Author: News Desk

തിരുവനന്തപുരം: ഒരു കുടുംബത്തിലെ നാലുപേരെ മരിച്ചനിലയിൽ കണ്ടെത്തി. തിരുവനന്തപുരം വക്കത്ത് സഹകരണ ബാങ്ക് ജീവനക്കാരനായ അനിൽകുമാർ, ഭാര്യ ഷീജ, രണ്ട് ആൺമക്കൾ എന്നിവരെയാണ് ഇന്ന് രാവിലെ തൂങ്ങിമരിച്ചനിലയിൽ കണ്ടെത്തിയത്. ഇവർക്ക് ചില സാമ്പത്തിക ബാദ്ധ്യതയുണ്ടായിരുന്നുവെന്നാണ് വിവരം. ആത്മഹത്യയാണെന്നാണ് നിഗമനം. കടയ്ക്കാവൂർ പൊലീസ് സ്ഥലത്തെത്തി നടപടികൾ സ്വീകരിച്ചു.

തിരുവനന്തപുരം: സംസ്ഥാനത്ത് മഴ മുന്നറിയിപ്പില്‍ മാറ്റം. കേരളത്തില്‍ മഴ കൂടുതല്‍ ശക്തി ആര്‍ജ്ജിക്കുന്നതായി കേന്ദ്ര കാലാവസ്ഥാ വകുപ്പ്. കണ്ണൂര്‍, കാസര്‍കോട് ജില്ലകളില്‍ റെഡ് നില്‍ക്കുന്നതായും. ബാക്കി ജില്ലകളില്‍ അതിശക്തമായ മഴ മുന്നറിയിപ്പായ ഓറഞ്ച് അലര്‍ട്ടും പുറപ്പെടുവിച്ചു.. അഞ്ച് ദിവസത്തെ മഴ പ്രവചനം റെഡ് അലര്‍ട്ട് 24/05/2025: കണ്ണൂര്‍, കാസറഗോഡ് 25/05/2025: മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് 26/05/2025: പത്തനംതിട്ട, കോട്ടയം, ഇടുക്കി, എറണാകുളം, തൃശൂര്‍, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളില്‍ കേന്ദ്ര കാലാവസ്ഥ വകുപ്പ് റെഡ് അലര്‍ട്ട് പ്രഖ്യാപിച്ചിരിക്കുന്നത്. അതിതീവ്രമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറില്‍ 204.4 മില്ലീമിറ്റര്‍ കൂടുതല്‍ മഴ ലഭിക്കുമെന്നാണ് അതിതീവ്രമായ മഴ എന്നത് കൊണ്ട് കാലാവസ്ഥ വകുപ്പ് അര്‍ത്ഥമാക്കുന്നത്. ഓറഞ്ച് അലര്‍ട്ട് 24/05/2025: തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്‍, പാലക്കാട്, മലപ്പുറം കോഴിക്കോട്, വയനാട് 25/05/2025: തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്‍,…

കോഴിക്കോട്: ബേപ്പൂര്‍ ഹാര്‍ബര്‍ റോഡ് ജംഗ്ഷനിലെ ലോഡ്ജ് മുറിയില്‍ കൊല്ലം സ്വദേശിയെ കഴുത്തറുത്തു മരിച്ച നിലയില്‍ കണ്ടെത്തി.വലപ്പണിക്കാരനായ സോളമന്റെ (58) മൃതദേഹമാണ് രാവിലെ കണ്ടെത്തിയത്. കൊലപാതകമാണെന്ന് സംശയിക്കുന്നു. ബേപ്പൂര്‍ പോലീസ് അന്വേഷണം തുടങ്ങി. എസ്.ഐമാരായ എം.കെ. ഷെനോജ് പ്രകാശ്, എം. രവീന്ദ്രന്‍ എന്നിവരുടെ നേതൃത്വത്തിലാണ് അന്വേഷണം.മറ്റൊരു ലോഡ്ജില്‍ താമസിച്ചിരുന്ന സോളമന്‍ ഇന്നലെ രാത്രിയാണ് ഒരുമിച്ച് ജോലി ചെയ്യുന്ന കൊല്ലം സ്വദേശി അനീഷിന്റെ ലോഡ്ജ് മുറിയില്‍ എത്തിയതെന്നറിയുന്നു. പുറത്തുനിന്ന് പൂട്ടിയ നിലയിലായിരുന്നു മുറി. ചോര കണ്ട് ലോഡ്ജ് ഉടമ മുറി തുറന്ന് പരിശോധിച്ചപ്പോഴാണ് മൃതദേഹം കണ്ടത്. കഴിഞ്ഞ രാത്രി തന്നെ അനീഷ് ലോഡ്ജില്‍നിന്ന് പോയതായി ഉടമ പോലീസിനോട് പറഞ്ഞു.

