Trending
- മൊറോക്കോയിലെ കെട്ടിട ദുരന്തം: ബഹ്റൈൻ അനുശോചിച്ചു
- Gold Rate Today: എല്ലാ റെക്കോർഡുകളും തകർത്തു, സ്വർണവില റോക്കറ്റ് കുതിപ്പിൽ; വെള്ളിയുടെ വിലയും കുതിക്കുന്നു
- ബിഗ് ടിക്കറ്റ് – ഒരു ലക്ഷം ദിർഹംവീതം നേടി രണ്ട് മലയാളികൾ
- പാസ്പോർട്ട് വിട്ടു നൽകണം; ദിലീപ് കോടതിയിൽ അപേക്ഷ നൽകി, എതിർത്ത് പ്രോസിക്യൂഷൻ
- കോടതിക്ക് മുന്നിൽ ഭാവ വ്യത്യാസമൊന്നുമില്ലാതെ അവസാനമായി പൾസര് സുനി പറഞ്ഞത് ഒരൊറ്റ കാര്യം, ‘തനിക്ക് അമ്മ മാത്രമാണ് ഉള്ളത്’
- പുതുവർഷം കളറാകും; യുഎഇയിൽ അവധിയും വിദൂര ജോലിയും പ്രഖ്യാപിച്ചു, വമ്പൻ ആഘോഷ പരിപാടികൾ
- നടിയെ ആക്രമിച്ച കേസ് പരിഗണിക്കും മുമ്പേ ജഡ്ജി ഹണി എം. വർഗീസിന്റെ താക്കീത്; ‘സുപ്രീം കോടതി മാർഗ നിർദേശങ്ങൾ കൃത്യമായി പാലിക്കണം’
- തെരഞ്ഞെടുപ്പില് കള്ളവോട്ട് ചെയ്തു, ഇരട്ട വോട്ടിന് ശ്രമം; യുവതിയുള്പ്പെടെ 2 പേര് പിടിയില്
Author: news editor
മനാമ: അറേബ്യന് ഉപഭൂഖണ്ഡത്തിലെ അപൊസ്റ്റോലിക് വിസിറ്റേറ്ററായി ലിയോ പതിനാലാമന് മാര്പ്പാപ്പ നിയമിച്ച മോണ്സിഞ്ഞോര് ജോളി വടക്കന് ബഹ്റൈന് സിറോ മലബാര് സൊസൈറ്റിയുടെ ഭരണസമിതി അംഗങ്ങളുമായി സൂം മീറ്റിംഗിലൂടെ സംവദിച്ചു.കൂട്ടായതും ഐക്യത്തോടുകൂടിയുമുള്ള സഭാ വിശ്വാസ പ്രവര്ത്തനങ്ങളായിരിക്കും മേഖലയില് നടപ്പിലാക്കുകയെന്നും അതിനായി സഭാ മക്കളുടെ പ്രാര്ത്ഥനയും സഹകരണവും ഉണ്ടാകണമെന്നും അദ്ദേഹം പറഞ്ഞു.സഭയുടെ ആദ്ധ്യാത്മികവും ഭൗതികവുമായ വിഷയങ്ങളില് ക്രിയാത്മകമായി ഇടപെടുന്ന സിറോ മലബാര് അംഗങ്ങളുടെ പ്രവര്ത്തനങ്ങളെ അദ്ദേഹം പ്രശംസിച്ചു. സില്വര് ജൂബിലി വര്ഷത്തിലൂടെ കടന്നുപോകുന്ന സിറോ മലബാര് സൊസൈറ്റിയുടെ പ്രവര്ത്തനങ്ങള് പ്രസിഡന്റ് പി.