Author: News Desk

കൊച്ചി: അനധികൃത സ്വത്ത് സമ്പാദനക്കേസിൽ ശിക്ഷിക്കപ്പെട്ട മുൻ ഡിജിപി ടോമിൻ ജെ. തച്ചങ്കരിയുടെ ജാമ്യവ്യവസ്ഥയിൽ ഇളവ് തേടിയുള്ള ഹർജിയിൽ ഹൈക്കോടതി ചോദ്യങ്ങളുന്നയിച്ചു. ചികിത്സയിലായിരുന്നുവെന്ന് ചൂണ്ടിക്കാട്ടിയാണ് ജാമ്യം ലഭിച്ചതെങ്കിൽ, വിദേശത്ത് പോയി ജോലി ചെയ്യാൻ എങ്ങനെ കഴിയുമെന്നായിരുന്നു കോടതിയുടെ ചോദ്യം. യുഎഇയിലേക്ക് യാത്ര ചെയ്യാനും അവിടെ ജോലി ചെയ്യാനും അനുമതി നൽകണമെന്നാണ് തച്ചങ്കരിയുടെ ആവശ്യം. ഒക്ടോബർ 26 മുതൽ 2027 മാർച്ച് 31 വരെ യുഎഇയിൽ കഴിയാൻ അനുമതി നൽകണമെന്നും ഹർജിയിൽ ആവശ്യപ്പെട്ടിരുന്നു. ഷാർജയിലെ ഒരു ജ്വല്ലറി ഗ്രൂപ്പിൽ ഓപ്പറേഷൻസ് മാനേജരായി ജോലി ചെയ്യുകയാണെന്നും ദുബായിലെ ഐ.ടി. കൺസൾട്ടൻസി സ്ഥാപനത്തിൽ പങ്കാളിയാണെന്നും അദ്ദേഹം ഹർജിയിൽ പറയുന്നു. ഉടൻ ജോലിയിൽ പ്രവേശിച്ചില്ലെങ്കിൽ തൊഴിൽ നഷ്ടപ്പെടുമെന്നും അത് ഉപജീവനത്തെ ബാധിക്കുമെന്നും തച്ചങ്കരി ചൂണ്ടിക്കാട്ടി. അനധികൃത സ്വത്ത് സമ്പാദനക്കേസിൽ കോട്ടയം വിജിലൻസ് പ്രത്യേക കോടതി തച്ചങ്കരിയെ നാലുവർഷം തടവിനും 30.84 ലക്ഷം രൂപ പിഴയടയ്ക്കാനും ശിക്ഷിച്ചിരുന്നു. തുടർന്ന് ഹൈക്കോടതി ശിക്ഷാവിധി മരവിപ്പിച്ച് ജാമ്യം അനുവദിച്ചു. മുൻകൂർ അനുമതിയില്ലാതെ…

മനാമ: ബഹ്‌റൈനിൽ നവംബർ മാസത്തേക്കുള്ള ഇന്ധനവിലകൾക്ക് ഇന്ധന വിലനിർണയ-നിരീക്ഷണ സമിതി അംഗീകാരം നൽകി. ആഗോള വിപണിയിലെ മാറ്റങ്ങൾ പരിഗണിച്ചാണ് വില നിശ്ചയിച്ചതെന്ന് സമിതി അറിയിച്ചു. പുതുക്കിയ നിരക്കുകൾ നവംബർ 2 മുതൽ പ്രാബല്യത്തിൽ വരും. ലിറ്ററിന് ജയ്യിദ് 91 പെട്രോളിന് 0.235 ബഹ്‌റൈൻ ദിനാറും മുംതാസ് 95 പെട്രോളിന് 0.277 ദിനാറുമാണ് വില. സൂപ്പർ 98 പെട്രോളിന് 0.410 ദിനാറും ഡീസലിന് 0.260 ദിനാറുമാണ് പുതുക്കിയ നിരക്ക്. ബഹ്‌റൈൻ മത്സ്യത്തൊഴിലാളികൾക്കുള്ള ഡീസൽ സബ്‌സിഡി തുടരുമെന്നും സമിതി അറിയിച്ചു. ആഗോള വിപണിയിലെ മാറ്റങ്ങൾ നിരീക്ഷിച്ച് സാമ്പത്തിക സാഹചര്യങ്ങൾക്കനുസരിച്ച് വിലകൾ സന്തുലിതമായി നിലനിർത്താൻ ആവശ്യമായ നടപടികൾ സ്വീകരിക്കുമെന്നും സമിതി വ്യക്തമാക്കി.

