Author: News Desk

മലപ്പുറം: ആഭിചാര-ദുർമന്ത്രവാദ പ്രവർത്തനങ്ങൾ വർധിക്കുന്നതിന് സമാന്തരമായി, വീടുകളിൽ പ്രസവം നടത്താൻ പ്രോത്സാഹിപ്പിക്കുന്ന രഹസ്യ ഗ്രൂപ്പുകളും സംസ്ഥാനത്ത് സജീവം. ഇവ എല്ലാ ജില്ലകളിലും ഉണ്ടെങ്കിലും കൂടുതലും മലപ്പുറത്താണ്. 2021 ഏപ്രിലിനും ഈ വർഷം മാർച്ചിനുമിടയിൽ 273 പ്രസവങ്ങളാണ് ഇവിടെ വീടുകളിൽ നടന്നത്. ചില വീടുകൾ കേന്ദ്രീകരിച്ചാണ് പ്രസവങ്ങൾ നടക്കുന്നത്. ഇത്തരത്തിൽ താനൂരിനടുത്ത് താനാളൂരിൽ പ്രവർത്തിച്ചിരുന്ന ഒരു വീട് ഏതാനും മാസങ്ങൾക്ക് മുമ്പ് ആരോഗ്യ വകുപ്പും പൊലീസും ചേർന്ന് പൂട്ടിയിരുന്നു. കാസർകോട് മുതൽ കൊല്ലം വരെയുള്ള ജില്ലകളിൽ നിന്ന് സ്ത്രീകൾ പ്രസവിക്കാൻ ഇവിടെയെത്തിയിരുന്നു.

തിരുവനന്തപുരം: അശ്ലീല ഒ.ടി.ടി.ക്കെതിരായ നടന്‍റെ പരാതിയെ തുടർന്ന് പ്രൊഡക്ഷൻ ഹൗസുമായി താരം ഒപ്പിട്ട കരാറിന്‍റെ വിശദാംശങ്ങൾ പുറത്തുവന്നു. അശ്ലീല ഉള്ളടക്കമുള്ള വെബ് സീരീസ് എന്ന് കരാറിലില്ല. സിനിമയെ ബാധിക്കുന്ന രീതിയിൽ ഇടപെടലുണ്ടായാൽ നിർമ്മാണച്ചെലവ് പൂർണ്ണമായും ഈടാക്കുമെന്നും കരാറിൽ പറയുന്നു. ഒക്ടോബർ ഒന്നിനാണ് പരാതിക്കാരൻ കരാർ ഒപ്പിട്ടത്. അതേസമയം, വിവാദ ഒടിടി പ്ലാറ്റ്ഫോം വെബ് സീരീസിന്‍റെ ലൊക്കേഷൻ വീഡിയോ പുറത്തുവിട്ടു. പരാതിക്കാരൻ വീഡിയോ ഷൂട്ടുമായി സഹകരിക്കുന്നതിന്‍റെ ദൃശ്യങ്ങളാണ് പുറത്തുവിട്ടത്. 10,000 രൂപയാണ് നടന് ദൈനംദിന ശമ്പളം. വെങ്ങാനൂർ സ്വദേശിയായ നടന്‍റെ പരാതിയിലാണ് പൊലീസ് കേസെടുത്തത്. സംവിധായികയ്ക്ക് എതിരെയും എസ്മ എന്ന ഓൺലൈൻ പ്ലാറ്റ്ഫോമിനെതിരെയും വഞ്ചനാകുറ്റത്തിന് കേസെടുത്തിട്ടുണ്ട്. കരാർ ലംഘിച്ച് നഗ്നനായി അഭിനയിക്കാൻ നിർബന്ധിച്ചെന്ന പരാതിയിലാണ് വിഴിഞ്ഞം പൊലീസ് കേസെടുത്തത്.  സംവിധായികയും ഒടിടി പ്ലാറ്റ്ഫോം അധികൃതരും പറയുന്നതനുസരിച്ച്, 90 ശതമാനം നഗ്നനായി അഭിനയിക്കാമെന്ന് കരാറുണ്ട്. ഒപ്പിട്ട ശേഷമാണ് ഇതൊരു അശ്ലീല പരമ്പരയാണെന്ന് പ്രഖ്യാപിച്ചത്. തനിക്ക് അഭിനയിക്കാൻ കഴിയില്ലെന്ന് പറഞ്ഞപ്പോൾ അഞ്ച് ലക്ഷം രൂപ നഷ്ടപരിഹാരം…

വയനാട്: വീണ്ടും കടുവ ഭീതിയിൽ ചീരാൽ. വയനാട് ചീരാലിൽ പശുവിനെയാണ് കടുവ കൊന്നത്. ചീരാൽ സ്വദേശി സ്‌കറിയയുടെ പശുവാണ് ആക്രമണത്തിനിരയായത്. പുലർച്ചെ മൂന്നുമണിയോടെയായിരുന്നു സംഭവം. ഇതോടെ വയനാട്ടിൽ കടുവയുടെ ആക്രമണത്തിനിരയായ വളർത്തുമൃഗങ്ങളുടെ എണ്ണം പത്തായി. ഒരാഴ്ച മുമ്പും പ്രദേശത്ത് കടുവയിറങ്ങിയിരുന്നു. ചീരാൽ കണ്ടർമല, കരുവള്ളി പ്രദേശങ്ങളിലെ കന്നുകാലികളെ കടുവ ആക്രമിക്കുകയും ചെയ്തു. പ്രദേശത്ത് വിവിധ കെണികൾ വെച്ചിട്ടുണ്ടെങ്കിലും കടുവയെ പിടികൂടാൻ ഇതുവരെ കഴിഞ്ഞില്ല. 16 നിരീക്ഷണ ക്യാമറകളും സ്ഥലത്ത് സ്ഥാപിച്ചിട്ടുണ്ട്. മൂന്നാഴ്ച കൊണ്ട് ഒമ്പത് പശുക്കളെയാണ് കടുവ ഭക്ഷണമാക്കിയത്. ജനവാസകേന്ദ്രങ്ങളിലെത്തുന്ന കടുവ കാർഷിക വിളകളും നശിപ്പിക്കുന്നുണ്ട്. ഏതാനും നാളുകൾക്ക് മുമ്പ് വയനാട് ബത്തേരിയിലും കടുവയുടെ ആക്രമണം നടന്നിരുന്നു. ഏദൻവാലി എസ്റ്റേറ്റിലെ വളർത്തുനായയെ കടുവ ആക്രമിച്ച് കൊന്നിരുന്നു. നിരവധി തൊഴിലാളികൾ ജോലി ചെയ്യുന്ന എസ്‌റ്റേറ്റിലായിരുന്നു കടുവ എത്തിയത്.

