Author: News Desk

കോഴിക്കോട്: ഇന്‍സ്റ്റഗ്രാം റീലിലൂടെയുള്ള ലൈംഗികാതിക്രമ ആരോപണത്തെ തുടര്‍ന്ന് കോഴിക്കോട് ഗോവിന്ദപുരം സ്വദേശി ദീപക് ജീവനൊടുക്കിയ കേസില്‍ പ്രതി ഷിംജിത മുസ്തഫ അറസ്റ്റില്‍. വടകരയിലെ ബന്ധുവീട്ടില്‍ നിന്നാണ് പൊലീസ് അറസ്റ്റ് ചെയ്തത്. കൊയിലാണ്ടി താലൂക്ക് ആശുപത്രിയില്‍ വൈദ്യപരിശോധന പൂര്‍ത്തിയാക്കി. തുടര്‍ന്ന് ഷിംജിതയെ കോടതിയില്‍ ഹാജരാക്കും. മഫ്തിയിലാണ് പൊലിസ് ഉദ്യോഗസ്ഥര്‍ ഷിംജിതയെ വൈദ്യ പരിശോധനയ്ക്ക് എത്തിച്ചത്. കേസില്‍ പ്രതി ഷിംജിത മുസ്തഫയ്ക്കെതിരെ ലുക്കൗട്ട് നോട്ടീസ് പുറത്തിറക്കിയിരുന്നു. സംഭവവുമായി ബന്ധപ്പെട്ട് ഡിസംബര്‍ 19ന് തന്നെ യുവതിയുടെ മൊഴി പൊലീസ് രേഖപ്പെടുത്തിയിരുന്നു. എന്നാല്‍ ഇതിന് പിന്നാലെ യുവതി ഒളിവില്‍ പോകുയായിരുന്നു. അതിനിടെ യുവതി മുന്‍കൂര്‍ ജാമ്യം തേടി ഇന്ന് കോഴിക്കോട് ജില്ലാ കോടതിയെ സമീപിച്ചു. സംഭവത്തില്‍ ഷിംജിതയ്‌ക്കെതിരെ ആത്മഹത്യാ പ്രേരണക്കുറ്റം ചുമത്തിയാണ് പൊലീസ് കേസെടുത്തിരിക്കുന്നത്. ആത്മഹത്യ ചെയ്ത ദീപക്കിന്റെ അമ്മ നല്‍കിയ പരാതിയിലാണ് കേസെടുത്തത്. മെഡിക്കല്‍ കോളജ് പൊലീസ് ദീപക്കിന്റെ വീട്ടിലെത്തി മാതാപിതാക്കളുടെയും സഹോദരന്റെയും അടക്കം മൊഴി രേഖപ്പെടുത്തിയിരുന്നു. ആരോപണം വ്യാജമാണെന്നും തനിക്ക് മനോവിഷമം ഉണ്ടായി എന്നും…

പി.ആർ. സുമേരൻ. കൊച്ചി: വീട്ടുകാര്‍ക്കൊപ്പം പൊട്ടിച്ചിരിക്കാന്‍ ‘മാജിക് മഷ്റൂംസ്” ഒരുങ്ങിയെന്നും ചിത്രം പ്രേക്ഷകരെ നിരാശപ്പെടുത്തില്ലെന്നും നടനും നിര്‍മ്മാതാവുമായ അഷ്റഫ് പിലാക്കല്‍. നാദിര്‍ഷയും വിഷ്ണു ഉണ്ണികൃഷ്ണനും ‘കട്ടപ്പനയിലെ ഋത്വിക് റോഷന്‍’ എന്ന സൂപ്പര്‍ഹിറ്റ് ചിത്രത്തിന് ശേഷം ഒന്നിക്കുന്ന പുതിയ സിനിമയാണ് മാജിക് മഷ്റൂംസ്. ചിത്രം 23 ന് തിയേറ്ററിലെത്തും. ഇടുക്കിയിലെ കഞ്ഞിക്കുഴി ഗ്രാമപശ്ചാത്തലത്തില്‍ ഒരുങ്ങുന്ന മനോഹരമായ സിനിമയാണ് മാജിക് മഷ്റൂംസ്. നാട്ടിന്‍പുറത്തിന്‍റെ നന്മയും നിഷ്ക്കളങ്കതയുമൊക്കെ ചിത്രം ഒപ്പിയെടുത്തിട്ടുണ്ട്. ഓരോ മലയാളിയെയും വൈകാരികമായി തൊട്ടുണര്‍ത്തുന്ന ഒട്ടേറെ മുഹൂര്‍ത്തങ്ങളും ചിത്രത്തിലുണ്ട്. ഗ്രാമഭംഗിയിലൂടെ ചിത്രീകരിക്കുന്ന സിനിമ രസകരമായ തമാശയിലൂടെ പ്രേക്ഷകരെ പൊട്ടിച്ചിരിപ്പിക്കുമെന്നതില്‍ തര്‍ക്കമില്ല. എല്ലാ പ്രേക്ഷകരെയും രസിപ്പിക്കുന്ന സിനിമയാണ് മാജിക് മഷ്റൂംസെന്നും അഷ്റഫ് പിലാക്കല്‍ പറയുന്നു. താന്‍ നിര്‍മ്മിക്കുന്ന എട്ടാമത്തെ സിനിമ കൂടിയാണ് മാജിക് മഷ്റൂംസ്. മഞ്ചാടി ക്രിയേഷന്‍സിന്‍റെ ബാനറിലാണ് സിനിമ ഒരുങ്ങുന്നത്. വിഷ്ണു ഉണ്ണികൃഷ്ണനൊപ്പം അല്‍ത്താഫ് സലീമും മറ്റൊരു പ്രധാന കഥാപാത്രമായി ചിത്രത്തില്‍ എത്തുന്നുണ്ട്. അക്ഷയ ഉദയകുമാറും മീനാക്ഷിയുമാണ് നായികമാര്‍.മനോഹരങ്ങളായ ഗാനങ്ങളും ചിത്രത്തിന്‍റെ മറ്റൊരു പുതുമയാണ്.

മനാമ: ഐക്യരാഷ്ട്രസഭയുടെ വ്യാവസായിക വികസന സംഘടന (യു.എൻ.ഐ.ഡി.ഒ) അംഗീകരിച്ച 2026ലെ യുവ അറബ് സംരംഭകരുടെ തലസ്ഥാനമായി മനാമയെ പ്രഖ്യാപിച്ചു. കാപ്പിറ്റൽ ഗവർണറേറ്റ് സംഘടിപ്പിച്ച ചടങ്ങിൽ മാനുഷിക പ്രവർത്തനത്തിനും യുവജന കാര്യത്തിനുമുള്ള ഹമദ് രാജാവിന്റെ പ്രതിനിധി ഷെയ്ഖ് നാസർ ബിൻ ഹമദ് അൽ ഖലീഫയാണ് പ്രഖ്യാപനം നടത്തിയത്. ചടങ്ങിൽ യുവജനകാര്യ മന്ത്രി റാവാൻ ബിൻത് നജീബ് തൗഫീഖി, സംരംഭകത്വത്തിലും യുവജന ശാക്തീകരണത്തിലും താൽപ്പര്യമുള്ള നിരവധി പ്രാദേശിക, അന്തർദേശീയ സ്ഥാപനങ്ങളുടെ ഉദ്യോഗസ്ഥരും പ്രതിനിധികളും എന്നിവർ പങ്കെടുത്തു. യുവ അറബ് സംരംഭകരുടെ തലസ്ഥാനമായി മനാമയെ തിരഞ്ഞെടുത്തത് ബഹ്‌റൈനി, അറബ് യുവാക്കളിൽ യുവാക്കളെ സമഗ്ര വികസനത്തിന്റെയും നിക്ഷേപത്തിന്റെയും ഒരു പ്രധാന കേന്ദ്രമാക്കി മാറ്റിയ രാജാവ് ഹമദ് ബിൻ ഈസ അൽ ഖലീഫയുടെ ദർശനത്തെ പ്രതിഫലിപ്പിക്കുന്നുവെന്ന് ചടങ്ങിൽ ഷെയ്ഖ് നാസർ ബിൻ ഹമദ് പറഞ്ഞു. സംരംഭകത്വ സംവിധാനം മെച്ചപ്പെടുത്താനും അറബ് യുവാക്കൾക്ക് സ്വയം നവീകരിക്കാനും മത്സരിക്കാനും ഭാവി അവസരങ്ങൾ സൃഷ്ടിക്കാനുമുള്ള വിശാലമായ ചക്രവാളങ്ങൾ തുറക്കാനുമുള്ള പുതുക്കിയ ഉത്തരവാദിത്തമാണ് ഈ…

