Author: News Desk

ന്യൂഡൽഹി: രാജ്യത്തിന്റെ ശത്രുക്കളെ ഒറ്റക്കെട്ടായി ചെറുത്തുതോൽപ്പിക്കണമെന്ന് പ്രധാനമന്ത്രി നരേന്ദ്ര മോദി. ശത്രുക്കൾക്കെതിരെ എല്ലാവരും ഒന്നിച്ച് നിൽക്കേണ്ട സമയമാണിതെന്നും ‘രാജ്യം ആദ്യം’ എന്ന ആദർശം പിന്തുടരണമെന്നും അദ്ദേഹം ജനങ്ങളോട് അഭ്യർഥിച്ചു. രാജ്യത്തിന് ദോഷം വരുത്തുന്നവരും സമൂഹത്തെ ഭിന്നിപ്പിക്കാൻ ശ്രമിക്കുന്നവരും ഇന്ത്യൻ സംസ്കാരത്തെ എതിർക്കുന്ന മനോഭാവവും രാജ്യത്തിന്റെ ശത്രുക്കളാണെന്ന് മോദി പറഞ്ഞു. ഡൽഹിയിലെ ഐ.പി. എക്സ്റ്റൻഷനിൽ സംഘടിപ്പിച്ച വിജയദശമി ആഘോഷത്തിൽ സംസാരിക്കുകയായിരുന്നു അദ്ദേഹം. പതിനായിരത്തിലേറെ പേർ പരിപാടിയിൽ പങ്കെടുത്തു. നന്മയുടെയും ധർമത്തിന്റെയും വിജയമാണ് ദസറ അടയാളപ്പെടുത്തുന്നതെന്ന് പ്രധാനമന്ത്രി പറഞ്ഞു. ഇന്ത്യൻ സംസ്കാരമാണ് രാജ്യത്തിന്റെ അടയാളമെന്നും ശ്രീരാമന്റെ മൂല്യങ്ങൾ എല്ലാവരും മുറുകെപ്പിടിക്കണമെന്നും അദ്ദേഹം കൂട്ടിച്ചേർത്തു. പൊതുജനക്ഷേമമാണ് കേന്ദ്രസർക്കാരിന്റെ ലക്ഷ്യമെന്നും മോദി പറഞ്ഞു. ആഘോഷങ്ങളുടെ ഭാഗമായി രാവണന്റെ കോലം കത്തിച്ചു.

മനാമ: “ജീവിത വിജയത്തിന് ഖുർആൻ” എന്ന പ്രമേയത്തിൽ ഒക്ടോബർ 15 മുതൽ നവംബർ 20 വരെ ഫ്രൻഡ്‌സ് സ്റ്റഡി സർക്കിൾ നടത്തുന്ന ക്യാമ്പയിൻ്റെ മനാമ ഏരിയ ഉദ്ഘാടനം സിഞ്ചിലെ ഫ്രൻഡ്‌സ് സെൻ്ററിൽ സംഘടിപ്പിച്ചു. കേന്ദ്ര പ്രസിഡൻ്റ് സുബൈർ എം.എം ഉദ്ഘാടനം നിർവഹിച്ചു. മനുഷ്യജീവിതത്തിലെ എല്ലാ മേഖലകളിലും വിജയം കൈവരിക്കാൻ വിശുദ്ധ ഖുർആനിക അധ്യാപനങ്ങൾ ഉൾക്കൊണ്ട് ജീവിക്കുകയാണ് പോംവഴിയെന്ന് അദ്ദേഹം പറഞ്ഞു. വൈസ് പ്രസിഡൻ്റ് ജമാൽ നദ്‍വി വിഷയാവതരണം നടത്തി. നിത്യജീവിതത്തിലെ പ്രതിസന്ധികളെയും മാനസിക സംഘർഷങ്ങളെയും അതിജീവിക്കാൻ ഖുർആൻ നൽകുന്ന മാർഗനിർദ്ദേശങ്ങൾ ഏറെ സഹായകരമാണെന്ന് അദ്ദേഹം തൻ്റെ പ്രഭാഷണത്തിൽ വ്യക്തമാക്കി. ജീവിത വിശുദ്ധിയും കുടുംബബന്ധങ്ങളിലെ ഊഷ്മളതയും സാമൂഹിക ജീവിതത്തിലെ നീതിബോധവുമാണ് ഖുർആൻ മുന്നോട്ടുവെക്കുന്നത്. ഭൗതിക നേട്ടങ്ങൾക്കൊപ്പം ആത്മീയമായ സമാധാനവും കൈവരിക്കുമ്പോഴാണ് യഥാർഥ ജീവിത വിജയം സാധ്യമാകുന്നതെന്നും അദ്ദേഹം കൂട്ടിച്ചേർത്തു. മനാമ ഏരിയ ആക്ടിംഗ് പ്രസിഡന്റ് റിയാസ് യു.കെ അധ്യക്ഷത വഹിച്ചു പരിപാടിയിൽ കെ. എം.സി.സി നേതാക്കളായ കെപി മുസ്തഫ, ഫൈസൽ കോട്ടപ്പള്ളി, സലിം…

സൽമാബാദ്: സൽമാബാദ് മലയാളികളുടെ കൂട്ടായ്മയായ ഒരുമ സൽമാബാദിന്റെ ആഭിമുഖ്യത്തിൽ സംഘടിപ്പിച്ച “ഓണം ഒരുമയോടെ 2026” ആഘോഷം ഒക്ടോബർ 16-ന് സൽമാബാദിലെ ഇസ്മിർ ഹാളിൽ വർണാഭമായി നടന്നു. രാവിലെ 11.30-ന് ആരംഭിച്ച പരിപാടി വൈകിട്ട് 4 മണിയോടെ സമാപിച്ചു. പ്രവാസജീവിതത്തിലും കേരളത്തിന്റെ തനതായ സംസ്കാരവും പാരമ്പര്യവും കാത്തുസൂക്ഷിക്കാനും സൗഹൃദത്തിന്റെയും ഐക്യത്തിന്റെയും സന്ദേശം പങ്കുവെക്കാനും ലക്ഷ്യമിട്ടാണ് പരിപാടി സംഘടിപ്പിച്ചത്. ചടങ്ങിൽ പ്രദീപ് പുരവങ്കര മുഖ്യാതിഥിയായി പങ്കെടുത്തു. കെ. ടി. സലിം വിശിഷ്ടാതിഥിയായിരുന്നു. ഓണത്തിന്റെ സമൃദ്ധിയും കേരളീയ പാരമ്പര്യത്തിന്റെ തനിമയും വിളിച്ചോതുന്ന വിവിധ കലാ-സാംസ്കാരിക പരിപാടികൾ ആഘോഷത്തിന് മാറ്റുകൂട്ടി. ഏകദേശം 600 പേർക്കായി കേരളീയ രീതിയിലുള്ള ഓണസദ്യ ഒരുക്കിയത് ആഘോഷത്തിന്റെ പ്രധാന ആകർഷണമായി. പരസ്പര സ്നേഹവും സൗഹൃദവും പങ്കുവെച്ച് ഒത്തുചേർന്ന അംഗങ്ങൾക്കും കുടുംബങ്ങൾക്കും ആഘോഷം ഹൃദ്യമായ അനുഭവമായി. പത്തംഗ കോർ കമ്മിറ്റി അംഗങ്ങളുടെ കൂട്ടായ പരിശ്രമവും സംഘാടന മികവും പരിപാടിയുടെ വിജയത്തിൽ നിർണായക പങ്കുവഹിച്ചു. മലയാളികളുടെ ഐക്യവും സാംസ്കാരിക പൈതൃകവും ഉയർത്തിപ്പിടിച്ചുകൊണ്ട് സംഘടിപ്പിച്ച ഓണം ഒരുമയോടെ…

