Author: News Desk

കൊച്ചി: റോബഹോമും ഐ-ഹബ് റോബോട്ടിക്സും കൊച്ചി മെട്രോയുമായി സഹകരിച്ച് സ്കൂൾ വിദ്യാർത്ഥികൾക്കായി ‘റോബോട്ടിക്സ്’ പ്രദർശനം നടത്തി. വൈറ്റില മെട്രോ സ്റ്റേഷനിലെ ശിൽപശാലയും പ്രദർശനവും കൊച്ചി മെട്രോ മാനേജിംഗ് ഡയറക്ടർ ലോക്നാഥ് ബെഹ്റ ഉദ്ഘാടനം ചെയ്തു. ഹ്യൂമനോയിഡ് റോബോട്ടുകൾ, ഡുബോട്ട്സ്, വിആർ എക്സ്പീരിയൻസ്, ഡ്രോൺ ടെക്നോളജി, സോസ്സർ റോബോട്ടുകൾ എന്നിവയായിരുന്നു പ്രദർശനത്തിലെ പ്രധാന ആകർഷണങ്ങൾ.

തിരുവനന്തപുരം: ലൈഫ് ഭവന പദ്ധതിയുടെ രണ്ടാം ഘട്ടം ആരംഭിക്കുന്നു. ഈ വർഷം 1,06,000 വീടുകൾ നിർമ്മിക്കുകയാണ് ലക്ഷ്യം. തദ്ദേശ സ്വയംഭരണ സ്ഥാപനങ്ങൾ ഉടൻ ഗുണഭോക്താക്കളുമായി കരാർ ഒപ്പിടും. പട്ടികജാതി, പട്ടികവർഗ, മത്സ്യത്തൊഴിലാളി മേഖലയ്ക്കും അതി ദരിദ്രർക്കും മുൻഗണന നൽകുമെന്ന് മന്ത്രി എം.ബി രാജേഷ് പറഞ്ഞു. അതിദരിദ്രരുടെ പട്ടിക പരിശോധിച്ച ശേഷം തദ്ദേശ സ്ഥാപനങ്ങൾ വീട് അനിവാര്യമായവരെ കണ്ടെത്തി ലൈഫ് അന്തിമ ഗുണഭോക്തൃ പട്ടികയിൽ ഉൾപ്പെടുത്തും. ലൈഫ് മിഷനുമായി ബന്ധപ്പെട്ട ഉന്നതതല യോഗത്തിലാണ് തീരുമാനം. ലൈഫ് മിഷൻ നിർമ്മിച്ച നാല് ഭവന സമുച്ചയങ്ങൾ ഒരു മാസത്തിനകം ഗുണഭോക്താക്കൾക്ക് കൈമാറും. പട്ടികവർഗ സങ്കേതങ്ങളിൽ വീടുകൾ നിർമ്മിക്കുന്ന പട്ടികവർഗ വിഭാഗത്തിൽപ്പെട്ടവർക്ക് ആറ് ലക്ഷം രൂപ സഹായധനം നൽകും. മറ്റുള്ളവർക്ക് 400,000 രൂപ. പദ്ധതിയുടെ ഭാഗമായി ഇതുവരെ 3,11,000 വീടുകൾ പൂർത്തിയായി. അഡീഷണൽ ചീഫ് സെക്രട്ടറി ശാരദ മുരളീധരൻ, പ്രിൻസിപ്പൽ സെക്രട്ടറി ഡോ.കെ.എസ്.ഷര്‍മ്മിളാ മേരി ജോസഫ്, കുടുംബശ്രീ എക്സിക്യൂട്ടീവ് ഡയറക്ടർ ജാഫർ മാലിക്, ലൈഫ് മിഷൻ സി.ഇ.ഒ.…

