Author: News Desk

തിരുവനന്തപുരം: മാറുന്ന കാലത്തിന്‍റെ സാധ്യതകള്‍ മുതലെടുത്ത് ടൂറിസം മേഖലയിൽ കൂടുതൽ നേട്ടമുണ്ടാക്കുകയാണ് സർക്കാരിന്റെ ലക്ഷ്യമെന്ന് മുഖ്യമന്ത്രി പിണറായി വിജയൻ. പകൽ കഠിനാധ്വാനം ചെയ്ത് രാത്രിയിൽ മാനസിക വിശ്രമത്തിനായി സാംസ്കാരിക പരിപാടികൾ സംഘടിപ്പിക്കുന്നത് കേരളത്തിന്‍റെ പാരമ്പര്യത്തിന്‍റെ ഭാഗമായിരുന്നു. ഉത്തരവാദിത്ത ടൂറിസം പദ്ധതിയുടെ ഭാഗമായി ടൂറിസം മേഖലയിൽ രാത്രി ജീവിതം പ്രോത്സാഹിപ്പിക്കുകയാണ് ലക്ഷ്യമെന്നും ഇത്തരം സമ്പ്രദായങ്ങൾ തിരിച്ചുകൊണ്ടുവരുകയാണ് ലക്ഷ്യമെന്നും മുഖ്യമന്ത്രി പറഞ്ഞു. നഗര വസന്തം പോലുള്ള പരിപാടികൾ ഇത്തരം ശ്രമങ്ങൾക്ക് ഉത്തേജനം നൽകുമെന്നും അദ്ദേഹം കൂട്ടിച്ചേർത്തു. തിരുവനന്തപുരം മുനിസിപ്പാലിറ്റിയുമായി സഹകരിച്ച് ടൂറിസം വകുപ്പ്, തിരുവനന്തപുരം ജില്ലാ ടൂറിസം പ്രൊമോഷൻ കൗൺസിൽ, കേരള റോസ് സൊസൈറ്റി എന്നിവയുടെ സംയുക്താഭിമുഖ്യത്തിൽ സംഘടിപ്പിക്കുന്ന ‘നഗര വസന്തം പുഷ്പോത്സവ’വും റിഗാറ്റ നാട്യ സംഗീത കേന്ദ്രത്തിന്‍റെ അമ്പതാം വാർഷികാഘോഷവും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ടൈം മാഗസിൻ, ഇന്ത്യാ ടുഡേ തുടങ്ങിയ ദേശീയ അന്തർദ്ദേശീയ പ്രസിദ്ധീകരണങ്ങൾ കേരളത്തെ തീർച്ചയായും കണ്ടിരിക്കേണ്ട 50 ടൂറിസ്റ്റ് കേന്ദ്രങ്ങളിൽ ഒന്നായി തിരഞ്ഞെടുത്തത് ഉത്തരവാദിത്ത ടൂറിസത്തിനുള്ള അംഗീകാരമാണെന്ന്…

മുംബൈ: പ്രധാനമന്ത്രി നരേന്ദ്ര മോദിയെ ഇന്ത്യയുടെ രാഷ്ട്രപിതാവെന്ന് വിശേഷിപ്പിച്ച് മഹാരാഷ്ട്ര ഉപമുഖ്യമന്ത്രി ദേവേന്ദ്ര ഫഡ്നാവിസിന്‍റെ ഭാര്യ അമൃത ഫഡ്നാവിസ്. ഇന്ത്യക്ക് രണ്ട് രാഷ്ട്രപിതാക്കൻമാരുണ്ടെന്നും അതിൽ നരേന്ദ്ര മോദി പുതിയ ഇന്ത്യയുടെ രാഷ്ട്രപിതാവാണെന്നും മഹാത്മാ ഗാന്ധി പഴയ ഇന്ത്യയുടെ രാഷ്ട്രപിതാവാണെന്നും അമൃത പറഞ്ഞു. കഴിഞ്ഞ വർഷവും അമൃത മോദിയെ രാഷ്ട്രപിതാവെന്ന് വിളിച്ചിരുന്നു. മോദി