തിരുവനന്തപുരം: കോവിഡ് വീണ്ടും വ്യാപിക്കുന്ന പശ്ചാത്തലത്തിൽ ജില്ലകളിൽ നിരീക്ഷണം ശക്തമാക്കാൻ ആരോഗ്യ മന്ത്രി വീണാ ജോര്‍ജ് നിർദേശം നൽകി. മഞ്ഞപ്പിത്തം ബാധിക്കുന്നവര്‍. രോഗം പകരാന്‍ സാധ്യതയുള്ള കാലയളവില്‍ ആരോഗ്യ പ്രവര്‍ത്തകരുടെ നിര്‍ദേശങ്ങള്‍ കൃത്യമായി പാലിക്കണമെന്നും രോഗമുള്ളവർ ഭക്ഷണ ശാലകളിൽ ജോലിചെയ്യാൻ പാടില്ലെന്നും മന്ത്രിയുടെ ഓഫീസിൽ നിന്ന് പുറത്തുവിട്ട വാർത്താക്കുറിപ്പിൽ പറയുന്നു. മന്ത്രിയുടെ നേതൃത്വത്തില്‍ ജില്ലാ മെഡിക്കല്‍ ഓഫീസര്‍മാരുടേയും ജില്ലാ സര്‍വൈലന്‍സ് ഓഫീസര്‍മാരുടേയും യോഗം ഇന്ന് ചേര്‍ന്നിരുന്നു. ദക്ഷിണ പൂര്‍വേഷ്യന്‍ രാജ്യങ്ങളില്‍ കോവിഡ് കേസുകള്‍ വലിയ തോതില്‍ റിപ്പോര്‍ട്ട് ചെയ്യുന്നതായി ആരോഗ്യ വകുപ്പ് പറയുന്നു. സംസ്ഥാനത്ത് എവിടെയെങ്കിലും കോവിഡ് കേസുകള്‍ വര്‍ധിക്കുന്നുണ്ടോയെന്ന് കണ്ടെത്തി പ്രവര്‍ത്തനങ്ങള്‍ ഏകോപിപ്പിക്കണം. ജില്ലകള്‍ കൃത്യമായി കോവിഡ് കേസുകള്‍ റിപ്പോര്‍ട്ട് ചെയ്യണമെന്നും മന്ത്രി നിര്‍ദേശം നല്‍കി. 273 കോവിഡ് കേസുകളാണ് മേയ് മാസത്തില്‍ സംസ്ഥാനത്ത് റിപ്പോര്‍ട്ട് ചെയ്തിട്ടുള്ളത്. കോട്ടയം ജില്ലയില്‍ 82, തിരുവനന്തപുരം 73, എറണാകുളം 49, പത്തനംതിട്ട 30, തൃശൂര്‍ 26 എന്നിങ്ങനെയാണ് ഈ മാസത്തില്‍ ഇതുവരെ റിപ്പോര്‍ട്ട്…

മനാമ: ആരോഗ്യപരമായ ജീവിത രീതികളിൽ ബോധവൽക്കരിക്കലുൾപ്പെടെയുള്ള, പ്രവാസികളുടെ ആരോഗ്യ കാര്യങ്ങളിൽ ശ്രദ്ധ ഉദ്ദേശിച്ചു കൊണ്ട് ഐ.വൈ.സി.സി ഹമദ് ടൌൺ ഏരിയ കമ്മിറ്റിയുടെ ആഭിമുഖ്യത്തിൽ, ശിഫ അൽ ജസീറ ഹോസ്പിറ്റലുമായി സഹകരിച്ചു സൗജന്യ മെഡിക്കൽ ക്യാമ്പ് സംഘടിപ്പിക്കുന്നു. ഐ.