Author: News Desk

പാരീസ്: പിഎസ്ജി താരം കിലിയൻ എംബാപ്പെ ക്ലബ് വിടാൻ ഒരുങ്ങുന്നതായി റിപ്പോർട്ട്. അടുത്ത ജനുവരിയിലെ ട്രാൻസ്ഫർ വിൻഡോയിൽ അദ്ദേഹം പിഎസ്ജി വിടുമെന്നാണ് വിവരം. ടീമിന്‍റെ നിലവിലെ ശൈലിയിൽ അദ്ദേഹം തൃപ്തനല്ലെന്നാണ് സൂചന. നേരത്തെ നെയ്മറോടും അദ്ദേഹത്തിന് അതൃപ്തിയുണ്ടായിരുന്നു. ഒമ്പതാം നമ്പർ പൊസിഷനില്‍ കളിക്കുന്നതിനെതിരെ താരത്തിന് പരാതിയുണ്ടെന്നാണ് റിപ്പോർട്ട്. പിഎസ്ജിയുമായുള്ള എംബാപ്പെയുടെ കരാർ കഴിഞ്ഞ മെയ് മാസത്തിലാണ് നീട്ടിയത്. റയൽ മാഡ്രിഡിന് താരത്തിൽ താത്പര്യമുണ്ടായിരുന്നു. അവസാന നിമിഷമാണ് എംബാപ്പെ പിഎസ്ജിയിൽ തുടരാൻ തീരുമാനിച്ചത്. ഇത്തവണയും എംബാപ്പെയെ വിൽക്കാൻ ടീം തയ്യാറാവില്ലെന്നാണ് സൂചന. എന്നിരുന്നാലും, പിഎസ്ജിക്ക് വളരെയധികം സമ്മർദ്ദം ചെലുത്തേണ്ടിവരും. ഫ്രാൻസിനായി ലോകകപ്പും യുവേഫ നേഷൻസ് ലീഗും നേടിയ കിലിയന്‍ എംബാപ്പെയെ സ്വന്തമാക്കാൻ ലിവർപൂൾ ആലോചിക്കുന്നതായും റിപ്പോർട്ടുണ്ട്. റയൽ മറ്റൊരു ശ്രമം കൂടി നടത്താനും സാധ്യത ഏറെയുണ്ട്.

കല്‍പ്പറ്റ: വയനാട് പനമരം പൊലീസ് സ്റ്റേഷനിലെ സ്റ്റേഷൻ ഹൗസ് ഓഫീസറെ കുറിച്ച് ഇതുവരെ ഒരു വിവരവും ലഭിച്ചില്ല. പാലക്കാട് ഫാസ്റ്റ് ട്രാക്ക് സ്പെഷ്യൽ കോടതിയിലേക്ക് കോര്‍ട്ട് എവിഡന്‍സ് ഡ്യൂട്ടിക്കായി പോയ സിഐ. കെ എ എലിസബത്തിനെ (54) ഒക്ടോബര്‍ പത്ത് മുതലാണ് കാണാതായത്. പൊലീസ് കേസെടുത്ത് അന്വേഷണം ആരംഭിച്ചെങ്കിലും ഒരു വിവരവും ലഭിച്ചിട്ടില്ല. അവസാനം ഫോണിൽ സംസാരിച്ച വ്യക്തിയോട് താൻ കൽപ്പറ്റയിലാണെന്ന് സിഐ പറഞ്ഞിരുന്നു. ഈ വിവരത്തെ തുടർന്ന് പനമരം പൊലീസ് കൽപ്പറ്റയിലെത്തി തിരച്ചിൽ നടത്തിയെങ്കിലും കണ്ടെത്താനായില്ല. ഉദ്യോഗസ്ഥയുടെ ഔദ്യോഗിക നമ്പറും വ്യക്തിഗത നമ്പറും അടങ്ങിയ മൊബൈൽ ഫോൺ സ്വിച്ച് ഓഫ് ആണ്. സിഐയെ കുറിച്ച് എന്തെങ്കിലും വിവരം ലഭിക്കുന്നവർ പനമരം പൊലീസിലോ അടുത്തുള്ള പൊലീസ് സ്റ്റേഷനിലോ (പനമരം പൊലീസ്: 04935 222200) അറിയിക്കണമെന്ന് അധികൃതർ അറിയിച്ചിട്ടുണ്ട്.

