Author: News Desk

‘ഇന്ത്യ ബുക്ക് ഓഫ് റെക്കോർഡ്സ് 2026’-ൽ നാല് പേർ; 17-ാം വയസ്സിൽ ലോക ചാമ്പ്യൻഷിപ്പ് അമ്പയറായി ധനശ്യാം മനാമ: പ്രതിഭയുടെ വ്യത്യസ്ത മേഖലകളിൽ മികവ് തെളിയിച്ച് ബഹ്‌റൈനിലെ ഇന്ത്യൻ സ്‌കൂളിലെ നാല് വിദ്യാർഥികൾ ‘ഇന്ത്യ ബുക്ക് ഓഫ് റെക്കോർഡ്സ് 2026’-ൽ ഇടം നേടി. സീനിയർ, ജൂനിയർ കാമ്പസുകളിലെ വിദ്യാർഥികളാണ് നേട്ടം സ്വന്തമാക്കിയത്. പന്ത്രണ്ടാം ക്ലാസ് വിദ്യാർഥി ധനശ്യാം ശ്യാം 17-ാം വയസ്സിൽ ബി.ഡബ്ല്യു.എഫ്. വേൾഡ് ചാമ്പ്യൻഷിപ്പിൽ അമ്പയറായി സേവനമനുഷ്ഠിച്ച ഏറ്റവും പ്രായം കുറഞ്ഞ വ്യക്തിയെന്ന റെക്കോർഡാണ് സ്വന്തമാക്കിയത്. ഫെബ്രുവരി 8 മുതൽ 14 വരെ ബഹ്‌റൈനിൽ നടന്ന ബി.ഡബ്ല്യു.എഫ്. പാരാ ബാഡ്മിന്റൺ വേൾഡ് ചാമ്പ്യൻഷിപ്പിലാണ് ധനശ്യാം അമ്പയറായി പ്രവർത്തിച്ചത്. ബഹ്‌റൈൻ ബാഡ്മിന്റൺ ആൻഡ് സ്‌ക്വാഷ് ഫെഡറേഷന്റെ ക്ഷണപ്രകാരമായിരുന്നു നിയമനം. ജൂനിയർ കാമ്പസിലെ ഒന്നാം ക്ലാസ് വിദ്യാർഥിനി ഇനാം മാലിക് ഐക്യരാഷ്ട്രസഭ അംഗീകരിച്ച 195 രാജ്യങ്ങളെ ദേശീയ പതാകകൾ നോക്കി തിരിച്ചറിയുകയും ലോകഭൂപടത്തിൽ ചൂണ്ടിക്കാണിക്കുകയും ചെയ്തതിനാണ് ‘ഐ.ബി.ആർ. അച്ചീവർ’ അംഗീകാരം നേടിയത്. യുകെജി…

കാസർകോട്: ഭാര്യയുടെ മൃതദേഹത്തിനരികെ നാമം ജപിച്ചുകൊണ്ടിരിക്കെ ഭർത്താവും മരിച്ചു. മണിക്കൂറുകളുടെ വ്യത്യാസത്തിലാണ് ദേവീഭാഗവത സപ്താഹ യജ്ഞാചാര്യനും പാഠകം കലാകാരനുമായ പുതുപ്പള്ളി ഇരവിനല്ലൂർ കരിവേലി ഇല്ലത്ത് എൻ. ദേവദത്തൻ നമ്പൂതിരി (88), ഭാര്യ ഗിരിജാദേവി അന്തർജനം (75) എന്നിവർ മരിച്ചത്. മകൻ സതീഷ് ഡി. കരിവേലി കാസർകോട് ഗവ. ഗേൾസ് വി.എച്ച്.എസ്.എസ് അധ്യാപകനാണ്. വിദ്യാനഗർ പാറക്കട്ടയിലെ സതീഷിന്റെ വീട്ടിലായിരുന്നു സംഭവം. ഗിരിജാദേവി അന്തർജനം 14ന് രാത്രി 11.30ഓടെയാണ് മരിച്ചത്. ഭാര്യയുടെ വിയോഗവിവരം ദേവദത്തനെ ഇന്നലെ രാവിലെ എട്ടോടെയാണ് അറിയിച്ചത്. തുടർന്ന് ഭാര്യയുടെ മൃതദേഹത്തിനരികെ ഇരുന്ന് നാമം ജപിച്ചുകൊണ്ടിരിക്കെ ദേവദത്തന് ദേഹാസ്വാസ്ഥ്യം അനുഭവപ്പെടുകയായിരുന്നു. ഉടൻ കാസർകോട്ടെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ദേവദത്തന്റെയും ഗിരിജാദേവിയുടെയും സംസ്കാരം ഇരവിനല്ലൂർ കരിവേലി ഇല്ലം വളപ്പിൽ നടത്തി.

