Author: News Desk

കൽക്കിയുടെ ചരിത്രനോവലിനെ ആസ്പദമാക്കി മണിരത്നം സംവിധാനം ചെയ്ത ‘പൊന്നിയിൻ സെൽവൻ’ മുന്നേറ്റം തുടരുന്നു. തമിഴ്നാട്ടിൽ ഏറ്റവും കൂടുതൽ കളക്ഷൻ നേടിയ ചിത്രമെന്ന റെക്കോർഡ് ചിത്രം സ്വന്തമാക്കി. 200 കോടി കടന്ന ചിത്രം കമൽ ഹാസൻ നായകനായി എത്തിയ ലോകേഷ് കനകരാജിന്‍റെ വിക്രമിന്‍റെ റെക്കോർഡാണ് മറികടന്നത്. ചിത്രത്തിന്‍റെ മൊത്തം വരുമാനം 435 കോടി കവിഞ്ഞു. ചിത്രം ഇപ്പോഴും തിയേറ്ററുകളിൽ പ്രദർശനം തുടരുകയാണ്. ആദ്യ ദിനം തന്നെ 25.86 കോടി രൂപയാണ് ചിത്രം തമിഴ്നാട്ടിൽ മാത്രം നേടിയത്. ഈ വർഷത്തെ മികച്ച ഓപ്പണിംഗ് ചിത്രങ്ങളുടെ പട്ടികയിൽ ‘പൊന്നിയിൻ സെൽവൻ’ മൂന്നാം സ്ഥാനത്താണ്. അജിത്തിന്‍റെ ‘വലിമൈ’ ആണ് ഒന്നാം സ്ഥാനത്ത്. വരുമാനം 36.17 കോടി രൂപയാണ്. രണ്ടാം സ്ഥാനത്തുള്ള ‘ബീസ്റ്റ്’ 26.40 കോടി രൂപ നേടി. ‘പൊന്നിയിൻ സെൽവൻ’ ‘വിക്രമി’നെ പിന്നിലാക്കി മൂന്നാം സ്ഥാനത്തെത്തി. 20.61 കോടി രൂപയാണ് വിക്രം ആദ്യ ദിനം നേടിയത്. ‘പൊന്നിയിൻ സെൽവൻ’ റിലീസിന് മുന്നോടിയായി അഡ്വാൻസ് ബുക്കിംഗിൽ നിന്ന് 17…

‘ചിയാൻ 61’ ന്‍റെ ചിത്രീകരണം ആന്ധ്രാപ്രദേശിലെ കടപ്പ ജില്ലയിൽ ആരംഭിച്ചു. പത്തൊൻപതാം നൂറ്റാണ്ടിൽ ബ്രിട്ടീഷ് കാലഘട്ടത്തിൽ കെജിഎഫിൽ നടന്ന ഒരു സംഭവത്തെ ആസ്പദമാക്കിയാണ് ചിത്രം ഒരുക്കിയിരിക്കുന്നത്. രശ്മിക മന്ദാനയെയാണ് ആദ്യം നായികയായി പരിഗണിച്ചിരുന്നത്. എന്നാൽ രശ്മികയുടെ ഡേറ്റ് ക്ലാഷ് കാരണം മാളവികയെ ഈ കഥാപാത്രത്തിലേക്ക് തിരഞ്ഞെടുക്കുകയായിരുന്നു. ചിത്രം വലിയ തോതിൽ നിർമ്മിക്കാൻ പദ്ധതിയിടുന്നുണ്ടെന്നും ത്രിഡിയിൽ ചിത്രീകരിക്കാൻ പദ്ധതിയുണ്ടെന്നും നിർമ്മാതാവ് ജ്ഞാനവേൽ രാജ നേരത്തെ പറഞ്ഞിരുന്നു. ബിഗ് ബഡ്ജറ്റിൽ നിർമ്മിക്കുന്ന ചിയാൻ 61 ഹിന്ദിയിലും ചിത്രീകരിക്കും. മദ്രാസ് എന്ന ചിത്രം സംവിധാനം ചെയ്യുന്നതിനിടെയാണ് പാ രഞ്ജിത്ത് വിക്രമിനോട് കഥ പറഞ്ഞത്. കബാലി, കാല എന്നീ രണ്ട് ചിത്രങ്ങൾ തുടർച്ചയായി വന്നതിനാൽ വിക്രമിനൊപ്പമുള്ള ചിത്രം വൈകി.

