മനാമ: ബഹ്റൈൻ സി.എസ്.ഐ ദക്ഷിണ കേരള മഹായിടവകയുടെ 9-ാമത് സഭാദിന വാർഷികാഘോഷം 2022 ഏപ്രിൽ 28 വ്യാഴാഴ്ച വൈകുന്നേരം 7.30 മുതൽ വിവിധ പരിപാടികളോടെ സെഗയ കെ. സി.എ. ഹാളിൽ വച്ച് ആഘോഷിച്ചു. സഭാ വികാരി റവ. ഷാബു ലോറൻസ് അധ്യക്ഷത വഹിച്ച പൊതുസമ്മേളനത്തിൽ കെ.സി.ഇ.സി. (ബഹ്റൈൻ) യുടെ പ്രസിഡന്റും ബഹ്റൈൻ മലയാളി സി.എസ്.ഐ പാരിഷ് വികാരിയുമായ റവ. ദിലീപ് ഡേവിഡ്സൺ മാർക്ക് മുഖ്യ സന്ദേശം നൽകുകയും വിവിധ പരീക്ഷകളിൽ ഉന്നത വിജയം കരസ്ഥമാക്കിയവർ, കെ.സി.ഇ. സിയുടെ വിവിധ പ്രോഗ്രാമുകളിൽ വിജയം നേടിയവർ, ദർപ്പണം ബൈബിൾ ക്വിസ് വിജയികൾ, സണ്ടേസ്കൂൾ പരീക്ഷാ വിജയികൾ എന്നിവരെ അനുമോദിക്കുകയും സമ്മാനങ്ങൾ വിതരണം ചെയ്യുകയും ചെയ്തു.
തുടർന്ന് കുഞ്ഞുങ്ങളുടെ വിവിധ കലാപരിപാടികൾ കോർത്തിണക്കിയ ” ടാലന്റ് നൈറ്റും “, ഗായക സംഘത്തിന്റെ പ്രത്യേക ഗാനാലാപനവും ഉണ്ടായിരിക്കുന്നു. 30 ന് വൈകുന്നേരം 7.30 മുതൽ സഭാദിന സ്തോത്ര ആരാധന സെന്റ്. ക്രിസ്റ്റഫർ കത്തീഡ്രലിൽ നടന്നു. വികാരി റവ.ഫാ. ഷാബു ലോറൻസ് മുഖ്യ കാർമ്മികത്വം വഹിച്ചു. സ്നാനവും, സ്ഥിരീകരണവും, തിരുവത്താഴവും നടത്തപ്പെട്ടതായി സെക്രട്ടറി സി.വിജയൻ, അക്കൗണ്ടന്റ് ഷിബു കുമാർ എന്നിവർ അറിയിച്ചു.
