Trending
- മോദി നാളെ ഉദ്ഘാടനം ചെയ്യാനിരുന്ന റിഫൈനറിയില് വന് തീപിടിത്തം
- ബഹ്റൈന് കെ.എം.സി.സി. പ്രസിഡന്റ് ഹബീബ് റഹ്മാന്റെ ഭാര്യ യസീന നിര്യാതയായി
- ദേശീയ സുരക്ഷാ ലംഘനങ്ങള്ക്കെതിരെ അടിയന്തര നടപടിക്ക് ഹമദ് രാജാവിന്റെ നിര്ദേശം
- സര്ക്കാര് സ്കൂളുകളില് വിദ്യാഭ്യാസ മന്ത്രി പരിശോധന നടത്തി
- ട്രാഫിക് പിഴ: വ്യാജ സന്ദേശങ്ങളെ കരുതിയിയിക്കാന് മുന്നറിയിപ്പ്
- ഇത് അവസാന അവസരം: കരാറിൽ ഒപ്പിടാൻ തയ്യാറായില്ലെങ്കിൽ ഇറാൻ മുഴുവൻ ബോംബിട്ട് തകർക്കും: ഡോണൾഡ് ട്രംപ്
- ബഹ്റൈനിൽ മരണപ്പെട്ട സജീവൻ ചന്ദ്രൻറെ മൃതദേഹം നടപടികൾ പൂർത്തിയാക്കി നാളെ നാട്ടിൽ കൊണ്ട് പോകും
- കുംഭമേള വൈറൽ പെൺകുട്ടി ഗർഭിണി; പൊലീസിന് മുന്നിൽ ഉടൻ നേരിട്ട് ഹാജരാകാൻ സാധിക്കില്ല- ഫർമാൻ ഖാൻ
Author: news editor
മനാമ: ബഹ്റൈന് സര്ക്കാരിന് നികുതി ഇനത്തിലും മറ്റുമായി 2023, 2024 സാമ്പത്തിക വര്ഷങ്ങളില് ഉണ്ടായിരുന്ന എല്ലാ കുടിശ്ശികകളും ബാപ്കോ എനര്ജീസ് അടച്ചുതീര്ത്തതായി ധനകാര്യ, ദേശീയ സാമ്പത്തിക മന്ത്രാലയം അറിയിച്ചു.ആ വര്ഷങ്ങളിലെ സംസ്ഥാന ബജറ്റ് അംഗീകരിക്കുന്നതിന് 2023ലെ നിയമത്തില് (5) പറഞ്ഞിരിക്കുന്ന നിയമപരവും നിയന്ത്രണപരവുമായ വ്യവസ്ഥകള്ക്കനുസൃതമായാണിത്.രണ്ടു സാമ്പത്തിക വര്ഷങ്ങളിലെ കമ്പനിയുടെ കുടിശ്ശിക കൈമാറ്റങ്ങളെക്കുറിച്ചുള്ള നാഷണല് ഓഡിറ്റ് ഓഫീസിന്റെ 2024- 2025 റിപ്പോര്ട്ടിനുള്ള മറുപടിയായാണ് മന്ത്രാലയം ഇക്കാര്യം അറിയിച്ചത്.
മനാമ: ബഹ്റൈനും യുണൈറ്റഡ് യു.എ.ഇയും തമ്മിലുള്ള ദീര്ഘകാല ബന്ധത്തിന്റെ പ്രതീകമായി യു.എ.ഇയുടെ 54ാമത് ദേശീയ ദിനത്തില് അണിഞ്ഞൊരുങ്ങി ബഹ്റൈന്.യു.എ.ഇ. ദേശീയ ദിനത്തിന് ഐക്യദാര്ഢ്യം പ്രഖ്യാപിച്ചുകൊണ്ട് ബഹ്റൈനിലുടനീളമുള്ള നിരവധി കെട്ടിടങ്ങള്, പ്രധാന ഇടങ്ങള് എന്നിവ യു.എ.ഇ. പതാകയുടെ നിറങ്ങളിലുള്ള പ്രകാശങ്ങളാല് അലങ്കരിച്ചു.