മനാമ: സിറോ മലബാർ സൊസൈറ്റി സംഘടിപ്പിച്ച വർക്ക് ഓഫ് മേഴ്‌സി അവാർഡ് 2026 ബഹ്‌റൈനിലെ വിവിധ ആശുപത്രികളിൽ സേവനമനുഷ്ഠിക്കുന്ന 101 നഴ്സുമാർക്ക് സമർപ്പിച്ചു. ന്യൂ സീസൺസ് ഹാളിൽ നടന്ന പ്രൗഢഗംഭീര ചടങ്ങിൽ നോർത്തേൺ അറേബ്യയുടെ അപ്പോസ്തോലിക് വികാർ ബിഷപ്പ് ആൽഡോ ബെറാർദി, ഡോ. ഹസൻ ഈദ് ബുഖമ്മസ് എം പി എന്നിവർ ചേർന്നാണ് അവാർഡ് സമർപ്പണം നിർവഹിച്ചത്. ബഹ്‌റൈൻ കാത്തലിക് നഴ്സിംഗ് മിനിസ്ട്രയെ പ്രതിനിധീകരിച്ച് വിനി ജിമ്മി, ജിംഷി ജോസ് എന്നിവർ ചേർന്ന് പ്രധാന സിംസ് വർക്ക് ഓഫ് മേഴ്‌സി അവാർഡ് 2026 ഏറ്റുവാങ്ങി. ബഹ്‌റൈൻ ചരിത്രത്തിലാദ്യമായി ബഹ്‌റൈൻ, ഇന്ത്യ, യുണൈറ്റഡ് കിംഗ്ഡം, ഫിലിപ്പീൻസ്, സൗത്ത് ആഫ്രിക്ക തുടങ്ങിയ രാജ്യങ്ങളിൽ നിന്നുള്ള നൂറിലധികം നഴ്സുമാരെ ഒരേ വേദിയിൽ ആദരിക്കുന്ന മഹത്തായ സംരംഭം യാഥാർഥ്യമാക്കിയ സിറോ മലബാർ സൊസൈറ്റിയുടെ പ്രവർത്തനങ്ങളെ ചടങ്ങിലെ മുഖ്യാതിഥികൾ അഭിനന്ദിച്ചു. ബിഷപ്പ് ആൽഡോ ബെറാർദി, ഡോ. ഹസൻ ഈദ് ബുഖമ്മസ്, ബി.കെ.ജി ഹോൾഡിംഗ് ചെയർമാനും മാനേജിങ് ഡയറക്ടറുമായ കെ.ജി.…

മനാമ: ബഹ്‌റൈനിൽ കൊമേഴ്‌സ്യൽ രജിസ്‌ട്രേഷൻ (സി.ആർ) നിയമങ്ങളും ലൈസൻസിങ് നിബന്ധനകളും ലംഘിക്കുന്ന സ്ഥാപനങ്ങൾക്ക് 2,500 ദിനാർ വരെ ഭരണപരമായ പിഴ ചുമത്താൻ തീരുമാനം. വ്യവസായ–വാണിജ്യ മന്ത്രി അബ്ദുല്ല ബിൻ ആദിൽ ഫഖ്‌റു ഇതുസംബന്ധിച്ച പുതിയ ഉത്തരവ് പുറപ്പെടുവിച്ചു. നിയമലംഘനത്തിന്റെ സ്വഭാവവും വ്യാപ്തിയും അനുസരിച്ചാണ് പിഴ നിശ്ചയിച്ചിരിക്കുന്നത്. ഉത്തരവിലെ ഭൂരിഭാഗം വ്യവസ്ഥകളും ഔദ്യോഗിക ഗസറ്റിൽ പ്രസിദ്ധീകരിച്ച് ആറുമാസത്തിനു ശേഷം പ്രാബല്യത്തിൽ വരും. എന്നാൽ ഉടമസ്ഥാവകാശവും നികുതി വിവരങ്ങളുമായി ബന്ധപ്പെട്ട നാല് നിയമലംഘനങ്ങൾക്കുള്ള ശിക്ഷകൾ ഉടൻ പ്രാബല്യത്തിൽ വരും. ഉടമസ്ഥാവകാശം മറച്ചുവെക്കുക, തെറ്റായ വിവരങ്ങൾ നൽകുക, ആവശ്യമായ അധിക വിവരങ്ങൾ കൈമാറാതിരിക്കുക, ടാക്സ് ഐഡന്റിഫിക്കേഷൻ നമ്പർ (ടി.ഐ.എൻ) ഇല്ലെന്ന് തെറ്റായി സാക്ഷ്യപ്പെടുത്തുക എന്നിവയ്ക്ക് 2,500 ദിനാർ വരെ പിഴ ചുമത്തും. കൊമേഴ്‌സ്യൽ രജിസ്‌ട്രേഷൻ ഇല്ലാതെ സ്ഥാപനം നടത്തുക, നിയമപരമായി അടച്ചുപൂട്ടിയ സ്ഥാപനം വീണ്ടും പ്രവർത്തിപ്പിക്കുക, അധികൃതർ പതിച്ച നിയമലംഘനമോ അടച്ചുപൂട്ടലോ സംബന്ധിച്ച സ്റ്റിക്കറുകൾ നീക്കം ചെയ്യുക എന്നീ കുറ്റങ്ങൾക്ക് 500 ദിനാർ വീതമാണ് പിഴ.…

കൊട്ടാരക്കര: ശബരിമല ദർശനം കഴിഞ്ഞ് മടങ്ങുകയായിരുന്ന അയ്യപ്പഭക്തർക്ക് മദ്യലഹരിയിലായിരുന്ന സംഘത്തിന്റെ മർദനമേറ്റു. ഒന്നരവയസ്സുള്ള കുഞ്ഞിനും സ്ത്രീകൾക്കും പരിക്കേറ്റു. ഇവരെ കൊട്ടാരക്കര താലൂക്ക് ആശുപത്രിയിൽ പ്രവേശിപ്പിച്ചു. സംഭവത്തിൽ കൊട്ടാരക്കര സ്വദേശികളായ പ്രണവ്, ഷിബിൻ, ശരത്, പ്രവീൺ എന്നിവരെ പൊലീസ് പിടികൂടി. തിങ്കളാഴ്ച രാത്രിയായിരുന്നു സംഭവം. അയ്യപ്പഭക്തർ സഞ്ചരിച്ച കാറിൽ മറ്റൊരു കാർ തട്ടിയതിനെത്തുടർന്ന് ഇരുകൂട്ടരും തമ്മിൽ വാക്കേറ്റമുണ്ടായി. പിന്നാലെ കാറിലുണ്ടായിരുന്ന കുടുംബത്തെ നാലംഗ സംഘം ആക്രമിക്കുകയായിരുന്നു. കുഞ്ഞിനെയും സ്ത്രീകളെയും ആക്രമിക്കുന്നത് കണ്ട വഴിയാത്രക്കാർ ഇടപെട്ടതോടെ യുവാക്കൾ അവരെയും മർദിച്ചെന്നാണ് വിവരം. സംഭവമറിഞ്ഞ് സ്ഥലത്തെത്തിയ പൊലീസ് യുവാക്കളെ കസ്റ്റഡിയിലെടുത്തു. വൈദ്യപരിശോധനയ്ക്കായി ആശുപത്രിയിലേക്ക് കൊണ്ടുപോകുന്നതിനിടെ യുവാക്കൾ പൊലീസിനോടും സ്ഥലത്തുണ്ടായിരുന്നവരോടും ആക്രോശിക്കുകയും വെല്ലുവിളിക്കുകയും ചെയ്യുന്ന ദൃശ്യങ്ങൾ പുറത്തുവന്നിട്ടുണ്ട്. യുവാക്കൾ അമിതമായി മദ്യപിച്ചിരുന്നുവെന്ന് പൊലീസ് പറഞ്ഞു. ഇവർ സഞ്ചരിച്ച കാറിൽനിന്ന് മദ്യക്കുപ്പികളും കണ്ടെടുത്തിട്ടുണ്ട്.

