Trending
- നിയമവിരുദ്ധ ഹജ്ജ് തീര്ത്ഥാടകര്ക്ക് ഒരു ലക്ഷം റിയാല് പിഴ ചുമത്തും
- ഗുദൈബിയയില് 4,700 ദിനാര് കവര്ച്ച: മൂന്നു പേര് അറസ്റ്റില്
- അഞ്ചു കിലോഗ്രാമിലധികം മയക്കുമരുന്നുമായി അറബ് പൗരന് അറസ്റ്റില്
- തുര്ക്കിയിലെ സ്കൂളില് വെടിവെപ്പ്: ബഹ്റൈന് അനുശോചിച്ചു
- തടവുകാരന്റെ മരണം: പ്രതിയെ വിചാരണയ്ക്ക് വിട്ടു
- കോഴിക്കോട് തിരുവണ്ണൂർ ഗോപിനാഥൻ നായർ നിര്യാതനായി
- കുരുക്ഷേത്ര എൻഐടിയിൽ വീണ്ടും ആത്മഹത്യ; ക്യാംപസിൽ വിദ്യാർഥി പ്രതിഷേധം…മെയ് 4 വരെ അവധി പ്രഖാപിച്ചു
- ബഹ്റൈൻ പ്രവാസിയുടെ അമ്മ നിര്യാതയായി
Author: news editor
മനാമ: ബഹ്റൈന്റെ ദേശീയ വിമാനക്കമ്പനിയായ ഗള്ഫ് എയറിന്റെ ചീഫ് ഫിനാന്ഷ്യല് ഓഫീസറായി ഹസന് അദ്നാന് അല് ഷറഫിനെ നിയമിച്ചു.നിയമനം ഫെബ്രുവരി 22 മുതല് പ്രാബല്യത്തില് വരും. പുതിയ റോളില് അല് ഷറഫ് സ്ഥാപനത്തിന്റെ സാമ്പത്തിക നയം, മൂലധന മാനേജ്മെന്റ്, പ്രകടന ഭരണം, സാമ്പത്തിക കാര്യനിര്വ്വഹണം എന്നിവയ്ക്ക് നേതൃത്വം നല്കും.ഹസന് ശക്തമായ സാമ്പത്തിക നേതൃത്വ പരിചയം, ശക്തമായ ഭരണ യോഗ്യതകള്, സുസ്ഥിര പ്രകടനം കാഴ്ചവയ്ക്കുന്നതിനായി സി.ഇ.ഒമാരുമായും ബോര്ഡുകളുമായും പങ്കാളിത്തം സ്ഥാപിക്കുന്നതില് തെളിയിക്കപ്പെട്ട ഒരു ട്രാക്ക് റെക്കോര്ഡ് എന്നിവ നേടിയിട്ടുണ്ടെന്ന് ഗള്ഫ് എയറിന്റെ ചീഫ് എക്സിക്യൂട്ടീവ് ഓഫീസര് മാര്ട്ടിന് ഗൗസ് പറഞ്ഞു.
മനാമ: ബഹ്റൈനില് ഒരു ലക്ഷം ഗാഫ് മരങ്ങള് നടുക എന്ന ലക്ഷ്യത്തോടെയുള്ള പദ്ധതിയുടെ രണ്ടാം ഘട്ടം ഷെയ്ഖ് മുഹമ്മദ് ബിന് സല്മാന് ബിന് ഹമദ് അല് ഖലീഫ ഗാഫ് മരം നട്ടുകൊണ്ട് ഉദ്ഘാടനം ചെയ്തു.ബഹ്റൈനിലെ യു.എ.ഇ. അംബാസഡര് ഫഹദ് മുഹമ്മദ് ബിന് കര്ദൂസ് അല് അമേരി ഉള്പ്പെടെ നിരവധി മുതിര്ന്ന ഉദ്യോഗസ്ഥര് ഉദ്ഘാടന ചടങ്ങില് പങ്കെടുത്തു.