മനാമ: ജനുവരി 29 മുതൽ 31 വരെ കേരള നിയമസഭ മന്ദിരത്തിലെ ആർ. ശങ്കര നാരായണൻ തമ്പി ഹാൾ തിരുവനന്തപുരത്ത് നടക്കുന്ന അഞ്ചാം ലോക കേരള സഭയിലേക്ക് ബഹ്‌റൈൻ നവ കേരളയെ പ്രതിനിധീകരിച്ചു എൻ. കെ ജയനും ജേക്കബ് മാത്യു വും പങ്കെടുക്കും. 125 ഓളം രാജ്യങ്ങളിൽനിന്നുള്ള മലയാളി പ്രവാസികളുടെ പ്രതിനിധികളാണ് ഇത്തവണ പങ്കെടുക്കുന്നത്. പ്രവാസി സമൂഹത്തെ ഭരണ നിർവ്വഹണത്തിലും വികസന പ്രക്രിയയിലും സജീവമായി പങ്കാളികളക്കുന്നതിനായി കേരള സർക്കാർ നടപ്പിലാക്കിയ നൂതന ആശയമാണ് ലോക കേരള സഭ. കേരള സർക്കാരും നോർക്കയും ചേർന്നാണ് ലോക കേരള സഭ സംഘടിപ്പിക്കുന്നത്.

മനാമ: 2026- 2027 കാലയളവിലേക്കുള്ള ഫ്രൻഡ്സ് സോഷ്യൽ അസോസിയേഷൻ മനാമ ഏരിയ വനിത വിഭാഗം ഭാരവാഹികളെ തിരഞ്ഞെടുത്തു. ഏരിയ ഓർഗനൈസർ മിഹ്റ മൊയ്തീൻ, സെക്രട്ടറി ശഹീന നൗമൽ അസിസ്റ്റന്റ് ഓർഗനൈസർമാർ-റസീന അക്ബർ ഫസീല ഹാരിസ്, ജോയിൻ്റ് സെക്രട്ടറി സൈഫുന്നിസ റഫീഖ് എന്നിവരാണ് തിരഞ്ഞെടുക്കപ്പെട്ടത്.   ബുഷ്‌റ ഹമീദ്, സുനീറ ശമ്മാസ്, ജസീന അശ്റഫ്‌ എന്നിവർ ഏരിയസമിതി അംഗങ്ങളാണ്. വിവിധ യൂണിറ്റ് ഭാരവാഹികളെയും തിരഞ്ഞെടുത്തു. ഗുദൈബിയ യുണിറ്റ്: ജസീന അശ്റഫ്‌ (പ്രസിഡന്റ്), മെഹർ നദീറ (സെക്രട്ടറി), സൈഫുന്നിസ (വൈസ് പ്രസിഡന്റ്), ഷാഹിദ സിയാദ് (ജോയിന്റ് സെക്രട്ടറി). മനാമ യുണിറ്റ്: ബുശ്റ ഹമീദ് (പ്രസിഡന്റ്), റസീന അക്ബർ (സെക്രട്ടറി), റഷീദ ബദർ (വൈസ് പ്രസിഡന്റ്), ഷമീന ലത്തീഫ് (ജോയിന്റ് സെക്രട്ടറി). സിഞ്ച് യുണിറ്റ്: സുനീറ (പ്രസിഡന്റ്), സുആദ ഇബ്രാഹിം (സെക്രട്ടറി), റഷീദ സുബൈർ (വൈസ് പ്രസിഡന്റ്), സകിയ്യ സമീർ (ജോയിന്റ് സെക്രട്ടറി). ജിദ്ഹഫ്‌സ് യുണിറ്റ്: നൂറ ശൗക്കത്തലി (പ്രസിഡന്റ്), ഫസീല ഷാഫി (സെക്രട്ടറി), സാജിത സലീം…