ടി. ജോസഫ് അച്ചനോട് വിശദീകരിച്ചു.21ന് നടന്ന പ്രത്യേക യോഗത്തിലേക്ക് സിറോ മലബാര് സൊസൈറ്റി ജനറല് സെക്രട്ടറി നെല്സണ് വര്ഗീസ് ജോളി വടക്കനച്ചനെ സ്വാഗതം ചെയ്തു. ഗള്ഫ് മേഖലയിലെ എസ്.എം.സി.എയുടെ ഭാഗമായി ബഹ്റൈനില് രൂപംകൊണ്ട സിറോ മലബാര് സൊസൈറ്റിയുടെ പ്രാരംഭകാല പ്രവര്ത്തനങ്ങളെയും സൊസൈറ്റിയുടെ വളര്ച്ചെയയും കുറിച്ച് ആദ്യകാല പ്രവര്ത്തകനായ ജേക്കബ് വാഴപ്പിള്ളി വിശദീകരിച്ചു.ബഹ്റൈന് സിറോ മലബാര് സൊസൈറ്റിയിലെ ഭരണസമിതിയോട് അറേബ്യന് മേഖലയിലേക്കുള്ള തന്റെ നിയമനത്തിന്റെ…
മനാമ: ബഹ്റൈനില് 2026 ഏപ്രില് 13 മുതല് 15 വരെ ലോക എണ്ണ ശുദ്ധീകരണ ഉച്ചകോടി നടക്കും. ബാപ്കോ റിഫൈനിംഗുമായി സഹകരിച്ച് ബഹ്റൈന് എണ്ണ- പരിസ്ഥിതി മന്ത്രാലയമാണ് ഉച്ചകോടി സംഘടിപ്പിക്കുന്നത്.വേള്ഡ് റിഫൈനിംഗ് അസോസിയേഷന് സംഘടിപ്പിച്ച യൂറോപ്യന് റിഫൈനിംഗ് ടെക്നോളജി കോണ്ഫറന്സില് സംസാരിക്കവെ, ബഹ്റൈന് എണ്ണ- പരിസ്ഥിതി മന്ത്രിയും കാലാവസ്ഥാ കാര്യങ്ങളുടെ പ്രത്യേക പ്രതിനിധിയുമായ ഡോ. മുഹമ്മദ് ബിന് മുബാറക് ബിന് ദൈനയാണ് ഇക്കാര്യം പ്രഖ്യാപിച്ചത്. എണ്ണ ശുദ്ധീകരണ, പെട്രോകെമിക്കല്സ് വ്യവസായത്തിലെ ഒരു മുന്നിര പരിപാടിയായിരിക്കുമിത്. ലോകമെമ്പാടുമുള്ള വിദഗ്ധര്, വ്യവസായ പ്രമുഖര് തുടങ്ങിയവര് ഇതില് പങ്കെടുക്കും.
മനാമ: ബഹ്റൈനില് സ്വദേശി പുരുഷന്മാരുടെ വിദേശികളായ വിധവകള്ക്കും നിര്ബന്ധ ആരോഗ്യ ഇന്ഷുറന്സ് പരിരക്ഷ ബാധകമാക്കുമെന്ന് ആരോഗ്യ മന്ത്രി ഡോ. ജലീല അല് സയ്യിദ് അറിയിച്ചു.ആരോഗ്യ മന്ത്രാലയം ഇക്കാര്യം പരിശോധിച്ചിട്ടുണ്ട്. സുപ്രീം കൗണ്സില് ഫോര് ഹെല്ത്ത് ഇതിനായി ശുപാര്ശ ചെയ്തിട്ടുമുണ്ട്. ഇത് നടപ്പാക്കാന് 2018ലെ ആരോഗ്യ ഇന്ഷുറന്സ് നിയമം അനുവദിക്കുന്നുണ്ടെന്നും മന്ത്രി പറഞ്ഞു.
മനാമ: പൊതു, സ്വകാര്യ സ്കൂളുകളിലെ സെക്കന്ഡറി സ്കൂള് വിദ്യാര്ത്ഥികള്ക്കായി സംഘടിപ്പിച്ച ബഹ്റൈന് ഫില്ഹാര്മോണിക് ഓര്ക്കസ്ട്ര സംഗീതസാന്ദ്രമായി.ബഹ്റൈന് നാഷണല് തിയേറ്ററില് നടന്ന പരിപാടിയില് വിദ്യാഭ്യാസ മന്ത്രി ഡോ. മുഹമ്മദ് ബിന് മുബാറക് ജുമ പങ്കെടുത്തു. സംഗീതവിദ്വാന് ഡോ. മുബാറക് നജെമിന്റെ നേതൃത്വത്തിലായിരുന്നു പരിപാടി. വിദ്യാഭ്യാസ മന്ത്രാലയത്തിന്റെയും ബഹ്റൈന് അതോറിറ്റി ഫോര് കള്ചര് ആന്റ് ആന്റിക്വിറ്റീസിന്റെയും സഹകരണത്തോടെയാണ് പരിപാടി സംഘടിപ്പിച്ചത്.സൈദ്ധാന്തിക വിശദീകരണത്തിലൂടെയും തത്സമയ പ്രദര്ശനത്തിലൂടെയും ഓര്ക്കസ്ട്ര ഉപകരണങ്ങള്, അവയുടെ തരങ്ങള്, സംഗീത സവിശേഷതകള് എന്നിവ വിദ്യാര്ത്ഥികളെ പരിചയപ്പെടുത്തുന്ന ഒരു വിദ്യാഭ്യാസ സെഷന് ഡോ. മുബാറക് നജെം അവതരിപ്പിച്ചു.
മനാമ: ബഹ്റൈനില് നടന്ന ഗള്ഫ് ബാസ്കറ്റ്ബോള് അസോസിയേഷന് (ജി.ബി.എ) ഡ21 3×3 ചാമ്പ്യന്ഷിപ്പിന്റെ രണ്ട് വിഭാഗങ്ങളിലും ബഹ്റൈന് ടീമുകള് മികച്ച നേട്ടങ്ങള് കൈവരിച്ചു.വനിതാ വിഭാഗത്തില് ബഹ്റൈന് ടീം ചാമ്പ്യന്ഷിപ്പ് കിരീടം നേടി. ഖത്തര് രണ്ടാം സ്ഥാനത്തും ഒമാന് മൂന്നാം സ്ഥാനത്തുമെത്തി. പുരുഷ വിഭാഗത്തില് ബഹ്റൈന് ബി ഒന്നാം സ്ഥാനവും ഖത്തര് രണ്ടാം സ്ഥാനവും ബഹ്റൈന് എ മൂന്നാം സ്ഥാനവും നേടി.സമാപന ചടങ്ങില് ബഹ്റൈന് ഒളിമ്പിക് കമ്മിറ്റി വൈസ് പ്രസിഡന്റ് ഷെയ്ഖ് ഇസ ബിന് അലി അല് ഖലീഫ, ബഹ്റൈന് ബാസ്കറ്റ്ബോള് അസോസിയേഷന് പ്രസിഡന്റ് ഷെയ്ഖ് മുഹമ്മദ് ബിന് അഹമ്മദ് അല് ഖലീഫ, യു.എ.ഇ. ബാസ്കറ്റ്ബോള് അസോസിയേഷന് വൈസ് പ്രസിഡന്റ് അബ്ദുല് ലത്തീഫ് അല് ഫര്ദാന്, കുവൈത്ത് ബാസ്കറ്റ്ബോള് ഫെഡറേഷന് പ്രസിഡന്റ് ധാരി ബര്ഗസ്, ഗള്ഫ് ബാസ്കറ്റ്ബോള് അസോസിയേഷന് സെക്രട്ടറി ജനറല് സാദൂന് അല് കുവാരി എന്നിവര് പങ്കെടുത്തു.രണ്ടു മത്സരങ്ങളിലെയും മികച്ച മൂന്ന് ടീമുകളെ ഷെയ്ഖ് ഇസ ബിന് അലി കിരീടമണിയിച്ചു.