ചൈനീസ് വാഹന ബ്രാൻഡായ ബിവൈഡി അറ്റോ 3 ഇലക്ട്രിക് എസ്‌യുവി ഇന്ത്യൻ വിപണിയിൽ അവതരിപ്പിച്ചു. ഒരു മാസത്തിന് ശേഷം വാഹനത്തിന്‍റെ വില വെളിപ്പെടുത്തും. വാങ്ങാൻ ആഗ്രഹിക്കുന്നവർക്ക് ഇപ്പോൾ 50,000 രൂപ നൽകി വാഹനം ബുക്ക് ചെയ്യാം. ആദ്യത്തെ 500 യൂണിറ്റുകളുടെ ഡെലിവറി 2023 ജനുവരി മുതൽ ആരംഭിക്കുമെന്നും കമ്പനി അറിയിച്ചു. ഇ 3.0 പ്ലാറ്റ്ഫോമിനെ അടിസ്ഥാനമാക്കിയുള്ള അറ്റോ 3 ചൈനീസ് വാഹന നിർമ്മാതാക്കളുടെ ഇന്ത്യയിലെ രണ്ടാമത്തെ ഇലക്ട്രിക് ഓഫറായിരിക്കും. ഇവിടെ, ഇത് എസ്കെഡി (സെമി-നാക്ക്ഡ് ഡൗൺ) വഴി ഇറക്കുമതി ചെയ്യും. തുടർന്ന് ചെന്നൈയ്ക്കടുത്തുള്ള ശ്രീപെരുമ്പത്തൂർ ആസ്ഥാനമായുള്ള ബ്രാൻഡിന്‍റെ പ്ലാന്‍റിൽ ഇത് അസംബിൾ ചെയ്യും.

കൊച്ചി: കൊച്ചി മെട്രോയുടെ എല്ലാ ട്രെയിനുകളിലും യാത്രക്കാർക്കായി ഏർപ്പെടുത്തിയ സൗജന്യ വൈഫൈ കെഎംആർഎൽ എംഡി ലോക്നാഥ് ബെഹ്റ ഉദ്ഘാടനം ചെയ്തു. ആലുവ മുതൽ എസ്എൻ ജംഗ്ഷൻ വരെയുള്ള മെട്രോ യാത്രകളിൽ സൗജന്യ വൈഫൈ ഉപയോഗിക്കാം. വൈഫൈ ഉപയോഗിക്കുന്നവരുടെ ഡേറ്റ സുരക്ഷിതമാക്കാൻ കെഎംആർഎൽ നടപടികൾ സ്വീകരിച്ചിട്ടുണ്ടെന്നും എംഡി പറഞ്ഞു. തിരുവനന്തപുരം ആസ്ഥാനമായി പ്രവർത്തിക്കുന്ന വേൾഡ്ഷോർ എന്ന കമ്പനിയുമായി സഹകരിച്ചാണ് കെഎംആർഎൽ പദ്ധതി നടപ്പാക്കിയത്. വൈഫൈ സൗകര്യം എങ്ങനെ ഉപയോഗിക്കാം എന്നതിനെക്കുറിച്ചുള്ള വിവരങ്ങൾ എല്ലാ ട്രെയിനുകളിലും പ്രദർശിപ്പിച്ചിട്ടുണ്ട്. മൊബൈലിലെ വൈ-ഫൈ ബട്ടൺ ഓണാക്കിയ ശേഷം, ‘KMRL Free Wi-Fi’ തിരഞ്ഞെടുത്ത് പേരും മൊബൈൽ നമ്പറും നൽകുക. പിന്നാലെ ലഭിക്കുന്ന OTP ഉപയോഗിച്ച് സൈനിൻ ചെയ്തുകൊണ്ട് വൈഫൈ സേവനം ഉപയോഗിക്കാൻ കഴിയും.