ബഹ്‌റൈനിലെ ബുദയ്യയിലുള്ള ശ്യാം കൃഷ്ണന്റെയും പത്മയുടെയും വസതിയിൽ ഒരുക്കിയ ബൊമ്മക്കൊലു മുപ്പതാം വർഷം ആഘോഷിക്കുന്നു. മൂവായിരത്തിലധികം പാവകൾ അണിനിരക്കുന്ന കൊലു കാണാൻ ദിവസവും നിരവധി പേരാണ് എത്തുന്നത്. ഇത്തവണ നൂറിലധികം പുതിയ ബൊമ്മകളും ശേഖരത്തിൽ ചേർത്തിട്ടുണ്ട്. https://youtu.be/49QzsuZ_gzo ബഹ്‌റൈനിൽ ജോലി ലഭിച്ചതോടെയാണ് ശ്യാം കൃഷ്ണൻ വർഷംതോറും ബൊമ്മക്കൊലു ഒരുക്കാൻ തുടങ്ങിയത്. പാലക്കാട്ടെ വീട്ടിൽ പാരമ്പര്യമായി ചെയ്തുവന്നിരുന്ന ചടങ്ങ് പ്രവാസജീവിതത്തിലും തുടരണമെന്നായിരുന്നു അദ്ദേഹത്തിന്റെ ആഗ്രഹം. വിവാഹശേഷം ഭാര്യ പത്മയും ഒരുക്കങ്ങൾക്ക് നേതൃത്വം നൽകി. തുടക്കത്തിൽ ഏതാനും വിഗ്രഹങ്ങൾ മാത്രമുണ്ടായിരുന്ന ശേഖരം, നാട്ടിലേക്കുള്ള ഓരോ യാത്രയിലും പുതിയവ വാങ്ങിയതോടെ വളർന്നു. ഇന്ന് വീട്ടിലെ ഒരു മുറി മുഴുവൻ ബൊമ്മക്കൊലുവിനായി മാറ്റിവെച്ചിരിക്കുകയാണ്. https://youtu.be/g9g6_lbWiAw?si=ttHsa-xD101FFWFh ‘ബ്രഹ്മാണ്ഡം’ എന്ന പ്രമേയത്തിനൊപ്പം മഹാവിഷ്ണുവിന്റെ വിശ്വരൂപദർശനം, കൃഷ്ണലീല, ഗുരുവായൂർ ക്ഷേത്രം, ശീവേലി എന്നിവയും ഒരുക്കത്തിൽ ഉൾപ്പെടുത്തിയിട്ടുണ്ട്. കാളി, കാമാക്ഷി, നവദുർഗ, അഷ്ടലക്ഷ്മി, സരസ്വതി തുടങ്ങിയ ദേവീ രൂപങ്ങളും വിവിധ പൂജാരീതികളും മറ്റൊരു വിഭാഗത്തിലുണ്ട്. ഇന്ത്യയുടെ ജി-20 ഉച്ചകോടിയും ചന്ദ്രയാൻ ദൗത്യവും അവതരിപ്പിച്ചിരിക്കുന്ന…

കണ്ണൂർ: സിപിഎം കണ്ണൂർ ജില്ലാ കമ്മിറ്റിയുടെ വിപുലീകൃത യോഗത്തിൽ ജില്ലാ സെക്രട്ടറി കെ.