Author: News Desk

ന്യൂഡൽഹി: ജഡ്ജിമാരെ നിയമിക്കുന്ന കൊളീജിയം സമ്പ്രദായത്തെച്ചൊല്ലി കേന്ദ്ര നിയമമന്ത്രിയുമായി തർക്കത്തിനില്ലെന്ന് ചീഫ് ജസ്റ്റിസ് ഡി.വൈ ചന്ദ്രചൂഡ്. പോരായ്മകൾ ഉണ്ടെങ്കിലും നിലവിൽ ലഭ്യമായവയിൽ വച്ച് ഏറ്റവും മികച്ച സംവിധാനമാണ് കൊളീജിയമെന്ന് അദ്ദേഹം ചൂണ്ടിക്കാട്ടി. ജുഡീഷ്യറിയുടെ സ്വതന്ത്ര പ്രവർത്തനം ഉറപ്പാക്കുന്നതിന് ബാഹ്യശക്തികളുടെ സമ്മർദ്ദത്തിൽ നിന്ന് അതിനെ സംരക്ഷിക്കേണ്ടതുണ്ടെന്ന് ചീഫ് ജസ്റ്റിസ് ചൂണ്ടിക്കാട്ടി. ഒരു ദേശീയ മാധ്യമ സമ്മേളനത്തിൽ സംസാരിക്കവെയാണ് അദ്ദേഹം നിലപാട് വ്യക്തമാക്കിയത്. ഒരു സംവിധാനവും 100 ശതമാനം മികച്ചതാണെന്ന് പറയാനാവില്ല. എന്നാൽ, കൊളീജിയം സമ്പ്രദായം ഇപ്പോൾ ലഭ്യമായവയിൽ വച്ച് ഏറ്റവും മികച്ച ഒന്നാണ്. നീതിന്യായ വ്യവസ്ഥയുടെ സമ്പൂർണ്ണ സ്വാതന്ത്ര്യം ഉറപ്പാക്കേണ്ടത് വളരെ പ്രധാനമാണ്. ജുഡീഷ്യറി സ്വതന്ത്രമാകണമെങ്കിൽ ബാഹ്യ സമ്മർദ്ദങ്ങളിൽ നിന്ന് അതിനെ സംരക്ഷിക്കേണ്ടതുണ്ടെന്നും അദ്ദേഹം പറഞ്ഞു. “വ്യത്യസ്ത കാഴ്ചപ്പാടുകളിൽ എന്താണ് തെറ്റ്? എന്നാൽ ഭരണഘടനയുടെ അടിസ്ഥാനത്തിൽ അത്തരം കാഴ്ചപ്പാടുകളെ വിലയിരുത്താൻ മാത്രമേ എനിക്കു സാധിക്കൂ. കേന്ദ്ര നിയമമന്ത്രിയുമായി ബന്ധപ്പെട്ട വിഷയങ്ങളിൽ കക്ഷി ചേരാൻ ഞാൻ ആഗ്രഹിക്കുന്നില്ല. ഞങ്ങൾക്കിടയിൽ അഭിപ്രായവ്യത്യാസം ഉണ്ടാകുന്നത് സ്വാഭാവികമാണ്,” ചീഫ്…

തിരുവനന്തപുരം: ആർ.എം.പി എം.എൽ.എ കെ.കെ രമയെ യു.ഡി.എഫ് സംരക്ഷിക്കുമെന്ന് പ്രതിപക്ഷ നേതാവ് വി.ഡി സതീശൻ. ചന്ദ്രശേഖരനെ 52 വെട്ട് വെട്ടി കൊലപ്പെടുത്തിയിട്ടും കെ.കെ രമയ്ക്കെതിരെ ആക്രോശിച്ച് സി.പി.എം വരികയാണ്. സോഷ്യൽ മീഡിയയിലൂടെ രമയ്ക്കെതിരെ ആരോപണവുമായി എംഎൽഎ തന്നെ രംഗത്തെത്തി. പരിക്കേറ്റവർക്ക് പ്ലാസ്റ്റർ നൽകുന്ന സ്ഥലമാണോ തിരുവനന്തപുരത്തെ ജനറൽ ആശുപത്രി എന്ന ചോദ്യത്തിന് ആരോഗ്യമന്ത്രി മറുപടി പറയണം. കെ.കെ രമയെ അപമാനിക്കാനുള്ള ഒരവസരവും സി.പി.