മനാമ: അല് ഹിലാല് ഹെല്ത്ത്കെയര് ഗ്രൂപ്പും ജെറ്റൂര് ബഹ്റൈനും ചേര്ന്ന് നവംബര് 28ന് ‘ഡിഫീറ്റ് ഡയബറ്റിസ്’ സൈക്ലോത്തണിന്റെ അഞ്ചാം സീസണിന് ആതിഥേയത്വം വഹിച്ചു. പ്രമേഹ അവബോധ മാസത്തിന്റെ ഭാഗമായി സംഘടിപ്പിച്ച ഈ പരിപാടി പ്രമേഹ പ്രതിരോധം, നേരത്തെയുള്ള കണ്ടെത്തല്, ആരോഗ്യകരമായ ജീവിതശൈലി സ്വീകരിക്കേണ്ടതിന്റെ പ്രാധാന്യം എന്നിവയെക്കുറിച്ചുള്ള അവബോധം വളര്ത്തുക എന്ന ലക്ഷ്യത്തോടെയായിരുന്നു. രാവിലെ 7.30ന് രജിസ്ട്രേഷനോടെ പരിപാടി ആരംഭിച്ചു. പങ്കെടുക്കുന്നവര്ക്കും സന്ദര്ശകര്ക്കും ആകര്ഷകമായ അനുഭവം നല്കാന് വേദിയില് അവരുടെ വാഹനങ്ങള് ജെറ്റൂര് ബഹ്റൈന് പ്രദര്ശിപ്പിച്ചു. അല് ഹിലാല് ഹെല്ത്ത്കെയര് ഗ്രൂപ്പ് സി.ഇ.ഒ. ഡോ. ശരത് ചന്ദ്രന്, ജെറ്റൂര് പ്രിന്സിപ്പല് ഡീലര് മനാഫ് കാസിം, അല് ഹിലാല് ഹെല്ത്ത്കെയര് ഗ്രൂപ്പിലെ സ്ട്രാറ്റജി ആന്റ് ബിസിനസ് വൈസ് പ്രസിഡന്റ് ആസിഫ് മുഹമ്മദ്, ഫിനാന്സ് മാനേജര് സഹല് ജമാലുദ്ദീന്, അന്സാര് ഗാലറിയുടെ അസിസ്റ്റന്റ് ജനറല് മാനേജര് മുഹമ്മദ് വസിയുള്ള, സൈക്ലിംഗ് ബീസ് വനിതാ ടീമിന്റെ സ്ഥാപക സാറ അല് സമ്മക്, ബഹ്റൈന് സൈക്ലിംഗ് അസോസിയേഷന്റെ കോച്ച്…
മനാമ: ബഹ്റൈനില് റോഡില് മാലിന്യം തള്ളുന്നവര്ക്ക് 300 ദിനാര് വീതം പിഴ ചുമത്താന് നിയമമുണ്ടാക്കണമെന്ന് മുനിസിപ്പാലിറ്റികളുടെ നിര്ദേശം.സതേണ് മുനിസിപ്പല് കൗണ്സില് ചെയര്മാന് അബ്ദുല്ല അബ്ദുല് ലത്തീഫ്, മുഹറഖ് മുനിസിപ്പല് കൗണ്സില് ചെയര്മാന് അബ്ദുല് അസീസ് അല് നാര് എന്നിവരാണ് സര്ക്കാര് മുമ്പാകെ ഈ നിര്ദേശം സമര്പ്പിച്ചത്. ഇതിനായി 2014ലെ ട്രാഫിക് നിയമവും 2019ലെ ശുചിത്വ നിയമവും സംയോജിപ്പിച്ച് പുതിയ നിയമം കൊണ്ടുവരണമെന്ന് നിര്ദേശത്തില് പറയുന്നു.രാജ്യത്തുടനീളം റോഡുകളില് അത്യാധുനിക ക്യാമറകള് സ്ഥാപിച്ച സാഹചര്യത്തിലാണ് ഈ നിര്ദേശം. പലരും വാഹനങ്ങളിലെത്തി റോഡുകളില് മാലിന്യം തള്ളുന്ന നിരവധി ദൃശ്യങ്ങള് ക്യാമറകളില് കണ്ടെത്തിയിരുന്നു.