കൊച്ചി: മെസ്സിയുടെ പേരിൽ നടന്നതായി ആരോപിക്കപ്പെടുന്ന തട്ടിപ്പ് കേസുമായി ബന്ധപ്പെട്ട് സംസ്ഥാനത്തിന്റെ വിവിധ ഭാഗങ്ങളിൽ നടക്കുന്ന പരിശോധനകൾ അന്വേഷണത്തിന്റെ ഭാഗമായുള്ള നിയമാനുസൃത നടപടികളാണെന്ന് മുഖ്യമന്ത്രി വി.ഡി. സതീശൻ വ്യക്തമാക്കി. വാർത്താസമ്മേളനത്തിൽ സംസാരിക്കുകയായിരുന്നു അദ്ദേഹം. റിപ്പോർട്ടർ ചാനലിന്റെ വാർത്താ സംപ്രേഷണം തടസ്സപ്പെടുത്തിയെന്ന ആരോപണം തനിക്ക് അറിയില്ലെന്ന് മുഖ്യമന്ത്രി പറഞ്ഞു. റെയ്ഡ് നടന്ന വിവരം പോലും അതേ ചാനലിലൂടെയാണ് അറിഞ്ഞതെന്നും അദ്ദേഹം കൂട്ടിച്ചേർത്തു. മെസ്സി തട്ടിപ്പ് കേസിൽ പ്രത്യേക അന്വേഷണ സംഘം (എസ്‌ഐടി) നടത്തുന്ന അന്വേഷണത്തിന്റെ ഭാഗമായാണ് റിപ്പോർട്ടർ ചാനൽ ഓഫീസിൽ പരിശോധന നടന്നതെന്ന് മുഖ്യമന്ത്രി പറഞ്ഞു. മെസ്സിയുടെ പേരിൽ വലിയ സാമ്പത്തിക തട്ടിപ്പാണ് നടന്നിരിക്കുന്നതെന്നും, എവിടെ പരിശോധന നടത്തണമെന്നത് പൊലീസ് തീരുമാനിക്കുന്ന വിഷയമാണെന്നും അതിൽ സർക്കാരിന് യാതൊരു ഇടപെടലുമില്ലെന്നും അദ്ദേഹം വ്യക്തമാക്കി. മുൻ ഇടത് സർക്കാരിന്റെ കാലത്ത് മാധ്യമ സ്ഥാപനങ്ങൾക്കെതിരെ നിരവധി നടപടികൾ സ്വീകരിച്ചിരുന്നുവെന്നും, ഏഷ്യാനെറ്റ് ന്യൂസിനെതിരായ കേസും റെയ്ഡും അതിന്റെ ഉദാഹരണമാണെന്നും മുഖ്യമന്ത്രി ഓർമ്മിപ്പിച്ചു. മാസപ്പടി കേസുമായി ബന്ധപ്പെട്ട് വീണയുടെ ഡയറിയിലെ…

മനാമ: കേരളീയ കലാരൂപങ്ങളും സംഗീതവിരുന്നും ഓണസദ്യയും ഒത്തുചേർന്ന ആഘോഷമായി ബഹ്‌റൈൻ നവകേരള സംഘടിപ്പിച്ച ‘നവകേരളോണം 2026’. ബിഎംസി ഹാളിൽ നടന്ന പരിപാടിയിൽ മലയാളത്തിന്റെ സാംസ്കാരിക തനിമയും ഓണത്തിന്റെ ഐക്യസന്ദേശവും നിറഞ്ഞുനിന്നു. അമാദ് ഗ്രൂപ്പ് ഓഫ് കമ്പനീസ് മാനേജിങ് ഡയറക്ടറും വ്യവസായിയും സാമൂഹിക പ്രവർത്തകനുമായ പമ്പാവാസൻ നായർ മുഖ്യാതിഥിയായി പങ്കെടുത്തു. നാടുമായുള്ള