തിരുവനന്തപുരം: കേരളത്തിന്റെ ഭാവിവികസനത്തിനും സമ്പദ്‌വ്യവസ്ഥയുടെ പുരോഗതിക്കും വൻകിട നിക്ഷേപങ്ങൾ അനിവാര്യമാണെന്ന് മുഖ്യമന്ത്രി വി.ഡി. സതീശൻ പറഞ്ഞു. ‘കേരള മോഡൽ’ വികസനം ചില തടസ്സങ്ങൾ നേരിടുന്നുണ്ടെന്നും കാലാനുസൃതമായ മാറ്റങ്ങളിലൂടെ സംസ്ഥാനത്തെ കൂടുതൽ മുന്നോട്ട് നയിക്കണമെന്നും അദ്ദേഹം അഭിപ്രായപ്പെട്ടു. കേരളത്തെ എല്ലാ മേഖലകളിലും ഒന്നാം സ്ഥാനത്തെത്തിക്കുകയാണ് സർക്കാരിന്റെ ലക്ഷ്യം. എന്നാൽ ഉയർന്ന ജനസാന്ദ്രതയും ഭൂമിയുടെ ലഭ്യതക്കുറവും വികസനത്തിന് വെല്ലുവിളിയാണ്. ഈ പരിമിതികൾക്കുള്ളിൽ നിന്നുകൊണ്ട് പുതിയ സാധ്യതകൾ കണ്ടെത്തണം. നിരവധി വ്യവസായികളും നിക്ഷേപകരും കേരളത്തിൽ നിക്ഷേപിക്കാൻ സർക്കാരിനെ സമീപിക്കുന്നുണ്ടെന്നും മുഖ്യമന്ത്രി പറഞ്ഞു. കേരളത്തിന്റെ ഭൂമിശാസ്ത്രപരമായ പ്രത്യേകതകൾ പ്രയോജനപ്പെടുത്തി സംസ്ഥാനത്തെ പ്രധാന തുറമുഖ നഗരമാക്കും. വ്യോമയാന മേഖലയിലെ സാധ്യതകൾ ഉപയോഗപ്പെടുത്തി കേരളത്തെ പ്രമുഖ ഏവിയേഷൻ ഹബ്ബാക്കി മാറ്റാനും ലക്ഷ്യമിടുന്നു. പുതിയ നിക്ഷേപങ്ങളിലൂടെ ഖജനാവിലേക്ക് വരുമാനം എത്തുകയും സാമ്പത്തിക ഭദ്രത ഉറപ്പാക്കുകയും ചെയ്യുന്നതിനാൽ നിക്ഷേപസൗഹൃദ അന്തരീക്ഷം ശക്തിപ്പെടുത്തേണ്ടത് അനിവാര്യമാണെന്നും അദ്ദേഹം വ്യക്തമാക്കി. ലോകമെമ്പാടും പ്രശസ്തമായ കേരളത്തിന്റെ മാനവവിഭവശേഷിയും കഴിവുള്ള യുവാക്കളും സംസ്ഥാനത്തിന്റെ വളർച്ചയ്ക്കായി ഫലപ്രദമായി പ്രയോജനപ്പെടുത്തണം. എല്ലാ മേഖലകളിലും…

മനാമ: “ഒരു കരുതൽ ഒരു പരിശോധന ഒരു ജീവിതം” എന്ന സന്ദേശവുമായി ബ്ലഡ് ഡോണേഴ്സ് കേരള (ബി.ഡി.കെ.) ബഹ്‌റൈൻ ചാപ്റ്റർ ലേഡീസ് വിങ്ങും കാൻസർ കെയർ ഗ്രൂപ്പും സംയുക്തമായി അൽ ഹിലാൽ മൾട്ടി സ്പെഷ്യാലിറ്റിമെഡിക്കൽ സെന്ററിന്റെ സഹകരണത്തോടെ സ്തനാർബുദ ബോധവൽക്കരണ പരിപാടി സംഘടിപ്പിച്ചു. സൽമാബാദിലെ അൽ ഹിലാൽ ഹാളിലായിരുന്നു പരിപാടി. ഡോ. പ്രിഥ്വിരാജ് ബോധവൽക്കരണ ക്ലാസിന് നേതൃത്വം നൽകി. പരിപാടിയുടെ ഭാഗമായി രക്തസമ്മർദ്ദം, രക്തത്തിലെ പഞ്ചസാരയുടെ അളവ്, ടോട്ടൽ കൊളസ്ട്രോൾ, യൂറിക് ആസിഡ്, വൃക്കകളുടെ പ്രവർത്തനം വിലയിരുത്തുന്നതിനുള്ള ക്രിയാറ്റിനിൻ പരിശോധന, എസ്.