Author: News Desk

ഏതൊക്കെ പുതിയ വിഭവങ്ങൾ അവതരിപ്പിച്ചാലും ബിരിയാണിയോടുള്ള ഇന്ത്യക്കാരുടെ സ്നേഹം ഒട്ടും കുറയില്ല. സെലിബ്രിറ്റികളും സാധാരണക്കാരും ഉൾപ്പെടെ മിക്ക ഇന്ത്യക്കാരും ഇഷ്ടപ്പെടുന്ന വിഭവമാണ് ബിരിയാണി. ഇപ്പോൾ, ഓൺലൈൻ ഫുഡ് ഡെലിവറി ആപ്ലിക്കേഷനായ സ്വിഗ്ഗി 2022 ൽ ഇന്ത്യക്കാർ ഏറ്റവും കൂടുതൽ ഓർഡർ ചെയ്ത വിഭവങ്ങളുടെ കണക്കുകൾ പുറത്ത് വിട്ടു. തുടർച്ചയായ ഏഴാം വർഷവും ഇന്ത്യക്കാർ ഏറ്റവും കൂടുതൽ ഓർഡർ ചെയ്ത വിഭവം ബിരിയാണിയാണ്. ഒരു മിനിറ്റിൽ 137 ബിരിയാണി ഓർഡർ ലഭിച്ചതായി സ്വിഗ്ഗി വെളിപ്പെടുത്തി. രണ്ടാം സ്ഥാനത്ത് മസാല ദോശയും മൂന്നാമത് സമൂസയും ഇടം പിടിച്ചു. 2021 ൽ, സ്വിഗ്ഗിയിലൂടെ മിനിറ്റിൽ ശരാശരി 115 ബിരിയാണികൾ ഓർഡർ ചെയ്തപ്പോൾ, 2022ൽ ഇത് മറികടന്ന് പുതിയ റെക്കോർഡ് സ്ഥാപിച്ചു. വിദേശ വിഭവങ്ങളായ സുഷി, മെക്സിക്കൻ ബൗള്‍സ്, കൊറിയൻ സ്‌പൈസി രാമൻ, ഇറ്റാലിയൻ പാസ്ത എന്നിവയ്ക്കും ഡിമാൻഡ് ഉണ്ടായിരുന്നെന്ന് സ്വിഗ്ഗിയുടെ വാർഷിക ട്രെൻഡ്സ് റിപ്പോർട്ടിൽ പറയുന്നു.

കോഴിക്കോട്: രാജ്യത്തെ വ്യവസായ സൗഹൃദ സംസ്ഥാനങ്ങളുടെ പട്ടികയിൽ സംസ്ഥാനത്തെ ഒന്നാമതെത്തിക്കാനാണ് സർക്കാർ ശ്രമിക്കുന്നതെന്ന് മുഖ്യമന്ത്രി പിണറായി വിജയൻ. കോഴിക്കോട് ക്രേസ് ബിസ്കറ്റിന്‍റെ ഫാക്ടറി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ശരിയായ ദിശാബോധത്തോടെയാണ് സംസ്ഥാനത്ത് അടിസ്ഥാന സൗകര്യ വികസന പദ്ധതികൾ നടപ്പാക്കുന്നതെന്നും അദ്ദേഹം പറഞ്ഞു. “സംസ്ഥാനത്തെ വ്യവസായ സംരംഭങ്ങളെയും ചെറുകിട സംരംഭങ്ങളെയും പ്രോത്സാഹിപ്പിക്കുന്നതാണ് സർക്കാരിന്റെ നിലപാട്. ‘സംരംഭക വർഷം’ പദ്ധതിയിലൂടെ ഒരു വർഷം ഒരു ലക്ഷം സംരംഭങ്ങൾ ആരംഭിക്കാനാണ് ലക്ഷ്യമിട്ടത്. എട്ട് മാസം കൊണ്ട് കേരളത്തിൽ ഇത് കൈവരിക്കാൻ കഴിഞ്ഞത് ഒരു നേട്ടമാണ്. സംസ്ഥാനത്തിന്‍റെ ഭാവി കണക്കിലെടുത്താണ് സർക്കാർ ഇടപെടലുകൾ നടത്തുന്നത്. വ്യവസായ സൗഹൃദ സംസ്ഥാനങ്ങളുടെ പട്ടികയിൽ നിലവിൽ രാജ്യത്ത് 15-ാം സ്ഥാനത്താണ് കേരളം. പട്ടികയിൽ ഒന്നാമതെത്താനാണ് സംസ്ഥാനം ശ്രമിക്കുന്നത്,” അദ്ദേഹം പറഞ്ഞു. കേരളത്തിന്‍റെ വ്യവസായ സൗഹൃദ അന്തരീക്ഷം പ്രത്യേകം പരിശോധിച്ചാൽ നമ്മുടെ സംസ്ഥാനം എത്രമാത്രം മെച്ചപ്പെട്ടതാണെന്ന് നമുക്ക് മനസ്സിലാകുമെന്ന് മുഖ്യമന്ത്രി പറഞ്ഞു. ആരോഗ്യം, പരിസ്ഥിതി, വിദ്യാഭ്യാസം തുടങ്ങിയ മേഖലകളിൽ കേരളം മറ്റ്…

ന്യൂഡല്‍ഹി: 2002ലെ ഗുജറാത്ത് കലാപത്തിനിടെ കുടുംബത്തെ കൊലപ്പെടുത്തുകയും തന്നെ കൂട്ടബലാത്സംഗം ചെയ്യുകയും ചെയ്ത കേസിൽ പ്രതികളുടെ മോചനവുമായി ബന്ധപ്പെട്ട് ബിൽക്കിസ് ബാനു സമർപ്പിച്ച പുനഃപരിശോധനാ ഹർജി സുപ്രീം കോടതി തള്ളി. ജസ്റ്റിസുമാരായ അജയ് റസ്തോഗി, വിക്രം നാഥ് എന്നിവരടങ്ങിയ ബെഞ്ചാണ് പുനഃപരിശോധനാ ഹർജി തള്ളിയത്. മോചിപ്പിക്കണമെന്നാവശ്യപ്പെട്ട് പ്രതികൾ സമർപ്പിച്ച ഹർജി പരിഗണിക്കാൻ മെയ് 13ന് സുപ്രീം കോടതി ഗുജറാത്ത് സർക്കാരിന് നിർദേശം നൽകിയിരുന്നു. ഇതിനെതിരെ ബിൽക്കിസ് ബാനു നൽകിയ പുനഃപരിശോധനാ ഹർജിയാണ് സുപ്രീം കോടതി തള്ളിയത്. കുറ്റകൃത്യം നടന്ന സംസ്ഥാനത്തെ നിയമത്തിന്‍റെ അടിസ്ഥാനത്തിൽ മോചിപ്പിക്കുന്ന കാര്യത്തിൽ തീരുമാനമെടുക്കണമെന്ന ഉത്തരവ് പുനഃപരിശോധിക്കണമെന്ന ഹർജിയാണ് തള്ളിയത്. കേസിന്‍റെ വിചാരണ മഹാരാഷ്ട്രയിൽ നടന്നതിനാൽ, ഗുജറാത്തിലെ നിയമത്തിന്‍റെ അടിസ്ഥാനത്തിൽ വിട്ടയക്കുന്ന കാര്യത്തിൽ തീരുമാനമെടുക്കാൻ സംസ്ഥാന സർക്കാരിന് അധികാരമില്ലെന്ന് ബിൽക്കിസ് ബാനു തന്‍റെ പുനഃപരിശോധനാ ഹർജിയിൽ പറഞ്ഞിരുന്നു. വിടുതൽ അപേക്ഷയിൽ തീരുമാനമെടുക്കേണ്ടത് മഹാരാഷ്ട്ര സർക്കാരാണെന്നും പുനഃപരിശോധനാ ഹർജിയിൽ പറഞ്ഞിരുന്നു. എന്നാൽ ഈ വാദം അംഗീകരിക്കാൻ സുപ്രീം കോടതി വിസമ്മതിച്ചു.…