പ്രവാസികളുടെ ആത്മബന്ധം നിലനിർത്തുന്നതിനും പരസ്പര സൗഹൃദവും സഹകരണവും ശക്തിപ്പെടുത്തുന്നതിനും സാംസ്കാരിക കൂട്ടായ്മകൾ നിർണായക പങ്കുവഹിക്കുന്നതായി അദ്ദേഹം പറഞ്ഞു. ബഹ്‌റൈൻ നവകേരളയുടെ പ്രവർത്തനങ്ങളെ അദ്ദേഹം അഭിനന്ദിച്ചു. നവകേരള പ്രസിഡന്റ് പ്രവീൺ മേൽപ്പത്തൂർ അധ്യക്ഷത വഹിച്ചു. ജനറൽ സെക്രട്ടറി രാജ് കൃഷ്ണൻ സ്വാഗതവും കോർഡിനേഷൻ സെക്രട്ടറി ജേക്കബ് മാത്യു ആശംസകളും നേർന്നു. പ്രോഗ്രാം ജനറൽ കൺവീനർ ബിജു മലയിൽ നന്ദി പറഞ്ഞു. തിരുവാതിരക്കളി, തെയ്യം, വിവിധ നൃത്താവതരണങ്ങൾ എന്നിവ ആഘോഷത്തിന് നിറപ്പകിട്ടേകി. സോപാനം വാദ്യകലാസംഘത്തിന്റെ നേതൃത്വത്തിലുള്ള കലാപരിപാടികളും ജ്വാല മ്യൂസിക് ബാൻഡിന്റെ ഗാനമേളയും സദസ്സിന്റെ ശ്രദ്ധ നേടി. ജോയിന്റ് കൺവീനർമാരായ റൈസൺ വർഗീസ്,…

മനാമ: ബഹ്‌റൈന്റെ ജൂൺ മാസത്തെ ദേശീയ ഉൽപന്ന കയറ്റുമതിയിൽ അലുമിനിയം, ഇരുമ്പ്, സ്റ്റീൽ മേഖലകൾക്ക് ആധിപത്യം. ആകെ 259 ദശലക്ഷം ദിനാറിന്റെ കയറ്റുമതിയിൽ 77 ശതമാനവും ഈ മേഖലകളിൽ നിന്നാണെന്ന് ഇൻഫർമേഷൻ ആൻഡ് ഇ-ഗവൺമെന്റ് അതോറിറ്റിയുടെ കണക്കുകൾ വ്യക്തമാക്കുന്നു. ഇവയുടെ സംയുക്ത കയറ്റുമതി മൂല്യം 199.5 ദശലക്ഷം ദിനാറാണ്. അലുമിനിയവും അനുബന്ധ ഉൽപന്നങ്ങളും 116.2 ദശലക്ഷം ദിനാറിന്റെ കയറ്റുമതി നേടി. ഇരുമ്പും സ്റ്റീലും 50.2 ദശലക്ഷം ദിനാറും ഇവ ഉപയോഗിച്ച് നിർമിച്ച ഉൽപന്നങ്ങൾ 33.1 ദശലക്ഷം ദിനാറും സംഭാവന ചെയ്തു. അലോയ് അലുമിനിയം വയറുകളുടെ കയറ്റുമതിയിലാണ് ശ്രദ്ധേയമായ വർധന രേഖപ്പെടുത്തിയത്. മാർച്ചിൽ 1.3 ദശലക്ഷം ദിനാറായിരുന്ന കയറ്റുമതി ഏപ്രിലിൽ 6.3 ദശലക്ഷമായും മേയിൽ 12.1 ദശലക്ഷമായും ഉയർന്നു. ജൂണിൽ ഇത് 19.1 ദശലക്ഷം ദിനാറിലെത്തി. വർഷത്തിലെ ആദ്യ രണ്ടു മാസങ്ങളിലെ ശരാശരിയെക്കാൾ 219.7 ശതമാനം കൂടുതലാണിത്. അമേരിക്കയും സൗദി അറേബ്യയുമാണ് അലുമിനിയം വയറുകളുടെ പ്രധാന വിപണികൾ. അമേരിക്കയിലേക്ക് 10.1 ദശലക്ഷം ദിനാറിന്റെയും…