രാഷ്ട്രപിതാവാണെങ്കിൽ ആരാണ് മഹാത്മാ ഗാന്ധി എന്ന ചോദ്യത്തിനാണ് ഇന്ത്യക്ക് രണ്ട് രാഷ്ട്രപിതാക്കൻമാരുണ്ടെന്നും ഗാന്ധി പഴയ ഇന്ത്യയുടെ രാഷ്ട്രപിതാവാണെന്നും അവർ പറഞ്ഞത്. അതേസമയം അമൃതയുടെ പരാമർശത്തെ വിമർശിച്ച് കോൺഗ്രസ് നേതാവും മുൻ മന്ത്രിയുമായ യശോമതി ഠാക്കൂർ രംഗത്തെത്തി. ബി.ജെ.പിയുടെയും ആർ.എസ്.എസിന്‍റെയും പ്രത്യയശാസ്ത്രം പിന്തുടരുന്നവർ മഹാത്മാഗാന്ധിയെ വീണ്ടും വീണ്ടും കൊല്ലാൻ ശ്രമിക്കുകയാണ്. നുണകൾ ആവർത്തിച്ചും ഗാന്ധിയെപ്പോലുള്ള മഹാൻമാരെ അപകീർത്തിപ്പെടുത്തിയും ചരിത്രം മാറ്റിയെഴുതാനുള്ള തിടുക്കത്തിലാണ് ഇത്തരം കാര്യങ്ങൾ ചെയ്യുന്നതെന്നും അവർ പറഞ്ഞു.

ന്യൂഡൽഹി: വിദേശത്ത് നിന്ന് വരുന്ന എല്ലാ മെഡിക്കൽ വിദ്യാർത്ഥികൾക്കും രണ്ട് വർഷത്തെ ഇന്‍റേൺഷിപ്പ് നടപ്പാക്കാൻ സംസ്ഥാന മെഡിക്കൽ കൗൺസിലുകൾ ശ്രമിക്കുന്നുവെന്ന പരാതിയുമായി വിദ്യാർത്ഥികൾ ദേശീയ മെഡിക്കൽ കമ്മീഷനെ (എൻഎംസി) സമീപിച്ചു. വിവിധ സംസ്ഥാനങ്ങളിൽ നിന്നുള്ള 87 വിദ്യാർത്ഥികളാണ് പരാതി നൽകിയത്. കോവിഡ് -19 നെയും യുദ്ധത്തെയും തുടർന്ന് ഇന്ത്യയിലേക്ക് മടങ്ങിയെത്തിയ ചൈനയിൽ നിന്നും ഉക്രെയിനിൽ നിന്നുമുള്ള മെഡിക്കൽ വിദ്യാർത്ഥികൾ ഓൺലൈനായാണ് പഠനം പൂർത്തിയാക്കിയത്. ക്ലിനിക്കൽ പരിശീലനം നൽകുന്നതിനായി എൻഎംസി രണ്ട് വർഷത്തെ ‘കംപൾസീവ് റൊട്ടേറ്ററി മെഡിക്കൽ ഇന്‍റേൺഷിപ്പ് റെഗുലേഷൻ’ നിർദ്ദേശിച്ചു. മറ്റ് രാജ്യങ്ങളിൽ നിന്നുള്ളവർക്ക് ഇത് 12 മാസമാണ്. എന്നാൽ, വിദേശത്ത് നിന്ന് വരുന്ന എല്ലാ വിദ്യാർത്ഥികളോടും രണ്ട് വർഷത്തേക്ക് ഇന്‍റേൺഷിപ്പ് ചെയ്യാൻ സംസ്ഥാന മെഡിക്കൽ കൗൺസിലുകൾ ആവശ്യപ്പെടുന്നുണ്ടെന്ന് വിദ്യാർത്ഥികൾ പരാതിയിൽ പറയുന്നു. വിദേശത്ത് മെഡിക്കൽ പഠനം പൂർത്തിയാക്കിയവർക്ക് ഇന്ത്യയിൽ പ്രാക്ടീസ് ചെയ്യുന്നതിന് 12 മാസത്തെ നിർബന്ധിത ഇന്‍റേൺഷിപ്പ് ആവശ്യമാണ്.