ലണ്ടൻ: എലിസബത്ത് രാജ്ഞിയുടെ മരണവാർത്ത ലോകമെമ്പാടുമുള്ള ആളുകൾ വളരെ സങ്കടത്തോടെയാണ് സ്വീകരിച്ചത്. രാജ്ഞിയെ അവസാനമായി ഒരു നോക്ക് കാണാൻ ആയിരക്കണക്കിനാളുകൾ ബ്രിട്ടനിലെ തെരുവുകളിൽ തടിച്ചുകൂടിയിരുന്നു. രാജ്ഞിക്ക് അന്തിമോപചാരം അർപ്പിക്കാൻ കഴിയാത്തവർ ബക്കിംഗ്ഹാം കൊട്ടാരത്തിന് പുറത്തും രാജ്യത്തെ പ്രധാന പാർക്കുകളിലും ഒത്തുകൂടിയിരുന്നു. ആ സമയത്ത് പൂക്കൾ, പാവകൾ, മെഴുകുതിരികൾ, രാജ്ഞിയുടെ ഛായാചിത്രങ്ങൾ എന്നിവയുൾപ്പെടെ രാജ്ഞിക്ക് സ്നേഹോപഹാരങ്ങളാണ് ആളുകൾ സമർപ്പിച്ചത്. കൊട്ടാരം അധികൃതർ അത്തരത്തിൽ ലഭിച്ച പാവകളെല്ലാം കുട്ടികളുടെ ചാരിറ്റിക്ക് സംഭാവന ചെയ്യുമെന്ന് പ്രഖ്യാപിച്ചു. എലിസബത്ത് രാജ്ഞിക്ക് ആദരാഞ്ജലികൾ അർപ്പിക്കുന്നതിനായി സമർപ്പിച്ച 1,000 ലധികം പാഡിംഗ്ടൺ കരടികളും മറ്റ് ടെഡ്ഡികളും കുട്ടികളുടെ ജീവകാരുണ്യ പ്രവർത്തനത്തിനായി സംഭാവന ചെയ്യുമെന്ന് ബക്കിംഗ്ഹാം കൊട്ടാരം ശനിയാഴ്ച പ്രഖ്യാപിച്ചിരുന്നു.  യുകെയിലെ ഏറ്റവും കൂടുതൽ കാലം ഭരിച്ച രാജ്ഞിയുടെ വിയോഗത്തെ തുടർന്ന് ദുഃഖിതരായ ബ്രിട്ടീഷ് ജനതയ്ക്ക് പൂക്കളും ടെഡി ബിയറുകളും ഉൾപ്പെടെ സ്നേഹ സമ്മാനങ്ങൾ നൽകാൻ അനുവാദം നൽകിയിരുന്നു. ബക്കിംഗ്ഹാം കൊട്ടാരത്തിന് പുറത്തും ലണ്ടനിലും വിൻഡ്സർ കാസിലിന് പുറത്തുള്ള റോയൽ പാർക്കുകളിലും…

ന്യൂഡല്‍ഹി: ഡൽഹി ഉപമുഖ്യമന്ത്രി മനീഷ് സിസോദിയയെ മദ്യക്കേസുമായി ബന്ധപ്പെട്ട് ചോദ്യം ചെയ്യലിനായി വിളിപ്പിച്ച് സിബിഐ. ചോദ്യം ചെയ്യലിനെതിരെ എഎപി പ്രവർത്തകർ പ്രതിഷേധിച്ചു. സിബിഐ ഓഫീസിന് പുറത്തായിരുന്നു ഇവരുടെ പ്രതിഷേധം. തുടർന്ന്, എഎപി എംപി സഞ്ജയ് സിംഗ് ഉൾപ്പെടെ പ്രതിഷേധത്തിൽ പങ്കെടുത്ത നിരവധി നേതാക്കളെയും പാർട്ടി പ്രവർത്തകരെയും ഡൽഹി പോലീസ് കസ്റ്റഡിയിലെടുത്തു. സി.ബി.ഐ. തന്നെ അറസ്റ്റ് ചെയ്യുമെന്നും ഗുജറാത്ത് തിരഞ്ഞെടുപ്പില്‍ പ്രചാരണത്തിന് പോകുന്നതില്‍നിന്ന് തടയാനുള്ള ബി.ജെ.പി. പദ്ധതിയാണിതെന്നും നേരത്തെ സിസോദിയ പറഞ്ഞിരുന്നു. തുറന്ന കാറിൽ റോഡ് ഷോ നടത്തിയാണ് സിസോദിയ ചോദ്യം ചെയ്യലിന് എത്തിയത്. പല സ്ഥലങ്ങളിലും വാഹനം നിർത്തി പ്രവർത്തകരെ അഭിസംബോധന ചെയ്യുകയും രാജ്ഘട്ടിലെ മഹാത്മാ ഗാന്ധി സ്മാരകത്തിലേക്ക് പോവുകയും ചെയ്തു. അതേസമയം സിസോദിയയുടെ റോഡ് ഷോയ്ക്കെതിരെ രൂക്ഷവിമർശനവുമായി ബിജെപി രംഗത്തെത്തി. അഴിമതിയിൽ ലോകകപ്പ് നേടുന്നത് പോലെയാണ് റോഡ് ഷോയെന്ന് ബി.ജെ.പി വിമർശിച്ചു.