എം പാഴാക്കാറില്ല. രമയ്ക്ക് മേല്‍ ഒരാളും കുതിര കയറാന്‍ വരേണ്ട. യുഡിഎഫ് ഒന്നിച്ച് നിന്ന് അവരെ സംരക്ഷിക്കും. വിധവയായ സ്ത്രീയെ അപമാനിച്ചതിനാണ് കേരളം സാക്ഷ്യം വഹിക്കുന്നത് എന്ന കാര്യം മറക്കരുതെന്നും സതീശൻ പറഞ്ഞു. പ്രതിപക്ഷ നേതാവ് സംസാരിക്കുമ്പോൾ ബഹളമുണ്ടാക്കാൻ 10 എം.എൽ.എമാരെയാണ് സി.പി.എം നിയോഗിച്ചിരിക്കുന്നത്. എന്നിട്ടാണ് അവർ ജനാധിപത്യത്തെക്കുറിച്ചും അഭിപ്രായ സ്വാതന്ത്ര്യത്തെക്കുറിച്ചും സംസാരിക്കുന്നത്, അദ്ദേഹം പറഞ്ഞു.  ദേശീയ ഹരിത ട്രൈബ്യൂണലിന്‍റെ വിധി സർക്കാരിനും നഗരസഭയ്ക്കുമുള്ള തിരിച്ചടിയാണ്. നിയമസഭയ്ക്കകത്തും പുറത്തും പ്രതിപക്ഷം നടത്തിയ പ്രസ്താവനകൾക്ക് അടിവരയിടുന്നതാണ് ഹരിത ട്രൈബ്യൂണലിന്‍റെ തീരുമാനം.…

കോട്ടയം: ചങ്ങനാശേരി അതിരൂപത മുൻ ആർച്ച് ബിഷപ്പ് മാർ ജോസഫ് പൗവ്വത്തിലിന്‍റെ നിര്യാണത്തിൽ അനുശോചനം അറിയിച്ച് മുഖ്യമന്ത്രി പിണറായി വിജയനും മുൻ മുഖ്യമന്ത്രി ഉമ്മൻ ചാണ്ടിയും പ്രതിപക്ഷ നേതാവ് വി ഡി സതീശനും അടക്കമുള്ള പ്രമുഖർ. ഗുരു ആയിരുന്ന കാലം മുതലുള്ള ബന്ധം ഓർമിപ്പിക്കുന്നതാണ് ഉമ്മൻചാണ്ടിയുടെ കുറിപ്പ്. ആരോഗ്യപരമായ കാരണങ്ങളാൽ പൗവ്വത്തിൽ പിതാവിന്‍റെ ശവസംസ്കാര ചടങ്ങിൽ പങ്കെടുക്കാൻ കഴിയാത്തതിൽ സങ്കടമുണ്ടെന്നും ഉമ്മൻചാണ്ടി പറഞ്ഞു. ശക്തമായ കമ്യൂണിസ്റ്റ് വിരുദ്ധ നിലപാടിന്‍റെ പേരിൽ അദ്ദേഹവുമായുള്ള അഭിപ്രായവ്യത്യാസങ്ങൾ പ്രകടിപ്പിക്കേണ്ടി വന്ന നിരവധി അനുഭവങ്ങൾ ഉണ്ടായിട്ടുണ്ടെന്നും ശക്തമായ എതിർപ്പുണ്ടായപ്പോഴും തന്റെ അഭിപ്രായങ്ങൾ പങ്കുവയ്ക്കാൻ അദ്ദേഹത്തിന് യാതൊരു മടിയുമുണ്ടായിരുന്നില്ലെന്നും മുഖ്യമന്ത്രി പിണറായി വിജയൻ പറഞ്ഞു. വിദ്യാഭ്യാസ രംഗത്ത് തന്‍റേതായ സംഭാവനകൾ നൽകാൻ അദ്ദേഹം എപ്പോഴും ശ്രദ്ധാലുവായിരുന്നുവെന്നും മുഖ്യമന്ത്രി ചൂണ്ടിക്കാട്ടി. വിശ്വാസത്തിന്‍റെ അടിസ്ഥാനത്തിൽ കർശന നിലപാട് സ്വീകരിച്ച സഭാ തലവനായിരുന്നു അദ്ദേഹമെന്നും വി ഡി സതീശൻ ചൂണ്ടിക്കാട്ടി. കെ സുധാകരൻ, രമേശ് ചെന്നിത്തല തുടങ്ങിയവരും പൗവ്വത്തിലിന്റെ വിടവാങ്ങലിൽ അനുശോചിച്ച് രംഗത്തെത്തി.