ജി.പി.ടി പരിശോധന എന്നിവ സൗജന്യമായി നടത്തി.സൽമാബാദിലെ അൽഹിലാലിൽ മൂന്ന് മാസത്തിനുള്ളിൽ ഒരു തവണ ഡോക്ടറെ കാണുന്നതിനുള്ള സൗജന്യ കൂപ്പണും പങ്കെടുത്തവർക്ക് നൽകി. ബി.ഡി.കെ. ജനറൽ സെക്രട്ടറി രേഷ്മ ഗിരീഷ് സ്വാഗതം ആശംസിച്ചു. പ്രസിഡന്റ് സുനിൽ മണവപ്പള്ളിൽ അധ്യക്ഷത വഹിച്ചു. ബി.ഡി.കെ. ചെയർമാനും കാൻസർ കെയർ ഗ്രൂപ്പ് ചീഫ് കോർഡിനേറ്ററുമായ കെ.ടി. സലിം, ട്രഷറർ ജിബിൻ ജോയ്, അൽ ഹിലാൽ മാർക്കറ്റിംഗ്…

മനാമ: കേരളത്തിൽ നിന്നുള്ള പ്രവാസികൾക്കായി നടപ്പിലാക്കുന്ന ഇൻഷുറൻസ് പദ്ധതിയുടെ പ്രീമിയം കേരളത്തിലെ പുതിയ കോൺഗ്രസ്സ് സർക്കാർ വർധിപ്പിച്ച നടപടി ഒരുതരത്തിലും അംഗീകരിക്കാനാവാത്തതാണ്. പ്രവാസി സമൂഹത്തിന്റെ സാമ്പത്തിക സുരക്ഷയെയും ക്ഷേമത്തെയും നേരിട്ട് ബാധിക്കുന്ന ഇത്തരം തീരുമാനങ്ങൾ കൈക്കൊള്ളുമ്പോൾ സർക്കാർ കൂടുതൽ ഉത്തരവാദിത്തത്തോടെയും ദീർഘവീക്ഷണത്തോടെയും പ്രവർത്തിക്കേണ്ടതുണ്ട്. അതിനാൽ, പ്രീമിയം വർധനവ് പുനഃപരിശോധിക്കുകയും പ്രവാസികൾക്ക് സാമ്പത്തികമായി താങ്ങാനാവുന്ന രീതിയിൽ പദ്ധതി മുന്നോട്ടുകൊണ്ടുപോകുകയും വേണം. അതേസമയം, മുൻ സർക്കാർ മതിയായ ആസൂത്രണവും ദീർഘകാല കാഴ്ചപ്പാടും ഉറപ്പാക്കാതെ ഈ ഇൻഷുറൻസ് പദ്ധതി നടപ്പിലാക്കിയിട്ടുണ്ടെങ്കിൽ അതും വിമർശനാത്മകമായി വിലയിരുത്തപ്പെടേണ്ടതാണ്. ഒരു ജനക്ഷേമ പദ്ധതി പ്രഖ്യാപിക്കുന്നതുകൊണ്ടുമാത്രം ഉത്തരവാദിത്തം അവസാനിക്കുന്നില്ല. പദ്ധതി എത്രത്തോളം പ്രായോഗികമാണ്, എത്രപേർക്ക് അതിന്റെ പ്രയോജനം ലഭിക്കും, സാമ്പത്തിക ബാധ്യത എത്രയായിരിക്കും, കാലക്രമേണ പദ്ധതി എങ്ങനെ നിലനിർത്താനാകും തുടങ്ങിയ കാര്യങ്ങൾ മുൻകൂട്ടി