ഇന്ന് ഇന്ത്യ ഓസ്ട്രേലിയ ഫൈനൽ ട്വന്റി20

ഹൈദരാബാദ്: നാഗ്പൂർ ടി20യിൽ 6 വിക്കറ്റിന്‍റെ വിജയത്തോടെ ടീം ഇന്ത്യ പരമ്പരയിൽ തിരിച്ചെത്തിയെങ്കിലും ബൗളിംഗിലെ തലവേദനകൾ ശമനമില്ലാതെ തുടരുന്നു. മൊഹാലിയിൽ ഇന്ത്യയെ തോൽവിയിലേക്ക് നയിച്ച ബൗളർമാർ നാഗ്പൂരിലും നിരാശപ്പെടുത്തിയിരുന്നു. ഇന്ത്യ – ഓസ്ട്രേലിയ പരമ്പരയിലെ ‘ഫൈനൽ’ ആയ മൂന്നാം ടി20 ഇന്ന് ഹൈദരാബാദിൽ നടക്കുമ്പോൾ ബൗളർമാരുടെ പ്രകടനം ഇന്ത്യയ്ക്ക് നിർണായകമാകും. രാത്രി 7 മണിക്കാണ് മത്സരം ആരംഭിക്കുന്നത്.