Author: News Desk

ന്യൂഡല്‍ഹി: അടുത്ത വർഷം നടക്കാനിരിക്കുന്ന നിയമസഭാ തിരഞ്ഞെടുപ്പിൽ മധ്യപ്രദേശിലെ മുഴുവൻ സീറ്റുകളും കോൺഗ്രസ് തൂത്തുവാരുമെന്നും ബിജെപി അപ്രത്യക്ഷമാകുമെന്നും കോൺഗ്രസ് അധ്യക്ഷൻ രാഹുൽ ഗാന്ധി. ഇതിന് സഹായിക്കും വിധം ബി.ജെ.പിയിൽ വലിയ അടിയൊഴുക്കുണ്ടെന്ന് രാഹുൽ ഗാന്ധി പറഞ്ഞു. “മധ്യപ്രദേശ് തിരഞ്ഞെടുപ്പ് കോൺഗ്രസ് തൂത്തുവാരുമെന്ന് ഞാന്‍ ഉറപ്പിച്ചു പറയുന്നു. ബി.ജെ.പിയെ ഒരിടത്തും കാണില്ല. മധ്യപ്രദേശിൽ ബി.ജെ.പി സർക്കാരുണ്ടാക്കിയത് പണം കൊണ്ടാണ് എന്ന് എല്ലാവർക്കും അറിയാം”, ഭാരത് ജോഡോ യാത്രയ്ക്കിടെ രാഹുൽ ഗാന്ധി മാധ്യമപ്രവർത്തകരോട് പറഞ്ഞു. ബി.ജെ.പിക്കെതിരെ വലിയ അടിയൊഴുക്കുണ്ട്. ബി.ജെ.പിയും കോൺഗ്രസും തമ്മിലുള്ള തന്ത്രപരമായ രാഷ്ട്രീയ പോരാട്ടമാകില്ല ഇനി നടക്കുക. പ്രതിപക്ഷത്തിന് ഒരു കേന്ദ്ര പ്രത്യയശാസ്ത്ര ചട്ടക്കൂട് ആവശ്യമാണ്. അത് കോൺഗ്രസിന് മാത്രമേ നൽകാൻ കഴിയൂ. എന്നാൽ പ്രതിപക്ഷ പാർട്ടികളുടെ ക്ഷേമം ഉറപ്പാക്കുന്നതിലും ഞങ്ങൾക്ക് പങ്കുണ്ടെന്നും അദ്ദേഹം പറഞ്ഞു.

ആർആർആറിന്‍റെയും ഗോഡ്ഫാദറിന്‍റെയും വരവിന് ശേഷം, ബോളിവുഡ് താരങ്ങൾ തെലുങ്ക് സിനിമാ വ്യവസായത്തിൽ കണ്ണുവയ്ക്കുന്നു എന്ന ഒരു പൊതു അഭിപ്രായമുണ്ട്. തെലുങ്ക് സിനിമകൾക്ക് ലഭിക്കുന്ന പാൻ-ഇന്ത്യൻ റീച്ചാണ് ഇതിന് കാരണം. റിപ്പോർട്ടുകൾ സത്യമാണെങ്കിൽ, നടൻ ആമിർ ഖാൻ ഉടൻ ടോളിവുഡിൽ അരങ്ങേറ്റം കുറിച്ചേക്കും. ജൂനിയർ എൻടിആറിനെ നായകനാക്കി കെജിഎഫ് ഫെയിം പ്രശാന്ത് നീൽ സംവിധാനം ചെയ്യുന്ന പുതിയ ചിത്രത്തിൽ ആമിർ ഖാൻ ഒരു പ്രധാന വേഷത്തിൽ പ്രത്യക്ഷപ്പെടുമെന്ന് സംവിധായകൻ്റെ അടുത്ത വൃത്തങ്ങൾ അറിയിച്ചു. ജൂനിയർ എൻടിആറിനൊപ്പം ആമിർ ഒരു പ്രധാന കഥാപാത്രത്തെ അവതരിപ്പിക്കും. ചിത്രത്തിൽ ആമിറിനെ എത്തിക്കാനുള്ള ശ്രമങ്ങൾ തുടരുകയാണെന്നാണ് റിപ്പോർട്ടുകൾ. ജൂനിയർ എൻടിആറിന്‍റെ 31-ാമത്തെ ചിത്രമാണിത്. പ്രഭാസിനെ നായകനാക്കി ‘സലാർ’ എന്ന ചിത്രത്തിന്‍റെ തിരക്കിലാണ് പ്രശാന്ത് നീൽ ഇപ്പോൾ. പൃഥ്വിരാജ് സുകുമാരൻ, ജഗപതി ബാബു, ശ്രുതി ഹാസൻ എന്നിവരാണ് ചിത്രത്തിൽ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ചിത്രത്തിലെ പൃഥ്വിരാജിന്‍റെ വർധരാജ് മാന്നാർ എന്ന കഥാപാത്രത്തിന്‍റെ ഫസ്റ്റ് ലുക്ക് വളരെ ശ്രദ്ധേയമായിരുന്നു.

