Author: News Desk

പാരിസ്: ഇറാനിൽ ഹിജാബ് വിരുദ്ധ പ്രക്ഷോഭം കത്തിപ്പടരുന്നതിനിടെ സ്റ്റേറ്റ് ടെലിവിഷൻ ചാനലിലെ തത്സമയ സംപ്രേഷണം ഡിജിറ്റൽ ആക്ടിവിസ്റ്റുകൾ ഹാക്ക് ചെയ്തു. ചാനൽ ഹാക്ക് ചെയ്ത് ഇറാന്റെ പരമോന്നത നേതാവ് ആയത്തുള്ള അലി ഖമേനിയുടെ മുഖത്ത് ക്രോസ് ചിഹ്നം വരക്കുകയും തീപിടിക്കുന്ന ചിത്രങ്ങളും ചേർത്തു. “ഞങ്ങളുടെ യുവത്വത്തിന്‍റെ രക്തം നിങ്ങളുടെ കൈകളിലാണ്” എന്ന സന്ദേശവും എഴുതിക്കാണിച്ചു. ശനിയാഴ്ച രാത്രി 9 മണിയോടെയാണ് ചാനൽ ഹാക്ക് ചെയ്തത്. 22 കാരിയായ മഹ്സ അമിനിയുടെ മരണത്തെ തുടർന്നാണ് ഇറാനിൽ പ്രതിഷേധം പൊട്ടിപ്പുറപ്പെട്ടത്. ഖമേനി ഉദ്യോഗസ്ഥരുമായി കൂടിക്കാഴ്ച നടത്തുന്നതിന്‍റെ ദൃശ്യങ്ങൾ ഹാക്ക് ചെയ്ത് തടസ്സപ്പെടുത്തുകയും ചെയ്തു. “ഞങ്ങളോടൊപ്പം ചേരൂ, എഴുന്നേൽക്കൂ” എന്ന മുദ്രാവാക്യം ഏതാനും സെക്കൻഡുകൾ എഴുതിക്കാണിക്കുകയും മൂന്ന് സ്ത്രീകളുടെ ബ്ലാക്ക് ആൻഡ് വൈറ്റ് ചിത്രങ്ങളും പ്രദർശിപ്പിക്കുകയും ചെയ്തു. ഹിജാബ് ശരിയായി ധരിക്കാത്തതിന്‍റെ പേരിൽ കസ്റ്റഡിയിലെടുത്ത മഹ്സ അമിനി പൊലീസ് കസ്റ്റഡിയിൽ കൊല്ലപ്പെട്ടിരുന്നു. ഇസ്ലാമിക രാജ്യത്ത് ഡ്രസ് കോഡ് ലംഘിച്ചുവെന്നാരോപിച്ചാണ് ഇവരെ കസ്റ്റഡിയിലെടുത്തത്. സെപ്റ്റംബർ 16നാണ് അമിനി…

തിരുവനന്തപുരം: കനത്ത മഴയ്ക്ക് സാധ്യതയുള്ളതിനാൽ ഇന്ന് സംസ്ഥാനത്തെ നാല് ജില്ലകളിൽ കേന്ദ്ര കാലാവസ്ഥ വകുപ്പ് യെല്ലോ അലർട്ട് പ്രഖ്യാപിച്ചു. ഇടുക്കി, പാലക്കാട്, മലപ്പുറം, വയനാട് ജില്ലകളിലാണ് ജാഗ്രതാ നിർദേശം നൽകിയിരിക്കുന്നത്. ഇടുക്കി, വയനാട് ജില്ലകളിൽ തിങ്കളാഴ്ച യെല്ലോ അലർട്ട് പ്രഖ്യാപിച്ചിട്ടുണ്ട്. അടുത്ത 24 മണിക്കൂറിനുള്ളിൽ ഈ ജില്ലകളിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കാൻ സാധ്യതയുണ്ട്. മെയ് 11 വരെ സംസ്ഥാനത്തുടനീളം ഒറ്റപ്പെട്ട സ്ഥലങ്ങളിൽ ഇടിമിന്നലോട് കൂടിയ മഴയ്ക്ക് സാധ്യതയുണ്ട്. കേരള-കർണാടക-ലക്ഷദ്വീപ് തീരത്ത് മത്സ്യബന്ധനത്തിന് ഇന്ന് നിയന്ത്രണമില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.

