- ‘വോട്ട് മോഷണം അനുവദിക്കില്ല, ഇത് ഭരണഘടന സംരക്ഷിക്കാനുള്ള യുദ്ധം’ , രാഹുല് ഗാന്ധി നയിക്കുന്ന വോട്ടര് അധികാര് യാത്രക്ക് തുടക്കമായി
- ഐസിആർഎഫ് തേർസ്റ്റ് ക്വെഞ്ചേഴ്സ് 2025 ന്റെ ഒമ്പതാം ആഴ്ചയിലെ പരിപാടി 2025 ഓഗസ്റ്റ് 16 ശനിയാഴ്ച റിഫയിലെ ഒരു വർക്ക് സൈറ്റിൽ നടന്നു.
- റാഷ്‌ഫോർഡ് എൻഡുറൻസ് 120 കിലോമീറ്റർ മത്സരത്തിൽ ഷെയ്ഖ് നാസർ ബിൻ ഹമദിന് ഒന്നാം സ്ഥാനം
- നാട്ടിലേക്ക് മടങ്ങുന്ന കെപിഎ സെൻട്രൽ കമ്മിറ്റി അംഗത്തിന് സ്നേഹോഷ്മളമായ യാത്രയയപ്പ്.
- സിപിഎമ്മിൽ കത്ത് ചോര്ച്ചാ വിവാദം; പാർട്ടി ‘രഹസ്യം’ ദില്ലി ഹൈക്കോടതിയിൽ, പിബിക്ക് നൽകിയ പരാതി ചോർത്തിയത് എം.വി ഗോവിന്ദന്റെ മകനോ?
- ‘കത്തിലുള്ളത് ഞെട്ടിക്കുന്ന വിവരങ്ങള്‍, പുറത്തുവന്നത് സിപിഎമ്മിന്റെ ആരും കാണാത്ത മുഖം’; റിവേഴ്സ് ഹവാലയാണ് നടന്നതെന്ന് വിഡി സതീശൻ
- ഗലാലിയിലെ ബഹ്റൈന്-കുവൈത്ത് ഹെല്‍ത്ത് സെന്ററിന്റെ നിര്‍മ്മാണ പ്രവര്‍ത്തനങ്ങള്‍ ആരംഭിച്ചു
- ചരിത്രപ്രസിദ്ധമായ മുനിസിപ്പാലിറ്റി കാര്യ കെട്ടിടത്തിന്റെ പുനരുദ്ധാരണ പ്രവൃത്തി മുനിസിപ്പാലിറ്റി മന്ത്രിപരിശോധിച്ചു
Author: news editor
പാരീസ്: ജൂണ്‍ 16 മുതല്‍ 22 വരെ നടക്കുന്ന പാരീസ് എയര്‍ ഷോ 2025നിടയില്‍ ബഹ്റൈന് അന്താരാഷ്ട്ര വിമാനത്താവളത്തിന്റെ നടത്തിപ്പ് ചുമതലയുള്ള സ്ഥാപനമായ ബഹ്റൈന് എയര്‍പോര്‍ട്ട് കമ്പനിയും രാജ്യത്തെ സ്വകാര്യ ജെറ്റ് കമ്പനിയായ വാലോ ഏവിയേഷനും തമ്മില്‍ ധാരണാപത്രം ഒപ്പുവെച്ചു.വിമാനത്താവളത്തിലെ അറ്റകുറ്റപ്പണികള്‍, ഗ്രൗണ്ട് സര്‍വീസ് സൗകര്യങ്ങള്‍ വികസിപ്പിക്കല്‍ എന്നിവയ്ക്കുള്ള ധാരണാപത്രം ഒപ്പുവെക്കുന്ന ചടങ്ങില്‍ ഗതാഗത, ടെലികമ്മ്യൂണിക്കേഷന്‍ മന്ത്രി ഡോ. ഷെയ്ഖ് അബ്ദുല്ല ബിന്‍ അഹമ്മദ് അല്‍ ഖലീഫ പങ്കെടുത്തു. ഗള്‍ഫ് എയര്‍ ഗ്രൂപ്പ് ചീഫ് എക്സിക്യൂട്ടീവ് ഓഫീസര്‍ ജെഫ്രി ഗോയും വാലോ ഏവിയേഷന്‍ ചീഫ് എക്സിക്യൂട്ടീവ് ഓഫീസര്‍ ഹന്ന ഹകാമോയുമാണ് ധാരണാപത്രത്തില്‍ ഒപ്പുവെച്ചത്.പ്രാദേശിക, അന്തര്‍ദേശീയ വിപണി സംഭവവികാസങ്ങള്‍ക്കനുസൃതമായി ദേശീയ വ്യോമഗതാഗത സംവിധാനത്തിന്റെ ഒരു സുപ്രധാന ഘടകമായി ബിസിനസ് വ്യോമയാന മേഖലയെ വികസിപ്പിക്കാനുള്ള ബഹ്റൈന്റെ ശ്രമങ്ങള്‍ തുടരുകയാണെന്ന് ഡോ. ഷെയ്ഖ് അബ്ദുല്ല ബിന്‍ അഹമ്മദ് പറഞ്ഞു.
