- ‘വീട് കയറി അക്രമം, പൊലീസിന് നേരെ കയ്യേറ്റം’: യുവാക്കള് പിടിയില്
- തലസ്ഥാനത്തെ റോഡുകളുടെ ദുരവസ്ഥ: കേസെടുത്ത് മനുഷ്യാവകാശ കമ്മിഷൻ
- ശക്തമായ മഴ: വിനോദസഞ്ചാര കേന്ദ്രങ്ങളിൽ നിയന്ത്രണം; അതിരപ്പിള്ളിയും വാഴച്ചാലും അടച്ചു
- പെരുമ്പാവൂര് വേങ്ങൂരില് മഞ്ഞപ്പിത്തം ബാധിച്ച് ഒരാള് കൂടി മരിച്ചു
- ഇബ്രാഹിം റെയ്സിയുടെ മരണം: പങ്കില്ലെന്ന് ഇസ്രയേല്, രാജ്യത്തിനുള്ളിൽ ശത്രുക്കള്; അവസാനിക്കാതെ അഭ്യൂഹങ്ങള്
- രാജ്യാന്തര മയക്ക് മരുന്ന് സംഘത്തലവൻ കോടതിവളപ്പിൽ അക്രമാസക്തനായി
- കെട്ടിക്കിടക്കുന്ന വെള്ളത്തിലും ചെളിയിലും ഇറങ്ങുന്നവര് ഡോക്സിസൈക്ലിന് കഴിക്കണം: ആരോഗ്യമന്ത്രി
- വെസ്റ്റ്നൈൽ പനി ബാധിച്ച് ചികിത്സയിലിരുന്ന ഇടുക്കി സ്വദേശി മരിച്ചു
Author: News Desk
തിരുവനന്തപുരം: പൂക്കോട് വെറ്ററിനറി സര്വകലാശാല ക്യാംപസില് ബിവിഎസ് സി വിദ്യാര്ഥി തിരുവനന്തപുരം സ്വദേശി ജെ എസ് സിദ്ധാര്ഥ് ദുരൂഹസാഹചര്യത്തില് മരിച്ച സംഭവത്തില് കേസ് സിബിഐയ്ക്ക് വിട്ട് സംസ്ഥാന സര്ക്കാര് ഉത്തരവിറക്കി. സര്ക്കാര് തീരുമാനത്തെ സിദ്ധാര്ഥന്റെ കുടുംബം സ്വാഗതം ചെയ്തു. ഇതിന് പിന്നാലെ നിരാഹാര സമരം അവസാനിപ്പിച്ചതായി യൂത്ത് കോണ്ഗ്രസ് അറിയിച്ചു. കേസ് സിബിഐയ്ക്ക് വിടണമെന്ന് ആവശ്യപ്പെട്ട് സിദ്ധാര്ഥന്റെ അച്ഛന് മുഖ്യമന്ത്രി പിണറായി വിജയനുമായി കൂടിക്കാഴ്ച നടത്തിയതിന് പിന്നാലെയാണ് സര്ക്കാര് തീരുമാനം പുറത്തുവന്നത്. കേസ് സിബിഐയ്ക്ക് വിടാമെന്ന് മുഖ്യമന്ത്രി പിണറായി വിജയന് ഉറപ്പുനല്കിയതായി സിദ്ധാര്ഥന്റെ അച്ഛന് മാധ്യമങ്ങളോട് പറഞ്ഞിരുന്നു. മുഖ്യമന്ത്രി പിണറായി വിജയനുമായുള്ള കൂടിക്കാഴ്ചയ്ക്ക് ശേഷം മാധ്യമങ്ങളെ കാണുകയായിരുന്നു സിദ്ധാര്ഥന്റെ അച്ഛന്. ഇതിന് തൊട്ടുപിന്നാലെയാണ് കേസ് സിബിഐയ്ക്ക് വിട്ട് കൊണ്ട് സംസ്ഥാന സര്ക്കാര് ഉത്തരവിറക്കിയത്.
