Author: News Desk

മനാമ: കഴിഞ്ഞ മൂന്ന് വർഷത്തെ ഭരണ നേട്ടങ്ങളുമായാണ് ഇന്ത്യൻ സ്‌കൂൾ ഭരണ സമിതി ആസന്നമായ തെരഞ്ഞെടുപ്പിനെ നേരിടുന്നതെന്ന് ഇന്ത്യൻ സ്‌കൂൾ അധികൃതർ നടത്തിയ വാർത്താസമ്മേളനത്തിൽ അറിയിച്ചു. ഇന്ത്യൻ സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ്, സെക്രട്ടറി വി രാജപാണ്ട്യൻ, അസി.സെക്രട്ടറിയും അക്കാദമിക അംഗവുമായ രഞ്ജിനി മോഹൻ, ഫിനാൻസ് & ഐ.ടി അംഗം ബോണി ജോസഫ്, പ്രോജക്ട് ആൻഡ് മെയിന്റനൻസ് അംഗം മിഥുൻ മോഹൻ, അംഗം ബിജു ജോർജ്, ട്രാൻസ്‌പോർട് അംഗം മുഹമ്മദ് നയാസ് ഉല്ല, പ്രിൻസിപ്പൽ ശാന്ത കുമാർ ദസരി എന്നിവർ പത്ര സമ്മേളനത്തിൽ പങ്കെടുത്തു. സ്‌കൂൾ ഭരണസമിതി കൈവരിച്ച സുപ്രധാന നേട്ടങ്ങളും നാഴികക്കല്ലുകളും അഡ്വ. ബിനു മണ്ണിൽ വറുഗീസ് വിശദീകരിച്ചു. നിലവിലെ ഭരണസമിതി അതിന്റെ കാലാവധി പൂർത്തിയാകുമ്പോൾ വരുന്ന വാർഷിക പൊതുയോഗത്തിനും പുതിയ ഭരണസമിതിയുടെ തിരഞ്ഞെടുപ്പിനും തയ്യാറെടുക്കുകയാണ്. വാർഷിക പൊതുയോഗവും തിരഞ്ഞെടുപ്പും ഡിസംബർ 11നു നടത്താനുള്ള അനുമതിക്കായി ബന്ധപ്പെട്ട മന്ത്രാലയത്തെ സമീപിച്ചിട്ടുണ്ടെന്ന് സ്‌കൂൾ അധികൃതർ പറഞ്ഞു. ഒരു വർഷം…

മനാമ: കൊല്ലം പ്രവാസി അസോസിയേഷന്റെ ആഭിമുഖ്യത്തിൽ കേരളത്തിന്റെ 70-ാമത് കേരളപ്പിറവി ദിനം ആഘോഷിച്ചു. സംഘടനയുടെ സെൻട്രൽ കമ്മിറ്റി യോഗത്തോടനുബന്ധിച്ച് നടന്ന ചടങ്ങിൽ കേക്ക് മുറിച്ച് അംഗങ്ങൾ ആഘോഷത്തിൽ പങ്കുചേർന്നു. കേരളത്തിന്റെ ചരിത്രവും പൈതൃകവും ഭാഷയും സംസ്കാരവും ഓർമിപ്പിക്കുന്ന ദിനമാണ് കേരളപ്പിറവിയെന്ന് ആശംസാസന്ദേശത്തിൽ പ്രസിഡന്റ് നിസാർ കൊല്ലം പറഞ്ഞു. സംസ്ഥാനത്തിന്റെ ഐക്യവും മതസൗഹാർദവും സാംസ്കാരിക പാരമ്പര്യവും കാത്തുസൂക്ഷിക്കേണ്ടതിന്റെ പ്രാധാന്യവും അദ്ദേഹം ഓർമിപ്പിച്ചു. ജനറൽ സെക്രട്ടറി ജഗത് കൃഷ്ണകുമാർ, ട്രഷറർ ബിനു കുണ്ടറ, വർക്കിങ് പ്രസിഡന്റ് രാജ് കൃഷ്ണൻ, ഓർഗനൈസിങ് സെക്രട്ടറി അനൂപ് തങ്കച്ചൻ, സെക്രട്ടറി വി.എം. പ്രമോദ്, അസിസ്റ്റന്റ് ട്രഷറർ സിദ്ദിഖ് ഖാൻ എന്നിവർ സംസാരിച്ചു. സെൻട്രൽ കമ്മിറ്റി അംഗങ്ങളും ചടങ്ങിൽ സന്നിഹിതരായിരുന്നു. പ്രവാസജീവിതത്തിനിടയിലും കേരളത്തിന്റെ ഭാഷയും സംസ്കാരവും പാരമ്പര്യവും പുതുതലമുറയ്ക്ക് പകർന്നുനൽകാൻ ഇത്തരം ആഘോഷങ്ങൾ സഹായിക്കുമെന്ന് ചടങ്ങിൽ അഭിപ്രായപ്പെട്ടു. കേക്ക് മുറിച്ച് മധുരം പങ്കുവെച്ചതോടെ ആഘോഷം സമാപിച്ചു.

