Author: News Desk

മനാമ: ബഹ്റൈൻ മലപ്പുറം ഡിസ്റ്റിക് ഫോറം ഭാരവാഹികൾ സൽമാനിയയിലെ ഇന്ത്യൻ ഡിലൈറ്റ് സിൽ വിളിച്ചുചേർത്ത പത്രസമ്മേളനത്തിൽ അംഗത്വം എടുക്കുന്നവർക്കുള്ള ആനുകൂല്യങ്ങൾ പ്രഖ്യാപിച്ചു. പ്രസ്തുത പത്രസമ്മേളനത്തിൽ കൂട്ടായ്മയുടെ രക്ഷാധികാരി ബഷീർ അമ്പലായി ആനുകൂല്യങ്ങൾ വിശദീകരിച്ചു. പ്രസിഡൻ്റ് സലാം മമ്പാട്ടുമൂല, ജനറൽ സെക്രട്ടറി ഷമീർ പൊട്ടച്ചോല, ട്രഷറർ അലി അഷറഫ്, ഓർഗനൈസിങ് സെക്രട്ടറി മൻഷീർ കൊണ്ടോട്ടി, മീഡിയ കൺവീനർ ഫസലുൽ ഹഖ്, മെഡിക്കൽ അഡ്വൈസർ ഡോക്ടർ യാസർ ചോമയിൽ, ജോ: സെക്രട്ടറി മുനീർ ഒരവക്കോട്ടിൽ തുടങ്ങിയവർ സംബന്ധിച്ചു സംസാരിച്ചു. ബഹറൈൻ പ്രവാസികളായ മലപ്പുറം ജില്ലയിൽ നിന്നുള്ളവർക്ക് ആയിരിക്കും ബഹ്റൈൻ മലപ്പുറം ഡിസ്റ്റിക് ഫോറത്തിൽ അംഗങ്ങളാവാൻ സാധിക്കുക. അംഗത്വം എടുത്തവർക്ക് മാരക രോഗങ്ങൾക്കുള്ള ചികിത്സ ധനസഹായം പരമാവധി ഒരുലക്ഷം രൂപ വരെ നൽകും. അർഹരായ അംഗങ്ങളുടെ കുടുംബങ്ങൾക്ക് മരണാനന്തര ധനസഹായം പരമാവധി ഒരു ലക്ഷം രൂപ വരെ നൽകുന്നതാണ് രോഗം മൂലം ജോലി നഷ്ടപ്പെട്ട് തിരിച്ചുപോകുന്ന അംഗങ്ങൾക്ക് സാമ്പത്തിക സഹായം നൽകുന്നതാണ്. അംഗങ്ങൾക്ക് ബഹറൈനിലെ സ്വകാര്യ…

മനാമ: ഫ്രൻഡ്സ് സോഷ്യൽ അസോസിയേഷൻ കുടുംബ സംഗമം സംഘടിപ്പിച്ചു. വെസ്റ്റ് റിഫ ദിശ സെന്ററിൽ നടന്ന സംഗമം യൂനുസ് സലീമിൻ്റെ ഉദ്ബോധന ക്ലാസോടെ ആരംഭിച്ചു. ജീവിതത്തിൻ്റെ എല്ലാ ഘട്ടങ്ങളിലും വൈജ്ഞാനിക വികാസവും, ധിഷണയും നേടിയെടുക്കാൻ ശ്രമമുണ്ടാകണം. ആത്മ പരിശോധന ശക്തമാക്കുകയും സജീവതയും സാമൂഹിക അവബോധവും ശക്തിപ്പെടുത്തേണ്ടതുണ്ടെന്നും അദ്ദേഹം പറഞ്ഞു. അസോസിയേഷൻ പ്രസിഡന്റ്‌ സുബൈർ എം.എം ആമുഖ ഭാഷണം നടത്തി. ധാർമിക ജീവിതത്തിലൂടെ സമൂഹത്തിന് മാതൃകയാവാൻ ഓരോ പ്രവർത്തകനും ശ്രമിക്കണമെന്നും പ്രതി സന്ധികളെയും വെല്ലുവിളികളെയും അവസരങ്ങളാക്കി മാറ്റാനും വിമർശനങ്ങളെ ഉൾക്കൊണ്ട് തിരുത്തൽ വരുത്താനും സന്നദ്ധമാകേണ്ടതുണ്ട് എന്ന് അദ്ദേഹം വ്യക്തമാക്കി.  ജാസിർ പി.പി പഠന ക്ലാസ് നടത്തിയ പരിപാടിയിൽ ജന. സെക്രട്ടറി സഈദ് റമദാൻ നദ്‌ വി സ്വാഗതമാശംസിച്ചു. വാർഷിക റിപ്പോർട്ട് അസി. ജനറൽ സെക്രട്ടറി സക്കീർ ഹുസൈൻ അവതരിപ്പിച്ചു. അമൽ, തഹിയ ഫാറൂഖ്, ശമ്മാസ് എന്നിവർ ഗാനങ്ങൾ ആലപിച്ചു. റിഫ ഏരിയ ആക്ടിംഗ് പ്രസിഡൻ്റ് അഹ് മദ് റഫീഖ് സമാപനം നിർവഹിച്ചു.

