ലോകകപ്പ് ഫുട്‌ബോള്‍ യോഗ്യതാ മത്സരം: ബഹ്‌റൈന് തോല്‍വി

മനാമ: റിഫയിലെ ബഹ്‌റൈന്‍ നാഷണല്‍ സ്റ്റേഡിയത്തില്‍ നടന്ന 2006 ലോകകപ്പ് ഫുട്‌ബോള്‍ യോഗ്യതാ മത്സരത്തില്‍ ബഹ്‌റൈന്‍ സൗദി അറേബ്യയോട് (2-0) പരാജയപ്പെട്ടു.
ഇതോടെ ബഹ്‌റൈന്റെ ലോകകപ്പ് പ്രതീക്ഷകള്‍ക്ക് വിരാമമായി. 16ാം മിനിറ്റില്‍ സൗദി അറേബ്യയുടെ മുസാബ് അല്‍ ജുവൈര്‍ ആദ്യ ഗോളടിച്ചു. പകരക്കാരനായി ഇറങ്ങിയ അബ്ദുറഹ്‌മാന്‍ അലോബുദ് 78ാം മിനിറ്റില്‍ രണ്ടാം ഗോളും നേടി.
ഇതോടെ ബഹ്‌റൈന്‍ ആറു പോയിന്റുമായി ഗ്രൂപ്പ് സിയില്‍ ഏറ്റവും താഴെ സ്ഥാനത്തുള്ള ചൈനയ്‌ക്കൊപ്പമെത്തി.