Author: News Desk

മനാമ: ബഹ്‌റൈന്‍ മുനിസിപ്പാലിറ്റി കാര്യ- കൃഷി മന്ത്രി വഈല്‍ ബിന്‍ നാസര്‍ അല്‍ മുബാറക്കും ബഹ്റൈന്‍ അതോറിറ്റി ഫോര്‍ കള്‍ചര്‍ ആന്റ് ആന്റിക്വിറ്റീസ് (ബി.എ.സി.എ) പ്രസിഡന്റ് ഷെയ്ഖ് ഖലീഫ ബിന്‍ അഹമ്മദ് അല്‍ ഖലീഫയും മനാമയിലെ ചരിത്രപ്രസിദ്ധമായ മുനിസിപ്പാലിറ്റി കാര്യ കെട്ടിടത്തിന്റെ പുനരുദ്ധാരണ പ്രവൃത്തി പരിശോധിച്ചു. ഇവിടെ പ്രവൃത്തി ഇപ്പോള്‍ 60% പൂര്‍ത്തിയായിട്ടുണ്ട്.1919ല്‍ മനാമ മുനിസിപ്പാലിറ്റി സ്ഥാപിതമായതോടെ ആരംഭിച്ച ബഹ്റൈന്റെ പൈതൃകത്തോടും അതിന്റെ നീണ്ട മുനിസിപ്പല്‍ പാരമ്പര്യത്തോടുമുള്ള വിലമതിപ്പാണ് ഈ പദ്ധതി പ്രതിഫലിപ്പിക്കുന്നതെന്ന് മന്ത്രി പറഞ്ഞു. ഏറ്റവും ഉയര്‍ന്ന സംരക്ഷണ മാനദണ്ഡങ്ങള്‍ക്കനുസൃതമായി നടത്തിയ പുനരുദ്ധാരണം ഒരു പ്രധാന ദേശീയ നാഴികക്കല്ല് സംരക്ഷിക്കുകയും മേഖലയിലെ മുനിസിപ്പല്‍ ഭരണത്തില്‍ രാജ്യത്തിന്റെ മുന്‍നിര പങ്ക് ശക്തിപ്പെടുത്തുകയും ചെയ്യുന്നുവെന്നും അദ്ദേഹം പറഞ്ഞു.

മനാമ: ബഹ്‌റൈനില്‍ മയക്കുമരുന്ന് വില്‍പ്പന നടത്തിയ കേസില്‍ രണ്ട് ഡോക്ടര്‍മാര്‍ക്ക് ഹൈ ക്രിമിനല്‍ കോടതി വിധിച്ച 10 വര്‍ഷം തടവും 5,000 ദിനാര്‍ പിഴയും അപ്പീല്‍ കോടതി ശരിവെച്ചു.കേസിലെ മൂന്നാം പ്രതിയുടെ സഹായത്തോടെ പോലീസ് നടത്തിയ സ്റ്റിംഗ് ഓപ്പറേഷനിലാണ് ഒന്നും രണ്ടും പ്രതികളായ ഡോക്ടര്‍മാരെ പിടികൂടിയത്. റിഫയിലെ ഒരു വീട്ടിലെ മലിനജല പൈപ്പില്‍ ഒരാള്‍ ഇടയ്ക്കിടെ കാറില്‍ വന്ന് എന്തോ വസ്തുക്കള്‍ വെക്കുന്നുണ്ടെന്ന് റിപ്പോര്‍ട്ട് ലഭിച്ചതിനെ തുടര്‍ന്നാണ് പോലീസ് അന്വേഷണം ആരംഭിച്ചത്. അന്വേഷണത്തില്‍ പോലീസ് കാറുടമയെ കണ്ടെത്തി. ഇയാളെ പിടികൂടി ചോദ്യം ചെയ്തപ്പോള്‍ താന്‍ ഡോക്ടര്‍മാരില്‍നിന്ന് മയക്കുമരുന്ന് വാങ്ങുന്നുണ്ടെന്ന് സമ്മതിച്ചു.പോലീസ് ഇയാളെക്കൊണ്ട് ഒരു ഡോക്ടറെ വിളിപ്പിച്ച് 20 ദിനാറിന്റെ മയക്കുമരുന്ന് ആവശ്യപ്പെട്ടു. അത് കൈമാറാനെത്തിയ ഡോക്ടറെ മൂന്നംഗ രഹസ്യപ്പോലീസ് സംഘം പിടികൂടുകയായിരുന്നു. ചോദ്യം ചെയ്യലില്‍ മറ്റൊരു ഡോക്ടറും കൂടി മയക്കുമരുന്ന് വിപണത്തില്‍ പങ്കാളിയാണെന്ന് അയാള്‍ സമ്മതിച്ചു. ഇവരുടെ കാറുകളിലും താമസസ്ഥലങ്ങളിലും മറ്റുമായി മയക്കുമരുന്നുകള്‍ കണ്ടെത്തിയതിനെ തുടര്‍ന്നാണ് കേസെടുത്തത്.മയക്കുമരുന്ന് ഉപയോഗിച്ച കുറ്റത്തിന് മൂന്നാം…