മനാമ: പ്രവാസ ജീവിതം മതിയാക്കി നാട്ടിലേക്കു തിരിക്കുന്ന കൊല്ലം പ്രവാസി അസോസിയേഷൻ സ്ഥാപക സെക്രട്ടറി  കിഷോർ കുമാറിന് കെ . പി . എ ഡിസ്ട്രിക്ട് കമ്മിറ്റിയുടെ നേതൃത്വത്തിൽ യാത്രയയപ്പു നൽകി . കെ പി എ പ്രസിഡന്റ്  അനോജ്  മാസ്റ്റർ അധ്യക്ഷത വഹിച്ച ചടങ്ങിൽ ജനറൽ സെക്രട്ടറി പ്രശാന്ത് പ്രബുദ്ധൻ  സ്വാഗതം പറഞ്ഞു. ശ്രീ നാരായണ കൾച്ചറൽ സൊസൈറ്റി  ജനറൽ സെക്രട്ടറി  ശ്രീകാന്ത് എം എസ്,   സാമൂഹ്യ പ്രവർത്തകനായ  സെയ്ദ് ഹനീഫ,  കെ പി എ സ്ഥാപക പ്രസിഡന്റ്  നിസാർ കൊല്ലം, കെ പി എ വൈസ് പ്രസിഡന്റ്  കോയിവിള  മുഹമ്മദ് കുഞ്ഞ് ,  സെക്രട്ടറി  അനിൽകുമാർ ,   സെക്രട്ടറി  രജീഷ് പട്ടാഴി  ,കെ പി എ സ്ഥാപക ജനറൽ സെക്രട്ടറി  ജഗത് കൃഷ്ണകുമാർ , കെ പി എ സ്ഥാപക ട്രഷറർ  രാജ് ഉണ്ണി കൃഷ്ണൻ , മുൻ കെ പി എ  അസിസ്റ്റന്റ്  ട്രഷറർ…

മനാമ: കേരളത്തിന്റെ മുൻമുഖ്യമന്ത്രിയും ജനകീയ നേതാവുമായിരുന്ന ഇ കെ നായനാർ അനുസ്മരണം സംഘടിപ്പിച്ചു. ബഹ്‌റൈൻ പ്രതിഭ ഹാളിൽ സംഘടിപ്പിച്ച അനുസ്മരണ പരിപാടിക്ക് പ്രസിഡണ്ട് ബിനു മണ്ണിൽ അദ്ധ്യക്ഷത വഹിച്ചു. ജനറൽ സെക്രട്ടറി മിജോഷ് മൊറാഴ സ്വാഗതം ആശംസിച്ചു. കേന്ദ്ര കമ്മറ്റി അംഗം നിരൻ സുബ്രഹ്മണ്യൻ അനുസ്മരണ പ്രഭാഷണവും രക്ഷാധികാരി സമിതി അംഗം എൻ വി ലിവിൻ കുമാർ രാഷ്ട്രീയ വിശദീകരണവും നടത്തി. കേരളയീരുടെ ജീവിതത്തെ പുതുക്കി പണിത ഭരണാധികാരിയും ജനകീയ നേതാവുമായിരുന്നു ഇ കെ നായനാർ എന്നും സാധാരണക്കാരന് വേണ്ടി എക്കാലവും നിലകൊള്ളുകയും സ്വാതന്ത്ര്യ സമരത്തിൽ ഉൾപ്പെടെ പോരാടുകയും ചെയ്ത മനുഷ്യസ്നേഹിയും കൂടെയായിരുന്നു അദ്ദേഹം എന്നും അനുസ്മരണ പ്രഭാഷണത്തിൽ ചൂണ്ടിക്കാട്ടി. മുഖ്യമന്ത്രിയായിരുന്ന കാലഘട്ടത്തിൽ അദ്ദേഹത്തിന്റെ നേതൃത്വത്തിൽ നടപ്പിലാക്കിയ പ്രധാന പദ്ധതികളായ കർഷകത്തൊഴിലാളി പെൻഷൻ ,സമ്പൂർണ്ണ സാക്ഷരതാ യജ്ഞം , രാജ്യത്തെ തന്നെ ആദ്യത്തെ ഐടി പാർക്ക് , ജനകീയാസൂത്രണം, മാവേലി സ്റ്റോറുകൾ തുടങ്ങിയ പല പദ്ധതികളും കേരളത്തെ സാമൂഹ്യമായും സാമ്പത്തികമായും മുന്നോട്ട്…