പാലക്കാട്: മലയാളി അത്ലറ്റ് പി.യു ചിത്ര വിവാഹിതയായി. പാലക്കാട് നെൻമാറ ചേരാമംഗലത്തെ അന്താഴിയിൽ ഷൈജുവാണ് വരൻ. പാലക്കാട് മൈലംപള്ളിയിൽ നടന്ന ലളിതമായ ചടങ്ങിലായിരുന്നു വിവാഹം. തൃശൂരിൽ പൊലീസ് ഉദ്യോഗസ്ഥനാണ് ഷൈജു. രാമകൃഷ്ണന്‍റെയും പരേതയായ കമലയുടെയും മകനാണ്. കഴിഞ്ഞ വർഷം സെപ്റ്റംബറിൽ ബെംഗളൂരുവിൽ അത്ലറ്റിക്സ് ക്യാമ്പിൽ പരിശീലനം നടത്തുന്നതിനിടെയാണ് ഇരുവരുടേയും വിവാഹനിശ്ചയം നടന്നത്. ഉണ്ണികൃഷ്ണന്‍റെയും വസന്തകുമാരിയുടെയും മകളായ പാലക്കാട് മുണ്ടൂർ പി.യു.ചിത്ര ഇന്ത്യൻ മധ്യദൂര ഓട്ടക്കാരിയാണ്. നിലവിൽ ഇന്ത്യൻ റെയിൽവേയിൽ സീനിയർ ക്ലാർക്കാണ്.

ഉണ്ണി മുകുന്ദൻ നായകനായി എത്തിയ ചിത്രമാണ് ‘മാളികപ്പുറം’. നവാഗതനായ വിഷ്ണു ശശിശങ്കറാണ് ചിത്രം സംവിധാനം ചെയ്തത്. ചിത്രത്തിന് മികച്ച പ്രതികരണമാണ് ലഭിക്കുന്നത്. ദേവനന്ദന, ശ്രീപദ് യാന്‍ എന്നിവരുടെ കാഴ്‍ചപ്പാടിലൂടെ കഥ പറയുന്ന ചിത്രം ‘കേരളത്തിന്‍റെ കാന്താര’യാണെന്ന് ആന്‍റോ ആന്‍റണി എം.പി ഫേസ്ബുക്കിൽ കുറിച്ചു. ‘ശബരിമല ഉൾപ്പെടുന്ന നാടിന്‍റെ ജനപ്രതിനിധിയാണ് ഞാനെന്ന് പറയുമ്പോൾ ലഭിക്കുന്ന സ്വീകരണം ഞാൻ എല്ലായ്പ്പോഴും അനുഭവിച്ചിട്ടുണ്ട്. പ്രത്യേകിച്ചും കേരളത്തിന് പുറത്തുള്ള സംസ്ഥാനങ്ങളിലെത്തുമ്പോൾ. എല്ലാവർക്കും വാക്കുകളിൽ വിവരിക്കാൻ കഴിയാത്ത ശക്തിയുടെ ഉറവിടമാണ് അയ്യപ്പൻ. റിലീസ് ദിവസം തന്നെ ആ ദിവ്യ മഹത്വം ചിത്രീകരിക്കുന്ന മനോഹരമായ ഒരു സിനിമ കണ്ട അനുഭൂതിയിലാണ് ഇത് എഴുതുന്നത്. പ്രിയ സുഹൃത്ത് ആന്‍റോ ജോസഫും വേണു കുന്നപ്പിള്ളിയും ചേർന്ന് നിർമ്മിച്ച് വിഷ്ണു ശശിശങ്കർ സംവിധാനം ചെയ്ത ‘മാളികപ്പുറത്തെ’ ഒറ്റ വാചകത്തിൽ ‘കേരളത്തിന്‍റെ കാന്താര’ എന്ന് വിശേഷിപ്പിക്കാം. ചിത്രം ഉജ്ജ്വലമായാണ് പ്രേക്ഷകരിലേക്ക് ഭക്തിയുടെയും അതിലെ നിഷ്‌ക്കളങ്കതയുടെയും മനോഹരമായ മുഹൂര്‍ത്തങ്ങള്‍ പകര്‍ന്ന് ഒടുവില്‍ കോരിത്തരിപ്പിക്കുന്ന ക്ലൈമാക്‌സോടെ പര്യവസാനിക്കുന്നത്. ‘കല്യാണി’…

