Author: News Desk

തിരുവനന്തപുരം: സിൽവർ ലൈൻ പദ്ധതികൾ പൂർണമായി മരവിപ്പിച്ച് സർക്കാർ. ഭൂമിയേറ്റെടുക്കാൻ നിർദേശിച്ച എല്ലാ ഉദ്യോഗസ്ഥരെയും മടക്കി വിളിച്ചു. സിൽവർ ലൈനുമായി ബന്ധപ്പെട്ട എല്ലാ പ്രവർത്തനങ്ങളിൽ നിന്നും സർക്കാ‌ർ പിൻവാങ്ങുന്നു എന്നാണ് റവന്യു വകുപ്പ് പുറപ്പെടുവിച്ച ഉത്തരവിൽ നിന്ന് വ്യക്തമാകുന്നത്. പതിനൊന്ന് ജില്ലകളിലായി ഭൂമിയേറ്റെടുക്കൽ നടപടികൾക്ക് നിയോഗിച്ച 205 ഉദ്യോഗസ്ഥരെയാണ് തിരികെ വിളിപ്പിച്ചത്. രണ്ട് മാസം മുമ്പാണ് ഇവരുടെ കാലാവധി നീട്ടി നൽകിയത്. സാമൂഹികാഘാത പഠനം തൽക്കാലം നടത്തേണ്ടതില്ലെന്നും സർക്കാർ തീരുമാനിച്ചു. കേന്ദ്ര റെയിൽവേ ബോർഡിന്റെ അന്തിമ അനുമതി ലഭിച്ച ശേഷം മതി മറ്റ് നടപടികളെന്നും ഉത്തരവിൽ പറയുന്നു. സിൽവർ ലൈനിൽ നിന്നും ഒരു കാരണവശാലും പുറകോട്ടില്ലെന്നാണ് നേരത്തേ സർക്കാ‌ർ പറഞ്ഞിരുന്നത്.

ദില്ലി: സ്വർണക്കടത്ത് കേസിലെ വിചാരണ കേരളത്തിൽ നിന്ന് ബെംഗളൂരുവിലേക്ക് മാറ്റണമെന്ന എൻഫോഴ്സ്മെന്‍റ് അന്വേഷണ സംഘത്തിന്‍റെ ഹർജിയിൽ വിശദമായ വാദം കേൾക്കണമെന്ന് സുപ്രീം കോടതി ഉത്തരവിട്ടു. വിചാരണക്കോടതിയിലെ നടപടികളുടെ പുരോഗതി അറിഞ്ഞ ശേഷം വാദം കേൾക്കുന്ന തീയതി അറിയിക്കുമെന്ന് സുപ്രീം കോടതി അറിയിച്ചു. രണ്ട് സംസ്ഥാനങ്ങളും ഭരിക്കുന്നത് രണ്ട് രാഷ്ട്രീയ പാർട്ടികളുടെ സർക്കാരുകളാണ്. കേസിൽ രാഷ്ട്രീയ പ്രശ്നങ്ങളും ഉള്ളതിനാൽ വാദങ്ങൾ വിശദമായി കേട്ട ശേഷം മാത്രമേ തീരുമാനമെടുക്കാനാകൂ. വിചാരണക്കോടതിയിലെ നടപടികൾ പരിശോധിച്ച ശേഷമായിരിക്കും തീയതി പ്രഖ്യാപിക്കുക. കേസിലെ എല്ലാ കക്ഷികൾക്കും നോട്ടീസ് നൽകും. അസാധാരണമായ സാഹചര്യമുണ്ടായാൽ മാത്രമേ വിചാരണ മാറ്റൂവെന്നും കോടതി വിശദീകരിച്ചു. അത്തരമൊരു സാഹചര്യമുണ്ടെന്നായിരുന്നു ഇ.ഡിയുടെ മറുപടി. വിചാരണ കേരളത്തിൽ നടന്നാൽ അത് അട്ടിമറിക്കാൻ ശ്രമം നടക്കുമെന്ന് ഇഡി കോടതിയെ അറിയിച്ചു. ജസ്റ്റിസ് സഞ്ജീവ് ഖന്ന അധ്യക്ഷനായ ബെഞ്ചാണ് കേസ് പരിഗണിക്കുന്നത്.