ഏറെ നാളത്തെ കാത്തിരിപ്പിനൊടുവിൽ കേരളത്തിലെ ആദ്യ ഐമാക്സ് തിയേറ്റർ തിരുവനന്തപുരത്ത് പ്രവർത്തനമാരംഭിച്ചു. ലുലു മാളിലെ പിവിആർ സൂപ്പർപ്ലെക്സിൽ ഐമാക്സ് സ്ക്രീനിംഗ് ആരംഭിച്ചു. ഹോളിവുഡ് ചിത്രമായ അവതാർ ദി വേ ഓഫ് വാട്ടർ ആണ് ഉദ്ഘാടന ചിത്രം. അവതാർ റിലീസ് ചെയ്യുന്ന ഡിസംബർ 16ന് തന്നെ തിരുവനന്തപുരത്ത് ഐമാക്സ് ഉദ്ഘാടനം ചെയ്യുമെന്ന് നിർമ്മാതാക്കൾ നേരത്തെ പ്രഖ്യാപിച്ചിരുന്നുവെങ്കിലും അതുണ്ടായില്ല.  അതേസമയം കേരളത്തിലെ ആദ്യ ഐമാക്സ് റിലീസ് ദിവസം തന്നെ മികച്ച പ്രതികരണമാണ് നേടുന്നത്. അവതാർ റിലീസ് ചെയ്ത് കുറച്ച് ദിവസമായെങ്കിലും ഐമാക്സിൽ സിനിമ കാണാൻ സിനിമാപ്രേമികളുടെ തിരക്കുണ്ടായിരുന്നു. ഞായറാഴ്ച വരെയുള്ള മിക്ക ഷോകൾക്കും ഓൺലൈൻ ബുക്കിംഗ് സൈറ്റുകളിൽ വലിയ തോതിലുള്ള ബുക്കിംഗ് ലഭിക്കുന്നു. യഥാക്രമം 1230 രൂപ, 930 രൂപ, 830 രൂപ എന്നിങ്ങനെയാണ് ടിക്കറ്റ് നിരക്ക്. കേരളത്തിലെ ആദ്യ ഐമാക്സ് തിരുവനന്തപുരത്തെ ലുലു മാളിൽ എത്തുമെന്ന് വർഷങ്ങളായി സോഷ്യൽ മീഡിയയിൽ അഭ്യൂഹങ്ങൾ ഉണ്ടായിരുന്നു. ഊഹാപോഹങ്ങൾക്ക് വിരാമമിട്ടുകൊണ്ട്, ഐമാക്സ് ഏഷ്യയിലെ തിയേറ്റർ സെയിൽസ് വൈസ്…

പോർട്ട് ബ്ലയർ: ആൻഡമാൻ തീരത്ത് ബോട്ടിൽകുടുങ്ങി നൂറോളം റോഹിങ്ക്യൻ അഭയാർഥികൾ. എഞ്ചിൻ തകരാർ കാരണം ദിവസങ്ങളായി ബോട്ട് ഒഴുകി നടക്കുകയായിരുന്നു. ഭക്ഷണവും വെള്ളവും തീർന്നു. കുട്ടികളടക്കം 16 പേർ മരിച്ചതായാണ് റിപ്പോർട്ട്. ഇവരെ രക്ഷപ്പെടുത്താൻ ഇന്ത്യൻ നാവികസേന ബോട്ടിലേക്ക് പുറപ്പെട്ടു. ബംഗ്ലാദേശിൽ നിന്ന് മലേഷ്യയിലേക്ക് കുടിയേറാൻ പോയവരാണ് ബോട്ടിലുണ്ടായിരുന്നത്. മ്യാൻമറിലെ റോഹിങ്ക്യകളെ പിന്തുണയ്ക്കുന്ന അരാകൻ പദ്ധതിയുടെ ഡയറക്ടർ ക്രിസ് ലെവ, 20 ഓളം പേർ പട്ടിണിയും ദാഹവും താങ്ങാൻ കഴിയാതെ മരിച്ചതായി കണക്കാക്കപ്പെടുന്നതായും, ഇത് തികച്ചും ഭയാനകവും ക്രൂരവുമാണെന്നും പറഞ്ഞു.