വൈ.സി.സി യുടെ ആഭിമുഖ്യത്തിൽ നടക്കുന്ന 47-ാ മത് സൗജന്യ മെഡിക്കൽ ക്യാമ്പാണ് ശിഫ അൽ ജസീറ ഹമല ബ്രാഞ്ചിൽ വെച്ച് 2025 മെയ്‌ 30 നു നടക്കുന്നത്. ഐ.വൈ.സി.സി ബഹ്‌റൈൻ ദേശീയ പ്രസിഡന്റ്‌ ഷിബിൻ തോമസ് അടക്കമുള്ള, ദേശീയ ഭാരവാഹികളും, ഹോസ്പിറ്റൽ പ്രതിനിധികളുമടക്കം, സാമൂഹിക മേഖലകളിൽ ഉള്ളവർ സംബന്ധിക്കും. വിവിധ രീതിയിലുള്ള ബ്ലഡ് ടെസ്റ്റുകളും, ഡോക്ട‌റുടെ കൺസൽട്ടേഷൻ സേവനവും സൗജന്യമായി ലഭ്യമാവുന്ന ക്യാമ്പിലേക്ക് എല്ലാവരെയും ക്ഷണിക്കുന്നതായും, റെജിസ്ട്രേഷനും, കൂടുതൽ വിവരങ്ങൾക്കും താഴെ നൽകിയ നമ്പറുകളിൽ ബന്ധപ്പെടാമെന്നും ഐ.വൈ.സി.സി ബഹ്‌റൈൻ, ഹമദ് ടൌൺ ഏരിയ പ്രസിഡന്റ്‌ വിജയൻ ടി പി, ജനറൽ സെക്രട്ടറി ഹരിശങ്കർ പി എൻ, ട്രെഷറർ ശരത് കണ്ണൂർ എന്നിവർ അറിയിച്ചു.35682622, 35930418,…

മനാമ: ഫ്രഞ്ച് ആഭ്യന്തര മന്ത്രാലയവുമായി സഹകരിച്ച് നടന്ന റാപ്പിഡ് ഇന്റര്‍വെന്‍ഷന്‍ ആന്റ് ബില്‍ഡിംഗ് ബ്രീച്ച് കോഴ്സിന്റെ ബിരുദദാന ചടങ്ങില്‍ പൊതു സുരക്ഷാ മേധാവി ലെഫ്റ്റനന്റ് ജനറല്‍ താരിഖ് അല്‍ ഹസ്സന്‍ പങ്കെടുത്തു.ചടങ്ങില്‍ പ്രത്യേക സുരക്ഷാ സേനയുടെ കമാന്‍ഡര്‍ മേജര്‍ ജനറല്‍ വലീദ് അല്‍ ഷംസി, ഓപ്പറേഷന്‍സ് ആന്റ് ട്രെയിനിംഗ് പബ്ലിക് സെക്യൂരിറ്റി അസിസ്റ്റന്റ് ചീഫ് ബ്രിഗേഡിയര്‍ മുഹമ്മദ് അബ്ദുല്ല അല്‍ ഹറം എന്നിവരും പങ്കെടുത്തു. സ്പെഷ്യല്‍ സെക്യൂരിറ്റി ഫോഴ്സ്, പ്രോട്ടോക്കോള്‍, വി.ഐ.പി. പ്രൊട്ടക്ഷന്‍ ഡയറക്ടറേറ്റ് എന്നിവിടങ്ങളിലെ ഉദ്യോഗസ്ഥര്‍ കോഴ്സില്‍ പങ്കാളികളായിരുന്നു.