മനാമ: നാഷണല് ഇനിഷ്യേറ്റീവ് ഫോര് അഗ്രികള്ചറല് ഡെവലപ്മെന്റുമായി സഹകരിച്ചും എസ്.ടി.സി. ബഹ്റൈന്, ഗള്ഫ് പെട്രോകെമിക്കല് ഇന്ഡസ്ട്രീസ് കമ്പനി എന്നിവയുടെ പിന്തുണയോടെയും ബഹ്റൈന് മുനിസിപ്പാലിറ്റി കാര്യ- കൃഷി മന്ത്രാലയം സംഘടിപ്പിക്കുന്ന കര്ഷക വിപണിയുടെ 2025-2026 സീസണ് ബുദയ്യ ബൊട്ടാണിക്കല് ഗാര്ഡനില് ഉദ്ഘാടനം ചെയ്തു.2026 ഫെബ്രുവരി 14 വരെ നീണ്ടുനില്ക്കുന്ന ഈ വര്ഷത്തെ വിപണിയില് കാര്ഷിക കമ്പനികള്, നഴ്സറികള്, തേനീച്ച വളര്ത്തല് സ്ഥാപനങ്ങള്, ഉല്പാദകരായ കുടുംബങ്ങള്, കരകൗശല വിദഗ്ധര് എന്നിവരോടൊപ്പം പ്രാദേശിക ഫാമുകളില്നിന്ന് നേരിട്ട് ഉല്പന്നങ്ങള് നല്കുന്ന 33 ബഹ്റൈനി കര്ഷകരും പങ്കെടുക്കുന്നുണ്ട്. കുട്ടികള്ക്കുള്ള വിദ്യാഭ്യാസ, വിനോദ പ്രവര്ത്തനങ്ങളും കൃഷി, ഭക്ഷ്യസുരക്ഷ എന്നിവയെക്കുറിച്ചുള്ള സമൂഹ അവബോധ പരിപാടികളും വിപണിയുടെ ഭാഗമായി ഉണ്ടാകും.കര്ഷകര്ക്ക് പ്രയോജനപ്പെടുന്ന പരിപാടികളിലൂടെയും നയങ്ങളിലൂടെയും കാര്ഷിക പദ്ധതികളുടെയും ഉല്പാദന സംവിധാനങ്ങളുടെയും വികസനത്തിന് പിന്തുണ നല്കുകയാണ് വിപണിയുടെ ലക്ഷ്യമെന്ന് എന്.ഐ.എ.ഡി. സെക്രട്ടറി ജനറല് ശൈഖ മറാം ബിന്ത് ഈസ അല് ഖലീഫ പറഞ്ഞു.