തിരുവനന്തപുരം: ഭരണഘടനയുടെ അടിസ്ഥാന സ്തംഭങ്ങളെയാണ് കേന്ദ്രം ആക്രമിക്കുന്നതെന്ന് സിപിഎം ജനറൽ സെക്രട്ടറി സീതാറാം യെച്ചൂരി. സി.പി.എം സംസ്ഥാന സെക്രട്ടറി എം.വി ഗോവിന്ദൻ നയിച്ച ജനകീയ പ്രതിരോധ ജാഥയുടെ സമാപന സമ്മേളനത്തിൽ സംസാരിക്കുകയായിരുന്നു അദ്ദേഹം. കേന്ദ്ര ഭരണത്തിന് കീഴിൽ ഇന്ത്യൻ സമ്പദ് വ്യവസ്ഥ തകരുകയാണെന്ന് സീതാറാം യെച്ചൂരി പറഞ്ഞു. മോദിയുടെ കോർപ്പറേറ്റ് സുഹൃത്തുക്കൾ പ്രകൃതി വിഭവങ്ങൾ കൊള്ളയടിക്കുകയാണ്. അദാനി വിവാദം അന്വേഷിക്കാൻ കേന്ദ്രം തയ്യാറാവുന്നില്ല. സർക്കാരിനെ ചോദ്യം ചെയ്താൽ ദേശവിരുദ്ധരായി മുദ്രകുത്തുന്നത് അപകടകരമായ സമവാക്യമാണ്. രാജ്യത്തെ ജനങ്ങളുടെ അവകാശങ്ങൾ സംരക്ഷിക്കപ്പെടണം. ആരാണ് ഇതിന് വേണ്ടി നിലകൊള്ളുന്നത് എന്നത് പ്രധാനമാണ്. ഭരണസംവിധാനങ്ങളെയും ഗവർണർമാരെയും കേന്ദ്രം പിന്തുണയ്ക്കായി ഉപയോഗിക്കുന്നു. ഗവർണറെ ഉപയോഗിച്ച് സർക്കാരുകളെ അസ്ഥിരപ്പെടുത്തുകയാണ്. കേന്ദ്ര ഏജൻസികളെ ഉപയോഗിച്ച് എതിർപാർട്ടി നേതാക്കളെ വേട്ടയാടുകയാണ്. തിരഞ്ഞെടുപ്പിൽ ആരു ജയിച്ചാലും ബി.ജെ.പി സർക്കാർ ഉണ്ടാകുമെന്നതാണ് പാർട്ടി സ്വീകരിച്ച മുദ്രാവാക്യം. എന്നാൽ കേരളത്തിലെ ജനങ്ങളുടെ വികസനത്തിനാണ് സർക്കാർ മുൻഗണന നൽകുന്നത്. കേരള സർക്കാരിന്റെ താൽപര്യം ജനങ്ങളുടെ താൽപര്യമാണെന്ന് രാഷ്ട്രപതി തന്നെ…

പോങ്യാങ്: അമേരിക്ക ഉൾപ്പെടെയുള്ള സാമ്രാജ്യത്വ ശത്രുക്കളെ നേരിടാൻ എട്ട് ലക്ഷം യുവാക്കൾ സൈനിക സേവനത്തിന് തയ്യാറാണെന്ന് ഉത്തര കൊറിയ. ഉത്തരകൊറിയയുടെ ഔദ്യോഗിക മാധ്യമമായ റോഡോങ് സിൻമമാണ് വാർത്ത റിപ്പോർട്ട് ചെയ്തത്. ശത്രുക്കളെ പൂർണ്ണമായും തുടച്ചുനീക്കുമെന്നും രണ്ട് കൊറിയകളെയും ഒന്നിപ്പിക്കുമെന്നും സന്നദ്ധപ്രവർത്തകർ പ്രതിജ്ഞയെടുത്തു. വെള്ളിയാഴ്ച ഉത്തര കൊറിയൻ സർക്കാർ സംഘടിപ്പിച്ച പരിപാടിയിലാണ് സന്നദ്ധസേവനം നടത്താൻ യുവാക്കൾ രംഗത്തെത്തിയതായി റിപ്പോർട്ട് ചെയ്തത്. സന്നദ്ധസേവനത്തിന് പേരിടാൻ നീണ്ട ക്യൂവുണ്ടെന്നും റിപ്പോർട്ടിൽ പറയുന്നു. യുഎസിന്‍റെയും ദക്ഷിണ കൊറിയയുടെയും നീക്കങ്ങളോട് പ്രതികരിക്കാനാണ് കിം ജോങ് ഉന്നിന്‍റെ തീരുമാനം. യുഎസ് ഉൾപ്പെടെയുള്ള രാജ്യങ്ങൾ ഉത്തര കൊറിയയുടെ സ്വാതന്ത്ര്യവും ജീവിക്കാനുള്ള അവകാശവും ഇല്ലാതാക്കാൻ ശ്രമിക്കുകയാണെന്ന് ഉത്തര കൊറിയ ആരോപിച്ചു. ഉത്തര കൊറിയയിൽ നിർബന്ധിത സൈനിക സേവന വ്യവസ്ഥയുണ്ട്. നിയമപ്രകാരം പുരുഷൻമാർ കുറഞ്ഞത് 10 വർഷവും സ്ത്രീകൾ കുറഞ്ഞത് മൂന്ന് വർഷവും സൈന്യത്തിൽ സേവനമനുഷ്ഠിക്കണം. യുഎസും ദക്ഷിണ കൊറിയയും തമ്മിലുള്ള സംയുക്ത സൈനികാഭ്യാസത്തിന് മറുപടിയായാണ് മിസൈൽ പരീക്ഷണം നടത്തിയതെന്ന് ഉത്തര കൊറിയ അറിയിച്ചു.…

ദുബായ്: ഇന്ന് യുഎഇയുടെ ആകാശം ഭാഗികമായി മേഘാവൃതവും ചിലപ്പോൾ പൊടി നിറഞ്ഞതുമായിരിക്കുമെന്ന് ദേശീയ കാലാവസ്ഥാ കേന്ദ്രം. ഇന്നലെ രാത്രി ദുബായ് ഉൾപ്പെടെ രാജ്യത്തിന്‍റെ പല ഭാഗങ്ങളിലും തണുത്ത കാറ്റ് വീശിയിരുന്നു. ചില പടിഞ്ഞാറൻ പ്രദേശങ്ങളിൽ നേരിയ മഴയ്ക്ക് സാധ്യതയുള്ളതിനാൽ രാത്രിയിലും ഞായറാഴ്ച രാവിലെയും ആകാശം മേഘാവൃതമായിരിക്കും. അൽപം തണുത്ത കാറ്റുണ്ടാകും. ഇത് പകൽ സമയത്ത് പൊടിയും മണലും വീശാൻ കാരണമാകും. ഞായറാഴ്ച രാവിലെയോടെ കാറ്റിന്‍റെ വേഗത കുറയും. രാജ്യത്ത് താപനില 33 ഡിഗ്രി സെൽഷ്യസ് വരെ ഉയരാൻ സാധ്യതയുണ്ട്. അബുദാബിയിൽ 28 ഡിഗ്രി സെൽഷ്യസും ദുബായിൽ 27 ഡിഗ്രി സെൽഷ്യസും വരെ താപനില ഉയരും. അറബിക്കടലിലും ഒമാൻ കടലിലും ചില സമയങ്ങളിൽ കടൽ പ്രക്ഷുബ്ധമാകാൻ സാധ്യതയുണ്ടെന്നും അറിയിച്ചു.