സുരക്ഷാ ഉദ്യോഗസ്ഥരുടെ കാര്യക്ഷമതയും സന്നദ്ധതയും ശക്തിപ്പെടുത്താനുള്ള ആഭ്യന്തര മന്ത്രി ജനറല്‍ ഷെയ്ഖ് റാഷിദ് ബിന്‍ അബ്ദുല്ല അല്‍ ഖലീഫയുടെ നിര്‍ദ്ദേശങ്ങളെയും ഏറ്റവും പുതിയ അന്താരാഷ്ട്ര മാനദണ്ഡങ്ങള്‍ക്കനുസൃതമായി സുരക്ഷാ പരിശീലന സംവിധാനം വികസിപ്പിക്കുന്നതിനുള്ള അദ്ദേഹത്തിന്റെ സമര്‍പ്പണത്തെയും പൊതു സുരക്ഷാ മേധാവി പ്രശംസിച്ചു. പൊതുജനവിശ്വാസം ശക്തിപ്പെടുത്തുന്നതും നിയമപാലകരുടെ പ്രധാന ദൗത്യം ഉയര്‍ത്തിപ്പിടിക്കുന്നതുമായ ഉയര്‍ന്ന നിലവാരമുള്ള സുരക്ഷാ സേവനങ്ങള്‍ നല്‍കുന്നതിന് അത്തരം ശ്രമങ്ങള്‍ സംഭാവന ചെയ്യുമെന്ന്…

ബെര്‍ലിന്‍: മെയ് 21 മുതല്‍ 23 വരെ ജര്‍മ്മനിയിലെ ലീപ്‌സിഗില്‍ നടന്ന അന്താരാഷ്ട്ര ഗതാഗത ഫോറം (ഐ.ടി.എഫ്) ഉച്ചകോടിയില്‍ ബഹ്‌റൈന്‍ ഗതാഗത, ടെലികമ്മ്യൂണിക്കേഷന്‍ മന്ത്രി ഡോ. ഷെയ്ഖ് അബ്ദുള്ള ബിന്‍ അഹമ്മദ് അല്‍ ഖലീഫ പങ്കെടുത്തു. ഓര്‍ഗനൈസേഷന്‍ ഫോര്‍ ഇക്കണോമിക് കോ-ഓപ്പറേഷന്‍ ആന്റ് ഡെവലപ്മെന്റ് പ്രകാരം സംഘടിപ്പിച്ച ഉച്ചകോടിയില്‍ ഗതാഗത മന്ത്രിമാര്‍, അന്താരാഷ്ട്ര സംഘടനകള്‍, സ്വകാര്യ മേഖല പ്രതിനിധികള്‍, വിദഗ്ധര്‍, അക്കാദമിക് വിദഗ്ധര്‍ എന്നിവര്‍ ഒത്തുചേര്‍ന്നു.ഗതാഗത, ലോജിസ്റ്റിക് സംവിധാനങ്ങളുടെ പ്രതിരോധശേഷിയും സുസ്ഥിരതയും വര്‍ദ്ധിപ്പിക്കാനുള്ള ബഹ്റൈന്റെ സംയോജിത പരിപാടികളെക്കുറിച്ച് ഡോ. ഷെയ്ഖ് അബ്ദുള്ള ബിന്‍ അഹമ്മദ് പ്രസംഗത്തില്‍ പരാമര്‍ശിച്ചു. സമുദ്ര ഗതാഗതം ശക്തിപ്പെടുത്താനും വിതരണ ശൃംഖലകളില്‍ തുടര്‍ച്ച നിലനിര്‍ത്താനുമുള്ള ബഹ്റൈന്റെ സംരംഭങ്ങളെക്കുറിച്ചും അദ്ദേഹം സംസാരിച്ചു.