കെ. രാഗേഷിനെതിരെ പ്രതിനിധികളുടെ വിമർശനം. പയ്യന്നൂർ, തളിപ്പറമ്പ് മേഖലകളിലെ സംഘടനാപരമായ തർക്കങ്ങൾ പക്വതയോടെ പരിഹരിക്കാൻ ജില്ലാ സെക്രട്ടറിക്ക് കഴിഞ്ഞില്ലെന്ന് ചിലർ ആരോപിച്ചു. താഴെത്തട്ടിലെ അണികളുമായി രാഗേഷിന് വേണ്ടത്ര ബന്ധമില്ലെന്നും മുതിർന്ന നേതാക്കളെ മറികടന്നാണ് അദ്ദേഹത്തിന് സെക്രട്ടറി പദവി നൽകിയതെന്നും യോഗത്തിൽ വിമർശനമുയർന്നു. തദ്ദേശ സ്വയംഭരണ തെരഞ്ഞെടുപ്പിൽ പരമ്പരാഗത സ്വാധീനകേന്ദ്രങ്ങളിൽ പാർട്ടിക്ക് തിരിച്ചടി നേരിട്ടതിനു പിന്നാലെ, നിയമസഭാ തെരഞ്ഞെടുപ്പിലും യുഡിഎഫിന്റെ മുന്നേറ്റം തടയാൻ കഴിഞ്ഞില്ലെന്ന് പ്രതിനിധികൾ ചൂണ്ടിക്കാട്ടി. പാർട്ടിയുടെ ശക്തികേന്ദ്രങ്ങളായ തലശ്ശേരി, മട്ടന്നൂർ മണ്ഡലങ്ങളിൽ വോട്ട് കുറഞ്ഞതും ചർച്ചയായി. പരാജയത്തിന്റെ കാരണങ്ങൾ പരിശോധിക്കുന്നതിനുപകരം ഏരിയാ കമ്മിറ്റികളെ പഴിചാരിയെന്ന ആക്ഷേപവും ജില്ലാ സെക്രട്ടറിക്കെതിരെ ഉയർന്നു. എ.എൻ. ഷംസീറിനെ സ്ഥാനാർഥിയാക്കാതിരുന്നത് തലശ്ശേരിയിൽ തിരിച്ചടിയായെന്നാണ് യോഗത്തിലെ വിലയിരുത്തൽ. കണ്ണൂർ ജില്ലയിൽ മുസ്ലിം ന്യൂനപക്ഷ വിഭാഗത്തിൽനിന്നുള്ള പ്രാതിനിധ്യം ഇല്ലാതിരുന്നത് യുഡിഎഫിന് രാഷ്ട്രീയ മേൽക്കൈ നേടാൻ സഹായിച്ചെന്നും ചിലർ അഭിപ്രായപ്പെട്ടു. ഷംസീറിനെ വീണ്ടും മത്സരിപ്പിക്കാതിരുന്നപ്പോൾ ജില്ലാ സെക്രട്ടറിയാക്കണമായിരുന്നുവെന്ന…

മനാമ: ബഹ്‌റൈൻ പ്രതിഭ നാടകവേദിയുടെ നേതൃത്വത്തിൽ ബഹ്‌റൈനിലെ കുട്ടികൾക്കായി സംഘടിപ്പിച്ച ‘കൊച്ചരങ്ങ് 2026’ ഏകദിന നാടക പഠനക്കളരി ശ്രദ്ധേയമായി. ഒക്ടോബർ 16 വെള്ളിയാഴ്ച സൽമാനിയയിലെ പ്രതിഭ സെന്ററിൽ നടന്ന പഠനക്കളരിയിൽ 58 കുട്ടികൾ പങ്കെടുത്തു. ബഹ്‌റൈനിലെ പ്രമുഖ നാടക പ്രവർത്തകരായ ഹരീഷ് മേനോൻ, വിഷ്ണു നാടകഗ്രാമം എന്നിവർ ക്ലാസുകൾക്ക് നേതൃത്വം നൽകി. നാടകവേദി പ്രവർത്തകരുടെ നേതൃത്വത്തിൽ സംഘടിപ്പിച്ച ക്യാമ്പിൽ വിവിധതരം തിയേറ്റർ എക്സർസൈസുകളിലൂടെയും അഭിനയ പരിശീലനങ്ങളിലൂടെയും നാടകാഭിനയത്തിന്റെ സാധ്യതകളും വ്യത്യസ്ത