തിരുവനന്തപുരം: കേന്ദ്രസർക്കാരിന്റെ നവലിബറൽ സാമ്പത്തിക നയങ്ങൾ ജനജീവിതം കൂടുതൽ ദുരിതപൂർണമാക്കുന്നുവെന്ന് മുഖ്യമന്ത്രി പിണറായി വിജയൻ. ഇതിനെതിരെ രാജ്യത്തുടനീളം പ്രതിഷേധം ഉയരുകയാണ്. ഈ ജനകീയ സമരങ്ങളിൽ വർധിച്ചുവരുന്ന ജനപങ്കാളിത്തം മുതലാളിത്ത ഭരണകൂടത്തെ ഭയപ്പെടുത്തുന്നു. ഒരു വർഷം നീണ്ടുനിന്ന ഐതിഹാസിക കർഷക സമരത്തിന്‍റെ വിജയവും കഴിഞ്ഞ കുറച്ച് ദിവസങ്ങളായി 21 ഓളം ദേശീയ പണിമുടക്കുകളിലെ പങ്കാളിത്തവും വർധിച്ചുവരുന്ന കർഷക-തൊഴിലാളിവർഗ ഐക്യത്തിന്‍റെ വ്യാപ്തി വെളിപ്പെടുത്തുന്നു. അഖിലേന്ത്യാ കിസാൻ സഭയുടെ നേതൃത്വത്തിൽ മഹാരാഷ്ട്രയിൽ നടത്തിയ കിസാൻ ലോങ് മാർച്ചിന്‍റെ വിജയം ഈ സമരമുന്നണിയുടെ കരുത്ത് വെളിവാക്കുന്നതാണെന്നും പിണറായി കൂട്ടിച്ചേർത്തു. വിളകൾക്ക് ന്യായവില നിശ്ചയിക്കുക, കർഷകരുടെ കടങ്ങൾ എഴുതിത്തള്ളുക, ഉള്ളി ഉൾപ്പെടെയുള്ള വിളകൾക്ക് സബ്സിഡി നൽകുക എന്നിവയുൾപ്പെടെ 17 ഓളം ആവശ്യങ്ങൾ ഉന്നയിച്ച് കഴിഞ്ഞ വർഷം മാർച്ച് 13 ന് നാസിക്കിൽ നിന്ന് ആരംഭിച്ച ലോങ് മാർച്ച് വലിയ പങ്കാളിത്തത്തോടെ മുംബൈ നഗരത്തിലേക്ക് നീങ്ങുകയായിരുന്നു. 15,000 ത്തോളം കർഷകർ പങ്കെടുത്ത മാർച്ചിന് ലഭിച്ച പിന്തുണ കണ്ട് മഹാരാഷ്ട്ര സർക്കാർ പ്രക്ഷോഭകരുടെ…

ഐശ്വര്യ രജനീകാന്ത് സംവിധാനം ചെയ്യുന്ന ചിത്രമാണ് ലാൽ സലാം. ചിത്രത്തിന്‍റെ ഷൂട്ടിങ് പുരോഗമിച്ചുകൊണ്ടിരിക്കുകയാണ്. ഐശ്വര്യ പങ്കുവയ്ക്കുന്ന ചിത്രത്തിന്‍റെ അപ്ഡേറ്റുകൾക്ക് ഓൺലൈനിൽ മികച്ച പ്രതികരണമാണ് ലഭിക്കുന്നത്. ഇപ്പോഴിതാ ഐശ്വര്യ ചിത്രത്തിന്റെ ബിടിഎസ് ദൃശ്യങ്ങൾ പുറത്ത് വിട്ടിരിക്കുകയാണ്. വിഷ്ണു വിശാലും വിക്രാന്തും കേന്ദ്രകഥാപാത്രങ്ങളെ അവതരിപ്പിക്കുന്ന ചിത്രത്തിൽ രജനീകാന്ത് അതിഥി വേഷത്തിലാണ് എത്തുന്നത്. ധനുഷിനെ നായകനാക്കി ‘3’, ‘വെയ് രാജ വെയ്’ എന്നീ ചിത്രങ്ങളും ഐശ്വര്യ മുന്നേ സംവിധാനം ചെയ്തിട്ടുണ്ട്. ‘സിനിമാ വീരൻ’ എന്ന പേരിൽ ഒരു ഡോക്യുമെന്‍ററിയും സംവിധാനം ചെയ്തു. ‘സ്റ്റാൻഡിംഗ് ഓൺ ആൻ ആപ്പിൾ ബോക്സ്: ദി സ്റ്റോറി ഓഫ് എ ഗേൾ എമംഗ് ദ സ്റ്റാർ’ എന്ന പുസ്തകവും ഐശ്വര്യ രജനീകാന്ത് എഴുതിയിട്ടുണ്ട്. ഐശ്വര്യ രജനികാന്ത് സംവിധാനം ചെയ്യുന്ന പുതിയ ചിത്രം ലൈക്ക പ്രൊഡക്ഷൻസാണ് നിർമ്മിക്കുന്നത്. സിരുത്തൈ ശിവ സംവിധാനം ചെയ്ത ‘അണ്ണാത്തെ’ ആയിരുന്നു രജനീകാന്തിന്‍റെ അവസാന ചിത്രം. നെൽസൺ സംവിധാനം ചെയ്യുന്ന ‘ജയിലർ’ എന്ന ചിത്രത്തിലാണ് രജനീകാന്ത് ഇപ്പോൾ അഭിനയിച്ചുകൊണ്ടിരിക്കുന്നത്.…

ന്യൂഡല്‍ഹി: പുതിയ ആഗോള ഭീകരതാ സൂചികയിൽ തീവ്രവാദം ഏറ്റവും കൂടുതൽ ബാധിച്ച രാജ്യങ്ങളുടെ പട്ടികയിൽ അഫ്ഗാനിസ്ഥാൻ ഒന്നാം സ്ഥാനം നിലനിർത്തി. രാജ്യത്തിന്‍റെ ആക്രമണങ്ങൾ 75 ശതമാനവും തുടർന്നുള്ള മരണങ്ങൾ 58 ശതമാനവും കുറഞ്ഞിട്ടും അഫ്ഗാനിസ്ഥാൻ തുടർച്ചയായ നാലാം വർഷവും പട്ടികയിൽ ഒന്നാം സ്ഥാനം നിലനിർത്തി. അതേസമയം അഫ്ഗാനിസ്ഥാന്‍റെ അയൽരാജ്യമായ പാകിസ്ഥാൻ പട്ടികയിൽ ആറാം സ്ഥാനത്തും ഇന്ത്യ പതിമൂന്നാം സ്ഥാനത്തുമാണ്.  ജിടിഐയുടെ (ഗ്ലോബൽ ടെററിസിം ഇൻഡക്സ് 2023) ഏറ്റവും പുതിയ റിപ്പോർട്ട് അനുസരിച്ച് 2022 ൽ അഫ്ഗാനിസ്ഥാനിൽ 633 മരണങ്ങൾ രേഖപ്പെടുത്തിയിട്ടുണ്ട്. 