വിലയിരുത്തേണ്ടത് അനിവാര്യമാണ്. കേരളത്തിൽ ലക്ഷക്കണക്കിന് പ്രവാസികളും അവരുടെ കുടുംബങ്ങളുമുണ്ട്. ഗൾഫ് രാജ്യങ്ങൾ ഉൾപ്പെടെയുള്ള വിദേശരാജ്യങ്ങളിൽ കഠിനാധ്വാനം ചെയ്ത് കുടുംബത്തിന്റെ ജീവിതനിലവാരം മെച്ചപ്പെടുത്തുന്നതിനും കേരളത്തിന്റെ സമ്പദ്‌വ്യവസ്ഥയ്ക്ക് സംഭാവന നൽകുന്നതിനും…

മനാമ: ബഹ്‌റൈനിൽ സർക്കാർ അംഗീകാരത്തോടെ പ്രവർത്തിക്കുന്ന സാംസ്‌കാരിക, സാമൂഹിക, കായിക സംഘടനകൾക്കും ക്ലബ്ബുകൾക്കും സ്വകാര്യ സ്ഥാപനങ്ങൾക്കും നിയമലംഘനം നടത്തിയാൽ ഭരണപരമായ പിഴ ചുമത്താൻ വ്യവസ്ഥ ചെയ്യുന്ന ബിൽ ചൊവ്വാഴ്ച പാർലമെന്റിന്റെ പരിഗണനയ്ക്കും വോട്ടെടുപ്പിനുമായി സമർപ്പിക്കും. നിയമലംഘനങ്ങൾ തടയുന്നതിനായി മുന്നറിയിപ്പും പിഴയും ഉൾപ്പെടുന്ന ഘട്ടംഘട്ടമായ നടപടികളാണ് സർക്കാർ തയ്യാറാക്കിയ ബില്ലിൽ നിർദേശിച്ചിരിക്കുന്നത്. ആവശ്യമായ ഭേദഗതികളോടെ ബിൽ അംഗീകരിക്കണമെന്ന് സർവീസസ് കമ്മിറ്റി ശുപാർശ ചെയ്തിട്ടുണ്ട്. പുതിയ ഭേദഗതി പ്രകാരം നിയമലംഘനം കണ്ടെത്തിയാൽ അത് പരിഹരിക്കാൻ അധികൃതർ ആദ്യം നിശ്ചിത സമയം അനുവദിച്ച് മുന്നറിയിപ്പ് നൽകും. ഇത് അവഗണിച്ചാൽ 50 ബഹ്‌റൈൻ ദീനാർ വരെ പിഴ ചുമത്താം. നിയമലംഘനം ആവർത്തിച്ചാൽ പിഴ ഇരട്ടിയാകും. മുൻ കരടിൽ നിർദേശിച്ചിരുന്നതുപോലെ ക്ലബ്ബിന്റെയോ അസോസിയേഷന്റെയോ ഭരണസമിതി അംഗങ്ങളെ നേരിട്ട് പുറത്താക്കാൻ സർക്കാരിന് അധികാരം നൽകുന്ന വ്യവസ്ഥ പുതിയ ബില്ലിലില്ല. മുന്നറിയിപ്പ് അവഗണിക്കുന്ന ഭാരവാഹികൾക്കെതിരെ നടപടി ആവശ്യപ്പെട്ട് ബന്ധപ്പെട്ട മന്ത്രി കോടതിയെ സമീപിക്കണമെന്നാണ് ഭേദഗതിയിലെ വ്യവസ്ഥ. പിഴയ്‌ക്കെതിരെ 15 ദിവസത്തിനകം പരാതി…