ന്യൂഡല്‍ഹി: കോവിഡ് മാർഗനിർദേശങ്ങൾ കർശനമായി പാലിച്ചില്ലെങ്കിൽ ഭാരത് ജോഡോ യാത്ര മാറ്റിവയ്ക്കണമെന്ന് ആവശ്യപ്പെട്ട് കോൺഗ്രസിന് കത്തയച്ചതിന് പിന്നാലെ ഗാന്ധി കുടുംബത്തിനെതിരെ ആഞ്ഞടിച്ച് കേന്ദ്ര ആരോഗ്യമന്ത്രി മൻസുഖ് മാണ്ഡവ്യ. ഒരു കുടുംബത്തിന് വേണ്ടി മാത്രം നിയമങ്ങളിൽ വിട്ടുവീഴ്ച ചെയ്യില്ലെന്നും ആർക്കും പ്രത്യേക പരിഗണന നൽകില്ലെന്നും മൻസുഖ് മാണ്ഡവ്യ പറഞ്ഞു. കൊവിഡ് അവലോകന യോഗത്തിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. തങ്ങൾ നിയമത്തിന് അതീതരാണെന്ന് ഒരു കുടുംബം വിശ്വസിക്കുന്നതിനാൽ കൊവിഡ് വ്യാപനം നിയന്ത്രണവിധേയമാക്കാനുള്ള കടമകളിൽ നിന്ന് വിട്ടുവീഴ്ച ചെയ്യില്ല. ആർക്കും പ്രത്യേക പരിഗണന ലഭിക്കില്ല. ആരോഗ്യമന്ത്രി എന്ന നിലയിൽ, രാജ്യത്ത് കോവിഡ് പടരുന്നില്ലെന്ന് ഉറപ്പാക്കേണ്ടത് തൻ്റെ കടമയാണ്. ഒരു മന്ത്രിക്ക് എങ്ങനെയാണ് രാഹുൽ ഗാന്ധിയെ ചോദ്യം ചെയ്യാൻ കഴിയുകയെന്ന് ആരെങ്കിലും ചിന്തിച്ചാൽ അതിനെക്കുറിച്ച് എന്ത് പറയാനാണ്? ചോദ്യംചെയ്യുന്നത് തന്‍റെ കടമ നിർവഹിക്കുന്നതിൽ നിന്ന് തടയുന്നതിന് തുല്യമാണെന്ന് മാണ്ഡവ്യ പറഞ്ഞു. ഭാരത് ജോഡോ യാത്രയിൽ പങ്കെടുത്ത ശേഷം ഹിമാചൽ മുഖ്യമന്ത്രി സുഖ്വീന്ദർ സിംഗ് ഉൾപ്പെടെ നിരവധി…

കഠ്മണ്ഡു: നേപ്പാൾ ജയിലിൽ കഴിയുന്ന കുപ്രസിദ്ധ കൊലയാളി ചാൾസ് ശോഭ്‌രാജ് മോചിതനാകുന്നു. നേപ്പാൾ സുപ്രീം കോടതിയാണ് ശോഭ്‌രാജിനെ മോചിപ്പിക്കാൻ ഉത്തരവിട്ടത്. 78 കാരനായ ശോഭ്‌രാജ് 2003 മുതൽ നേപ്പാൾ ജയിലിലാണ്. 21 വർഷം ഇന്ത്യയിൽ ജയിൽ വാസം അനുഭവിച്ചിട്ടുണ്ട്. 1970കളിൽ 15 നും 20 നും ഇടയിൽ ആളുകളെ ഇയാൾ കൊലപ്പെടുത്തിയതായി കരുതപ്പെടുന്നു.