മനാമ: ബഹ്റൈനിലെ ഭാരതി അസോസിയേഷന് ശിശുദിനം ആഘോഷിച്ചു.ആഘോഷത്തോടനുബന്ധിച്ച് ഉമ്മുല് ഹസമിലെ അസോസിയേഷന് ആസ്ഥാനത്ത് കുട്ടികള്ക്കായി ചിത്രരചന, പ്രച്ഛന്നവേഷം, തമിഴ് പ്രസംഗം തുടങ്ങിയ മത്സരങ്ങള് സംഘടിപ്പിച്ചു.എന്റര്ടൈന്മെന്റ് സെക്രട്ടറി ഹന്സുല് ഗനിയുടെയും സാഹിത്യ സെക്രട്ടറി ഇളയരാജയുടെയും മേല്നോട്ടത്തിലാണ് മത്സരം സംഘടിപ്പിച്ചത്. അംഗങ്ങളും അതിഥികളും അഭ്യുദയകാംക്ഷികളുമായ നിരവധി പേര് പരിപാടിയില് പങ്കെടുത്തു.മൂന്ന് പ്രായ വിഭാഗങ്ങളിലായായിരുന്നു മത്സരങ്ങള്. ആദ്യ ഗ്രൂപ്പ് 6 മുതല് 8 വയസ് വരെയുള്ളവര്ക്കും രണ്ടാമത്തെ ഗ്രൂപ്പ് 9 മുതല് 11 വയസ് വരെയുള്ളവര്ക്കും മൂന്നാമത്തെ ഗ്രൂപ്പ് 12 മുതല് 15 വയസ് വരെയുള്ളവര്ക്കുമായിരുന്നു.മേനക മുകേഷും സൃഷ്ടി ജൈനുമായിരുന്നു ചിത്രരചനാ മത്സരത്തിന്റെ വിധികര്ത്താക്കള്. യഥാക്രമം ശ്രീപ്രിയന്, ഹിമിനിത്ത്, ഹന്വിത്ത് എന്നിവര് ഗ്രൂപ്പ് 1 വിഭാഗത്തില് ഒന്നും രണ്ടും മൂന്നും സമ്മാനങ്ങളും നുഹ അതിയ്യ, നരേന്ദ്രന്, മുഹമ്മദ് ഫാസിന് എന്നിവര് ഗ്രൂപ്പ് 2 വിഭാഗത്തില് ഒന്നും രണ്ടും മൂന്നും സമ്മാനങ്ങളും ആന്ഡ്രിയ ഷിര്വിന്, അക്ഷിത ബാലാജി, അക്ഷര സെന്തില്കുമാര് എന്നിവര് ഗ്രൂപ്പ് 3 വിഭാഗത്തില് ഒന്നും…
മനാമ: ബഹ്റൈനിലെ മുഹറഖ് അല്കുബ്റ (ഗ്രാന്ഡ്) ഗാര്ഡന് വികസനത്തിനായി മുന്സിപ്പാലിറ്റിയും ഫൗലത്ത് ഹോള്ഡിംഗ് കമ്പനിയും പങ്കാളിത്ത കരാര് ഒപ്പുവച്ചു.അഞ്ചു വര്ഷത്തേക്കാണ് ഈ ലാഭരഹിത കരാര്. ഇതനുസരിച്ച് സ്ഥിരമായ സംരക്ഷണം, സുരക്ഷ, ചില വികസന പ്രവര്ത്തനങ്ങള് എന്നിവയടക്കമുള്ള നടത്തിപ്പ് ചെലവ് കമ്പനി വഹിക്കും.പൊതുമേഖലാ- സ്വകാര്യ പങ്കാളിത്തത്തോടെ വികസനം സാധ്യമാക്കാനുള്ള നടപടികളുടെ ഭാഗമായാണ് കരാറുണ്ടാക്കിയതെന്ന് മുഹറഖ് മുനിസിപ്പല് കൗണ്സിലിലെ സര്വീസസ് ആന്റ് പബ്ലിക് യൂട്ടിലിറ്റി കമ്മിറ്റി ചെയര്മാന് അബ്ദുല് ഖാദര് അല് സയ്യിദ് പറഞ്ഞു. മുഹറഖിലെ ഹരിത ഇടങ്ങള് വികസിപ്പിക്കുന്നതിന് ഇത് ഉപകരിക്കുമെന്നും അദ്ദേഹം പറഞ്ഞു.