മനാമ: ശ്രീനാരായണ ധർമ്മസംഘം ട്രസ്റ്റിന്റെ പുതിയ ഭാരവാഹികളായി തെരഞ്ഞെടുക്കപ്പെട്ട സന്യാസിശ്രേഷ്ഠർക്ക് ബഹ്‌റൈനിലെ ഗുരുദേവ സോഷ്യൽ സൊസൈറ്റി (ജി.എസ്.എസ്) ആശംസകൾ അറിയിച്ചു. ശിവഗിരി മഠത്തിൽ കഴിഞ്ഞദിവസം നടന്ന തിരഞ്ഞെടുപ്പിൽ പുതിയ മഠാധിപതിയായി ചുമതലയേറ്റ ശ്രീമത് ഋതംഭരാനന്ദ സ്വാമികൾക്കും ജനറൽ സെക്രട്ടറിയായി തെരഞ്ഞെടുക്കപ്പെട്ട ശ്രീമത് വിശുദ്ധാനന്ദ സ്വാമികൾക്കും ട്രഷററായി തെരഞ്ഞെടുക്കപ്പെട്ട ശ്രീമത് ശാരദാനന്ദ സ്വാമികൾക്കുമാണ് സൊസൈറ്റി ആശംസകൾ നേർന്നത്. ഗുരുദേവ ദർശനങ്ങളുടെ പ്രകാശം ലോകമെമ്പാടും വ്യാപിപ്പിക്കാനും സമഗ്രമായ മുന്നേറ്റത്തിലൂടെ പ്രസ്ഥാനത്തെ നയിക്കാനും പുതിയ നിയോഗം കരുത്തേകട്ടെയെന്ന് സൽമാനിയ കാനൂ ഗാർഡനിൽ പ്രവർത്തിക്കുന്ന ജി.എസ്.എസ് ഡയറക്ടർ ബോർഡ് അംഗങ്ങളും കുടുംബാംഗങ്ങളും ആശംസിച്ചു.