കെജിഎഫ് എന്ന സിനിമയിലൂടെ കർണാടകയ്ക്ക് പുറത്തുള്ള സിനിമാപ്രേമികളുടെ ശ്രദ്ധ നേടിയ പ്രൊഡക്ഷൻ ഹൗസാണ് ഹൊംബാളെ ഫിലിംസ്. അവരുടെ ഏറ്റവും പുതിയ ചിത്രം മലയാളത്തിലാണ്. ലൂസിയ, യു ടേൺ തുടങ്ങിയ ചിത്രങ്ങളിലൂടെ ശ്രദ്ധേയനായ പവൻ കുമാർ സംവിധാനം ചെയ്യുന്ന ചിത്രത്തിൽ ഫഹദ് ഫാസിലും അപർണ ബാലമുരളിയുമാണ് പ്രധാന കഥാപാത്രങ്ങളെ അവതരിപ്പിക്കുന്നത്. സെപ്റ്റംബർ 30ന് ഔദ്യോഗികമായി പ്രഖ്യാപിച്ച ചിത്രം ഇന്ന് ആരംഭിച്ചു.  ചിത്രത്തിന്‍റെ പൂജാ ചടങ്ങിൽ ഫഹദും അപർണയും പങ്കെടുത്തു. റോഷൻ മാത്യുവും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. പ്രീത ജയരാമനാണ് ചിത്രത്തിന്‍റെ ഛായാഗ്രഹണം കൈകാര്യം ചെയ്യുന്നത്. പൂർണചന്ദ്ര തേജസ്വിയാണ് സംഗീത സംവിധാനം നിർവ്വഹിച്ചിരിക്കുന്നത്. ഹൊംബാളെ ഫിലിംസിന്‍റെ ബാനറിൽ വിജയ് കിരഗന്ദൂരാണ് ചിത്രം നിർമ്മിക്കുന്നത്. പ്രൊഡക്ഷൻ ഡിസൈൻ അനീസ് നാടോടിയും പ്രൊഡക്ഷൻ കൺട്രോളർ ഷിബു ജി സുശീലനുമാണ്. മലയാളം, കന്നഡ, തമിഴ്, തെലുങ്ക് എന്നീ ഭാഷകളിലാണ് ചിത്രം റിലീസ് ചെയ്യുന്നത്. പൂർണിമ രാമസ്വാമിയാണ് വസ്ത്രാലങ്കാരം.

കോട്ടയം: ജോസ് കെ.മാണി വീണ്ടും കേരള കോണ്‍ഗ്രസ്(എം) ചെയർമാനായി. തോമസ് ചാഴികാടൻ, ഡോ.എൻ.ജയരാജ്, പി.കെ.സജീവ് എന്നിവരാണ് വൈസ് ചെയർമാൻമാർ. ട്രഷററായി എൻ എം രാജുവിനെയും തിരഞ്ഞെടുത്തു. ഏഴ് അംഗങ്ങളാണ് രാഷ്ട്രീയകാര്യ സമിതിയിലുള്ളത്. കോട്ടയത്ത് നടന്ന പാർട്ടിയുടെ ജൻമദിന കൺവെൻഷനിലാണ് പുതിയ ഭാരവാഹികളെ തിരഞ്ഞെടുത്തത്. 15 ജനറൽ സെക്രട്ടറിമാർ, 23 ഉന്നതാധികാര സമിതി അംഗങ്ങൾ, 91 സ്റ്റിയറിംഗ് കമ്മിറ്റി അംഗങ്ങൾ, 131 സെക്രട്ടേറിയറ്റ് അംഗങ്ങൾ, 536 സംസ്ഥാന കമ്മിറ്റി അംഗങ്ങൾ എന്നിവരെ തിരഞ്ഞെടുത്തു. മന്ത്രി റോഷി അഗസ്റ്റിനെ പാർലമെൻ്ററി പാർട്ടി ലീഡറായും യോഗം അംഗീകരിച്ചു.