ഗുവാഹത്തി: അരുണാചൽ പ്രദേശിലെ സിയാങ് ജില്ലയിൽ സൈനിക ഹെലികോപ്റ്റർ തകർന്നുവീണ് മലയാളി ഉൾപ്പെടെ നാല് സൈനികർക്ക് വീരമൃത്യു. ചെറുവത്തൂർ കിഴക്കേമുറി എം.കെ. അശോകൻ- കെ.വി.കൗസല്യ ദമ്പതികളുടെ മകൻ കെ.വി. അശ്വിൻ (24) ആണ് അപകടത്തിൽ മരിച്ച മലയാളി. കോപ്റ്ററിലുണ്ടായിരുന്ന അഞ്ചാമത്തെ ആളെ കണ്ടെത്താൻ തിരച്ചിൽ തുടരുകയാണ്. കഴിഞ്ഞ നാല് വർഷമായി കരസേനയുടെ ഇലക്ട്രോണിക്സ് ആൻഡ് മെക്കാനിക്കൽ വിഭാഗത്തിൽ സേവനമനുഷ്ഠിക്കുകയായിരുന്നു അശ്വിൻ. കഴിഞ്ഞ ഓണത്തിനാണ് അവസാനമായി വീട്ടിലെത്തിയത്. ഞായറാഴ്ചയോടെ മൃതദേഹം നാട്ടിലെത്തിക്കുമെന്നാണ് പ്രതീക്ഷിക്കുന്നത്. എന്നാൽ ജില്ലാ കളക്ടർക്കോ മറ്റുള്ളവർക്കോ ഇത് സംബന്ധിച്ച് ഒരു വിവരവും ലഭിച്ചിട്ടില്ല. മിഗ്ഗിംഗ് ഏരിയയിലാണ് അപകടമുണ്ടായത്. അപകടസ്ഥലത്ത് നിന്ന് രണ്ട് സൈനികരുടെ മൃതദേഹങ്ങൾ കണ്ടെടുത്തതായി നേരത്തെ റിപ്പോർട്ട് ചെയ്തിരുന്നു. ഹെലികോപ്റ്ററിൽ അഞ്ച് പേരാണ് ഉണ്ടായിരുന്നത്.

തിരുവനന്തപുരം: സാങ്കേതിക സർവ്വകലാശാലയിലെ വി.സി. നിയമനം റദ്ദാക്കിയ സുപ്രീം കോടതി ഉത്തരവ് ബാധിക്കുക സംസ്ഥാനത്തെ അഞ്ച് സർവകലാശാലകളെ. പാനലിന് പകരം, ഒരൊറ്റ പേരാണ് നിയമനത്തിനായി ഗവർണർക്ക് നൽകിയത്. പാനൽ തയ്യാറാക്കുന്നതിനുപകരം ഒരു പേര് മാത്രം നിർദ്ദേശിച്ചതാണ് സാങ്കേതിക സർവ്വകലാശാലയിലെ പ്രശ്നം. ഇത് സുപ്രീം കോടതി റദ്ദാക്കിയതോടെ കണ്ണൂർ, കാലടി, ഫിഷറീസ്, എംജി, കേരള സർവകലാശാലകളിലെ വി.സി നിയമനങ്ങളും ചോദ്യം ചെയ്യപ്പെട്ടേക്കും. അങ്ങനെ സംഭവിച്ചാൽ അതും നിയമക്കുരുക്കിലേക്ക് നയിക്കും. ഈ നിയമനങ്ങളെല്ലാം യു.ജി.സി ചട്ടങ്ങൾക്ക് എതിരാണെന്ന് കാണിച്ച് സേവ് യൂണിവേഴ്സിറ്റി കാമ്പയിൻ കമ്മിറ്റി ഗവർണർക്ക് പരാതി നൽകി. പുനഃപരിശോധനയ്ക്കു ഗവർണർ നടപടിയെടുത്താൽ സർക്കാരും സർവകലാശാലകളും പ്രതിസന്ധിയിലാകും. വി.സി നിയമനത്തിനായി സെർച്ച് കമ്മിറ്റി മൂന്നോ അഞ്ചോ പേരടങ്ങുന്ന പാനൽ നൽകണമെന്നാണ് യു.ജി.സിയുടെ നിയമം. ഈ പാനലിൽ നിന്ന് വി.സിയെ നിയമിക്കേണ്ടത് ചാൻസലറായ ഗവർണറാണ്. കണ്ണൂർ വി.സിയുടെ ആദ്യ നിയമനം പാനലിൽ നിന്നല്ലെന്ന് സേവ് യൂണിവേഴ്സിറ്റി കാമ്പയിൻ കമ്മിറ്റി ചൂണ്ടിക്കാട്ടി.