ബെർലിൻ: ലോകമെമ്പാടുമുള്ള പോളിയോ നിർമാർജന ശ്രമങ്ങൾക്കായി 1.2 ബില്യൺ യുഎസ് ഡോളർ വാഗ്ദാനം ചെയ്യുമെന്ന് ബിൽ ആൻഡ് മെലിൻഡ ഗേറ്റ്സ് ഫൗണ്ടേഷൻ. 2026 ഓടെ ആഗോള പോളിയോ നിർമാർജനം എന്ന ലക്ഷ്യം നടപ്പാക്കുന്നതിനായി ഈ പണം ഉപയോഗിക്കും. അടുത്തിടെ പോളിയോ പൊട്ടിപ്പുറപ്പെട്ട പാകിസ്ഥാനിലും അഫ്ഗാനിസ്ഥാനിലും പോളിയോ വൈറസ് ബാധയെ ഇല്ലാതാക്കാനുള്ള ശ്രമത്തിലാണ് ഈ സംരംഭമെന്ന് ഫൗണ്ടേഷൻ ഞായറാഴ്ച പുറത്തിറക്കിയ പ്രസ്താവനയിൽ പറഞ്ഞു. വൈറസിന്‍റെ പുതിയ വകഭേദങ്ങളുടെ വ്യാപനം തടയുന്നതിനും ഈ പണം ഉപയോഗിക്കും. ഞായറാഴ്ച ബെർലിനിൽ നടന്ന ലോകാരോഗ്യ ഉച്ചകോടിയിലായിരുന്നു പ്രഖ്യാപനം. പോളിയോ നിർമാർജന സംരംഭത്തിനായി ഏകദേശം 5 ബില്യൺ ഡോളർ സംഭാവന ചെയ്തതായി ഫൗണ്ടേഷൻ വെബ്സൈറ്റിൽ പുറത്തിറക്കിയ പ്രസ്താവനയിൽ അറിയിച്ചു. ഈ സംരംഭം പോളിയോ പ്രചാരണങ്ങളെ വിശാലമായ ആരോഗ്യ സേവനങ്ങളിലേക്ക് സംയോജിപ്പിക്കാനാണ് ശ്രമിക്കുന്നത്. അതേസമയം നോവൽ ഓറൽ പോളിയോ വാക്സിൻ ടൈപ്പ് 2 ന്റെ ഉപയോഗവും പ്രോത്സാഹിപ്പിക്കുന്നുണ്ട്. ദേശീയ ആരോഗ്യ സംവിധാനങ്ങളെ ശക്തിപ്പെടുത്താൻ ഗ്രൂപ്പ് പ്രവർത്തിക്കുന്നുണ്ടെന്നും അതിനാൽ ഭാവിയിലെ ആരോഗ്യ…

വിജയവാഡ: മുസ്ലിം വിഭാഗങ്ങളില്‍ കേന്ദ്രീകരിച്ച് പ്രവര്‍ത്തിക്കുന്ന ‘തന്‍സീം ഇ ഇൻസാഫിനെ’ രാഷ്ട്രീയമായി ഏറ്റെടുത്ത് സിപിഐ. വിവിധ സംസ്ഥാനങ്ങളിൽ ചെറു ഗ്രൂപ്പുകളായി പ്രവർത്തിക്കുന്ന സംഘടനയ്ക്ക് സിപിഐ ദേശീയ രൂപം സൃഷ്ടിക്കണമെന്ന് പാർട്ടി കോൺഗ്രസ് നിർദ്ദേശിച്ചിട്ടുണ്ട്. ന്യൂനപക്ഷ, മുസ്ലിം സമുദായങ്ങൾക്കിടയിൽ ഒരു സ്വതന്ത്ര സംഘടന എന്ന നിലയിൽ തൻസീം-ഇ-ഇൻസാഫിനെ സിപിഐ പിന്തുണച്ചിരുന്നു. എന്നാൽ ഇതാദ്യമായാണ് ഇത് പാർട്ടി ബഹുജന സംഘടനകളുടെ വിഭാഗത്തിൽ ഉൾപ്പെടുത്തി