ബെംഗളൂരു: 2023 ലെ കർണാടക നിയമസഭാ തിരഞ്ഞെടുപ്പിന് മുന്നോടിയായി ‘അസംതൃപ്തരായ’ ബിജെപി എംഎൽഎമാരായ കെഎസ് ഈശ്വരപ്പ, രമേശ് ജാർക്കിഹോളി എന്നിവരെ ഉൾപ്പെടുത്തി മന്ത്രിസഭാ വിപുലീകരണത്തിന് കേന്ദ്ര ആഭ്യന്തര മന്ത്രി അമിത് ഷാ അംഗീകാരം നൽകി. മെയ് മാസത്തിൽ തിരഞ്ഞെടുപ്പ് നടക്കാനാണ് സാധ്യത. തിരഞ്ഞെടുപ്പിന് മുന്നോടിയായുള്ള ബൂത്ത് തല മുന്നൊരുക്കങ്ങൾ ചർച്ച ചെയ്യാൻ ചേർന്ന യോഗത്തിൽ അദ്ദേഹം അദ്ധ്യക്ഷത വഹിച്ചു. കർണാടക മുഖ്യമന്ത്രി ബസവരാജ് ബൊമ്മൈ, ആഭ്യന്തരമന്ത്രി അരഗ ജ്ഞാനേന്ദ്ര, ബിജെപി ജനറൽ സെക്രട്ടറിയും സംസ്ഥാന ചുമതലയുമുള്ള അരുൺ സിംഗ്, ബിജെപി ദേശീയ ജനറൽ സെക്രട്ടറി ബിഎൽ സന്തോഷ്, ദേശീയ സെക്രട്ടറി സി ടി രവി, മറ്റ് നേതാക്കൾ തുടങ്ങിയവരും യോഗത്തിൽ പങ്കെടുത്തു. മാണ്ഡ്യയിൽ ബിജെപിയുടെ സങ്കൽപ് യാത്രയ്ക്കിടെ അയോധ്യയിലെ രാമക്ഷേത്ര നിർമ്മാണം, കേദാർനാഥ്, ബദരീനാഥ്, കാശി വിശ്വനാഥ് ക്ഷേത്രങ്ങളുടെ വികസനം എന്നിവ ഉയർത്തിക്കാട്ടിയ അമിത് ഷാ ഇത്തവണ മാണ്ഡ്യയിലും മൈസൂരുവിലും താമര വിരിയുമെന്നും ബിജെപിക്ക് ഭൂരിപക്ഷം ലഭിക്കുമെന്നും പറഞ്ഞു. സംസ്ഥാനത്ത് കോൺഗ്രസ്…

വത്തിക്കാൻ: മുൻ പോപ്പ് ബെനഡിക്ട് പതിനാറാമൻ വത്തിക്കാനിലെ വസതിയിൽ അന്തരിച്ചു. 95 വയസായിരുന്നു. 1415-ൽ ഗ്രിഗറി പന്ത്രണ്ടാമന് ശേഷം സ്ഥാനമൊഴിയുന്ന ആദ്യത്തെ മാർപാപ്പയായി അദ്ദേഹം മാറി. ബെനഡിക്ട് തന്റെ അവസാന വർഷം ചെലവഴിച്ചത് വത്തിക്കാനിലെ മതേർ എക്ലീസിയ ആശ്രമത്തിലായിരുന്നു.