വായു മലിനീകരണം തടയുന്നതിനായി പശ്ചിമ ബംഗാൾ സംസ്ഥാന അതിർത്തിയിൽ വൃക്ഷത്തൈകൾ നട്ടുപിടിപ്പിക്കാൻ ഒരുങ്ങുകയാണ്. അയൽ സംസ്ഥാനങ്ങളായ ജാർഖണ്ഡിലും ബീഹാറിലും വൈക്കോൽ കത്തിക്കുന്നതിലൂടെ ഉണ്ടാകുന്ന പുക ഒരു പ്രധാന പ്രശ്നമായി മാറുന്ന സമയത്താണ് ഇത്. വായു മലിനീകരണം രൂക്ഷമായതിനാൽ തെക്കൻ ജില്ലകളിൽ വലിയ വൃക്ഷത്തൈകൾ നട്ടുപിടിപ്പിക്കുമെന്നും ഏത് തരത്തിലുള്ള മരമാണ് വേണ്ടതെന്ന് വിദഗ്ദ്ധ അഭിപ്രായം തേടുമെന്നും പരിസ്ഥിതി മന്ത്രി മാനസ് ഭുനിയ പറഞ്ഞു. വൈക്കോൽ കത്തിക്കുന്നത് നിരീക്ഷിക്കാൻ ഡൽഹി ഐഐടിയുടെ സഹായത്തോടെ ഉപഗ്രഹ അധിഷ്ഠിത സംവിധാനം വികസിപ്പിച്ചിട്ടുണ്ടെന്നും മന്ത്രി പറഞ്ഞു.

ബ്യൂണസ് ഐറിസ്: ലോകകപ്പ് വിജയാഘോഷത്തിനിടെ ഫ്രഞ്ച് താരം കിലിയൻ എംബാപ്പെയെ പരിഹസിച്ച് അർജന്‍റീന ഗോൾകീപ്പർ എമിലിയാനോ മാർട്ടിനെസ്. എംബാപ്പെയ്ക്കെതിരായ തമാശകളുടെ പേരിൽ നിരവധി തവണ വിവാദങ്ങൾക്ക് ഇരയായ മാർട്ടിനെസ് ഇത്തവണ എംബാപ്പെയുടെ മുഖമുള്ള പാവയുമായി തന്‍റെ വിജയം ആഘോഷിച്ച് വിവാദം സൃഷ്ടിച്ചിരിക്കുകയാണ്. പി.എസ്.ജിയിൽ എംബാപ്പെയുടെ സഹതാരം ലയണൽ മെസി ഉൾപ്പെടെയുള്ളവർ അടുത്തുനിൽക്കുമ്പോഴാണ് എംബാപ്പെയുടെ മുഖവുമായി മാർട്ടിനെസിന്‍റെ വിവാദ ആഘോഷം. അർജന്‍റീനയുടെ ലോകകപ്പ് വിജയത്തിന് തൊട്ടുപിന്നാലെ ഡ്രസിംഗ് റൂമിൽ നടന്ന വിജയാഘോഷത്തിനിടെ എംബാപ്പെയെ ലക്ഷ്യമിട്ട് മാർട്ടിനെസ് നടത്തിയ പരാമർശം വിവാദമായിരുന്നു. “മരിച്ച എംബാപ്പെയ്ക്കായി നമുക്ക് ഒരു മിനിറ്റ് നിശബ്ദത പാലിക്കാം,” എന്നായിരുന്നു മാർട്ടിനെസിൻ്റെ വാക്കുകൾ. അർജന്‍റീനയുടെ നിക്കോളാസ് ഒട്ടാമെൻഡിയാണ് അർജന്‍റീനയുടെ ആഘോഷങ്ങൾ ഡ്രസ്സിംഗ് റൂമിൽ നിന്ന് തത്സമയം ഇൻസ്റ്റഗ്രാമിൽ പോസ്റ്റ് ചെയ്തത്. താരങ്ങളുടെ നൃത്തത്തിനിടെയാണ് മാർട്ടിനെസ് എംബാപ്പെയെക്കുറിച്ച് പരാമർശം നടത്തിയത്. ലോകകപ്പ് ഫൈനലിൽ എംബാപ്പെ ഹാട്രിക്ക് നേടിയിരുന്നു. 