തിരുവനന്തപുരം: കോഴിക്കോട് സിറ്റി റോഡ് വികസന പദ്ധതി രണ്ടാംഘട്ടത്തിന് അംഗീകാരമായതായി ധനകാര്യ മന്ത്രി കെ എൻ ബാലഗോപാൽ അറിയിച്ചു. 1312.7 കോടി രൂപയുടെ പ്രവർത്തനങ്ങളാണ് രണ്ടാംഘട്ടത്തിൽ ഏറ്റെടുത്തത്. ക്ലസ്റ്ററുകളിലായി 12 റോഡുകളുടെ വികസനമാണ് ഏറ്റെടുക്കുന്നത്. പദ്ധതിക്കാവശ്യമായ സ്ഥലം ഏറ്റെടുക്കലിന് മാത്രമായി 720.4 കോടി രൂപയാണ് അനുവദിച്ചത്. റോഡുകളുടെ നിർമ്മാണ പ്രവർത്തനങ്ങൾക്കായി 592.3 കോടി രൂപയും നീക്കിവച്ചു. മാളിക്കടവ്–തണ്ണീർപന്തൽ, അരയിടത്തുപാലം–അഴകൊടി ക്ഷേത്രം–-ചെറൂട്ടി നഗർ, കോതിപാലം–ചക്കുംക്കടവ്–പന്നിയാങ്കര ഫ്ളൈഓവർ, പെരിങ്ങളം ജംഗ്ഷൻ, മൂഴിക്കൽ–കാളാണ്ടിത്താഴം, മിനി ബൈപ്പാസ്–പാനത്തുത്താഴം, കരിക്കംകുളം–സിവിൽ സ്റ്റേഷൻ, മാങ്കാവ്–പൊക്കൂന്ന്–-പന്തീരങ്കാവ്, രാമനാട്ടുകര–വട്ടക്കിണർ, കല്ലുത്താൻകടവ്–മീഞ്ചന്ത, മാനാഞ്ചിറ–പാവങ്ങാട്, പന്നിയാങ്കര–പന്തീരൻങ്കടവ് റോഡുകളാണ് വികസിക്കുന്നത്. കുടിവെള്ള വിതരണ പൈപ്പ്ലൈനുകൾ, വൈദ്യുതി, ടെലിഫോൺ ലൈനുകൾ ഉൾപ്പെടെയുള്ളവയുടെ മാറ്റിസ്ഥാപിക്കൽ അടക്കം അടങ്കലിൽ ഉൾപ്പെടുത്തിയിട്ടുണ്ട്.
സിദ്ധാർത്ഥിന്റെ മരണം: സിബിഐ അന്വേഷണം നടത്താമെന്ന് മുഖ്യമന്ത്രി ഉറപ്പ് നൽകിയാതായി പിതാവ് ജയപ്രകാശ്
തിരുവനന്തപുരം: പൂക്കോട് വെറ്ററിനറി കോളേജ് വിദ്യാര്ത്ഥി സിദ്ധാർത്ഥന്റെ മരണത്തിൽ സിബിഐ അന്വേഷണം നടത്താമെന്ന് മുഖ്യമന്ത്രി ഉറപ്പ് നൽകിയതായി സിദ്ധാർത്ഥിന്റെ അച്ഛൻ ജയപ്രകാശ്. മകന്റെ മരണത്തിലെ സംശയങ്ങൾ മുഖ്യമന്ത്രിയെ അറിയിച്ചതായും ജയപ്രകാശ് മാധ്യമങ്ങളോട് വ്യക്തമാക്കി. കോളേജിൽ ഉണ്ടായ മരണങ്ങളിൽ എല്ലാം അന്വേഷണം നടക്കണമെന്നും ജയപ്രകാശ് ആവശ്യപ്പെട്ടു. അക്ഷയ് സാക്ഷി അല്ല, അക്ഷയ്ക്ക് പങ്ക് ഉണ്ട്, അക്ഷയ് പ്രതി ആണെന്ന് തനിക്ക് ഉറപ്പുണ്ടെന്ന് പറഞ്ഞ ജയപ്രകാശ് പോസ്റ്റ്മോർട്ടം റിപ്പോർട്ട് മുഖ്യമന്ത്രിയെ കാണിച്ചെന്നും മുഖ്യമന്ത്രി എല്ലാം കേട്ടുവെന്നും വ്യക്തമാക്കി. സിബിഐ അന്വേഷണത്തിന് വിടാം എന്ന് മുഖ്യമന്ത്രി ഉറപ്പ് നൽകിയിട്ടുണ്ട്. എന്നാല് എപ്പോൾ പ്രഖ്യാപനം ഉണ്ടാകുമെന്ന് അറിയില്ല. എസ്എഫ്ഐക്ക് എതിരായ കാര്യങ്ങൾ ഒന്നും മുഖ്യമന്ത്രിയോട് പറഞ്ഞില്ല. മരിച്ചതല്ല കൊന്നതാണ് എന്ന് മുഖ്യമന്ത്രി പറഞ്ഞു. ആരൊക്കെയോ സമ്മർദ്ദം ചുലത്തുന്നുണ്ട്. ഡീൻ, അസിസ്റ്റന്റ് വാർഡൻ എന്നിവർക്ക് എതിരെ കൊലക്കുറ്റം ചേർക്കണം. കേസിന്റെ കാര്യത്തിൽ തീരുമാനം ഉണ്ടായ ശേഷം കോളേജ് തുറന്നാൽ മതി. ഒരു പാർട്ടി ഒഴിച്ച് ബാക്കി എല്ലാം പാർട്ടികളും…
തൃശൂര് സ്ഥാനാര്ഥിത്വത്തില് പ്രതികരിക്കാതെ കെ.മുരളീധരന്. ഔദ്യോഗിക പ്രഖ്യാപനം വന്നിട്ട് പ്രതികരിക്കാമെന്നാണ് നിലപാട്. കോഴിക്കോട്ടെ വീട്ടിലെത്തിയ മാധ്യമങ്ങളോട് സംസാരിച്ചില്ല. തൃശൂരില്നിന്നെത്തിയ കോണ്ഗ്രസ് നേതാക്കളെയും കണ്ടില്ല. പ്രഖ്യാപനം വരട്ടെയന്നാണ് ഷാഫി പറമ്പിലും പ്രതികരിച്ചത്. പത്മജ വേണുഗോപാലിന്റെ ബിജെപിയിലേക്കുള്ള ചുവടുമാറ്റത്തിന് പിന്നാലെയാണ് തൃശൂരിൽ കോൺഗ്രസിന്റെ സര്പ്രൈസ് നീക്കമുണ്ടായത്. കെ.മുരളീധരനായിരിക്കും തൃശൂരില് കോണ്ഗ്രസ് സ്ഥാനാർഥി. അതേസമയം ഷാഫി പറമ്പിൽ വടകരയിലും കെ.സി വേണുഗോപാൽ ആലപ്പുഴയിലും മത്സരിക്കും. രാഹുൽ ഗാന്ധി വയനാട്ടിലും കെ സുധാകരൻ കണ്ണൂരിലും ജനവിധി തേടും. മറ്റു മണ്ഡലങ്ങളിൽ സിറ്റിങ് എംപിമാരെ നിലനിർത്താനും ഡല്ഹിയില് ചേര്ന്ന യോഗത്തില് തീരുമാനിച്ചു. സ്ഥാനാർഥി പട്ടിക ഇന്നു പ്രഖ്യാപിക്കും.
കോട്ടയം : കോട്ടയം കുറവിലങ്ങാട് കാളികാവില് കെ.എസ്.ആര്.ടി.സി ബസ് തലകീഴായി മറിഞ്ഞ് 24 പേര്ക്ക് പരുക്ക്. തിരുവനന്തപുരം- മൂന്നാർ കെഎസ്ആർടിസി സൂപ്പർഫാസ്റ്റ് ബസ് ആണ് കാറുമായി കൂട്ടിയിടിച്ച് നിയന്ത്രണം വിട്ടു മറിഞ്ഞത്. കാര് ഡ്രൈവര്ക്കും സാരമായി പരുക്കേറ്റിട്ടുണ്ട്. പരുക്കേറ്റ അഞ്ചു പേരെ കോട്ടയം മെഡിക്കൽ കോളജിലും 19 പേരെ തെള്ളകത്തെ സ്വകാര്യ ആശുപത്രിയിലും പ്രവേശിപ്പിച്ചു. മുപ്പതോളം ആളുകളാണ് ബസില് ഉണ്ടായിരുന്നത്. മെഡിക്കല് കോളേജില് പ്രവേശിപ്പിച്ചവരുടെ പരുക്ക് ഗുരുതരമല്ല. നാട്ടുകാരാണ് ബസിനുള്ളിലുണ്ടായിരുന്നവരെ പുറത്തെത്തിച്ചത്.
മനാമ: 2023ൽ അൽ ഫതേഹ് ഗ്രാൻഡ് മോസ്ക് 139 രാജ്യങ്ങളിൽ നിന്നുള്ള 41,000 പേർ സന്ദർശിച്ചു. ഇത് 2022 ലെ സന്ദർശകരുടെ ഇരട്ടിയാണ്. കഴിഞ്ഞ വർഷം ക്രൂസ് കപ്പലുകളിലെത്തിയ ആയിരക്കണക്കിന് വിനോദസഞ്ചാരികൾ അൽ ഫത്തേഹ് ഇസ്ലാമിക് സെൻ്റർ സന്ദർശിച്ചിരുന്നതായി സെന്റർ ഹെഡ് നവാഫ് ആൽ റാഷിദ് പറഞ്ഞു.