കൊല്ലം പ്രവാസി അസ്സോസിയേഷൻ കലാ – സാഹിത്യ വിഭാഗം സൃഷ്ടി യുടെ നേതൃത്വത്തിൽ ആരംഭിച്ച  ഓൺലൈൻ കൈയെഴുത്തു ദ്വൈമാസിക “എഴുത്താണി യുടെ  ആദ്യലക്കം പ്രകാശനം ചെയ്തു.  അംഗങ്ങളുടെ എഴുതാനും ,  വരയ്ക്കാനുമുള്ള കഴിവുകൾ , അംഗങ്ങളുടെ സര്‍ഗാത്മക കഴിവുകള്‍ പ്രോത്സാഹിപ്പിക്കുക എന്ന ലക്ഷ്യത്തോടെ അവരുടെ സൃഷ്ടികൾ  രണ്ടു മാസം കൂടുമ്പോൾ ഓൺലൈൻ വഴി പ്രസിദ്ധീകരിക്കുക എന്നതാണ് ഉദ്ദേശം .   ആദ്യ ലക്കത്തിന്റെ  പ്രകാശനം കഴിഞ്ഞ ദിവസം ക്രിസ്റ്റൽ  പാലസ് ഹോട്ടലിൽ  നടന്ന ചടങ്ങിൽ ‍ പ്രവാസി ഭാരതീയ സമ്മാൻ ജേതാവ് കെ.ജി. ബാബുരാജ് നിർവഹിച്ചു. കെപിഎ പ്രസിഡന്‍റ് അനോജ് മാസ്റ്റര്‍, ജനറല്‍സെക്രട്ടറി പ്രശാന്ത്‌ പ്രബുദ്ധന്‍, കെ.പി.എ ട്രെഷറർ മനോജ് ജമാൽ,  സൃഷ്ടി  ജനറൽ കൺവീനർ ജഗത് കൃഷ്ണകുമാർ ,  സാഹിത്യ വിഭാഗം കൺവീനർ വിനു ക്രിസ്റ്റി , ഇന്ത്യൻ സ്കൂൾ ബഹ്‌റൈൻ  പ്രിൻസിപ്പൽ  പളനിസ്വാമി, ന്യൂ ഇന്ത്യൻ സ്‌കൂൾ  പ്രിൻസിപ്പാൾ ഡോ: ഗോപിനാഥ് മേനോൻ, കെ.പി.എ വൈ.പ്രസിഡന്റ് കോയിവിള  മുഹമ്മദ്,…

മനാമ: ഇന്ത്യൻ സ്‌കൂൾ തമിഴ് ദിനം നിറപ്പകിട്ടാർന്ന പരിപാടികളോടെ  ആഘോഷിച്ചു. തമിഴ് ഭാഷയുടെയും പൈതൃകത്തിന്റെയും ആഴവും സൗന്ദര്യവും എടുത്തുകാണിക്കുന്ന സാംസ്കാരിക പ്രകടനങ്ങളുടെയും സാഹിത്യ മത്സരങ്ങളുടെയും സമ്പന്നമായ സംയോജനത്തോടെയായിരുന്നു ആഘോഷം. വിവിധ ക്ലാസുകളിലെ വിദ്യാർത്ഥികൾ സജീവമായി പങ്കെടുത്തു. സ്‌കൂൾ സെക്രട്ടറി വി. രാജപാണ്ഡ്യൻ ദീപം തെളിയിച്ചു. തദവസരത്തിൽ പ്രിൻസിപ്പൽ വി ആർ പളനിസ്വാമി, സീനിയർ സ്‌കൂൾ  അക്കാദമിക് അഡ്മിനിസ്ട്രേഷൻ വൈസ് പ്രിൻസിപ്പൽ ജി സതീഷ്, സ്റ്റാഫ് പ്രതിനിധി പാർവതി ദേവദാസ്, വകുപ്പ് മേധാവി വിബി ശരത്, തമിഴ് അധ്യാപിക മുത്തരസി അരുൺകുമാർ, അധ്യാപകർ, വിദ്യാർത്ഥികൾ എന്നിവർ  സന്നിഹിതരായിരുന്നു.  ഷെഫാലി സുനിൽ, മഗ്ദലീൻ ജെമി, നിതിക അശോക്,  വർഷിണി പ്രഭാകരൻ എന്നിവർ ആലപിച്ച ഭക്തിനിർഭരമായ തമിഴ് പ്രാർത്ഥനാ ഗാനത്തോടെയാണ് പരിപാടി ആരംഭിച്ചത്.  തുടർന്ന് നിരല്യ ടി , കാരുണ്യ എ, വർദിനി ജയപ്രകാശ് , ഉമ ഈശ്വരി എം , ശ്രുതിലയ  എന്നിവർ അണിനിരന്ന  നൃത്ത പ്രകടനങ്ങൾ അരങ്ങേറി.   മൻഹ ജഹാൻ , ജാസ്ലിൻ ഷിമോണ കിഷോർ…