മനാമ: സൽമാനിയ കാനു ഗാർഡനിൽ പ്രവർത്തിക്കുന്ന ഗുരുദേവ സോഷ്യൽ സൊസൈറ്റിയിൽ അന്താരാഷ്ട്ര നേഴ്സസ് ഡേ വിപുലമായ രീതിയിൽ ആഘോഷിച്ചു. സൊസൈറ്റി അങ്കണത്തിൽ വച്ച് നടന്ന ചടങ്ങിൽ സൊസൈറ്റിയിലെ കുടുംബാംഗങ്ങളിൽ ആതുരസേവന രംഗത്ത് പ്രവർത്തിക്കുന്ന 21 നേഴ്സുമാരെ ആദരിക്കുകയും, ബഹറിനിൽ വർദ്ധിച്ചുവരുന്ന ഹാർട്ടറ്റാക്കിന്റെ കാരണവും പ്രതിവിധിയും എന്ന വിഷയത്തിൽ ബോധവൽക്കരണ ക്ലാസും സംഘടിപ്പിച്ചു. ചടങ്ങിൽ കാൻസർ കെയർ ഗ്രൂപ്പുമായി സഹകരിച്ച് ഏഴു കുടുംബാംഗങ്ങൾ അവരുടെ മുടി കാൻസർ കെയർ ഗ്രൂപ്പിന് ദാനം ചെയ്യുകയുണ്ടായി. കൂടാതെ ഗുരുദേവ സോഷ്യൽ സൊസൈറ്റിയുടെ ഒരു വെർച്വൽ ലൈബ്രറിയുടെ ഉദ്ഘാടനവും നടത്തുകയുണ്ടായി. സൊസൈറ്റി ചെയർമാൻ സനീഷ് കൂറുമുള്ളില്‍ അധ്യക്ഷത വഹിച്ച ചടങ്ങിൽ ബഹറിനിലെ ആതുര സേവന രംഗത്ത് കഴിഞ്ഞ 46 വർഷമായി നിറസാന്നിധ്യവും കാൻസർ കെയർ ഗ്രൂപ്പിൻറെ പ്രസിഡന്റുമായ ഡോക്ടർ പി. വി. ചെറിയാൻ ചടങ്ങുകൾ ഭദ്രദീപം കൊളുത്തി ഉദ്ഘാടനം നിർവഹിച്ചു. ക്യാൻസർ കെയർ ഗ്രൂപ്പ് ജനറൽ സെക്രട്ടറിയും സാമൂഹ്യ പ്രവർത്തകനുമായ K.T സലീം ചടങ്ങുകളിൽ പങ്കെടുത്ത് ക്യാൻസർ…

ദില്ലി : കേണല്‍ സോഫിയ ഖുറേഷിക്കെതിരെ വിദ്വേഷ പരാമര്‍ശം നടത്തിയ മന്ത്രി വിജയ് ഷായ്ക്കെതിരെ രൂക്ഷ വിമര്‍ശനവുമായി സുപ്രീംകോടതി. മന്ത്രിയുടെ ഖേദപ്രകടനം സ്വീകാര്യമല്ലെന്നും വാക്കുകള്‍ സൂക്ഷിച്ചു പ്രയോഗിക്കണമെന്നും കോടതി ആവശ്യപ്പെട്ടു. പൊതുപ്രവര്‍ത്തകനും പരിചയസമ്പന്നനായ രാഷ്ട്രീയക്കാരനുമാണ്. വാക്കുകള്‍ സൂക്ഷിച്ചു പ്രയോഗിക്കണമെന്നും സുപ്രീംകോടതി നിർദ്ദേശിച്ചു. കേണല്‍ സോഫിയ ഖുറേഷിക്കെതിരെ വിദ്വേഷ പരാമര്‍ശത്തിലെ അന്വേഷണത്തിന് സുപ്രീം കോടതി പ്രത്യേക സംഘം രൂപീകരിച്ചു. വനിത ഉദ്യോഗസ്ഥ ഉള്‍പ്പെടെ 3 ഐപിഎസ് ഉദ്യോഗസ്ഥരാണ് അന്വേഷണ സംഘത്തിലുള്ളത്. മെയ് 28 അന്വേഷണ പുരോഗതി അറിയിച്ച് റിപ്പോര്‍ട്ട് നല്‍കാന്‍ സുപ്രീംകോടതി നിര്‍ദേശം നൽകി. വിദ്വേഷ പരാമർശത്തിൽ തനിക്കെതിരായി എടുത്ത കേസ് റദ്ദാക്കണമെന്ന് ആവശ്യപ്പെട്ടാണ് മന്ത്രി വിജയ് ഷാ സുപ്രീംകോടതിയെ സമീപിച്ചത്. വിജയ് ഷായുടെ അറസ്റ്റ് സുപ്രീം കോടതി താൽക്കാലികമായി തടഞ്ഞു.

തിരുവനന്തപുരം: സംസ്ഥാനത്ത് മഴ ശക്തമാകുന്നത് കണക്കിലെടുത്ത് കൂടുതൽ ജില്ലകൾക്ക് ഓറഞ്ച് അലർട്ട് പ്രഖ്യാപിച്ചു. ഇന്ന് അഞ്ച് ജില്ലകൾക്ക് ഓറഞ്ച് അലർട്ടും ഏഴ് ജില്ലകൾക്ക് മഞ്ഞ അലർട്ടുമാണ് നൽകിയിരിക്കുന്നത്. കേരളത്തിൽ അടുത്ത അഞ്ച് ദിവസത്തേയ്ക്ക് മഴ ശക്തമാകുമെന്നാണ് കാലാവസ്ഥാ കേന്ദ്രം അറിയിക്കുന്നത്. കേരള – കർണാടക – ലക്ഷദ്വീപ് തീരങ്ങളിൽ ഇന്ന് മുതൽ മേയ് 23 വരെ മത്സ്യബന്ധനത്തിന് പോകാൻ പാടില്ലെന്നും കേന്ദ്ര കാലാവസ്ഥാ വകുപ്പ് അറിയിച്ചു ഓറഞ്ച് അലർട്ട് 19/05/2025: മലപ്പുറം, കോഴിക്കോട്, വയനാട്, കണ്ണൂർ, കാസർകോട്20/05/2025: കോഴിക്കോട്, വയനാട്, കണ്ണൂർ, കാസർകോട്23/05/2025: പത്തനംതിട്ട, ഇടുക്കി, എറണാകുളം മഞ്ഞ അലർട്ട്19/05/2025: പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ, പാലക്കാട്20/05/2025: പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ, പാലക്കാട്, മലപ്പുറം21/05/2025: കോഴിക്കോട്, വയനാട്, കണ്ണൂർ, കാസർകോട്22/05/2025: കണ്ണൂർ, കാസർകോട്23/05/2025: ആലപ്പുഴ, കോട്ടയം, തൃശൂർ, പാലക്കാട്, മലപ്പുറം, കോഴിക്കോട്, വയനാട്