അഭിനയരീതികളും കുട്ടികൾക്ക് പരിചയപ്പെടുത്തി. കളിയും ചിരിയും സർഗാത്മക പ്രവർത്തനങ്ങളും സമന്വയിപ്പിച്ച പഠനക്കളരി കുട്ടികൾക്ക് വേറിട്ട അനുഭവമായി. അഭിനയത്തിന്റെ അടിസ്ഥാനപാഠങ്ങൾ മനസ്സിലാക്കുന്നതിനൊപ്പം ആത്മവിശ്വാസവും കൂട്ടായ്മയും വളർത്തുന്നതിനും ക്യാമ്പ് അവസരമൊരുക്കി. ഡിസംബർ 18ന് ബഹ്‌റൈൻ പ്രതിഭ നാടകവേദി ബഹ്‌റൈനിലെ കുട്ടികൾക്കായി സംഘടിപ്പിക്കുന്ന ‘അരങ്ങേറ്റം-2026’ എന്ന നാടകമത്സരത്തിന്റെ മുന്നോടിയായാണ് ‘കൊച്ചരങ്ങ് 2026’ പഠനക്കളരി സംഘടിപ്പിച്ചത്.

കൊച്ചി: ഓൺലൈൻ സാമ്പത്തിക തട്ടിപ്പിൽ പണം നഷ്ടപ്പെട്ട വിവരം 24 മണിക്കൂറിനകം ബാങ്കിനെയും പൊലീസിനെയും അറിയിച്ച ഇടപാടുകാരിക്ക് 3.73 ലക്ഷം രൂപ തിരികെ നൽകണമെന്ന് സ്റ്റേറ്റ് ബാങ്ക് ഓഫ് ഇന്ത്യയോട് കേരള ഹൈക്കോടതി ഉത്തരവിട്ടു. പരാതിക്കാരിക്ക് തട്ടിപ്പിൽ പങ്കില്ലെന്ന് വ്യക്തമായ സാഹചര്യത്തിൽ, റിസർവ് ബാങ്കിന്റെ ‘സീറോ ലയബിലിറ്റി’ വ്യവസ്ഥയുടെ ആനുകൂല്യത്തിന് അവർ അർഹയാണെന്ന് ജസ്റ്റിസ് ഹരിശങ്കർ വി. മേനോൻ വ്യക്തമാക്കി. പരാതി തള്ളിയ ബാങ്കിങ് ഓംബുഡ്സ്മാന്റെ ഉത്തരവും കോടതി റദ്ദാക്കി. ചിപ്പില്ലാത്ത പഴയ ഡെബിറ്റ് കാർഡുകൾ എസ്ബിഐ ബ്ലോക്ക് ചെയ്യുമെന്ന അറിയിപ്പിന് പിന്നാലെയാണ് പരാതിക്കാരിക്ക് തട്ടിപ്പ് സന്ദേശം ലഭിച്ചത്. കാർഡ് ബ്ലോക്ക് ആകാതിരിക്കാൻ ഓൺലൈനായി വിവരങ്ങൾ പുതുക്കണമെന്ന് ആവശ്യപ്പെട്ട സന്ദേശത്തിന് പിന്നാലെ, അതേ നമ്പറിൽനിന്ന് ഒരാൾ വിളിക്കുകയും ‘സ്റ്റേറ്റ് ബാങ്ക് സെക്യൂർ ആപ്പ്’ ഇൻസ്റ്റാൾ ചെയ്യാനെന്ന വ്യാജേന ഒടിപി ചോദിക്കുകയും ചെയ്തു. ഒടിപി കൈമാറിയതിനു പിന്നാലെ അക്കൗണ്ടിൽനിന്ന് 3.75 ലക്ഷം രൂപ നഷ്ടപ്പെട്ടു. തട്ടിപ്പ് തിരിച്ചറിഞ്ഞ ഉടൻ പരാതിക്കാരി ബാങ്കിന്റെ കസ്റ്റമർ…