Author: News Desk

ന്യൂഡല്‍ഹി: വിദ്യാർത്ഥികൾക്കിടയിൽ ഗവേഷണ ദിശാബോധം വളർത്തുക എന്ന ലക്ഷ്യത്തോടെ ദേശീയ വിദ്യാഭ്യാസ നയത്തിന്‍റെ ഭാഗമായി ആരംഭിക്കുന്ന നാല് വർഷത്തെ ‘ഓണേഴ്സ്’ ഡിഗ്രി കോഴ്സുകൾക്കായി ‘പാഠ്യപദ്ധതി- ക്രെഡിറ്റ് ചട്ടക്കൂട്’ യുജിസി തിങ്കളാഴ്ച വിജ്ഞാപനം ചെയ്തേക്കും. അണ്ടര്‍സ്റ്റാന്‍ഡിങ് ഇന്ത്യ, മോഡേണ്‍ ഇന്ത്യന്‍ ലാംഗ്വേജസ്, യോഗ തുടങ്ങിയ വിഷയങ്ങൾക്ക് പുതിയ പാഠ്യപദ്ധതി ചട്ടക്കൂട് ബാധകമായിരിക്കും. നാല് വർഷത്തെ ഡിഗ്രിയിൽ നിങ്ങൾക്ക് 120 ക്രെഡിറ്റുകൾ ലഭിച്ചാൽ, നിങ്ങൾക്ക് മൂന്ന് വർഷത്തെ ബിരുദം പൂർത്തിയാക്കാൻ കഴിയും. നാല് വർഷത്തെ ഓണേഴ്സ് ബിരുദത്തിന് 160 ക്രെഡിറ്റുകൾ ആവശ്യമാണ്. പഠന സമയത്തെ അടിസ്ഥാനമാക്കി ക്രെഡിറ്റ് നൽകും. യു.ജി.സി തയ്യാറാക്കിയ കരട് മാനദണ്ഡങ്ങൾ പ്രകാരം കോഴ്സിന്‍റെ നാലാം വർഷത്തിൽ ഗവേഷണം, ഇന്‍റേൺഷിപ്പ്, പ്രോജക്റ്റ് എന്നിവ ഉണ്ടായിരിക്കും. കോഴ്സ് വിജയകരമായി പൂർത്തിയാക്കുന്നവർക്ക് നേരിട്ടുള്ള പിഎച്ച്ഡി പ്രവേശനം നേടാൻ കഴിയും. കൂടാതെ, അവർക്ക് പിജിയുടെ രണ്ടാം വർഷത്തേക്കുള്ള ലാറ്ററൽ എൻട്രിയും നൽകും. നാല് വർഷത്തെ കോഴ്സുകൾക്ക് ഓണേഴ്സ് ബിരുദം നൽകും. മൂന്ന് വർഷത്തിന് ശേഷം കോഴ്സ്…

ദോഹ: ബ്രസീലിയൻ സൂപ്പർ താരം നെയ്മർ അന്താരാഷ്ട്ര ഫുട്ബോളിൽ നിന്ന് വിരമിച്ചേക്കുമെന്ന സൂചന നൽകി. ക്വാർട്ടർ ഫൈനലിൽ ക്രൊയേഷ്യയോട് തോറ്റതോടെ നെയ്മർ കണ്ണീരോടെ കളം വിട്ടതിന് പിന്നാലെയാണ് വിരമിക്കൽ സൂചന. “ഇത് വേദനാജനകമായ നിമിഷമാണ്, തിരിച്ചുവരുന്നതിനെക്കുറിച്ച് എനിക്ക് 100 ശതമാനം ഉറപ്പില്ല,” നെയ്മർ പറഞ്ഞു. “ഞാൻ ദേശീയ ടീമിലേക്കുള്ള വാതിലുകൾ അടയ്ക്കുന്നില്ല, പക്ഷേ ടീമിലേക്ക് മടങ്ങിവരുമെന്ന് എനിക്ക് 100 ശതമാനം ഉറപ്പില്ല. ബ്രസീൽ ടീമിനും എനിക്കും എന്താണ് ശരിയെന്നതിനെക്കുറിച്ച് ഞങ്ങൾ കൂടുതൽ ചിന്തിക്കേണ്ടതുണ്ട്. ഇത് വേദനാജനകമായ ഒരു സാഹചര്യമാണ്, കഴിഞ്ഞ ലോകകപ്പിൽ സംഭവിച്ചതിനേക്കാൾ മോശമായ ഒരു വികാരമാണിത്. വിവരിക്കാൻ വാക്കുകൾ കിട്ടുന്നില്ല. ഞങ്ങൾ നന്നായി മത്സരിച്ചു. എന്‍റെ ടീമംഗങ്ങളെ ഓർത്ത് ഞാൻ അഭിമാനിക്കുന്നു.” മത്സരശേഷം കണ്ണുനീരോടെ നെയ്മർ പറഞ്ഞു. ക്വാർട്ടർ ഫൈനലിൽ വിജയം ഉറപ്പാക്കിയ മത്സരത്തിൽ ക്രൊയേഷ്യയോട് അവസാന നിമിഷം തോറ്റ നെയ്മർ കണ്ണീരോടെയാണ് കളം വിട്ടത്. നിശ്ചിത സമയത്ത് ഗോൾ രഹിത മത്സരത്തിന്‍റെ എക്സ്ട്രാ ടൈമിൽ നെയ്മർ ആവേശകരമായ ഒരു…