ജർമ്മനി: ഇരുചക്രവാഹന നിർമ്മാതാക്കളായ റോയൽ എൻഫീൽഡ് ഹണ്ടർ 350 ഇന്ത്യയിൽ നിർമ്മിച്ച് ആഗോള വിപണിയിൽ അവതരിപ്പിച്ചു. ജർമ്മനിയിലെ കൊളോണിൽ നടന്ന ഇന്‍റർമോട്ട് ഷോ 2022 ൽ ബൈക്ക് അനാച്ഛാദനം ചെയ്തു. 4,490 യൂറോയാണ് ഇതിന്‍റെ വില, അതായത് ഏകദേശം 3.62 ലക്ഷം രൂപ.  ഇപ്പോൾ, അന്താരാഷ്ട്രതലത്തിൽ വിൽക്കുന്ന മോട്ടോർസൈക്കിൾ ഇന്ത്യയിൽ വിൽക്കുന്ന മോഡലിന് സമാനമാണ്. ക്ലാസിക്, മെറ്റിയർ തുടങ്ങിയ ജെ-പ്ലാറ്റ്‌ഫോമിനെ അടിസ്ഥാനമാക്കി മറ്റ് രണ്ട് മോഡലുകളുടെ അതേ ഫ്രെയിമിൽ സ്ഥാപിച്ചിരിക്കുന്ന അതേ 349 സിസി, സിംഗിൾ-സിലിണ്ടർ എഞ്ചിൻ ഹണ്ടർ 350 ഉപയോഗിക്കുന്നു. എന്നാൽ സബ് ഫ്രെയിമിൽ മാറ്റമുണ്ട്. അതായത്, റോയൽ എൻഫീൽഡ് മോട്ടോർസൈക്കിളിനെ ബ്രാൻഡിലേക്കുള്ള ഒരു ചവിട്ടുപടിയായി സ്ഥാപിക്കുകയും പുതിയ ഉപഭോക്താക്കളെയും റൈഡർമാരെയും അതിന്റെ താങ്ങാനാവുന്ന വിലയും കുറഞ്ഞ സീറ്റ് ഉയരവും കർബ് ഭാരവും കൊണ്ട് വശീകരിക്കുകയും ചെയ്യുന്നു.

മദ്ധ്യപ്രദേശ്: എം.വൈ.എച്ചിൽ ഏതാനും ദിവസങ്ങൾക്കുള്ളിൽ മധ്യപ്രദേശിലെ ആദ്യത്തെ അസ്ഥി ബാങ്ക് ആരംഭിക്കും. ഇൻഡോറിൽ നടന്ന ഇന്ത്യൻ ഓർത്തോപീഡിക് അസോസിയേഷന്‍റെ (ഐഒഎക്കോൺ 2022) വാർഷിക സമ്മേളനത്തിൽ എംജിഎംഎംസി ഡീൻ ഡോ സഞ്ജയ് ദീക്ഷിതാണ് ഇത് സംബന്ധിച്ച പ്രഖ്യാപനം നടത്തിയത്. “എന്റെ ആശുപത്രിയിൽ കുറച്ച് ദിവസത്തിനുള്ളിൽ ബോൺ ബാങ്ക് ആരംഭിക്കും. മധ്യപ്രദേശിലെ ബോൺ ബാങ്ക് ഉള്ള ആദ്യത്തെ ആശുപത്രിയായിരിക്കും. ബാങ്കിനായുള്ള പരിശോധന പൂർത്തിയായി, ഒന്നോ രണ്ടോ ദിവസത്തിനുള്ളിൽ അനുമതിക്കായി ലഭിക്കും,” ഡോ.ദീക്ഷിത് പറഞ്ഞു.