മനാമ: നാലര പതിറ്റാണ്ടിലധികം നീണ്ടുനിന്ന പ്രവാസ ജീവിതത്തിന് വിരാമമിട്ട് നാട്ടിലേക്ക് തിരിക്കുന്ന അഹ്‌മദ് റഫീഖിനും പത്നി സഈദ റഫീഖിനും, മകൾ നജ്ദ റഫീഖിനും ഫ്രൻഡ്‌സ് സോഷ്യൽ അസോസിയേഷൻ യാത്രയയപ്പ് നൽകി. അസോസിയേഷൻ്റെ തുടക്ക കാലം മുതൽ നേതൃപരമായ പങ്കുവഹിച്ച അദ്ദേഹത്തിൻ്റെ സംഭാവനകൾ സംഘടനയുടെ വളർച്ചക്ക് ഏറെ ഗുണകർമായിരുന്നുവെന്ന് വിലയിരുത്തി. ഏഴ് വർഷം സൗദി അരാംകോയിലും 40 വർഷം ബഹ്റൈൻ നാഷണൽ ഗ്യാസിലും ഉയർന്ന ഉദ്യോഗസ്ഥനായിരുന്നു അദ്ദേഹം. അസോസിയേഷൻ്റെ വിവിധ ചുമതലകളിൽ അദ്ദേഹം നേതൃപരമായ പങ്ക് വഹിക്കുകയും മാതൃകയാക്കാൻ കഴിയുന്ന ഒട്ടേറെ പ്രവർത്തനങ്ങൾക്ക് ചുക്കാൻ പിടിക്കുകയും ചെയ്തു. ജന സേവന പ്രവർത്തനങ്ങളിൽ അദ്ദേഹത്തിൻ്റെയും കുടുംബത്തിൻ്റെയും കയ്യൊപ്പ് വേറിട്ടതാണെന്നും ചടങ്ങിൽ സംസാരിച്ചവർ അഭിപ്രായപ്പെട്ടു. വനിതകൾക്കിടയിൽ അസോസിയേഷൻ പ്രവർത്തനം വ്യാപിപ്പിക്കുന്നതിൽ സഈദ റഫീഖിൻ്റെ സേവനങ്ങളും അനുസ്മരിച്ചു. ഖുർആൻ മനപ്പാഠം പൂർത്തീകരിച്ച അദ്ദേഹത്തിൻ്റെ മകൾ നജ്ദ റഫീഖിന് ഉപഹാരം നൽകി. അഹ്‌മദ് റഫീഖിനും, സഈദ റഫീഖിനും അസോസിയേഷൻ പ്രസിഡൻ്റ് സുബൈർ എം.എം ഉപഹാരം നൽകി. വനിത വിഭാഗത്തിൻ്റെ…

മനാമ:  ഇന്ത്യൻ സ്കൂൾ  വിശ്വഹിന്ദി ദിവസ് വർണ്ണശബളമായ പരിപാടികളോടെ ആഘോഷിച്ചു. നേരത്തെ  നടന്ന ഇന്റർ-സ്കൂൾ മത്സരങ്ങൾ ഉൾപ്പെടുന്ന രണ്ട് ഘട്ട പരിപാടിയുടെ ഗ്രാൻഡ് ഫിനാലെയായിരുന്നു ആഘോഷം.   ജനവരി 11നു ഹിന്ദി വകുപ്പ് സംഘടിപ്പിച്ച  പരിപാടി  ദേശീയ ഗാനാലാപനത്തോടെ ആരംഭിച്ചു, തുടർന്ന് സ്കൂൾ പ്രാർത്ഥനയും നടന്നു. ഷാഹിദ് ഖമർ വിശുദ്ധ ഖുർആൻ  പാരായണം നിർവഹിച്ചു. മാഹാ അലി സ്വാഗതം ആശംസിച്ചു.   