മനാമ: കമാന്ഡര്-ഇന്-ചീഫ് ഓഫ് ബഹ്റൈന് ഡിഫന്സ് ഫോഴ്സ് (ബി.ഡി.എഫ്) കപ്പ് ഫുട്ബോള് ടൂര്ണമെന്റില് തുടര്ച്ചയായ അഞ്ചാം തവണയും റോയല് ഗാര്ഡ് ടീം ജേതാക്കളായി.ഷെയ്ഖ് അലി ബിന് മുഹമ്മദ് അല് ഖലീഫ സ്റ്റേഡിയത്തില് നടന്ന മത്സരത്തില് 1-1 എന്ന സമനിലയില് പിരിഞ്ഞ ശേഷം റോയല് ബഹ്റൈന് നാവിക സേനയെ പെനാല്റ്റി ഷൂട്ടൗട്ടില് 5-2ന് പരാജയപ്പെടുത്തിയാണ് റോയല് ഗാര്ഡ് ടീം കപ്പ് സ്വന്തമാക്കിയത്.ബഹ്റൈന് ഫുട്ബോള് അസോസിയേഷന് (ബി.എഫ്.എ) പ്രസിഡന്റ് ഷെയ്ഖ് അലി ബിന് ഖലീഫ ബിന് അഹമ്മദ് അല് ഖലീഫ കമാന്ഡര്-ഇന്-ചീഫിനെ പ്രതിനിധീകരിച്ച് ട്രോഫിയും മെഡലുകളും സമ്മാനിച്ചു.മികച്ച കളിക്കാരനായി മൊയദ് അല് ദേസൂഖും ടോപ് സ്കോററായി സിയാദ് ബാസിലും മികച്ച ഗോള്കീപ്പറായി ഹസ്സന് അലി ഖലീഫും വ്യക്തിഗത അവാര്ഡുകള് നേടി. മിലിട്ടറി സ്പോര്ട്സ് യൂണിയന് സംഘടിപ്പിച്ച ടൂര്ണമെന്റില് നാല് കാറുകളുടെ സമ്മാന നറുക്കെടുപ്പുമുണ്ടായിരുന്നു.
മനാമ: ബഹ്റൈനില് കൗമാരക്കാരിയെ നിര്ബന്ധിച്ച് ലൈംഗികത്തൊഴില് ചെയ്യിച്ച കേസില് രണ്ടാനമ്മയ്ക്ക് ഹൈ ക്രിമിനല് കോടതി മൂന്നു വര്ഷം തടവും 2,000 ദിനാര് പിഴയും വിധിച്ചു.പാക്കിസ്ഥാന് പൗരയായ 38കാരിയാണ് പ്രതി. ശിക്ഷാ കാലാവധി പൂര്ത്തിയായ ശേഷം ഇവരെ നാടുകടത്താനും കോടതി ഉത്തരവിട്ടു.നിര്ബന്ധിത ലൈംഗികവൃത്തിക്ക് ഇരയായ 17കാരിയുടെ പിതാവിന്റെ രണ്ടാം ഭാര്യയാണിവര്. പ്രതി പെണ്കുട്ടിയെ പാക്കിസ്ഥാനില്നിന്ന് ബഹ്റൈനിലേക്ക് കൊണ്ടുവന്ന് ഒരു ഫ്ളാറ്റില് പാര്പ്പിച്ച് സമൂഹമാധ്യമം വഴി ഇടപാടുകാരെ കണ്ടെത്തി വിളിച്ചുവരുത്തുകയായിരുന്നു. ഇങ്ങനെ നിരവധി ആളുകളുടെ കൂടെ പെണ്കുട്ടിക്ക് കഴിയേണ്ടിവന്നു.രഹസ്യവിവരം ലഭിച്ചതിനെ തുടര്ന്നാണ് പൊലീസ് അന്വേഷണം നടത്തി ഇവരെ അറസ്റ്റ് ചെയ്തത്. പബ്ലിക് പ്രോസിക്യൂഷന് ചോദ്യം ചെയ്തപ്പോള് പ്രതി കുറ്റം സമ്മതിച്ചു. പ്രതിദിനം ഏഴു വരെ ഇടപാടുകാര് വന്നിരുന്നെന്നും ഓരോരുത്തരില്നിന്നും 10 മുതല് 20 വരെ ദിനാര് ഈടാക്കിയിരുന്നെന്നും അവര് മൊഴി നല്കുകയുണ്ടായി.
മനാമ: ബഹ്റൈനില് ലേബര് മാര്ക്കറ്റ് റെഗുലേറ്ററി അതോറിറ്റി (എല്.എ.ആര്.എ) ഫെബ്രുവരി 8 മുതല് 14 വരെ നടത്തിയ പരിശോധനകളില് നിയമവിരുദ്ധമായി രാജ്യത്ത് ജോലി ചെയ്യുന്നവരെന്ന് കണ്ടെത്തിയ വിദേശികളായ 126 തൊഴിലാളികളെ നാടുകടത്തി.1,336 പരിശോധനകളാണ് ഈ കാലയളവില് നടന്നത്. നിയമലംഘകരും ക്രമരഹിതരുമായ 27 തൊഴിലാളികളെ അറസ്റ്റ് ചെയ്തിട്ടുമുണ്ട്.പരിശോധനയില് നിരവധി നിയമലംഘനങ്ങള് കണ്ടെത്തിയതായും അവയില് നിയമ നടപടികള് സ്വീകരിച്ചതായും എല്.എ.ആര്.എ. അറിയിച്ചു.