പാർട്ടി കോൺഗ്രസിൽ റിപ്പോർട്ട് ചെയ്യുന്നത്. സാമുദായികരീതിയില്‍ സംഘടന രൂപീകരിക്കുന്നതിനെ സിപിഐ നേതാക്കൾ നേരത്തെ എതിർത്തിരുന്നു. കേന്ദ്ര നിർദ്ദേശത്തെ തുടർന്ന് 2022 മാർച്ചിലാണ് കേരളത്തിൽ ഇത് ആരംഭിച്ചത്. ദളിതരെ ദളിതരായി സംഘടിപ്പിക്കുന്നത് പോലും അവരോട് വിവേചനം കാണിക്കുന്നതാണെന്ന് കഴിഞ്ഞ തിരുവനന്തപുരം സംസ്ഥാന സമ്മേളനത്തിൽ വിമർശനം ഉയർന്നിരുന്നു. ന്യൂനപക്ഷങ്ങൾ പൊതുവിലും മുസ്ലീങ്ങൾ പ്രത്യേകിച്ചും അവഗണനയും അരക്ഷിതാവസ്ഥയും നേരിടുന്നുവെന്ന ആമുഖത്തോടെയാണ് ‘തൻസീം-ഇ-ഇൻസാഫിനെക്കുറിച്ചുള്ള’ റിപ്പോർട്ട് പാർട്ടി കോൺഗ്രസിൽ അവതരിപ്പിച്ചത്. ന്യൂനപക്ഷങ്ങളുടെ ക്ഷേമത്തിനായി കേന്ദ്രസർക്കാർ അനുവദിച്ച ഫണ്ട് ചെലവഴിക്കാതെ മടങ്ങുകയാണ്. ഭരണഘടന ഉറപ്പുനൽകുന്ന അവകാശങ്ങൾ യാചിച്ച് നേടേണ്ടതല്ലെന്ന്…

തിരുവനന്തപുരം: വിഴിഞ്ഞം തുറമുഖ നിർമ്മാണത്തിനെതിരെ പ്രതിഷേധം ശക്തമാക്കാൻ തീരുമാനം. ഇതിന്റെ ഭാഗമായി ലത്തീൻ അതിരൂപതയുടെ നേതൃത്വത്തിൽ ഇന്ന് റോഡ് ഉപരോധിക്കും. അതിരൂപതയുടെ കീഴിലുള്ള ആറ് ഫൊറോനകളുടെ നേതൃത്വത്തിലാണ് പ്രതിഷേധം നടക്കുന്നത്. ആറ്റിങ്ങൽ, ചാക്ക, തിരുവല്ലം-വിഴിഞ്ഞം, സ്റ്റേഷൻ കടവ്, പൂവാർ, ഉച്ചക്കട എന്നിവിടങ്ങളിലാണ് പ്രതിഷേധം. സെക്രട്ടേറിയറ്റിലേക്ക് മാർച്ചും നടത്തും. ക്രമസമാധാന നില കണക്കിലെടുത്ത് വിഴിഞ്ഞം, മുള്ളൂർ എന്നിവിടങ്ങളിലെ ഉപരോധം ജില്ലാ കളക്ടർ നിരോധിച്ചു. സമരം കണക്കിലെടുത്ത് വിവിധ സ്ഥലങ്ങളിൽ കൂടുതൽ പൊലീസിനെ വിന്യസിക്കും. നീതി ലഭിക്കുന്നതുവരെ സമരം തുടരുമെന്നും മത്സ്യത്തൊഴിലാളികൾ മുന്നോട്ട് വച്ച ഏഴ് ആവശ്യങ്ങളിൽ ഒന്ന് പോലും സർക്കാർ പാലിച്ചിട്ടില്ലെന്നും സർക്കാരിന്റേത് ധാർഷ്ട്യ മനോഭാവമാണെന്നും ഇന്നലെ പള്ളികളിൽ വായിച്ച സർക്കുലറിൽ പറഞ്ഞു. തുറമുഖ കവാടത്തിൽ സമരം ആരംഭിച്ചതിന് ശേഷം ഇത് അഞ്ചാം തവണയാണ് തിരുവനന്തപുരം ലത്തീൻ അതിരൂപതയ്ക്ക് കീഴിലുള്ള പള്ളികളിൽ സർക്കുലർ വായിക്കുന്നത്. സമരം ഇന്ന് 62-ാം ദിവസത്തിലേക്ക് കടക്കുന്ന സാഹചര്യത്തിലാണ് പ്രക്ഷോഭം ശക്തമാക്കാൻ തീരുമാനിച്ചത്. തുറമുഖ നിർമ്മാണത്തിന്‍റെ പാരിസ്ഥിതികവും സാമൂഹികവുമായ…

കോഴിക്കോട്: ലഹരിക്ക് അടിമയായ മകൻ അച്ഛനെയും അമ്മയെയും കുത്തിപ്പരിക്കേൽപ്പിച്ചു. എരഞ്ഞിപ്പാലം സ്വദേശികളായ ഷാജി (50), ബിജി (48) എന്നിവർക്കാണ് കുത്തേറ്റത്. ഇരുവരും കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലാണ്. ഷാജിയുടെ പരിക്ക് ഗുരുതരമാണ്. അച്ഛനെയും അമ്മയെയും കുത്തിയ മകൻ ഷൈൻ പൊലീസ് കസ്റ്റഡിയിലാണ്. മൽപ്പിടുത്തത്തിനിടെ പരിക്കേറ്റ ഷൈനും ചികിത്സയിലാണ്. ലഹരിക്ക് അടിമയായിരുന്ന ഷൈൻ ഇന്നലെ രാത്രിയാണ് അച്ഛനെയും അമ്മയെയും കുത്തിപ്പരിക്കേൽപ്പിച്ചത്. ഷൈൻ ഏറെ നേരം ഭീകരാന്തരീക്ഷം സൃഷ്ടിച്ചു. ഒരു മണിക്കൂറിലധികം ശ്രമിച്ചിട്ടും ഷൈനിനെ പിടികൂടാൻ കഴിയാത്തതിനാൽ പോലീസ് രണ്ട് തവണ ആകാശത്തേക്ക് വെടിയുതിർത്തു.

തിരുവനന്തപുരം: കോവിഡ് രോഗമുക്തി നേടിയവർ നേരിടുന്ന ശാരീരികവും മാനസികവുമായ ആരോഗ്യ പ്രശ്നങ്ങളെക്കുറിച്ച് സമഗ്രമായ പഠനത്തിന് ഒരുങ്ങി ആരോഗ്യവകുപ്പ്. കോവിഡാനന്തരം ആളുകളിൽ മുമ്പില്ലാത്ത ആരോഗ്യ പ്രശ്നങ്ങൾ കൂടുതൽ പ്രകടമാകുന്ന പശ്ചാത്തലത്തിലാണ് ഇവ കോവിഡ്-19 മായി ബന്ധപ്പെട്ടതാണോ എന്നറിയാൻ ശാസ്ത്രീയ പഠനം നടത്താൻ തീരുമാനിച്ചത്. ഇതിനായി നിലവിലുള്ള പോസ്റ്റ് കോവിഡ് ക്ലിനിക്കുകൾ വഴി വിവരശേഖരണം