Author: News Desk

തൊടുപുഴ: മുല്ലപ്പെരിയാർ അണക്കെട്ടിലെ ജലനിരപ്പ് 140 അടിയിലെത്തി. ഡാം തുറക്കുന്നതിന് മുന്നോടിയായുള്ള മുന്നറിയിപ്പ് തമിഴ്നാട് നൽകി. നവംബർ 9നും തമിഴ്നാട് മുന്നറിയിപ്പ് നൽകിയിരുന്നു. ജലനിരപ്പ് 142 അടിയിലെത്തിയാൽ ഡാം തുറക്കേണ്ടി വരും. സെപ്റ്റംബറിൽ പെയ്ത കനത്ത മഴയെ തുടർന്ന് മുല്ലപ്പെരിയാർ അണക്കെട്ടിന്‍റെ ഷട്ടറുകൾ തുറന്നിരുന്നു. മൂന്ന് ഷട്ടറുകൾ 30 സെന്‍റീമീറ്റർ ആണ് ഉയർത്തിയത്.

കൊച്ചി: മുതിർന്ന നടൻ കൊച്ചുപ്രേമന്‍റെ നിര്യാണത്തിൽ രാഷ്ട്രീയ നേതാക്കൾ അനുശോചനം രേഖപ്പെടുത്തി. മുഖ്യമന്ത്രി പിണറായി വിജയൻ, പ്രതിപക്ഷ നേതാവ് വി ഡി സതീശൻ, സി പി എം സംസ്ഥാന സെക്രട്ടറി എം വി ഗോവിന്ദൻ, കെ പി സി സി പ്രസിഡന്‍റ് കെ സുധാകരൻ തുടങ്ങിയ രാഷ്ട്രീയ നേതാക്കൾ കൊച്ചുപ്രേമന്‍റെ കുടുംബത്തോടും മലയാള സിനിമാ സമൂഹത്തോടുമൊപ്പം ദുഃഖം പങ്കുവെച്ചു. ഹാസ്യനടൻ, സ്വഭാവനടൻ എന്നീ നിലകളിൽ ആയാസരഹിതമായി പ്രകടനം നടത്തിയവരിൽ ഒരാളാണ് കൊച്ചുപ്രേമനെന്നും നാടകരംഗത്ത് നിന്ന് ചലച്ചിത്ര അഭിനയത്തിലേക്ക് വന്ന അദ്ദേഹം ദേശീയതലത്തിൽ പ്രശംസ നേടിയ കഥാപാത്രങ്ങളെ അവതരിപ്പിച്ചിട്ടുണ്ടെന്നും മുഖ്യമന്ത്രി ഓർമ്മിപ്പിച്ചു. നാടകത്തിലൂടെ സിനിമാ രംഗത്തേക്ക് കടന്നുവരികയും അവിടെയും തന്‍റേതായ ഇടം കണ്ടെത്തുകയും ചെയ്ത നടനായിരുന്നു കൊച്ചുപ്രേമൻ എന്ന് പ്രതിപക്ഷ നേതാവ് അനുസ്മരിച്ചു. മുഖ്യമന്ത്രിയുടെ അനുസ്മരണം: ചലച്ചിത്രതാരം കൊച്ചുപ്രേമന്‍റെ നിര്യാണത്തിൽ അനുശോചനം അറിയിക്കുന്നു. ഹാസ്യനടൻ, സ്വഭാവനടൻ എന്നീ നിലകളിൽ ആയാസരഹിതമായി പ്രകടനം നടത്തിയവരിൽ ഒരാളാണ് കൊച്ചുപ്രേമൻ. നാടകത്തിൽ നിന്ന് ചലച്ചിത്ര അഭിനയത്തിലേക്ക് പോയ…

കരിംഗഞ്ച് (അസം): ജനസംഖ്യ വര്‍ധിപ്പിക്കുന്ന കാര്യത്തിൽ ഹിന്ദുക്കൾ മുസ്ലീങ്ങളുടെ രീതി പിന്തുടരണമെന്ന് അസമിലെ ഓൾ ഇന്ത്യ യുണൈറ്റഡ് ഡെമോക്രാറ്റിക് ഫ്രണ്ട് (എഐഡിയുഎഫ്) നേതാവ് ബദറുദ്ദീൻ അജ്മൽ. ചെറുപ്രായത്തിൽ തന്നെ ഹിന്ദുക്കൾ തങ്ങളുടെ കുട്ടികളെ വിവാഹം കഴിപ്പിക്കണമെന്ന് അദ്ദേഹം ആവശ്യപ്പെട്ടു. ശ്രദ്ധ വാൽക്കർ കൊലപാതകവുമായി ബന്ധപ്പെട്ട് അസം മുഖ്യമന്ത്രി ഹിമന്ത ബിശ്വ ശർമ്മയുടെ ‘ലൗ ജിഹാദ്’ പരാമർശത്തോട് പ്രതികരിക്കുന്നതിനിടെയായിരുന്നു അദ്ദേഹം ഇത് പറഞ്ഞത്. മുസ്ലിം പുരുഷൻമാർ 20 നും 22 നും ഇടയിലും മുസ്ലീം സ്ത്രീകൾ നിയമപ്രകാരം 18 വയസിന് ശേഷവും വിവാഹിതരാകുന്നു. അതേസമയം, വിവാഹത്തിന് മുമ്പ് തന്നെ ഹിന്ദുക്കൾ രണ്ടോ മൂന്നോ സ്ത്രീകളുമായി നിയമവിരുദ്ധ ബന്ധം സ്ഥാപിക്കുന്നുവെന്ന് അജ്മൽ ആരോപിച്ചു. കുട്ടികൾക്ക് ജൻമം നൽകാതെ അവർ ആനന്ദിച്ച് നടന്ന് പണം ലാഭിക്കുന്നു. തുടർന്ന് മാതാപിതാക്കളുടെ നിർബന്ധത്തിന് വഴങ്ങി 40 വയസിന് ശേഷം വിവാഹിതരാകുന്നു. ഈ പ്രായത്തിൽ കുട്ടികളുണ്ടാകുമെന്ന് നിങ്ങൾക്ക് എങ്ങനെ പ്രതീക്ഷിക്കാൻ ആകും? ഫലഭൂയിഷ്ഠമായ ഭൂമിയിൽ വിതയ്ക്കുന്നതിലൂടെ മാത്രമേ നല്ല വിളകൾ…

കൊച്ചി: നിലയ്ക്കലിലും പമ്പയിലും കെ.എസ്.ആർ.ടി.സി ബസുകളിൽ കയറാനുള്ള തീർത്ഥാടകരുടെ തിരക്ക് വർധിച്ച സാഹചര്യത്തിൽ നടപടി സ്വീകരിക്കാൻ ഹൈക്കോടതി. പമ്പയിലും നിലയ്ക്കലിലും ആവശ്യത്തിന് കെഎസ്ആർടിസി ബസുകൾ ഉണ്ടെന്ന് ഉറപ്പാക്കാൻ കോടതി നിർദ്ദേശിച്ചു. മുതിർന്ന പൗരൻമാർക്കും ഭിന്നശേഷിക്കാർക്കും ബസുകളിൽ കയറാൻ യാതൊരു ബുദ്ധിമുട്ടും ഉണ്ടാകുന്നില്ലെന്ന് പൊലീസ് ഉറപ്പാക്കണം. ആദ്യം ബസിന്‍റെ മുൻവശത്തെ വാതിലിലൂടെ കയറാൻ അവരെ അനുവദിക്കണം. അതിനുശേഷം മാത്രമേ മറ്റ് യാത്രക്കാരെ പിൻ വാതിലിലൂടെ കയറാൻ അനുവദിക്കാവൂ. ഇന്ന് തന്നെ നടപടികൾ സ്വീകരിച്ച് തിങ്കളാഴ്ച റിപ്പോർട്ട് സമർപ്പിക്കാനും ഹൈക്കോടതി ആവശ്യപ്പെട്ടു. നിലയ്ക്കലിൽ നിന്ന് പമ്പയിലേക്ക് ആവശ്യത്തിന് കെ.എസ്.ആർ.ടി.സി ബസുകൾ ഇല്ലെന്ന് തീർത്ഥാടകർ കത്തിലൂടെ ഹൈക്കോടതിയെ അറിയിച്ചിരുന്നു. ഇത് സംബന്ധിച്ച് പത്തനംതിട്ട ജില്ലാ കളക്ടറും എസ്.പിയും വൈകിട്ട് നാലിനകം മറുപടി നൽകണമെന്ന് ദേവസ്വം ബെഞ്ച് നിർദ്ദേശിച്ചു. വൈകിട്ട് 4 മണിക്ക് തീർത്ഥാടകന്‍റെ പരാതി കോടതി പരിഗണിക്കുന്നതിനിടെയാണ് നിർദ്ദേശം നൽകിയത്.