80, 81, 118 മിനിറ്റുകളിലായിരുന്നു എംബാപ്പെയുടെ ഗോളുകൾ . ഷൂട്ടൗട്ടിൽ അർജന്‍റീന 4-2നാണ് ഫ്രാൻസിനെ…

തിരുവനന്തപുരം: ലോകത്ത് കൊവിഡ് വർദ്ധിക്കുന്ന സാഹചര്യം നിലവിൽ വന്നതായി മുഖ്യമന്ത്രി. സംസ്ഥാനത്ത് കേസുകൾ കുറവാണ്. കോവിഡ് ബാധിക്കാതിരിക്കാൻ നിങ്ങൾ സ്വയം ശ്രദ്ധിക്കണം. ആരോഗ്യമന്ത്രിയുടെ നേതൃത്വത്തിൽ റാപ്പിഡ് റെസ്പോൺസ് ടീം യോഗം ചേരും. രോഗലക്ഷണങ്ങൾ കണ്ടാൽ ചികിത്സ തേടണം. മാനദണ്ഡങ്ങൾ കർശനമായി പാലിക്കണമെന്നും മുഖ്യമന്ത്രി പറഞ്ഞു. ബഫർ സോണിൽ തെറ്റിദ്ധാരണ സൃഷ്ടിക്കാൻ ശ്രമം നടന്നതായും മുഖ്യമന്ത്രി കൂട്ടിച്ചേർത്തു. ജനങ്ങളെയും ഉപജീവനമാർഗങ്ങളെയും ബാധിക്കുന്ന ഒരു നടപടിയും ഉണ്ടാകില്ല. ജനവാസ കേന്ദ്രങ്ങളും കൃഷിയിടങ്ങളും ബഫർ സോൺ പ്രദേശത്ത് നിന്ന് ഒഴിവാക്കണമെന്നാണ് സർക്കാർ നിലപാട്.മറിച്ചുള്ള വാദങ്ങൾ തെറ്റാണ്. പ്രദേശത്തെ എല്ലാ കെട്ടിടങ്ങളും ഉൾപ്പെടുത്തിയ ശേഷം അന്തിമ റിപ്പോർട്ട് സുപ്രീം കോടതിയിൽ സമർപ്പിക്കും. ബഫർ സോൺ പ്രദേശത്ത് താമസിക്കുന്നവർ ആശങ്കപ്പെടേണ്ടതില്ല. പുനഃപരിശോധനാ ഹർജിയിൽ എല്ലാം വ്യക്തമാക്കുമെന്നും മുഖ്യമന്ത്രി പറഞ്ഞു. ഉപഗ്രഹ സ‍ര്‍വ്വേയുമായി ബന്ധപ്പെട്ടുണ്ടായ എല്ലാ പരാതികളും സര്‍ക്കാര്‍ പരിഹരിക്കും. തിരുത്തിയ റിപ്പോര്‍ട്ടേ സര്‍ക്കാര്‍ സുപ്രീംകോടതിയിൽ സമര്‍പ്പിക്കൂ. ഫിൽഡ് സര്‍വേ കൂടി നടത്തി കൃത്യമായ വിവരങ്ങൾ ശേഖരിച്ച് സര്‍ക്കാര്‍ മുന്നോട്ട്…