മുഹറഖ്: 2026ലെ സ്കൈട്രാക്സ് വേൾഡ് എയർപോർട്ട് അവാർഡ്സിൽ മൂന്ന് പുരസ്‌കാരങ്ങൾ സ്വന്തമാക്കി ബഹ്‌റൈൻ അന്താരാഷ്ട്ര വിമാനത്താവളം. യാത്രക്കാരുടെ എണ്ണം സാധാരണ നിലയിലേക്ക് തിരിച്ചെത്തുന്നതിനിടയിലും സേവനനിലവാരത്തിലും പ്രവർത്തനക്ഷമതയിലും മികവ് നിലനിർത്തിയാണ് നേട്ടമെന്ന് വിമാനത്താവളത്തിന്റെ നടത്തിപ്പുകാരായ ബഹ്‌റൈൻ എയർപോർട്ട് കമ്പനി അറിയിച്ചു. പ്രതിവർഷം 50 ലക്ഷം മുതൽ ഒരു കോടി വരെ യാത്രക്കാരെ കൈകാര്യം ചെയ്യുന്ന വിഭാഗത്തിൽ ലോകത്തിലെ മികച്ച വിമാനത്താവളമായി തുടർച്ചയായ രണ്ടാം വർഷവും ബഹ്‌റൈൻ തിരഞ്ഞെടുക്കപ്പെട്ടു. മിഡിൽ ഈസ്റ്റിലെ മികച്ച വിമാനത്താവള ജീവനക്കാർക്കുള്ള പുരസ്‌കാരവും ലഭിച്ചു. 2013, 2023, 2024 വർഷങ്ങളിലെ നേട്ടങ്ങൾക്ക് പിന്നാലെ നാലാം തവണയാണ് ഈ അംഗീകാരം. മിഡിൽ ഈസ്റ്റിലെ ഏറ്റവും വൃത്തിയുള്ള വിമാനത്താവളമെന്ന പുരസ്‌കാരവും തുടർച്ചയായ രണ്ടാം വർഷം സ്വന്തമാക്കി. ലോകത്തിലെ മികച്ച 100 വിമാനത്താവളങ്ങളുടെ സ്കൈട്രാക്സ് പട്ടികയിൽ ബഹ്‌റൈൻ 20ാം സ്ഥാനത്തെത്തി. ഇതോടെ മിഡിൽ ഈസ്റ്റിൽ ഏറ്റവും ഉയർന്ന റാങ്കുള്ള മൂന്ന് വിമാനത്താവളങ്ങളിൽ ഒന്നായി ബഹ്‌റൈൻ മാറി. പ്രതിവർഷം മൂന്ന് കോടി വരെ യാത്രക്കാരെ കൈകാര്യം…

മനാമ: ബഹ്‌റൈനിലെ കടയ്ക്കൽ നിവാസികളുടെ കൂട്ടായ്മായ കടയ്ക്കൽ സൗഹൃദവേദി ബഹ്‌റൈൻ സംഗമവും, ലോഗോ പ്രകാശനവും സൽമാനിയ ഇന്ത്യൻ ഡിലൈറ്സിൽ വച്ച് നടന്നു. https://youtu.be/B27fvMtndf8?si=6nRzBnePZYXTlWtH സ്റ്റാർവിഷൻ ഇവെന്റ്സ് & മീഡിയ ഗ്രൂപ്പ് ചെയർമാൻ സേതുരാജ് കടയ്ക്കൽ, മാസ്റ്റർ ജഗൻ എന്നിവർ ചേർന്ന് ലോഗോ പ്രകാശനം നിർവഹിച്ചു. കൂട്ടായ്മയുടെ വരുംകാല സാമൂഹിക – ആരോഗ്യ- സേവന