മനാമ: ബഹ്‌റൈന്‍ തൊഴില്‍ വിപണിയിലെ തദ്ദേശീയരായ തൊഴിലാളികളില്‍ പത്തില്‍ ഏഴു പേര്‍ 40 വയസിന് താഴെയുള്ളവര്‍. 2025 ആദ്യപാദത്തിലെ കണക്കാണിത്.പൊതു, സ്വകാര്യ മേഖലകളിലായി 1,55,596 ബഹ്‌റൈനികള്‍ ജോലി ചെയ്യുന്നുണ്ട്. ഇതില്‍ 1,07,963 പേര്‍ 40 വയസിന് താഴെയുള്ളവരാണ്. പൊതുമേഖലയില്‍ 51,138 ബഹ്‌റൈനികളാണ് ജോലി ചെയ്യുന്നത്. ഇതില്‍ 30,470 പേര്‍ 40 വയസിന് താഴെയുള്ളവരാണ്. സ്വകാര്യ മേഖലയില്‍ ജോലി ചെയ്യുന്ന 1,04,457 ബഹ്‌റൈനി കളില്‍ 77,493 പേരാണ് 40 വയസിന് താഴെയുള്ളവര്‍.മൊത്തം ബഹ്‌റൈനി തൊഴിലാളികളില്‍ 52 ശതമാനം പുരുഷന്‍മാരും 48 ശതമാനംസ്ത്രീകളുമാണ്.

മനാമ: ബ്രിട്ടനില്‍ നടക്കുന്ന റാഷ്‌ഫോര്‍ഡ് ഇന്റര്‍നാഷണല്‍ എന്‍ഡുറന്‍സ് മത്സരത്തില്‍ ബഹ്‌റൈന്‍ റൈഡര്‍മാരെ രാജാവിന്റെ ജീവകാരുണ്യ പ്രവര്‍ത്തനങ്ങള്‍ക്കും യുവജന കാര്യങ്ങള്‍ക്കുമുള്ള പ്രതിനിധിയും റോയല്‍ എന്‍ഡുറന്‍സ് ടീം തലവനുമായ ഷെയ്ഖ് നാസര്‍ ബിന്‍ ഹമദ് അല്‍ ഖലീഫ നയിക്കും.ബഹ്‌റൈന്‍, യു.എ.ഇ, ബ്രിട്ടന്‍, സ്‌പെയിന്‍, ഇന്ത്യ എന്നിവിടങ്ങളില്‍നിന്നുള്ള മുന്‍നിര റൈഡര്‍മാര്‍ പങ്കെടുക്കുന്ന 120 കിലോമീറ്റര്‍ മത്സരത്തില്‍ ഷെയ്ഖ് നാസര്‍ പങ്കെടുക്കും. റോയല്‍ ടീമിലെ മറ്റംഗങ്ങള്‍ 160, 100 കിലോമീറ്റര്‍ മത്സരങ്ങളില്‍ പങ്കെടുക്കും.മത്സരങ്ങള്‍ക്കുള്ള കുതിരകളുടെ വെറ്ററിനറി പരിശോധനകള്‍ ചാമ്പ്യന്‍ഷിപ്പ് വില്ലേജില്‍ പൂര്‍ത്തിയായി. കുതിരസവാരിക്കാരുടെ ഭാരം പരിശോധിക്കുകയും തയ്യാറെടുപ്പുകള്‍ പൂര്‍ത്തിയാക്കുകയും ചെയ്തു. തുടര്‍ന്ന് പരിശീലനഓട്ടവുംനടന്നു.