കോഴിക്കോട്: നഗരത്തിലെ മലാപ്പറമ്പില്‍ അനാശാസ്യ കേന്ദ്രം നടത്തിയ കേസില്‍ ഒളിവിലായിരുന്ന രണ്ടു പോലീസ് ഡ്രൈവര്‍മാര്‍ പിടിയില്‍.പോലീസ് എ.ആര്‍. ക്യാംപ് ഡ്രൈവര്‍മാരായ കോഴിക്കോട് പടനിലം സ്വദേശി കെ. സനിത് (45), കോഴിക്കോട് പെരുമണ്ണ സ്വദേശി കെ. ഷൈജിത്ത് (42) എന്നിവരാണ് പിടിയിലായത്. താമരശ്ശേരി കോരങ്ങാട്ടെ ഒരു വീട്ടില്‍നിന്നാണ് പുലര്‍ച്ചെ രണ്ടരയോടെ ഇവരെ പിടികൂടിയത്.ഇവര്‍ സഞ്ചരിച്ചിരുന്ന കാറും പോലീസ് കസ്റ്റഡിയിലെടുത്തു. അനാശാസ്യ കേന്ദ്രം നടത്തിപ്പില്‍ ഇവര്‍ക്കു മുഖ്യപങ്കുണ്ടെന്ന് പോലീസ് കണ്ടെത്തിയതിനെ തുടര്‍ന്ന് ഇരുവരെയും സര്‍വീസില്‍നിന്ന് സസ്‌പെന്‍ഡ് ചെയ്തിരുന്നു. ഷൈജിത്തിന്റെ പാസ്‌പോര്‍ട്ടും കണ്ടുകെട്ടി. നടക്കാവ് സ്റ്റേഷനിലെത്തിച്ച ഇവരെ ഇന്‍സ്‌പെക്ടര്‍ എന്‍. പ്രജീഷിന്റെ നേതൃത്വത്തില്‍ പ്രാഥമിക ചോദ്യം ചെയ്യലിനു ശേഷം കോടതിയില്‍ ഹാജരാക്കും.നേരത്തെ പിടിയിലായ ബിന്ദുവിനെയും മറ്റു മൂന്നു സ്ത്രീകളെയും ഒന്നിച്ചിരുത്തി ചോദ്യം ചെയ്തതോടെയാണ് പോലീസുകാരുടെ പങ്ക് വെളിവായത്. ഇരുവരെയും അറസ്റ്റ് ചെയ്യാത്തതില്‍ വലിയ പ്രതിഷേധമുയര്‍ന്നിരുന്നു. മുന്‍കൂര്‍ ജാമ്യമെടുക്കാനുള്ള അവസരമൊരുക്കിക്കൊടുക്കുകയാണെന്ന ആരോപണം ഉയര്‍ന്നതിനു പിന്നാലെയാണ് അറസ്റ്റ്.ആള്‍പ്പാര്‍പ്പില്ലാത്ത ഒരു വീടിന്റെ മുകള്‍നിലയിലാണ് ഇവര്‍ ഒളിവില്‍ കഴിഞ്ഞതെന്നാണ് സൂചന. കേസിലെ…