ന്യൂഡൽഹി: ലോക്സഭാ തിരഞ്ഞെടുപ്പിനുള്ള കേരളത്തിലെ 16 കോൺഗ്രസ് സ്ഥാനാർഥികളെ നിശ്ചയിച്ചെന്ന് പ്രതിപക്ഷ നേതാവ് വി.ഡി.സതീശൻ. ഇതു സംബന്ധിച്ച് വെള്ളിയാഴ്ച രാവിലെ ഔദ്യോഗിക പ്രഖ്യാപനമുണ്ടാകുമെന്നും അദ്ദേഹം അറിയിച്ചു. സ്ഥാനാർഥിപ്പട്ടികയിൽ വലിയ സർപ്രൈസ് ഉണ്ടാകുമെന്ന് കെപിസിസി പ്രസിഡന്റ് കെ.സുധാകരൻ അറിയിച്ചു. സ്ഥാനാർഥി പട്ടികയിൽ അന്തിമ തീരുമാനമെടുക്കാൻ ചേർന്ന കോൺഗ്രസിന്റെ കേന്ദ്ര തിരഞ്ഞെടുപ്പ് സമിതി യോഗത്തിനു ശേഷം മാധ്യമങ്ങളെ കാണുകയായിരുന്നു പ്രതിപക്ഷ നേതാവും കെപിസിസി അധ്യക്ഷനും. രാഹുൽ ഗാന്ധി വയനാട്ടിൽ നിന്ന് തന്നെ ജനവിധി തേടുമെന്നാണ് സൂചന. അതേസമയം അമേഠിയിൽ നിന്ന് രാഹുൽ മത്സരിക്കുമോ എന്ന കാര്യത്തിൽ തീരുമാനമായിട്ടില്ല. ശശി തരൂർ തിരുവനന്തപുരത്തുനിന്നും കെ.സുധാകരൻ കണ്ണൂരിൽ നിന്നും മത്സരിക്കും. കോൺഗ്രസ് അധ്യക്ഷൻ മല്ലികാർജുൻ ഖർഗെയുടെ അധ്യക്ഷതയിൽ ചേർന്ന യോഗത്തിൽ സോണിയ ഗാന്ധി, രാഹുൽ ഗാന്ധി, കെ.സി.വേണുഗോപാൽ, രേവന്ത് റെഡ്ഡി എന്നിവർ പങ്കെടുത്തു. ഭാരത് ജോഡോ യാത്ര നടത്തുന്ന രാഹുൽ ഓൺലൈനിലൂടെയാണ് യോഗത്തിൽ പങ്കെടുക്കുത്തത്. ഗുജറാത്തിലാണ് ഇപ്പോൾ അദ്ദേഹം. കേരളം, തെലങ്കാന, കർണാടക, ഛത്തിസ്ഗഡ്, ഡൽഹി, വടക്കുകിഴക്കൻ സംസ്ഥാനങ്ങൾ…
ന്യൂഡല്ഹി: കോണ്ഗ്രസ് നേതാവും കെ.കരുണാകരന്റെ മകളുമായ പത്മജ വേണുഗോപാല് ബിജെപിയില് ചേര്ന്നു. ഡല്ഹിയില് ബി.ജെ.പി. ആസ്ഥാനത്തെത്തിയാണ് പത്മജ അംഗത്വം സ്വീകരിച്ചത്. പ്രകാശ് ജാവ്ദേക്കറില് നിന്നാണ് പത്മജ ബിജെപി അംഗത്വം സ്വീകരിച്ചത്. പത്മജയുടെ ബി.ജെ.പി. പ്രവേശനം സംബന്ധിച്ച് കഴിഞ്ഞ ദിവസം മുതല് അഭ്യൂഹങ്ങളുയര്ന്നിരുന്നു. പ്രചാരണം ഫെയ്സ്ബുക്കിലൂടെ ആദ്യം നിഷേധിച്ച പത്മജ പിന്നീട് ഇക്കാര്യം സ്ഥിരീകരിക്കുകയും ചെയ്തിരുന്നു. കോണ്ഗ്രസിലെ അവഗണനയെ തുടര്ന്നാണ് താന് ബി.ജെ.പിയിലേക്ക് മാറുന്നതെന്ന് അവര് പ്രതികരിക്കുകയും ചെയ്തു. കെപിസിസി ഭാരവാഹിത്വവും എഐസിസിസി അംഗത്വവും വഹിച്ചിട്ടുണ്ട് പത്മജ. കഴിഞ്ഞ രണ്ടു തവണകളിലായി തൃശ്ശൂരില് നിയമസഭയിലേക്ക് മത്സരിച്ചിരുന്നെങ്കിലും പരാജയപ്പെട്ടു. 2004-ല് മുകുന്ദപുരം ലോക്സഭാ മണ്ഡലത്തിലും മത്സരിച്ചിട്ടുണ്ട്. കെ.ടി.ഡി.സി. മുന് ചെയര്പേഴ്സണാണ്. ഇലക്ട്രിസിറ്റി എംപ്ലോയീസ് കോണ്ഫെഡറേഷന്, ഐ.എന്.ടി.യു.സി. വര്ക്കിങ് കമ്മിറ്റി അംഗം, പ്രിയദര്ശിനി ആന്ഡ് രാജീവ്ഗാന്ധി സ്റ്റഡി സെന്റര്, എച്ച്.എം.ടി. എംപ്ലോയീസ് യൂണിയന്, തഴപ്പായ എംപ്ലോയീസ് യൂണിയന്, ടെക്നിക്കല് എജ്യൂക്കേഷണല് സൊെസെറ്റി ഓഫ് ഇന്ത്യ എന്നിങ്ങനെ നിരവധി സംഘടനകളുടെ ഭാരവാഹിയായിരുന്നു.