പ്രവർത്തനങ്ങളെക്കുറിച്ചും ചർച്ച ചെയ്തു. അംഗങ്ങളുടെ നോർക്ക റൂട്സ് പ്രവർത്തനങ്ങൾക്കായി സൈഫുദ്ധീൻ, സനൽ ബാലകൃഷ്ണൻ എന്നിവരെ ചുമത്തപ്പെടുത്തി. https://youtu.be/xCYJ29Zwqug അംഗങ്ങളുടെ വിവിധ കലാപരിപാടികളും അരങ്ങേറി. ജോയ് വെള്ളർവട്ടം, പ്രവീൺ കടയ്ക്കൽ, ബിജു, അനൂപ് കടയ്ക്കൽ, തുടങ്ങിയവർ ചടങ്ങുകൾക്ക് നേതൃത്വം നൽകി. കൂട്ടായ്മയിലേക്ക് അംഗമാകാൻ താത്പര്യമുള്ള ബഹ്‌റൈനിലുള്ളവർ 36888365, 36814291, 38315906 എന്നീ നമ്പരുകളിൽ ബന്ധപ്പെടണമെന്ന് സംഘാടകർ അറിയിച്ചു.

നാഗപട്ടണം: തമിഴ്‌നാട്ടിലെ നാഗൂർ ദർഗയിൽ നടന്ന ഹൈന്ദവ വിവാഹത്തിന്റെ ദൃശ്യങ്ങൾ സമൂഹമാധ്യമങ്ങളിൽ ശ്രദ്ധ നേടുന്നു. മുസ്‌ലിം പുരോഹിതരുടെ സാന്നിധ്യത്തിൽ കുടുംബാംഗങ്ങളും സുഹൃത്തുക്കളും പങ്കെടുത്ത ചടങ്ങിനെ മതസൗഹാർദത്തിന്റെ മാതൃകയായാണ് നിരവധി പേർ വിശേഷിപ്പിക്കുന്നത്. മൂന്ന് ഹിന്ദു കുടുംബങ്ങളുടെ വിവാഹവുമായി ബന്ധപ്പെട്ട ചടങ്ങുകളും ചോറൂണും അന്നേദിവസം ദർഗയിൽ നടന്നതായി ദർഗ കമ്മിറ്റി അറിയിച്ചു. ഇത്തരം ചടങ്ങുകൾ ഇവിടെ പതിവായി നടക്കാറുണ്ടെന്നും കമ്മിറ്റി വ്യക്തമാക്കി. വേളാങ്കണ്ണി പള്ളിയും നാഗൂർ ദർഗയും ഉൾപ്പെടെയുള്ള ആരാധനാലയങ്ങൾ സ്ഥിതിചെയ്യുന്ന നാഗപട്ടണത്തിന്റെ മതസൗഹാർദ പാരമ്പര്യത്തിന്റെ തുടർച്ചയാണ് ഇത്തരം ഒത്തുചേരലുകളെന്ന് കമ്മിറ്റി ചൂണ്ടിക്കാട്ടി. പരസ്പര സ്നേഹത്തിന്റെയും ഐക്യത്തിന്റെയും ഇത്തരം നിമിഷങ്ങൾ അടുത്ത തലമുറയിലേക്ക് പകർന്നുനൽകേണ്ടത് ആവശ്യമാണെന്നും അവർ അഭിപ്രായപ്പെട്ടു. ജനങ്ങൾക്കിടയിൽ ഐക്യം നിലനിൽക്കുന്നിടത്തോളം ഭിന്നത സൃഷ്ടിക്കാനുള്ള ശ്രമങ്ങൾക്ക് ഇടമുണ്ടാകില്ലെന്നും കമ്മിറ്റി വ്യക്തമാക്കി. വിവാഹദൃശ്യങ്ങൾ പ്രചരിച്ചതോടെ ദർഗയുടെ മതസൗഹാർദ സമീപനത്തെ അഭിനന്ദിച്ച് നിരവധി പേർ രംഗത്തെത്തി.