പത്തനംതിട്ട: കുടുംബ സമൃദ്ധിക്ക് വേണ്ടി നരബലി നടത്തിയ ശേഷം എറണാകുളം സ്വദേശികളായ രണ്ട് സ്ത്രീകളെ കുഴിച്ചിട്ട കേസിൽ അറസ്റ്റിലായ മൂന്ന് പ്രതികളെ ഇന്ന് കോടതിയിൽ ഹാജരാക്കും. ഭഗവൽ സിംഗ്, ഭാര്യ ലൈല, നരബലിയുടെ ഏജന്‍റും ആസൂത്രകനുമായ മുഹമ്മദ് ഷാഫി എന്നിവരെ ഇന്ന് ഉച്ചയോടെ കോടതിയിൽ ഹാജരാക്കും. പ്രതികളുടെ സാന്നിധ്യത്തിൽ ഇന്നലെ പത്തനംതിട്ടയിൽ നിന്നാണ് മൃതദേഹം പുറത്തെടുത്തത്. കടവന്ത്ര സ്വദേശി പദ്മം, തൃശൂർ സ്വദേശി റോസിലി എന്നിവരാണ് ക്രൂരമായി കൊല്ലപ്പെട്ടത്. ജൂണ് എട്ടിന് റോസിലിയും സെപ്റ്റംബർ 26ന് പത്മയും കൊല്ലപ്പെട്ടതായാണ് കരുതുന്നത്. ഇരുവരുടെയും മൃതദേഹങ്ങൾ ഡിഎൻഎ പരിശോധന പൂർത്തിയാക്കിയ ശേഷം ബന്ധുക്കൾക്ക് വിട്ടുനൽകും. സംഭവത്തിൽ കൂടുതൽ പേർക്ക് പങ്കുണ്ടോയെന്ന് പോലീസ് അന്വേഷിച്ച് വരികയാണ്. പെരുമ്പാവൂരിലും എറണാകുളം നഗരത്തിലുമായി വാടകയ്ക്ക് താമസിക്കുന്ന മുഹമ്മദ് ഷാഫി ഇടുക്കി സ്വദേശിയാണ്.

ഉജ്ജയിൻ: വിശ്വാസത്തോടൊപ്പം ശാസ്ത്രത്തിന്‍റെയും ഗവേഷണത്തിന്‍റെയും പാരമ്പര്യം പുനരുജ്ജീവിപ്പിച്ചാണ് പുതിയ ഇന്ത്യ മുന്നോട്ടുപോകുന്നതെന്ന് പ്രധാനമന്ത്രി നരേന്ദ്ര മോദി പറഞ്ഞു. ആയിരക്കണക്കിന് വർഷങ്ങളായി ഇന്ത്യയുടെ സമൃദ്ധിയും അറിവും നയിച്ച നഗരമാണ് മധ്യപ്രദേശിലെ ഉജ്ജയിനി. 856 കോടി രൂപയുടെ ‘മഹാകൽ ലോക്’ ഇടനാഴി പദ്ധതിയുടെ ആദ്യ ഘട്ടം മഹാകാലേശ്വർ ക്ഷേത്രത്തിൽ പ്രാർത്ഥന നടത്തിയ ശേഷം ഉദ്ഘാടനം ചെയ്ത് സംസാരിക്കുകയായിരുന്നു മോദി. ‘മഹാകാൽ ലോകി’ന്‍റെ മഹത്വം വരും തലമുറകൾക്ക് സാംസ്കാരികവും ആത്മീയവുമായ അവബോധം നൽകുമെന്ന് അദ്ദേഹം പറഞ്ഞു. “ഹർ ഹർ മഹാദേവ്”, എന്ന് പറഞ്ഞുകൊണ്ടാണ് മോദി