തിരുവനന്തപുരം: പൂക്കോട് വെറ്ററിനറി സര്വകലാശാല ക്യാംപസില് ബിവിഎസ് സി വിദ്യാര്ഥി തിരുവനന്തപുരം സ്വദേശി ജെ എസ് സിദ്ധാര്ഥ് ദുരൂഹസാഹചര്യത്തില് മരിച്ച സംഭവത്തില് കേസ് സിബിഐയ്ക്ക് വിട്ട് സംസ്ഥാന സര്ക്കാര് ഉത്തരവിറക്കി. സര്ക്കാര് തീരുമാനത്തെ സിദ്ധാര്ഥന്റെ കുടുംബം സ്വാഗതം ചെയ്തു. ഇതിന് പിന്നാലെ നിരാഹാര സമരം അവസാനിപ്പിച്ചതായി യൂത്ത് കോണ്ഗ്രസ് അറിയിച്ചു. കേസ് സിബിഐയ്ക്ക് വിടണമെന്ന് ആവശ്യപ്പെട്ട് സിദ്ധാര്ഥന്റെ അച്ഛന് മുഖ്യമന്ത്രി പിണറായി വിജയനുമായി കൂടിക്കാഴ്ച നടത്തിയതിന് പിന്നാലെയാണ് സര്ക്കാര് തീരുമാനം പുറത്തുവന്നത്.
കേസ് സിബിഐയ്ക്ക് വിടാമെന്ന് മുഖ്യമന്ത്രി പിണറായി വിജയന് ഉറപ്പുനല്കിയതായി സിദ്ധാര്ഥന്റെ അച്ഛന് മാധ്യമങ്ങളോട് പറഞ്ഞിരുന്നു. മുഖ്യമന്ത്രി പിണറായി വിജയനുമായുള്ള കൂടിക്കാഴ്ചയ്ക്ക് ശേഷം മാധ്യമങ്ങളെ കാണുകയായിരുന്നു സിദ്ധാര്ഥന്റെ അച്ഛന്. ഇതിന് തൊട്ടുപിന്നാലെയാണ് കേസ് സിബിഐയ്ക്ക് വിട്ട് കൊണ്ട് സംസ്ഥാന സര്ക്കാര് ഉത്തരവിറക്കിയത്.