കോഴിക്കോട്: ലത്തീൻ അതിരൂപതയ്ക്ക് ജുഡീഷ്യറിയിൽ വിശ്വാസമുണ്ടോയെന്ന് തുറമുഖ മന്ത്രി അഹമ്മദ് ദേവർകോവിൽ ചോദിച്ചു. ജുഡീഷ്യറിയിൽ വിശ്വാസമുണ്ടായിരുന്നുവെങ്കിൽ കോടതി ഉത്തരവ് ലംഘിക്കില്ലായിരുന്നുവെന്ന് മന്ത്രി അഭിപ്രായപ്പെട്ടു. വിഴിഞ്ഞം സംഘർഷത്തിൽ ജുഡീഷ്യൽ അന്വേഷണം വേണമെന്ന ലത്തീൻ അതിരൂപതയുടെ ആവശ്യത്തോട് പ്രതികരിക്കുകയായിരുന്നു മന്ത്രി. മറ്റ് മതവിഭാഗങ്ങളുടെ വീടുകൾ ആക്രമിക്കപ്പെടുന്ന സാഹചര്യമാണ് ഇന്നലെ ഉണ്ടായതെന്നും മതസൗഹാർദം തകർക്കാൻ അനുവദിക്കില്ലെന്നും മന്ത്രി പറഞ്ഞു. സംഘർഷത്തെക്കുറിച്ച് ജുഡീഷ്യൽ അന്വേഷണം വേണമെന്ന് സമരസമിതി ജനറൽ കൺവീനർ യൂജിൻ എച്ച്. പെരേര ആവശ്യപ്പെട്ടു. അന്വേഷണം പ്രഖ്യാപിക്കാൻ പെരേര സർക്കാരിനെ വെല്ലുവിളിച്ചു. സമരത്തെ നിർവീര്യമാക്കാനുള്ള നീക്കത്തിന് പിന്നിൽ സർക്കാരും അദാനിയും ഒറ്റക്കെട്ടാണെന്നും വിഴിഞ്ഞം സംഘർഷം സർക്കാരിന്റെ തിരക്കഥയാണെന്നും അദ്ദേഹം പറഞ്ഞു. സിപിഎം ജില്ലാ സെക്രട്ടറി–ബിജെപി പ്രസിഡന്റ് കൂട്ടുകെട്ട് ദുരൂഹമാണെന്നും യൂജിൻ പെരേര ആരോപിച്ചു. വിഴിഞ്ഞത്ത് നടക്കുന്നത് കലാപനീക്കമെന്നാണ് സി.പി.എം പറയുന്നത്. സമരസമിതിയാണ് സംഘർഷത്തിന് കാരണമായത്. സമരക്കാരുടെ ആറ് ആവശ്യങ്ങളിൽ അഞ്ചെണ്ണം അംഗീകരിച്ചതായി സി.പി.എം തിരുവനന്തപുരം ജില്ലാ സെക്രട്ടറി ആനാവൂർ നാഗപ്പൻ പറഞ്ഞു. സർവകകക്ഷിയോഗം വൈകിട്ട് 3.30ന്…

തിരുവനന്തപുരം: വിഴിഞ്ഞത്ത് പൊലീസിന് വീഴ്ച പറ്റിയിട്ടില്ലെന്ന് തിരുവനന്തപുരം സിറ്റി പൊലീസ് കമ്മീഷണർ. പൊലീസ് സ്റ്റേഷന് നേരെയുള്ള ആക്രമണം പ്രതീക്ഷിച്ചിരുന്നില്ലെന്നും അക്രമികളുമായി ഒരു വിട്ടുവീഴ്ചയുമില്ലെന്നും സിറ്റി പൊലീസ് കമ്മീഷണർ സ്പർജൻ കുമാർ വിശദീകരിച്ചു. വിഴിഞ്ഞത്ത് സമരം നടക്കുന്ന