മനാമ: ബഹ്റൈന് അതോറിറ്റി ഫോര് കള്ചര് ആന്റ് ആന്റിക്വിറ്റീസ് (ബി.എ.സി.എ) സംഘടിപ്പിക്കുന്ന മുഹറഖ് നൈറ്റ്സ് ഫെസ്റ്റിവലിന്റെ നാലാമത് പതിപ്പ് ഡിസംബര് 1ന് വൈകുന്നേരം ആരംഭിക്കും.ഡിസംബര് 30 വരെ നീണ്ടിനില്ക്കുന്ന ഈ ഫെസ്റ്റിവലില് ചരിത്രപ്രസിദ്ധമായ മുഹറഖിലെ മുത്തുവാരല് പാരമ്പര്യത്തിലെ വൈവിധ്യമാര്ന്ന സാംസ്കാരിക, കലാ പരിപാടികളുണ്ടാകും. രാജ്യത്തിന്റെ ദേശീയ ദിനങ്ങളോടനുബന്ധിച്ച് ബഹ്റൈനില്നിന്നും വിദേശത്തുനിന്നുമുള്ള നിരവധി സന്ദര്ശകര് ഫെസ്റ്റിവലില് എത്തുമെന്ന് പ്രതീക്ഷിക്കുന്നു.ഷെയ്ഖ് ഇബ്രാഹിം ബിന് മുഹമ്മദ് അല് ഖലീഫ സെന്റര് ഫോര് കള്ചര് ആന്ഡ് റിസര്ച്ച്, അല് റിവാഖ് ആര്ട്ട് സ്പേസ്, പൊതു- സ്വകാര്യ മേഖലകളിലെ നിരവധി സ്ഥാപനങ്ങള്, കലാ സ്ഥാപനങ്ങള്, സംരംഭകര് എന്നിവരുടെ പങ്കാളിത്തത്തോടെയാണ് ഫെസ്റ്റിവല് നടക്കുന്നത്.കല, ഡിസൈന്, കരകൗശല വസ്തുക്കള്, കുട്ടികളുടെ പ്രവര്ത്തനങ്ങള്, ഭക്ഷണാനുഭവങ്ങള്, സംഗീതം, പ്രകടനങ്ങള്, ഗൈഡഡ് ടൂറുകള് എന്നിവ ഉള്ക്കൊള്ളുന്ന വൈവിധ്യമാര്ന്ന പരിപാടികള് ഫെസ്റ്റിവലിലുണ്ടാകും.അപ്ഡേറ്റുകള്, ദൈനംദിന ഷെഡ്യൂളുകള്, രജിസ്ട്രേഷന് വിശദാംശങ്ങള് എന്നിവ www.pearlingpath.bh എന്ന പേളിംഗ് പാത്ത് വെബ്സൈറ്റിലും ബി.എ.സി.എയുടെ @CultureBah എന്ന അക്കൗണ്ടിലും @CultureBah എന്ന പേളിംഗ് പാത്ത്…
മനാമ: സ്കൂള് വാഹനത്തില് പെണ്കുട്ടിയെ ഉപേക്ഷിച്ചുപോയ സ്വകാര്യ വാഹന ഡ്രൈവറെ വിചാരണയ്ക്ക് മുമ്പായി തടങ്കലില് റിമാന്ഡ് ചെയ്യാന് ഫാമിലി ആന്റ് ചൈല്ഡ് പ്രോസിക്യൂഷന് ഉത്തരവിട്ടു.