മനാമ: 2025ലെ അല്‍ ദാന നാടക അവാര്‍ഡുകള്‍ പ്രഖ്യാപിച്ചു. സുപ്രീം കൗണ്‍സില്‍ ഫോര്‍ യൂത്ത് ആന്റ് സ്പോര്‍ട്സ് ഫസ്റ്റ് ഡെപ്യൂട്ടി ചെയര്‍മാനും ജനറല്‍ സ്പോര്‍ട്സ് അതോറിറ്റി ചെയര്‍മാനും ബഹ്റൈന് ഒളിമ്പിക് കമ്മിറ്റി പ്രസിഡന്റുമായ ഷെയ്ഖ് ഖാലിദ് ബിന്‍ ഹമദ് അല്‍ ഖലീഫയുടെ രക്ഷാകര്‍തൃത്വത്തില്‍ ബഹ്റൈന് നാഷണല്‍ തിയേറ്ററില്‍ അവാര്‍ഡ് ദാന ചടങ്ങ് നടന്നു.വിവിധ ഇനങ്ങളിലെ അവാര്‍ഡുകള്‍:മികച്ച സാമൂഹിക നാടക പരമ്പര: ‘ഷാരി അല്‍ അഷ’ (അല്‍ അഷാ സ്ട്രീറ്റ്), മികച്ച കോമഡി പരമ്പര: ‘യവ്മിയത്ത് റജുല്‍ അനിസ്’ (ഡയറീസ് ഓഫ് എ ബാച്ചിലര്‍), മികച്ച നടന്‍: ഖാലിദ് സഖര്‍ (ഷാരി അല്‍ അഷ), മികച്ച നടി: ഇല്‍ഹാം അലി (ഷാരി അല്‍ അഷ), വളര്‍ന്നുവരുന്ന മികച്ച താരം: അഹമ്മദ് സയീദ് (പുരുഷ യുവ വിഭാഗം- ‘വുഹുഷ്’ ബീസ്റ്റ്‌സ്), അലാ സലിം (സ്ത്രീ യുവ വിഭാഗം- (ഷാരി അല്‍ അഷ), മികച്ച തിരക്കഥ: ബദ്രിയ അല്‍ ബിഷ്ര്‍, ഓസ്ലെം യുസെല്‍ (ഷാരി അല്‍…
മനാമ: ബഹ്‌റൈനില്‍ പുതിയ നിരവധി സ്വകാര്യ വിദ്യാഭ്യാസ സ്ഥാപനങ്ങളുടെ ലൈസന്‍സ്, വിപുലീകരണം, സേവനങ്ങളില്‍ പുതിയ ഘട്ടങ്ങള്‍ ചേര്‍ക്കല്‍ എന്നിവയ്ക്ക് വിദ്യാഭ്യാസ മന്ത്രി ഡോ. മുഹമ്മദ് ബിന്‍ മുബാറക് ജുമ അംഗീകാരം നല്‍കി.’ജൂഡ് കിന്റര്‍ഗാര്‍ട്ടന്‍’ സ്ഥാപിക്കാനുള്ള ലൈസന്‍സ്, പാംസ് സ്‌കൂളില്‍ ഏഴാം ക്ലാസ് കൂട്ടിച്ചേര്‍ക്കാനുള്ള ലൈസന്‍സ്, ഡെല്‍മണ്‍ സ്‌കൂളില്‍ ഇന്റര്‍മീഡിയറ്റ് ആരംഭിക്കാനുള്ള ലൈസന്‍സ്, ന്യൂ ജനറേഷന്‍ സ്‌കൂളില്‍ സെക്കന്‍ഡറി കോഴ്‌സ് ആരംഭിക്കാനുള്ള ലൈസന്‍സ് എന്നിവ ഇതിലുള്‍പ്പെടുന്നു.ഉയര്‍ന്ന നിലവാരമുള്ള ദേശീയ വിദ്യാഭ്യാസം നല്‍കാനും വിദ്യാര്‍ത്ഥികള്‍ക്ക് ഇഷ്ടാനുസരണമുള്ള കോഴ്‌സുകള്‍ ലഭ്യമാക്കാനും പൊതു, സ്വകാര്യ മേഖലകളില്‍ വിദ്യാഭ്യാസ സ്ഥാപനങ്ങള്‍ സ്ഥാപിക്കുന്നത് പ്രധാനമാണെന്ന് മന്ത്രി പറഞ്ഞു.
മനാമ: ബഹ്റൈന് സുപ്രീം കൗണ്‍സില്‍ ഫോര്‍ യൂത്ത് ആന്റ് സ്പോര്‍ട്സ് ഫസ്റ്റ് ഡെപ്യൂട്ടി ചെയര്‍മാനും ജനറല്‍ സ്പോര്‍ട്സ് അതോറിറ്റി ചെയര്‍മാനും ബഹ്റൈന് ഒളിമ്പിക് കമ്മിറ്റി പ്രസിഡന്റുമായ ഷെയ്ഖ് ഖാലിദ് ബിന്‍ ഹമദ് അല്‍ ഖലീഫയുടെ രക്ഷാകര്‍തൃത്വത്തിലുള്ള അല്‍ ദാന നാടക അവാര്‍ഡ് 2025ന്റെ രണ്ടാം പതിപ്പിനുള്ള ജൂറിയെ സംഘാടക സമിതി പ്രഖ്യാപിച്ചു.ബഹ്റൈന് എഴുത്തുകാരിയും മാധ്യമപ്രവര്‍ത്തകയുമായ ഡോ. ബര്‍വീന്‍ ഹബീബ് അധ്യക്ഷയായ ജൂറിയില്‍ ഗള്‍ഫിലെ നാടക-മാധ്യമ മേഖലകളില്‍നിന്നുള്ള പ്രമുഖര്‍ ഉള്‍പ്പെടുന്നു. അര്‍ത്ഥവത്തായതും ഉയര്‍ന്ന നിലവാരമുള്ളതുമായ സൃഷ്ടികളെ പ്രോത്സാഹിപ്പിച്ചും യഥാര്‍ത്ഥ പ്രതിഭകളെ അംഗീകരിച്ചും ഈ അവാര്‍ഡ് മേഖലയിലെ നാടകരംഗത്തെ മെച്ചപ്പെടുത്തുന്നുവെന്ന് ഡോ. ബര്‍വീന്‍ പറഞ്ഞു.ബഹ്റൈന് സംവിധായകന്‍ അഹമ്മദ് യാക്കൂബ് അല്‍ മുഖ്ല, എഴുത്തുകാരനും സംവിധായകനുമായ ശൈഖ് സുഹ അല്‍ ഖലീഫ, നടനും മാധ്യമ പ്രവര്‍ത്തകനുമായ ഇബ്രാഹിം അല്‍ ഇസ്താദ്, നിര്‍മ്മാതാവും സംവിധായകനുമായ ഉസാമ സെയ്ഫ്, ഒമാനി നടന്‍ ഫാരിസ് അല്‍ ബലൂഷി എന്നിവരുള്‍പ്പെടെ ഗള്‍ഫിന്റെ വിവിധ ഭാഗങ്ങളില്‍നിന്നുള്ള ഒരു കൂട്ടം പ്രഗത്ഭര്‍ ഈ വര്‍ഷത്തെ…
മനാമ: ബഹ്‌റൈനിലെ സാറില്‍ ദമ്പതിമാരുടെയും ഒരു കുഞ്ഞിന്റെയും മരണത്തിന് കാരണമായ അപകടമുണ്ടാക്കിയ വാഹനമോടിച്ചയാള്‍ മദ്യത്തിന്റെയും മയക്കുമരുന്നിന്റെയും ലഹരിയിലായിരുന്നെന്ന് പരിശോധനയില്‍ വ്യക്തമായി.