പ്രദേശങ്ങളിൽ സമാധാനാന്തരീക്ഷം സൃഷ്ടിക്കാനാണ് പൊലീസ് ശ്രമിക്കുന്നത്. പ്രതിഷേധക്കാർ പൊലീസ് സ്റ്റേഷൻ ആക്രമിക്കുമെന്ന് പൊലീസ് പ്രതീക്ഷിച്ചില്ല. സ്റ്റേഷന് നേരെയുള്ള ആക്രമണത്തെ ഒരു തരത്തിലും ന്യായീകരിക്കാനാവില്ല. ഈ വിഷയത്തിൽ നിയമപരമായി മുന്നോട്ട് പോകും. ആക്രമണത്തിൽ 35ലധികം പോലീസുകാർക്ക് പരിക്കേറ്റു. ക്രമസമാധാന പാലനത്തിനാണ് പോലീസ് ശ്രമിക്കുന്നത്. നിലവിൽ വിഴിഞ്ഞം തുറമുഖ മേഖലകളിൽ അഞ്ഞൂറിലധികം പൊലീസുകാരെ വിന്യസിച്ചിട്ടുണ്ടെന്നും നിരോധനാജ്ഞ ഉൾപ്പെടെയുള്ള വിഷയങ്ങളിൽ ചർച്ചയ്ക്ക് ശേഷം തീരുമാനമെടുക്കുമെന്നും സിറ്റി പൊലീസ് കമ്മീഷണർ അറിയിച്ചു.

ന്യൂഡല്‍ഹി: മറ്റ് പിന്നാക്ക വിഭാഗങ്ങളിലെ (ഒബിസി) ഒന്ന് മുതൽ 10 വരെ ക്ലാസുകളിലെ വിദ്യാർത്ഥികൾക്കുള്ള ന്യൂനപക്ഷ പ്രീമെട്രിക് സ്കോളർഷിപ്പുകൾ വെട്ടിക്കുറയ്ക്കാനുള്ള സാമൂഹ്യനീതി ശാക്തീകരണ മന്ത്രാലയത്തിന്‍റെ തീരുമാനം വ്യാപകമായ പ്രതിഷേധത്തിന് ഇടയാക്കുന്നു. സ്കോളർഷിപ്പ് നിർത്തലാക്കാനുള്ള തീരുമാനം പുനഃപരിശോധിക്കണമെന്ന് എംഎസ്എഫ് ആവശ്യപ്പെട്ടു. സ്കോളർഷിപ്പ് പുനഃസ്ഥാപിക്കണമെന്ന ആവശ്യത്തെ കോൺഗ്രസ് എംപി ശശി തരൂർ അടക്കമുള്ളവർ പിന്തുണച്ചു. 1 മുതൽ 10 വരെയുള്ള ക്ലാസുകളിൽ 2.5 ലക്ഷം രൂപയിൽ താഴെ വരുമാന പരിധിയുള്ള, മുസ്ലിം, ക്രിസ്ത്യന്‍, ജൈനര്‍, ബുദ്ധര്‍, സിഖ്, പാഴ്‌സി തുടങ്ങിയ ന്യൂനപക്ഷ മതവിഭാഗങ്ങളിൽപ്പെട്ട വിദ്യാർത്ഥികളെ ദീർഘകാലമായി ഈ സ്കോളർഷിപ്പിനായി പരിഗണിച്ചിരുന്നു. പ്രതിവർഷം 1,500 രൂപയായിരുന്നു സ്കോളർഷിപ്പ് തുക. തുകയുടെ 50 ശതമാനം കേന്ദ്രവും 50 ശതമാനം സംസ്ഥാനങ്ങളും നൽകി. എന്നാൽ ഇത്തവണ കേന്ദ്രം സ്കോളർഷിപ്പ് 9, 10 ക്ലാസുകളിലേക്ക് മാത്രമായി വെട്ടിച്ചുരുക്കി. സ്കോളർഷിപ്പ് തുക 4,000 രൂപയായി ഉയർത്തി. പുതുക്കിയ വിജ്ഞാപനം അനുസരിച്ച് തുകയുടെ 40 ശതമാനം സംസ്ഥാനങ്ങൾ വഹിക്കണം. കഴിഞ്ഞ മാസം 31…