പ്രസംഗം ആരംഭിച്ചത്. “മഹാദേവന്‍റെ കീഴിൽ ഒന്നും സാധാരണമല്ല, ഉജ്ജയിനിയിൽ എല്ലാം ഉജ്ജ്വലവും അവിസ്മരണീയവും അവിശ്വസനീയവുമാണ്”. പുതിയ ഇന്ത്യ അതിന്‍റെ പുരാതന മൂല്യങ്ങളുമായി മുന്നോട്ട് പോകുമ്പോൾ, വിശ്വാസത്തോടൊപ്പം ശാസ്ത്രത്തിന്‍റെയും ഗവേഷണത്തിന്‍റെയും പാരമ്പര്യത്തെ പുനരുജ്ജീവിപ്പിക്കുകയാണെന്നും അദ്ദേഹം പറഞ്ഞു. ആത്മീയത എല്ലാ കണങ്ങളിലും അടങ്ങിയിരിക്കുന്നു, ഉജ്ജയിനിയുടെ എല്ലാ കോണുകളിലും ദിവ്യ ഊർജ്ജം പ്രസരിപ്പിക്കുന്നു. ആയിരക്കണക്കിനു വർഷങ്ങളായി ഇന്ത്യയുടെ സമൃദ്ധി, വിജ്ഞാനം, അന്തസ്സ്, സാഹിത്യം എന്നിവയെ…

രാജ്യത്ത് 5 ജി സേവനങ്ങൾ വേഗത്തിലാക്കാൻ കേന്ദ്രസർക്കാർ നിർമ്മാതാക്കൾക്ക് മേൽ സമ്മർദ്ദം ചെലുത്തി. ഇതിനായി ആപ്പിളും സാംസങും ഉൾപ്പെടെയുള്ള കമ്പനികളെയാണ് സർക്കാർ ലക്ഷ്യമിടുന്നത്. അടുത്തിടെ അവതരിപ്പിച്ച അതിവേഗ കണക്റ്റിവിറ്റിക്ക് കമ്പനിയുടെ പല സേവനങ്ങളും അനുയോജ്യമല്ലെന്ന ആശങ്കയുണ്ട്. ഇതിനിടെയാണ് സർക്കാരിന്റെ പുതിയ നീക്കം. ആപ്പിളിന്‍റെ ഐഫോൺ 14ലും സാംസങ്ങിന്‍റെ മിക്ക മുൻനിര ഫോണുകളിലും ഇന്ത്യയിലെ 5 ജിക്ക് അനുയോജ്യമായ സോഫ്റ്റ്‌വെയർ സംവിധാനങ്ങളില്ല.  ഇക്കാര്യം ചർച്ച ചെയ്യാൻ ബുധനാഴ്ച യോഗം ചേരും. ആപ്പിൾ, സാംസങ്, വിവോ, ഷവോമി തുടങ്ങിയ സ്ഥാപനങ്ങളിലെ ഉദ്യോഗസ്ഥരോടും റിലയൻസ്, എയർടെൽ, വോഡഫോൺ ഐഡിയ തുടങ്ങിയ സ്ഥാപനങ്ങളുടെ പ്രതിനിധികളോടും യോഗത്തിൽ പങ്കെടുക്കാൻ ടെലികോം, ഐടി വകുപ്പുകളിലെ ഉന്നത ഉദ്യോഗസ്ഥർ ആവശ്യപ്പെട്ടിട്ടുണ്ട്.  5ജിക്ക് അനുയോജ്യമായ രീതിയിൽ സോഫ്റ്റ്‌വെയർ അപ്ഗ്രേഡ് ചെയ്യാൻ യോഗത്തിൽ കമ്പനികളോട് ആവശ്യപ്പെട്ടേക്കും. 5 ജി സാങ്കേതികവിദ്യയുമായി സമാനമല്ലാത്ത ഉപകരണങ്ങളിലെ സോഫ്റ്റ്‌വെയറുകൾ 5ജിയുടെ വ്യാപനത്തെ ഗണ്യമായി ബാധിക്കുന്നു. എയർടെൽ 5ജി ലഭിക്കുന്ന ഫോണുകളുടെ പട്ടികയിൽ ആപ്പിൾ ഐഫോൺ 12 മുതൽ 14…