കേസില്‍ വിചാരണ ജൂണ്‍ 23ന് ആരംഭിക്കുമെന്ന് പബ്ലിക് പ്രോസിക്യൂഷന്‍ അറിയിച്ചു. ലഹരിയില്‍ ഓടിച്ചുവന്ന വാഹനം നിയന്ത്രണം വിട്ട് എതിര്‍ റോഡിലേക്കു മറിഞ്ഞ് ഒരു കുടുംബം സഞ്ചരിച്ച കാറിലിടിക്കുകയായിരുന്നു. ദമ്പതിമാര്‍ തല്‍ക്ഷണം മരിച്ചു. മൂന്നു കുട്ടികള്‍ക്ക് ഗുരുതരമായി പരിക്കേറ്റു. അതിലൊരു കുഞ്ഞ് പിന്നീട് ചികിത്സയിലിരിക്കെ മരിച്ചു.ഈ അപകടം രാജ്യത്ത് വിവാദം സൃഷ്ടിച്ചിരുന്നു. അശ്രദ്ധമായി വാഹനമോടിച്ച് ജീവഹാനിയുണ്ടാക്കുന്ന വിധത്തില്‍ അപകടം സൃഷ്ടിക്കുന്നതിനുള്ള ശിക്ഷ കൂടുതല്‍ ശക്തമാക്കണമെന്ന ആവശ്യം സമൂഹത്തില്‍നിന്ന് വ്യാപകമായി ഉയരുകയുണ്ടായി.
മനാമ: ബഹ്റൈന് ഇസ്ലാമിക് ഡവലപ്‌മെന്റ് ബാങ്കിന്റെ (ഐ.എസ്.ഡി.ബി) ധനസഹായത്തോടെ ബഹ്‌റൈനിലെ ജസ്രയില്‍ പുതിയ പവര്‍ സ്റ്റേഷന്‍ സ്ഥാപിക്കാനുള്ള കരാര്‍ സംബന്ധിച്ച നിയമത്തിന് 2025 (26) രാജാവ് ഹമദ് ബിന്‍ ഈസ അല്‍ ഖലീഫ അംഗീകാരം നല്‍കി.നേരത്തെ ശൂറ കൗണ്‍സിലും പ്രതിനിധി സഭയും അംഗീകാരം നല്‍കിയ ഈ നിയമം 400 കിലോവാള്‍ട്ടില്‍ പ്രവര്‍ത്തിക്കുന്ന പുതിയ പവര്‍ സ്റ്റേഷന്‍ നിര്‍മാണത്തിന് പച്ചക്കൊടി കാണിക്കുന്നതാണ്. ഇതില്‍ ഒരു ചട്ടക്കൂട് കരാര്‍, ഒരു ഏജന്‍സി കരാര്‍, ബഹ്റൈന് സര്‍ക്കാരും ഐ.എസ്.ഡി.ബിയും തമ്മിലുള്ള ഗാരന്റി കരാര്‍ എന്നിവ ഉള്‍പ്പെടുന്നു. ഈ കരാറുകളില്‍ ആദ്യം ഒപ്പുവെച്ചത് 2024 സെപ്റ്റംബര്‍ 9നാണ്.കരാറുകള്‍ നടപ്പാക്കാനാവശ്യമായ നടപടികള്‍ സ്വീകരിക്കാന്‍ പ്രധാനമന്ത്രിയും ബന്ധപ്പെട്ട മന്ത്രിമാരും ബാധ്യസ്ഥരാണ്. ഔദ്യോഗിക ഗസറ്റില്‍ പ്രസിദ്ധീകരിച്ചതിന്റെ പിറ്റേന്ന് നിയമം പ്രാബല്യത്തില്‍ വരും.