കൊച്ചി: ഇലന്തൂർ നരഹത്യക്കേസിലെ പ്രതികളെ പരിശോധനയ്ക്കായി കളമശ്ശേരി മെഡിക്കൽ കോളേജ് ആശുപത്രിയിലേക്ക് കൊണ്ടുപോയി. രണ്ട് ദിവസത്തെ തെളിവെടുപ്പിന് ശേഷം ഇന്ന് രാവിലെയാണ് ചോദ്യം ചെയ്യലിനായി എറണാകുളം പൊലീസ് ക്ലബിലെത്തിച്ചത്. തുടർന്ന് മൂന്ന് പ്രതികളെയും പതിവ് പരിശോധനകൾക്കായി എറണാകുളം കളമശ്ശേരി മെഡിക്കൽ കോളേജിലേക്ക് കൊണ്ടുപോയി. പിന്നാലെയാണ് ഫൊറൻസിക് വിഭാഗത്തിൽ പ്രതികളെ വിശദമായ ശരീര പരിശോധനയ്ക്കായി എത്തിച്ചിരിക്കുന്നത്. മൂന്ന് പ്രതികൾക്കും മൂന്ന് ദിവസം കൂടുമ്പോൾ ആരോഗ്യ പരിശോധന നടത്തണമെന്ന കോടതി നിർദേശത്തിന്‍റെ പശ്ചാത്തലത്തിലാണ് മെഡിക്കൽ കോളജിൽ എത്തിച്ചത്. മുഖ്യപ്രതികളായ മുഹമ്മദ് ഷാഫി, ഭഗവൽ സിംഗ് എന്നിവരെ മാത്രമാണ് വാഹനത്തിൽ നിന്ന് ഇറക്കി ഫോറൻസിക് വിഭാഗത്തിലേക്ക് കൊണ്ടുപോയത്. പ്രതികൾ ലൈംഗിക വൈകൃതത്തിന് അടിമകളായതിനാൽ ഇക്കാര്യത്തിൽ പൊലീസിന് തെളിവുകൾ ശേഖരിക്കേണ്ടതുണ്ട്. ശാരീരിക പരിശോധന പൂർത്തിയായാൽ മൂവരെയും പൊലീസ് ക്ലബിലേക്ക് കൊണ്ടുപോകും. കൂടുതൽ വിവരശേഖരണത്തിനായി ചോദ്യം ചെയ്യൽ തുടരും. എന്നാൽ പ്രതികൾ, പ്രത്യേകിച്ച് മുഹമ്മദ് ഷാഫി ചോദ്യം ചെയ്യലുമായി സഹകരിക്കാത്തത് പൊലീസിനെ സമ്മർദ്ദത്തിലാക്കുന്നുണ്ട്. 24ന് പ്രതികളെ കോടതിയിൽ തിരികെ…

ഡൽഹി : രാജ്യത്ത് ഉള്ളി വില കുതിച്ചുയരുന്നു. ഉള്ളിയുടെ ലഭ്യത കുറഞ്ഞതാണ് വില ഉയരാൻ കാരണം. റിപ്പോർട്ട് പ്രകാരം കഴിഞ്ഞ ഒരാഴ്ചയ്ക്കിടെ വിലയിൽ 60 മുതൽ 80 ശതമാനം വരെ വർധനവുണ്ടായി. നവംബർ ആദ്യ വാരത്തോടെ പുതിയ വിളകൾ വിപണിയിലെത്തുന്നതുവരെ വില തുടരാൻ സാധ്യതയുണ്ട്. രാജ്യത്ത് ഉള്ളിയുടെ ചില്ലറ വിൽപ്പന വില കിലോയ്ക്ക് 40 രൂപ കടന്നു. ഒക്ടോബർ ആദ്യം ചില്ലറ വിപണിയിൽ ഉള്ളി കിലോയ്ക്ക് 15 മുതൽ 25 രൂപ വരെയായിരുന്നു. വരും ദിവസങ്ങളിൽ ഉള്ളി വില 50 രൂപ കടക്കുമെന്നാണ് വ്യാപാരികൾ പറയുന്നത്. 