മനാമ : ഐ.വൈ.സി.സി ബഹ്‌റൈൻ, ഇന്ത്യയുടെ 79-ാമത് സ്വാതന്ത്ര്യദിനത്തോടനുബന്ധിച്ച് ഹിദ്ദിൽ സൗജന്യ മെഡിക്കൽ ക്യാമ്പ് സംഘടിപ്പിച്ചു. പ്രവാസികളുടെ ആരോഗ്യ സംരക്ഷണം ലക്ഷ്യമിട്ട് ഹിദ്ദ് മിഡിൽ ഈസ്റ്റ് ഹോസ്പിറ്റലുമായി സഹകരിച്ചാണ് ഐ.വൈ.സി.സി.യുടെ ഹിദ്ദ് – അറാദ് ഏരിയ കമ്മിറ്റി സംഘടനയുടെ 50-ാമത് സൗജന്യ മെഡിക്കൽ ക്യാമ്പ് നടത്തിയത്. ഐ.വൈ.സി.സി ഹിദ്ദ് – അറാദ് ഏരിയ പ്രസിഡന്റ് റോബിൻ കോശി അധ്യക്ഷത വഹിച്ച ചടങ്ങ്, ദേശീയ പ്രസിഡന്റ് ഷിബിൻ തോമസ് ഉദ്ഘാടനം ചെയ്തു. ദേശീയ ജനറൽ സെക്രട്ടറി രഞ്ജിത്ത് മാഹി, ദേശീയ ട്രഷറർ ബെൻസി ഗനിയുഡ്, ഹോസ്പിറ്റൽ മാർക്കറ്റിങ് മേധാവി ജൂലിയസ് സീസർ, പ്രവാഹം ആർ.എസ്.പി. പ്രതിനിധി അൻവർ നഹാസ്, സാമൂഹിക പ്രവർത്തകൻ അഷ്‌റഫ് സി.എച്ച്., ഡോക്ടർ ജെയ്സ് ജോയ്, സിസ്റ്റർ മേരി, ഐ.വൈ.സി.സി. മുൻ ദേശീയ പ്രസിഡന്റ് ഫാസിൽ വട്ടോളി, ക്യാമ്പ് കോഡിനേറ്റർ മനോജ് അപ്പുക്കുട്ടൻ എന്നിവർ സംസാരിച്ചു.ഏരിയ സെക്രട്ടറി നിധിൻ ചെറിയാൻ സ്വാഗതം ആശംസിച്ചു. ക്യാമ്പ് കോഡിനേറ്റർ രാജേഷ് പന്മന നന്ദി…

തിരുവനന്തപുരം: സംസ്ഥാനത്ത് ഈ ദിവസങ്ങളിൽ കനത്ത മഴ സാധ്യത. ഇന്ന് എല്ലാ ജില്ലകളിലും മഴ മുന്നറിയിപ്പുണ്ട്. എറണാകുളം, ഇടുക്കി, തൃശ്ശൂർ, കണ്ണൂർ, കാസർകോട് എന്നീ അഞ്ച് ജില്ലകളിൽ ഓറഞ്ച് അലർട്ടാണ്. മറ്റ് ജില്ലകളിൽ യെല്ലോ അലർട്ടുണ്ട്. ശക്തമായ കാറ്റിനും സാധ്യതയുണ്ട്. കേരളാ തീരത്ത് 60 കി.മീ വരെ വേഗത്തിൽ കാറ്റ് വീശിയേക്കും. മത്സ്യബന്ധനത്തിന് വിലക്കുണ്ട്. അടുത്ത ദിവസങ്ങളിലും ശക്തമായ മഴയ്ക്ക് സാധ്യതയുണ്ട്. നാളെയും മറ്റന്നാളും കണ്ണൂർ, കാസർകോട് ജില്ലകളിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്.

തിരുവനന്തപുരം: പ്രധാനമന്ത്രിക്കെതിരെ രൂക്ഷ വിമർശനവുമായി മുഖ്യമന്ത്രി പിണറായി വിജയൻ. സ്വാതന്ത്ര്യദിന സന്ദേശത്തിൽ ആർഎസ്എസിനെ വെള്ളപൂശിയെന്നാണ് വിമർശനം. പെട്രോളിയം മന്ത്രാലയത്തിന്റെ സ്വാതന്ത്ര്യ ദിന കാർഡിൽ സവർക്കറെ മുകളിൽ പ്രതിഷ്ഠിച്ചത് ഗൂഢാലോചനയെന്നും മുഖ്യമന്ത്രി. ബ്രിട്ടീഷുകാർക്ക് പാദസേവ ചെയ്തവരെ മഹത്വവൽക്കരിക്കാൻ സ്വാതന്ത്ര്യദിനം തന്നെ തെരഞ്ഞെടുത്തത് സ്വാതന്ത്ര്യസമരത്തെ അപമാനിക്കാനാണ്. ഈ അപഹാസ്യ നടപടികൾ കൊണ്ടൊന്നും ആർഎസ്എസിനെപ്പോലെ വിഭജന രാഷ്ട്രീയത്തിന്റെ വിഷലിപ്തമായ ചരിത്രമുള്ള വർഗ്ഗീയ സംഘടനയെ വെള്ളപൂശാനാവില്ല. ഇന്ത്യൻ പ്രധാനമന്ത്രി സ്വാതന്ത്ര്യദിന പ്രസംഗത്തെ ആർഎസ്എസിനെ മഹത്വപ്പെടുത്താൻ ഉപയോഗിച്ചത് ആ ദിനത്തെ തന്നെ അവഹേളിക്കുന്നതിനു തുല്യമാണെന്നും മുഖ്യമന്ത്രി പ്രസ്താവനയിലൂടെ പറഞ്ഞു. മുഖ്യമന്ത്രിയുടെ പ്രസ്താവന ‘ഗാന്ധി വധത്തെത്തുടർന്ന് നിരോധിക്കപ്പെട്ട ആർഎസ്എസിനും വധഗൂഡാലോചനയിൽ വിചാരണ നേരിട്ട വിഡി സവർക്കർക്കും സ്വാതന്ത്ര്യത്തിന്റെ പിതൃത്വം ചാർത്തി കൊടുക്കാനുള്ള ശ്രമം ചരിത്ര നിഷേധമാണ്. ബ്രിട്ടീഷുകാർക്ക് പാദസേവ ചെയ്തവരെ മഹത്വവൽക്കരിക്കാൻ സ്വാതന്ത്ര്യദിനം തന്നെ തെരഞ്ഞെടുത്തത് സ്വാതന്ത്ര്യസമരത്തെ അപമാനിക്കാനാണ്. ഈ അപഹാസ്യ നടപടികൾ കൊണ്ടൊന്നും ആർഎസ്എസിനെപ്പോലെ വിഭജന രാഷ്ട്രീയത്തിന്റെ വിഷലിപ്തമായ ചരിത്രമുള്ള വർഗ്ഗീയ സംഘടനയെ വെള്ളപൂശാനാവില്ല. ഇന്ത്യൻ പ്രധാനമന്ത്രി സ്വാതന്ത്ര്യദിന പ്രസംഗത്തെ…

മനാമ: ബഹ്‌റൈനില്‍ ലൈസന്‍സില്ലാതെ വിദ്യാഭ്യാസ സ്ഥാപനങ്ങള്‍ നടത്തിയ ആറു പേര്‍ക്ക് ലോവര്‍ ക്രിമിനല്‍ കോടതി 1,000 മുതല്‍ 2,000 ദിനാര്‍ വരെ പിഴ ചുമത്തി.രാജ്യത്തുടനീളമുള്ള വിദ്യാഭ്യാസ സ്ഥാപനങ്ങളില്‍ വിദ്യാഭ്യാസ മന്ത്രാലയത്തിന്റെ ഉദ്യോഗസ്ഥര്‍ പരിശോധന നടത്തിയിരുന്നു. ഈ പരിശോധനയിലാണ് ആറു വിദ്യാഭ്യാസ സ്ഥാപനങ്ങള്‍ ലൈസന്‍സില്ലാതെ പ്രവര്‍ത്തിക്കുന്നതായി കണ്ടെത്തിയതെന്ന് പബ്ലിക് പ്രോസിക്യൂഷന്‍ അറിയിച്ചു.ഈ സ്ഥാപനങ്ങളില്‍ മൂന്നു മുതല്‍ 18 വയസ്സ് വരെ പ്രായമുള്ള കുട്ടികളെ പഠിപ്പിച്ചിരുന്നു. കിന്റര്‍ഗാര്‍ട്ടന്‍ നിയമങ്ങളൊന്നും പാലിക്കാതെയാണ് ഇവ നടത്തിയിരുന്നത്. ആവശ്യമായ സുരക്ഷാ സംവിധാനങ്ങളും ഏര്‍പ്പെടുത്തിയിരുന്നില്ല ചില സ്ഥാപനങ്ങളില്‍ 60 വരെ കുട്ടികളുണ്ടായിരുന്നു. ഇതൊക്കെ കണ്ടെത്തിയതിനെ തുടര്‍ന്നാണ്കേസടുത്തത്.