തിരുവനന്തപുരം: മയക്കുമരുന്ന് മാഫിയയ്ക്ക് രാഷ്ട്രീയ പിന്തുണയുണ്ടെന്ന ആരോപണം അന്വേഷിക്കുമെന്ന് സംസ്ഥാന പോലീസ് മേധാവി അനിൽ കാന്ത് പറഞ്ഞു. ലഹരി വിരുദ്ധ നടപടികൾ തുടരുകയാണ്. യോദ്ധാവ് പദ്ധതി സജീവമായി മുന്നേറുകയാണ്. കുട്ടികളെ കാരിയർമാരാക്കുന്നത് ശ്രദ്ധയിൽപ്പെട്ടാൽ നടപടിയെടുക്കുമെന്നും ഡി.ജി.പി പറഞ്ഞു.

കിഴക്കമ്പലം: ട്വന്‍റി-20 നേതാക്കൾക്കെതിരായ ജാതീയ അധിക്ഷേപക്കേസിലെ അന്വേഷണ ഉദ്യോഗസ്ഥനെ ഇന്ന് തീരുമാനിക്കും. ഡിവൈ.എസ്.പി റാങ്കിലുള്ള ഉദ്യോഗസ്ഥനാണ് കേസ് അന്വേഷിക്കുക. പരാതിക്കാരനായ പി.വി ശ്രീനിജന്‍റെ മൊഴി രേഖപ്പെടുത്തിയ ശേഷമായിരിക്കും കേസന്വേഷണം. കുന്നത്തുനാട് എം.എൽ.എ പി.വി ശ്രീനിജന്‍റെ പരാതിയിൽ കിഴക്കമ്പലം ട്വന്‍റി-20 പാർട്ടി പ്രസിഡന്‍റ് സാബു എം ജേക്കബിനെ ഒന്നാം പ്രതിയാക്കി ജാമ്യമില്ലാ വകുപ്പുകൾ പ്രകാരം പൊലീസ് കേസെടുത്തു. പട്ടികജാതി പീഡന നിരോധന നിയമപ്രകാരം രജിസ്റ്റർ ചെയ്ത കേസിൽ ഐക്കരനാട് പഞ്ചായത്ത് പ്രസിഡന്‍റ് ഡീനാ ദീപക്കാണ് രണ്ടാം പ്രതി. കർഷക ദിനാഘോഷം ഉദ്ഘാടനം ചെയ്യുന്നതിനിടെ വേദിയിൽ വച്ച് തന്നെ പരസ്യമായി അപമാനിച്ചതിന് ട്വന്‍റി 20 നേതൃത്വം തന്നോട് വിവേചനം കാണിക്കുന്നുവെന്നാണ് എംഎൽഎയുടെ പരാതി. ഓഗസ്റ്റ് 17ന് ഐക്കരനാട് കൃഷിഭവനിൽ നടന്ന സംഭവമാണ് പരാതിയുടെ അടിസ്ഥാനം. കർഷക ദിനത്തിൽ കൃഷിവകുപ്പിന്‍റെ പരിപാടി ഉദ്ഘാടനം ചെയ്ത എം.എൽ.എ വേദിയിലെത്തിയതോടെ പഞ്ചായത്ത് പ്രസിഡന്‍റ് ഉൾപ്പെടെയുള്ളവർ പ്രതിഷേധ സൂചകമായി വേദി വിട്ടു. പൊതുജനങ്ങൾക്ക് മുന്നിൽ നടന്ന സംഭവം ജാതി വിവേചനമാണെന്നും…