മനാമ: യൂറോപ്പ്, മിഡിൽ ഈസ്റ്റ്, ആഫ്രിക്ക (EMEA) മേഖലയിൽ 2024 ലെ “മികച്ച പുതിയ പാസ്പോർട്ട്” അവാർഡ് ബഹ്റൈനിൻ്റെ ഇ-പാസ്പോർട്ട് നേടി. മാർച്ച് 4 മുതൽ 7 വരെ ബൾഗേറിയയിൽ നടന്ന “ഹൈ സെക്യൂരിറ്റി പ്രിൻ്റിംഗ്” (എച്ച്എസ്പി) അവാർഡ് ദാന ചടങ്ങിലാണ് അംഗീകാരം ലഭിച്ചത്. ഈ ഉയർന്ന തലത്തിലുള്ള അംഗീകാരത്തിലും അന്താരാഷ്ട്ര ബഹുമതിയിലും ആഭ്യന്തര മന്ത്രാലയത്തിലെ നാഷണാലിറ്റി, പാസ്പോർട്ട്, ആൻഡ് റെസിഡന്റ്സ് (എൻപിആർഎ) അണ്ടർസെക്രട്ടറി ഷെയ്ഖ് ഹിഷാം ബിൻ അബ്ദുൽറഹ്മാൻ അൽ ഖലീഫ അഭിമാനം പ്രകടിപ്പിച്ചു. ഈ വിജയം ബഹ്റൈനിൻ്റെ നേട്ടങ്ങളുടെ റെക്കോർഡ് കൂട്ടുകയും ബഹ്റൈൻ്റെ ഇലക്ട്രോണിക് പാസ്പോർട്ടിൻ്റെ ഡിസൈൻ, സുരക്ഷാ ഫീച്ചറുകൾ, ഐഡൻ്റിറ്റി ഡോക്യുമെൻ്റേഷൻ മേഖലയിലെ അത്യാധുനിക സാങ്കേതിക വിദ്യകളുടെ ഉപയോഗം എന്നിവ തെളിയിക്കുകയും ചെയ്യുന്നുവെന്ന് അദ്ദേഹം പറഞ്ഞു. സുരക്ഷിതമായ അച്ചടി മേഖലയിലെ ഏറ്റവും പ്രധാനപ്പെട്ട അവാർഡുകളിലൊന്നായി ഹൈ സെക്യൂരിറ്റി പ്രിൻ്റിംഗ് (എച്ച്എസ്പി) അവാർഡുകൾ കണക്കാക്കപ്പെടുന്നു, കൂടാതെ തിരിച്ചറിയൽ രേഖകളുടെയും ബാങ്ക് നോട്ടുകളുടെയും രൂപകൽപ്പനയ്ക്കുള്ള നവീകരണത്തിലും സുരക്ഷയിലും അവ പ്രത്യേകം…
മനാമ: കോഴിക്കോട് ദേവർകോവിൽ മണിയലാംകണ്ടി ലത്തീഫ് (37) ബഹ്റൈനിൽ നിര്യാതനായി. ഉയർന്ന രക്തസമ്മർദത്തെ തുടർന്ന് കഴിഞ്ഞ കുറച്ചു ദിവസങ്ങളായി ബി.ഡി.എഫ് ഹോസ്പിറ്റലിൽ ചികിത്സയിലായിരുന്നു. പതിമൂന്ന് വർഷത്തിലേറെയായി ഹമദ് ടൗണിലെ മറാസീൽ ട്രേഡിങ്ങിൽ ജോലി ചെയ്തു വരികയായിരുന്നു.