മനാമ: ബഹ്റൈനില് സര്ക്കാര് ആശുപത്രി വകുപ്പും ബി.ഡി.എയും സഹകരിച്ച് രാജ്യത്തിനകത്തും വിദേശത്തുനിന്നുമുള്ള പ്രമുഖ നഴ്സിംഗ്, ഹെല്ത്ത് കെയര് വിദഗ്ധരെ പങ്കെടുപ്പിച്ച് സംഘടിപ്പിച്ച ക്രിട്ടിക്കല്, എമര്ജന്സി, അഡ്വാന്സ് നഴ്സിംഗ് കോണ്ഫറന്സ് സുപ്രീം കൗണ്സില് ഓഫ് ഹെല്ത്ത് ചെയര്മാന് ലെഫ്റ്റനന്റ് ജനറല് ഡോ. ഷെയ്ഖ് മുഹമ്മദ് ബിന് അബ്ദുല്ല അല് ഖലീഫ ഉദ്ഘാടനം ചെയ്തു.ക്രിട്ടിക്കല്, എമര്ജന്സി കെയര്, അഡ്വാന്സ് നഴ്സിംഗ് എന്നിവയിലെ ഏറ്റവും പുതിയ ശാസ്ത്രീയ വികസനങ്ങളും നൂതന രീതികളും അവതരിപ്പിക്കുക, മെഡിക്കല്- നഴ്സിംഗ് പ്രൊഫഷണലുകള്ക്കിടയില് അറിവ് കൈമാറ്റം വര്ധിപ്പിക്കുക, ബഹ്റൈനിലെ ആരോഗ്യ സേവനങ്ങളുടെ പുരോഗതിയെ പിന്തുണയ്ക്കുക എന്നിവയാണ് രണ്ടു ദിവസം നീണ്ടുനില്ക്കുന്ന സമ്മേളനം ലക്ഷ്യമിടുന്നത്.രോഗീപരിചരണത്തിന്റെ ഗുണനിലവാരവുമായി അടുത്ത ബന്ധമുള്ള മേഖലകളിലെ വിദഗ്ധരെ ഒരുമിച്ച് കൊണ്ടുവരുന്ന ഒരു പ്രധാന ശാസ്ത്രീയ വേദിയാണ് സമ്മേളനമെന്ന് ഷെയ്ഖ് മുഹമ്മദ് ബിന് അബ്ദുല്ല പറഞ്ഞു. സര്ക്കാര് ആശുപത്രികളിലെ നഴ്സിംഗ് ജീവനക്കാരുടെ പ്രവര്ത്തനങ്ങളെയും ആരോഗ്യ സംരക്ഷണ സംവിധാനത്തില്, പ്രത്യേകിച്ച് തീവ്രപരിചരണ, അടിയന്തര വകുപ്പുകളില് അവരുടെ സുപ്രധാന പങ്കിനെയും അദ്ദേഹം അഭിനന്ദിച്ചു.പ്രാദേശിക,…
മനാമ: ബഹ്റൈനിലെ ഏറ്റവും പുതിയ വിനോദ ആകര്ഷണങ്ങളിലൊന്നായ കാപ്പിറ്റല് ഗവര്ണറേറ്റിലെ വാട്ടര് ഗാര്ഡന് സിറ്റിയില് പുതിയ നൃത്ത ജലധാരാ പദ്ധതി ഉദ്ഘാടനം ചെയ്തു.ടൂറിസം മന്ത്രി ഫാത്തിമ ബിന്ത് ജാഫര് അല് സൈറാഫി, കാപ്പിറ്റല് ഡെപ്യൂട്ടി ഗവര്ണര് ബ്രിഗേഡിയര് അമ്മാര് മുസ്തഫ അല് സയീദ്, സര്ക്കാര്- സ്വകാര്യ മേഖലയിലെ നിരവധി ഉദ്യോഗസ്ഥര് എന്നിവരുടെ സാന്നിധ്യത്തിലായിരുന്നു ഉദ്ഘാടനം.