ന്യൂഡല്‍ഹി: ഹൈക്കോടതി തന്നെ വിമർശിച്ചിട്ടില്ലെന്ന് കേരള ഗവർണർ ആരിഫ് മുഹമ്മദ് ഖാൻ. ഹൈക്കോടതിയുടെ വിമർശനം മാധ്യമ സൃഷ്ടി മാത്രമാണ്. സംസ്ഥാന സർക്കാരിന്റെ സമ്മർദ്ദത്തെ തുടർന്നാണ് മാധ്യമങ്ങൾ ഇത്തരമൊരു റിപ്പോർട്ട് നൽകിയത്. വൈസ് ചാൻസലർമാരുടെ വാദം നാളെ തന്നെ നിശ്ചയിച്ച പ്രകാരം കേൾക്കും. കാരണം കാണിക്കൽ നോട്ടീസുമായി ബന്ധപ്പെട്ട നടപടികൾ രണ്ട് ദിവസത്തിനുള്ളിൽ പൂർത്തിയാക്കും. കോടതി വിധിക്ക് ശേഷം അന്തിമ തീരുമാനം എടുക്കുമെന്നും ഗവർണർ പറഞ്ഞു. സുപ്രീം കോടതി വിധി പ്രകാരം യുജിസി നിയമം എല്ലാ സംസ്ഥാനങ്ങൾക്കും ഒരുപോലെ ബാധകമാണെന്നും ഗവർണർ ചൂണ്ടിക്കാട്ടി.

കൊച്ചി: വാഹനം വാങ്ങുമ്പോൾ നൽകിയ വാഗ്ദാനം പാലിക്കാത്തതിൽ പ്രതിഷേധിച്ച് കൊച്ചിയിലെ ഫോക്സ് വാഗൻ ഷോറൂമിന് മുന്നിൽ നടൻ പ്രതിഷേധിച്ചു. സിനിമ- സീരിയൽ മേഖലകളിൽ പ്രവർത്തിക്കുന്ന നടൻ കിരൺ അരവിന്ദാക്ഷൻ പ്രതിഷേധവുമായി രംഗത്തെത്തി. യഥാർത്ഥ കാരണം മറച്ചുവച്ച് ഇന്ധനത്തിന് പകരം വെള്ളം നിറച്ചുവെന്ന് പറഞ്ഞ് വാറന്‍റി നിഷേധിച്ചുവെന്നാണ് കിരണ്‍ അരവിന്ദാക്ഷന്‍  ആരോപിക്കുന്നത്. ഏകദേശം 10 ലക്ഷം രൂപ വായ്പയെടുത്താണ് കിരൺ ഫോക്സ് വാഗൻ പോളോ ഡീസൽ കാർ വാങ്ങിയത്. കൊച്ചി മരടിലെ യാര്‍ഡിലാണ് ഇപ്പോൾ കാർ കിടക്കുന്നത്.  ഡീസൽ വാഹനം 16 മാസമായി ഉപയോഗശൂന്യമായി കിടക്കുകയാണ്. 2021 ഓഗസ്റ്റിലാണ് ബ്രേക്ക് ഡൌണായി ഇവിടെ കിടക്കാൻ തുടങ്ങിയത്. 2023 മാർച്ച് വരെ വാഹനത്തിൻ വാറന്‍റി ഉണ്ടെന്ന് കിരൺ പറഞ്ഞു. എന്നാൽ ഇന്ധന ടാങ്കിൽ വെള്ളം കയറിയതാണ് പ്രശ്നത്തിന് കാരണമെന്ന് ഫോക്സ് വാഗൻ അംഗീകൃത സർവീസ് സെന്‍റർ പറഞ്ഞു. മൂന്ന് ലക്ഷത്തോളം രൂപയോളം ചെലവ് വരുന്ന ജോലിക്ക് വാറന്‍റി ലഭിക്കില്ലെന്ന് അവർ പറഞ്ഞു. എവിടെ നിന്നാണ്…