തിരുവനന്തപുരം: ദേശീയ യുവജനോത്സവത്തിൽ നിന്ന് ഭരതനാട്യം, കുച്ചിപ്പുടി, കഥക്, വീണ, പുല്ലാങ്കുഴൽ, ഗിത്താർ എന്നിവയുൾപ്പെടെ 18 ഇനങ്ങൾ വെട്ടിക്കുറച്ച് രണ്ടിനങ്ങളാക്കി. കേന്ദ്രത്തിന്‍റെ നിലപാടിനെതിരെ കേരളം പ്രതിഷേധമറിയിച്ചു. ദേശീയ യുവജനോത്സവത്തിൽ നിന്ന് ഒഴിവാക്കിയ മത്സര ഇനങ്ങൾ പുനസ്ഥാപിക്കണമെന്ന് ആവശ്യപ്പെട്ട് മന്ത്രി പി.എ. മുഹമ്മദ് റിയാസ് കേന്ദ്ര യുവജനകാര്യ വകുപ്പ് മന്ത്രി അനുരാഗ് സിംഗ് താക്കൂറിന് കത്ത് അയച്ചു. കേരളത്തിൽ പഞ്ചായത്ത് തലം മുതൽ സംസ്ഥാന തലം വരെയുള്ള കേരളോത്സവങ്ങൾ യുവജനക്ഷേമ ബോർഡിന്‍റെ നേതൃത്വത്തിൽ വിജയകരമായി നടക്കുന്നു. ദേശീയ തലത്തിൽ ഇങ്ങനെ നടക്കുന്ന മത്സരങ്ങളില്‍ നിന്നുള്ള വിജയികളെ പങ്കെടുപ്പിക്കുകയാണ് പതിവ്. എന്നാൽ, സംസ്ഥാനതല മത്സരങ്ങളിലെ വിജയികൾ ദേശീയ തലത്തിൽ മത്സരിക്കാൻ തയ്യാറെടുക്കുന്നതിനിടെയാണ് ഇത്തവണ കേന്ദ്ര സർക്കാർ ദേശീയ യുവജനോത്സവത്തിൽ നിന്ന് മത്സര ഇനങ്ങൾ വെട്ടിക്കുറച്ചത്. ഭരതനാട്യം, കുച്ചിപ്പുടി, കഥക്, മണിപ്പൂരി, ഒഡീസി, വായ്പ്പാട്ട് ഹിന്ദുസ്ഥാനി, കർണാടിക് സംഗീതം, വീണ, പുല്ലാങ്കുഴൽ, ഗിത്താർ, സിത്താർ, തബല, മൃദംഗം, ഹാർമോണിയം, നാടോടിപ്പാട്ട്, നാടോടി നൃത്തം, നാടകം, പ്രസംഗം…

പാലക്കാട്‌ : പുഴയിൽ കുളിക്കുന്നതിനിടെ ഒഴുക്കിൽപ്പെട്ട നാല് വയസ്സുകാരിയെ സാഹസികമായി രക്ഷപെടുത്തി യുവാവ്. കുറ്റാലം വെള്ളചാട്ടം സന്ദർശിക്കാനെത്തിയ തൂത്തുക്കുടി സ്വദേശി വിജയകുമാറിന്റെ മനോധൈര്യത്തിലൂടെയാണ് കുട്ടിയ്ക്ക് പുതുജീവൻ ലഭിച്ചത്. പാലക്കാട്‌ സ്വദേശിയായ നവനീത് കൃഷ്ണയുടെ മകൾ ഹരിണിയാണ് അപകടത്തിൽപ്പെട്ടത്. രണ്ട് കുട്ടികളുമായി കുറ്റാലത്തെത്തിയതായിരുന്നു നവനീതും കുടുംബവും. കുട്ടികൾക്കായുള്ള പ്രത്യേക ഇടത്ത് നിന്നും ഹരിണി കാൽവഴുതി താഴേക്ക് ഒഴുകി. പാറയിൽ പിടിച്ച് രക്ഷപെടാൻ ശ്രമിച്ചെങ്കിലും സാധിച്ചില്ല. ആളുകളുടെ ശബ്ദം കേട്ടെത്തിയ വിജയകുമാർ ഉടനെ തന്നെ പുഴയിലേക്കിറങ്ങി കുട്ടിയെ എടുത്തുയർത്തി. അടുത്തിടെ ഈ മേഖലയിൽ മഴ കനത്തിരുന്നതിനാൽ, പുഴയിൽ നല്ല ഒഴുക്കായിരുന്നു. മുഖത്തെ നിസാര പരിക്കുകളൊഴികെ കുട്ടിക്ക് മറ്റ് ബുദ്ധിമുട്ടുകളൊന്നുമില്ല.