നടിയും മോഡലുമായ കിം കർദ്യാഷിയാൻ വീട് വാങ്ങുന്നത് ഒരു പതിവാക്കിയിരിക്കുകയാണ്. കാലിഫോർണിയയിലെ തന്‍റെ കുടുംബവീടിനടുത്ത് മാലിബു ബീച്ചിനോട് ചേർന്നുള്ള ആഡംബര ബംഗ്ലാവാണ് താരം വാങ്ങിയത്. കടലിന് അഭിമുഖമായാണ് ഈ വീട് സ്ഥിതി ചെയ്യുന്നത്. നാല് കിടപ്പുമുറികൾ, അഞ്ച് കുളിമുറികൾ, പൂൾ, ഒരു സ്പാ എന്നിവ ഉൾപ്പെടുന്നതാണ് വീട്. മാധ്യമ റിപ്പോർട്ടുകൾ പ്രകാരം, വീട്ടിലെ എല്ലാ മുറികളിൽ നിന്നും മനോഹരമായ പ്രകൃതിദൃശ്യങ്ങൾ കാണാൻ കഴിയും. കടലിന്‍റെ കാഴ്ചകൾ പകർത്താൻ വലിയ ഗ്ലാസ് ജനാലകളും വാതിലുകളും വീടിന് നൽകിയിട്ടുണ്ട്. വീടിന്‍റെ പിറകിലാണ് പൂള്‍ സ്ഥിതി ചെയ്യുന്നത്. മുൻ പങ്കാളിയായ കന്യെ വെസ്റ്റിന്‍റെ വീടിന് സമീപമാണ് കിമ്മിന്‍റെ പുതിയ വീട് സ്ഥിതി ചെയ്യുന്നത്. ഏതാനും ആഴ്ചകൾക്ക് മുമ്പ്, കിം ലോസ് ഏഞ്ചൽസിൽ തന്‍റെ ഉടമസ്ഥതയിലുള്ള രണ്ട് വീടുകൾ വിൽക്കുന്നുവെന്ന് പരസ്യം നൽകിയിരുന്നു.

കോഴിക്കോട്: കോഴിക്കോട് സിനിമാ ചിത്രീകരണത്തിനിടെ അസോസിയേറ്റ് ക്യാമറാമാനെ തെരുവ് നായ കടിച്ചു. കടിയേറ്റ ജോബിൻ ജോണിനെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. നഗരപരിധിയിലെ വിവിധ പ്രദേശങ്ങളിൽ തെരുവുനായ്ക്കളുടെ ശല്യം വ്യാപകമാണ്. ഇന്നലെ രാത്രി എട്ട് മണിയോടെയാണ് സിനിമയുടെ ചിത്രീകരണത്തിനിടെ അസോസിയേറ്റ് ക്യാമറാമാന് തെരുവ് നായയുടെ കടിയേറ്റത്. ഹരീഷ് പേരടി നിർമ്മിക്കുന്ന ദാസേട്ടന്‍റെ സൈക്കിൾ എന്ന സിനിമയുടെ ചിത്രീകരണത്തിനിടെയായിരുന്നു സംഭവം. ഷൂട്ടിങ്ങിനിടെ നായ പിന്നിലൂടെ വന്ന് കടിക്കുകയായിരുന്നു എന്ന് സഹപ്രവർത്തകർ പറഞ്ഞു. കടിച്ച നായ ഉടൻ തന്നെ സ്ഥലം വിട്ടു. തുടർന്ന് ജോബിനെ കോഴിക്കോട് മെഡിക്കൽ കോളേജിലേയ്ക്ക് കൊണ്ടുപോയി.