മനാമ: ബഹ്‌റൈനില്‍ അളവുകളും തൂക്കങ്ങളും സംബന്ധിച്ച നിയമ ഭേദഗതി അംഗീകരിച്ചുകൊണ്ട് രാജാവ് ഹമദ് ബിന്‍ ഈസ അല്‍ ഖലീഫ ഉത്തരവ് 2025 (27) പുറപ്പെടുവിച്ചു. ശൂറ കൗണ്‍സിലിന്റെയും പ്രതിനിധി സഭയുടെയും അംഗീകാരത്തെത്തുടര്‍ന്നാണ് ഉത്തരവ്. 2016ലെ നിയമത്തിലെ (9) ചില വ്യവസ്ഥകളാണ് ഭേദഗതി ചെയ്തത്.പുതുക്കിയ നിര്‍വചനങ്ങള്‍ നിര്‍ബന്ധമാക്കല്‍, ദേശീയ മാനദണ്ഡങ്ങളും സാങ്കേതിക നിയന്ത്രണങ്ങളും പുറപ്പെടുവിക്കുന്നതിനും അംഗീകരിക്കുന്നതിനുമുള്ള നടപടിക്രമങ്ങള്‍, നാഷണല്‍ കമ്മിറ്റി ഫോര്‍ സ്റ്റാന്‍ഡേര്‍ഡൈസേഷന്‍ ആന്റ് മെട്രോളജിയുടെ രൂപീകരണവും പ്രവര്‍ത്തനവും, ഔദ്യോഗിക സ്‌പെസിഫിക്കേഷനുകളുടെ അനധികൃത ഉപയോഗത്തിനോ വില്‍പ്പനയ്ക്കോ ഉള്ള പിഴകള്‍ എന്നിവയെല്ലാം മെച്ചപ്പെടുത്തിക്കൊണ്ടാണ് നിയമ ഭേദഗതി. ഇത് ഔദ്യോഗിക ഗസറ്റില്‍ പ്രസിദ്ധീകരിച്ചതിന്റെ അടുത്ത ദിവസം മുതല്‍ പ്രാബല്യത്തില്‍ വരും.
കോഴിക്കോട്: കണ്ണൂര്‍ അഴീക്കലില്‍നിന്ന് 44 നോട്ടിക്കല്‍ മൈല്‍ അകലെവെച്ചു തീപിടിച്ചു കൊച്ചി തീരത്തേക്ക് നീങ്ങുകയായിരുന്ന സിംഗപ്പൂര്‍ ചരക്കുകപ്പല്‍ ‘വാന്‍ ഹയി 503’ 58 നോട്ടിക്കല്‍ മൈല്‍ ദൂരത്തേക്ക് വലിച്ചുനീക്കി.കാലാവസ്ഥ പ്രതികൂലമായിത്തന്നെ തുടരുന്ന സാഹചര്യത്തില്‍ മെല്ലെയാണ് വലിച്ചുനീക്കല്‍ നടക്കുന്നത്. അതിനിടെ കപ്പലിലെ ഇന്ധനശേഖരം എവിടെയെന്ന് രക്ഷാസംഘം കണ്ടെത്തി. കപ്പലില്‍ നിലവില്‍ ബന്ധിപ്പിച്ചിരിക്കുന്ന ഒരു വടത്തിനു പുറമെ മറ്റൊന്നു കൂടി ബന്ധിപ്പിക്കാനുള്ള ശ്രമങ്ങളും നടക്കുന്നുണ്ട്.കാര്‍ഗോ 3നും 5നുമിടയ്ക്ക് നാല് ഹെവി ഫ്യൂവല്‍ ടാങ്കുകളും കാര്‍ഗോ ആറിനും എഞ്ചിന്‍ റൂമിനും സമീപം 2 മറൈന്‍ ഡീസല്‍ ഓയില്‍ ടാങ്കുകളുമാണ് സ്ഥിതിചെയ്യുന്നതെന്നാണ് ഔദ്യോഗിക വൃത്തങ്ങളില്‍നിന്ന് ലഭിക്കുന്ന വിവരം. കപ്പലിന്റെ ഡെക്കിനടിയില്‍ ഇപ്പോഴും തീയുണ്ട്. അതണയ്ക്കാനും കപ്പലിന്റെ മറ്റു