ടെസ്ല സിഇഒ എലോൺ മസ്ക് ട്വിറ്ററിൽ പുതിയ നിക്ഷേപകരെ തേടുന്നതായി റിപ്പോർട്ട്. മസ്ക് നൽകിയ അതേ നിരക്കിൽ ട്വിറ്ററിലെ ഓഹരികളിൽ നിക്ഷേപിക്കാൻ തയ്യാറുള്ളവരെയാണ് പരിഗണിക്കുന്നത്. ഒരു ഓഹരിക്ക് 54.20 ഡോളര്‍ നിരക്കിലാണ് മസ്‌ക് ട്വിറ്റർ ഏറ്റെടുത്തത്. ട്വിറ്ററിന്‍റെ മോശം സാമ്പത്തിക സ്ഥിതിയാണ് പുതിയ നിക്ഷേപങ്ങൾ തേടാൻ മസ്കിനെ പ്രേരിപ്പിച്ചതെന്നാണ് വിലയിരുത്തൽ. കഴിഞ്ഞ ഒക്ടോബറിൽ ടെസ്ല കോൺഫറൻസിൽ, ട്വിറ്ററിന് “അമിതമായ വില”യാണ് താൻ നൽകുന്നതെന്ന് മസ്ക് പറഞ്ഞിരുന്നു. ഭാവിയിൽ കമ്പനിയുടെ മൂല്യം ഉയരുമെന്ന് മസ്ക് അന്ന് പ്രത്യാശ പ്രകടിപ്പിച്ചിരുന്നു. 44 ബില്യൺ ഡോളറിന്‍റേതായിരുന്നു ട്വിറ്റർ ഇടപാട്. ട്വിറ്റർ ഏറ്റെടുത്തതിന് ശേഷം ഇതുവരെ 22.9 ബില്യൺ ഡോളർ വിലമതിക്കുന്ന ടെസ്ല ഓഹരികളാണ് മസ്ക് വിറ്റഴിച്ചത്. ഡിസംബർ 12 നും 14 നും ഇടയിൽ 3.6 ബില്യൺ ഡോളർ വിലമതിക്കുന്ന ടെസ്ല ഓഹരികൾ മസ്ക് വിറ്റഴിച്ചതായി ഫോബ്സ് റിപ്പോർട്ട് ചെയ്തു. ട്വിറ്ററിൽ നിക്ഷേപം നടത്തിയതായി മസ്ക് വെളിപ്പെടുത്തിയതിന് ശേഷം ടെസ്ലയുടെ വിപണി മൂല്യം ഇതുവരെ 700…

ഷിക്കാഗോ: കർശനമായ കോവിഡ്-19 നിയന്ത്രണങ്ങൾ നീക്കിയതോടെ, ചൈനയിൽ കോവിഡ് കേസുകളും മരണങ്ങളും ഗണ്യമായി ഉയരാൻ സാധ്യതയുണ്ടെന്ന് റിപ്പോർട്ട്. യുഎസ് ആസ്ഥാനമായുള്ള ഇൻസ്റ്റിറ്റ്യൂട്ട് ഓഫ് ഹെൽത്ത് മെട്രിക്സ് ആൻഡ് ഇവാലുവേഷന്റെ (ഐഎച്ച്എംഇ) പ്രോജക്റ്റ് റിപ്പോർട്ട് അനുസരിച്ച്, 2023 ൽ ചൈനയിൽ ഒരു ദശലക്ഷത്തിലധികം കോവിഡ്-19 മരണങ്ങൾ ഉണ്ടാകും. ജനകീയ പ്രതിഷേധം ശക്തമായതോടെ ചൈന കൊവിഡ് നിയന്ത്രണങ്ങളിൽ ഇളവ് വരുത്തിയിരുന്നു. അടുത്ത വർഷം ഏപ്രിൽ ഒന്നിന് കേസുകൾ പരമാവധിയിലെത്തുമെന്നും മരണസംഖ്യ 3.22 ലക്ഷത്തിലെത്തുമെന്നും ഐഎച്ച്എംഇ പ്രവചിക്കുന്നു. ചൈനയിലെ ജനസംഖ്യയുടെ മൂന്നിലൊന്നിനും ഈ സമയത്തിനകം വൈറസ് ബാധിച്ചിരിക്കുമെന്നും ഐഎച്ച്എംഇ ഡയറക്ടർ ക്രിസ്റ്റഫർ മറെ പറഞ്ഞു. കൊവിഡ് നിയന്ത്രണങ്ങൾ പിൻവലിച്ചതിന് ശേഷം ചൈനയിലെ ആരോഗ്യ വകുപ്പ് ഔദ്യോഗികമായി മരണങ്ങളൊന്നും റിപ്പോർട്ട് ചെയ്തിട്ടില്ല. ഡിസംബർ മൂന്നിനാണ് ചൈനയിലെ അവസാന കോവിഡ്-19 മരണം റിപ്പോർട്ട് ചെയ്തത്. ആകെ മരണം 5,235 ആണ്. മഹാമാരിയുടെ തുടക്കത്തിൽ ചൈനയുടെ സീറോ-കോവിഡ് നയം ഫലപ്രദമായിരുന്നു. എന്നിരുന്നാലും, ഒമൈക്രോൺ വകഭേദം ഉണ്ടായപ്പോൾ, രോഗവ്യാപനം തടയാൻ കഴിഞ്ഞില്ല,…

തിരുവനന്തപുരം: ലോക്സഭാ തിരഞ്ഞെടുപ്പിന് മുന്നോടിയായി പ്രവർത്തിക്കാൻ സി.പി.എം തീരുമാനം. ഇതിനുള്ള മാർഗ്ഗനിർദ്ദേശങ്ങൾ തയ്യാറാക്കി. ബൂത്ത് തലത്തിൽ ഓരോ വോട്ടറുടെയും മനസ്സ് മനസിലാക്കുകയും വോട്ട് മറുവശത്തേക്ക് പോകുന്നില്ലെന്ന് ഉറപ്പാക്കാൻ ഇടപെടുകയും വേണം. പാർട്ടിയിൽ നിന്ന് അകന്നുപോയവരെ തിരികെ കൊണ്ടുവരാൻ ശ്രമിക്കണമെന്നും സി.പി.എം നിർദ്ദേശിച്ചു. വോട്ട് പാഴാകാതിരിക്കാൻ വീടുകൾ സന്ദർശിക്കണം. പാർട്ടി അംഗങ്ങൾക്ക് അവരിൽ ഒരാളായി മാറാൻ കഴിയണമെന്നും നിർദ്ദേശമുണ്ട്. നാല് തലങ്ങളിൽ ക്ലാസുകൾ നടത്തിയാണ് മാർഗനിർദ്ദേശങ്ങൾ പഠിപ്പിക്കുന്നത്. ലോക് സഭാ മണ്ഡലം തല ക്ലാസുകൾ പൂർത്തിയായി. നിയമസഭാ മണ്ഡലം, പ്രാദേശിക, ബൂത്ത് അടിസ്ഥാനത്തിൽ എല്ലാ പാർട്ടി അംഗങ്ങൾക്കും ക്ലാസുകൾ നൽകും. വീടുകളുമായുള്ള ബന്ധം നഷ്ടപ്പെട്ടതിനാലാണ് തിരഞ്ഞെടുപ്പിൽ പാർട്ടിയുടെ കണക്കുകൂട്ടലുകൾ തെറ്റിപ്പോകുന്നതെന്നാണ് സി.പി.എം. വിലയിരുത്തൽ. തൃക്കാക്കര ഉപതിരഞ്ഞെടുപ്പിൽ ഇത് എൽ.ഡി.എഫിന് കനത്ത ആഘാതമാണ് ഉണ്ടാക്കിയത്. അവിടെ പല ദേശങ്ങളില്‍ നിന്നുള്ള താമസക്കാരായതിനാൽ വോട്ടിന്‍റെ ഗതി കൃത്യമായി മനസ്സിലാക്കാൻ കഴിയുന്നില്ലെന്നായിരുന്നു താഴേത്തട്ടിലുള്ള യൂണിറ്റുകൾ നൽകിയ വിശദീകരണം.