ലോകത്തിലെ ആദ്യ ടെക്സ്റ്റ് സന്ദേശം ഇന്ന് അതിന്‍റെ 30-ാം ജന്മദിനം ആഘോഷിക്കുകയാണ്. 1992 ഡിസംബർ 3ന് യുകെയിലെ വോഡഫോൺ എഞ്ചിനീയറാണ് ആദ്യ സന്ദേശം അയച്ചത്. “മെറി ക്രിസ്മസ്” എന്നായിരുന്നു സന്ദേശം. ഒരു ക്രിസ്മസ് പാർട്ടിയിൽ പങ്കെടുക്കാനെത്തിയ തന്‍റെ സഹപ്രവർത്തകനായ റിച്ചാർഡ് ജാർവിസ്സിന് സന്ദേശം അയച്ചതോടെയാണ് എഞ്ചിനീയറായ നീൽ പാപ്‍വോർത്ത് ചരിത്രം സൃഷ്ടിച്ചത്. ഇന്ന്, സന്ദേശങ്ങളുടെ രൂപം വളരെയധികം മാറിയിരിക്കുന്നു. വാട്ട്സ്ആപ്പ് പോലുള്ള മെസഞ്ചർ ആപ്ലിക്കേഷനുകളുടെ വരവോടെ ടെക്സ്റ്റ് സന്ദേശങ്ങളുടെ സ്വീകാര്യത കുറഞ്ഞു. നെറ്റ്‍വർക്ക് സേവന ദാതാക്കളും ടെലിമാർക്കറ്റിംഗ് കമ്പനികളുമാണ് ഇന്ന് കൂടുതൽ ടെക്സ്റ്റ് സന്ദേശങ്ങൾ അയയ്ക്കുന്നത്. എന്നിരുന്നാലും, ടെക്സ്റ്റ് സന്ദേശങ്ങൾ അയയ്ക്കുന്ന ആളുകളും കുറവല്ല. 2021 ൽ 4,000 സന്ദേശങ്ങൾ യുകെയിൽ അയക്കപ്പെട്ടുവെന്നാണ് കണക്ക്. 2012 ൽ ഇത് 15,000 കോടിയായിരുന്നു. സ്റ്റാറ്റിസ്റ്റയുടെ റിപ്പോർട്ട് പ്രകാരം ലോകമെമ്പാടും ഇന്ന് പ്രതിദിനം 10,000 കോടി വാട്സ്ആപ്പ് സന്ദേശങ്ങൾ അയയ്ക്കുന്നുണ്ട്.

ന്യൂഡല്‍ഹി: 2020 ലെ ഡൽഹി കലാപവുമായി ബന്ധപ്പെട്ട കല്ലേറ് കേസിൽ മുൻ ജെഎൻയു വിദ്യാർത്ഥി നേതാവ് ഉമർ ഖാലിദ്, ഖാലിദ് സെയ്ഫി എന്നിവരെ ഡൽഹി കോടതി കുറ്റവിമുക്തരാക്കി. ഡൽഹിയിലെ കർകർദൂമ കോടതിയാണ് ഇദ്ദേഹത്തെ കുറ്റവിമുക്തനാക്കിയത്. പൗരത്വ ഭേദഗതിയെച്ചൊല്ലി 2020 ഫെബ്രുവരിയിൽ വടക്കുകിഴക്കൻ ഡൽഹിയിൽ ഉണ്ടായ കലാപവുമായി ബന്ധപ്പെട്ടാണ് ഖാലിദിനെ പൊലീസ് അറസ്റ്റ് ചെയ്തത്. 11 മണിക്കൂർ നീണ്ട ചോദ്യം ചെയ്യലിനൊടുവിലാണ് അറസ്റ്റ് ചെയ്തത്. ഫോൺ പോലീസ് പിടിച്ചെടുത്തിരുന്നു. കലാപത്തിൽ 53ഓളം പേർ കൊല്ലപ്പെടുകയും 200 ഓളം പേർക്ക് പരിക്കേൽക്കുകയും ചെയ്തിരുന്നു. കലാപവുമായി ബന്ധപ്പെട്ട് 751 എഫ്ഐആറുകളാണ് പൊലീസ് രജിസ്റ്റർ ചെയ്തത്.