2022 ൽ 866 പേരാണ് തീവ്രവാദവുമായി ബന്ധപ്പെട്ട് രാജ്യത്ത് കൊല്ലപ്പെട്ടത്. ഇതിൽ നിന്ന് ഗണ്യമായ കുറവുണ്ടായെങ്കിലും പട്ടികയിൽ ഒന്നാം സ്ഥാനം നിലനിർത്തി. 2022 ഓഗസ്റ്റിൽ അഫ്ഗാനിസ്ഥാനിൽ താലിബാൻ അധികാരം പിടിച്ചെടുത്തതിനുശേഷം ഇസ്ലാമിക് സ്റ്റേറ്റ്-ഖൊറാസാൻ (ദായിഷ്) ലോകത്തിലെ ഏറ്റവും സജീവമായ തീവ്രവാദ സംഘടനയായി മാറിയതായും റിപ്പോർട്ടിൽ പറയുന്നു. 2022 ൽ അഫ്ഗാനിസ്ഥാനിൽ നടന്ന മൊത്തം മരണങ്ങളിൽ 67 ശതമാനവും ഇസ്ലാമിക് സ്റ്റേറ്റ്-ഖൊറാസാൻ…

കൊച്ചി: ബ്രഹ്മപുരം തീപിടിത്തത്തിൽ ദേശീയ ഹരിത ട്രൈബ്യൂണൽ ഉത്തരവിനെതിരെ കൊച്ചി മേയർ എം അനിൽകുമാർ. കോർപ്പറേഷന്‍റെ ഭാഗം കേൾക്കാതെയാണ് ദേശീയ ഹരിത ട്രൈബ്യൂണൽ ഉത്തരവിറക്കിയതെന്നും നഷ്ടം കണക്കാക്കാതെ 100 കോടി രൂപ പിഴ ചുമത്തുകയായിരുന്നെന്നും അനിൽ കുമാർ ആരോപിച്ചു. ഇത് അംഗീകരിക്കാനാവില്ലെന്നും ദേശീയ ഹരിത ട്രൈബ്യൂണലിന്‍റെ ഉത്തരവിനെതിരെ അപ്പീൽ നൽകുമെന്നും അനിൽ കുമാർ കൂട്ടിച്ചേർത്തു. ഹൈക്കോടതിയിൽ കേസ് നിൽക്കുകയാണെന്ന പരിഗണന പോലും നൽകാതെ ദേശീയ ഹരിത ട്രൈബ്യൂണൽ ഉത്തരവിറക്കുകയായിരുന്നെന്നും അദ്ദേഹം വിമർശിച്ചു. തീപിടിത്തത്തിൽ ഉണ്ടായ നഷ്ടത്തിന്‍റെ വ്യാപ്തി കണക്കാക്കാതെ എങ്ങനെയാണ് 100 കോടി രൂപ പിഴ നിശ്ചയിച്ചതെന്ന് കൊച്ചി മേയർ ചോദിച്ചു. യുഡിഎഫ് കോർപ്പറേഷൻ ഭരിച്ച 2018ൽ ദേശീയ ഹരിത ട്രൈബ്യൂണല്‍ പിഴ വിധിച്ചിരുന്നു. അവർ ഹൈക്കോടതിയിൽ പോയി സ്റ്റേ നേടുകയായിരുന്നു. കാലങ്ങളായി തുടരുന്ന സംവിധാനത്തിന്‍റെ വീഴ്ചയാണ് ബ്രഹ്മപുരത്തിന്‍റെ പരാജയത്തിന് കാരണം. ഇത് ഇപ്പോൾ മാത്രം സംഭവിച്ച വീഴ്ചയല്ലെന്നും അനിൽ കുമാർ വാർത്താസമ്മേളനത്തിൽ വ്യക്തമാക്കി.