മനാമ: ബഹ്‌റൈനിലെ വനിതാ പോലീസ് ഉദ്യോഗസ്ഥര്‍ക്കായി കോസ്റ്റ് ഗാര്‍ഡ് സംഘടിപ്പിച്ച അടിസ്ഥാന സമുദ്ര ശാസ്ത്ര കോഴ്സില്‍ പങ്കെടുത്തവര്‍ക്കുള്ള ബിരുദദാന ചടങ്ങ് നടത്തി.വനിതാ പോലീസ് ഡയറക്ടര്‍ ജനറല്‍ മേജര്‍ ജനറല്‍ മോന അബ്ദുള്‍റഹീം, ആസൂത്രണ, സംഘടനാ അസിസ്റ്റന്റ് അണ്ടര്‍സെക്രട്ടറി ഷെയ്ഖ മഷായില്‍ ബിന്‍ത് ഖലീഫ അല്‍ ഖലീഫ എന്നിവര്‍ ചടങ്ങില്‍ പങ്കെടുത്തു.വിവിധ സമുദ്ര സാഹചര്യങ്ങളില്‍ ഫലപ്രദമായി പ്രതികരിക്കുന്നതിന് കഴിവും പ്രൊഫഷണലിസവും നല്‍കുക എന്ന ലക്ഷ്യത്തോടെയുള്ള പ്രത്യേക കോഴ്സ് തയ്യാറാക്കുന്നതിലും നടത്തുന്നതിലും കോസ്റ്റ് ഗാര്‍ഡ് വഹിച്ച പങ്കിനെ വനിതാ പോലീസ് ഡയറക്ടര്‍ ജനറല്‍ അഭിനന്ദിച്ചു.സമുദ്ര സുരക്ഷാ മേഖലയില്‍ സ്ത്രീകളെ ശാക്തീകരിക്കേണ്ടതിന്റെ പ്രാധാന്യം കോസ്റ്റ് ഗാര്‍ഡ് ആക്ടിംഗ് കമാന്‍ഡര്‍ പരാമര്‍ശിച്ചു. കടലിലും തീരങ്ങളിലും നിയമ നിര്‍വ്വഹണ ശേഷി വര്‍ദ്ധിപ്പിക്കുന്നതിലും ആധുനികവല്‍ക്കരിക്കുന്നതിലും ഇത് ഒരു പ്രധാന സ്തംഭമാണെന്ന് അദ്ദേഹം വിശേഷിപ്പിച്ചു. പ്രകടനം മെച്ചപ്പെടുത്തുന്നതിനും ഉയര്‍ന്ന തലത്തിലുള്ള തയ്യാറെടുപ്പും പ്രതികരണവും കൈവരിക്കുന്നതിനും അത്തരം പരിശീലനം നേരിട്ട് സംഭാവന ചെയ്യുന്നുണ്ടെന്ന് അദ്ദേഹം അഭിപ്രായപ്പെട്ടു.സ്‌പെഷ്യല്‍ സെക്യൂരിറ്റി ഫോഴ്‌സ്, റോയല്‍ പോലീസ് അക്കാദമി,…

മനാമ: ബഹ്‌റൈന്‍ ക്രിക്കറ്റ് ഫെഡറേഷനും (ബി.സി.എഫ്) ബഹ്‌റൈന്‍ ഐ.സി.സിയും സഹകരിച്ച് ഐ.സി.സി. ഗ്ലോബല്‍ ലെവല്‍ 3 കോച്ചിംഗ് കോഴ്സ് നടത്തും. ബഹ്‌റൈനില്‍ ആദ്യമായി നടക്കുന്ന ഈ കോഴ്സ് 2025 മെയ് 26 മുതല്‍ 30 വരെയായിരിക്കുമെന്ന് ബി.സി.എഫ്. അധികൃതര്‍ വാര്‍ത്താസമ്മേളനത്തില്‍ അറിയിച്ചു. ഈ കോഴ്സ് ആഗോള പ്ലാറ്റ്ഫോമില്‍ നടത്തുന്നത് ആദ്യമായാണ്. ഏഷ്യ, യൂറോപ്പ്, ആഫ്രിക്ക, അമേരിക്ക എന്നിവിടങ്ങളില്‍നിന്നുള്ള 20ലധികം ഉന്നത കോച്ചുമാര്‍ എത്തുമെന്ന് ഉപദേശക സമിതി ചെയര്‍മാന്‍ മുഹമ്മദ് മന്‍സൂര്‍ പറഞ്ഞു. ഈ കോഴ്‌സ് ഒരു സര്‍ട്ടിഫിക്കേഷന്‍ മാത്രമല്ല അതിര്‍ത്തികള്‍ക്കപ്പുറത്തുള്ള അറിവ്, മൂല്യങ്ങള്‍ എന്നിവ പങ്കിടുന്നതിനുള്ള ശക്തമായ വേദിയുമാണെന്ന് പ്രസിഡന്റ് സാമി അലി പറഞ്ഞു. രാജ്യങ്ങള്‍, അധ്യാപകര്‍, ഗെയിമിന്റെ വളര്‍ന്നുവരുന്ന നേതാക്കള്‍ എന്നിവര്‍ തമ്മിലുള്ള ശക്തമായ സഹകരണത്തെ ഇത് സൂചിപ്പിക്കുന്നു എന്ന് ജനറല്‍ സെക്രട്ടറി കിഷോര്‍ കെവല്‍റാം പറഞ്ഞു.ബഹ്‌റൈന്റെ ആഗോള കായിക പാരമ്പര്യം കെട്ടിപ്പടുക്കുന്നതിനുള്ള നേതൃത്വത്തിന്റെ പ്രതിബദ്ധതയാണ് ഈ സംരംഭം പ്രതിഫലിപ്പിക്കുന്നതെന്ന് കാപിറ്റല്‍ ഗവര്‍ണറേറ്റ് ഫോളോ-അപ്പ് ഡയറക്ടര്‍ യൂസഫ് ലോറി പറഞ്ഞു.…

ന്യൂഡൽഹി: അപകടം ഒഴിവാക്കാന്‍ വ്യോമാ അതിര്‍ത്തി കടക്കാനുള്ള ഇന്‍ഡിഗോ പൈലറ്റിന്റെ അഭ്യര്‍ത്ഥന നിരസിച്ച് പാകിസ്താന്‍. 277 യാത്രക്കാരുമായി സഞ്ചരിച്ച വിമാനം ഒടുവില്‍ സുരക്ഷിതമായി അടിയന്തര ലാന്‍ഡിങ് നടത്തി. ബുധനാഴ്ച ഡല്‍ഹിയില്‍ നിന്നും ശ്രീനഗറിലേക്ക് പോയ ഇന്‍ഡിഗോ വിമാനമാണ് ആകാശ ചുഴിയില്‍ പെട്ടത്. അപ്രതീക്ഷിതമായി ഉണ്ടായ കാറ്റും മഴയും ആണ് കാരണം. ആലിപ്പഴം വീഴ്ചയില്‍ വിമാനത്തിന്റെ മുന്‍ഭാഗത്തിന് കേടുപാടുകള്‍ സംഭവിച്ചിരുന്നു. ആകാശ ചുഴിയിയില്‍പ്പെട്ട വിമാനം ആടിയുലഞ്ഞു. യാത്രക്കാര്‍ പാരിഭ്രാന്തരായി. സാഗരിഗാ ഘോഷ്, മമതാ താക്കൂര്‍, മനാഫ് ബുനിയ ഉള്‍പ്പെടെ 5 തൃണമൂല്‍ കോണ്‍ഗ്രസ് നേതാക്കളും വിമാനത്തില്‍ ഉണ്ടായിരുന്നു. പ്രതിസന്ധിഘട്ടത്തില്‍ അപകടം ഒഴിവാക്കാനായി ആണ് ഇന്‍ഡിഗോ പൈലറ്റ് വ്യോമ പാത ഉപയോഗിക്കാന്‍ അനുവദിക്കണമെന്ന് ആവശ്യപ്പെട്ടത്. എന്നാല്‍ പൈലറ്റിന്റെ ആവശ്യം ലാഹോര്‍ എയര്‍ ട്രാഫിക് കണ്‍ട്രോള്‍ തള്ളി. തുടര്‍ന്ന് നേരത്തെ നിശ്ചയിച്ചിരുന്ന പാതയിലൂടെ തന്നെ വിമാനം മുന്നോട്ടുപോയി. ആറരെ യോടെ വിമാനം സുരക്ഷിതമായി ലാന്‍ഡ് ചെയ്തു. യാത്രക്കാരെയും ജീവനക്കാരെയും സുരക്ഷിതരായി പുറത്തേക്ക് എത്തിച്ചു. ഇന്ത്യ പാക്ക്…