മനാമ: ബഹ്‌റൈൻ മാർത്തോമ്മാ ഇടവകയുടെ 63-ാമത് ഇടവകദിനാഘോഷവും 39 കുട്ടികളുടെ ആദ്യകുർബാന ശുശ്രൂഷയും നവംബർ 6 വെള്ളിയാഴ്ച സനദിലെ മാർത്തോമ്മാ കോംപ്ലക്സിൽ പ്രൗഢഗംഭീരമായി നടന്നു. രാവിലെ നടന്ന വിശുദ്ധ കുർബാനയ്ക്ക് കോട്ടയം–കൊച്ചി ഭദ്രാസനാധ്യക്ഷൻ അഭിവന്ദ്യ തോമസ് മാർ തിമോഥെയോസ് എപ്പിസ്കോപ്പ മുഖ്യകാർമികത്വം വഹിച്ചു. ഇടവക വികാരി റവ. ബിജു ജോണും സഹവികാരി റവ. സാമുവേൽ വർഗീസും സഹകാർമികരായി. വിശുദ്ധ കുർബാനയോടനുബന്ധിച്ച് 39 കുട്ടികൾ ആദ്യകുർബാന സ്വീകരിച്ചു. വിശുദ്ധ കുർബാനയ്ക്കും ആദ്യകുർബാന ശുശ്രൂഷയ്ക്കും ശേഷം രാവിലെ 11 മണിക്ക് നടന്ന പൊതുസമ്മേളനത്തിൽ ഇടവക വികാരി റവ. ബിജു ജോൺ അധ്യക്ഷത വഹിച്ചു. കോട്ടയം–കൊച്ചി ഭദ്രാസനാധ്യക്ഷൻ അഭിവന്ദ്യ തോമസ് മാർ തിമോഥെയോസ് എപ്പിസ്കോപ്പ മുഖ്യാതിഥിയായിരുന്നു. ബഹ്‌റൈനിലെ അമേരിക്കൻ അംബാസഡർ H.E. Stephanie Hallett വിശിഷ്ടാതിഥിയായും അമേരിക്കൻ എംബസിയിലെ Chief of Political-Economic Section Mr. Adam Stern, ആറന്മുള എം.എൽ.എ അഡ്വ. അബിൻ വർക്കി കോടിയാട്ട്, കോന്നി എം.എൽ.എ ജിനേഷ് കുമാർ എന്നിവർ പ്രത്യേകാതിഥികളായും…

കൊച്ചി: ദേശീയ പുരസ്കാര ജേതാവും , രാജ്യത്തെ പ്രമുഖ ചലച്ചിത്രകാരനുമായ ഡോ.ബിജു സംവിധാനം ചെയ്ത ‘ഓറഞ്ച്മരങ്ങളുടെ വീട്’ഈ മാസം 20 ന് തിയേറ്ററിലെത്തും. അന്തർദേശീയ ചലച്ചിത്ര മേളകളിൽ പ്രദർശിപ്പിക്കുകയും ഒട്ടേറെ അംഗീകാരങ്ങളും ലഭിച്ച ചിത്രമാണ് ‘ഓറഞ്ച് മരങ്ങളുടെ വീട്.’ മലയാളത്തിന്റെ അനശ്വര അഭിനയ പ്രതിഭകളായ നെടുമുടി വേണുവും, പി.ബാലചന്ദ്രനും ഒരുമിച്ച് വെള്ളിത്തി രയിലെത്തിയഅവസാന ചിത്രവുമാണിത്. മലയാള സിനിമയെ ലോക സിനിമയുടെ നെറുകയിൽ എത്തിച്ച വിഖ്യാതനായ ചലച്ചിത്രകാരനായ ഡോ ബിജുവിന്റെ ഏറെ പുതുമയുള്ള ചിത്രമാണ് ഓറഞ്ച് മരങ്ങളുടെ വീട്. ജീവിതത്തിന്റെ സായാഹ്നത്തിലെത്തിയ സാമുവൽ (നെടുമുടി വേണു), തനിക്ക് എവിടെയോ നഷ്ടപ്പെട്ടുപോയ സ്വന്തം ആത്മാവിന്റെ ഒരു ഭാഗം തേടുകയാണ് , ചിത്രത്തിന്റെ ഇതിവൃത്തം ഇങ്ങനെ തുടങ്ങുന്നു. അമേരിക്കയിൽ സ്ഥിരതാമസമാക്കിയ മകൻ ഡേവിസിന്റെ (പ്രകാശ് ബാരെ) നിർബന്ധത്തിനു വഴങ്ങി നഗരത്തിലെ ഒരു ഫ്ലാറ്റിൽ കഴിയേണ്ടിവരുന്ന അയാൾക്ക് ജീവിതം വീർപ്പുമുട്ടലാകുന്നു. ഒരു അപകടത്തെത്തുടർന്ന് സാമുവൽ ആശുപത്രിയിലാകുന്നതോടെ ഡേവിസും മകൻ സ്റ്റീവും (ഗോവർദ്ധനൻ) നാട്ടിലെത്തുന്നു. എന്നാൽ എല്ലാവരെയും ഞെട്ടിച്ചുകൊണ്ട്…

മനാമ: സംസ്കൃതി ബഹ്റൈൻ ഷിഫ അൽ ജസീറ ഹോസ്പിറ്റലുമായി സഹകരിച്ച് വനിതകൾക്കായി സംഘടിപ്പിച്ച പ്രത്യേക സൗജന്യ മെഡിക്കൽ ക്യാമ്പ് നവംബർ 6 വെള്ളിയാഴ്ച മനാമയിലെ ഷിഫ അൽ ജസീറ ഹോസ്പിറ്റലിൽ സംഘടിപ്പിച്ചു. സ്തനാർബുദത്തെക്കുറിച്ച് അവബോധം വളർത്തുക, രോഗം നേരത്തേ കണ്ടെത്തുന്നതിന്റെ പ്രാധാന്യം ജനങ്ങളിലേക്ക് എത്തിക്കുക, വനിതകളുടെ ആരോഗ്യസംരക്ഷണവും രോഗപ്രതിരോധ പ്രവർത്തനങ്ങളും പ്രോത്സാഹിപ്പിക്കുക എന്നിവയായിരുന്നു ക്യാമ്പിന്റെ പ്രധാന ലക്ഷ്യങ്ങൾ. ക്യാമ്പിന്റെ ഭാഗമായി രക്തത്തിലെ പഞ്ചസാര, കൊളസ്‌ട്രോൾ, യൂറിക് ആസിഡ്, ക്രിയാറ്റിനിൻ, രക്തസമ്മർദ്ദം എന്നിവയുടെ സൗജന്യ പരിശോധനകളും ജനറൽ ഫിസിഷ്യന്റെ കൺസൾട്ടേഷനും ലഭ്യമാക്കി. ആരോഗ്യകരമായ ജീവിതശൈലിയെക്കുറിച്ചുള്ള ബോധവൽക്കരണ ക്ലാസും സംഘടിപ്പിച്ചു. കൂടാതെ, ആശുപത്രിയിലെ ലബോറട്ടറി പരിശോധനകൾക്ക് 50 ശതമാനം ഇളവും അനുവദിച്ചു. സംസ്കൃതി ബഹ്റൈൻ വൈസ് പ്രസിഡന്റ് ആനന്ദ് സോണിയുടെ നേതൃത്വത്തിലാണ് പരിപാടി സംഘടിപ്പിച്ചത്. റീന ബിനീഷ്, പ്രിയ മണികണ്ഠൻ എന്നിവർ പ്രോഗ്രാം അഡ്മിനിസ്ട്രേറ്റർമാരായും, സംഗീത സുധീഷ്, നിജി സുധീഷ്, ലിഷ സജീഷ് കുമാർ, രമ സന്തോഷ്, സീന സുബിൻ, ലിബി രഞ്ജിത്ത്, ശ്രീജിത…

മനാമ : ബഹ്‌റൈൻ കേരള നേറ്റീവ് ബോൾ ഫെഡറേഷന്റെ നേതൃത്വത്തിൽ അൽ അഹലി ക്ലബ് ഫ്ലഡ് ലൈറ്റ് മൈതാനിയിൽ നടന്ന ഗൾഫ് കപ്പ് നാടൻ പന്ത് കളി മത്സരത്തിൽ KKNBF കുവൈറ്റിനെ പരാജയപ്പെടുത്തി BKNBF ബഹ്‌റൈൻ ജേതാക്കൾ ആയി. ഫൈനലിൽ മത്സരിച്ച ഇരു ടീമുകൾക്കും ട്രോഫികളും, ക്യാഷ് അവാർഡുകളും വിതരണം ചെയ്തു. നാടൻ പന്ത് കളി രംഗത്തെ മുതിർന്ന താരങ്ങൾ ആയ കുവൈറ്റ് ടീമിന്റെ സഖറിയായേം, സാമിനെയും BKNBF ആദരിച്ചു. ടൂർണമെന്റിലെ മികച്ച കാലടിക്കാരനായി വിനു BKNBF നേയും, മികച്ച കൈവെട്ടുകാരനായി ജിത്തു KKNBF നേയും, മികച്ച പൊക്കിവെട്ടുകാരനായി അനന്തു KKNBF നേയും, മികച്ച പിടുത്തക്കാരനായി റിന്റോ BKNBF നേയും, മികച്ച കളിക്കാരനായി വിനു BKNBF നേയും തെരഞ്ഞെടുത്തു. കോന്നി MLA അഡ്വ. കെ. യൂ. ജനീഷ്‌കുമാർ, ആറന്മുള MLA അഡ്വ. അബിൻ വർക്കി, ബഹ്‌റൈൻ സെന്റ് പീറ്റേഴ്സ് ഇടവക വികാരി വന്ദ്യ സ്ലീബാ പോൾ കോറെപ്പിസ്ക്കോപ്പ വട്ടവേലിൽ, ഇടവക സെക്രട്ടറി…

ന്യൂഡൽഹി: ഇ20 പെട്രോളിലെ എഥനോൾ അളവ് സംബന്ധിച്ച് പ്രധാനമന്ത്രി നരേന്ദ്ര മോദിയുമായി സംവാദത്തിന് തയ്യാറാണെന്ന് ലോക്‌സഭയിലെ പ്രതിപക്ഷ നേതാവ് രാഹുൽ ഗാന്ധി. കർണാടകയിൽ നടത്തിയ പരിശോധനയിൽ പരിധിക്കുമുകളിൽ എഥനോൾ കണ്ടെത്തിയെന്ന റിപ്പോർട്ടുകളുടെ പശ്ചാത്തലത്തിൽ, പെട്രോളിയം കമ്പനികൾക്കെതിരെ നടപടിയെടുക്കുമോയെന്നും അദ്ദേഹം ചോദിച്ചു. കർണാടകയിലെ ഏഴ് ജില്ലകളിൽനിന്ന് ശേഖരിച്ച 14 പെട്രോൾ സാമ്പിളുകളിൽ 11 എണ്ണത്തിലും എഥനോൾ അളവ് 20 ശതമാനത്തിന് മുകളിലാണെന്നാണ് സംസ്ഥാന സർക്കാർ പുറത്തുവിട്ട പരിശോധനാഫലങ്ങൾ. ഇന്ത്യൻ ഓയിൽ സാമ്പിളിൽ 31.2 ശതമാനവും എച്ച്പിസിഎൽ സാമ്പിളിൽ 30.5 ശതമാനവും രേഖപ്പെടുത്തിയതായി റിപ്പോർട്ടുണ്ട്. ബിപിസിഎൽ, നയാര, ഷെൽ എന്നിവയുടെ ചില സാമ്പിളുകളിലും 20 ശതമാനത്തിന് മുകളിൽ അളവ് കണ്ടെത്തിയെന്നാണ് സംസ്ഥാനത്തിന്റെ വിശദീകരണം. ഇന്ധനത്തിലെ യഥാർഥ എഥനോൾ അളവ് പമ്പുകളിൽ പ്രദർശിപ്പിക്കാത്തത് എന്തുകൊണ്ടെന്നും, ഉയർന്ന അളവിലുള്ള എഥനോൾ വാഹനങ്ങളെ ബാധിച്ചാൽ ഉത്തരവാദിത്തം ആർക്കാണെന്നും രാഹുൽ ഗാന്ധി ചോദിച്ചു. പരിശോധനാഫലങ്ങൾ ചൂണ്ടിക്കാട്ടി വിഷയത്തിൽ വിശദമായ സംവാദത്തിനും അദ്ദേഹം പ്രധാനമന്ത്രിയെ ക്ഷണിച്ചു. എന്നാൽ കർണാടകയിലെ പരിശോധനാഫലങ്ങളെ എണ്ണക്കമ്പനികൾ…

