മനാമ: ബഹ്റൈനിൽ 2289 പേർക്ക് കൂടി പുതുതായി കോവിഡ്-19 സ്ഥിരീകരിച്ചു. ജനുവരി 12ന് 24 മണിക്കൂറിനിടെ 26,111 പേരിൽ നടത്തിയ പരിശോധനകളിൽ നിന്നാണ് ഇത്രയും പേർക്ക് കൂടി രോഗം സ്ഥിരീകരിച്ചത്. ഇതോടെ നിലവിലെ രാജ്യത്തെ കോവിഡ് ബാധിതരുടെ എണ്ണം 15,121 ആയി. രാജ്യത്ത് ഗുരുതരാവസ്‌ഥയിൽ കഴിയുന്നത് 2 പേരാണ്.
അതേസമയം 658 പേർ കൂടി രോഗമുക്തി നേടിയതോടെ ആകെ രോഗമുക്തരായവരുടെ എണ്ണം 282,024 ആയി ഉയർന്നു. ഇന്നലെ മരണങ്ങളൊന്നും രേഖപ്പെടുത്തിയില്ല. രാജ്യത്തെ ആകെ കോവിഡ് മരണ സംഖ്യ 1397 ആയി തുടരുകയാണ്. 8,308,417 പരിശോധനകളാണ് ഇതുവരെ രാജ്യത്ത് നടത്തിയിട്ടുള്ളത്.
പ്രതിരോധ പ്രവർത്തനങ്ങൾ ശക്തമായി പുരോഗമിക്കുന്നതിനൊപ്പം കൂടുതൽ പേരിലേക്ക് പരിശോധനകൾ വ്യാപിപ്പിക്കുന്നതും വാക്സിനേഷനും തുടരുകയാണ്. 1,208,688 പേർ ഇതുവരെ ഓരോ ഡോസും 1,185,685 പേർ രണ്ട് ഡോസും 896,388 പേർ ബൂസ്റ്റർ ഡോസും വാക്സിൻ സ്വീകരിച്ചിട്ടുണ്ട്.