കോട്ടയം: ബിഷപ്പുമാരെ കണ്ടതിന് പിന്നിൽ രാഷ്ട്രീയമില്ലെന്ന് ശശി തരൂർ. അവർ ക്ഷണിക്കുന്നു, താൻ പോകുന്നു, അത്രമാത്രമെന്നും തരൂർ പറഞ്ഞു. കാഞ്ഞിരപ്പള്ളി ബിഷപ്പുമായി കൂടിക്കാഴ്ച നടത്തിയ ശേഷം സംസാരിക്കുകയായിരുന്നു അദ്ദേഹം. എന്തുകൊണ്ടാണ് തന്‍റെ സന്ദർശനങ്ങൾ വിവാദമായതെന്ന് അറിയില്ലെന്നും അദ്ദേഹം പറഞ്ഞു. ഇഷ്ടമുള്ളവർ വന്ന് പ്രസംഗം കേൾക്കട്ടെ. പാർട്ടി അച്ചടക്കം ലംഘിച്ചിട്ടില്ലെന്നും ഡി.സി.സി പ്രസിഡന്‍റിനെ അറിയിച്ചിട്ടുണ്ടെന്നും അദ്ദേഹം കൂട്ടിച്ചേർത്തു. അതേസമയം, പത്തനംതിട്ടയിലെ തരൂരിന്റെ പരിപാടിയെക്കുറിച്ച് ജില്ലാ കോൺഗ്രസ് കമ്മിറ്റിയെ അറിയിച്ചിട്ടില്ലെന്ന് നേതൃത്വം പറഞ്ഞു. ബോധിഗ്രാം എന്ന സംഘടന സംഘടിപ്പിക്കുന്ന പരിപാടിയിലാണ് ശശി തരൂർ പങ്കെടുക്കുന്നത്. പരിപാടി നാളെ അടൂരിൽ നടക്കും. പരിപാടിയുടെ സംഘാടകർ ക്ഷണിച്ചിട്ടുണ്ടെങ്കിലും ഡി.സി.സി പ്രസിഡന്‍റ് പങ്കെടുക്കില്ല. ജില്ലാ നേതൃത്വത്തെ അറിയിക്കാതെയുള്ള തരൂരിന്റെ സന്ദർശനത്തിൽ ഐ ഗ്രൂപ്പിന് എതിർപ്പുണ്ടെങ്കിലും നിലപാട് വ്യക്തമാക്കാൻ തയ്യാറായിട്ടില്ല. എന്നാൽ ബോധിഗ്രാം ഒരു രാഷ്ട്രീയ സംഘടനയല്ലെന്ന് സംഘാടകർ വ്യക്തമാക്കി. 

തിരുവനന്തപുരം: വിഴിഞ്ഞം സമരം പരിഹരിക്കാൻ മലങ്കര, ലത്തീൻ സഭകളുടെ മേധാവികളുമായി ചീഫ് സെക്രട്ടറി ചർച്ച നടത്തി. കർദിനാൾ ക്ലിമ്മിസ് ബാവ, ആർച്ച് ബിഷപ്പ് ഡോ.തോമസ് ജെ.നെറ്റോ എന്നിവരും സന്നിഹിതരായിരുന്നു. അതേസമയം, വിഴിഞ്ഞത്തിന്‍റെ സുരക്ഷ കേന്ദ്ര സേനയെ ഏൽപ്പിക്കുന്നതുമായി ബന്ധപ്പെട്ട തർക്കം രൂക്ഷമായി. തീരുമാനം സർക്കാരിന്റേതല്ല, കോടതിയുടേതാണെന്ന് പറഞ്ഞ് ഒഴിഞ്ഞുമാറാനാണ് സർക്കാർ ശ്രമിക്കുന്നത്. സംഘർഷത്തിൽ ബാഹ്യ ഇടപെടൽ എന്ന ആരോപണത്തെച്ചൊല്ലി മന്ത്രിമാർ തമ്മിലുള്ള അഭിപ്രായവ്യത്യാസവും പുറത്തുവന്നു.