ശബരിമല: ശബരിമലയില്‍ ഈ സീസണിലെ ഏറ്റവും വലിയ ഭക്തജന തിരക്ക്. 87,474 ഭക്തരാണ് ഇന്ന് സന്നിധാനത്ത് വെർച്വൽ ക്യൂ വഴി ബുക്ക് ചെയ്തത്. അപ്പം അരവണ വിൽപ്പനയിൽ നിന്നാണ് ഏറ്റവും കൂടുതൽ വരുമാനം ലഭിക്കുന്നത്. കൊവിഡ് നിയന്ത്രണങ്ങൾ പിൻവലിച്ചതോടെ ഇത്തവണ ശബരിമലയിലേക്ക് തീർത്ഥാടകരുടെ വൻ ഒഴുക്കാണ് ഉണ്ടായത്. കാലാവസ്ഥയും അനുകൂലമായതോടെ ഇതര സംസ്ഥാനങ്ങളിൽ നിന്നടക്കം ഭക്തർ സന്നിധാനത്തേക്ക് ഒഴുകിയെത്തി. ആദ്യ 10 ദിവസം കൊണ്ട് 26 കോടി രൂപയാണ് അപ്പം അരവണ വിൽപ്പനയിലൂടെ ലഭിച്ചത്. പന്ത്രണ്ട് കോടി കാണിക്കയായും ലഭിച്ചു. തീർത്ഥാടകർ പതിവുപോലെ എത്തിത്തുടങ്ങിയതോടെ മുറിവാടകയായി 48 ലക്ഷം രൂപ ലഭിച്ചു. അഭിഷേകത്തിൽ നിന്ന് 31 ലക്ഷം രൂപയും ലഭിച്ചു. ആകെ 52 കോടി.  കഴിഞ്ഞ വർഷം ഇതേ സമയത്ത് 9.92 കോടി രൂപയായിരുന്നു വരുമാനം. വരുമാനത്തിന്‍റെ മുക്കാൽ ഭാഗവും ഉത്സവത്തിന്‍റെ നടത്തിപ്പിനായി ചെലവഴിക്കുന്നു. പ്രതിദിനം ശരാശരി 2.5 ലക്ഷം അരവണകളാണ് സന്നിധാനത്ത് വിൽക്കുന്നത്. 51 ലക്ഷം കണ്ടെയ്നർ അരവണ സ്റ്റോക്കുണ്ട്.  പൂർണ്ണമായും…

കൊച്ചി: സർക്കാരുമായുള്ള ഏറ്റുമുട്ടലിന് പുതിയ മുഖം നൽകാനുള്ള തയ്യാറെടുപ്പിലാണ് ലക്ഷദ്വീപിലെ ജനങ്ങൾ. ലക്ഷദ്വീപിലെ ഏറ്റവും വലിയ രാഷ്ട്രീയ പാർട്ടിയായ എൻസിപി സ്വയംഭരണാധികാരത്തിനായി ലെജിസ്‌ലേറ്റീവ് അസംബ്ലി വേണമെന്ന ആവശ്യത്തിനായി പ്രതിഷേധത്തിലേക്ക് നീങ്ങുകയാണ്. കഴിഞ്ഞ രണ്ട് വർഷമായി ലക്ഷദ്വീപ് ഭരണകൂടം ജനവിരുദ്ധ നയങ്ങളാണ് നടപ്പാക്കുന്നതെന്ന് ആരോപിച്ച് കവരത്തിയിൽ എൻസിപി നടത്തുന്ന സമരം 14-ാം ദിവസത്തിലേക്ക് കടന്നിരിക്കുകയാണ്. രാഷ്ട്രപതി