ന്യൂഡല്‍ഹി: മുനിസിപ്പൽ കോർപ്പറേഷൻ തിരഞ്ഞെടുപ്പ് ഫലത്തിന്റെ മുന്നോടിയായി ആം ആദ്മി പാർട്ടിയിലേക്ക് മാറിയ കോൺഗ്രസ് കൗൺസിലറും സംസ്ഥാന വൈസ് പ്രസിഡന്‍റും മണിക്കൂറുകൾക്കുള്ളിൽ പാർട്ടിയിൽ തിരിച്ചെത്തി. പാർട്ടി സംസ്ഥാന വൈസ് പ്രസിഡന്‍റ് അലി മെഹ്ദി, മുസ്തഫാബാദിൽ നിന്ന് വിജയിച്ച സബീല ബീഗം, ബ്രിജ്പുരിയിൽ നിന്ന് വിജയിച്ച നാസി ഖാതൂൺ എന്നിവർ വെള്ളിയാഴ്ച ആപ്പിൽ ചേർന്നിരുന്നു. സബീല ബീഗവും അലി മെഹ്ദിയുമാണ് ‘ഘർ വാപസി’ നടത്തിയത്. നാസി ഖാതൂൺ ഈ വിഷയത്തിൽ പ്രതികരിച്ചിട്ടില്ല. മെഹ്ദിയുടെയും കൗൺസിലർമാരുടെയും കൂറുമാറ്റത്തിനെതിരെ മുസ്തഫബാദ് നിവാസികൾ പ്രതിഷേധിച്ചിരുന്നു. ഇതിന് പിന്നാലെയാണ് പാർട്ടിയിലേക്കുള്ള തിരിച്ചുവരവ്. ന്യൂഡൽഹിയിൽ നടത്തിയ പ്രത്യേക വാർത്താസമ്മേളനത്തിൽ എഎപി മൂന്ന് പേർക്കും അംഗത്വം നൽകിയതിന് പിന്നാലെ രണ്ട് നേതാക്കൾ ഇന്ന് രാവിലെ കോണ്‍ഗ്രസിലേക്ക് മടങ്ങുകയാണെന്ന് അറിയിച്ചു. സബീല ബീഗത്തിന്‍റെ ഭർത്താവ് ഹാജി കുഷ്നൂബ് ഖാൻ കോണ്‍ഗ്രസ് എംപി ഇമ്രാൻ പ്രതാപ്ഗാർഹിയുമായി കൂടിക്കാഴ്ച നടത്തുകയും കോണ്‍ഗ്രസിലേക്ക് മടങ്ങിവരുമെന്ന് ഉറപ്പ് നൽകുകയും ചെയ്തു.

‘തുനിവി’നായി ആകാംക്ഷയോടെ കാത്തിരിക്കുകയാണ് അജിത്തിന്‍റെ ആരാധകർ. എച്ച് വിനോദാണ് ചിത്രം സംവിധാനം ചെയ്യുന്നത്. എച്ച് വിനോദിന്‍റേതാണ് തിരക്കഥയും. ചിത്രത്തിലെ ഗാനം വൻ ഹിറ്റായതോടെ ആരാധകരുടെ ആകാംക്ഷ വർധിച്ചു. അനിരുദ്ധ് രവിചന്ദർ, വൈശാഖ്, ഗിബ്രാൻ എന്നിവരാണ് ചിത്രത്തിലെ ഗാനം ആലപിച്ചിരിക്കുന്നത്. വൈശാഖ് എഴുതിയ ഗാനത്തിന് ഡി ഇമ്മനാണ് സംഗീതം നൽകിയിരിക്കുന്നത്. നീരവ് ഷായാണ് ചിത്രത്തിന്‍റെ ഛായാഗ്രാഹകൻ. അജിത്തും മഞ്ജു വാര്യരും ഒന്നിച്ചുള്ള ‘ചില്ല ചില്ല’ എന്ന ഡാൻസ് സീക്വൻസും ചിത്രത്തെക്കുറിച്ചുള്ള പ്രതീക്ഷകൾ ഉയർത്തിയിട്ടുണ്ട്. ‘തുനിവി’ന്റെ ഒടിടി പങ്കാളിയെയും ഇതിനകം പ്രഖ്യാപിച്ചിട്ടുണ്ട്. ചിത്രം നെറ്റ്ഫ്ലിക്സിൽ സ്ട്രീം ചെയ്യും. തിയേറ്റർ റിലീസിന് ശേഷം ചിത്രം ഒടിടിയിൽ സ്ട്രീം ചെയ്യും. ബോണി കപൂറാണ് ചിത്രം നിർമ്മിക്കുന്നത്.