മനാമ: ഇന്ത്യൻ സ്കൂൾ ബഹ്‌റൈൻ (ഐ‌എസ്‌ബി) ജൂനിയർ കാമ്പസിൽ സ്റ്റുഡന്റസ് കൗൺസിൽ അംഗങ്ങൾ ചുമതലയേറ്റു. മെയ് 15നു  ഞായറാഴ്ച റിഫയിലെ സ്കൂൾ കാമ്പസിൽ നടന്ന ഇൻവെസ്റ്റിചർ സെറിമണിയിലാണ് 2025-26 അധ്യയന വർഷത്തേക്ക് പുതുതായി തിരഞ്ഞെടുക്കപ്പെട്ട സ്റ്റുഡന്റ് കൗൺസിലിന്റെ ആചാരപരമായ പ്രവേശന ചടങ്ങ് നടന്നത്. വിദ്യാർത്ഥി നേതൃത്വത്തിന്റെ പ്രാധാന്യം പ്രതിഫലിപ്പിക്കുന്ന പരിപാടിയിൽ ഹെഡ് ബോയ് ഫാബിയോൺ ഫ്രാങ്കോ ഫ്രാൻസിസ്, ഹെഡ് ഗേൾ ലക്ഷിത രോഹിത്, അസി.ഹെഡ് ബോയ് ആയുഷ് രാജേഷ്, അസി.ഹെഡ് ഗേൾ ഇറ പ്രബോധൻ ദേശായി, ഇക്കോ അംബാസഡർ ആരിസ് റെഹാൻ മൂസ, മറ്റ് തിരഞ്ഞെടുക്കപ്പെട്ട പ്രിഫെക്റ്റുകൾ എന്നിവരുൾപ്പെടെ 26 വിദ്യാർത്ഥി നേതാക്കളുടെ  ഔപചാരികമായി സ്ഥാനാരോഹണം നടന്നു. സ്‌കൂൾ അസി.സെക്രട്ടറിയും  അക്കാദമിക് അംഗവുമായ രഞ്ജിനി മോഹനും ജൂനിയർ കാമ്പസ്  പ്രിൻസിപ്പൽ പമേല സേവ്യറും പ്രിഫെക്റ്റ് കൗൺസിൽ അംഗങ്ങൾക്ക് ബാഡ്ജുകളും സാഷുകളും ഔദ്യോഗികമായി നൽകി.  ദേശീയ ഗാനത്തോടെയാണ്  പരിപാടി ആരംഭിച്ചത്. തുടർന്ന് വിശുദ്ധ ഖുർആൻ  പാരായണവും മൂന്നാം ക്ലാസ് വിദ്യാർത്ഥികൾ അവതരിപ്പിച്ച സ്കൂൾ ഗാന ആലാപനവും നടന്നു.…

മനാമ: ചെയര്‍മാന്‍ അലി ബിന്‍ സാലിഹ് അല്‍ സാലിഹിന്റെ നേതൃത്വത്തില്‍ ബഹ്‌റൈന്‍ ശൂറ കൗണ്‍സില്‍ ‘സമ്പൂര്‍ണ്ണവും സുസ്ഥിരവുമായ സാമ്പത്തിക വികസനത്തിലേക്ക്’ എന്ന ഫോറത്തിന് തുടക്കം കുറിച്ചു. ധനകാര്യ, ദേശീയ സാമ്പത്തിക മന്ത്രി ഷെയ്ഖ് സല്‍മാന്‍ ബിന്‍ ഖലീഫ അല്‍ ഖലീഫ മുഖ്യ പ്രഭാഷകനായി പങ്കെടുത്ത പരിപാടിയില്‍ മന്ത്രിമാര്‍, പൊതു, സ്വകാര്യ മേഖല പ്രതിനിധികള്‍, ബാങ്ക് ഓഫ് ബഹ്റൈന്‍ ആന്റ് കുവൈത്ത് (ബി.ബി.കെ), നാഷണല്‍ ബാങ്ക് ഓഫ് ബഹ്റൈന്‍ (എന്‍.ബി.