ഉൾപ്പെടെയുള്ളവർക്ക് സ്വയംഭരണാവകാശത്തിനായി ഹർജി നൽകാനും രാജ്യത്തെ പ്രധാന രാഷ്ട്രീയ പാർട്ടികളുടെ പിന്തുണ തേടാനുമാണ് നീക്കം. ദശാബ്ദങ്ങൾക്ക് മുമ്പ് അന്നത്തെ കേന്ദ്ര സർക്കാർ ലക്ഷദ്വീപിന് നിയമസഭ നൽകാമെന്ന് വാഗ്ദാനം ചെയ്തിരുന്നു. എന്നാൽ പുതുച്ചേരിക്ക് ഉൾപ്പെടെ നിയമസഭ നൽകിയപ്പോഴും ലക്ഷദ്വീപ് അവഗണിക്കപ്പെട്ടു. ആദ്യകാലങ്ങളിൽ ഒരു ഉപദേശക സമിതി ഉണ്ടായിരുന്നു. ദ്വീപിൽനിന്നുള്ള പ്രതിനിധികൾ ഉൾപ്പെടെയുള്ള ഈ സമിതിക്ക്‌ ലക്ഷദ്വീപ് ഭരണകൂടത്തിന്റെ ഭരണ നിർവഹണത്തിൽ സ്വാധീനം ചെലുത്താൻ കഴിയുന്നത്ര അധികാരമുണ്ടായിരുന്നു. പിന്നീട് പഞ്ചായത്തുകളായതോടെ ഈ കമ്മിറ്റി ഇല്ലാതായി. പകരം ജില്ലാ പഞ്ചായത്ത് വന്നു. ജില്ലാ പഞ്ചായത്ത് പ്രസിഡന്‍റിന് ചീഫ് കൗൺസിലർ പദവിയും…

ബീജിംഗ്: ചൈനയുടെ കർശനമായ കോവിഡ്-19 നടപടികൾക്കെതിരായ ജനരോഷം വിവിധ പട്ടണങ്ങളിലേക്ക് വ്യാപിക്കുകയാണ്. ഇതോടെ പ്രതിഷേധങ്ങളെ അടിച്ചമർത്താനുള്ള നീക്കവുമായി ചൈനീസ് സർക്കാർ രംഗത്തെത്തി. റിപ്പോർട്ടുകൾ പ്രകാരം, ചൈനീസ് സർക്കാർ സോഷ്യൽ മീഡിയ നിരീക്ഷണവും നിയന്ത്രണവും വർദ്ധിപ്പിച്ചിട്ടുണ്ട്. ചൈനീസ് സർക്കാരിന്റെ സീറോ-കോവിഡ് നയമാണ് പ്രതിഷേധങ്ങൾക്ക് ആക്കം കൂട്ടിയത്. വിരലിലെണ്ണാവുന്ന കേസുകളുടെ കൂട്ടപരിശോധനാ രീതി ചൈനയിൽ വലിയ ബുദ്ധിമുട്ടും രോഷവും ഉണ്ടാക്കിയിട്ടുണ്ടെന്നാണ് വിവരം. വടക്കുപടിഞ്ഞാറൻ ചൈനയിലെ സിൻജിയാങ് മേഖലയുടെ തലസ്ഥാനമായ ഉറുംഖിയിൽ വ്യാഴാഴ്ചയുണ്ടായ തീപിടുത്തം ജനരോഷത്തിന് കാരണമായതായി റിപ്പോർട്ടുകൾ പറയുന്നു. പത്തോളം പേരുടെ മരണത്തിനിടയാക്കിയ അപകടത്തിൽ രക്ഷാപ്രവർത്തനം വൈകാൻ കാരണം കൊവിഡ് ലോക്ക്ഡൗണാണെന്നാണ് ആരോപണം. എന്നാൽ ആരോപണങ്ങൾ ചൈനീസ് അധികൃതർ നിഷേധിച്ചു.