തിരുവനന്തപുരം: പീഡനക്കേസിലെ പ്രതിയായ എൽദോസ് കുന്നപ്പിള്ളിൽ എം.എൽ.എയ്ക്കെതിരായ കെ.പി.സി.സി അച്ചടക്ക നടപടിയിൽ ഇന്ന് തീരുമാനമുണ്ടായേക്കും. മുതിർന്ന നേതാക്കൾ അച്ചടക്ക സമിതിയുമായി കൂടിയാലോചിച്ച് ചർച്ച ചെയ്ത ശേഷമായിരിക്കും തീരുമാനം. നടപടിയിൽ പാർട്ടിയിൽ തന്നെ രണ്ടഭിപ്രായമുണ്ട്. ഒളിവിൽ പോയത് ശരിയായില്ലെന്നും നടപടി വൈകിയെന്നും ചിലർ പറയുന്നു. എന്നാൽ മുൻകൂർ ജാമ്യം ലഭിച്ചതിനാൽ എൽദോസിന്റെ ഭാഗം കൂടി കേൾക്കണമെന്ന് കരുതുന്നവരുമുണ്ട്. അതേസമയം എൽദോസ് കുന്നപ്പിള്ളിൽ എം.എൽ.എ ഇന്ന് പൊലീസിന് മുന്നിൽ ഹാജരാകും. ജില്ലാ സെഷൻസ് കോടതി എൽദോസിന് മുൻകൂർ ജാമ്യം അനുവദിച്ചെങ്കിലും അന്വേഷണ ഉദ്യോഗസ്ഥന് മുന്നിൽ കീഴടങ്ങണമെന്ന് ഉത്തരവിട്ടിരുന്നു. എൽദോസ് ഇന്ന് രാവിലെ 9 മണിക്ക് ജില്ലാ ക്രൈംബ്രാഞ്ച് ഓഫീസിൽ ഹാജരാകണമെന്നാണ് നിർദ്ദേശം. എൽദോസിന്‍റെ അറസ്റ്റ് രേഖപ്പെടുത്തിയ ശേഷം വൈദ്യപരിശോധനയും തെളിവെടുപ്പും നടത്തും. അന്വേഷണ ഉദ്യോഗസ്ഥൻ ആവശ്യപ്പെട്ടാൽ 10 ദിവസത്തേക്ക് ഹാജരാകാനാണ് കോടതി നിർദ്ദേശം.

തിരുവനന്തപുരം: പീഡനക്കേസിലെ പ്രതിയായ എൽദോസ് കുന്നപ്പിള്ളിൽ എം.എൽ.എ ഇന്ന് പൊലീസിന് മുന്നിൽ ഹാജരാകും. ജില്ലാ സെഷൻസ് കോടതി എൽദോസിന് മുൻകൂർ ജാമ്യം അനുവദിച്ചെങ്കിലും അന്വേഷണ ഉദ്യോഗസ്ഥന് മുന്നിൽ കീഴടങ്ങണമെന്ന് ഉത്തരവിട്ടിരുന്നു. എൽദോസ് ഇന്ന് രാവിലെ 9 മണിക്ക് ജില്ലാ ക്രൈംബ്രാഞ്ച് ഓഫീസിൽ ഹാജരാകണമെന്നാണ് നിർദ്ദേശം. എൽദോസിന്‍റെ അറസ്റ്റ് രേഖപ്പെടുത്തിയ ശേഷം വൈദ്യപരിശോധനയും തെളിവെടുപ്പും നടത്തും. അന്വേഷണ ഉദ്യോഗസ്ഥൻ ആവശ്യപ്പെട്ടാൽ 10 ദിവസത്തേക്ക് ഹാജരാകാനാണ് കോടതി നിർദ്ദേശം. പീഡനക്കേസിൽ ജാമ്യം ലഭിച്ചയുടൻ സോഷ്യൽ മീഡിയയിലൂടെ പരാതിക്കാരിയെ അപമാനിച്ചെന്ന പരാതിയിൽ എൽദോസിനെതിരെ പൊലീസ് മറ്റൊരു കേസ് കൂടി രജിസ്റ്റർ ചെയ്തിരുന്നു. പേട്ട പൊലീസാണ് കേസെടുത്തത്. കേസിൽ പ്രതിയായ ശേഷം ഒളിവിലായിരുന്ന എൽദോസ് ഇന്നലെയാണ് ജാമ്യം ലഭിച്ച് പെരുമ്പാവൂരിലെ വീട്ടിലെത്തിയത്. അതേസമയം, പീഡനക്കേസിലെ പ്രതിയായ എൽദോസ് കുന്നപ്പിള്ളിൽ എം.എൽ.എ വിളിച്ചതായി കെ.പി.സി.സി പ്രസിഡന്‍റ് കെ.സുധാകരൻ ഇന്നലെ പറഞ്ഞു. ഒളിവിൽ പോയതിൽ എൽദോസ് ഖേദം പ്രകടിപ്പിച്ചിട്ടുണ്ടെന്നും സുധാകരൻ പറഞ്ഞു. എൽദോസിനെതിരെ നടപടി സ്വീകരിക്കുന്നത് സംബന്ധിച്ച് നേതാക്കളുമായി ചർച്ച…

തിരുവനന്തപുരം: കണ്ണൂർ വി സി നിയമനവുമായി ബന്ധപ്പെട്ട് മുഖ്യമന്ത്രിക്കെതിരെ അഴിമതി നിരോധന നിയമപ്രകാരം കേസെടുക്കണമെന്ന ഹർജി തിരുവനന്തപുരം വിജിലൻസ് കോടതി ഇന്ന് പരിഗണിക്കും. ഗോപിനാഥ് രവീന്ദ്രന്‍റെ പുനർനിയമനത്തിൽ മുഖ്യമന്ത്രി സമ്മർദ്ദം ചെലുത്തിയെന്ന ഗവർണറുടെ വെളിപ്പെടുത്തലിന്‍റെ അടിസ്ഥാനത്തിൽ കോൺഗ്രസ് നേതാവ് ജ്യോതികുമാർ ചാമക്കാലയാണ് ഹർജി നൽകിയത്. ആരോപണമല്ലാതെ മറ്റെന്തെങ്കിലും തെളിവുകൾ ഹാജരാക്കാൻ കഴിയുമോയെന്ന് കോടതി നേരത്തെ പരാതിക്കാരനോട് ചോദിച്ചിരുന്നു. ഹൈക്കോടതി പോലും തള്ളിയ പരാതിയുടെ പ്രസക്തി എന്താണെന്നായിരുന്നു സർക്കാരിന്റെ നിലപാട്. വി സി നിയമനത്തിൽ മുഖ്യമന്ത്രി അനധികൃതമായി ഇടപെട്ടിട്ടില്ലെന്നാണ് സർക്കാർ നിലപാട്. കഴിഞ്ഞ തവണ വിജിലൻസ് കോടതിയിൽ ഡെപ്യൂട്ടി ഡയറക്ടർ ഓഫ് പ്രോസിക്യൂഷൻ ഇക്കാര്യം വ്യക്തമാക്കിയിരുന്നു. മുഖ്യമന്ത്രിക്കെതിരായ ഹർജി കേട്ടുകേൾവിയുടെ അടിസ്ഥാനത്തിലാണോയെന്നും വിജിലൻസ് കോടതി പരാതിക്കാരനോട് ചോദിച്ചിരുന്നു. പ്രോസിക്യൂഷൻ അനുമതി തേടി ഹർജിക്കാരൻ ഗവർണർക്ക് കത്തും നൽകിയിട്ടുണ്ട്.