മനാമ: ബഹ്റൈനില് പുതിയ പ്രീമിയം എയര്ലൈന് ആരംഭിക്കാന് പദ്ധതിയിട്ടിട്ടുണ്ടെന്നും ഇത് 1,200 തൊഴിലവസരങ്ങള് സൃഷ്ടിക്കുമെന്നും അധികൃതര് അറിയിച്ചു.യൂറോപ്പ്, മദ്ധ്യപൗരസ്ത്യ മേഖല, ഏഷ്യ, വടക്കേ അമേരിക്ക എന്നിവയെ ബന്ധിപ്പിച്ച് ഗള്ഫ് രാജ്യത്ത് ഒരു എയര്ലൈന് ആരംഭിക്കാന് പ്രീമിയം ലീഷര് എയര്ലൈനായ ബിഓണ്ടുമായി ബഹ്റൈന് കരാറില് ഒപ്പുവെച്ചിട്ടുണ്ട്. 2030 ആകുമ്പോഴേക്കും ബഹ്റൈനില് ഇത്തരം 10 വിമാനങ്ങള് വരെ പ്രവര്ത്തിപ്പിക്കാനാണ് പദ്ധതി.വിനോദ, ബിസിനസ് വിപണികള്ക്ക് സേവനം നല്കുന്ന തരത്തിലായിരിക്കും സര്വീസ്. ഈ സംരംഭത്തിന്റെ പങ്കാളിയായി ബിഓണ്ടിനെ ലഭിക്കുന്നത് സന്തോഷകരമാണെന്ന് ഗതാഗത- ടെലി കമ്മ്യൂണിക്കേഷന്സ് മന്ത്രി ഡോ. ഷെയ്ഖ് അബ്ദുല്ല ബിന് അഹമ്മദ് അല് ഖലീഫ പറഞ്ഞു.
മനാമ: ദമ്മാമിലേക്ക് ഹെലികോപ്റ്റര് സര്വീസ് ആരംഭിക്കാന് ബഹ്റൈന് ഒരുങ്ങുന്നു.ഇതിനായി ബഹ്റൈന് ഗതാഗത- ടെലി കമ്മ്യൂണിക്കേഷന്സ് മന്ത്രാലയം സൗദി അറേബ്യയുടെ പൊതുനിക്ഷേപ ഫണ്ടിന്റെ അനുബന്ധ സ്ഥാപനമായ ടി.എച്ച്.സി. ദി ഹെലികോപ്റ്റര് കമ്പനിയുമായി ധാരണാപത്രം ഒപ്പുവെച്ചു.ബഹ്റൈന്റെ ആദ്യത്തെ അന്താരാഷ്ട്ര ഹെലികോപ്റ്റര് സര്വീസാണിതെന്ന് ഗതാഗത- ടെലി കമ്മ്യൂണിക്കേഷന്സ് മന്ത്രി ഡോ. ഷെയ്ഖ് അബ്ദുല്ല ബിന് അഹമ്മദ് അല് ഖലീഫ പറഞ്ഞു.
മനാമ: വിശുദ്ധ റമദാന് മാസത്തിന്റെ ആരംഭം കുറിക്കുന്ന ചന്ദ്രക്കല ദര്ശനത്തെക്കുറിച്ചുള്ള സാക്ഷ്യങ്ങള് സ്വീകരിക്കാനും മാസാരംഭം സ്ഥിരീകരിക്കുന്ന ഇസ്ലാമിക ലോകത്തുനിന്നുള്ള റിപ്പോര്ട്ടുകള് സ്വീകരിക്കാനുമായി ഫെബ്രുവരി 17ന് (ചൊവ്വാഴ്ച) ചന്ദ്രദര്ശന സമിതി യോഗം ചേരുമെന്ന് സുപ്രീം കൗണ്സില് ഫോര് ഇസ്ലാമിക് അഫയേഴ്സ് (എസ്.സി.ഐ.എ) അറിയിച്ചു.ചന്ദ്രക്കല ദര്ശനവുമായി ബന്ധപ്പെട്ട് വിശ്വസനീയമായ സാക്ഷ്യങ്ങളോ വിവരങ്ങളോ ഉള്ള വ്യക്തികള് ഉടന് തന്നെ ചന്ദ്രദര്ശന സമിതിയുമായി ബന്ധപ്പെടണമെന്ന് കൗണ്സില് അഭ്യര്ത്ഥിച്ചു.