മനാമ: നാട്ടിലേക്ക് മടങ്ങുന്ന വടകര സഹൃദയവേദി ബഹ്‌റൈൻ രക്ഷാധികാരി സുരേഷ് മണ്ടോടിക്ക് സംഘടനയുടെ നേതൃത്വത്തിൽ സ്നേഹോഷ്മളമായ യാത്രയയപ്പ് നൽകി. ഒക്ടോബർ 29ന് വൈകിട്ട് സൽമാനിയയിലെ ഇന്ത്യൻ ഡിലൈറ്റ് റെസ്റ്റോറന്റിൽ നടന്ന ചടങ്ങിൽ പ്രസിഡന്റ് എൻ. പി. അഷ്‌റഫ് അധ്യക്ഷത വഹിച്ചു. സെക്രട്ടറി എം. സി. പവിത്രൻ സ്വാഗതം പറഞ്ഞു. വിനീഷ് എം. പി. അവതാരകനായിരുന്നു. പ്രസിഡന്റ് എൻ. പി. അഷ്‌റഫ് സുരേഷ് മണ്ടോടിയെ പൊന്നാട അണിയിച്ച് ആദരിച്ചു. സെക്രട്ടറി എം. സി. പവിത്രൻ സ്മരണികയും ട്രഷറർ രഞ്ജിത് ഉപഹാരവും കൈമാറി. മുഖ്യ രക്ഷാധികാരി ആർ. പവിത്രൻ, ട്രഷറർ രഞ്ജിത്, രക്ഷാധികാരികളായ ശിവദാസ് എം., ശശിധരൻ എം., സജീവൻ പാക്കയിൽ, വനിതാവേദി പ്രസിഡന്റ് സന്ധ്യ വിനോദ്, സെക്രട്ടറി ശ്രീജി രഞ്ജിത് എന്നിവർ ആശംസകൾ നേർന്നു. വിജയൻ കാവിൽ, ഇന്ദു പവിത്രൻ, നിർമല ശിവദാസ്, ഷാജി വളയം, ലത്തീഫ് കോഴിക്കൽ, സത്യൻ പേരാമ്പ്ര, അജേഷ്, ശ്രീജിത്ത് മൊകേരി, എം. എം. ബാബു, ശാലിനി ഷാജി,…

മനാമ: പ്രവാസജീവിതം അവസാനിപ്പിച്ച് നാട്ടിലേക്ക് മടങ്ങുന്ന ഒഐസിസി കോഴിക്കോട് ജില്ലാ കമ്മിറ്റി വൈസ് പ്രസിഡന്റ് സുരേഷ് മണ്ടോടിക്ക് ജില്ലാ കമ്മിറ്റിയുടെ നേതൃത്വത്തിൽ യാത്രയയപ്പ് നൽകി. സൽമാനിയയിലെ ഇന്ത്യൻ ഡിലൈറ്റ്സ് റെസ്റ്റോറന്റിൽ നടന്ന ചടങ്ങിൽ ജില്ലാ പ്രസിഡന്റ് ശ്രീജിത്ത് പനായി അധ്യക്ഷത വഹിച്ചു. വിൻസെന്റ് തോമസ് സ്വാഗതം പറഞ്ഞു. ഒഐസിസി ഗ്ലോബൽ ജനറൽ സെക്രട്ടറി രാജു കല്ലുംപുറം, ദേശീയ പ്രസിഡന്റ് ഗഫൂർ ഉണ്ണികുളം, ഗ്ലോബൽ കമ്മിറ്റി അംഗം ബിനു കുന്നന്താനം, വർക്കിങ് പ്രസിഡന്റ് ബോബി പാറയിൽ, ഓർഗനൈസിങ് ജനറൽ സെക്രട്ടറി മനു മാത്യു, ദേശീയ വൈസ് പ്രസിഡന്റ് ഗിരീഷ് കാളിയത്ത്, ട്രഷറർ ലത്തീഫ് ആയഞ്ചേരി, ജനറൽ സെക്രട്ടറി എം.എസ്. സെയ്ദ്, ദേശീയ സെക്രട്ടറിമാരായ രഞ്ജൻ കച്ചേരി, രജിത് മൊട്ടപ്പാറ, ദേശീയ കമ്മിറ്റി അംഗം ബിജുബാൽ സി.കെ. എന്നിവർ ആശംസകൾ നേർന്നു. സംഘടനയുടെ വളർച്ചയ്ക്കും പ്രവർത്തനങ്ങൾക്കും സുരേഷ് മണ്ടോടി നൽകിയ സംഭാവനകളെ നേതാക്കൾ അനുസ്മരിക്കുകയും യാത്രാമംഗളങ്ങൾ നേരുകയും ചെയ്തു. ദേശീയ, ജില്ലാ ഭാരവാഹികളും പ്രവർത്തകരും…