തിരുവനന്തപുരം: സർക്കാർ ഭൂമി കയ്യേറിയ സി.പി.എം നേതാക്കളെ സംരക്ഷിക്കാനാണ് റവന്യൂ വകുപ്പിനെതിരെ ഇടുക്കിയിൽ മുഖ്യമന്ത്രിയുടെ പാർട്ടി സമരം നടത്തുന്നതെന്ന് പ്രതിപക്ഷ നേതാവ് വി.ഡി സതീശൻ. സി.പി.എമ്മിലെ ഉന്നത നേതാക്കൾ അവരുടെ ഒത്താശയോടെയാണ് ഇടുക്കിയിലെ ഭൂരിഭാഗം സർക്കാർ ഭൂമിയും കൈയേറിയതെന്നും സതീശൻ ആരോപിച്ചു. ഇടുക്കിയിലെ ഭൂപ്രശ്നങ്ങൾക്ക് പരിഹാരം കാണണമെന്നാവശ്യപ്പെട്ട് യു.ഡി.എഫ് കട്ടപ്പനയിൽ സംഘടിപ്പിച്ച പ്രതിഷേധ യോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മൂന്നാറിലെ ഭൂവിനിയോഗ ചട്ടങ്ങളുമായി ബന്ധപ്പെട്ട നടപടികൾ നിർത്തിവയ്ക്കണമെന്ന മുഖ്യമന്ത്രിയുടെ നിർദ്ദേശം സബ്കളക്ടർ അവഗണിച്ചെന്ന് ആരോപിച്ച് ദേവികുളം സബ് കളക്ടർ രാഹുൽ കൃഷ്ണ ശർമ്മയ്ക്കെതിരെ മുൻ മന്ത്രി എം.എം മണി നേരത്തെ രംഗത്തെത്തിയിരുന്നു. സബ് കളക്ടറെ തെമ്മാടി എന്ന് വിളിച്ചാണ് മണി അധിക്ഷേപിച്ചത്. മൂന്നാറിലെ സി.പി.എം കോട്ടയായ ഇക്ക നഗറിലെയടക്കം കൈയേറ്റങ്ങൾ ഒഴിപ്പിക്കാനുള്ള സബ് കളക്ടറുടെ നീക്കമാണ് എം.എം മണിയെ ചൊടിപ്പിച്ചത്.  മുഖ്യമന്ത്രി ഇടുക്കിയിലെത്തിയപ്പോൾ മൂന്നാറിൽ റവന്യൂ വകുപ്പ് ആരംഭിച്ച നടപടികൾ നിർത്തിവയ്ക്കാൻ ജില്ലാ കളക്ടർക്ക് വാക്കാൽ നിർദ്ദേശം നൽകിയെന്നാണ് ഇടത്…

തിരുവനന്തപുരം: സംസ്ഥാനത്ത് ഒറ്റപ്പെട്ട കനത്ത മഴയ്ക്ക് സാധ്യത. വരും ദിവസങ്ങളിലും മഴ തുടരാനാണ് സാധ്യത. ഒമ്പത് ജില്ലകളിൽ ഇന്ന് യെല്ലോ അലർട്ട് പ്രഖ്യാപിച്ചിട്ടുണ്ട്. പത്തനംതിട്ട, കോട്ടയം, എറണാകുളം, ഇടുക്കി, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ ജില്ലകളിലാണ് യെല്ലോ അലർട്ട് പ്രഖ്യാപിച്ചിരിക്കുന്നത്. ഒക്ടോബർ 25 വരെ കേരളത്തിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ആൻഡമാൻ കടലിൽ നിലനിൽക്കുന്ന ന്യൂനമർദ്ദത്തിന്‍റെ സ്വാധീനമാണ് മഴ തുടരാൻ കാരണം. അടുത്ത ഏതാനും മണിക്കൂറുകൾക്കുള്ളിൽ ഇത് തീവ്ര ന്യൂനമർദ്ദമായി മാറും. തിങ്കളാഴ്ചയോടെ മധ്യ-പടിഞ്ഞാറൻ ബംഗാൾ ഉൾക്കടലിൽ ‘സിത്രംഗ്’ ചുഴലിക്കാറ്റായി ഇത് ശക്തിപ്രാപിക്കാൻ സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ഈ ദിവസങ്ങളിൽ കേരളത്തിൽ മഴ തുടരാനാണ് സാധ്യത.