ബാംഗ്ലൂർ: ബെംഗളൂരുവിൽ ലോ-ഫ്ലോർ ഇലക്ട്രിക് ബസുകൾ ഇറക്കാൻ ഒരുങ്ങി ടാറ്റ മോട്ടോഴ്സ്. ഇതിന്‍റെ ഭാഗമായി ബെംഗളൂരു മെട്രോപൊളിറ്റൻ ട്രാൻസ്പോർട്ട് കോർപ്പറേഷൻ (ബിഎംടിസി) 921 ലോ ഫ്ളോർ ഇലക്ട്രിക് ബസുകൾ നഗരത്തിൽ സർവീസ് നടത്താൻ തങ്ങളുടെ സബ്സിഡിയറിയുമായി കരാർ ഒപ്പിട്ടതായി ടാറ്റ മോട്ടോഴ്സ് പ്രസ്താവനയിൽ അറിയിച്ചു. കരാറിന്‍റെ ഭാഗമായി, തങ്ങളുടെ അനുബന്ധ സ്ഥാപനമായ ടിഎംഎൽ സ്മാർട്ട് സിറ്റി മൊബിലിറ്റി സൊല്യൂഷൻസ് 12 വർഷത്തേക്ക് 921 യൂണിറ്റ് ഇലക്ട്രിക് ബസുകൾ വിതരണം ചെയ്യുകയും പ്രവർത്തിപ്പിക്കുകയും ചെയ്യുമെന്നും ടാറ്റ മോട്ടോഴ്സ് അറിയിച്ചു. സുസ്ഥിരവും സുഖകരവുമായ യാത്രകൾക്കായി മികച്ച രൂപകൽപ്പനയും മികച്ച ഇൻ-ക്ലാസ് സവിശേഷതകളുമുള്ള തദ്ദേശീയമായി വികസിപ്പിച്ചെടുത്ത 12 മീറ്റർ നീളമുള്ള വാഹനമാണ് ടാറ്റ സ്റ്റാർബസ് ഇലക്ട്രിക്. ടാറ്റ മോട്ടോഴ്സ് ഇതുവരെ ഇന്ത്യയിലെ വിവിധ നഗരങ്ങളിലേക്ക് 730 തിലധികം ഇലക്ട്രിക് ബസുകൾ വിതരണം ചെയ്തിട്ടുണ്ട്.

പാരീസ്: വിസാ നിയന്ത്രണങ്ങളെച്ചൊല്ലി ഒരു വർഷത്തോളമായി നിലനിന്നിരുന്ന ഫ്രാൻസ്-മൊറോക്കോ തർക്കം അവസാനിച്ചു. മൊറോക്കോയുമായുള്ള ബന്ധം സാധാരണ നിലയിലായതായി ഫ്രഞ്ച് വിദേശകാര്യമന്ത്രി കാതറിൻ കൊളോണ പറഞ്ഞു. ഖത്തർ ലോകകപ്പിൽ ഫ്രാൻസും മൊറോക്കോയും തമ്മിലുള്ള സെമി ഫൈനൽ പോരാട്ടത്തിന് രണ്ട് ദിവസത്തിന് ശേഷമാണ് പ്രഖ്യാപനം. ഫ്രഞ്ച് പ്രസിഡന്‍റ് ഇമ്മാനുവൽ മാക്രോൺ അടുത്ത വർഷം ആദ്യം മൊറോക്കോ സന്ദർശിക്കും. മൊറോക്കൻ വിദേശകാര്യമന്ത്രി നാസർ ബൊറിറ്റയുമായുള്ള കൂടിക്കാഴ്ചയ്ക്ക് ശേഷം ‘ഒരു പുതിയ പേജ് ഒരുമിച്ച് എഴുതുകയാണ്’ എന്നും കാതറിൻ പറഞ്ഞു.