കണ്ണൂര്‍: മുഖ്യമന്ത്രിയുടെ വിദേശ സന്ദർശനത്തെ വിമർശിക്കുകയും പരിഹസിക്കുകയും ചെയ്ത് കെപിസിസി പ്രസിഡന്‍റ് കെ സുധാകരൻ രംഗത്ത്. കോടിയേരിയുടെ മൃതദേഹം തിരുവനന്തപുരത്ത് പൊതുദർശനത്തിന് വയ്ക്കാൻ സി.പി.എമ്മിന് സമയം കിട്ടിയില്ല. ശവസംസ്കാരച്ചടങ്ങുകൾക്ക് ശേഷം തൊണ്ടയിടറി സംസാരിച്ച പിണറായി മണിക്കൂറുകൾക്കുള്ളിൽ വിദേശത്തേക്ക് പറന്നു. വിദേശത്തേക്ക് ടൂറടിക്കാൻ ഓരോ കാരണം കണ്ടെത്തുകയാണ് പിണറായിയെന്നും അദ്ദേഹം പറഞ്ഞു. മുഖ്യമന്ത്രി പിണറായി വിജയൻ ഇന്ന് ലണ്ടൻ സന്ദർശിക്കും. ലോക കേരള സഭയുടെ യുകെ-യൂറോപ്പ് മേഖലാ സമ്മേളനം അദ്ദേഹം ഉദ്ഘാടനം ചെയ്യും. മന്ത്രിമാരായ പി രാജീവ്, വി ശിവൻകുട്ടി, വീണാ ജോർജ് എന്നിവരും ലോക കേരള സഭയിൽ പങ്കെടുക്കും. ഇന്ന് വൈകുന്നേരം നടക്കുന്ന മലയാളി പ്രവാസി സംഗമത്തിലും മുഖ്യമന്ത്രി പങ്കെടുക്കും. 

ന്യൂഡൽഹി: തെരുവുനായ്ക്കൾക്ക് ലഭിക്കുന്ന ബഹുമാനം പോലും മുസ്ലീങ്ങൾക്ക് ലഭിക്കുന്നില്ലെന്ന് എഐഎംഐഎം നേതാവ് അസദുദ്ദീൻ ഒവൈസി. ഗുജറാത്തിൽ നവരാത്രി ആഘോഷത്തിനിടെ കല്ലെറിഞ്ഞുവെന്നാരോപിച്ച് കസ്റ്റഡിയിലെടുത്ത പ്രതികളെ തൂണിൽ കെട്ടിയിട്ട് തല്ലിയതിനെക്കുറിച്ച് സംസാരിക്കുകയായിരുന്നു ഒവൈസി. രാജ്യത്ത് ബി.ജെ.പി സർക്കാർ അധികാരത്തിലിരിക്കുന്നിടത്തെല്ലാം മുസ്ലീങ്ങൾ തുറന്ന ജയിലിലാണെന്നും മദ്രസകൾ തകർക്കപ്പെടുകയാണെന്നും അദ്ദേഹം പറഞ്ഞു. ഇതാണോ നമ്മുടെ ബഹുമതി? ഒരു മുസ്ലിമിന് സമൂഹത്തിൽ ബഹുമാനമില്ലേ? ഇതാണോ രാജ്യത്തിന്‍റെ ഭരണഘടനയും മതേതരത്വവും നിയമവാഴ്ചയും,” അദ്ദേഹം പറഞ്ഞു. ജനസംഖ്യാ അസന്തുലിതാവസ്ഥയെക്കുറിച്ചുള്ള ആർഎസ്എസ് മേധാവി മോഹൻ ഭാഗവതിന്‍റെ പരാമർശത്തെയും ഒവൈസി വിമർശിച്ചു. മുസ്ലീങ്ങളാണ് കോണ്ടം ഏറ്റവും കൂടുതൽ ഉപയോഗിക്കുന്നത്. മുസ്ലിം ജനസംഖ്യ വർദ്ധിക്കുകയല്ല, മറിച്ച് കുറയുകയാണ് ചെയ്യുന്നതെന്നും അദ്ദേഹം പറഞ്ഞു. ഗുജറാത്തിലെ സംഭവത്തിൽ പ്രധാനമന്ത്രി മൗനം പാലിച്ചതിനെയും ഒവൈസി ചോദ്യം ചെയ്തു. താങ്കൾ മുഖ്യമന്ത്രിയായിരുന്ന സംസ്ഥാനത്താണ് മുസ്ലീങ്ങളെ തൂണിൽ കെട്ടിയിട്ട് ചാട്ടവാറ് കൊണ്ട് അടിച്ചത്. ഇങ്ങനെയാണെങ്കിൽ, ദയവായി കോടതികൾ അടച്ചുപൂട്ടുകയും പോലീസ് സേനയെ പിരിച്ചുവിടുകയും ചെയ്യുക,” ഒവൈസി പറഞ്ഞു. ഏതാനും ദിവസങ്ങൾക്ക് മുമ്പ് ഖേദയിലെ…