സ്കൂള് വാഹനമായി പ്രവര്ത്തിക്കാന് ലൈസന്സില്ലാത്ത വാഹനത്തിലാണ് ഇയാള് കുട്ടികളെ കൊണ്ടുപോയിരുന്നുത്. സ്കൂളില്നിന്ന് മടങ്ങിയെത്തേണ്ട സമയം കഴിഞ്ഞിട്ടും കുട്ടി എത്താതായപ്പോള് അന്വേഷിച്ചുപോയ പിതാവ് വാഹനത്തില് പെണ്കുട്ടിയെ കണ്ടെത്തിയതിനെ തുടര്ന്ന് ബുദയ്യ പോലീസ് സ്റ്റേഷനില് പരാതി നല്കിയതിന്റെ അടിസ്ഥാനത്തിലാണ് ഡ്രൈവര്ക്കെതിരെ കേസെടുത്തത്.വിദ്യാര്ത്ഥികളെ ഇറക്കിയ ശേഷം വാഹനം പരിശോധിക്കുന്നതില് വീഴ്ച സംഭവിച്ചതായി ചോദ്യം ചെയ്യലില് ഡ്രൈവര് സമ്മതിച്ചു. വാഹനം കേടായപ്പോള് അത് കാലിയാണെന്ന് ഉറപ്പാക്കാതെ റിക്കവറി ട്രക്കില് കയറ്റുകയായിരുന്നെന്ന് ഡ്രൈവര് മൊഴി നല്കി. കുട്ടി അകത്ത് ഉറത്തിലായിരുന്നു.വിദ്യാര്ത്ഥികളുടെ ഗതാഗതവുമായി ബന്ധപ്പെട്ട നിയമലംഘനങ്ങള് തടയുന്നത് തുടരുമെന്ന് പ്രോസിക്യൂഷന് പറഞ്ഞു. വാഹനങ്ങള് സുരക്ഷിതമാക്കി വിടുന്നതിന് മുമ്പ് കാലിയാണെന്ന് ഉറപ്പാക്കുന്നതുള്പ്പെടെയുള്ള സുരക്ഷാ നടപടിക്രമങ്ങള് പാലിക്കേണ്ട ലൈസന്സുള്ള ഡ്രൈവര്മാരുടെ വാഹനത്തില് മാത്രമേ കുട്ടികളെ അയയ്ക്കാവൂ എന്ന് പബ്ലിക് പ്രോസിക്യൂഷന് രക്ഷിതാക്കളോട് നിര്ദേശിച്ചു.
മനാമ: 46ാമത് ഗള്ഫ് സഹകരണ കൗണ്സില് (ജി.സി.സി) ഉച്ചകോടി ഡിസംബര് 3ന് ബഹ്റൈനില് നടക്കും.ഉച്ചകോടിക്കുള്ള ഒരുക്കങ്ങള് പൂര്ത്തിയായതായി അധികൃതര് അറിയിച്ചു. ജി.സി.സി. ഐക്യദാര്ഢ്യവും സംയോജനവും ശക്തിപ്പെടുത്താന് രാജാവ് ഹമദ് ബിന് ഈസ അല് ഖലീഫയുടെ നേതൃത്വത്തില് നടത്തുന്ന ശ്രമങ്ങളോടുള്ള വിലമതിപ്പിനെ പ്രതിഫലിപ്പിക്കുന്നതാണ് ഈ ആതിഥേയത്വമെന്നും അവര് പറഞ്ഞു.ഇതിനു മുമ്പ് ബഹ്റൈന് ഏഴ് ജി.സി.സി. ഉച്ചകോടികള്ക്ക് ആതിഥേയത്വം വഹിച്ചിട്ടുണ്ട്. ഓരോന്നും കൗണ്സിലിന്റെ വികസനത്തിലെ സുപ്രധാന ഘട്ടത്തെ പ്രതിനിധീകരിക്കുന്നവയായിരുന്നു. 1982ലാണ് രാജ്യത്ത് ആദ്യമായി ജി.സി.സി. ഉച്ചകോടി നടന്നത്.