മൾട്ടിപ്ലെക്സ് ശൃംഖലയായ പിവിആർ ഇന്ത്യയിൽ ആദ്യമായി ഐസ് തിയേറ്റർ ഫോർമാറ്റ് അവതരിപ്പിച്ചു. പ്രധാന സ്ക്രീനിന് പുറമെ ഇരുവശത്തും എൽഇഡി പാനലുകളുള്ള വിഷ്വൽ സംവിധാനവും പിവിആറിന്‍റെ ഐസ് തിയേറ്ററുകളിലുണ്ട്. ഡല്‍ഹിയിലും ഗുരുഗ്രാമിലുമാണ് പിവിആറിന്റെ ഐസ് തിയേറ്റര്‍ പ്രവര്‍ത്തനം തുടങ്ങിയത്. അവതാർ 2 രണ്ട് സ്ക്രീനുകളിലും പ്രദർശിപ്പിക്കും. ബുക്ക് മൈ ഷോ ആപ്പിൽ ലിസ്റ്റ് ചെയ്തിരിക്കുന്ന പ്രകാരം ഐസ് തിയേറ്ററുകളിലെ ടിക്കറ്റുകൾക്ക് 650-750 രൂപ വരെയാണ് വില. ഫ്രഞ്ച് കമ്പനിയായ സിജിആർ സിനിമാസുമായി സഹകരിച്ചാണ് പിവിആറിന്‍റെ പുതിയ സംരംഭം. ഒരു സ്ക്രീനിന് 1.8 കോടി രൂപയാണ് പിവിആർ ചെലവഴിച്ചത്. ആഡംബര സ്ക്രീനുകളുടെ എണ്ണം വർദ്ധിപ്പിക്കാനുള്ള ശ്രമങ്ങളുടെ ഭാഗമായാണ് പിവിആർ ഐസ് തിയേറ്റർ ഇന്ത്യയിലെത്തിച്ചത്. നിലവിൽ പിവിആറിന്‍റെ മൊത്തം സ്ക്രീനുകളുടെ 10 ശതമാനവും ലക്ഷ്വറി സ്ക്രീനുകളാണ്. രാജ്യത്തുടനീളം 846 സ്ക്രീനുകളാണ് പിവിആറിനുള്ളത്. പുതിയ ആഡംബര സ്ക്രീനുകൾക്കായി ഫ്രാൻസ് ആസ്ഥാനമായുള്ള ഫിലിം ആർക്കിടെക്ചർ കമ്പനിയായ ഓമ സിനിമയുമായി പിവിആർ സഹകരിക്കും. ഓപ്പറ ഹൗസുകളുടെ മാതൃകയിലുള്ള തിയേറ്ററുകളും കമ്പനി…

ലോകത്തിലെ ഏറ്റവും മികച്ച നഗരമായി പാരിസിനെ തിരഞ്ഞെടുത്തു. ദുബായിയാണ് ഏറ്റവും മികച്ച രണ്ടാമത്തെ നഗരം. യുകെ ആസ്ഥാനമായുള്ള മാർക്കറ്റിംഗ് റിസർച്ച് സ്ഥാപനമായ യൂറോമോണിറ്ററാണ് ലോകത്തിലെ 100 നഗരങ്ങളുടെ പട്ടികയിൽ നിന്ന് മികച്ച നഗരങ്ങളെ തിരഞ്ഞെടുത്തത്. ടൂറിസം നയങ്ങൾ, അടിസ്ഥാന സൗകര്യങ്ങൾ, ആരോഗ്യം, സുരക്ഷ, സമ്പദ് വ്യവസ്ഥ, സുസ്ഥിരത എന്നീ ആറ് മാനദണ്ഡങ്ങളുടെ അടിസ്ഥാനത്തിലാണ് മികച്ച നഗരങ്ങളെ തിരഞ്ഞെടുത്തത്.