ആരംഭിച്ചിട്ടുണ്ട്. കോവിഡിന് മുമ്പും ശേഷവും കേരളീയർക്കിടയിൽ കാണുന്ന ആരോഗ്യപ്രശ്നങ്ങളെ വേർതിരിക്കുമ്പോൾ അവഗണിക്കാൻ കഴിയാത്ത ചില വസ്തുതകളുണ്ടെന്നാണ് വിലയിരുത്തൽ. ജീ​വിത​ശൈ​ലി രോ​ഗം ബാ​ധി​ച്ച പ​ല​ർ​ക്കും കോ​വി​ഡ്​ വ​ന്നു​പോ​യ ശേ​ഷം ആ​രോ​ഗ്യാ​വ​സ്ഥ കൂ​ടു​ത​ൽ മോ​ശ​മാ​യി​ട്ടു​ണ്ട്. എന്നിരുന്നാലും, ജീവിതശൈലി രോഗികളുടെ എണ്ണത്തിലുള്ള വർദ്ധനവിന് കോവിഡ് കാരണമായിട്ടില്ല. കുഴഞ്ഞുവീണ് മരിക്കുന്നവരുടെ എണ്ണത്തിൽ കാണുന്ന നേരിയ വർദ്ധനവ് കോവിഡുമായി ബന്ധപ്പെട്ടതാണോയെന്ന് വിശദമായ പഠനത്തിന് ശേഷമേ വ്യക്തമാകൂ. കോവിഡ്-19 രോഗമുക്തി നേടിയവരിൽ ശ്വാസകോശ സംബന്ധമായ രോഗങ്ങളാണ് പ്രധാനമായും കണ്ടുവരുന്നത്. വിട്ടുമാറാത്ത ചുമ, ഹൃദ്രോഗങ്ങൾ, പനി, ക്ഷീണം, പേശിവേദന, സന്ധിവേദന, നടുവേദന, മറവി, ഉറക്കക്കുറവ് എന്നിവ കോവിഡ്-19 ൽ…

നടി ഹൻസിക മോട്‌വാനി വിവാഹിതയാകുന്നു. ജയ്പൂരിൽ വച്ച് ഈ വർഷം ഡിസംബറിൽ വിവാഹം നടന്നേക്കും. ജയ്പൂരിലെ 450 വർഷം പഴക്കമുള്ള കൊട്ടാരമാണ് വിവാഹ വേദി. രാജകീയമായ രീതിയിലാകും വിവാഹം നടക്കുക. എന്നാൽ വരന്‍റെ പേരോ മറ്റ് വിശദാംശങ്ങളോ പുറത്തുവിട്ടിട്ടില്ല. താര വിവാഹത്തിനുള്ള ഒരുക്കങ്ങൾ കൊട്ടാരത്തിൽ പുരോഗമിക്കുകയാണ്. അതേസമയം, വിവാഹത്തെക്കുറിച്ച് നടിയോ അടുത്ത വൃത്തങ്ങളോ പ്രതികരിച്ചിട്ടില്ല. ദേശമുദുരു എന്ന തെലുങ്ക് ചിത്രത്തിലൂടെയാണ് ഹൻസിക അഭിനയരംഗത്ത് അരങ്ങേറ്റം കുറിച്ചത്. പിന്നീട് ഹിന്ദി സിനിമകളിലും അഭിനയിച്ചു. എന്നിരുന്നാലും, ഹിമേഷ് രേഷാമിയ അഭിനയിച്ച ആപ്ക സുരൂർ എന്ന ചിത്രത്തിലൂടെയാണ് പ്രേക്ഷക ശ്രദ്ധ നേടിയത്. 2008 ൽ കന്നഡയിലും നായികയായി അഭിനയിച്ചു. തമിഴ്, തെലുങ്ക് സിനിമകളിൽ സജീവമാണ് നടി.