കോഴിക്കോട്: മേയർ ഭവനിൽ പ്രതിപക്ഷം അതിക്രമിച്ചു കയറിയ സംഭവം അങ്ങേയറ്റം അപലപനീയമാണെന്ന് കോഴിക്കോട് മേയർ ഡോ. ബീന ഫിലിപ്പ്. കോഴിക്കോട് കോർപ്പറേഷന്‍റെ പഞ്ചാബ് നാഷണൽ ബാങ്ക് അക്കൗണ്ടിൽ നിന്ന് കോടികളുടെ തട്ടിപ്പ് നടന്നതുമായി ബന്ധപ്പെട്ട് വിളിച്ചുചേർത്ത യോഗത്തിലാണ് സംഭവം. മേയർ സ്ഥലത്തില്ലാത്തതിനാൽ നഗരസഭാ സെക്രട്ടറിക്കെതിരെയാണ് പ്രതിഷേധം നടന്നത്. യാതൊരു പ്രകോപനവുമില്ലാതെയായിരുന്നു പ്രതിഷേധമെന്ന് മേയർ പറഞ്ഞു. വീടിനുള്ളിൽ, ബെഡ്റൂമിൽ വരെ കയറി പ്രതിഷേധിച്ചു. യു.ഡി.എഫ് കൗൺസിലർമാരുടെ ഭാഗത്ത് നിന്നുണ്ടായ വളരെ ലജ്ജാകരമായ നടപടിയായിരുന്നു അത്. ഗൂഡാലോചന നടന്നോ എന്ന് അറിയില്ലെന്നും എന്നാൽ കരുതിക്കൂട്ടി വന്നതാണെന്നും മേയർ പറഞ്ഞു. ബാങ്ക് തിങ്കളാഴ്ച പണം നൽകിയില്ലെങ്കിൽ ശാഖകൾ ഉപരോധിക്കുമെന്നും അവർ പറഞ്ഞു. ഞങ്ങൾ നിയമപരമായി മുന്നോട്ട് പോകും. പോലീസിൽ പരാതി നൽകിയിട്ടുണ്ട്. പഞ്ചാബ് നാഷണൽ ബാങ്കിനെതിരായ പോരാട്ടത്തിൽ ഒരുമിച്ച് നീങ്ങണം. യു.ഡി.എഫ് ഉണ്ടെങ്കിൽ അവരും വരണം. ശക്തമായ പ്രതിഷേധ പരിപാടിക്കാണ് എൽഡിഎഫ് തയ്യാറെടുക്കുന്നത്. രണ്ട് ദിവസത്തെ സമയം വേണമെന്നാണ് ബാങ്ക് പറയുന്നത്. പൂർണ്ണമായും തിരികെ നൽകുമെന്ന്…

കൊല്‍ക്കത്ത: ബംഗാളിൽ തൃണമൂൽ കോൺഗ്രസ് പ്രാദേശിക നേതാവിന്‍റെ വസതിയിലുണ്ടായ സ്ഫോടനത്തിൽ രണ്ട് പേർ കൊല്ലപ്പെട്ടു. പാർട്ടി ബൂത്ത് പ്രസിഡന്‍റ് രാജ്കുമാർ മന്നയുടെ വീട്ടിലാണ് സ്ഫോടനം നടന്നത്. രണ്ട് പേർ മരിച്ചതായി സ്ഥിരീകരിച്ചിട്ടുണ്ട്. മറ്റ് രണ്ട് പേർക്ക് ഗുരുതരമായി പരിക്കേറ്റു. ഭുപാട്ടിനഗറിലാണ് സ്ഫോടനം നടന്നത്. മൃതദേഹങ്ങൾ തിരിച്ചറിഞ്ഞിട്ടില്ല. മരിച്ചവർ തൃണമൂൽ കോൺഗ്രസ് പ്രവർത്തകരാണെന്നാണ് കരുതുന്നത്. തൃണമൂൽ കോൺഗ്രസ് ദേശീയ സെക്രട്ടറി അഭിഷേക് ബാനർജി ശനിയാഴ്ച പങ്കെടുക്കേണ്ടിയിരുന്ന പരിപാടിയുടെ വേദിയിൽ നിന്ന് ഒന്നര കിലോമീറ്റർ അകലെയാണ് സ്ഫോടനം നടന്ന വീട്. പ്രാദേശിക നേതാവിന്‍റെ വീടിന് നേരെ ആക്രമണമുണ്ടായോ എന്നാണ് പൊലീസ് അന്വേഷിക്കുന്നത്. വീട്ടിൽ സൂക്ഷിച്ചിരുന്ന അസംസ്കൃത ബോംബ് അബദ്ധത്തിൽ പൊട്ടിത്തെറിച്ചതാകാനുള്ള സാധ്യതയും പൊലീസ് തള്ളിക്കളയുന്നില്ല. സ്ഫോടനത്തിന്‍റെ ആഘാതത്തിൽ മൺവീടിന്‍റെ മേൽക്കൂര തെറിച്ചുപോയി. തൃണമൂൽ കോൺഗ്രസാണ് സ്ഫോടനത്തിന് പിന്നിലെന്ന് ബിജെപി ദേശീയ ഉപാധ്യക്ഷൻ ദിലീപ് ഘോഷ് ആരോപിച്ചു. ഇത്തരം സാമൂഹിക വിരുദ്ധ പ്രവർത്തനങ്ങൾ എല്ലായ്പ്പോഴും തൃണമൂൽ കോൺഗ്രസ് നടത്താറുള്ളതാണെന്നും അതിനാൽ ഈ സംഭവത്തിൽ അത്ഭുതപ്പെടാനൊന്നുമില്ലെന്നും ഘോഷ്…