തിരുവനന്തപുരം: വിക്രം സാരാഭായ് സ്പേസ് സെന്‍ററിൽ സ്ഥാപിച്ച ട്രൈസോണിക് വിൻഡ് ടണലിന്‍റെ ആദ്യ ‘ബ്ലോ ഡൗൺ’ പരീക്ഷണം വിജയകരമായി പൂർത്തിയാക്കി. റോക്കറ്റുകളുടെയും പുനരുപയോഗിക്കാവുന്ന ബഹിരാകാശ പേടകങ്ങളുടെയും എയറോഡൈനാമിക് രൂപകൽപ്പന പരിശോധിക്കുന്നതിനും അവയിൽ അനുഭവപ്പെടുന്ന ഭാരത്തിന്‍റെ വിതരണം, സമ്മർദ്ദം മുതലായവ വിലയിരുത്തുന്നതിനും ട്രൈസോണിക് വിൻഡ് ടണൽ ഉപയോഗിക്കുന്നു. വിഎസ്എസ്സിയിലെ ട്രൈസോണിക് തുരങ്കത്തിന് 160 മീറ്റർ നീളവും പരമാവധി വ്യാസം 5.4 മീറ്ററുമാണ്. ബഹിരാകാശ വാഹനങ്ങളുടെ വിക്ഷേപണ വേളയിൽ മൂന്ന് സ്പീഡ് റേഞ്ചുകളിൽ വിവിധ പരീക്ഷണങ്ങൾക്ക് ഈ സാങ്കേതികവിദ്യ ഉപയോഗിക്കാൻ കഴിയും. ശബ്ദത്തിന്റെ വേഗത്തിന് താഴെ, ശബ്ദത്തിന്റെ വേഗത്തില്‍, ശബ്ദത്തിന്റെ വേഗത്തിനു മുകളില്‍ എന്നീ പരിധികളില്‍ പരീക്ഷണം നടത്താം. ശബ്ദത്തിന്റെ 0.2 മടങ്ങ് വേഗത്തില്‍നിന്ന് ശബ്ദത്തിന്റെ നാലുമടങ്ങുവരെയുള്ള വേഗപരിധിയില്‍ പരിശോധനകള്‍ നടത്താന്‍ ഈ ടണല്‍ ഉപയോഗിക്കാം. വി.എസ്.എസ്.സി ഡയറക്ടർ ഡോ.എസ്.ഉണ്ണികൃഷ്ണൻ നായർ, എൽ.പി.എസ്.സി ഡയറക്ടർ ഡോ.വി.നാരായണൻ, ഐ.ഐ.എസ്.യു ഡയറക്ടർ ഡോ.സാം ദയാല ദേവ് ഉൾപ്പെടെയുള്ള മുതിർന്ന ഉദ്യോഗസ്ഥരുടെ സാന്നിധ്യത്തിൽ ഐ.എസ്.ആര്‍.ഒ. ചെയര്‍മാന്‍ എസ്.സോമനാഥ് സ്വിച്ച്…

പ്രവർത്തനരഹിതമായ ഉപഗ്രഹങ്ങളും ഉപേക്ഷിക്കപ്പെട്ട റോക്കറ്റുകളുടെ ഭാഗങ്ങളും ഉൾപ്പെടെ ഭൂമിയുടെ ഭ്രമണപഥത്തിൽ വർദ്ധിച്ചുവരുന്ന ബഹിരാകാശ അവശിഷ്ടങ്ങൾ നീക്കം ചെയ്യുന്ന പദ്ധതിയിൽ ഭാഗമായി ഐഎസ്ആർഒ. ആഗോളതലത്തിൽ പദ്ധതിക്ക് നേതൃത്വം നൽകുന്ന ഇന്‍റർ ഏജൻസി സ്പേസ് ഡെബിസ് കോർഡിനേഷൻ കമ്മിറ്റിയിൽ (ഐഎഡിസി) സജീവ അംഗമാണ് ഇന്ത്യ. ഐക്യരാഷ്ട്രസഭയുടെ മാർഗ്ഗനിർദ്ദേശങ്ങൾ അനുസരിച്ചാണ് ഭ്രമണപഥ ശുചീകരണം നടത്തുന്നത്. ബഹിരാകാശ പ്രവർത്തനങ്ങൾ സുരക്ഷിതമായും സുസ്ഥിരമായും നടക്കുന്നുവെന്ന് ഉറപ്പാക്കാനുള്ള ശ്രമങ്ങൾക്കാണ് മുൻഗണനയെന്ന് കേന്ദ്രമന്ത്രി ജിതേന്ദ്ര സിംഗ് ലോക്സഭയിൽ പറഞ്ഞു. ബഹിരാകാശത്തെ അപകടങ്ങളിൽ നിന്ന് ഇന്ത്യൻ ഉപകരണങ്ങളെ സംരക്ഷിക്കുന്നതിനും അനുബന്ധ ഗവേഷണ വികസന പ്രവർത്തനങ്ങൾ തുടരുന്നതിനും ഒരു സംവിധാനം പ്രവര്‍ത്തനക്ഷമമാക്കിയിട്ടുണ്ടെന്നും അദ്ദേഹം കൂട്ടിച്ചേർത്തു.