മനാമ: ബഹ്റൈനില്‍ യുവതിയെ ലൈംഗികത്തൊഴിലിന് നിര്‍ബന്ധിച്ച കേസില്‍ വിദേശികളായ ദമ്പതികള്‍ക്ക് ഹൈ ക്രിമിനല്‍ കോടതി മൂന്നു വര്‍ഷം തടവും 2,000 ദിനാര്‍ പിഴയും വിധിച്ചു.ഇരയായ യുവതിയെ നാട്ടിലേക്കയയ്ക്കാനുള്ള ചെലവ് ഇവര്‍ വഹിക്കണം. ശിക്ഷാ കാലാവധി പൂര്‍ത്തിയായ ശേഷം ഇവരെ നാടുകടത്താനും കോടതി ഉത്തരവിട്ടു.വനിതാ ഹെയര്‍ ഡ്രസ്സിംഗ് സലൂണിലേക്ക് ജോലിക്കെന്ന് പറഞ്ഞാണ് യുവതിയെ നാട്ടില്‍നിന്ന് കൊണ്ടുവന്നത്. ഇവിടെയെത്തിയപ്പോള്‍ ഇവര്‍ യുവതിയുടെ പാസ്‌പോര്‍ട്ട് വാങ്ങിവെച്ചു. പിന്നീട് ഫ്‌ളാറ്റില്‍ പൂട്ടിയിട്ട് ലൈംഗികത്തൊഴിലിന് നിര്‍ബന്ധിച്ചു.ജനറല്‍ ഡയറക്ടറേറ്റ് ഓഫ് ക്രിമിനല്‍ ഇന്‍വെസ്റ്റിഗേഷന്‍ ആന്റ് ഫൊറന്‍സിക് എവിഡന്‍സില്‍നിന്ന് ലഭിച്ച റിപ്പോര്‍ട്ടിന്റെ അടിസ്ഥാനത്തിലാണ് പോലീസ് അന്വേഷണം നടത്തിയത്. തെളിവുകള്‍ ലഭിച്ചതിനെ തുടര്‍ന്ന് പോലീസ് കേസ് പബ്ലിക് പ്രോസിക്യൂഷന് കൈമാറുകയായിരുന്നു. തുടര്‍ന്നാണ് പബ്ലിക് പ്രോസിക്യൂഷന്‍ കേസെടുത്തത്. വൃദ്ധയായ മാതാവിനെ സംരക്ഷിക്കാനാണ് താന്‍ ജോലിക്ക് വന്നതെന്ന് യുവതി കോടതിയില്‍പറഞ്ഞു.

മനാമ:ബഹ്റൈൻ മലയാളി ബിസിനസ് ഫോറം 11ാം മത് ബി.എം. ബി.എഫ് ഹെൽപ്പ് & ഡ്രിങ് 2025 നീണ്ടുനിൽക്കുന്ന കർമ പദ്ധതിയിൽ ഇന്ത്യൻ സ്വാതന്ത്ര്യദിനാ ആഘോഷങ്ങൾ കടുത്ത ഉഷ്ണദിനത്തിൽ തൂബ്ലി അൽ റാഷിദ് തൊഴിൽ മേഖലയിൽ വിവിധ ആഘോഷങ്ങളോടെ നടത്തപ്പെട്ടു…. ബഹ്റൈൻ മലയാളി ബിസിനസ് ഫോറം രക്ഷാധികാരി ശ്രീ. അനീഷ് കെ.വി.ഉത്ഘാടനം ചെയ്തു. തൊഴിലാളികൾക്ക് സ്വാതന്ത്ര്യ ദിനത്തിൽ ഭക്ഷണത്തിനും പാനീയങ്ങൾക്കും പുറമെ ത്രിവർണ കളറിലുള്ള ഐസ്ക്രീം. എനർജി ഡ്രിംങ് ഏറെ വ്യത്യസ്ത തയാൽ മനോഹരമായി…. ക്ഷണിക്കപ്പെട്ട വിവിധ സംഘടനാ ഭാരവാഹികളും സ്ഥാപന ഉടമകളും തൊഴിലാളികൾക്കിടയിൽ വിതരണത്തിന് മുൻനിരയിൽ നിന്ന് പ്രവർത്തിച്ചത് ഏറെ മാതൃകയായി ബഹ്റൈനിൽ ബി.എം. ബി.എഫ് എന്ന കച്ചവടക്കാരുടെ സംഘടനയാണ് കഴിഞ്ഞ പത്ത് വർഷമായി അത്യുഷ്ണ കാലത്ത് കടുത്ത ചൂടിൽ മൂന്ന് മാസത്തോളം നടത്തുന്ന ബി എം ബി എഫ് ഹെൽപ്പ് & ഡ്രിങ് പദ്ധതി ആദ്യമായി തൊഴിലാളികൾക്കിടയിൽ ബഹ്റൈനിൽ തുടക്കമിട്ടത് ക്രമേണെ ഇത്തരം പ്രവർത്തനങ്ങൾ മറ്റു സംഘടനകൾ മാതൃകയാക്കി പിൽക്കാലത്ത്…