കൊച്ചി: സിനിമാ താരങ്ങൾക്കെതിരെ പരാതി നൽകിയ ഡോക്ടർ ജോൺസൺ ജെ. വർഗീസിനെതിരെ ബലാത്സംഗക്കേസ് രജിസ്റ്റർ ചെയ്തു. യുവനടിയുടെ അടുത്ത ബന്ധുവായ യുവതിയാണ് പരാതിക്കാരി. മദ്യം നൽകിയശേഷം ലൈംഗികമായി പീഡിപ്പിച്ചെന്നാണ് യുവതിയുടെ ആരോപണം. അശ്ലീല ദൃശ്യങ്ങളുണ്ടെന്ന് ആരോപിക്കുന്ന ഡോക്ടറുടെ ഫോൺ യുവതി പൊലീസിന് കൈമാറിയതായും റിപ്പോർട്ടുകളുണ്ട്. പരാതിയിൽ ഇൻഫോപാർക്ക് പൊലീസാണ് കേസെടുത്തത്. ഡോക്ടറെ മർദിച്ച സംഭവത്തിൽ സിനിമാ താരങ്ങൾക്കെതിരെ കടവന്ത്ര പൊലീസും കേസെടുത്തിട്ടുണ്ട്. ഈ കേസിൽ നടിയും നടനുമടക്കമുള്ളവരെ പൊലീസ് അറസ്റ്റ് ചെയ്തിരുന്നു. ആക്രമണക്കേസിലെ ഒരു പ്രതിയുടെ ബന്ധുവുമായി ഡോക്ടർക്ക് അടുപ്പമുണ്ടായിരുന്നതായും ഇതുമായി ബന്ധപ്പെട്ട തർക്കമാണ് മർദനത്തിലേക്ക് നയിച്ചതെന്നും കഴിഞ്ഞദിവസം രജിസ്റ്റർ ചെയ്ത എഫ്.ഐ.ആറിൽ പറയുന്നതായി റിപ്പോർട്ടുകളുണ്ടായിരുന്നു. അതിന്റെ തുടർച്ചയായാണ് പുതിയ പരാതിയും കേസും. അലിഗേഷനുകൾ സംബന്ധിച്ച അന്വേഷണം തുടരുകയാണ്.

റിയാദ്: സൗദി അറേബ്യയിൽ ഏഴുവർഷത്തെ തടവുശിക്ഷ അനുഭവിച്ചുവരികയായിരുന്ന കൊല്ലം പുനലൂർ സ്വദേശി സജീദ് ജമാലുദ്ദീൻ (42) രോഗബാധയെത്തുടർന്ന് മരിച്ചു. റിയാദിലെ കിങ് സൗദ് മെഡിക്കൽ സിറ്റിയിൽ ചികിത്സയിലിരിക്കെയാണ് അന്ത്യം. എട്ടുവർഷത്തോളമായി സൗദിയിൽ ഡ്രൈവറായി ജോലി ചെയ്തിരുന്ന സജീദ്, റിയാദിൽ വാഹനപരിശോധനയ്ക്കിടെ വാഹനത്തിൽ നിരോധിത വസ്തുക്കൾ കണ്ടെത്തിയതിനെത്തുടർന്ന് അറസ്റ്റിലായി. കേസിൽ കോടതി ഏഴുവർഷത്തെ തടവുശിക്ഷ വിധിക്കുകയായിരുന്നു. ശിക്ഷാകാലയളവിൽ ഒരു വർഷം പിന്നിട്ടപ്പോൾ ജയിലിൽവെച്ച് രക്തം ഛർദിച്ചതിനെത്തുടർന്ന് സജീദിനെ ആശുപത്രിയിൽ പ്രവേശിപ്പിച്ചു. പരിശോധനയിൽ കരൾ അർബുദം സ്ഥിരീകരിച്ചു. ആരോഗ്യനില ഗുരുതരമായതോടെ അവസാന രണ്ടുമാസത്തോളം അദ്ദേഹം തീവ്രപരിചരണ വിഭാഗത്തിലായിരുന്നു. അമ്മയും രണ്ട് സഹോദരിമാരുമടങ്ങുന്ന കുടുംബത്തിന്റെ ഏക ആശ്രയമായിരുന്നു സജീദ്. മൃതദേഹം നാട്ടിലെത്തിക്കുന്നതിനുള്ള നടപടികൾക്കായി റിയാദിലെ ഇന്ത്യൻ എംബസി സാമ്പത്തിക സഹായം നൽകി. ഔദ്യോഗിക നടപടികൾ പൂർത്തിയാക്കിയ മൃതദേഹം ദമാം വഴി നാട്ടിലേക്ക് അയക്കും.