സ്റ്റാഫ് പ്രതിനിധി പാർവതി ദേവദാസ്, പ്രധാന അധ്യാപികമാരായ (ആക്ടിവിറ്റീസ്) ശ്രീകല ആർ. നായർ, സലോണ പയസ്, വകുപ്പ് മേധാവി  ബാബു ഖാൻ, മറ്റ് വിശിഷ്ടാതിഥികൾ എന്നിവർ പങ്കെടുത്തു. ന്യൂ മില്ലേനിയം സ്കൂൾ, ഏഷ്യൻ സ്കൂൾ, ന്യൂ ഇന്ത്യൻ സ്കൂൾ, ബഹ്റൈൻ ഇന്ത്യൻ സ്കൂൾ, ന്യൂ ഹൊറൈസൺ സ്കൂൾ, ഇബ്നു അൽ ഹൈതം ഇസ്ലാമിക് സ്കൂൾ എന്നിവ ഉൾപ്പെടെയുള്ള  സിബിഎസ്ഇ സ്കൂളുകളിൽ നിന്നുള്ള ആവേശകരമായ പങ്കാളിത്തം  ഇന്റർ-സ്കൂൾ മത്സരങ്ങളിൽ ദൃശ്യമായിരുന്നു.  ഹിന്ദി ഭാഷയുടെ സമ്പന്നതയും സാംസ്കാരിക ആഴവും പ്രതിഫലിപ്പിക്കുന്ന ദേശഭക്തി ഗാനങ്ങൾ,  നാടോടി നൃത്തങ്ങൾ…

കണ്ണൂർ: മുഖ്യമന്ത്രി പിണറായി വിജയനെ എൻഡിഎയിലേക്ക് സ്വാഗതം ചെയ്ത് കേന്ദ്രമന്ത്രി രാം ദാസ് അതാവലെ. കേന്ദ്രത്തിൽ നിന്ന് കൂടുതൽ പണം കേരളത്തിന്‌ ലഭിക്കുമെന്നും കമ്മ്യൂണിസ്റ്റ്‌ പാർട്ടി ബിജെപിയെ എതിർത്തോളൂ, പക്ഷേ വികസനത്തെ എതിർക്കരുതെന്നും കേന്ദ്രമന്ത്രി രാം ദാസ് അതാവലെ കണ്ണൂരിൽ പറഞ്ഞു. കേരളത്തിൽ നിന്ന് കൂടുതൽ പേർ റിപ്പബ്ലിക് പാർട്ടിയിലേക്ക് എത്തുന്നുണ്ട്. പിണറായി വിജയൻ എൻഡിഎയിൽ ചേരുകയാണെങ്കിൽ അതൊരു വിപ്ലവകരമായ തീരുമാനമാകും. ഭരണത്തുടർച്ച ഉണ്ടാകണമെങ്കിൽ പിണറായി വിജയൻ എൻ ഡിഎയിലേക്ക് വരണമെന്നും കേന്ദ്ര മന്ത്രി പറഞ്ഞു. കേരളത്തിൽ നിയമസഭാ തിരഞ്ഞെടുപ്പ് ഒരുക്കങ്ങൾ സജീവമാക്കി ബിജെപി ദേശീയ നേതൃത്വം കേരളത്തിൽ നിയമസഭാ തിരഞ്ഞെടുപ്പ് ഒരുക്കങ്ങൾ സജീവമാക്കി ബിജെപി ദേശീയ നേതൃത്വം. കേരളത്തിലെ തിരഞ്ഞെടുപ്പ് പ്രവർത്തനങ്ങൾ ഏകോപിപ്പിക്കുന്നതിനായി ദേശീയ ജനറൽ സെക്രട്ടറി വിനോദ് താവ്ഡെക്ക് ചുമതല നൽകി. കേന്ദ്രമന്ത്രി ശോഭ കരന്തലജെക്ക് സഹചുമതലയും നൽകിയിട്ടുണ്ട്. ബിജെപി ദേശീയ അധ്യക്ഷനായി നിതിൻ നബിൻ ചുമതലയേറ്റതിന് പിന്നാലെയാണ് കേരളത്തിന്റെ ചുമതലക്കാരെ സംബന്ധിച്ച പ്രഖ്യാപനം ഉണ്ടായത്. നിതിൻ നബിന്റെ സ്ഥാനാരോഹണ…