തിരുവനന്തപുരം: എൻഡോസൾഫാൻ ദുരിതബാധിതരുടെ ദുരിതം പരിഹരിക്കണമെന്നാവശ്യപ്പെട്ട് സമരം ചെയ്യുന്ന ദയാബായിക്ക് സർക്കാർ രേഖാമൂലം ഉറപ്പ് നൽകി. ഇന്നലെ സമര സംഘാടകരുടെ പ്രതിനിധികളുമായി നടത്തിയ കൂടിക്കാഴ്ചയിൽ രണ്ട് മന്ത്രിമാരും കൈക്കൊണ്ട തീരുമാനങ്ങൾ രേഖാമൂലം ദയാബായിക്ക് കൈമാറി. ഉന്നയിച്ച ആവശ്യങ്ങളിൽ വ്യക്തമായ തീരുമാനം എടുക്കാതെ സമരം അവസാനിപ്പിക്കാനാകില്ലെന്ന നിലപാടാണ് ദയാബായി ഇന്നലെ സ്വീകരിച്ചത്. മുഖ്യമന്ത്രിയുടെ നിർദേശപ്രകാരം മന്ത്രിമാരായ വീണ ജോർജും ആർ ബിന്ദുവും ഇന്നലെ സമരക്കാരുമായി ചർച്ച നടത്തി. എൺപത് വയസ്സിലധികം പ്രായമുള്ള ദയാബായി സെക്രട്ടേറിയറ്റിന് മുന്നിലെ നടപ്പാതയിൽ നടത്തിവരുന്ന സമരം 15-ാം ദിവസത്തിലേക്ക് കടന്നതിന് പിന്നാലെയാണ് സർക്കാർ ഇടപെടൽ.

ഇസ്ലാമാബാദ്: മുൻ പ്രധാനമന്ത്രി ഇമ്രാൻ ഖാന്‍റെ പാർട്ടിയായ പാകിസ്ഥാൻ തെഹ്‌രീകെ ഇൻസാഫ് (പിടിഐ) ഉപതിരഞ്ഞെടുപ്പിൽ വൻ വിജയം നേടി. ആറ് ദേശീയ അസംബ്ലി സീറ്റുകളും രണ്ട് പഞ്ചാബ് നിയമസഭാ സീറ്റുകളും പിടിഐ നേടിയപ്പോൾ ഭരണകക്ഷിയായ പാകിസ്ഥാൻ മുസ്ലിം ലീഗ്-നവാസ് (പിഎംഎൽ-എൻ) ഒരു പ്രവിശ്യാ അസംബ്ലി സീറ്റിൽ മാത്രമാണ് വിജയിച്ചത്. എട്ട് ദേശീയ അസംബ്ലി സീറ്റുകളിലേക്കാണ് തിരഞ്ഞെടുപ്പ് നടന്നത്. പിടിഐ ഏഴ് ദേശീയ അസംബ്ലി സീറ്റുകളിൽ മത്സരിച്ചു. പെഷവാർ, പ്രവിശ്യാ നിയമസഭാ സീറ്റുകളായ മർദാൻ, കഹ്‌നെവാൾ ഉൾപ്പെടെ ആറ് സീറ്റുകളിലും വിജയിക്കാൻ പി.ടി.ഐക്ക് സാധിച്ചു. എന്നാൽ മുൾട്ടാനിലെ നിർണായക സീറ്റിൽ വിജയിക്കാൻ പിടിഐക്ക് കഴിഞ്ഞില്ല.  മുൻ പാകിസ്ഥാൻ പ്രധാനമന്ത്രി യൂസഫ് റാസ ഗിലാനിയുടെ മകൻ സയ്യിദ് അലി മൂസ ഗിലാനി മുൾട്ടാൻ മണ്ഡലത്തിൽ വിജയിച്ചു. മുൻ വിദേശകാര്യമന്ത്രി ഷാ മോഷ്മോദ് ഖുറേഷിയുടെ മകൾ മെഹർ ബാനോ ഖുറേഷിയെയാണ് അലി മൂസ ഗീലാനി പരാജയപ്പെടുത്തിയത്. പാകിസ്ഥാനിലെ ഭരണകക്ഷിയായ പാകിസ്ഥാൻ മുസ്ലിം ലീഗ്-നവാസിന് (പിഎംഎൽ-എൻ) വിജയിക്കാൻ…

മുസ്ലിം പെൺകുട്ടികളുടെ വിവാഹപ്രായം 16 വയസ്സാക്കിയ പഞ്ചാബ് ഹരിയാന ഹൈക്കോടതിയുടെ വിധിക്കെതിരായ ഹർജിയിൽ സുപ്രീംകോടതി നോട്ടീസ് അയച്ചു.വിധി വിശദമായി പരിശോധിക്കുമെന്ന് ജഡ്ജിമാരായ സഞ്ജയ് കിഷൻ കൗൾ,ബേല എം ത്രിവേദി എന്നിവർ അറിയിച്ചു. ദേശീയ ബാലാവകാശ കമ്മീഷനാണ് ഹൈക്കോടതി വിധിക്കെതിരെ സുപ്രീംകോടതിയെ സമീപിച്ചിരിക്കുന്നത്. ശൈശവ വിവാഹനിരോധനത്തെയും പോക്സോ നിയമത്തെയും ബാധിക്കുന്നതിന്റെ പശ്ചാത്തലത്തിൽ ഇത് ഗുരുതരമായ പ്രശ്നമാണെന്ന്, കമ്മീഷന് വേണ്ടി ഹാജരായ സോളിസീറ്റർ ജനറൽ തുഷാർ മേത്ത സുപ്രീംകോടതിയെ അറിയിച്ചു. ഹൈക്കോടതി വിധിയിൽ വിവാഹപ്രായത്തെ സംബന്ധിച്ച് പറയുന്ന ഖണ്ഡിക റദ്ദാക്കണമെന്ന് ആവശ്യപ്പെട്ടാണ് ബാലവകാശ കമ്മീഷൻ സുപ്രീംകോടതിയെ സമീപിച്ചത്. 16 വയസ്സിന് മുകളിൽ പ്രായമുള്ള മുസ്ലിം പെൺകുട്ടികൾക്ക് ഇഷ്ടമുള്ള ആരെ വേണമെങ്കിലും വിവാഹം കഴിക്കാൻ അവകാശമുണ്ടെന്നതായിരുന്നു പഞ്ചാബ് ഹരിയാന ഹൈക്കോടതിയുടെ വിധി. ഹർജി നവംബർ 7 വീണ്ടും പരിഗണിക്കും എന്ന് കോടതി അറിയിച്ചു. മുതിർന്ന അഭിഭാഷകൻ ആർ രാജശേഖർ റാവുവിനെ സുപ്രീം കോടതി അമികസ് ക്യുറിയായി നിയമിച്ചിട്ടുണ്ട്.

ഡൽഹി: തിരുവനന്തപുരം വിമാനത്താവളം സ്വകാര്യവത്കരിക്കുന്നതിനെതിരെ സംസ്ഥാന സർക്കാരും ട്രേഡ് യൂണിയനുകളും സമർപ്പിച്ച ഹർജികൾ സുപ്രീം കോടതി തള്ളി. വിമാനത്താവള നടത്തിപ്പ് അദാനിക്ക് തുടരാമെന്ന് കോടതി വ്യക്തമാക്കി. വിമാനത്താവളത്തിന്‍റെ ഭൂമിയുടെ ഉടമസ്ഥാവകാശത്തെച്ചൊല്ലിയുള്ള തർക്കം തൽക്കാലം തീർപ്പാക്കുന്നില്ലെന്നും കോടതി പറഞ്ഞു. തിരുവനന്തപുരം വിമാനത്താവളത്തിന്‍റെ നടത്തിപ്പ് അദാനി ഗ്രൂപ്പിന് കൈമാറിയത് ചോദ്യം ചെയ്ത് സർക്കാർ നൽകിയ ഹർജി ഹൈക്കോടതി തള്ളിയിരുന്നു. ഭൂമി ഏറ്റെടുക്കൽ ഉൾപ്പെടെയുള്ള നടപടിക്രമങ്ങൾ സർക്കാർ പൂർത്തിയാക്കിയതിനാൽ കേരളത്തിന് പരിഗണന വേണമെന്ന വാദം അംഗീകരിക്കാനാവില്ലെന്ന് കോടതി വ്യക്തമാക്കി. ടെൻഡർ പ്രക്രിയയുമായി സഹകരിച്ച ശേഷം പിന്നീട് അത് തെറ്റാണെന്ന് പറയുന്നതും നീതീകരിക്കാനാവില്ല. ഒരു വിമാനത്താവളത്തിന്‍റെ ലാഭം മറ്റൊരു വിമാനത്താവളത്തിനായി ഉപയോഗിക്കാൻ കഴിയില്ലെന്നത് ശരിയല്ലെന്നും കോടതി നിരീക്ഷിച്ചു.