ബഹ്റൈന്റെ വൈദഗ്ധ്യവും അന്താരാഷ്ട്ര വിദഗ്ധരുടെ സഹകരണവും ഉപയോഗിച്ച് രൂപകല്പ്പന ചെയ്തിരിക്കുന്ന ഈ ജലധാരയില് സംവേദനാത്മക ജലം, വെളിച്ചം, സംഗീത പ്രദര്ശനങ്ങള് എന്നിവ ഉള്പ്പെടുന്നു. ഇത് സമഗ്രമായ ഒരു വിനോദകേന്ദ്രമെന്ന നിലയില് പ്രദേശത്തിന്റെ ആകര്ഷണം വര്ധിപ്പിക്കുകയും ബഹ്റൈന്റെ ടൂറിസം മേഖലയെ ശക്തിപ്പെടുത്തുകയും തീരപ്രദേശങ്ങളെ സമ്പന്നമാക്കുകയും ചെയ്യുമെന്ന് മന്ത്രി അല് സൈറാഫി പറഞ്ഞു.വാട്ടര് ഗാര്ഡന് സിറ്റിയെ കുടുംബങ്ങള്ക്ക് അനുയോജ്യമായ ഒരു വിനോദസഞ്ചാര, നിക്ഷേപ കേന്ദ്രമാക്കി മാറ്റുക എന്നതാണ് ലക്ഷ്യമെന്ന് ഇതിന്റെ നിര്മാണപ്രവര്ത്തനം നിര്വഹിച്ച അല്ബിലാദ് റിയല് എസ്റ്റേറ്റ് ഇന്വെസ്റ്റ്മെന്റിന്റെ ജനറല് മാനേജര് സിയാദ് അബ്ദുല് ലത്തീഫ് ജനാഹി പറഞ്ഞു.
മനാമ: ബഹ്റൈന് അന്താരാഷ്ട്ര വിമാനത്താവളത്തിലേക്കുള്ള സഞ്ചാര സൗകര്യ വികസനത്തിനായുള്ള നിര്മ്മാണ പ്രവര്ത്തനങ്ങള്ക്കായി ഖലീഫ അല് കബീര് ഹൈവേയില്നിന്ന് വിമാനത്താവളത്തിലേക്കും (വടക്ക്) ഖലീഫ അല് കബീര് ഹൈവേയില്നിന്ന് അറാദ് ഹൈവേയിലേക്ക് ഇടത്തേക്കും തിരിയുന്ന റോഡുകളും അറാദ് ഹൈവേയില്നിന്ന് ഖലീഫ അല് കബീര് ഹൈവേയിലൂടെ വിമാനത്താവളത്തിലേക്ക് (വടക്ക്) പോകുന്ന സ്ലിപ്പ് ലെയ്നും നവംബര് 21 (വെള്ളിയാഴ്ച) മുതല് മൂന്നു മാസത്തേക്ക് അടച്ചിടുമെന്ന് മരാമത്ത് മന്ത്രാലയം അറിയിച്ചു.ഗതാഗതത്തിന് ബദല് വഴികള് ഏര്പ്പെടുത്തും. എല്ലാവരുടെയും സുരക്ഷയ്ക്കായി എല്ലാ റോഡ് ഉപയോക്താക്കളും ഗതാഗത നിയമങ്ങള് പാലിക്കണമെന്ന് മന്ത്രാലയം അഭ്യര്ത്ഥിച്ചു.