ഇന്ത്യൻ ലേഡീസ് അസോയേഷന്റെ വർക്കേഴ്സ് വെൽഫെയർ സബ് കമ്മിറ്റി സൗജന്യ മെഡിക്കൽ ക്യാമ്പ് സംഘടിപ്പിച്ചു

മനാമ: ഇന്ത്യൻ ലേഡീസ് അസോയേഷന്റെ വർക്കേഴ്സ് വെൽഫെയർ സബ് കമ്മിറ്റിയുടെ ആഭിമുഖ്യത്തിൽ റിഫയിലെ അൽ ഹിലാൽ ഹോസ്പിറ്റലിന്റെ സഹകരണത്തോടെ അസ്കറിലെ അൽ കൂഹ്ജി വർക്കേഴ്സ് ക്യാമ്പിൽ വെച്ച് സൗജന്യ മെഡിക്കൽ ക്യാമ്പ് സംഘടിപ്പിച്ചു. 75-ാം റിപ്പബ്ലിക് ദിനത്തോടനുബന്ധിച്ച് സംഘടിപ്പിച്ച പരിപാടിയിൽ ഐഎൽഎ പ്രസിഡണ്ട് ശാരദ അജിത്ത്, എക്സിക്യുട്ടീവ് കമ്മിറ്റി അംഗങ്ങൾ, സബ് കമ്മിറ്റിക്ക് നേതൃത്വം നൽകുന്ന രമൻപ്രീത് പ്രവീൺ, രഞ്ജന ബൻസാലി, രഞ്ജന ജെയ്സ്വാൾ എന്നിവർ സന്നിഹിതരായിരുന്നു. മെഡിക്കൽ ക്യാമ്പിന് ശേഷം വിവിധ കലാപരിപാടികളും അരങ്ങേറി.