ബി) എന്നിവയുടെ പ്രതിനിധികള്‍ തുങ്ങിയവരും ഉണ്ടായിരുന്നു. സ്ഥാപനപരമായ സഹകരണത്തെ പിന്തുണയ്ക്കുന്നതിലൂടെയും ദേശീയ ലക്ഷ്യങ്ങള്‍ക്ക് അനുസൃതമായി സുസ്ഥിര സാമ്പത്തിക വികസന തന്ത്രങ്ങള്‍ രൂപപ്പെടുത്തുന്നതിലൂടെയും രാജാവ് ഹമദ് ബിന്‍ ഈസ അല്‍ ഖലീഫയുടെയും കിരീടാവകാശിയും പ്രധാനമന്ത്രിയുമായ സല്‍മാന്‍ ബിന്‍ ഹമദ് അല്‍ ഖലീഫ രാജകുമാരന്റെയും നിര്‍ദ്ദേശങ്ങള്‍ നടപ്പിലാക്കാനുള്ള ശൂറ കൗണ്‍സിലിന്റെ പരിപാടികളുടെ ഭാഗമാണ് ഫോറം. സുസ്ഥിരത, തുല്യത, തുല്യ അവസരം എന്നിവയ്ക്ക് മുന്‍ഗണന നല്‍കുന്ന ഘടനാപരമായ പരിഷ്‌കാരങ്ങളെ അടിസ്ഥാനമാക്കിയുള്ള സാമ്പത്തിക വീണ്ടെടുക്കലില്‍നിന്ന് സുസ്ഥിര വളര്‍ച്ചയിലേക്കുള്ള ബഹ്റൈന്റെ…

മനാമ: ബഹ്‌റൈന്‍ തൊഴില്‍ മന്ത്രാലയത്തിന്റെ ഓണ്‍ലൈന്‍ പ്ലാറ്റ്ഫോം വഴി ജോലി ഒഴിവുകളോ പരിശീലന അവസരങ്ങളോ വാഗ്ദാനം ചെയ്യുന്ന വ്യാജ കമ്പനികളുടെ പരസ്യത്തിന്റെ സാന്നിധ്യത്തെക്കുറിച്ച് ഒരു വിവരവും ലഭിച്ചിട്ടില്ലെന്ന് മന്ത്രാലയം വ്യക്തമാക്കി. ലിസ്റ്റുചെയ്ത എല്ലാ കമ്പനികളും ബഹ്റൈന്റെ നിയമങ്ങള്‍ക്കനുസൃതമായി പ്രവര്‍ത്തിക്കുന്ന ലൈസന്‍സുള്ളതും പ്രവര്‍ത്തനക്ഷമവുമായ സ്ഥാപനങ്ങളാണ്. വെര്‍ച്വല്‍ എംപ്ലോയ്മെന്റ് ആന്റ് ട്രെയിനിംഗ് എക്‌സിബിഷനിലെ വ്യക്തിപരമായ അനുഭവങ്ങള്‍ ഉള്‍പ്പെടെ ഓണ്‍ലൈന്‍ പ്ലാറ്റ്ഫോമിലെ വ്യാജ ജോലി അല്ലെങ്കില്‍ പരിശീലന ഓഫറുകളെക്കുറിച്ചുള്ള ഏതെങ്കിലും വിവരങ്ങളോ തെളിവുകളോ ഉണ്ടെങ്കില്‍ റിപ്പോര്‍ട്ട് ചെയ്യണമെന്ന വിവിധ മാര്‍ഗങ്ങളിലൂടെയുള്ള മന്ത്രാലയത്തിന്റെ ആഹ്വാനത്തെ തുടര്‍ന്നാണ് ഈ പ്രസ്താവന. കമ്പനികളുടെ പേരുകളും അനുബന്ധ രേഖകളും വിശദാംശങ്ങളും അവലോകനത്തിനായി സമര്‍പ്പിക്കാന്‍ മന്ത്രാലയം ആവശ്യപ്പെട്ടു. വെര്‍ച്വല്‍ എംപ്ലോയ്മെന്റ് പ്ലാറ്റ്ഫോമില്‍ ഒഴിവുകള്‍ പോസ്റ്റ് ചെയ്യുന്ന എല്ലാ കമ്പനികളും നിയമപരമായി രജിസ്റ്റര്‍ ചെയ്തതും പ്രവര്‍ത്തനക്ഷമവുമാണെന്ന് പരിശോധിക്കുാന്‍ ബന്ധപ്പെട്ട അധികാരികളില്‍നിന്ന് അടുത്ത സഹകരണമുണ്ടായെന്നും മന്ത്രാലയം പറഞ്ഞു.