മനാമ: പാലക്കാട് ആർട്സ് ആൻഡ് കൾച്ചറൽ തിയേറ്റർ (പാക്ട്), സ്റ്റാർവിഷനുമായി സഹകരിച്ച് സംഘടിപ്പിക്കുന്ന ‘പാക്ട് ഒരുമയുടെ പൊന്നോണം’ സെപ്റ്റംബർ 18 വെള്ളിയാഴ്ച നടക്കും. ഗുദൈബിയ ഇന്ത്യൻ ക്ലബ്ബിൽ നടക്കുന്ന ആഘോഷം ഡെപ്യൂട്ടി സ്പീക്കർ ഷാനിമോൾ ഉസ്മാൻ ഉദ്ഘാടനം ചെയ്യുമെന്ന് സംഘാടകർ അറിയിച്ചു. ബഹ്‌റൈനിലെ ഇന്ത്യൻ എംബസി ഡിഫൻസ് അറ്റാഷെ ക്യാപ്റ്റൻ സന്ദീപ് സിംഗ് ചടങ്ങിൽ പങ്കെടുക്കും. വ്യവസായ പ്രമുഖനും അമാദ് ഗ്രൂപ്പ് ഓഫ് കമ്പനീസ് മാനേജിംഗ് ഡയറക്ടറുമായ പമ്പാവാസൻ നായർ മുഖ്യാതിഥിയായിരിക്കും. ആഘോഷത്തിന്റെ ഭാഗമായി വിഭവസമൃദ്ധമായ ഓണസദ്യ ഒരുക്കും. ഇത്തവണയും റൈറ്റ് ചോയ്സാണ് സദ്യ ഒരുക്കുന്നതെന്ന് ഭാരവാഹികൾ അറിയിച്ചു. കൂടുതൽ വിവരങ്ങൾക്ക്: 39871460, 39143350.

മനാമ: പ്രവാസജീവിതം അവസാനിപ്പിച്ച് നാട്ടിലേക്ക് മടങ്ങുന്ന കൊല്ലം പ്രവാസി അസോസിയേഷൻ (കെ.പി.എ) മുൻ സെൻട്രൽ കമ്മിറ്റി അംഗം റോജി ജോണിന് സംഘടനയുടെ നേതൃത്വത്തിൽ യാത്രയയപ്പ് നൽകി. സംഘടനയുടെ വിവിധ പ്രവർത്തനങ്ങളിൽ സജീവമായിരുന്ന റോജി ജോണിന്റെ സേവനങ്ങളും സംഭാവനകളും ചടങ്ങിൽ അനുസ്മരിച്ചു. അദ്ദേഹത്തിന്റെ ആത്മാർത്ഥമായ സഹകരണത്തെ കെ.പി.എ പ്രസിഡന്റ് നിസാർ കൊല്ലം അഭിനന്ദിച്ചു. ജനറൽ സെക്രട്ടറി ജഗത് കൃഷ്ണകുമാർ, വർക്കിംഗ് പ്രസിഡന്റ് രാജ് കൃഷ്ണൻ, ഓർഗനൈസിംഗ് സെക്രട്ടറി അനൂപ് തങ്കച്ചൻ, സെക്രട്ടറി വി. എം. പ്രമോദ്, അസിസ്റ്റന്റ് ട്രഷറർ സിദ്ധിക് ഷാൻ എന്നിവർ ചടങ്ങിൽ പങ്കെടുത്തു. നാട്ടിലേക്ക് മടങ്ങുന്ന റോജി ജോണിന് സെൻട്രൽ കമ്മിറ്റി അംഗങ്ങൾ ഭാവിജീവിതത്തിലെ എല്ലാ നന്മകളും ആശംസിച്ചു.