മുംബൈ: യൂട്യൂബിൽ എന്തെങ്കിലും കണ്ടുകൊണ്ട് ഇരിക്കുമ്പോൾ പരസ്യം മൂലം ബുദ്ധിമുട്ടുന്നവരാണ് നമ്മളിലധികവും. എന്നാൽ പരസ്യങ്ങളൊന്നും ഇല്ലാതെ തന്നെ ഇനി വീഡിയോ കാണാം. കൂടാതെ യൂട്യൂബ് നിരവധി ഫീച്ചറുകളും അവതരിപ്പിച്ചിട്ടുണ്ട്. പരസ്യമില്ലാതെ വെറും 10 രൂപയ്ക്ക് മൂന്ന് മാസത്തേക്ക് വീഡിയോ കാണാം. പുതിയ ഫീച്ചറുകളുമായി യൂട്യൂബ് പ്രീമിയം ഓഫർ ഇന്ത്യയിൽ അവതരിപ്പിച്ചു. യൂട്യൂബ് നല്‍കുന്ന ഇൻവൈറ്റിലൂടെ പ്രീമിയം സസ്ക്രിപ്ഷന്‍ എടുക്കുന്നവര്‍ക്കാണ് ഈ ഓഫര്‍. ഈ ക്ഷണം ഉപയോഗിച്ച് ഉപയോക്താക്കൾക്ക് 10 രൂപ നിരക്കിൽ മൂന്ന് മാസത്തേക്ക് യൂട്യൂബ് പ്രീമിയം അംഗത്വം ലഭിക്കും. കാലാവധി കഴിഞ്ഞാൽ പ്രതിമാസം 129 രൂപ പ്രീമിയം തുക അടയ്ക്കണം. എങ്കിൽ മാത്രമേ ഈ സേവനം തുടർന്നും ലഭ്യമാകൂ. ഓഫറിന്‍റെ ലഭ്യത സംബന്ധിച്ച സമയപരിധി കമ്പനി വെളിപ്പെടുത്തിയിട്ടില്ലെങ്കിലും, ഓഫർ പരിമിതമായ കാലയളവിലേക്ക് മാത്രമേ ലഭ്യമാകൂ എന്നാണ് കണക്കാക്കുന്നത്. പരസ്യങ്ങൾ ഇല്ലാതെ ഉപയോക്താക്കൾക്ക് വീഡിയോകൾ കാണാനുള്ള അവസരത്തിന് പുറമെ, വീഡിയോകൾ ഡൗൺലോഡ് ചെയ്യുക, ഓഫ് ലൈനിൽ വീഡിയോകൾ പ്ലേ ചെയ്യുക, ബാക്ക്ഗ്രൗണ്ടില്‍…

കോഴിക്കോട്: പ്രസവ ശസ്ത്രക്രിയയ്ക്കിടെ വയറ്റിൽ ശസ്ത്രക്രിയാ ഉപകരണം കുടുങ്ങിയതിനെ തുടർന്ന് അഞ്ച് വർഷമായി വേദന അനുഭവിക്കുന്ന യുവതിക്ക് വീണ്ടും നീതി നിഷേധിച്ച് കോഴിക്കോട് മെഡിക്കൽ കോളേജ് ആശുപത്രി അധികൃതർ. വീഴ്ച പരിശോധിക്കാൻ നിയോഗിച്ച അന്വേഷണ കമ്മിഷൻ മുമ്പാകെ നേരിട്ട് ഹാജരാകാനാണ് നിർദേശം. ശാരീരിക അവശതകളുണ്ടെന്ന് അറിയിച്ചിട്ടും നേരിട്ട് വരാൻ അധികൃതർ അറിയിച്ചതായി അടിവാരം സ്വദേശിനി ഹർഷീന പറയുന്നു. മെഡിക്കൽ കോളേജിന്‍റെ ആഭ്യന്തര അന്വേഷണത്തിൽ വിശ്വാസം നഷ്ടപ്പെട്ടുവെന്നും അവർ പറഞ്ഞു. ശസ്ത്രക്രിയയ്ക്ക് ശേഷം വിശ്രമിക്കുന്ന ഹർഷീനയ്ക്ക് ഒന്നര മണിക്കൂർ യാത്രയ്ക്ക് ശേഷം മാത്രമേ കോഴിക്കോട് മെഡിക്കൽ കോളേജ് ആശുപത്രിയിൽ എത്താൻ കഴിയൂ. അതിനുള്ള ആരോഗ്യമില്ലെന്ന് അറിയിച്ചിട്ടും കടുത്ത നിലപാടിൽ മെഡിക്കൽ കോളേജ് ആശുപത്രി അധികൃതർ തുടരുകയാണെന്ന് ഹർഷീന പറഞ്ഞു. ആശുപത്രിയുടെ ഭാഗത്തുനിന്നുണ്ടായ വീഴ്ചകളെക്കുറിച്ച് ആരോഗ്യവകുപ്പ് നേരിട്ട് അന്വേഷിക്കണമെന്നും നീതി ലഭിക്കാൻ ആരോഗ്യമന്ത്രി ഇടപെടണമെന്നും ഹർഷീന പറഞ്ഞു.

മുംബൈ: സൗരവ് ഗാംഗുലി രണ്ടാമതൊരു അവസരം ലഭിക്കാതെ ബിസിസിഐ പ്രസിഡന്‍റ് സ്ഥാനത്ത് നിന്ന് പടിയിറങ്ങുന്നു. ബിസിസിഐയുടെ നിലവിലെ ഭരണസമിതിയുടെ കാലാവധി ഈ മാസം 18ന് അവസാനിക്കും. സൗരവ് ഗാംഗുലിക്ക് ബിസിസിഐ പ്രസിഡന്‍റായി രണ്ടാമതൊരു അവസരം വേണമെന്ന് ആഗ്രഹമുണ്ടായിരുന്നുവെങ്കിലും സെക്രട്ടറി ജയ് ഷായും സംഘവും അത് നൽകാനാവില്ലെന്ന നിലപാടിലായിരുന്നു. കഴിഞ്ഞയാഴ്ച ഡൽഹിയിൽ ഒരു പ്രമുഖ കേന്ദ്രമന്ത്രിയുടെ സാന്നിധ്യത്തിൽ നടന്ന ചർച്ചയിൽ രൂക്ഷവിമ‌ർശനമാണ് സൗരവ് ഗാംഗുലി നേരിട്ടത്. ബി.സി.സി.ഐ പ്രസിഡന്‍റ് എന്ന നിലയിൽ സൗരവ് ഗാംഗുലി പരാജയപ്പെട്ടുവെന്ന് യോഗം വിലയിരുത്തി. പ്രസിഡന്‍റ് സ്ഥാനത്തേക്ക് വീണ്ടും മത്സരിക്കാനുള്ള ആഗ്രഹം പ്രകടിപ്പിച്ച ഗാംഗുലിക്ക് ഐപിഎൽ ചെയർമാൻ സ്ഥാനം വാഗ്ദാനം ചെയ്തെങ്കിലും തരംതാഴ്ത്തലെന്ന് ബോധ്യമായതോടെ പിൻമാറുകയായിരുന്നു.