മനാമ: ബഹ്റൈന് നാഷണല് മ്യൂസിയത്തോടു ചേര്ന്നുള്ള പ്രദേശത്ത് നടന്ന നാസര് ബിന് ഹമദ് മറൈന് ഹെറിറ്റേജ് സീസണിന്റെ എട്ടാമത് പതിപ്പ് സമാപിച്ചു.സമാപന ചടങ്ങില് രാജാവ് ഹമദ് ബിന് ഈസ അല് ഖലീഫ നിയോഗിച്ചതനുസരിച്ച് രാജാവിന്റെ വ്യക്തിഗത പ്രതിനിധിയും പരിസ്ഥിതി സുപ്രീം കൗണ്സില് പ്രസിഡന്റുമായ ശൈഖ് അബ്ദുല്ല ബിന് ഹമദ് അല് ഖലീഫ പങ്കെടുത്തു.ദേശീയ ഗാനാലാപനത്തോടെയാണ് ചടങ്ങ് ആരംഭിച്ചത്. ബഹ്റൈനിന്റെ സമ്പന്നമായ സമുദ്ര ചരിത്രവും പൈതൃകവും ആഘോഷിക്കുന്ന മൂന്ന് മാസത്തിലേറെ നീണ്ട മത്സരങ്ങളുടെ സമാപനമായിരുന്നു ഇത്.കിംഗ്സ് കപ്പിനായുള്ള പരമ്പരാഗത റോയിംഗ് മത്സരത്തില് ഒമാനില്നിന്നുള്ള ‘അഹാദ് ഒമാന്’ ടീം ഒന്നാം സ്ഥാനം നേടി. ബഹ്റൈനിന്റെ ‘ഐസര്’ ടീം രണ്ടാം സ്ഥാനവും ഒമാന്റെ ‘ഷബാബ് സോഹര്’ ടീം മൂന്നാം സ്ഥാനവും നേടി.30- 45 വയസ് ഗ്രൂപ്പിലെ ഓപ്പണ് വാട്ടര് നീന്തലില് മുഹമ്മദ് യഹ്യ ജഫാന് ഒന്നാം സ്ഥാനവും മുഹമ്മദ് അബ്ദുല് അസീസ് അല് ദോസാരി രണ്ടാം സ്ഥാനവും ഹമദ് മുഹമ്മദ് അല് മന്സൂരി മൂന്നാം സ്ഥാനവും…
മനാമ: ബഹ്റൈന് ട്രസ്റ്റ് ഫൗണ്ടേഷനുമായി സഹകരിച്ച് സര്ക്കാര് ആശുപത്രിവകുപ്പ് സൈക്യാട്രിക് ഹോസ്പിറ്റലില് മിനി സ്കൂള് ആരംഭിച്ചു.ബഹ്റൈനിലെ ഇത്തരത്തിലുള്ള ആറാമത്തേതാണിത്. ചികിത്സാ പരിചരണത്തിന് പൂരകമായി ആശുപത്രിക്കുള്ളില് ഒരു വിദ്യാഭ്യാസ അന്തരീക്ഷം നല്കിക്കൊണ്ട് കുട്ടികള്ക്കുള്ള മാനസികാരോഗ്യ പിന്തുണ ശക്തിപ്പെടുത്തുകയാണ് ഇതിന്റെ ലക്ഷ്യം.മാനസികവും പെരുമാറ്റപരവുമായ വെല്ലുവിളികള് നേരിടുന്ന കുട്ടികള്ക്കുള്ള സേവനങ്ങള് മെച്ചപ്പെടുത്താനും ചികിത്സയ്ക്കിടെ സാമൂഹികവും വിദ്യാഭ്യാസപരവുമായ പുരോഗതി നിലനിര്ത്താനും പ്രതിസന്ധികളെ നേരിടാനുള്ള കഴിവുകള് വികസിപ്പിക്കനും സഹായിക്കുന്ന പ്രത്യേക പരിപാടികള് ഇവിടെയുണ്ടാകുമെന്ന് ഗവണ്മെന്റ് ആശുപത്രിവകുപ്പ് സി.ഇ.ഒ. ഡോ. മറിയം അല് ജലഹമ പറഞ്ഞു.ഫൗണ്ടേഷന്റെ ആശുപത്രി സ്കൂളുകളില്നിന്ന് ഇതുവരെ 10,500ലധികം കുട്ടികള് പ്രയോജനം നേടിയിട്ടുണ്ടെന്ന് ബഹ്റൈന് ട്രസ്റ്റ് ഫൗണ്ടേഷന്റെ ചെയര്വുമണ് ഡോ. ഫാത്തിമ അല് ബലൂഷി പറഞ്ഞു.