തിരുവനന്തപുരം: സംസ്ഥാനത്ത് ഇന്ന് സ്വർണ വിലയിൽ മാറ്റമില്ല. തുടർച്ചയായ നാലാം ദിവസമാണ് സ്വർണ വില മാറ്റമില്ലാതെ തുടരുന്നത്. ഒരു പവൻ സ്വർണത്തിന്‍റെ വില വ്യാഴാഴ്ച 240 രൂപ കൂടിയിരുന്നു. ഒരു പവൻ സ്വർണ്ണത്തിന്‍റെ നിലവിലെ വിപണി വില 38,840 രൂപയാണ്. 22 കാരറ്റ് സ്വർണത്തിന്‍റെ വില വ്യാഴാഴ്ച ഗ്രാമിന് 30 രൂപ കൂടി. വിപണിയിൽ ഇന്നത്തെ വില 4855 രൂപയാണ്. ഗ്രാമിന് 18 കാരറ്റ് സ്വർണത്തിന് 4,025 രൂപയാണ് വിപണി വില.  സംസ്ഥാനത്ത് വെള്ളി വിലയിലും മാറ്റമില്ല. ഒരു ഗ്രാം സാധാരണ വെള്ളിയുടെ ഇപ്പോഴത്തെ വിപണി വില 68 രൂപയാണ്. ഹാൾമാർക്ക് ചെയ്ത വെള്ളിയുടെ വിലയിൽ മാറ്റമില്ല. ഒരു ഗ്രാം ഹാൾമാർക്ക് ചെയ്ത വെള്ളിയുടെ വിപണി വില 90 രൂപയാണ്. 

തിരുവനന്തപുരം: വിഴിഞ്ഞത്ത് പൊലീസ് സ്റ്റേഷൻ ആക്രമിച്ച് അക്രമം അഴിച്ചുവിട്ടവർക്കെതിരെ പൊലീസ് രജിസ്റ്റർ ചെയ്ത എഫ്ഐആറിന്‍റെ വിശദാംശങ്ങൾ പുറത്തുവന്നു. കണ്ടാലറിയാവുന്ന 3,000 പേർക്കെതിരെ കേസെടുത്തു. കലാപം, പൊതുമുതൽ നശിപ്പിക്കൽ എന്നീ കുറ്റങ്ങളാണ് പ്രതികൾക്കെതിരെ ചുമത്തിയിരിക്കുന്നത്. അക്രമത്തിൽ 85 ലക്ഷം രൂപയുടെ നഷ്ടമുണ്ടായി. പ്രതികളെ വിട്ടയച്ചില്ലെങ്കിൽ സ്റ്റേഷനിൽ വച്ച് പോലീസുകാരെ ചുട്ടുകൊന്നുകളയുമെന്ന് സമരക്കാർ ഭീഷണിപ്പെടുത്തി. പ്രതിഷേധക്കാർ പോലീസിനെ ബന്ധിയാക്കി. ഇത് മനപ്പൂർവ്വമായ ആക്രമണമാണെന്നും പോലീസുകാരെ കൊല്ലുകയായിരുന്നു ലക്ഷ്യമെന്നും എഫ്ഐആറിൽ പറയുന്നു. അതേസമയം, അക്രമികളിൽ നാലുപേരെ ജാമ്യത്തിൽ വിട്ടയച്ചു. വിഷയം ചർച്ച ചെയ്യാൻ ഇന്ന് ഉച്ചയ്ക്ക് കളക്ടറുടെ അധ്യക്ഷതയിൽ സർവകക്ഷി യോഗം ചേരും.