മനാമ: പുണ്യ റമദാന് മാസത്തിനായുള്ള തയ്യാറെടുപ്പിന്റെ ഭാഗമായി ഉപഭോക്തൃ ഉല്പ്പന്നങ്ങളുടെ ലഭ്യതയും ഗുണനിലവാരവും ഉറപ്പാക്കാനും വില സ്ഥിരത നിലനിര്ത്താനുമായി വ്യവസായ- വാണിജ്യ മന്ത്രാലയം വിപണി പരിശോധനയും നിരീക്ഷണവും ശക്തമാക്കി.വ്യാപാരികള്ക്കും ഉപഭോക്താക്കള്ക്കും വേണ്ടി മന്ത്രാലയം ബോധവല്ക്കരണ കാമ്പെയ്നുകള് നടപ്പിലാക്കുന്നുണ്ട്. അതോടൊപ്പം മാര്ക്കറ്റുകളിലും കടകളിലും വിപുലമായ പരിശോധനകളും നടത്തുന്നു.ലൈസന്സുള്ള പ്രവര്ത്തനങ്ങള്, പ്രമോഷനുകളുടെയും കിഴിവുകളുടെയും സാധുത, ഓഫറുകള്ക്ക് മുമ്പും ശേഷവുമുള്ള വില കൃത്യത, ഷെല്ഫ് വിലകളും പോയിന്റ്-ഓഫ്-സെയില് സിസ്റ്റങ്ങളും തമ്മിലുള്ള സ്ഥിരത എന്നിവ ഈ പരിശോധിക്കുന്നുണ്ട്. വഞ്ചനയോ കൃത്രിമത്വമോ ഉണ്ടോയെന്ന് അധികാരികള് നിരീക്ഷിക്കും. അന്യായമായ വില വര്ധനവ് പരിഹരിക്കുകയും ചെയ്യും.റമദാന് മാസത്തിന്റെ മദ്ധ്യത്തില് പരിശോധനാ സന്ദര്ശനങ്ങള് വര്ധിക്കും. ഭക്ഷണശാലകള്, പഴം- പച്ചക്കറി കടകള്, മാംസം- മത്സ്യം കടകള്, തയ്യല്ക്കടകള്, സ്വര്ണ്ണക്കടകള്, മധുരപലഹാരക്കടകള് തുടങ്ങിയ ഉയര്ന്ന ഡിമാന്ഡുള്ള ബിസിനസുകളില് ശ്രദ്ധ കേന്ദ്രീകരിച്ച് നിയന്ത്രണങ്ങള് പാലിക്കുന്നുണ്ടെന്ന് ഉറപ്പാക്കും.ഗുരുതരമായ ലംഘനങ്ങള്ക്ക് പിഴ ചുമത്തുകയോ പ്രവര്ത്തനം അവസാനിപ്പിക്കുകയോ രജിസ്ട്രേഷന് റദ്ദാക്കുകയോ പബ്ലിക് പ്രോസിക്യൂഷന് കേസ് കൈമാറുകയോ ചെയ്യുമെന്ന് മന്ത്രാലയം പറഞ്ഞു. വിപണിയിലെ…
മനാമ: ബഹ്റൈനിലെ സര്ക്കാര് സ്കൂളുകളില് ഐ.ബി. (ഇന്റര്നാഷണല് ബാക്കലൗറിയേറ്റ്) പ്രോഗ്രാം നടപ്പിലാക്കാന് വിദ്യാഭ്യാസ മന്ത്രി ഡോ. മുഹമ്മദ് ബിന് മുബാറക് ജുമയും ഇന്റര്നാഷണല് ബാക്കലൗറിയേറ്റ് ഓര്ഗനൈസേഷന്റെ (ഐ.ബി.ഒ) ഡയറക്ടര് ജനറല് ഒല്ലി-പെക്ക ഹൈനോനനും ധാരണാപത്രം ഒപ്പുവെച്ചു. 2026 സെപ്റ്റംബറില് അടുത്ത അദ്ധ്യയന വര്ഷത്തിന്റെ ആരംഭം മുതല് ഈ പരിപാടി അവതരിപ്പിക്കും.ഇസ ടൗണിലെ വിദ്യാഭ്യാസ മന്ത്രാലയ ആസ്ഥാനത്താണ് ഒപ്പുവെക്കല് നടന്നത്, മന്ത്രാലയത്തിലെ വിവിധ വിദ്യാഭ്യാസ മേഖലകളില്നിന്നുള്ള ഉദ്യോഗസ്ഥര്, സര്ക്കാര്- സ്വകാര്യ സ്കൂളുകളുടെ പ്രതിനിധികള്, ഐ.ബി.ഒ. പ്രതിനിധി സംഘം എന്നിവര് പങ്കെടുത്തു.