തേഞ്ഞിപ്പലം: കാലിക്കറ്റ് സർവകലാശാലാ നിയമനങ്ങളിൽ മുന്നാക്ക വിഭാഗങ്ങളിലെ പിന്നാക്കക്കാർക്ക് 10% സംവരണം ഏർപ്പെടുത്താൻ സിൻഡിക്കേറ്റ് യോഗം തീരുമാനമെടുത്തു. സ്ഥിരം, കരാർ, ദിവസവേതന നിയമനങ്ങളിൽ ആണ് ഇത് നടപ്പാക്കുക. പെൻഷൻ ആനുകൂല്യങ്ങൾക്കായി സർവകലാശാലാ ജീവനക്കാരുടെ താൽക്കാലിക സർവീസ് കാലയളവ് പരിഗണിക്കാനും തീരുമാനമായി. സർവകലാശാലയിൽ ജോലി ആരംഭിക്കുന്നതിന് മുമ്പ് കേന്ദ്ര-സംസ്ഥാന സർക്കാരുകൾക്ക് കീഴിൽ താൽക്കാലികമായി ജോലി ചെയ്ത കാലയളവാണ് ഇതിനായി പരിഗണിക്കുക. വിരമിച്ചവരും വിരമിക്കുന്നവരുമായ നിരവധി ജീവനക്കാർക്കും അധ്യാപകർക്കും വൻ പെൻഷൻ വർദ്ധനവിന് ഈ തീരുമാനം കാരണമാകും. ആദ്യപടിയായി സ്റ്റുഡന്‍റ് ഡീനായി വിരമിച്ച ഡോ.വത്സരാജ് പുത്തൻ വീട്ടിലിന്റെ മാഹി ഗവ. കോളേജിലെ അഡ്ഹോക്ക് സർവീസ് പെൻഷൻ പരിഗണിക്കാൻ തീരുമാനിച്ചു. ഇതോടെ വിരമിച്ച പലർക്കും താൽക്കാലിക സർവീസ് കൂടി കണക്കിലെടുത്ത് പെൻഷൻ ആനുകൂല്യങ്ങൾ പുനഃക്രമീകരിക്കാൻ അവസരമുണ്ടാകും. ഇതാദ്യമായാണ് സംസ്ഥാനത്ത് ഒരു സർവകലാശാല വിരമിച്ചവർക്ക് ഇത്തരമൊരു സൗകര്യം ഒരുക്കുന്നത്.

തിരുവനന്തപുരം: സർക്കാർ ജീവനക്കാരുടെ ലീവ് സറണ്ടർ ആനുകൂല്യം മരവിപ്പിച്ചുകൊണ്ടുള്ള ഉത്തരവ് പിൻവലിച്ചു. ഇതോടെ ഡിസംബർ 31 വരെ ലീവ് സറണ്ടർ ചെയ്ത് പണം സ്വീകരിക്കുന്നതിനുള്ള വിലക്ക് അവസാനിച്ചു. ഏപ്രിൽ മാസത്തിൽ നടപ്പുസാമ്പത്തിക വർഷത്തെ അവധി സറണ്ടർ ചെയ്ത് പണം സ്വീകരിക്കാൻ ജീവനക്കാർക്ക് കഴിയും. സംസ്ഥാനത്തിന്‍റെ നിലവിലെ സാമ്പത്തിക സ്ഥിതി കണക്കിലെടുത്താണ് ഉത്തരവ് ഡിസംബർ 31 വരെ നീട്ടിയത്. നേരത്തെ കൊവിഡ് സാമ്പത്തിക പ്രതിസന്ധിയെ തുടർന്ന് ലീവ് സറണ്ടർ സംസ്ഥാന സർക്കാർ മരവിപ്പിച്ചിരുന്നു. മുൻ വർഷങ്ങളിലെ ലീവ് സറണ്ടർ തുക സർക്കാർ ജീവനക്കാരുടെയും പിഎഫിൽ ലയിപ്പിക്കും. 4 വർഷത്തിന് ശേഷം അവർക്ക് ഇത് പിഎഫിൽ നിന്ന് പിൻവലിക്കാൻ കഴിയും. ജീവനക്കാർക്ക് 1 വർഷത്തിൽ 30 അവധി ദിവസങ്ങൾ വരെ സറണ്ടർ ചെയ്യാം. ഇങ്ങനെ ചെയ്താൽ ജീവനക്കാർക്ക് അത്രയും ദിവസത്തെ വേതനം പണമായി ലഭിക്കും.