ഭാഗങ്ങള്‍ തണുപ്പിക്കാനുമുള്ള ശ്രമങ്ങളും നടക്കുന്നു. ഇപ്പോള്‍ കപ്പലിനെ ഓഫ്‌ഷോര്‍ വാരിയര്‍ എന്ന ടഗുമായി ഇരുമ്പുവടം ഉപയോഗിച്ചു ബന്ധിപ്പിച്ചാണ് വലിച്ചുനീക്കുന്നത്. വെള്ളിയാഴ്ച വൈകീട്ട് രക്ഷാപ്രവര്‍ത്തകര്‍ ഹെലികോപ്റ്ററില്‍നിന്ന് കപ്പലിന്റെ ഡെക്കിലിറങ്ങുകയും ഇരുമ്പുവടം ബന്ധിപ്പിച്ച് വലിച്ചുനീക്കല്‍ നടത്തുകയും ചെയ്തിരുന്നു.ഇന്നലെ രക്ഷാപ്രവര്‍ത്തകര്‍ വീണ്ടും കപ്പലിലിറങ്ങി…
മനാമ: ‘eGovBahrain’, ‘eKey’ തുടങ്ങിയ ഔദ്യോഗിക പദങ്ങളുപയോഗിച്ച് ബഹ്‌റൈനിലെ പൗരര്‍ക്കും താമസക്കാര്‍ക്കും ലഭിക്കുന്നതും സമൂഹമാധ്യമങ്ങളില്‍ പ്രചരിക്കുന്നതുമായ തട്ടിപ്പ് ടെക്സ്റ്റ് സന്ദേശങ്ങള്‍ക്കെതിരെ ഇന്‍ഫര്‍മേഷന്‍ ആന്‍ഡ് ഇ-ഗവണ്‍മെന്റ് അതോറിറ്റിയുടെ (ഐ.ജി.എ) മുന്നറിയിപ്പ്.ഈ സന്ദേശങ്ങള്‍ അതോറിറ്റിയോ അതിന്റെ ഔദ്യോഗിക അക്കൗണ്ടുകളോ അയയ്ക്കുന്നതല്ല. പൊതുജനങ്ങള്‍ ഇത്തരം സന്ദേശങ്ങളോട് പ്രതികരിക്കരുത്. ലിങ്കുകള്‍ വഴി വ്യക്തിഗത വിവരങ്ങള്‍ നല്‍കരുത്. ദേശീയ പോര്‍ട്ടലായ bahrain.bh ഹാക്ക് ചെയ്യപ്പെട്ടെന്ന അഭ്യൂഹങ്ങള്‍ ഐ.ജി.എ. നിഷേധിച്ചു. ഈ പ്രചാരണം പൂര്‍ണ്ണമായും തെറ്റാണ്.’eGovBahrain’ അല്ലെങ്കില്‍ ‘eKey’ എന്നീ പേരുകളില്‍ അയയ്ക്കുന്ന എല്ലാ ഔദ്യോഗിക സന്ദേശങ്ങളും ഇ-സര്‍വീസ് പ്രോത്സാഹിപ്പിക്കുക, സേവന പൂര്‍ത്തീകരണം സ്ഥിരീകരിക്കുക, eKey ഉപയോഗിച്ച് ലോഗിനുകള്‍ പ്രാമാണീകരിക്കുക തുടങ്ങിയ ഇ-ഗവണ്‍മെന്റ് സേവനങ്ങളുമായും ഇടപാടുകളുമായും കര്‍ശനമായി ബന്ധപ്പെട്ടിരിക്കുന്നു. ഈ സന്ദേശങ്ങള്‍ ഒരിക്കലും ലിങ്കുകള്‍ വഴി വ്യക്തിഗതമോ സാമ്പത്തികമോ ആയ വിശദാംശങ്ങള്‍ ആവശ്യപ്പെടാറില്ല.സംശയാസ്പദമായ സന്ദേശങ്ങള്‍ ലഭിക്കുന്ന പൗരരും താമസക്കാരും 80008001 എന്ന നമ്പറില്‍ സര്‍ക്കാര്‍ സേവന കോണ്‍ടാക്റ്റ് സെന്ററുമായി ബന്ധപ്പെടുകയോ MyGov ആപ്പ് വഴിയോ 922 എന്ന ഹോട്ട്ലൈന്‍ വഴിയോ…