തിരുവനന്തപുരം: ബാറുകളിൽ മദ്യപിക്കാനെത്തുന്ന എല്ലാവരുടെയും ആധാർ കാർഡ് പരിശോധിക്കണമെന്ന നിർദേശമല്ല സർക്കാർ നൽകിയതെന്ന് എക്സൈസ് മന്ത്രി എം. ലിജു വ്യക്തമാക്കി. 23 വയസ്സ് തികഞ്ഞിട്ടില്ലെന്ന് സംശയം തോന്നുന്നവരുടെ പ്രായം ആധാർ കാർഡ് പരിശോധിച്ച് ഉറപ്പാക്കിയ ശേഷമേ മദ്യം നൽകാവൂവെന്നും അദ്ദേഹം പറഞ്ഞു. 23 വയസ്സാണ് സംസ്ഥാനത്ത് മദ്യം വാങ്ങാനുള്ള കുറഞ്ഞ പ്രായം. പ്രായപരിധി കർശനമായി പാലിക്കണം. പ്രായപൂർത്തിയാകാത്തവരാണെന്ന് സംശയം തോന്നിയാൽ ആധാർ കാർഡ് നിർബന്ധമായും പരിശോധിക്കണമെന്നും മന്ത്രി വ്യക്തമാക്കി. മദ്യം നൽകുന്നതിന് മുമ്പ് പ്രായം ഉറപ്പാക്കേണ്ടത് ബാർ ലൈസൻസുകാരുടെ ഉത്തരവാദിത്തമാണെന്നും അദ്ദേഹം കൂട്ടിച്ചേർത്തു. മാധ്യമങ്ങൾ തന്റെ പ്രതികരണം തെറ്റായി വ്യാഖ്യാനിച്ചുവെന്നും മന്ത്രി പറഞ്ഞു. മദ്യപ്രായപരിധി പാലിക്കാത്തതിലെ വീഴ്ചയാണ് നെടുമ്പാശ്ശേരി മിനികൂപ്പർ അപകടം ഉൾപ്പെടെയുള്ള സംഭവങ്ങളിൽ കണ്ടതെന്നും ഇത്തരം സംഭവങ്ങൾ ആവർത്തിക്കരുതെന്നും അദ്ദേഹം ചൂണ്ടിക്കാട്ടി. സംസ്ഥാന സർക്കാരിന്റെ പുതിയ എക്സൈസ് നയം നവംബറിൽ നിലവിൽ വരും. ഇക്കാര്യം ഹൈക്കോടതിയെ അറിയിച്ചിട്ടുണ്ടെന്നും എൽ.ഡി.എഫ് സർക്കാരിന്റെ മദ്യനയത്തിൽനിന്ന് യു.ഡി.എഫിന്റേത് വ്യത്യസ്തമായിരിക്കുമെന്നും മന്ത്രി വ്യക്തമാക്കി.

മനാമ: ബഹ്‌റൈൻ സന്ദർശനത്തിനെത്തിയ രാജ്യസഭാംഗവും പാർലമെന്റ് ഓഫ് ഇന്ത്യയിലെ അംഗവുമായ രാജത്തി സൽമ ഇന്ത്യൻ എംബസിയിൽ അംബസ്സോടെർ ഡോ. പ്രദീപ് സിംഗ് രാജ്പുരോഹിതുമായി സൗഹൃദ സന്ദർശനം നടത്തി. ഭാരതി അസോസിയേഷൻ പ്രസിഡന്റ് വള്ളം ബഷീർ, ജനറൽ സെക്രട്ടറി അബ്ദുൽ ഖയ്യൂം എന്നിവർക്കൊപ്പമാണ് അവർ എംബസിയിലെത്തിയത്. എംബസി ഉദ്യോഗസ്ഥരുമായി സൗഹാർദപരമായ ചർച്ചകൾ നടത്തി. ആശയവിനിമയത്തിനും ഇന്ത്യയും ബഹ്‌റൈനും തമ്മിലുള്ള സൗഹൃദവും സഹകരണവും ശക്തിപ്പെടുത്തുന്നതിനും സന്ദർശനം അവസരമൊരുക്കി.