലംഘനങ്ങൾ രൂക്ഷമായ സാഹചര്യത്തിലാണ് നടപടി കർശനമാക്കുന്നത്. കഴിഞ്ഞ വർഷം ജൂണിലാണ് ഏകീകൃത കളർ സ്കീം പ്രാബല്യത്തിൽ വന്നത്. അതിനുമുമ്പ് ഫിറ്റ്നസ് സർട്ടിഫിക്കറ്റുകളുള്ള ബസുകൾക്ക് രണ്ട് വർഷത്തെ സാവകാശം നൽകിയിരുന്നു. നിലവിലെ നിയമലംഘനങ്ങളുടെ പശ്ചാത്തലത്തിൽ അത്തരമൊരു ഇളവ് നൽകേണ്ടെന്നാണ് തീരുമാനം. ടൂറിസ്റ്റ് ബസ് ഡ്രൈവർമാർക്കുള്ള പരിശീലനവും പരിഗണനയിലുണ്ട്. അമിതവേഗം, അശ്രദ്ധമായ ഡ്രൈവിംഗ്, മദ്യപിച്ച് വാഹനമോടിക്കൽ എന്നിവയ്ക്ക് ശിക്ഷിക്കപ്പെട്ടവരേയും അപകടങ്ങൾ ഉണ്ടാക്കിയവരേയും ഒഴിവാക്കും.