പൃഥ്വിരാജ്, ആസിഫ് അലി, ഷാജി കൈലാസ് എന്നിവർ ഒന്നിക്കുന്ന ‘കാപ്പ’യുടെ ടീസർ പുറത്തിറങ്ങി. ദേശീയ ചലച്ചിത്ര അവാർഡ് ജേതാവ് അപർണ ബാലമുരളിയാണ് ചിത്രത്തിൽ നായികയായി എത്തുന്നത്. അപർണ ആദ്യമായാണ് പൃഥ്വിരാജിനൊപ്പം എത്തുന്നത്. തിയേറ്റർ ഓഫ് ഡ്രീംസിന്‍റെ ബാനറിൽ ജിനു വി എബ്രഹാം, ഡോൾവിൻ കുര്യാക്കോസ്, ദിലീഷ് നായർ എന്നിവർ ചേർന്നാണ് ചിത്രം നിർമ്മിക്കുന്നത്. ഇന്ദുഗോപന്‍റെ പ്രശസ്തമായ ശംഖുമുഖി എന്ന നോവലിനെ ആസ്പദമാക്കിയാണ് തിരക്കഥ ഒരുക്കിയിരിക്കുന്നത്. ഇന്ദുഗോപൻ തന്നെയാണ് ചിത്രത്തിന്‍റെ രചന നിർവഹിച്ചിരിക്കുന്നത്. ചിത്രത്തിലെ പൃഥ്വിരാജിന്‍റെ കൊട്ട മധു എന്ന കഥാപാത്രം ഇതിനോടകം സോഷ്യൽ മീഡിയയിൽ ശ്രദ്ധ നേടിക്കഴിഞ്ഞു. അന്ന ബെൻ ആണ് മറ്റൊരു നായിക. ദിലീഷ് പോത്തൻ, ജഗദീഷ്, നന്ദു എന്നിവരും ചിത്രത്തിലുണ്ട്.

പാലക്കാട്: സി.പി.എം പാലക്കാട് ജില്ലാ സെക്രട്ടേറിയറ്റ് അംഗം പി.കെ ശശിക്കെതിരെ പാർട്ടി കമ്മിറ്റികളിൽ ഉയർന്നത് രൂക്ഷവിമർശനങ്ങളും ഗുരുതര ആരോപണങ്ങളും. ആരും തമ്പുരാൻ ആകാൻ ശ്രമിക്കേണ്ടെന്നായിരുന്നു ജില്ലാ സെക്രട്ടറി ഇ.എൻ സുരേഷ് ബാബുവിന്റെ വിമർശനം. പി.കെ ശശി സഹോദരിയുടെ മകനും ഭാര്യയ്ക്കും ജോലി നൽകിയെന്ന പരാതിയുണ്ടായിരുന്നു. ഇതോടെ 10 വർഷത്തിനിടെ സഹകരണ സ്ഥാപനങ്ങളിൽ നടത്തിയ നിയമനങ്ങൾ പരിശോധിക്കാൻ പാർട്ടി തീരുമാനിച്ചു. ഫണ്ട് തിരിമറി നടത്തിയെന്ന ഗുരുതര ആരോപണവും പി.കെ ശശിക്കെതിരെ ഉയർന്നിട്ടുണ്ട്. 2017ൽ മണ്ണാർക്കാട് നടന്ന സി.പി.എം ജില്ലാ സമ്മേളനത്തിനായി പിരിച്ചെടുത്ത ഫണ്ടിൽ തിരിമറി നടത്തിയെന്നാണ് രേഖകൾ. മണ്ണാർക്കാട് ഏരിയാ കമ്മിറ്റി ഓഫീസ് നിർമ്മാണത്തിലെ പണവും വെട്ടിച്ചതായി ആരോപണമുയർന്നിരുന്നു.  ശശിയെ പിന്തുണച്ച നേതാക്കളെയും പാർട്ടി യോഗങ്ങൾ വിമർശിച്ചു. ഫാൻസ് അസോസിയേഷനുകൾ പോലെ കമ്മിറ്റികൾ പ്രവർത്തിക്കാൻ പാടില്ല. ഇത്തരം നേതാക്കളുടെ കൂറ് പാർട്ടിയോടല്ല, ശശിയോടാണെന്ന വിമർശനവും ഉയർന്നു.